نرحب بالزميلة سناء خليل الصباغ ،،، من نواحي أبو روف الكائنة جوار نيل أمدرمان
طبيبة بيطرية ،،، تخرجت من جامعة الزقازيق ،، تقيم الآن في أسكتلندا تعرفها كل المنابر الطلابية في مصر ثمانينات القرن الماضي ،،، القاهرة الكبري والمنصورة وطنطا واسكندرية وكل مدينة بها طلاب سودانيين كادر خطابي للجبهة الديمقراطية ،،، مصادمة لا تخاف قول كلمة الحق كادر نقابي في اتحاد الطلاب السودانيين دورة التجمع الأولي ناشطة في الجالية السودانية بجلاسكو إضافة حقيقية للمنبر فمرحباً بها
يا تراجي والله بتبالغي صحي الكبر حصل ،،، سناء كانت في الزقازيق في النصف الأول من الثمانينات بعدين ما في داعي للصورة لانها حلبية ،،، عشان ما تصنف جلابية من البداية حا حاول افتش الأرشيف لو لقيت صورة بجيبها وبجيك شكراً علي ترحيبك أم حازم
مرحب والف مرحب يا زهير وحباب الاخت الغالية سناء الصباغ.. وهذا الاسم المفعم بالحيوية والنشاط في اياماتكم في مصر قد سمعت عنه منذ الالاف السنين في تسريبات صحبك صلاح الامين عن سيرة الذين عطروا الساحة الطلابية في الزقازيق ومصر عموما بسيرة العطاء والجهد الفكري والنضالي..
الأعزاء زهير الزناتي مجدي أحمد الشيخ تراجي مصطفى أميرة الشيخ فتحي الصديق اسماعيل الصديق كيكي كمبورة طارق جبريل لكم كل الشكر والتقدير على الحفاوة والترحيب. تأخري في الرد يعود للبرلمة من جانب والتهميش من جانب آخر حيث أنتظر دوري في استخدام الكومبيوتر بعد أن يفرغ جميع من بالبيت منه,وهذا ينفي عني اي تهمة بالجلبنة اتمنى ان اساهم معكم بما فيه فائدة لنا وللبلدز ودمتم
Post: #38 Title: Re: مرحب بالزميلة سناء الصباغ Author: mohmmed said ahmed Date: 06-12-2008, 05:04 AM Parent: #37
الف مرحب سناء
Post: #39 Title: Re: مرحب بالزميلة سناء الصباغ Author: mohmmed said ahmed Date: 06-12-2008, 05:04 AM Parent: #37
الف مرحب سناء
Post: #40 Title: Re: مرحب بالزميلة سناء الصباغ Author: mohmmed said ahmed Date: 06-12-2008, 05:04 AM Parent: #37
الف مرحب سناء
Post: #41 Title: Re: مرحب بالزميلة سناء الصباغ Author: أبو ساندرا Date: 06-12-2008, 06:06 AM Parent: #36
Quote: نزلي لينا صورة عشان نتذكرك.
شكلك كده يا تراجي عايزة تستعيدي زمن إقتراحاتك النيرة أثني طلبك ، لشيء في نفس بركات أصلو انا سامع بيها منذ الأزل في جلسة وردت فيها سيرة الجبهة الديمقراطية لو كنا قاعدين في القاهرة بصحبة كمال قسم الله وشلته أو في الخرطوم برفقة الأحباء الراحلين علي فضل وعمر البوصيري أو في الدوحة مع عاطف مكاوي والهادي هباني ومدحت الجزلي وهذا حلبي برضو كانت سيرتها بتأتي مقرونة مع سيرة ج.د وكذلك مقرونة بالحب والإحترام أما بشأن ماكتبته هدى عبدالمنعم
Quote: ارحـب معـك و بشـدة بالحبيبـة بنت الاصـول د. سنـاء
ف أرجو يا تراجي أن لاتعملي أي شوشرة أو خرمجة في الموضوع ده بعدين راعي أن هدى عبدالمنعم برلومة ومابتكون تابعت غضبتك الكبرى بشأن بنات الأصول
يا سناء مرحب بيك جدآ ويا تراجي أنا مشتاق ليك وتمسكي بطلبك حول الصورة قلتي ليها { عشان نتذكرك } ده حنكك يا تراجي يا ام حنك سنين
غايتو يا تراجي الواحد صار ملاوز تقومي يوم تلمي فيه تحنكيه وتمحنيه { وش زول رايق وفاضي }
Post: #42 Title: Re: مرحب بالزميلة سناء الصباغ Author: حمد عبد الغفار عمر Date: 06-12-2008, 07:00 AM Parent: #41
بجد بجد شوق مطر سناء والذاكرة الفولاذية سناء المراة الحديدية سناء الزميلة والصديقة العزيزة سناء جميلة الروح سناء الساخرة سناء القوية كقوة ذاكرتها سناء الحضور البهي اينما حلت سناء الانسان الواعي العارف المتمكن من اشياءه اراءه مواقفه لا تتررد ابدا جريئة قوية صادقة حليمة كريمة وكل الصفات الانسانية الطيبة تكاملت لديك سناء شخص تجده عند الملمات
سناء حبيبتي وروحي افتقدك كثيرا
ياخي غلبني بجد لكن ، لكم انا سعيدة بحضورك ولكم نحن فرحون بك اضافة حقيقية للنبر
قلت لي بقيتي مهمشة في بيتك
تحياتي لناظم وزينب واكيد ناظم المهمشك ولا الجماعة جوا من دبي
تحياتي للجميع وفي انتظارك يا حبيبة
صفية
Post: #44 Title: Re: مرحب بالزميلة سناء الصباغ Author: عبد الدائم سيد أحمد Date: 06-12-2008, 08:41 AM Parent: #1
الف اهلا" يا سناء علم من اعلام الزقازيق اضافية حقيقية للمنبر
ودى عشان خاطر تراجى وابو ساندرا ( بركوتة )
طبعا يا ابو ساندرا سناء فى الصف الخلفى ، اول وحدة يمين
Post: #45 Title: Re: مرحب بالزميلة سناء الصباغ Author: Adil Osman Date: 06-12-2008, 09:03 AM Parent: #1
مرحب بالاخت سناء الصباغ. لا شك انها ستكون اضافة جميلة لهذا المنبر.
Post: #46 Title: Re مرحب بالزميلة سناء الصباغ Author: سناء الصباغ Date: 06-12-2008, 09:23 AM Parent: #1
أحبائي شاذلي الذي يشبه نيل بلادي مثله أسمر ومثله شامخ (لكنه ليس ملولو). المعز ابو نورا (تسمع بي كيف ونحن اتقابلنا أكثر من مرة دحين انت ما معز الجمري قريب ياسر شبيكة, الله يكفيك شر الزهايمر). د. صدقي كبلو استاذن الجليل. حيدر حسن ميرغني الزقازيقي الأصيل. قريبتي الرقيقة كما النسيم هدى عبد الهادي التي ذكرتني برائحة البحر (النيل في منطقة ابي روف والذي كان يمنعنا أهلنا النزول اليه خوفا لكن عندما تأتي ي هدى وأخواتها نجد المبرر بأننا ذهبنا عشان بنات عبد الهادي وكان هذا سببا قويا لنفلت من العقاب فاللمرحوم عبد الهادي وبناته معزة خاصة جدا لدى اهلي . صديقي اللدود السهيلي حمد(شيئ ما يربطني بناس مدني وأكاد أقول بأن كل من قابلتهم من أهل مدني ودودون وطيبون) والله دي ما جهوية. الصديق محمد سيد أحمد الثقف النحاز دائما للانسان والاستنارة. أبو ساندرا يا أبو الكل والله كل ما أشوف اسمك بفرح ساكت كدا لله فالله(ياربي نكون أخوان في شنو ؟) العزيز أحمد عبد الغفار الكتورة صفية مساعد والله خجلتيني وفضلت أقول معقول كل الكلام دا فيني ياربي أنا وهبة ولا ما وهبة وهذه قصة يرويها أهلنا بأن هناك شخص كان يعيش في راكوبة على شاطئ ابي روف وقد كان مخلا فجاء أحد الأشقياء يحمل علبة بوهية وكان وهبة مستغرقا في النوم فقام بطلائه بتلك البوهية وعندما استيقظ وهبة ووجد اللون الغريب في جسمه أخذ يتساءل يا ربي أنا وهبة ولا ما وهبة ووجد أن احسن طريقة للتأكد هي أن يطرق باب بيت جدي المقابل للنيل ويسألهم : الليلة وهبة جاكم؟ لكن حاحاول أتأكد بطريقة أخرى غير وهبية لكم مني كل الحب والتقدير
Post: #47 Title: Re: مرحب بالزميلة سناء الصباغ Author: د.محمد حسن Date: 06-12-2008, 09:31 AM Parent: #1
Post: #48 Title: Re: مرحب بالزميلة سناء الصباغ Author: أبو ساندرا Date: 06-12-2008, 09:59 AM Parent: #1
Quote: طبعا يا ابو ساندرا سناء فى الصف الخلفى ، اول وحدة يمين
معقولة يا عبدالدائم ؟ غايتو إلا أصير بركوتة اليمامة حتى أراها
لكن مافي مشكلة انا شايفها بقلبي ده
Post: #49 Title: Re: مرحب بالزميلة سناء الصباغ Author: أبو ساندرا Date: 06-12-2008, 10:26 AM Parent: #1
كتب أبو ساندرا
Quote: انا شايفها بقلبي ده
وكمان شفتها بعيون وفي عيون ناس كتار زاملوها وعرفوها وجايلوها وحكوا لنا عنها ما يشرف ويجعلنا نحترمها ، بل ونحبها ويارب نلقاها ونعرفها ببناتنا بإعتبارها رمز نضالي ليتعلمن منها
تخية زورقية عشان ناس أمدرمان العلى النيل وسلام مربع من الدوحة عشان المغتربين وكدة . أنا متأكد أنه اسكوتلندا كلها دلوقتى شغالة " كيفك يا فردة وازيكم يا أولاد أمى "
سناء الصباغ منتظرين منك حكايات من نوع أبو كديس .
عندى صورة ليك مع بعض الزميلات من الزقازيق وهى صورة تحوى شخصيات عزيزة كان لها دور ووزن فى مصر الثمانينات . لو قلتى نذيع حنذيع ولو قلتى لأ خلاص .
تحياتى للجميع والله يبارك فيك يا زهير يا زناتى يا برلوم الهنا
Post: #51 Title: Re: مرحب بالزميلة سناء الصباغ Author: سامي عبد الوهاب إدريس Date: 06-12-2008, 10:48 AM Parent: #1
حباب سناء الصباغ وحباب كل ناس الزقازيق الجدعان
ومؤكد هي إضافة حقيقية لهذا المنبر
شكرا زناتي..
وأكييييييييييييد منتظرين سناء بهنااااااااااااااااك عند أجدع ناس
Post: #52 Title: Re: مرحب بالزميلة سناء الصباغ Author: salah elamin Date: 06-12-2008, 11:24 AM Parent: #51
صديقتي سناء الصباغ ام ايناس وام ناظم وام زينب هى من القلائل اللي بحس بأمان حقيقي وانا بتونس معاهم في هدا الزمن البشع
وسناء الدكتورة البيطرية والحائزة على ماجسستير في المايكروبايولوجي من كلية الطب جامعة الخرطوم يعني سناء طبيبة بيطرية وبشرية كما هي ام و مناضلة من الزمن الجميل من سناء تعلمنا ان نقول لا في وجه من قالوا نعم ومن سناء لاول مرة تعلمنا ان نناضل بدون خوف .
فسناء تخيط الملابس و تصنع الطعام لاطفالها وتعدهم للمدرسة والحياة وفي نفس الوقت تقرأ
يالله يالله يالله يالله يالله د. ثناء الصباغ بيننا ياله من صباحاُ جميل شكراُ ليك يازهير يا جميل علي الاستضافة الجميلة دي لقد نشطت ذاكرتي بالايام الجميلة التي قضيتها مع الدكتورة وزوجها الرائع زميلي عمر مجذوب مرحب بيك يادكتور بين اهلك وناسك والمنبر نور والله تحياتي لعمر والصغار
شكرا يا زهير على الأخبار الحلوة .. الف مرحب بالأخت سناء الصباغ ابنة حينا التي انجبها رحم ابي روف المعطاء .. مرحبا بك يا رفيقتنا في الهم والوطن والإنسانية .. اتمنى ان يطيب لك المقام بيننا وقطعا ستكونين ـ كعهدنا بك ـ إضافة متميزة وقلم واع ورأي واضح .. التحايا لك و عبرك للأخت هناء الصباغ ولكل الأهل بأبي روف الجميلة ..
Post: #58 Title: Re مرحبا سناء الصباغ Author: سناء الصباغ Date: 06-13-2008, 01:03 AM Parent: #1
الأعزاء د.محمد حسن ( ياحليل أيام بيطري أم درمان والاستراحة ود.محمد عباس والبيبسي البارد كلما فاز المريخ في مباراة ) أبو الشبك يافردة( ياخي مالكم انت وطارق جبريل مشوهين سمعتي الحالة أنا جاية سودانيز ومركبة لي مكنة وقار يعني شخصية جادة طبعا بعض الحاقدين وقار دي حيقروها دفار) سامي عبد الوهاب وعبد الدائم طبعا أنا ناس الزقازيق ديل بفرح بسيرتهم وبفخر بمعرفتهم يعني لما أشوف أي زول مبسوط بقول بالله شوف دا فرحان كدا تقول اصحابه ناس الزقازيق. صلاح الأمين ود أمي حتى بعد المكنة الجديدة نقابي عجوز أه لو أعرف اسمك الحقيقي. د.حسن الجزولي الأديب والجار القريب الصاوي يا صديقي وابن استاذتي التي تركت بصماتها بوجداني. منى خوجلي أم آية بنتنا أعجز عن شكركم لهذه الكلمات الجميلة بحقي وأتمنى أن أكون عند حسن ظنكم
Post: #59 Title: Re: مرحب بالزميلة سناء الصباغ Author: Nasr Date: 06-13-2008, 01:31 AM Parent: #1
مرحب بسناء الصباغ أنا سامع بيك يللا ورينا مساهماتك
مرحبا بالزميلة سناء الصباغ، جئنا الزقازيق و وجدنا أثارك راسخه في ذكريات الزملاء و الأصدقاء، روايات و مواقف.. شكرا يا زهير و بالله شوف لينا طريقة لـ (الحاج) صلاح علي صالح.
قابلتك و معك الصديقة حنان الخطيب لاول مرة في احدي فعاليات الجبهة الديمقراطة ودار حديث بيننا عن الوطن و نوال السعداوي. بجانب بيوت الاصدقاء في ج.د كنت ازور بيوت هدي مكي و عشةكروم, فاتن فضل,اشراقه شبيكه,و ناهد عوض. حضر الي امير خليل في احدي الايام و اخبرني ان الزميلات الصغيرات لهن ملاحظة عن تجاهلى لزيارتهن. امير خليل ودحي الامراء هذا ياسناء صديق طفولة. اخيرا قمت بزيارة فارسات ج.د الواعدات سناءحنان,بت عبدالسلام الخضر و كانت بداية المعرفة بيننا. تحياتي
ما شاء الله زى ما بيقول الزعيم قسم الله الحكاية شعللت
يا زهير يا زناتى أنا وبكل تأكيد بأسحب منك كلمة برلوم ، لأنك وبمهارة تحسد عليها نجحت فى تجميع بعض الأطراف الاتفارقت من سنين طويلة فى البوست بتاع سناء .
سناء يافردة المكنة الجديدة مبروكة وشكله كده التسليك حيشوبه بعض العقبات ويرجع ذلك لوجود بعض العقبات اللوجستية بوجودنا وآخرين لن ينسوا لك ذلك الجو المرح والعفوية التى كانت تسهل لنا تذليل كل العقبات التى كانت تواجهننا (موضوع أنبوبة الغاز وغيره يا فردة) .
هدى عبدالمنعم لك سلامى ولاسماعيل وللأولاد . أسماء والأولاد بيسلموا عليكم ولا زلنا ننتظر الأقدار والظروف ونتمكن من لقاءكم انشاءالله .
المعز أبونورة صديقى وابن عمتى ما شاء الله لسه ذاكرتك حديد . كيفكك وكيف الأولاد ؟
يا سلام عليك وما حتصدق لو قلت ليك أنه أنا عندى نفس الصورة وصور أخرى سأحاول انزالها انشاء الله وأشكرك أنك مددتنا بنفحات من ذلك الزمن الجميل . عموما حأبدأ : الأول من اليسار : العزيز الصيدلى / أسامة مبارك الثانى من اليسار : العزيز / ذو الكفل الثالث من اليسار : العزيز / طارق عبدالجليل أهه ايه رأيك فى ذاكرة أخوك ؟ أواصل .... وأذكر باقى الأعزاء ؟ ولا أحسن أدى فرصة للناس تختبر الذاكرة ؟ سلامى وتحياتى لهم اينما كانوا .
المناسبة كانت أسبوع الجبهة الديقراطية ( ندوات - معرض كتاب - ملصقات ) بدار الاتحاد بالزقازيق بالمساكن التعاونية - العام 1980
Post: #66 Title: Re: مرحب بالزميلة سناء الصباغ Author: Dr. Ahmed Amin Date: 06-13-2008, 10:26 AM Parent: #1
د. سناء دفعة
تجمع صفات جميلة من التواضع والشخصية القوية والحب لكل الناس
أهلا يادكتورة .. لم نلتقي منذ التخرج .. لك كل التحايا والود والتوفيق
امعانا في التضامن مع د. ياسر شبيكة ضد الـ(النيولوك) بتاعة د.سناء ونحن برالمة كنا في الاتحاد انا ود. حاتم جبارة وكانت الدنيا مطرة جات سلمت علينا د. سناء وهي لابسة باتا (عشان طين الزقازيق داك) (متخيلين باتاااااااااا) حاتم: السنير دي شرامية خلاص وهي طالعة من الاتحاد: يا برالمة قشة ما تعتر ليكم نشوفكم طارق: شرامية شنو دي مقرمة عدييييييييييل
مرحبا بام زينب و بت زينب .. و اصلا فقد كانت دولة المرأة القديمة الاولي في بساطة تكوينها الاسري - العشائرى ، اشد عدلا و ارق جانبا
.. و سناء ، و معها فاتن ، و نعمات الجبل ، و ود الهدية هم من حولوا الجبهة الديمقراطية لكائن إجتماعي يمشي بين الطلبة و الناس
.. و سناء ممن فارقوا مبكرا تلك العبارات العجيبة علي شاكلة : لا تزال الحركة الجماهيرية و الطلابية تمر بمنعطف خطير .. او توزيع التحايا الجزافية للمرأة المناضلة في بتسوانا و جبهة فراباندو مارتي في السلفادور
.. و نحمد لسناء نقل خطابنا و طرائق نضالنا لنوع من فانتازيا النضال الوطني الديمقراطي اللطيف الجاد
.. مودتي اكيدة لعمر المجذوب .. فهو قد منح سناء ذاك الامان و ديمقراطية و انسانية العشرة الزوجية الممتدة .. و للحق فسناء قد اجبرته علي ذلك !
.. هذا ما رصدته و عشته معهم خلال سنين تلك التسعينات العصيبة التي ابدت فيها سناء درجة عالية من حسن البصيرة و الشجاعة التي انعدمت عند الرجال .. و لا ادري ان كان لا يزال يحق لنا أتخاذ جندر الرجال معيارا للشجاعة و فضائل الاعمال !!
شكراً لكل الذين مروا مرحبين بالزميلة سناء الصباغ 1/ مجدي أحمد الشيخ 2/ تراجي 3/ أميرة الشيخ 4/ فتحي الصديق 5/ اسماعيل عباس 6/ عبد الكريم الأمين 7/ كمبورة 8/ طارق جبريل 9/ شاذلي جذوب 10/ الوليد م. أحمد 11/ المعز أبو نورة 12/ صدقي كبلو 13/ حيدر حسن ميرغني 14/ هدي عبد المنعم 15/ السهيلي حمد مجذوب 16/ محمد سيد أحمد 17/ أبو ساندرا 18/ مهاجر 19/ صفية مساعد 20/ عبد الدائم سيد أحمد 21/ عادل عثمان 22/ د, محمد حسن 23/ ياسر شبيكة 24/ سامي عبد الوهاب 25/ صلاح الأمين 26/ نقابي عجوز 27/ حسن الجزولي 28/ الصاوي 29/مني خوجلي 30/ nasir 31/ السمؤال أبو سن 32/ أبو مهيار 33/ إبراهيم عنكبة 34/ د. أحمد أمين 35/ شهاب الفاتح عثمان 36/ عبد العظيم محمد احمد 37/ د. أحمد طراوة
Post: #74 Title: Re: مرحب بالزميلة سناء الصباغ Author: أبو ساندرا Date: 06-14-2008, 07:27 AM Parent: #1
كتبت سناء الصباغ :
Quote: أبو ساندرا يا أبو الكل والله كل ما أشوف اسمك بفرح ساكت كدا لله فالله(ياربي نكون أخوان في شنو ؟)
ومع إني عامل فيها أبو التعابير والفصاحة إلا عبارتك الفوق دي ألجمتني تمامآ غايتو
بنكون أخوان في أي معنى جميل وفي أي موقف نبيل في الله والإنسانية والوطن والحزب
...... في 82 ايام الاجتياح الاسرائيلي ... للبنان .... و حصار بيروت ... .......تصدّت المقاومه الوطنيه اللبنانيه للحصار ....وتجلّت قوة و قدرة الانسان ... ....حينما يتّخذ القرار الذي يمت لحقيقة و صدق انسانيته ...ان يعيش في هذه الحياه ... ....لحظه ..... و لو صغرت ...... عفيف ...و بكامل كبريائه ... و انسانيته ...التي حباه الله بها .... ....و لا العيش و لو امد الدهر .... و هو ذليل .....
.... حكي... عن تلك البطولات ... كتيبة الكتاب و الصحفيين المصريين الذي ذهبوا في ذلك الصيف ... .... لتغطية الاحداث .... و منهم علي سالم ... ( علي ما اظن) ... في احدي كتبه ( الثقافه تحت الحصار) .... و كيف ان شيخ .... جليل..... هرم..... تجاوز السبعين من عمره .... مثل الشهيد ... العجوز الذي اغتالته ... .... رصاصات قوي الظلام فيما بعد..... حسين مروه .... كيف ان هذا الشيخ ... و رغم تقدمه في العمر .. .... وكانما هو ابن العشرون عاما ..... يمسك بمعاول الحفر مع الشباب ... و يحفر معهم ابار المياه ... لمد المواطنين .. .... و كتائب المقاومه بها ..... بعد قصف الغازين لمحطات التنقيه و الامداد ...ثم كيف يتجول و معه يعض الصبايا ... .... في عربتهم التي تم تجهيزها ... كمحطه للبث الاذاعي المتحرك .....و الاصدارات .. و البرامج.. لشحذ همم المقاومه....
.... تقدّمت صبايا... من هذه المقاومه ... .......و في عمر الزهور .....
.... صدقوا .... ما عاعدوا الله عليه ....
... و قرّروا
.... ان يحددوا لحظة موتهم .....
.....و كيف موتهم .....
..... و اين موتهم .....
.....يعني ما ... ( لاتدري اي نفس ... باي ارض نموت)
.....و فخّخوا .... اجسادهم...... .... و فجّروها .... في عمق مواقع ... القوات الصهيونيه الغازيه .... ..... وقوات المارينز الامريكيه .... و القوات الفرنسيه ...... ..... و لم يتركوا لهذه القوات اي خيار اخر .... غير ان يهربوا فزعا ... ......و بما تبقي لهم من .... ...... جنود .... .......و اسلحه .... ... .... ... و كرامه ....من تلك البلد ....
.....كان منهم ...
.... سناء محيدلي .... وهي اولتهم ... .... وفاء نور الدين .... .... دلال المغربي ..... ..... ميشيل صليبيا ..... ..... ..... الخ ...
.....حينما قرأت قصيدة .... ....الشاعر الرقيق ..... احمد فؤاد نجم .... .... في تخليد ....اسم..... سناء محيدلي..... .... كنت ... ....و ردا علي تحية الصباح .... ....احس و كأنما يريدنا ان نستبدلها او نجعلها ....مترادفه.... ... و نحن نستقبل الصباح .... لكل يوم جديد ....
....و اهيه .... كلها اسامي جندريات.... .... .... .... و الله يدينا ...خيركم يا الجندريات .... .....و تروّقو المنبر ده شويه من الكتّاحات الكتيره دي ....
و يا سناء الصباغ ......
.........................سناء الورد .......
..... من غمك العجوز .... احمد فؤاد نجم .....
Quote:
سناء الورد قصيدة لأحمد فؤاد نجم
محديلى ورق ورق ورق ورق أفكار ورق أشعار ورق شعار ورق شعارات ورق ثوار ورق ثورات ورق أحلام ورق حكام ورق ورق ورق ورق ورق آه يا وطن على الورق الحلم فيك على الورق خدعنى فيك صوت الورق وسافرت فيك على الورق وحلمت بيك بره الورق بستان ظليل وقله للعطشان سبيل وناس ونيل ومشربيه وحمام هديل وبنت حلوه وواد جميل هجموا ا لتتار كلاب ورق قتلوا الرسوم على الورق وقالوا حلمك مستحيل وحتى لو كان على الورق وكفنونى بالورق .. وضيعونى فى الورق ورق ورق ورق ورق مقهور وماشى فى الورق غرقان غرق حلمى انسرق شايل على قلبى الهوى من غير دوا الا الورق وفجأتن لمع .. برق وقابلتها فوق الورق مع انها مش فى الورق ! ولا عمرها كتبت ورق **** ورق ورق ورق ورق شفت العروسه ع الورق الشمس؟ لأ البدر؟ لأ النجمه؟ لأ الشعر؟ لأ السحر؟ لأ لأ دى الحقيقه المرعبه قاسيه وبسيطه وطيبه زيك وزى وزى بنت بحبها وزى الوجود والحب والناس كلها كده الربيع كده الجنى كده المسائل تنحسب كده الكلام كده الغنا كده القصيده تنكتب . . آه يا سناء الجرح يابنت الألم كل الرايات اتنكست وانتى العلم . . ورق ورق ورق ورق آه ياوطن غرقان ور ق وعملت انا مركب ورق وسندباد ملاح ورق وسبحت فيك بحر الورق وصارعت فيك حيتان ور ق وركبت فيك أمواج ورق وعشت فيك لحظة غرق كشفت كنوزك ياوطن تحت الزباله والورق **** ورق ورق ورق ورق يادى الربيع لاخضر وسط الخريف طالع يانبعة الصحرا قلبى الحزين والع اسقينى ياشابه يمكن تطفينى وان جفت الميه ريقك يكفينى .. .. آه ياسناء القهر يا بنت الأنين ياضربة الناس الغلابه المظلومين يام العيون المغرمين ابصر بمين ياهلترى بعد الوطن بتحبى مين؟ .. .. ردى على الأحباب يازهرة العناب ان كان دعاكى الهوى وان كان فتحتى الباب آه ياسناء الورد يابنت الحسوم يانجمة متحيره بين الغيوم بسأل واتا من كسفتى فنص الهدوم قلبك صغير ياحبيبتى على الهموم ازاى قدرتى تعشقى وطن فسيح مطعون جريح الدنيا طلعت للقمر وهو متكتف كسيح ياهلترى قلبك محيط .. .. آه يابنت .. المسيح؟ ..آه ياسناء الورد يابنت الربيع .. .. ورق ورق ورق ورق وقعدت الون فى الورق عصافير ورق ... أشجار ورق ازهار ورق أنهار ورق قصر الكلام جبت الربيع ونقشت منه ع الورق طرزت بالياسامين طرحه وعشر فساتين ولضمت عقد الفل لجلك ياست الكل وفردت غصن البان على قدك الفتان وفتحت بالحنه شباك على الحنه طليت من الشباك قابلونى ألف ملاك رافعين على الأعناق علم الشهيده سناء
Post: #78 Title: Re: مرحب بالزميلة سناء الصباغ Author: Amira Osman Date: 06-18-2008, 10:52 AM Parent: #1
الأعزاء نصر سمؤال أبو سن (أجدع جدعان الزقازيق) أبو مهيار (وصاحبتي فاطمة السمحة) عنكبة (لما اتعلم تنزيل الصور حا أحاول انزل صورة لقطع الشك) د. أحمد أمين يادفعة شهاب الفاتح (دحين انت شهاب البيطري ؟ ود مدني؟) عبد العظيم محمد أحمد عبدالله كع عصـام دهب (سيد حوش الجدعان) أميرة عثمان (رفيقتي في الهامش الأسري) .... لكم كل الحب والود والشكر على حرارة الترحيب وأتمنى أن تساعدني الظروف وأثابر على التواصل معكم ... د. طارق جبريل ... أن بعد كدا حا أرفع عليك قضية اشانة سمعة ... ديل برالمة شنو الما بيحترموا السناير ديل ؟؟!!
صديقي اللدود عادل عثمان .. شـكرا على الترحيب ... وشـكر مربع على السمك .. جوّعتنا ياأخ !!! أبو الشبك .... زيع طوالي ولا حـد ساءلك ياحسين ... نقابي عجـوز ..خلاص عرفتك .. ويالها من أيام .. تقبل تحايا صاحبك عمر وتحياتي عبرك للعزيزة منى والصغار الذين غدوا كبارا الآن .... أبو الكل .. أبو سـاندرا ... كعادتك لمـّاح وتنقشها "أقصـد: تفهمهـا" طايرة .. الظاهر عليها المكنة الجديدة لسـه ما قسـّمت ( أو كما قال العزيز ياسر شبيكة) وبعد ما تقسم ، توقع منّي عبارات على شاكلة: شفيف ووريف ووداعا لراندوك شمّاشة سوق أمدرمان.
حللي .. ألف شـكر على الترحيب وممتنة جدا على القصـيدة
العزيزة جدا راوية العباسي مشتاقين كتير جدا جدا وكانت فعلا ا]ام جميلة بشقتكم في الهرم وكل ربوع مصر الجميلة .. ولنا عودة وعودات.. تحياتي الحارة للوالدة الحبيبة
صديقي الصدوق الدكتور طراوة شكرا لكل معاني الجمال التي أوردتها والشوق يمتد اليكم عبر الأطلنطي
Quote: د. طارق جبريل ... أن بعد كدا حا أرفع عليك قضية اشانة سمعة ... ديل برالمة شنو الما بيحترموا السناير ديل ؟؟!!
Quote: أبو الكل .. أبو سـاندرا ... كعادتك لمـّاح وتنقشها "أقصـد: تفهمهـا" طايرة .. الظاهر عليها المكنة الجديدة لسـه ما قسـّمت ( أو كما قال العزيز ياسر شبيكة) وبعد ما تقسم ، توقع منّي عبارات على شاكلة: شفيف ووريف ووداعا لراندوك شمّاشة سوق أمدرمان.
هسي يا جماعة انا جبت حاجة من عندي والله السناير ديل لمن يمسكهم الزهايمر
بعدين تعالي هنا انا ود.حات جبارة منتظرين العشاء الوعدتينا بيه سنة التخرج والله يا جماعة الزولة دي لقيناها لافة والظاهر كان عندها (ل.س) عملنا فيها خير وعشيناها ووصلناها لي شقتها كمان وفي اطار الظرافة قالت لينا خلاص العشاء المرة الجاية علي وحاتكم لي هسي ما عشتنا
Post: #86 Title: Re: مرحب بالزميلة سناء الصباغ Author: Dr. Ahmed Amin Date: 06-21-2008, 06:14 PM Parent: #83
Quote: وفي اطار الظرافة قالت لينا خلاص العشاء المرة الجاية علي وحاتكم لي هسي ما عشتنا
الشكر الجزيل لصديقي العزيز محسن خالد انشاالله مرجوع ليك في السمح. الدكتور طارق جبريل والله زودتها خالص,عدم احترام السناير عرفناه قلنا كلنا صلعنا والكتوف اتلاحقت كمان جابت ليهاسلبطة يازول متين عزمتوني عشاء غايتو على كل حال نستعين بدكتور حاتم جبارة واذا تطابقت الأقوال أنتما مدعوان لققضاء أول اجازة لكما باسكتلندا وسيكون هناك حفل غنائي كبير مع العشاء الفاخر والفنانين أنا وانت (تذكر ياطارق لما غنينا أغنية ترباس ديك وجوا ناس بطة بتاع الأمن قطعوها لينا في راسنا)
