اخي منصور عبد الرازق اهلا بك وانت تزين المنبر بقلمك ....

منصور عبد الرازق هذا القلم ذو الطعم الجميل قد يعد اكبر مكسب للمنبر ..
فمنصور الذي نعرفه نجد كلماته تنساب في رشاقة من قلمه الذي يحمل اجمل المضامين

فشكرا للاخ بكري الذي منحنا هذه الفرصة ليتيح فرصة للمنبر بالتحول الى الاجمل ..

اهلا بك اخي منصور بيننا في هذا المنبر .....

معقولة يا ناس الزقازيق ما ترحبو بمنصور عبد الرازق ؟؟


الناس دي تكون ما شافت البوست يا اخوي منصور

حباب منصور
سلام حيمورة

أخي علاء الدين...لقد قمنا نحن الزقازيقاب وأنا منهم بالترحيب بمنصور عبر بوست
ناس الزقازيق أجدع ناس ولكنني أرحب به مرة أخري عبرك...فمنصور يستحق أكثر من
ترحيب و في أكثر من موقع...فلقد تشاركت و منصور السكن في سنوات النضج من عمرنا
الزقازيقي ومنذ ذلك الوقت أصبح منصور أخي الذي لم تلده أمي...تشاركنا الأحلام والطموحات
و حتى الأسره...نعم أصبحنا أسرة واحدة...ورغم ان الكلام قد تجده مكررا في مكان
آخر لكني أفخر بتكراره فأصبحت أمه أمي و اخوته اخوتي...
غادر منصور الى السعودية فافتقدته كثيرا ولكن لم ينقطع تواصلنا ثم جئت الى الامارات
فزاد تواصلناوالتقينا كثيرا في الامارات...و أسعد كثيرا بمكالمته كل خميس و أنا
عائدا الى أسرتي في طريق طويل خطير...فيقوم بمؤانستي حتى أصل الى وجهتي...ويا لها
من مؤانسه...فحين تتحدث الى منصور لا تكل و لا تمل...فالرجل كأنه قد تدرب على
ذلك في أعرق مراكز التدريب ولكنها طبيعة...طبيعة جعلت منه شخصا محبوبا للجميع
وجعلتك ترفع هذا البوست تحية له و جعلتني أجد هذاالبوست بعد الساعة الواحد و النصف
بعد منتصف الليل فأتوقف عنده و أكتب هذا الكلمات والتي أرجو أن تليق بشخص كمنصور.

الحبيب الرشيد

Quote: أخي علاء الدين...لقد قمنا نحن الزقازيقاب وأنا منهم بالترحيب بمنصور عبر بوست ناس الزقازيق أجدع ناس ولكنني أرحب به مرة أخري عبرك...فمنصور يستحق أكثر من ترحيب

شكرا ليك لكن كمان نحن ما عايزين الاحتكارية دي وعايزين منصور للمنبر كلو ...
يدينا الكتير ويدكم حبة .....


الف شكر ومنصور يستاهل كل خير

لك العتبى حتى ترضي يا علاء ....
والله كتاحة المنبر دي تعمي الزول من كل شيئ
والتحية والتجلة عبركم للزول الرائع منصور عبدالرازق
هو إضافة حقيقية للمنبر وقامة نعتز ونفخر بها نحن خريجي جامعة الزقازيق
فلك التحية ياعلاء الدين وثق بأن منصور معطاء ولن يبخل بقلمه




التعديل :: معقولة الزول مايسلم على الرشيد
كيفك ياحبيب مساهر مالك؟

الحبيب جلال

Quote: والله كتاحة المنبر دي تعمي الزول من كل شيئ والتحية والتجلة عبركم للزول الرائع منصور عبدالرازق

فعلا المنبر راكب دفار الايام دي وجاري في الدقداق

شكرا ليك يا حبيب ومنصور صديق الصبا نراه يبدع بقلمه


الف تحية

الريس / ابو جهينة

Quote: حباب منصور

والاخ منصور من بورداب الرياض بشكل رسمي من الان فصاعدا
وقد عرف بالمشاركة في اي نشاط و ستعرفونه اكثر فهو اخو اخوان

لكما كل الود

منصور عبدالرزاق هذه القامة الجميلة
منصور عرفته وهو برلوم سكن معي سنته الأولى بالجامعة
مما أتاح لي التعرف عليه عن قرب عرفت فيه الإنسان الكبير
والأخ الوفي والصديق الحنون ،،، منصور عبدالرازق رجل هميم
محب لوطنه متجرد عن ذاته ،،، يفهم في العمل الإنساني والإجتماعي
رجل محبوب إذا عاشرته ،،،، تشتاق إليه إذا فارقته،،،

أحتفظ بصداقة منصور حتى اللحظة ،،، وأحتفظ بكامل ذكرياتي معه بالزقازيق
وبالخرطوم ،،،، أهلاً بمنصور ،،، وشكراً لهذه الإضافة الرائعة لهذا المنبر الكبير
وشكراً للأستاذ علاء الدين حيموره .

ودمتم معاً ،،، ولكم كامل مودتي،،،،،،،،

مرحبتين حباب سنيرنا المبجل / منصور عبد الرازق ..

و منصور بحضوره الجميل في هذا المنبر قبل أن ينال عضويته عبر بوست ( ناس الزقازيق ) لا شك سيضفي بوجوده ألقاً و جمالاً ..

اهلأ حللت أيها الزقازيقي الجدع منصور ..
وشكراً للأخ الفاضل / علاء الدين حيموره .


ـ
و على قول الرائع د. / صلاح الأمين ..

( يلا شدوا أوتار القلوب )

هووووووي يا ناس 29
داير تسوق الولد ده تسجلوا فى فريق الجزيزة مش كده
منصور ده كابتن زراعة وما بفرطوا فيهو
الزول لسه ( برلوم ) من يومين طش وضيع الباسورد
كمان عاوز تتطشوا لينا بره حوش الزقازيق
منصور اوعك تتاوق بره فى المنبر حيحصل ليك الحصل لاسامة ابتر

انا ممتن لكم جميعا ايها الأحباء الرائعين
لو كان لى ان اختصر تعريفى لنفسى لأستحسنت أن اقول
اننى زقازيقى من الصحافة
ولو اردتم جعلها (صحافابى ) من الزقازيق لما اعترضت
ولأحسست بزات النشوة
ولأعتلتنى نفس (بيارق ) السعادة
ولأستسلمت ل(حوارق ) الأحاسيس
وبحثت (عن جوازب ) الكلمات وفارهاتها
عساى اجدها
وأروضها
واشزبها من عوالق الأيام ونائبات الدهر
ثم اجد نفسى بعد كل زلك مترددا خائفا
من ان لا ترتفع الى مقاماتكم العالية
الريس ابوجهينة شكرا (يمكنك ان تضيف من الآن اننى بوردابى صحافابى متزقزق ) لقيتنى كيف ؟؟!!
الرشيد بابكر , اين من عينيا هاتيك المجال
جلال عثمان , يا فائت الناس مسافة
ميسرة سيد احمد , هكزا انت من زمان , عنوان للأشياء وأساس من (اسس ) كل الأشياء
عصام دهب . ليتك جيت الزقازيق باكرا , ام ترانا نحن المستعجلين !!
عبد الدائم سيد احمد , ماانت الوحيد (مع احمد عجوز وكمال الشادى ) العندك فى البحرين ماعون تغرف بيهو
فيا بختك ويا حظك , واعنى بحرى (الصحافة والزقازيق )
دمتم بصحة واشكركم على الترحيب
تجدون حرف الزال ما يزال متمردا على كتاباتى
فأبدلوا كل (زاى غير مستقيمة مع اسس الأملاء الى زال )
فانا والله ما زلت (شاطرا فى الأملاء كما كنت دائما )

غايتو ما عارف

لكن لو ده منصور عبدالرازق بتاع الصحافة الدرس في "هاشم عبدون" و قد ظهر بعد حوالي ال35 عاما

معناها القيامة قربت تقوم و معناها يا علاء الدين حيمورة السويتها كبييييييييرة !

معز !

ياهو زاتو يالمعز
بس انت مالك جايب سيرة الخمسة وثلاثين سنة دى
ما تقول زمآآآآآآن وخلاص
فى داعى يعنى
وين الرضى على عمر ويوسف عيسى؟؟
اشكرك للتداخل والترحيب
القيامة قامت ولا لسه ؟؟؟

مرحب يا منصور

وشكرا يا امين محمد سليمان على الترحيب
المعز , مشيت وين بعد ما شلت حالنا
ولا القيامة قامت

يا علاء نحن ابتهجنا بيه هناك في الزقازيق
لكن برضو ممكن نربها معاك هنا


مرحب سنيرنا منصور

ولطارق جبريل التحية والحب والتقدير
فوالله ان ما لم يستطع ان يفسده (خور جانقى )
وهو المزروع بيننا وبينك
وعلى ضفافه تجد (الاف الطلب -صبيان البنائين )
لا يستطيع ان يصلحه ويعمره
الا ميز مدنكل من شاكلة ميز يوم الأول من الشهر الجديد
بعد صرف الشيك مباشرة
او بعد استلام البريزة
وغشوة لورد او الشرقاوى
بعد ان تضرب موعدا فى سويت بسام
لو جعان زوغ من البوست ده
شكرى اطنان ومعزتى لا تحدها حدود

عيييييييييك!

منصور عبد الرازق بي شحمو و لحمو و .. (موية فولو) (ده البلنتي التاني بعد بلنتي ال35 سنة !)!
طبعا دي ياها المفاجأة بمعنى الكلمة و الله لأنه أنا و "ياسر إبراهيم" إضطررنا أخيرا لأن نقنع منك
بعد أن ظللنا نتساءل طوال هذه السنين الـ(خلاص ما 35 يا اخوانا) و على الدوام: ترى أين منصور عبد الرازق!!!
لكن إتضح إنك ما عندك عشرة بي تعريفة لأنك إنت الفتنا و إنت العارف مكانا ولا شنو يا حبوب !

بعدين يبدو لي أننا أنا و إنت كل واحد بينظر خلال الذاكرة من زاويا محتلفة
يعني إنت بتعاين داخل المدرسة و تسأل عن يوسف و الرضي و أنا بعاين لساعة الفطور و الدكان الواقع
إلي شرق المدرسة و البرنامج اليومي الثلاثي بمشاركة ياسر إبراهيم الذي لا يكل و لا يمل السؤال عنك ..
كذلك معذرة لغيابي الأيام الماضية حيث تم تهكيري و كتابة بوستين سخيفات بإسمي مما اضطرني
لإعادة التسجيل مجددا بمساعدة الأخ بكري فأصبحت برلوم زي حالتك بل صرت إنت أقدم مني كمان !

تحياتي العميقة و أشواقي الكثيفة يا منصور و بنواصل,

رحب بالأخ منصور
و نقول حللت أهلاً و نزلت سهلاً
و دمت في رعاية الله

سلامات يا ناس

نرحب معك الاخ علاء بمنصور ود عبدالرازق (من اول جديد)

وكتابات منصور تحكى عنه..وتجعل الآخرين يحكون عنها وعنه.

Quote: و دمت في رعاية الله

يا سِرِّى ...سلام

نفهم انو ده وداع نهائى؟