تلك الخصلة ... نمشطها أم نسرحها ؟؟؟

غايتو
ما عارف لكن قصيدة تلك الخصلة عملت عمايل كثيرة
زي تقول الناس طولو من شوف الخصل
بعد الحاصل ولبس العباية لعدم توفر حق التوب
زي الجلاليب الملونة والطواقي الملونة الطالعة اليومين ديل بدلا من العمم البيضاء المكوية

المهم يا جماعة جات (سوما)شايلة ليها زيت كركار وقالت : اها نحن الخصلة دي نمشطها عديل كدة عشان المشاط ده عنوان للسودان والبت السودانية .
جات (تماضر) وقالت ليها بس عليك الله لزوم الحضارة والتقدم خت ليك فيها حبة سكسك ملون عشان النظام العالمي الجديد وما يكون زي مشاط ناس حبوبة زمان وعشان الخصلة ما تتعقد من الميج والويف والاسبري.
المهم في الموضوع انه (اودنوورد) ومعاهو ( كوكي) قالو ما مشكلة هي خصلة جميلة وبس والله لو منكوشة برضو جميلة . طوالي دخل عليهم (منعشوف) قال هو مستعجل معزوم حفلة عايز الخصلة تمشي معاهو عشان يرقص معاها من قولة تيت . الكلام ده ما عجب (اساسي) قال نحن ما عندنا خصل بتنكشف على الغرباء بلاش كلام فاضي الخصلة جميلة كدة ما تغيروه . (كمال الشادي) عجبتو الفكرة وقال لأول مرة يشوف خصلة كدة . ولسه الموضوع مدور جا (الملاعمر) شايل ليهو ودك وخلال من شرق السودان قال الخصلة دي مسحوها بالودك وانفشوها بالخلال دا تبقى حاجة تمام
المهم العمدة (قرشو) زول قديم اتذكر ايان تائه الخصل والريفيرا والخرطوم بالليل وقال الخصلة دي رجعتو 50 سنه لي ورا
أدخلت (ريل) في الموضوع وقالت : يعني ما حرام عليكم أحسن حاجة نودي الخصلة دي الكوفير نعمل ليها حمام زيت واستشوار ونصبغ طرفها بالميج وتكون آخر صيح في التسريحات سيبكم من المشاط والودك ده
المهم ( الموصلي) قال يا اخوانا سيبوها جميلة كدة وما تغيروها من الخلقة التي خلقها بيها ربنا ولما سألنا الدكتورة نهي قالت تمام الخصلة بخير بس انتو حافظو عليها من امراض الزمن ده عشان تكون جميلة على طول
المهم في الموضوع انو (دريمز) خشت وقالت يا ناس كل سنة وانتو طيبين والدنيا عيد ما تختلفو خلونا نعيد ونفرح

نمشطها بى سكسك

tumadir

بالله ممكن تختاري لينا لون السكسك
عشان ما بنعرف
ويا ريتنا نعرف
ياتو لون

أخي جمال السنوسي
أجد أن أفضل شئ لتلك الخصلة أن تترك تائهة كالجياد التي لم تروض بعد ، وإن كنت مصراً أو ملحاً فلن ينفع معها الودك وبخاصة أن حر الصيف والكتاحة مضافاً إليها رائحة الودك سوف تؤدي إلى نتائج كارثية على البيئة والمجتمع والشارع كمان ، ولا أرى بارقة أمل في المشاط لإنقراض الماشطات على مستوى القارة الإفريقية وتوجه الكثير منهن إلى إمتهان مهن أخرى لا علاقة لها بالمشاط ، وأميل كل الميل مع الرأي الذي ينادي بالسشوار وأجد في الفيرزي أو ذلكم الشعر الذي يخيل إليك أنه قد تم شطفه أو غسله دون أن يتم تجفيفه ليبقى منظره مبلولاً وقاد قال أهل العلم والمعرفة بهذا الشأن أن الفريزي هذا إختراع فرنسي حر.
لك التقدير أخي جمال ونتمنى أن نراك في المنتدى قريباً.

نحلحله

أخي حمزه
إذا كانت حللته سوف تحلنا فلنحلحله ، وحلحلة المشاط أو الشعر تمسى نقضه وإن كانت لا تبطله إلا أنها قد تبين التلتيق من شعر مستعار لزوم الوجاهة.
لك التقدير

يارائع
والله ما فهمته

وتلك العوده المحببه افرحتنا ياجمال

استاذنا جمال/
الله يديك العافية
الخصلة دي لكن ما جننتها جن ، انا شايفه انها تتصبغ، يعني شوية بوهية لأنو ضرب البوهيات بقى من سمات مجتمعاتنا في كل المجالات مش بس في الخصل ، ويا ريت قبل البوهية ،قصدي الصبغة ، نوصلهابشعر مستعار ، يعني نلتقها لأنو التلتيق بقى هو السائد في حياتنا واصبح الشعار المرفوع هو التق الشخص سواء مناسب أو غير مناسب في المكان غير المناسب .
موضوع الخصلة دي ذكرني بنكته ظريفة بتقول:
كان في واحدة عندها 3 شعرات بس في راسها ، ومعزومة حفلة وفي أشد الحيرة في اختيار التسريحة المناسبة لتظهر في الحفلةبأجمل صورة ، فمسكت المشط ورجعت الشعرات الثلاثة بي جنبه ، وقعت واحدة من الشعرات ، فقالت : يعني شنو ؟ عندي لسه شعرتين ، تاني رجعتهم بالمشك لي ورى طارت الشعرة الثانية وفضلت شعرة واحدة ، فقالت : هو أنا معذبة نفسي مالي ، ما أخلي منكوش كده أحسن .

احترامي

السلام عليكم

انا عندي فكره

ما تكبوا فيها بيبسي عشان تبقي كيرلي
و تكون متماشيه مع الموضه الامريكيه



تحياتي



لى قدام