عــدنــا ... بعد أن هكرنا (مريخابي) حقير لئيم يمتهن سرقة الباسوورد ( توجد صورة للهكر)

Post: #1
Title: عــدنــا ... بعد أن هكرنا (مريخابي) حقير لئيم يمتهن سرقة الباسوورد ( توجد صورة للهكر)
Author: جمال السنوسي
Date: 03-18-2009, 11:13 AM
Parent: #0

شكرا احبابي

شكرا اخواني

شكرا زملائي

شكرا عبدالدائم

جمال السنوسي مهكر.. ولو ما رجع ليهو الباسورد خايفنو يزع...سافرالبحرين يا بكرى

شكرا هشام شيخ الدين

بكرى أبوبكر ، أخونا (الرشاشة) جمال السنوسى مهكر ويقول ا... ومريخنا فوق الشبهات

ويا هشام انا ما بقول الروب

انا البخليكم تقولوا الروووووووووب ويجي واحد هكر تاني يهكرنا عشان الفسيخ بتاعكم ده

شكرا محمود مصطفى

جمال السنوسي .. بلا باسوورد.. أعيدوا جمالاً .. فمثله أسير ولا شاليط زاتو..

صورة (كوتية) للهكر الحقير وهو يرد في بوست عبدالدائم
Quote:
لامن يبطل فصاحه وطول لسان مع المريخاب وعن المريخ بنرجع الباسورد
دايرها ترجع عشان يمسكنا المهلهل وجزيرة حمام رينيون الميتان
انت ذاتك احسن تسيبك من القصه دي عشان ما تتلحس باسوردك
ومريخنا فووووووووووووووووووووووووووووووووووووووووووق
والمهلهل تحت جزمة المشير البشير

Post: #2
Title: Re: عــدنــا ... بعد أن هكرنا (مريخابي) حقير لئيم يمتهن سرقة الباسوورد ( توجد صورة للهكر)
Author: يازولyazoalيازول
Date: 03-18-2009, 11:23 AM
Parent: #1

الأخ جمال السنوسى

لا شكر على واجب

وعلى العموم يعود الرشاشات للملاعب وهم يعلنون الحرب على الهكر ، ولكن نصيحتى الأخوية لك يا رشاشة أن لا تدخل فى تحدى مع الهكر لأنك ستكون مستهدفاً بالنسبة إليه ، ولأن المريخاب خطرين حتى ولو كانوا هكر فما دام شعارهم النجمة فلا نملك ولا تملك يا جمال إلا إحترام هذه النجمة المضئية فى سماء الكرة السودانية لملك الكاسات المحمولة جوا

وأرجى الراجيك يا حبيب

لوووووووووووووووووووووووووووووووول

بعدين الشغلة حا تجيب لها جقلبة

أعمل حسابك

ورغم ذلك تقبل وافر تحياتى وتقديرى

هشام

Post: #3
Title: Re: عــدنــا ... بعد أن هكرنا (مريخابي) حقير لئيم يمتهن سرقة الباسوورد ( توجد صورة للهكر)
Author: ياسر نجيلة
Date: 03-18-2009, 11:30 AM
Parent: #1

حمد لله على السلامة ... جمال

والله ما كنت عارفك "مهكر" ... قلت يمكن تكون مشيت حفلة عشان تصور ... الجمال والجميلات ...

بس حاسب
ممكن يكون الهكر هلالابي ... ويكون ده ملعوب عشان تقع مع المريخاب ...

عموما الف مرحب بيك والساحة مفتوحة ليك

Post: #4
Title: عودة حميداً ،، الحبيب جمال السنوسي
Author: ميسرة سيد أحمد
Date: 03-18-2009, 11:37 AM
Parent: #1

حمدلله على السلامة يا استاذ جمال يا سنوسي
دعمت عودتك في بوست عبدالدائم علشان،،
ترجع بالسلامة وتتذكر ايامنا الجميلة
بس أنا بديك نصيحة ،، بلاش كورة
وبلاش هلال أنحنا كنا بنحب
الهلال موت ولكن تركناها
وخليناها،، وكما ن
ما دام الهكر طلع
مريخابي ،، أحسن
تكب الزوغة،،،

عايزنك تكون معانا
في مشروع العمرة
الجماعية،،،
نشوفك يا غالي

Post: #5
Title: Re: ســـــؤال ؟؟؟
Author: عبد الدائم سيد أحمد
Date: 03-18-2009, 12:14 PM
Parent: #4

انت ذاتك احسن تسيبك من القصه دي عشان ما تتلحس باسوردك

طيب بطل الشيطنة
واعرف انا elmreekh ولا صاحبك ؟

Post: #6
Title: Re: ســـــؤال ؟؟؟
Author: على محمد على بشير
Date: 03-18-2009, 02:48 PM
Parent: #5

Quote: عــدنــا ... بعد أن هكرنا (مريخابي) حقير لئيم يمتهن سرقة الباسوورد ( توجد صورة للهكر)

يعنى تزوغ كدا يا عمك وما ترجع الا والهلال غالب ستاد رينيون تلاته
معقوله بس .... عموما حمد الله على السلامه

جمال .. جمال .. السد كيف ؟