،،، بســـــتناكـــــ ياهكر المشاعر ،،،

،،، بســـــتناكـــــ ياهكر المشاعر ،،،


07-19-2011, 07:23 AM


  » http://sudaneseonline.com/cgi-bin/sdb/2bb.cgi?seq=msg&board=296&msg=1323909043&rn=0


Post: #1
Title: ،،، بســـــتناكـــــ ياهكر المشاعر ،،،
Author: مجدي عبدالرحيم فضل
Date: 07-19-2011, 07:23 AM


لو سافرتي ولا رجعتي
بستناك
واسابق الزمن المايل حالو...
وحالي معاك
اقاوم الريح
وابقى لطيف
واشتل وردة في دنياك
أشم عِطرك
اشِل فِكرك
وأشوف الدنيا ضاحكة معاك
بستناك .. مهما طالت المدة
وجد بستنى ما بنساك
اتابع الخطوة تلو الخطوة
وامشي عديل على ممشاك
ربيع أيامي ليك تشتاق
وباكية عيوني من يوم داك
اتاري الضحكة مابياني
ودربي بشوفو زي أشواك !!
بستناك ...
أكان ودعت أحلامي
وفرحي معاك
طويلة قامة
قادلة حمامة
نورك يجهر الأفلاك
حلاة اللهجة نوبية
ولون البشرة قمحية
وشكل الدنيا زهرية
بستناك...
لو غدر الزمن طول
ولون الشمس أتغير
وفجر الكون علي قيل
وجرح الليل نزف غور
بستناك زى أول
وزى ما كنا نتخيل .. ونتصور
ونتبادل كلام في الريد
واكتب ليك وتكتبي لي
ونتخاصم .. ونتصالح .. ونتلاوم ..
ونرجع تاني زى أول
بستناك بلهفة
وأغمض عيني شان اشفي
وما بحزن وما بقسي
وحبك في الحشا اندسي
بستناك ..
قبل من نومي ما اصحي
وما بسهى
ويا درة شباب الجيل
ويا فرحي أل بقالد النيل
بستناك .. بي وعدي الجليل و نبيل

هاشم أحمد خلف الله الهكر الجميل ظل يبث المشاعر بين ظهر المنبر العام متفرد بحروفه الرقيقه

،،،،أبوقصي،،،،

Post: #2
Title: Re: ،،، بســـــتناكـــــ ياهكر المشاعر ،،،
Author: مجدي عبدالرحيم فضل
Date: 07-19-2011, 10:07 PM
Parent: #1

بيت القصيد في الأنتظار والمحبوبة النوبية المهاجر بين حنايا القلب تتهكر وتتحكر وهذا هو ود خلف الله في حروفه منتهي البساطة والجمال .


،،،،أبوقصي،،،،

Post: #3
Title: Re: ،،، بســـــتناكـــــ ياهكر المشاعر ،،،
Author: هاشم أحمد خلف الله
Date: 07-20-2011, 07:07 AM
Parent: #2

ابو قصي يا جميل لا زلت تخجلني بنبل مشاعرك

Post: #4
Title: Re: ،،، بســـــتناكـــــ ياهكر المشاعر ،،،
Author: هاشم أحمد خلف الله
Date: 07-28-2011, 05:39 AM
Parent: #2

Quote: بيت القصيد في الأنتظار والمحبوبة النوبية المهاجر بين حنايا القلب تتهكر وتتحكر وهذا هو ود خلف الله في حروفه منتهي البساطة والجمال .


،،،،أبوقصي،،،،


انت رايك شنو بالله في اللهجة النوبية ؟؟
ياخي نفسي اتعلمها ياخ ......