تساؤلات مشروعه جدا لبكرى ابوبكر

اللورد/ بكرى
هنالك تساؤلات تدور على الدوام فى خاطرى, ولا اجد لها إجابات,ابرزها ماهو السبب الذى يحول دون أن يتم الاستفاده من جو الحريات النسبى الموجود الان فى السودان والشروع فى إصدار صحيفه بإسم سودانيز اون لاين, تكون يوميه او اسبوعيه او حتى شهريه, تحمل نفس رهانات سودانيز وفكرتهاو شكل السودان الذى تحاول التاسيس له,وتكون براح تعبيرى لمن لا براح له.وخاصه ان داخل سودانيز اون لاين مفكرين وكتاب وادباء على قدر عالى من التمكن , وتصبح جريمه فى حق الشعب السودانى اذا ما حرمناه من الاستفاده من خبره هؤلاء الفطاحله.وعلى نفس المنوال ما الذى يمنع ان تتبنى فكره إنشاء إذاعه أف.أم ,تحمل فكره وروح سودانيز اون لاين, وتحاول احداث إختراق فى المجتمع السودانى بوسيله عصريه جدا وتكون صوت لمن لا صوت له, وخاصه ان هذه الاذاعات لها جمهور مقدر من الشباب, ويمكن ان تحدث نجاح منقطع النظير.وايضا يمكن الاستفاده من الكفاءات الموجوده فى الموقع لتنزيل هذا العمل الى ارض الواقع.
واخيرا عزيزى بكرى
اتمنى ان تفكر فى إنشاء منظمه إحتماعيه تعمل على نقل مشروع سودانيز اون لاين من اتون الحاسوب وتنزيله الى ارض الواقع,على ان يكون بها نافذه للدعم القانونى للمحتاجين والذين تنتهك حقوقهم الانسانيه, ونافذه لدعم الشرائح الاجتماعيه التى تعيش تحت خط الفقر وما اكثرهم, ونافذه لتقديم الدعم المعنوى على الاقل للمبدعين.
لانه ان الاوان لمشروع سودانيز اون لاين , والذى يهدف لتاسيس سودان متقاطع مع السودان القديم.ان الاوان لهذا المشروع ان يتجاوز مربع انه فضاء نخبوى ومساحه للمثقفاتيه , ويتنزل للبسطاء والكادحين وهذا هو جوهر فكرتك ومشروعك حسب ظنى.........ودمت

الاخ خالد

موضوع قوى وافكار جريئه والاكثر من ذلك انى احسست بروح الشباب الوثاب فيك
لذلك انا اؤيد وبشده ماجاء فى هذا البوست

وللامام ياشباب السودان .

Quote: لانه ان الاوان لمشروع سودانيز اون لاين , والذى يهدف لتاسيس سودان متقاطع مع السودان القديم.ان الاوان لهذا المشروع ان يتجاوز مربع انه فضاء نخبوى ومساحه للمثقفاتيه , ويتنزل للبسطاء والكادحين وهذا هو جوهر فكرتك ومشروعك حسب ظنى.........ودمت

يسلم فمك يا ود خليل محمد بحر

رايك شنو يا بكري؟؟؟
خلونا نجعل الحلم حقيقة.

عاطر التحايا

شول اشوانق

العزيز/ على
شكرا بحجم الروعه فيك على المرور واتمنى أن نستفيد من خبراتكم لترى هذه المقترحات النور, وتتنزل لارض الواقع.

عطر الصندل/شول
مرورك اضاف للجو عبق وعبق, حتما ان لك اراء جديده وعظيمه لمجمل المشروع اتحفنا بها يا صاح.

نحتاج لمزيد من المقترحات والاراء لتحويل هذه الاحلام لواقع يمشى بيننا ياشباب

Dear Khalid
And everyone
I admire your enthusiasm about Sudanese online forum and the thought of OPENING it to the public through FM an/or printouts.
However it’s obvious that you are disregarding the fact that the site is already an electronic newspaper that reaches beyond political, and geographic boundaries, cyber space in no longer an exclusive club for intellectual elite.
Please don’t think that I am rejecting your proposal but, when Sudanese online turns into a newspaper (printed version) would we all have the space that we are enjoying right now?
My counter proposal is that the forum must be wildly open for every one who can use the keyboard, NO censorship, no domination and absolutely NO intellectual terrorism!
More discussion is needed so go on
to be Continued
Stay safe

صراحه دبل كيك رائع ، وشرط الشبكه كمان. الاف .ام دى حاتكون مسئوليتك براك.مع ناس تمبس. انا خايف عليك بكره تطلع من البيت تلقى الجماعه مراقبنك . اطلع بالباب الثاني مع جلابيه وعمه.

خالص التحايا
العزيز خالد..
فكرة موفقة جداً ؛ اُشيد بها وأدعمها..
وصدقنى إمكانية الحلم ده يبقى واقع لتبنى مشاريع مثل هذه ممكن جدا..
فقط مايُعيق أن 99% حديث لا يواكبه فعل..
بالاضافة الى انى عندى رائى فى موضوع القعدات والرحلات البتتعمل دى وقاعد أقول عليها "صرمعه" لو الناس التلمت عشان تناقش فى مواضيع جادة بنفس جديتهم لمواضيع الرحل والقعدات كان تمت مشاريع كتيره...
اضف الى ذلك بكرى انسان غير طموح وهمو كلو عملية ال ( show only) ..
والاسترزاق وخلق علاقات إجتماعية ؛ بكرى فى رائى اكثر انسان بعمل على تغيب الوعى من خلال مسكو لمفاتيح الحلول اضف الى ذلك بورداب الخرطوم ثم ثم...
صدقنى ليه مايبقى حلم؟!!
انا بتذكر معاى صديقى فقط فى الجامعه اجتهدنا بالرغم الصعوبات وطلعنا تصريح مجلة شهرية وبدينا فى مرحلة انو نلقى الزول اليبتناها وعائد الاعلانات ووو الخ وفعلا نجحنا بالرغم من مساومات ومضاياقات ناس الامن لكن شاءت الظروف انو اسافر ؛ وصديقى للاسف مالقى ليهو زول عشان يشد من ازرو بالصورة الكنا متساندين بيها ؛ وبنحي بيها الامل في بعضنا...!!!

بسم الله ابتدينا .... وثبة للتوعية ......

هل لسودانيز اون لاين ان تتبنى يوما لنشر التوعية العامة بمرض الايدز...؟؟؟

الدعوة الى وقفة جادة ضد مرض الايدز فى السودان... وقع او شارك..

تساؤلات مشروعه جدا لبكرى ابوبكر
ودى كلها مشاريع جاده منتظرة الدعم الجادي ..
لكن قول لى نعمل شنو نحن مع الأنصرافية..

---------------
عزيزى
Salahaldeen Nadir

ما الذى يمنع شنو يكون فى زيادة مساحة إعلامية؟؟!!
ثثم انو لمتين حنقعد اى موضع نعمل فيهو نقاش الموضوع بالتاكيد مافى حد مضرر منو عشان الناس تقعد تعمل فيهو نقاش وتنظيرات مثفاتية..
وصدقنى الموضوع من ينفتح فيها باب نقاش اعرف انو حجرو اتغتس..

---------------
استاذ
هجو الأقرع
ماقدرت اطلع بى فهم من مداخلتك ؛ هو رفض ؛ تشجيع؛ سخرية وو الخ..
المهم نقول يدك معانا

التحايا النواضر..

ياخي والله معاكم.

Dear all
Thank you for your enlightens!
There is NO reason for time wasting on worthless discussion but there are major differences between an idea and a plan!
Can FM radio station or a newspaper include us Sudanese Online dot Comers to actively participate as we do now?
Could (we) attract simple Sudanese grass rooters to listen to us leaving the other more joyful commercial FMs?
I can say yes yet I don’t want to say NO.
The answer is on the hand of a realistic study of the (market) and then the appropriate plan of action.
That (my dear Trotsky) is not speechomania, this is simply: marketing social and political ideas are good need to be well and FAITHFULY presented to attract more customers! And social change is a ferrous market so join it well equipped or
prepare to loose
!that is why I am strongly WITH Khalid’s idea but I am totally against bad immature plans.
Thank you all

Stay safe

العزيز/ صلا ح الدين
شكرا على المرور الانيق, وانتظر المزيد من المساهمات
الصديق الالق/تروتسكى
مداخلاتك تدخل السرور الى نفسى وحقيقه استفيد منها ايما إستفاده,وعلى ما يبدوا ان كلامك عن بكرى فى محلوا لانه لم يشرف الموضوع حتى الان مع ان النداء هو مخصوص به. ولكن يبقى الرهان على امثالك لانجاح المشروع....شكرا مره اخرى .
العم/هجو
شكرا على المرور والتوقيع فى دفتر الحضور, وننتظر المزيد والمزيد

الاخ خالد بحر


اقترحاتك جميله جدا اتمني ان تري النور

و همنا ان يكون الوطن البديل ده ملاذ نصلح فيهوا بقدر المكان ما انكسر

في الماضي

و دي برضوا واحده من الاقتراحات

اقتراح****** يا بكري ابوبكر #######


تسلم يا حبيب
keep it up

نصرالدين

خالص التحايا
عزيزي..
Salahaldeen Nadir
مقدر ماذكرته لكن ياعزيزى انا اساسا لو شايف الموضوع فيهو ضرر بالنسبة لشخص ما كنت ابديت اعتراضى ؛ وبما انو الموضوع اساسا مافى حد مضرر منو يبقى ليه نعطل الزمن بالنقاش ..
كل المطلوب من بكرى الاذن باعتبارة المنبر واسمو هى القاعدة الممكن ينطلق منها المشروع وببقى (easy) جدا ؛ مابالصعوبة لمن يقوم اشخاص دون قاعدة بتبنى فكرة قيام المشروع..
المنبر تتوفر فيهو القوى البشرية + المادة الاعلامية ووو هلمجرا ..
وكلنا معاك وضدّ الخطط الغير ناضجه والسيئة....
والشكر ليك انت كمان اولا واخيرا..
وقيل بعافية...

---------------------
الزميل العزيز
NASERELDIN SALAH
ادعم اقتراح ايضا الجميل ايضا ..
التحايا النواضر..

العزيز بكرى معانا ولا مع الخيانه ورينا رايك,واتمنى ان تاخذ الموضوع بجديه شويه.

ومازالت التساؤلات مشروعه جدا. ومازال اليحث جارى عن السيد/بكرى ابوبكر ليرد عليها.ولكنى اظنه استسفه الموضوع.وراى انه مجرد موضوع فارغ المحتوى والمضمون.اتنمى ان لا تكون تلك هى افكاره,واتمنى ان يكون ما منعه من الرد منطقى للغايه اتمنى ذلك................؟