Post: #1
Title: للمقيميين....فى ..السعودية
Author: abuguta
Date: 05-20-2003, 05:51 AM
اعزائى
شباب وشابات
البورد
لو كنت مشترك فى الشركة العربية للانترنت والاتصالات اول نت
وبتواجه اى مشكلة من مشاكل النت المعروفة لنا جمعيا
عدم تصفح-انقطاع دايم-اشتراكك انتهى فجاءة او اى شىء
من هذا القبيل اتصل على ابوقوتة نت بس لازم تبرز بطاقة سودانيز
اون لايين ونحن تحت الخدمة اذا كانت فى وسعنا
|
Post: #2
Title: Re: للمقيميين....فى ..السعودية
Author: اساسي
Date: 05-20-2003, 06:30 AM
Parent: #1
يا ابو قوته اول نت دي زي السبيل
ما محتاجة كلمة مرور زاتو
لووووووووووووووول
|
Post: #3
Title: Re: للمقيميين....فى ..السعودية
Author: abuguta
Date: 05-20-2003, 06:48 AM
Parent: #2
ياود ياساسى
انت راجل راسى
وعلى عينى وراسى
بس لازم نرص الكراسى
عشان ابوقوتة وفداسى
شكرا على الطلة
اما اول نت لا ناقة لى فيها ولا عنزة
غير انى موظف عادى
وبرضو فى خدمة الشباب
ناس اساسى وايهاب
وتماضر ورحاب
عشان نوفر الماء للشراب
ونعمر السهول والهضاب
|
Post: #4
Title: Re: للمقيميين....فى ..السعودية
Author: قرشـــو
Date: 05-20-2003, 07:32 AM
Parent: #3
الاخ ابو قوته
شكرا عزيزى للروح الطيبة وارجو ان تسود بين الاحباب جميعا وكل من يملك نافذة للعون لا يبخل بها على الاخرين حتى يكون لتجمعنا معنى وفائدة ..
لك الود كله
|
Post: #5
Title: Re: للمقيميين....فى ..السعودية
Author: abuguta
Date: 05-20-2003, 07:57 AM
Parent: #4
العمدة قرشـــو
ايوحشنى الزمان وانت حبى
ولا اجد فى الرياض ماء وانت جبى
ولو ان الزمان اطاع لبى
فديتك من مكاره بقلبى
شكرا شكرا كتير ياستاذ نحن كلنا طلبة فى مدرسة بكرى
وانت امثالك من اساتذتنا
|
Post: #6
Title: Re: للمقيميين....فى ..السعودية
Author: مهاجر
Date: 05-20-2003, 09:27 AM
Parent: #5
والله اول نت لا اول ولا حاجة
زي الندم يا ابوقوتة وحانعاني منها لمدة سنة من الان
لانها فترة تعمل بسرعة ممتازة وبعد مدة تبقي زي ابوالقدح
قبل شوية كانت ممتازة الان انا انتظر حتي تفتح الصفحة وارد عليك
وفداسي مالوا جاء في الوزنة ولا شنو
|
Post: #7
Title: Re: للمقيميين....فى ..السعودية
Author: abuguta
Date: 05-20-2003, 09:58 AM
Parent: #6
اخوى مهاجر
لك تحياتى
فداسى اقصد المدينة
عنكوليب فداسى الاشرق النقاى
وغفرو الحراسو معروف بخله مو عطاى
انا شن بهدينى من فوسيبة البراى
صايل وجافى محاربنى وبدورو اذاى
لها حبى وعقلى وفكرى
هى تمثل الجزيرة
اما اول نت هى دى شركة هندية عارف كيف نحن فيها اكثر من 8 اشخاص
من خريجى الهند عموما انت اتصل على الرقم المجانى واسال من ابوقوتة
وبعدين نشوف مشكلتك على الاقل نسمع صوتك ولى زمان ما سمعته
وشكرا على الطلة
|
Post: #8
Title: Re: للمقيميين....فى ..السعودية
Author: EMU إيمو
Date: 05-20-2003, 10:36 AM
Parent: #7
كم هو الرقم المجاني يا ابوقوتة
ما خلاص زهجنا وبدلنا من أول نت لنسما نت
كده خبرنا عشان نقفل بالباب البجيب النسيم
|
Post: #10
Title: Re: للمقيميين....فى ..السعودية
Author: abuguta
Date: 05-20-2003, 12:34 PM
Parent: #8
الاخ ايمو
تحياتى
اول شى انت ليش رافض الزواج
ولو ما لقيت واحدة انا عندى ليك واحدة بتصرف راتب ودمها تقيل
واخلاقها سماء وامها وابوها ميتين
بس شابف عند بوست عن ضرب الزوجات بعد ما اقراه بوافق ليك على الصفقة
التلفون 8001243399
بس خليك مع نسيمك الى ان نحل مشكلة مهاجر وكوستا
انا تحت الخدمة يايمو ياظريف وانا منتظر ابوفاطمة لما يضيفك
عشان اعرف معنى ايمو
|
Post: #9
Title: Re: للمقيميين....فى ..السعودية
Author: KOSTA
Date: 05-20-2003, 11:48 AM
Parent: #1
ابوقوته
طيب ما كان تتكلم من زمان
تصدق انا فى الخبر لما فجأة ينتهى اشتراكى ( بطاقة اول نت ) بأخد مشوار بعيد عشان امشى مبنى اسمه " الحصن " فى الثقبة بالخبر .. و بعد داك اشترى لى بطاقة اول نت جديدة و ارجع نفس المشوار
بس بعد ده تعبت معاى
ان شاء الله حتى البطاقة لسع ما كملت اتصل عليك فى الدعم الفنى 8001243399
اها اقول ليهم انا قريب ابو قوته الهندى
البيحب الكبسه المندى
و يستمتع باغنيات وردى
و بيهوى البلد من نمولى لشندى
و فى الحلمنتيش هو الشخشبندى
|
Post: #11
Title: Re: للمقيميين....فى ..السعودية
Author: abuguta
Date: 05-20-2003, 12:55 PM
Parent: #9
الاخ كوستا
مرحبك ياراجل
وانا من زمان عايز ادخل معاك على بوستاتك لكن دايما بخاف من الناس
الكبار بمعنى اصحاب المواضيع الهادفة بس كل ناس البورد كبار فى نظرى
عموما ما عندك مشكلة ونحن تحت الخدمة
اتصل فى اى وقت ستجدنى عند حسن الظن وانا قصدت من هذا البوست الخدمة الزى دى زيادة ساعات وحاجات تانية مابلتزم بيها بس عشان ما تنقطع من البورد وتحرمنا من قصائد البنفسج
تحياتى
|
Post: #12
Title: Re: للمقيميين....فى ..السعودية
Author: EMU إيمو
Date: 05-20-2003, 05:39 PM
Parent: #11
الحبيب أبوقوتة
يا خوي أنا عاوز نقرى
يعني عاوز لي ثلاث سنوات للزواج
وإذا بت الحلال ست الراتب
بتتحمل النفقات الدراسية ما عندي
مانع وربك يستر من البقت في المسكينة
بكرة حنعمل ليك وجع أذن بالتلفون
ولك ودي
|
Post: #14
Title: Re: للمقيميين....فى ..السعودية
Author: abuguta
Date: 05-21-2003, 05:41 AM
Parent: #12
الاخ ايمو
تحياتى
فى ناس مشو خطبو لولدهم بنت اهلها قالو عايزة تقراء
لكن بعد يومين عدلو رايهم وقالو رضينا
بس اهل الولد قالو ولدنا عايز يقراء
ها ها ها ها ها ها
مرحب بيك فى اى وقت ياحبيب بس انشاء الله تكون من منطقة قريبة عشان ما تخسرنا فلوس على المجانى
|
Post: #13
Title: Re: للمقيميين....فى ..السعودية
Author: السوداني
Date: 05-20-2003, 05:45 PM
Parent: #1
سلااااام الاخ ابقوته
يقطع القربه وسنينه
شنو يا ابو قوته فاتح لينا كده
رسلت ليك في الماسنجر و ما رديت
كدى جوك الماسنجر
و سلام
ود القوس
|
|