ابطــال اوروبا....و نـــدوة شـــداد

خرجت من الدوام من عصرا بدرى ,والحمد لله لقيت بدلتى بتاعة العرس مكوية,,قلت الليلة اقشر بيها فى القصر الابيض امام الخبير والعلامة فى عالم المستديرة الدكتور كمال شداد,,وكنت كل مرة اناظر ساعة الحائط لاننى لا املك ساعة يدوية مئذ تسعة سنوات والسبب هو الجوال الذى اصبح مهما عندى اكثر من اقامتى ذاتها,,لانك ممكن ان ترجع للبيت اذا نسيت الجوال ,,ولكن ربما لا ترجع لو نسيت المحفظة التى بداخلها الاقامة اذا عربيتك فيها بنزين وما خارج لشراء اغراض,,,,
وحين حانت الساعة الثامنة والنصف , قلت البس واغشى جارى المحجاج الرياضى القح الذى كان سبب تشجيعى لحضور تلك الندوة المهمة ,,,رن هاتفى فرديت عليه فكان احد الاخوة تعود ان يسهر معى كرويا
فقال:- فى البيت قلت :-ايوة لكنى طالع للسلمانية,,,فقال:- لى ان شاء الله عافية, قلت:- ليه اليوم ندوة كبرى مقامة هنالك من اجل نهضة الرياضة,,,فقال لى يازول انت مسكين,,تقوم تضيع مباراة العمر بين الشياطين والمدفعجية,,قلت :- ليه دى مش الاسبوع القادم ,,قال :- اليوم ,,وانا جيك ومعاى فلان وفلان
فقلت ليه مرحب بيكم ,,,ما دام اليوم كاس اوربا ,,ندوة شداد ملحوقة ,,ولا اقولك بعد تجى
فطرقنا نتناقش فى تلك الندوة المقامة من اجل الرياضة,,والداعى لها صحفيون رياضيون,,
فصرنا نتسال ياربى بجد الناس ديل صحفيون,وعندهم اهتمام بارياضة ,,وليه المواعيد دى بالذات,,
فقلت للحضور خلونا فى المباراة ,,نحن اصلا ما صحفيون ولا مدعون,وكنا ماشين نشرف فقط
لكن القدم ليها رافع
ودمتم

ابو لدن
صحفى رياضى مستقل

ملحوظة
اللون من اجل موضوع الندوة اكيد بكون للهلال نصيب الاسد

فااااااااااااااااااااتتك

من سنين لم اضحك من الاعماق كما ضحكت امس

شكرا للدكتور كمال شداد

بالله يادكتور

كانت روعة,,,,,اها ما جاب سيرة البحر
والبحر هو صلاح ادريس

جابها
سيرة البحر عني الحكومة

قال ما قاعد تدفع قروش

ودعمها كله
هوا سااااااااااااااي
كلام جرايد

والوزير بتاع الرياضة
في ناس رافعين عليه قضية
عشان ما ادتاهم قروشهم

يعني زي الشيم ألار دي

وقال حا جات وحاجات

وناس جو مبيتين النية
فشلهم

وفي ناس انفقعت مرارتهم

لانه الفرق كبير
بين زول بيتكلم عن امور فنية

وعن ناس بتتكلم من منطلقات صالونية
قد لا اتفق مع شدلد في كثير من اشياء
لكن بصراحة
الرجل حجة