دور أبناء الجنوب الذين عاشوا بشمال السودان فى مسالة الوحدة والإنفصال

هل هو سلبى أم إيجابى بالذات فى مسالة الوحدة؟

لماذا لا يكون حلقة الوصل بين الشمال والجنوب لمعرفة اللصيقة بطبيعة وتعاملات شمال السودان كما إنهم يعلمون أهلهم اتم العلم؟

الكل عانى فى الجنوب اثناء الحرب
من بقى فى الجنوب عانى
من جاء إلى الشمال كنازح عانى
من ذهب إلى شرق إفريقيا كلاجئ عانى هو أيضاً
هنا تختلف طرق المعاناة ولكن تظل المعاناة هى المعاناة


هناك من يرى ان الذين كانوا فى الشمال يدعمون صف الوحدة لانهم لم يعانوا!
هؤلاء اكبر الواهمين لانهم لا يدرون المعاناة التى كنا نقاسيه هنا ولكن مع ذلك نطالب بالوحدة لمصلحة الوطن

وبنفس قدر المعاناة كان هناك لحظات سعيدة عظيمة عرفنا فيها أناس يمكنك تفضيلهم على إخوتك
اصدقاء يرضون الموت لانفسهم من أن يحدث لك مكروه
دخلوا بيوتنا وجلسنا معهم فى منازلهم دون الإحساس بإنى يمكن ان اكون أقل منهم او هم أقل منى
أكلنا سوياً وقضينا ايام جميلة معاً
تشاركنا فى كل شئ الأفراح والأتراح

الجنوبى الذى عاش فى الشمال كالشمالى الذى عاش فى الجنوب
يعلم علم اليقين ماذا يفرح الشمال وما الذى يغضبه
يعلم من مجرد كلمة قالها الشمالى ما الذى يرمى إليه ويمكنه التكهن الخطوة التالية
هذا ايضاً ينطبق على الشمالى الذى عاش بالجنوب وخبر أهلها

ثم ما هى نظرة الشماليين للجنوبيين الذين عاشوا فيما بينهم؟ أهى كما يتوهم البعض انهم ينظرون إليهم كأناس أقل منهم مرتبة؟

بالله ناس تعبانين شقيانين زيهم زيك ... هل عندهم الوقت بأن ينظروا إليك نظرة الدونية او كما يتوهم البعض؟!
يعنى بتاع البقالة الوقف النهار كلو يبيع بضاعتو وبيكون جاى من الأقاليم مرات شهرين تلاتة ما يشوف أولادو شنو البخليهو ينظر ليك بإنك أقل منو؟ وهل هو زاتو فاضى عشان يفكر التفكير ده؟

زول كان بيقرأ معاك فى فصل واحد وقاعدين جنبو بعض
غلط بينجلد زيو زيك لو إنت غلطت
تطلعوا الفطور تجمعوا الشير وتضربوا البوش
يجى يستعلى عليك كيف لو ما توهم منك ساى

تشبكوا الناس جلابة جلابة مع إنهم المصطلح المقصود بيهو هناااااااااااك الناس القاعدين فوق الكرسى داااااااك
هسى ود جيراننا الفقير الشمالى داك اليوم من الأيام إتقاسمت معاهو فطورى فى المدرسة زى ما مرات بيعمل لو ما عندى فطورى أجى ناطى ليهو فى رقبتو واقول ليهو جلابى واقاطعو وما اتكلم معاهو؟
هل يجوز؟!

يأخ فلنفترض الشماليين كعبين... هل كل الشماليين يتلصق ليهم صفة الكعوبية؟
وهل بالمقابل كل الجنوبين حملان وديعة لا حول لهم ولا قوة وما فيهم ناس كعبين؟
يجب إيجاد معادلات صحيحة من أجل الوطن

شول
وينك غاتس يا زول
موضوعك دا مهم جدا
في المرحلة دي في دور على اي سوداني شمالي او جنوبي في مسالة الوحدة
مفروض اي زول يستشعر عظم المسالة دي
ورثنا هذا البلد مليون ميل عملاقا افريقيا وعربيا
ولا نملك حق التفريط فيه
في تقديري المؤتمر الوطني والحركة الشعبية وضعوا هذا البلد في مازق كبير جدا
الاستفتاء في تقديري شبيه بوعد بلفور"عطاء من لا يملك لمن لا يستحق"
دمت بخير اخي ,,

Quote: الاستفتاء في تقديري شبيه بوعد بلفور"عطاء من لا يملك لمن لا يستحق" دمت بخير اخي ,,

من الذي لا يستحق؟

دينق.

معاذ حسن إزيك ياخ

Quote: في تقديري المؤتمر الوطني والحركة الشعبية وضعوا هذا البلد في مازق كبير جدا

لسوء النوايا من الطرفين دخل البلد فى هذا المازق ولكن للبلد ابناءه








شكراً لمرورك يا معاذ



مليون ميل مربع اخليهو امشى احشر نفسى فى جزء بسيط منو ... لا والله

Quote: الاستفتاء في تقديري شبيه بوعد بلفور"عطاء من لا يملك لمن لا يستحق"

انا من ابناء السودان احس بإنى استحق المليون ميل مربع كلها غير منقوصة ولا شبر










شكراً لمرورك يا دينق وننتظر توضيح من الأخ معاذ حسن بخصوص سؤالك

Quote: من الذي لا يستحق؟ دينق.

Quote: انا من ابناء السودان احس بإنى استحق المليون ميل مربع كلها غير منقوصة ولا شبر

I got another idea!!..
No no
I got a question; we are all suffering
Dying and starving, why?! Who is putting us there
How get ourselves out of it , who is with me how are
They gonna help me
How can they help and when
Believe me we all love these countrey and
Its unity, but enough is is enough we have suffered
A lot and if change don't start sooner then I have no choice but
To go and try what I had never tried
Remember in Arabic they say( jerria madmona wala wagffa mojahjaha) isn't right
We are running out of time and believe to prevent our nation from falling apart
We have to change the regime and it's ideaology that kept us from living
The real unity for more than 50 years
Peace

.
.

أخي الكريم وزميلي العزيز شول

Quote: انا من ابناء السودان احس بإنى استحق المليون ميل مربع كلها غير منقوصة ولا شبر

ياخي أشهد الله تعالى رب محمد والمسيح عليهما السلام أنني أحب أهلي في الجنوب، وأعتز بهم وأفاخر بهم وأكن لهم كل مودة وتقدير وإحترام وأتشرف باخوتهم في بلدنا الكبير الجميل.

أشهد الله أنني أكتب هذه الكلمات من قلبي دون أي مجاملة.

يجب أن نتواصل أكثر و أكثر وأكثر دون عنصرية من الجانبين ودون جهوية حتى تزول كل رواسب الحرب اللعينة.

نحن شعب واحد رغم كل ماحدث من قتال ودماء .

أخي شول لك ولك سوداني جنوبي كل المودة والإحترام والمحبة والتقدير ..
.

Quote: Believe me we all love these countrey and Its unity, but enough is is enough we have suffered A lot and if change don't start sooner then I have no choice but To go and try what I had never tried

If you love something you don't have to say enough is enough
You better try harder and harder until u reach your goal



Your point of view is appreciated Bro. Albino Akoon

But I prefer the unity of Sudan

شاكر مرورك أخى الأزهرى2 والف شكر على مشاعرك النبيلة

Quote: We have to change the regime and it's ideaology that kept us from living The real unity for more than 50 years

brother Albino
do you agree
that nifasha agreement
solved
the sudan conflict or not

Quote: If you love something you don't have to say enough is enough You better try harder and harder until u reach your goal

شول مع انو انجليزيتي زي عربي دوت مجاك
لكن قدر الفهمتو كلامك دهب زيك.
تحياتي لك ايها الفتي .

Quote: I got a question; we are all suffering Dying and starving, why?! Who is putting us there How get ourselves out of it , who is with me how are They gonna help me How can they help and when Believe me we all love these countrey and Its unity, but enough is is enough we have suffered A lot and if change don't start sooner then I have no choice but To go and try what I had never tried

.

dear brothers
Thanks
As we all know it took the nation 50+ bloody years
To singe a peace agreement with only one life amedment which
Refrendom as afinal solution for our brotual history
And I do believe this amendment won't be there if there were no
Need to it.
At this time it will take us more then what it took us
If the change don't come within the timeframe that was chosen by
Both sides 

Quote: وبنفس قدر المعاناة كان هناك لحظات سعيدة عظيمة عرفنا فيها أناس يمكنك تفضيلهم على إخوتك اصدقاء يرضون الموت لانفسهم من أن يحدث لك مكروه دخلوا بيوتنا وجلسنا معهم فى منازلهم دون الإحساس بإنى يمكن ان اكون أقل منهم او هم أقل منى أكلنا سوياً وقضينا ايام جميلة معاً تشاركنا فى كل شئ الأفراح والأتراح

اخي اشول
قدره خارقه في كسير التلج
ياخي و الله كلنا هدفنا انو السودان يظل متوحد لكن الطلاق بردو ابغض الحلال
انتو اتخارجو خلاص دربكم ابيض خلونا الفضلنا كمان نحاول نؤسس لمفاهيم جديده
من اجل السودان البفضل لينا .

بس زي ما قال واحد من القيادات الجنوبية نسيت من هو انو الجنوب دا ما( بِرِش )
عشان يتلف على نفسو لما ينفصل . ليش احنا نضحك على بعض ؟ الجنوب منفصل و هذا
من حقه و من حق ابناءه .. علينا ان نؤسس لسياسة حسن الجوار و كيف لنا ان نطوع
هذه العلاقات الاسرية و المصالح المشتركة لتوطيد العلاقة لاجل مصلحة الدولتين .
مع الود .

فوق

حت اُشارك

سلام شول اخوي

مهما حاول البعض ان يظهر الظلام وسواد المقصد فلابد للخير من اشراق ,,

يتحدثون عن ظلم وعبوديه بلا سند الا عقول مريضه خربه ,,

او حوادث فرديه لاتنطبق علي الكل ,, ولا يسندها احد ,,,

وها انت يا شول تقول درر وولقع معاش بعيدا عن التوقعات او التخيل ,,,

ما قلته هو واقع نعيشه صباح مساء ,,,

وتاكد اخي شول اذا لاقدر الله وحدث هذا المشئوم المسمي انفصال فاننا خاسرون جميعا ,,,




















____________________________________________________
موعدنا الجمعه ظهرا ,,,

أهم ما فى السؤال ... الوحدة أم الإنفصال .... لا يكمن فى الإنطباعات والعواطف الشخصية ....

ولكنه خيار .... وخيار حر ... ومصيرى ...

فيجب أن ينبنى على المصلحة العامة ... والرؤية المستقبلية .... بالحساب ... ما هى الفوائد ... وما هى الأضرار؟

مثلاً ... لا أعتقد أن هنالك فائدة "رفع المعاناه عن الجنوبى السودانى" فى الإنفصال ... إذ لا توجد علاقة مستقبلية مباشرة ... توجد علاقة مباشرة بين معاناة المواطن الجنوبى وغياب المساواة فى الحقوق والواجبات ...

الخيار صعب ... والمستقبل لا زال مظلماً .... وغالبية الساحة السياسية لا زالت تنظر للماضى ...












.. المهم .... 2011 قرّبت ...

There's different between the governments and civilians. Weremember at war time two armies were fighting
Though the relationship betwen citizen was not bad.
Government agenda dosent support the unification of all citizen and it's ideaology isn't fairand no mater how we
Citizens love each other and willing to live together there's no way because the laws are unfair and that only can
Result in destruction of our society .
You wanna talk about love that's not my mater not even a friendship Or something else
We are talking about justice and law enforcement and equal opertunity for all citizen
We can't live in one countrey that's being ruled by two different systems, because one day either one
Will defy the other and that's will lead to anothe. We have fought enough to return back to it again
So if you want to decieve yourselves then live that lie till you the truth wake you up.
Peace and love 

Quote: أهم ما فى السؤال ... الوحدة أم الإنفصال .... لا يكمن فى الإنطباعات والعواطف الشخصية .... ولكنه خيار .... وخيار حر ... ومصيرى ... فيجب أن ينبنى على المصلحة العامة ... والرؤية المستقبلية .... بالحساب ... ما هى الفوائد ... وما هى الأضرار؟ مثلاً ... لا أعتقد أن هنالك فائدة "رفع المعاناه عن الجنوبى السودانى" فى الإنفصال ... إذ لا توجد علاقة مستقبلية مباشرة ... توجد علاقة مباشرة بين معاناة المواطن الجنوبى وغياب المساواة فى الحقوق والواجبات ...

"قطعت جهينة قول كل خطيب"

Quote: اخي اشول قدره خارقه في كسير التلج ياخي و الله كلنا هدفنا انو السودان يظل متوحد لكن الطلاق بردو ابغض الحلال انتو اتخارجو خلاص دربكم ابيض خلونا الفضلنا كمان نحاول نؤسس لمفاهيم جديده من اجل السودان البفضل لينا .

و انت عندك قدرة خارقة على التبسيط
كلام الطلاق دا عن ( فردين ) دا مع التغاطي عن الاشارات السلبية الفيه
و ما بمشي في المشاكل المركبة دي

كدي اديني حل لي انا دا
اسرتي مقسومة هنا و هناك و بيتنا الكبيرة في الجنوب و صرتي بهناك و لينا مصالح و تجارة هناك
اها نبقى بجاي و لا بهناك ؟
و بعدين الزيارات الاسرية نجهز جوازات سفر و لا كيف ؟
ماشي وين ؟ و الله ماشي اخد تاشيرة عشان ماشين نحضر طهور ود اخوي و جايين ؟
معقولة بس ؟.
باللاي ادرسوا لينا الشغلة دي في ملف علاقات حسن الجوار سمح ؟
الوحدة ما خيار بالنسبة لي الوحدة ضرورة و حوجة ياخ

الاخوة الكرام
المساءلة معقدة للغاية فالحكومات التي حكمت السودان منذ الاستقلال فرضت في وحدة الشعب السوداني بانحيازها لثقافة احادية وتنمية مناطق لاغراض المصلحة المغرضة.
علي سبيل المثال لا الحصر لننظر لحوش بانقا قبل مجئ البشير للحكم!!
اول مشروع نفذه الحكومة الرشيدة هو طريق التحدي(انظر للاسم)
وثاني مشروع هو مصفاة الجيلي الذي يقع تماما ما بين الجيلي و حوش بانقا
والكثير من مشاريع الري (الترعة)
توفق مشروع طريق الانقاذ الغربي كما سارت شريان الشمال ببطء ولا اظنه لازال تحت التشييد الي اليوم
استخرج بترول الجنوب واحتكرت فرص العمل لفئات معينة, انحلت التدرج العسكري وصار لبعض متدنئ الرتبة صلاحيات فوق من هم اعلي رتبة
اعلن الجهاد ضد الجنوبيين وابيح ارواح الكثيرين بفتح باب الاستشهاد والجنة في ارض الجنوب
وبعدها دارفور والشرق والبقية اتية
وحتي الان لا بوادر للتحول الديمقراطي والحريات مازالت مقيدة و التنمية نسبية ولكن بنفس الاتجاه.
اذن ما الذي تغيير وماذا سيجعل الوحدة جاذبة علي مستوي القطر وليس الطرفين الموقعين علي نيفاشا

مخرج وهمي للبعض:-

دي حسادة ولا ما كدا؟!!
اسموعني غيرها فقد مملت سماعها

شكراً، يا أشول. أتابع باهتمام، وباستمتاع. بتركيزك على الجانب الاجتماعي -لا السياسي فحسب- أنت تذكرننا بما يجمعنا مما يجعلنا ننظر لما يفرقنا بنظرة أكثر موضوعية.

سأظل أتابع!

قضية الإنفصال أم الوحدة هي قضية عاطفية انطباعية في المقام الأول وعلى هذا المقام يعمل السياسيون لتجييش العواطف سلباً أو إيجاباً نحو أحد القطبين انفصال أو وحدة حسب حسابات حزبية آنية أو قد تكون في حالات نادرة ذات نظرة مستقبلية متطلّعة.

الشعوب (كل الشعوب) تفتقر في الغالب لميزان الربح والخسارة بالمفهوم السياسي والاستراتيجي وهي في أغلب الأحيان تتأثر بالإعلام والكلام (كلام السياسيين).

ونحن في منطقتنا نفتقر للكثير من آليات التوعية الجماهيرية حتى يكون هناك حساب للربح والخسارة للإنسان العادي والبسيط والذي هو صوت الوحدة أو الانفصال والذي يحدد إلى أي جهة ترجّح كفّة الميزان.

كمال

الشكر لكل المتداخلين


ساعود للرد عليكم

تحياتى اخى وصديقى شول
اظن اننى امام بوست نقى خالى من كل المفاهيم التى تعكر صفو الاخوان
لو كانت هكذا الخطابات ثق عزيزى بان الجميع سوف يعيش فى وئام

( لى مداخله هنا واسترسال)

من ناحيه عاطفيه لو قلت ليكم انا في مجموعه سودانيه بحبها اكثر من الجنوبيين اكون كذبت عليكم ما تسالوني عشان شنو ؟؟ لانه انا نفسي ما عارفه لكين لو بيدي لما اشوف جنوبي ولا جنوبيه احشرهم جوا جوا قلبي من جوا. عارف يا شول يا حبيب مامتك دومه في حاله انفصالكم عننا ما عندكم اي طريقه غير تدوني جواز سفر وجنسيه جنوبيه.


تبارك ودج شيخ الدين قال كلام مهم شديد بتمني انه يرجع عشان يقول لينا ما هي منافع الوحده وما هي اضرار الانفصال علي الجنوب قبل الشمال ؟؟

أول حاجة على المواطن الجنوبي الذي عاش في شمال السودان عليه بالاتي:

1- أن يكون ملم تماما بما يحدث في الشمال، خصوصا الخرطوم، لأنوا الخرطوم هي مركز القرار وكل بلاوي السودان وخصوصا الجنوب جاية من الخرطوم.

2- معرفة حقيقية للمجتمع الشمالي. ومعرفة طريقة تفكيره تجاهقضايا الوطن الكبرى.

3- معرفة من الذين يتحكمون في الثروة والسلطة ومحاولة معرفتهم معرفة من قريب.

4- أن يكون المواطن الجنوبي صريح مع أصدقائه الشمالين ولا يجماملهم في قضية الجنوب.

ولي عودة بالمزيد

متابعة

Quote: هؤلاء اكبر الواهمين لانهم لا يدرون المعاناة التى كنا نقاسيه هنا ولكن مع ذلك نطالب بالوحدة لمصلحة الوطن

أخي شول - تحياتي لك

معا للوحدة ونشر ثقافة السلام والإنسجام
رغم كل شيء

وسأعود إن الله سهل

شول

نحياتي و تقديري

تعرف لو حصلتْ الوحدة ، حتكون بجهد كل من هم أمثالك مخلصين للوطن الواحد
و لو حصل إنفصال ( لا قدر الله ) فستكون من بين دهاليز السياسة و الساسة و مصالح أجنبية فقط ...

كلامك ال فوق دة كلو بيقولوه ناس كتار من أبناء الجنوب
تتذكر أخوي ( ألبينو ماجور ) ؟؟ هو بيقول نفس كلامك دة و كثيرين مثله.

كن بخير

كتب الأخ الصادق ضرار:

Quote: اخي اشول قدره خارقه في كسير التلج ياخي و الله كلنا هدفنا انو السودان يظل متوحد لكن الطلاق بردو ابغض الحلال انتو اتخارجو خلاص دربكم ابيض خلونا الفضلنا كمان نحاول نؤسس لمفاهيم جديده من اجل السودان البفضل لينا . بس زي ما قال واحد من القيادات الجنوبية نسيت من هو انو الجنوب دا ما( بِرِش ) عشان يتلف على نفسو لما ينفصل . ليش احنا نضحك على بعض ؟ الجنوب منفصل و هذا من حقه و من حق ابناءه .. علينا ان نؤسس لسياسة حسن الجوار و كيف لنا ان نطوع هذه العلاقات الاسرية و المصالح المشتركة لتوطيد العلاقة لاجل مصلحة الدولتين . مع الود .

الصادق ياخ والله انا لا قاعد اكسر تلج ولا يحزنون ... ده كلو راى كجنوبى عشت فى الشمال وبؤمن بوحدة السودان ... هل ده بتسميهو كسير تلج؟!
وبعدين هنا أنا شول اشوانق دينق لا قاعد اضحك على زول ولا شيتين ... كلامى القلت ده الكلام الشايفو صحيح على الأقل ده راى الخاص بخصوص المشكلة.

2011 قريبة والجنوبى الداير يجدع للإنفصال ما حاجيو بى جيم ثرى واقول ليهو هوووووى اجدع للوحدة ... لا وابداً لا لكن مافى زول حيقدر يجبرنى ارمى للإنفصال مهما كان ذلك.

Quote: أهم ما فى السؤال ... الوحدة أم الإنفصال .... لا يكمن فى الإنطباعات والعواطف الشخصية .... ولكنه خيار .... وخيار حر ... ومصيرى ...

إذا كان الخيار حراً فعليه يكون هناك تاثيراً للعواطف والإنطباعات الشخصية لا يمكن الإستهوان به يا ود شيخ الدين










المهم زى ما قلت 2011 قريبة

أخ شول

قل لاعاش من يفصلنا

Quote: وحتي الان لا بوادر للتحول الديمقراطي والحريات مازالت مقيدة و التنمية نسبية ولكن بنفس الاتجاه. اذن ما الذي تغيير وماذا سيجعل الوحدة جاذبة علي مستوي القطر وليس الطرفين الموقعين علي نيفاشا

إذا كانت الحركة بتخلى حقها وتتحنك عينك يا تاجر هل ده بيخلينى كمواطن اصوت للإنفصال وبعدين موضوع التنمية ده حصل شنو فيهو فى الجنوب؟ ما ياهو الجنوب من اربعة سنة ماشايفين التكتح!
الحركة إتعودت على تقديم التنازلات المجانية وده الشجع المؤتمر الوطنى يعمل العمايل البيعمل فيها دى.
الحركة ما شريكة فى الحكومة دى وأصلو ما معقول تكون شريك فى حكومة وتركب مكنة معارضة طيب ما كان فى الأول لا توقع إتفاقية ولا يحزنون لو اصلك ما داير تشارك فى الحكومة على الأقل التجمع الوطنى الديمقراطى كان لسه بيكون فيهو روح لليلة وما كان احزاب التجمع بينظروا للحركة كحزب خائن خان بقية احزاب التجمع الوطنى الديمقراطى

Quote: قضية الإنفصال أم الوحدة هي قضية عاطفية انطباعية في المقام الأول وعلى هذا المقام يعمل السياسيون لتجييش العواطف سلباً أو إيجاباً نحو أحد القطبين انفصال أو وحدة حسب حسابات حزبية آنية أو قد تكون في حالات نادرة ذات نظرة مستقبلية متطلّعة. الشعوب (كل الشعوب) تفتقر في الغالب لميزان الربح والخسارة بالمفهوم السياسي والاستراتيجي وهي في أغلب الأحيان تتأثر بالإعلام والكلام (كلام السياسيين). ونحن في منطقتنا نفتقر للكثير من آليات التوعية الجماهيرية حتى يكون هناك حساب للربح والخسارة للإنسان العادي والبسيط والذي هو صوت الوحدة أو الانفصال والذي يحدد إلى أي جهة ترجّح كفّة الميزان.

بالضبط يا فرانكلى وشاكر مشاركتك

Quote: أول حاجة على المواطن الجنوبي الذي عاش في شمال السودان عليه بالاتي: 1- أن يكون ملم تماما بما يحدث في الشمال، خصوصا الخرطوم، لأنوا الخرطوم هي مركز القرار وكل بلاوي السودان وخصوصا الجنوب جاية من الخرطوم. 2- معرفة حقيقية للمجتمع الشمالي. ومعرفة طريقة تفكيره تجاهقضايا الوطن الكبرى. 3- معرفة من الذين يتحكمون في الثروة والسلطة ومحاولة معرفتهم معرفة من قريب. 4- أن يكون المواطن الجنوبي صريح مع أصدقائه الشمالين ولا يجماملهم في قضية الجنوب. ولي عودة بالمزيد

1- اربعة سنة من توقيع إتفاقية نيفاشا أى قرار تم فى الحرطوم انا شخصياً بعتبر الحركة الشعبية مشترك فيها لانها فى الحكومة ولو ما فتحت عينها زى الناس وقاعدة تخلى حقها للمؤتمر الوطنى ده ما ذنبى انا المواطن العادى.
2- الفئة التى عايشتهم اعرف مواقفهم تجاه قضايا الوطن الكبرى ومواقف مشرفة جداً
3- الذين يتحكمون فى الثروة والسلطة الآن إثنان حسب علمى المؤتمر الوطنى والحركة الشعبية
4- إنت ليه بتفترض إنو الناس بتمثل فى الكلام البتكتبو هنا ده!!!

منتظرين عودتك

Quote: معا للوحدة ونشر ثقافة السلام والإنسجام رغم كل شيء

يا ود عبد الجليل الحزبين الحاكمين تجاهلوا هذه الثقافة تماماً وحتى عمليات المصالحة الوقعوا عليها فى نيفاشا تجاهلوها تماماً لذلك نفعل أضعف الإيمان



مليون ميل مربع

الإخوة:
- قيقا (الله يحل مشكلتك بالوحدة)
- حسن مكاوى شاكر لك حضورك
- العوض المسلمى (شكراً على كلماتك)
- اندرو كوات (شكراً لحضورك ... بعدين وين غايب يا بنج؟)
- د. حيدر بدوى حبابك وشكراً للمتابعة
- وليد 500 تمام يا زول (إنت هنا ولّ رجعت)
- ماما دومه كتر خيرك امى انا
- الشفت (بالله خليك متابع)
- الريس ابوجهينة يسلم يراعك
- محمد فرح مرحب بيك (وطن بالفيهو نتساوى)

الحبيب شول

النفوس لو اتطايبت

الوطن يسع الجميع

الاخ شول,
المسالة ليست بهذه السهولة. الجنوبين فى الشمال جزورهم تمتد قرونا: فمنهم من اتى مكبلا بالقيود العبودية و سلبت هويته القبلية و تحول بمرور الزمن الى شمالى ود عرب و منهم من ينادى جنوبيا و لا يعرف شئيا عن الجنوب غير الإرتباط الوجدانى. هولاء لهم الحق فى ابداء اراءهم حول قضايا الوحدة و الإستقلال للجنوب و لكنهم ليس بنفس الجنوبين فى الجنوب لان مصالح جل هولاء توجد فى الشمال و ليست فى الجنوب و العكس فى حالة الجنوبين فى الجنوب.
انت تضع الحركة الشعبية و الموتمر الوطنى فى ميزان واحد و للاسف الشديد هذا المعيار تفقد اى اساس موضوعى. الحركة ليست هى التى تتماطل فى تنفيذ اتفاقية السلام و لا هى ترتكب جرائم فى حق احد و اما فشلها فى منازلة الانقاذ, و التى ربما تقود الى حرب جديد, فلياتى من لديه حلول سحرية براى حول كيفية التعامل مع الموتمر الوطنى و الأعلام التى تدق طبول الجهاد من وراءه. اكيد بتقرأ ما يكتبه الطيب مصطفى و اعوانه من زبالى النظام.
حق التقرير المصير حق مقدس و قد زهقت اروحا كثيرة من اجل انجازها و لم تاتى بها الحركة الشعبية لتحرير السودان بل نادى به سلاطيننا فى مؤتمر جوبا.
و كما قال الزعيم الراحل قرنق, فهناك فرصة امامنا لنقرر مصيرنا و نعيش كمواطنين درجة ثانية او نقرر مصيرنا و نعيش كاحرار مثل بقية الشعوب.
الجنوبين الذين ولدوا و توالدوا او تربوا فى الشمال, و انا احدهم, لن يحددوا مصير اهلهم فى الجنوب من الشمال. إذا راد هولاء تعزيز اواصر الوحدة مع الشمال, فعليهم, بما فيهم شخصى, المساهمة فى نهضة الجنوب و نشر الاخبار السارة التى سنجنيها من الوحدة المنشودة.
ودى.

الحبيب شــول ... غايتو انـــا بعرف معرفة لصيقه جدا ابناء من كل كيانات الجنوب الاجتماعية


يشكلون لـــى مســاحات فى حياتـــى لــن ابدلها لو انفصل السودان ولو لـــم ينفصــل ..


( انــــا تــم ذبح ثــور لشخصــى وبموجبــــه اصبحــت ابن من ابناء قبيلة النوير ( فرع ) بـــل


فى مدينة ميوم بغرب النوير ) وانا ليــس على استعداد لـرد هــذا الولاء الاجتماعــى ..


لمــاذا ربــط السياســى فى تحديد مساحات التلاقى بين ابناء الجنوب والشمال ..اين المساحات الاجتماعية

والمساحات الدينية والمساحات الثقافية و الاقتصاديــة ..


كـــان الجنوب بكياناتــه الاجتماعيــة من قبل وسيظــل ...

الاخوه / زكريا جوزيف ودينق ومن ورائهم دعونى احيكم جميعآ
بس ولاكثر.

اخي الاستاز شول لك اجمل التحاياانا من المتباعين للكتابات الجميله من زمان واي بوست باسمك
نتمني من الله ان يظل السودان موحد
هل المؤتمر الوطني يهمه ان يستمر السودان موحد لا اظن من تصرفات الانقاذ لن يبقي الا العاصمه
الكيزان ليس حريسين للوحده البلد الجريخ اكثر حرسهم الاستمرار في الحكم
منذ صغري لي علاقات مع اخوتي من الجنوب اثناء وجودي في السودان وفي المنفي
وايضا تشرفت بمعرفت القائد الراحل المقيم دكتور قرنق ايام وجوده في الجيش السوداني كان عمي دفعته وصديقه
كان يزور عمي كثيرنا في منزله ومن حينها تعلمت الكثير في احترام الاحرين والوقوف مع المظاليم في اي بقع من بقاع السودان الحبيب .
اتي دور المهمشين والمبعدين كي يحكمو نفسهم بنفسهم
بناء جيش من كل قبائل السودان كي يحمي الوطن الواحد
تقسيم السلطه تقسيم حقيقي ليس في الاوراق فقط
محاسبه كل انسان ارتكب جريمه في حق الشعب المسكين المغلوب علي امره

Up till we agree on a vision

Quote: 1- اربعة سنة من توقيع إتفاقية نيفاشا أى قرار تم فى الحرطوم انا شخصياً بعتبر الحركة الشعبية مشترك فيها لانها فى الحكومة ولو ما فتحت عينها زى الناس وقاعدة تخلى حقها للمؤتمر الوطنى ده ما ذنبى انا المواطن العادى. 2- الفئة التى عايشتهم اعرف مواقفهم تجاه قضايا الوطن الكبرى ومواقف مشرفة جداً 3- الذين يتحكمون فى الثروة والسلطة الآن إثنان حسب علمى المؤتمر الوطنى والحركة الشعبية 4- إنت ليه بتفترض إنو الناس بتمثل فى الكلام البتكتبو هنا ده!!!

الاخ شول.

أنت عايش في السودان وتدري جيدا من هو المسئول عن تخريب إتفاقية نيفاشا وتعرف جيدا أن المؤتمر الوطني مازال يتحكم في السلطة والثروة في البلاد وهنالك قرارات كثيرة يتخذها المؤتمر الوطني دون الرجوع أو أستشارة الحركة الشعبية الشريك في الحكم، وهذا الامر مخالفة صريحة وواضحة للأتفاقية. لقد أحتجت الحركة الشعبية ومازالت تحتج وأنسحبت من الحكومة المركزية من قبل. فكيف تحمل أنت الحركة الشعبية ما يجري في السودان الان؟
تعرف يا شول. أكتر حاجة ضيعت السودان هي المجاملة. نحن بنجامل بعض أكثر من اللازم. مثلا أرجع فوق وشوف بعض المداخلات التي تطالب بوحدة السودان، هل هي فعلا صادقة أم أنها مجرد دعوات مراكبية؟ أنا بالتحديد بتحدث عن مداخلات الكيزان التي تمت من محمد فرح وبيلو. هولاء الاثنين يؤيدون كل القتل الذي يحدث في دارفور اليوم ولقد كانوا يؤيدون القتل الذي كان يحدث في جبال النوبة وجنوب السودان وجنوب النيل الازرق، هل تعتقد أن هذا هي الوحدة التي نسعى لها؟ يجب أن نكون صريحين جدا مع أخوتنا الشمالين خصوصا في مطالبنا العادلة لقيام دولة واحدة. هل الشمالين أحزاب ومواطنين جاهزين للقبول بنظام في السودان يحفظ للجميع حقوقهم بغض النظر عن أصولهم العرقية، دينهم أو لونهم؟


دينق.

أنا أفتكر كلام الأمريكى دينق .. خارم بارم .. لأن هو حدد مصيره ليس سودانى شمالى أو جنوبى .. بل أمريكى ومازل يحشر أنفه هناك فى حق أبناء الجنوب والشمال الحرصين على الوحدة أمثال شول ..

أنت ليس سودانى ذاتو .. والحاشرك هناك شنو؟

عاشت الوحدة يا شول ..

بريمة

وأنت بريمة الحاصل على جواز أمريكي سوداني مية المية.

شفته أنت تفكيرك كيف يا بريمة؟

نسبة لإنشغالى الشديد سارد إليكم جميعاً إن الله هون قريباً
مرحب بالأخ زكريا جوزيف وإن شاء الله يا بنج ديد نجيك بى رواقة
تحية لجميع المتداخلين