Post: #1
Title: شنو البيميز الخواجات عننا؟؟؟ (الفضائل الإنسانية؟؟؟)
Author: شول اشوانق دينق
Date: 08-23-2007, 10:08 AM
اعزائي اعضاء وقراء منبر الحرية (سودانيز اونلاين)
عاطر التحايا
في الحقيقة لطالما ارقني السؤال موضوع البوست هذا
ما هي الفضائل الإنسانية التي تتفوق بها الإنسان الغربي ؟
الجدير بالذكر ان المراد بهذه الفضائل من وجهة نظري هي الفضائل الإنسانية البحتة بغض النظر عن الدين او الثقافة.
ما هي الفضائل التي تميز الإنسان الغربي عن الإنسان الإفريقي (مثلاً) في الوقت الحاضر؟ وما هو سر تفوقه علي المستوي العالمي؟
فائق الإحترام
شول شوانق
راجينكم
|
Post: #2
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: شول اشوانق دينق
Date: 08-23-2007, 10:21 AM
Parent: #1
كلما يجيني التساؤل في إنه شنو البخلي الخواجات ديل احسن مننا بفتش وبدور وفي النهاية قاعد اطلع بمحصله واحد وهي...
- الصدق.
بصراحة الخواجات ما بقول إنهم صادقين مية في المية ولكن حتي لو كذبوا لفترة من الزمن ... في النهاية الزول الكذب ده بيجي يقول ... انا يا اخواننا قبل كده قلت كده وكده لكن كنت كذاب.
وبعد ذلك يتحمل تبعات كذبه مهما حصل وبيكون مقتنع.
شول اشوانق
|
Post: #3
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: احمد معتصم الطيب
Date: 08-23-2007, 10:35 AM
Parent: #2
الأخ شول اشوانق دينق
الانسان الغربى يتميز فى .
أحترامو لعملو وموعيدو وفوق دا كلو الاخلاص فى العمل( العمل البعرفو بس)
يعنى مهنتو حداد يعنى حداد يجطم الحديد ده لمن يفهم حاجة
طبيب أسنان بتاع أسنان مابهبش حاجة تانية
بتاع مجارى يخلى ليك الموية جارية تمام
مكنيكى هنتر مابهبش BMW
|
Post: #4
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: شول اشوانق دينق
Date: 08-23-2007, 10:43 AM
Parent: #1
احمد معتصم الطيب
Quote: الانسان الغربى يتميز فى .
أحترامو لعملو وموعيدو وفوق دا كلو الاخلاص فى العمل( العمل البعرفو بس)
يعنى مهنتو حداد يعنى حداد يجطم الحديد ده لمن يفهم حاجة
طبيب أسنان بتاع أسنان مابهبش حاجة تانية
بتاع مجارى يخلى ليك الموية جارية تمام
مكنيكى هنتر مابهبش BMW |
اوفيت يا اخي.
الإخلاص في العمل هو لصدق عينه
الإلتزام بالمهنة دون الشعبطة بمهن الآخرين هو قمة الصدق مع النفس اولاً ثم مع الآخرين
شكراً ليك يا معتصم علي الإضافة.
شول اشوانق
|
Post: #5
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: قرشـــو
Date: 08-23-2007, 10:47 AM
Parent: #1
الأخ شول دينق
لك التحية
السؤال موضوعى وربما يدور فى خلد كل منا ولكننا لا نواجهه بل ولا نعترف بتمييز اولئك عنا علنا...
الحقيقة المجردة انهم متميزون عنا ويفوقوننا كثيرا ....
لست ادرى ربما بداياتهم كانت مختلفة وهى التى جعلتهم يكونون كما تفضلت أكثر صدقا واكثر وضوحا مع انفسهم فهم يقبلون بالواقع كما هو دون مكابرة ودون استعلاء عليه وهذا ما جعلهم الاكثر انتاجا والاكثر حرفية والاكثر تميزاً ...
انا اعتقد اننا غير واقعيين بالمرة فنحن نرى واقعنا مزريا ولكننا لا نحاول اصلاحه بل نحاول ان نجد شماعة نعلق عليها اخطاء واقعنا ... فنحن ننتقد دون ان نضع بدائلا وحلولا لمشاكلنا ...
ذلك الانسان سيدى يمتاز بالصدق والصراحة والوفاء ونحن نفتقد لهذهالاشياء ...
مع مودتى
|
Post: #6
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: شول اشوانق دينق
Date: 08-23-2007, 10:50 AM
Parent: #1
اديك حكاية الإلتزام بالمهنة حصلت لواحد سوداني في امريكا.
صاحبنا إشتغل مع شركة كسائق شاحنة ... مرة من المرات كان ماشي في طريق (من ولاية لولاية اخري) الشاحنةإتعطلت بيه...
صاحبنا طوالي قام صلح العطل لوحده دون الرجوع للشركة والتبليغ!!!
طبعاً مع تصليح الشاحنة تاخر عن مواعيده ولم سالوه قال الشاحنة إتعطلت وقمت بتصليحه.
ناس الشركة إستغربوا من الكلام ده لانه تعيينه سائق وليس مكنيكي.
تم رفده من الشغل من اجل الشعبطة الإتشعبطو وعمل فيه مكنيكي.
تسلم يا معتصم
شول اشوانق
|
Post: #7
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: Elmuez
Date: 08-23-2007, 10:53 AM
Parent: #1
- نعم, الصدق..الصدق..الصدق!
- إحترام القانون العام, الواجبات, و الحقوق
- عدم النفاق و (اللياقة) و التملق
- إحترام حدود معرفته و تخصصه (لكل مقام رجل/إمرأة)
- عدم الإعتراف أو التعامل لا بالدجل أو الخرافة أو المفاهيم الغائمة الفضفاضة
- عدم المجاملة الزائدة أو (النفس اللوامة) !
- غياب عقلية (الواسطة)
عدم الإلمام و لو بمجرد وجود شئ يسمى (الفنقهة الأكاديمية)!
و
و
و.. !
.
.
|
Post: #8
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: شول اشوانق دينق
Date: 08-23-2007, 10:55 AM
Parent: #1
الاستاذ قرشو
| Quote: ذلك الانسان سيدى يمتاز بالصدق والصراحة والوفاء ونحن نفتقد لهذهالاشياء ... |
اضفيت رونقاً للبوست
اعتقد كما قلت ينقصنا الصدق والصراحة والوفاء...
نمارس الكذب عينك يا تاجر بدون خجل...
شول اشوانق
|
Post: #9
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: شول اشوانق دينق
Date: 08-23-2007, 10:59 AM
Parent: #1
اخي المعز
الف مرحب بيك وتشكر علي الكلام والراي القويم.
Quote: - نعم, الصدق..الصدق..الصدق!
- إحترام القانون العام, الواجبات, و الحقوق
- عدم النفاق و (اللياقة) و التملق
- إحترام حدود معرفته و تخصصه (لكل مقام رجل/إمرأة)
- عدم الإعتراف أو التعامل لا بالدجل أو الخرافة أو المفاهيم الغائمة الفضفاضة
- عدم المجاملة الزائدة أو (النفس اللوامة) !
- غياب عقلية (الواسطة)
عدم الإلمام و لو بمجرد وجود شئ يسمى (الفنقهة الأكاديمية)!
و
و
و.. ! |
ما في كلام بعد القلته.
تسلم يا معز
شول اشوانق
|
Post: #10
Title: Re: شنو البيميز الخواجات عننا؟؟؟ (الفضائل الإنسانية؟؟؟)
Author: شول اشوانق دينق
Date: 08-23-2007, 11:28 AM
Parent: #1
| Quote: - غياب عقلية (الواسطة) |
متين يا ربي حنصل المرحلة ده.
عدد كبير من مستحقي العمل كموظفين علي الاقل موظفين حكومين يعملون اعمال هامشية بينما من لا يستحق هو الذي يتهي ويامر في خلق الله.
قمة الماساة ما يحدث هنا في السودان.
الواسطة... حاجة عجيبة خلاص!!!
شول اشوانق
|
|