Post: #1
Title: الود رائعة وردى ) اهداء لوزير حكومة الخرتوم
Author: Ahmed Osman
Date: 09-10-2004, 11:24 PM
عرض التلفزيون السودانى قبل قليل فى نشرة الاخبار التعليق المضحك حد البكاء
الصادر من وزير داخلية النظام عبدالرحيم حسين الملقب بابو عصاية
فيما يختص بالاسلحة المضبوطة بالخليلة
وبعد ان ادان سلوك حلفاء الامس تحسر على ما وصل الية الحال وكرر دون خجل ولثلاثة مرات المستهلكة عبارة {نحنا ما كنا بنفتكر انو الاختلاف فى الراى بين الاحزاب يمكن ان بفسد للود قضية}
اى ود تعنى يا رجل واى قضية يفسدها
ربما كنت تقصد WOOD فى صراعك مع حلفاء الامس اعداء ك اليوم
ولكن لاظن ان هناك وجود للود فى تاريخكم مع الشعب السودانى الملطخ بدماء كثير من الشرفاء والابرياء من ابناءه الذين ماتو تحت التعذيب او الحرب
اين كان الود وانتم من شردتم وجوعتم من اختلف معكم فى الراى
اين كان الود وانتم تدفعونا للمنافى والفرقة الزمانا طويل وعلى الصبر اللى عشناه
مع طول الالم والليل
زمان كنا بنشيل الود وند الود
وبعد ضياع اكثر من اربع عشر عاما من شبابنا فى المنافى ها هو ابو عصاية بداء يتحدث
عن الود
هسع يا ابو عصاية عرفت انو للود قيمة وبديت تتوجع
ودايرنا نعيش بالحسرة نتاسف على الماضى الما برجع مع طول الالم والليل
صحيح انو الزمن غلاب
عرفت قيمة الود بعد ان رايت الشرر يتطاير من عينى كولن باول
ولم تعلمك له عيون طفلة باكية لفقد ابيها فى بيوت الاشباح او صوت صبية تغنى و تمسح جزمتك او جزمة احد جنودك بالارنيش فى مكاتبكم المترفة صباح كل يوم لتعود فى المساء بفتات خبز لوالدها المفصول
صيحيح انو الزمن غلاب
وصحيح الختشو ماتو
لاظن للود وجود فى المسرح السياسى وانتم جاثمون على صدره
ونحنا لو تهنا وتهنا فى الماضى ما بنتوه فى المستقبل القريب
ونفتح للامل ابواب ونفتح ابواب المحاكم النزيهة لكم يوما لتشرحوا فى دفاعكم علاقة
السيخ والعصى بالود
ولا اظن ان هناك علاقة بينهما الا عند المصيريين الرقصة المصرية { عشرة بلدى}
لتثبت هناك علاقة بين العصاء والود ارقص بعصايتك عشرة بلدى مع اول مصرية
تمنحها حق الاقامة فى السودان وفق قانونك الجديد والذى لم نسمع تعليق ديك الصباح
عليه حتى الان{واعنى محدثكم يونس }
ملحوظة لوزير الداخلية اذ اراد ان يسمع الاغنية الود بصفحة الاغانى
|
Post: #2
Title: Re: الود رائعة وردى ) اهداء لوزير حكومة الخرتوم
Author: لؤى
Date: 09-11-2004, 02:02 AM
Parent: #1
أحمد الحبيب
انت لسه زعلان من الناس ديل رغم إنهم روحهم قاعدة تطلع ؟؟ ياعزيزى ليك وحشة ، وضحكتنى جدّاً كلماتك دى .| Quote: ملحوظة لوزير الداخلية اذ اراد ان يسمع الاغنية الود بصفحة الاغانى |
ملحوظة : بالمناسبة أحمد عبدالخالق إتصل بى أخيراً
ـــــــــــــــــــــــــــــــــــــــــــــ
[email protected]
|
Post: #3
Title: Re: الود رائعة وردى ) اهداء لوزير حكومة الخرتوم
Author: manubia
Date: 09-11-2004, 03:53 AM
Parent: #2
up.
it is of no use to wake up a dead body,...but I believe God is great
|
Post: #4
Title: Re: الود رائعة وردى ) اهداء لوزير حكومة الخرتوم
Author: Ahmed Osman
Date: 09-11-2004, 10:23 AM
Parent: #3
الاخوان لؤى ومونيبا
شكرا على مروركم من هنا
ارتبطت كثير من الاسماء فى حياتنا فى الفترة السابقة بالبطش
وتحاول هذة الرموز ان تعيد حياتها فى ثوب جديد يضمن لها الاستمرار او على الاقل
التقليل من الجرائم التى ارتكبتها طيلة السوات العجاف السابقة من حياتنا
ولا استبعد ان يظهر علينا الطيب سيخة الايام دى ويتكلم عن السلام والحب
وعندى تسجيل جاهز للاهداء {غنية سيرة الحب}
|
|