اقتراح بتكوين لجنه مدنيه لتقصى اوضاع اللاجئين السودانيين فى لبنان...دعم بالاراء

اقتراح متبنى بأسم سودانيزاونلاين من اجل وضع افضل لسودانى لبنان اللاجئين
الموضوع لا يستحمل الانتظار لان النار ما زالت حيه....والحديد ساخن
بالتعاون مع منظمات حقوق الانسان والامم المتحده والمنظمات الطوعيه الخ
اقترح تكوين لجنه مدنيه للوقوف على اوضاع السودانيين فى لبنان.....خصوصاً اللاجئين
لتمليك الحقيقه والوقوف على ارض الواقع..........وكتابه تقرير وافى لعمل شئ ايجابى يساعد هؤلاء السودانيين
لانهم برغم المعاناه والاهانات يفضلون ان يكونوا هناك على ان يعودو الى السودان فى ظل هذه الحكومه.........لذلك سوف لن يجدو جهه سودانيه رسميه لتقف على ماهى اوضاعهم واحوالهم
الموضوع مهم ان يتم بصوره شعبيه ومدنيه وهو ليس صعباً خصوصاً فى هذه الايام
نحتاج فقط الى بعض القانونيين وخبراء من ناشطى المنظمات التطوعيه......انا لدى خبره العمل التطوعى ويمكننى ان اتصل ببعض المنظمات
ماذا يمكنك ان تقدم لابناء وطنك؟

=====
سبب الاقتراح
حكى لى بعض اللذين عاشو فى لبنان عن الاوضاع الماسويه وقصص حزينه لا تصدق عن سودانيين يعانون
اتمنى ان اجد منكم التشجيع والمساعده بالاراء الممكنه ان تساعد فى تنفيذ الاقتراح
على كل حال بدورى ساوم ببعض الاستشارات والاتصالات وسنرى النتيجه قريباً
من يمكنه المشاركه او المساعده او المساهمه فليتفضل
من منكم يقف مع او يشجع الاقتراح مرحباً
من يريد ان يكون فى مجموعه تكوين اللجنه...والتنظيم الاولى.......اهلاً

اقتراح آخر يا حبيب, لماذا لا تكون مهام هذه اللجنه اوسع وتعمل مسح عن احوال السودانيين في اكتر من دوله, اقترح ان تكون اللجنه من القانونيين و الصحفيين و الناشطين في مجال حقوق الانسان, لأن الموضوع حساس و يحتاج لمن يعكسه بصوره اعمق و افضل في وسائل الاعلام و خاصه الصحف و دي خلوها علينا,
تحياتي

Quote: اقتراح آخر يا حبيب, لماذا لا تكون مهام هذه اللجنه اوسع وتعمل مسح عن احوال السودانيين في اكتر من دوله, اقترح ان تكون اللجنه من القانونيين و الصحفيين و الناشطين في مجال حقوق الانسان, لأن الموضوع حساس و يحتاج لمن يعكسه بصوره اعمق و افضل في وسائل الاعلام و خاصه الصحف و دي خلوها علينا, تحياتي

سلام اخ الزيادى
اثنى اقتراحك....ويكون برضو برعايه اعضاء سودانيزاونلاين.......وسائل الاعلام والصحف دى اهم عمل على عاتق اللجنه المقترحه
يعنى نقول واحد....... محمد المختار الزيادى ....... تم اعتماده كمبادر اول
اين القانونيين والنشطين فى مجال حقوق الانسان؟.....هل الامر صعب؟

الاخوة الاعزاء مختار و زكريا

تحية طيبة، هذه الاراء جميله و رائعة و عمليه خصوصاو ان الجهود بخصوص السودانيين فى لبنان احدثت اثرا كبيرا و اقامت الارض و لم تقعدها حتى يعاد الحق و الكرامة و علينا ان نحافظ على هذا الايقاع و الانتقال من قضية الى اخرى بسرعة و مرونه و تسامح الى ان يصبح الانسان السودانى محترما فى جميع الاوساط و المطارات و الدول و هاما و الاهم توحد الاراء ، هنالك ايضا قضية اخرى هى قضية الاخوة الذين يواجهون الاعدام و المعاملة الوحشية فى سجون النظام الفاشى ، و كيفية تحقيق موقف تجاههم. اما الان و عاجلا نحتاج الى لجنه طوارىء لمتابعة و تحسين اوضاع السودانيين فى لبنان، على ان يتم تكوين مجموعة لمتابعة احوال جميع السودانيين فى دول اخرى حسب اقتراح الاخ زكريا، كما يجب تكوين مجموعة لمتابعةاحوال السودانيين داخل السودان و فى السجون و ضخايا الفقر و الاستبداد و انا متاكد من اننا قادرين على اثارة هذه الامور و ادارة قضايانا من هذا المنبر الرائع الذى يضم اروع الناس و اروع التناقضات و جماليات الخلاف و قد اقترحت اننا يمكننا انشاء جمهورية سودانيز اونلاين ابتداء من هذه المواقف و يشترط علينا العمل بقوة و تنسيق كامل و جيد و ان ننبذ الصغائر و سفاسف الامور التى لا تفيدنا. شكرا.

حاتم

الاخ حاتم محمد محمد صالح

Quote: اننا يمكننا انشاء جمهورية سودانيز اونلاين ابتداء من هذه المواقف و يشترط علينا العمل بقوة و تنسيق كامل و جيد و ان ننبذ الصغائر و سفاسف الامور التى لا تفيدنا. شكرا. حاتم

هذا هو مربط الفرس......شكراً على المداخله الثره

المآسي المِتِل دي لو الإعلام ما إتْسلط عليها زول بِجيب خبرا ماف ... في ملايين الناس بِتْموت يَومِيا جراء التعذيب ... لا بديل مِن ضغوط المُجْتمع المدني ... والمُجْتمع المدني بِضغط لامِن يِعرِف ... والبِعرِف المُجْتمع المدني هو الإعلام ... والإعلام عاوِز دِراما ... والدِراما بِسويها مُحامي أجنبي (بريطاني/أمريكي/كندي ... إلخ) والمُحامي عاوِز قروش والقُروش مُمكِن نجمعا في ظرف إسبوع واحِد بس وخِلال جمعِنا لِلقروش نتصل بِمكاتِب المُحامِيين في بريطانيا وأمريكا ... القروش عِبارة عن تبرعات كل زول وظروفو ... نحنا في سودانيز قريب الـ500 عضو ومثلهُم قُراء متأثرين ومؤثِرين ...

على كُل حال أنا مؤيِد لأي حاجة في صالِح لاجئين لبنان ... هسِع خلونا في المصيبة القِدامنا دي ... ما توسعو الموضوع ... السودانيين المظلومين في أنحاء الكرة الأرضية كُتار ... بس خلونا في لبنان ... معقول نسيب المُصيبة القِدامنا دي ونقنِب نكوس وين في سوداني لاجئ مظلوم ... هو نحنا عملنا شنو في التبادي لِلمُصيبة الجات لينا لِحد عِندنا؟

Quote: المآسي المِتِل دي لو الإعلام ما إتْسلط عليها زول بِجيب خبرا ماف ... في ملايين الناس بِتْموت يَومِيا جراء التعذيب ... لا بديل مِن ضغوط المُجْتمع المدني ... والمُجْتمع المدني بِضغط لامِن يِعرِف ... والبِعرِف المُجْتمع المدني هو الإعلام ... والإعلام عاوِز دِراما ... والدِراما بِسويها مُحامي أجنبي (بريطاني/أمريكي/كندي ... إلخ) والمُحامي عاوِز قروش والقُروش مُمكِن نجمعا في ظرف إسبوع واحِد بس وخِلال جمعِنا لِلقروش نتصل بِمكاتِب المُحامِيين في بريطانيا وأمريكا ... القروش عِبارة عن تبرعات كل زول وظروفو ... نحنا في سودانيز قريب الـ500 عضو ومثلهُم قُراء متأثرين ومؤثِرين ... على كُل حال أنا مؤيِد لأي حاجة في صالِح لاجئين لبنان ... هسِع خلونا في المصيبة القِدامنا دي ... ما توسعو الموضوع ... السودانيين المظلومين في أنحاء الكرة الأرضية كُتار ... بس خلونا في لبنان ... معقول نسيب المُصيبة القِدامنا دي ونقنِب نكوس وين في سوداني لاجئ مظلوم ... هو نحنا عملنا شنو في التبادي لِلمُصيبة الجات لينا لِحد عِندنا؟

الاخ عزام حسن فرح
حقيقه مداخله باراء جيده جداً ....انا كنت فعلا اقصد فقط سودانيين لبنان فى هذه المرحله او المره دى نسبه للفرصه الزمنيه فى التوقيت مع الاحداث الجاريه
طبعاً الدراما اساساً حاصله ولكن نحتاج اى الوصول الى العقده الدراميه لنثيرها لتكن ظاهره كقمه من الاحداث حتى نصل الى نقطه الحل وتكون النهايه سعيده او مريحه على الاقل.....المهم
نعم نحتاج الى قانونيين .........لكن هل بالضروره يكونو خواجات؟ ممكن يكونو سودانيين بجنسيات بلاد الخواجات ديل زاتهم .ولو مافى مانع من الخواجات لكن ما حك جلدك متل ضفرك
انا احب التركيز على المنظمات التطوعيه العالميه..........ويبدو لى عن طريقهم الوصول اسهل
اما الدعم ايضاً مسأله سهله اذا ترتبت الاوراق.........اقتراح التبرعات برضو يمثل جزء من التمويل والدعم الشعبى المهم لكن الاعتماد الاكبر ممكن من المظمات العالميه

شكراً على المرور ....وخليك عضو فى اللجنه

الأولِوِيات عِندي :
(1) البدء في جمع المال (للصرف على أسر المعْتقلين اليَوم في سجون لبنان + مصاريف مكتب محامي (يُفضل مكتب فِرِنْسي) + رسوم مقالات صحفِية تُسلِط الضوء على القضِية)
(2) الضغط على الحكومة اللبنانِية عن طريق المُنظمات الدُولِية (تُرسل خِطابات موقعة مِن عدد مُقدر مِن السودانِيين + إثبات واقِعة الأوزاعي + إرفاق الإدانات التي صدرت مِن القوى اللبنانِية) ... هذِه الضغوطات تهدف إلى الآتي :-
[أ] تقديم السودانيين لِلعدالة اللبنانية بِمُراقِب مُحايِد ، مع الإفراج عنهم بِكفالات شخصِية.
[ب] الرفض التام بترحيل اللاجئين السودانيين إلى السودان (حسب القانون الدولي/لا أعرِف لاجئ هرب من أتون حرب ويحمل معه مُستندات ثبوتِية وهذا يُصنف سائِح ولَيس لاجئ) فقد رحبت الخُرطوم بِهكذا إقْتِراح لِكسبٍ أتاها مِن حَيثُ لا تحْتسِب ، وهو كسب لها للآتي :-
1- للتخلُص مِن هؤلاء اللاجئين
أو
2- إسْتِخدامِ اللاجئين كورقة ضغط ضِد الحركات الدارفورِية المُسلحة في مُفاوضات الدوحة
أو
3- لِتبادل أسراها في الميدان بلاجئين لبنان.


* محمد زكريا أرى أن تطلُب من بكري نقل العمود للربع التالي :

اقتراح مقدر لكن فى راى هناك اختراح اخر يمكن ان يكون عملى ومنطقى : ان يقدم لكل بوداب تقرير شهرى اسبوعى عن اوضاع السودانين فى بلدان العالم
النشاطات الفرح الكره

-------
من ضمن التقارير تغطيت اوضاع اللاجئين

تحياتى