Post: #1
Title: بعد الخج جابت ليها نفخ كمان
Author: عادل عبدالعزيز عبد الرحيم
Date: 05-14-2010, 10:27 PM
ناس المؤتمر الوطنى ديل كل يوم طالعين لينا بيمصطلحات جديدة ومقرفة فى ادب السياسة السودانية وهذا ليس جديدا وبدا من كبيرهم الذى علمهم السحر حسن الترابى ولاننسى مصطلحات فترة المشروع الحضارى وخاصة عرس الشهيد وومش عارف ايه وغيرها من خطرفات وخطل سياسى ولغوى واضح ولاننسى التوالى ومش عارف ايه .
الان الجيل الجديد طلع علينا بمصطلحات جيدة ومقرفة ايضا ( يعنى لا اخلاق لا كورة ) قبل يومين تلاته قال كبر بتاع سوق المواسير ده واللى هو والى المسلمين فى شمال دارفور جو 5 انفار نفخو السوق بتاع المواسير عشان كده طرشق وهو قصده يقول اغرقوه بالسيولة ولكن لا يفقه فى الامر شيئا لذلك طلع علينا بهذا المصطلح الغريب بتاع النفخ ونحن لسه ما خلصنا من الخج
الناس ديل بعد ما خجونا دايرين ينفخونا وبعدين حا يعملوابينا شنوا ؟؟؟؟؟؟؟
|
Post: #2
Title: Re: بعد الخج جابت ليها نفخ كمان
Author: عبدالكريم الامين احمد
Date: 05-14-2010, 10:40 PM
Parent: #1
| Quote: الناس ديل بعد ما خجونا دايرين ينفخونا وبعدين حا يعملوابينا شنوا |
هلا ياعادل
وغايتو كل شي ولا النفخ ده..؟؟
وان كان لابد منه اليعملو لينا نفخ سياحي يا زول ننفخ روحنا برااااانا ونمشي ليهم اجازة منفوخيين نحمد الله
|
Post: #3
Title: Re: بعد الخج جابت ليها نفخ كمان
Author: عادل عبدالعزيز عبد الرحيم
Date: 05-14-2010, 11:17 PM
Parent: #2
هلا يا كيكى
لمن ترجع السودان حيكون فى لوحة فى المطار مكتوب عليها
اختار يا مغترب
عاوز تتخجه ولا تتنفخ ؟؟؟
على فكره السؤال اجبارى ولازم تجاوب عليه حتين يدوك تاشيرة الدخول
يعنى زوغة ما فى
يا تنتن يا تنتن
|
Post: #4
Title: Re: بعد الخج جابت ليها نفخ كمان
Author: عبدالكريم الامين احمد
Date: 05-14-2010, 11:25 PM
Parent: #3
Quote: عاوز تتخجه ولا تتنفخ ؟؟؟
على فكره السؤال اجبارى ولازم تجاوب عليه حتين يدوك تاشيرة الدخول |
غايتو يا عادل
المغتربين ديل مع الجكن والمراعي الشافتها عيني دي نفخ ليهم في المطار مافي قريبات دي..
حنمشي زي ماقلت ليك منفوخين نحمد الله..
ولكن لو بقي الخج اجباري ... ياهو الخججونا..
_________________
دي سلطة زيف يا عادل ياخي والسودان صار ارضا للجربندية امثال عثمان كبر واخريين
والبشير زااتو جربندي كبير..
ولو في عدالة في حكاية النفخ فانا اقترح الي تلك العدالة انها تنفخ لي البشير وكبر
ولو نفخو لي معاهم علي كرتي وصحفي اسمو يوسف عطا المنان(بكونو ما قصروا معاي)...وحسادة ساااكت يتنفخ معاهم الهندي عزالدين
|
Post: #5
Title: Re: بعد الخج جابت ليها نفخ كمان
Author: عادل عبدالعزيز عبد الرحيم
Date: 05-14-2010, 11:40 PM
Parent: #4
حسب علمى الجربندية هم من يتقنون فعل الاشياء بالخبرة وبدون ادوات او زاد اكاديمى
لكن ناسنا ديل يا كيكى لاخبرة ولا اكاديميات طاعلين ملوص
وعشان كده قاعدين يزلقوا فى مصطلحاتهم الغريبة دى
الله يصبرنا عليهم بس
سمعت بالخبر
حاج ماجد حيعينوه وزير فى الحكومة القادمة عليك الله شوف التكريم الخاص بيجيلنا زول ادى مدير الجامعة كف يبقى وزير والله دى حرقتنى اكتر من الخج والنفخ زاااتو
|
Post: #6
Title: Re: بعد الخج جابت ليها نفخ كمان
Author: عبدالكريم الامين احمد
Date: 05-14-2010, 11:44 PM
Parent: #5
| Quote: حاج ماجد حيهينوه وزير فى الحكومة القادمة عليك الله شوف التكريم الخاص بيجيلنا زول ادى مدير الجامعة كف يبقى وزير والله دى حرقتنى اكتر من الخج والنفخ زاااتو |
شفت الخبر ده امس.. وكنت عاوز اشوتو ببوست عدييييل كده..
الزول ده ضيع 100 يوم من عمرنا بقلة ادبو مع استاذ جليل في الجامعة
وهاهو يعود مرة اخري في زمن التية والضياع عشان يساهم في ضياع سنين شعب كامل..
البلد بقت سايبة وماشي ساااكت ياعادل وبديهي زي حاج ماجد يبقي وزير واحتمال يبقي رئيس عديل كده يازول
وحكاية تحرق الفشفاش
|
Post: #7
Title: Re: بعد الخج جابت ليها نفخ كمان
Author: محمد علي شقدي
Date: 05-15-2010, 10:15 AM
Parent: #6
عمنا عادل سلامات
الله يستر عليك انت الماشي قريب بس بعدين خليك صديق واتصل ورينا الحل
اما بخصوص كبر الوالي فصاحبك معذور ده فقد المنطق عديل ولي تفسير لغوي لحالته
فنفخ الشئ اي زاد حجمه او كبر حجمه بدون تشكيل يكون الناتج ان كبر معناها النفخ
واهلنا الجنانيه يقولوا كبر الشجر اي كسر الشجر ايضا بدون تشكيل كبر معناها الكسر
اما الضارب استاذو والضارب المال العام والضارب بيد من حديد المناضلين والثوار
سوف يظلون يتبادلون فيناالحكم بشكل مستمر مستغلين دفع الضريبه وضريبه الصمت
غيرنا كملة تنوين واصلنها بكلمه تشكيل
|
Post: #8
Title: Re: بعد الخج جابت ليها نفخ كمان
Author: عادل عبدالعزيز عبد الرحيم
Date: 05-15-2010, 10:22 PM
Parent: #7
Quote:
اما الضارب استاذو والضارب المال العام والضارب بيد من حديد المناضلين والثوار
سوف يظلون يتبادلون فيناالحكم بشكل مستمر مستغلين دفع الضريبه وضريبه الصمت |
بالمناسبة يا شقدى الجماعة بنشوة الفوز فى الانتخابات المخجوجة دى
قامو لغو الخدمة الالزامية لحدى عام 1965 واخوك دخل فى الاعفاء شفت بركات الخج دى كيف
|
|