إبحار الطيوف

إبحار الطيوف



لمتين أكون
دائماً مـُلام
لمتين أحِـسْ
لوم العيون قبل الكلام
و إنت فى دنياى فرح
قنديل شرح
سِـرْ الضياء
البدد أطياف الظلام
و إنت حُبك
كان معاى
ُنقطة دماى
سِـرْ إنتماى
من قبل ُقـبّال الفطام
بَسْ لو بَسَم طيفك
تطوف الدنيا بهجة
وتقترح باب المودة
وينْـفَتِحْ كون الوِئَام
داخلين عليك كل الخلوق
إلاّى أنا
الشايل أساىَ على الدوام
هَفَواتى عثرات فى الطريق
إيقاع خُطاى
مَرْسوم على دَرْب الخِصَامْ
مهما يطول بى السفر
ترجع خُطَاىْ
جُـّواىَ بى كل إنهزام
و أعرف تمام
إنـِّك خَـيال
ما ِبـْتلَحِقْ
طيفاً يغازل فى العَدَمْ
لو صَادَفْ الوعد المُرَامْ
لو بيتمسِكْ بالكَفْ هَوَا
إيدَىَّ كان تمتـّدَ ليك
جُـّوة الحِلِمْ
صَحْواً أحِـسِّكْ
وما منام
و إبحار طيوفك
فى المدى
ألأوجَدَتْ قلباً شَفيف
نبض إيقاعو فى إِرْزَامْ
مِتِلْ طـَّلة حِلِمْ أوحَدْ
تكثـَّف بى رَجَا الأيام
و تعزف كل حواسى أمل
فَرَحْ بِتْهَادى فى الأنغام
وأعْـِرفْ ....
وكنت جَـدْ عَاِرفْ
بأنك ....
مُبْـتدَا الفِكْرَة
و نهاية ...
مُـلتَقى الأحـلام

قصيدة رائعة يا طه

شكراً سجيمان على الزيارة

ولكنك إنت الأروع

بس يا طه...اوعى تخلي ...حسين شندي يغنيها..... علي اليمين قدر ما فيها حرف راء يروح في حق الله

دا كلام حلو ياطه
لى قدام

العزيز عثمان حمد

لك التحية على هذة الطـّلة

و على روعة إحساسك

مع خالص ودى

سجيمان الحبيب

فى دى صدقت

لكن بينى و بينك الرا لذيذة فى خشمو

UP

؟؟؟؟؟؟؟؟؟؟؟؟؟