هذا الخبر عار من الصحة تماما !!

الذي اوردته صحيفة الاهرام اليوم بان السفير قدم الحلوي للمتظاهين خبر كاذب فهل نتوقع اعتذارا عنه ؟؟!!!

حاج العوض ازيك

هو رئيس التحرير الهندي تتوقع شنو يعني ؟

ولا اعتذار متوقع

صحيفة لا اخلاق بلا حدود

كذب وتضليل وارتزاق


وهذه هي صحف النظام التي غيبت الوعي لمدة عشرين عاما عن الشعب وجعلت الزبير محمد صالح شهيد اكتوبر

Quote: وهذه هي صحف النظام التي غيبت الوعي لمدة عشرين عاما عن الشعب وجعلت الزبير محمد صالح شهيد اكتوبر

لمعلومية الجمييييييييع
الهندي عز الدين ليس له علاقة بالمؤتمر الوطني
واظنكم تابعتم جداله وسجالاته وهجومه الذي قام بشنه على بعض قيادات المؤتمر الوطني
لما لم يقفوا معه في الانتخابات الاخيرة
الهندي عز الدين هاجم نافع على نافع لما الاخير حضر تدشين الحملة الانتخابية لمنافس الهندي في الدائرة النازل فيها الهندي
وهاجم الهندي عز الدين اخونا محمد عبد الله شيخ ادريس لما الاخير رفض استغلال الهندي لشعار المؤتمر الوطني في حملته
واعلن بالتالي ان الهندي ليس عضو في التنظيم

واعلن الناطق باسم التنظيم

Quote: واعلن بالتالي ان الهندي ليس عضو في التنظيم

Quote: واعلن الناطق باسم التنظيم

اخوي كمبورة
سلامات وتحياتي
هو فعلا محمد عبد الله شيخ ادريس مدير الشئون التنظيمية للمؤتمر الوطني بولاية الخرطوم

يا مسلمي كيفك:


(الملفقاتية) كُثر أمثال هؤلاء.


الناس دي (بتنجر) من راسه أي حاجه
وأولهم الهندي عز الدين دا.
وقت مافي زول منهم كان موجود الكضب فوق كم؟

عالم تحير


--------
إمكن رسلوها ليكم ديلفري بعد رجعتوا بيوتكم

واثقين منكم يا حاج!

يا العوض يا اخوي .. خليهم يكتبوا ..هم عندهم شنو غير الاخبار المفبركة ..

وانتو .. خليكم مع الواقع والبيان بالعمل ..

يلا .. واصلو العمل المشهود ..

تحية --المشكلة يا استاذو عفاف انه في غمضة عين وانتباهتها يطل علي خريطة الصحافة السودانية ذات التاريخ رجال من هذه الشاكلة يظنون انهم يحتكرون الحكمة لهم وحدهم--يرفعون شعارات تتنتهي بهم الي ذواتهم الضيقة وفوق ذلك يمارسون التضليل بسيناريوهات تجعل الموقف يذداد كل يوم التباس علي التباس--

المسلمى صباح الخير
ما المهم انه ادوكم حلاوه ولا غيره المهم ادوا الهندى شنو؟

انا لو كنت حاضر
باكلها .. وبشاكله

اها سووووووووووووووووووو واط

والله يا العوض أخوي عارفين عاري من الصحة وعار على الصحيفة
وأتمنى إنكم تجبروا الصحيفة بالقانون
على نشر هذا التكذيب في نفس مكان الخبر وبنفس الحجم

مش الهندي دا كان عندو مشاكل مع سودانيز ؟
وكان كل يوم بيكتب عن سودانيز ؟
وطيب !!

كذب عديل

الحلوى التعمل ليه سكرى فى الدم

يا المسلمى الموضوع ما بستاهل اصلا ينفتح ليه بوست الزول دة بكتب الكلام دة علشان انتى تمشى تجيب الخبر دة هنا والناس
تكون شغالة الهندى الهندى الهندى قال القال قام الهندى قعد
يعنى زول اكل لية حلاوة دى يمثل شنوا لمن يكون مانشست فى خبر فى جريدة مكان اكل الحلاوة يمثل خير

دى راجل جيعان ساى

ابقى عافية

سلام شيخ المسلمي: احييك عن مجهوداتك انت وبقية الاخوة والاخوات بالخرطوم.. عطفا على حلوي السفير اللبناني لدي سؤال للصحيفة اذا كان هو قدم حلوى او بطيخ ماذا قدم السفير السوداني ببيروت للغلابة السودانيين? هل الا الاحتقار لهم? يعني السودانيين هناك بين نارين دائما وابدا وهل كتبت هذه الاهرام (والتي كنت اعتقد انها مصرية) عن السفير الهناك? شكرا لك مرة اخرى.

هذا الخبر عار عن الصحة

وليس عار من الصحة ....


مودتي واشكرك على التوضيح .



احتراماتي اخي المسلمي .








......................حجر.

الحبيب العوض
السلام والتحية
ياخ الموضوع والله ما محتاج فتح بوست .
فمثلك وأخوانك ، يمشي مرفوع الهامة.

***
يبدو أن صاحب الورق هو من أكل الحلوى
لأنو متعود على هكذا مواقف .

اخي الفاضل العوض المسلمي
ما لم يقله امثال معدومي الكرامه (الهندي عز الدين)
ماهو موقفه هو ممن ما حدث لاخوته السودانين بلبنان؟؟!!



المتظاهرين امام السفاره اللبنانيه يا الهندي السجمان
يكالوا حلوى ولا يعفصوها دي ما قضيتنا قضيتنا انهم طلعوا واعترضوا
وثبتوا موقف مشرف انت وين من مواقفهم يا رمدان؟؟!!

هو صحيفة الاهرام دي كان عندهم مندوب حضر المسيرة ولا كلام شارع ساي


والله بدر الدين اقترح نمشي نفطر كلنا انا رفضت الاقتراح حتى لا يقوم شخص او شخصين بدفع تكاليف الفطور قلت ليهم كل زول يمشي يفطر في مكتبه ..


قال حلاوة قال ..









--
غايتو يا الهندي بكجك من يوم قلت لي ناس سودانيز كلهم (....) مافي داعي عشان لو قلت ليهم هسة بتقوم عليك حرب البسوس ..

والفتنة اشد من القتل ...وانا عندي ضمير ..

بس العملتوا أبيت اشرب مويتك واشيل حلاوتك !!

للعلم ..

* المسيرة شارك فيها بورداب ( الخرطوم ) ...

* بورداب من الخارج ..

* مواطنين مارين بالشارع ...

* صحفيين واعلاميين ..


لم يدخــل اى بوردابــى من الخرطوم من المشاركين فى المسيرة الى داخل السفارة

ســوى شخصــى بعد انتدابى من قبل المشاركين لاعلام السفارة بموضوع المذكرة واستلامها

لــم افعل سوى ان ابلعت السفير عن من نحن والغرض من حضورنا ..

ثم ابلغت المشاركين برؤية السفير فى انتداب مجموعة من المشاركين لتسليم المذكرة

فرفض المشاركين الدخول الى السفارة ..

حتى خرج الينــا السفير وطلب بتقديم بيان منــه فرفضنا .. وقدم العوض المسلمى مذكرتنا

ثم بوصية فنيـة من بوردابى ( صحفــى ) ابلغنا بأن لا نعطــى السفير فرصــة توظيف اجهزة الاعلام

لصالح قضيته .. فرفضنــا الاستماع اليــه ثم انصرفنــا مباشـرة ولم يتبقــى اى احد من البورداب

(( اما الذين جاءو كصحفيين .. فلم ننتظــر لنرى ماذا فعلو / دخلو السفارة ام لم يدخلو / ...))


الهنــدى عز الدين خبر صحيفتــه (( خبر كذاب اشــر )) ...

لمصلحـة مـن يســوق هذا الاسفاف ؟

صحيفــة لا اعتقد انها جديرة بالاحترام الاعلامــى فى تناولها للخبر ..



العوض المسلمى ( البورداب يحتاجون جهدك لاعمال كثيرة جليلة فكــن لهــا بوقتك وهمتك ))

الاخ الكريم (الاهرام اليوم)...
الرجاء التركيز علي (الخرطوم اليوم)...
______________________
حلوي شنو يا عمك..!!!!
ياخ العوض وبدر الدين يومين ما اكلوا من الزعل..
حلوي ..!!!
اطباق الحلوي عديل..!!!
يعني عشان لبنان..!!!؟
طيب لو كانت سفارة افغانستان كان حاتقولوا (فارغ الرصاصات وصادق القنابل)..!!!
تلفيق تاليف ساااي الحكايه..؟؟



______________________________
اللهم ارني في وطني (صحافة حقه) قبل ان تتوفاني يا كريم

العوض المسلمي .. انعام حيموره والفئة القليلة
كتبنا ذلك قبل أن نسمع منكم:

Quote: ما نشرته هذه الصحيفة هو عمالة مأجورة مقبوضة الثمن بيد سفلى فقد حاولت الجريدة تبخيس المجهودات المبذولة بين حلوى السفير وبين حزب الله .. وتظن الجريدة إياها أنها كانت فالحة وذكية في أداء الدور .. لكنه تبخيس مردود على أصحابه .. فالناس لم تذهب لحلوى السفير .. وحزب الله لا تبخسه عند الرأي العام الحر الحملات الصهيونية التي ترمية بالارهاب .. إذ يكفيه وطنية أنه وقف ندا عنيدا لجبروت أسرائيل وآلتها العسكرية وجرّعها كأس الهزيمة .. هزيمة لها ولمن وقف معها أو خلفها .. أو خاف منها .. المجد للأطفال .. والخزي على من شردهم وأهدر طفولتهم وكرامتهم .. واشترى البخس بدراهم معدودات

لا تحتاجون لتبرئة أنفسكم .. فأنت براء أصلا ..

محاولة فاجرة هاجزة لطمس معالم كل هذ العمل الرائع ..
ولا يفلح الساحر حيث أتي ..

ضربة أخرى يا شباب على ذات القفا المحمر .. صفعا؟ .. ربما
والقضية ضروري .. والتعويض مضمون يمشي للعلاج الأطفال ..
لعناية الاستاذ كمال الجزولي وكل "القضاء الواقف" دفاعا عن الحق ..

تحياتي

اخوي العوض ..

اسمح لي ان اختلف معك هنا..

فلم يتم توزيع حلاوة علي المتظاهرين .. امام السفارة

ولكن .. الجماعة الدخلوا جوه مع السفير ..بعضا منهم شالوا واكلوا


هذا ما صرحت به الأخت الناشطة نجلاء سيداحمد قائلة

Quote: خى العزيز الشايقى قسم بحياة الشعب السودانى وبكل جميل واصيل فينا لم تقدم اى حلوة للمتظاهرين ولن ناكلها واخواننا يهانون بل ادخل بعض من الصحفيين الى مكتب السفير وانا كنت معهم وبعد الحوار معه قدمت الحلوة وانا خرجت ومعى بعض الشرفاء واعلنا رفضنا للضيافه ولكن بعض من الصحفيين قبلوا على نفسهم ان ياكلوا من نفس اليد التى امتدت لاهانة اخواننا واظن من اكل الحلوة هو من كتب وبكل كذب هذا المنشييت فى صحفه واطالب اخى المسلمى ومن تظاهر برفع دعوة على الصحف السودانية التى فبرك

اذن الخبر فيهو شئ من الصحة ..

لكن لغرض في نفس الأراجوز الهندي .. اخرجه هكذا وبمانشيت اول طويل وعريض

عمنا العوض سلامات
شكرا لك لنفي الخبر
وهذا السلوك معهود من الهندي عزالدين وأمثاله
فهو يجيد الإصطياد في الماء العكر تماما
بنفس الإجادة التي إستطاع بها إيهام البعض بعدم
إرتباطه بالمؤتمر الوطني وأجهزته مع العلم لكل
المراقبين لحركته ونشاطه أن يلعب دور(الكومبارس)
فقط وتبادل الأدوار التي تصب في مصلحته الشخصية
راكلا بقدمه المتسخه كل الأخلاق والقيم التي يدعو
يدعو لها في بعض الأحيان خجلا من ان يصيبه رشاشها
وها قد فعل بكل جبن وإستحياء

بصراحة انا الجابني المنبر دا هو الهندي لاني اصلا مابحترمو ولمن لقيتو بشتم في سودانيز تأكدت انو دا منبر ممتاز

ياخ والله اصلا ما كان في داعي للبوست دا لانو كل الناس عارفاهو افاك





اتمنيت لوكنت معاكم ... كنت بقيت النوباوية علي قول حميد









خالص الود

احمد حنين ...


ديل كلهم صحفيين يمثلون مؤسسات صحفية ...

لا يمكننا امرهم بشئ ( يدخلو السفارة / يشربو / يعملو ما يرونه لصالح مؤسساتهم )

فقط الموضوع ده بهذه الكيفية لا علاقة للمشاركين فى المشيرة تة ارتباط بــه ..

جوه السفارة السفير ان شاء الله يوزع شجرة الارز ذاتها ( ما عندنا بيها علاقة )

Quote: اسمح لي ان اختلف معك هنا.. فلم يتم توزيع حلاوة علي المتظاهرين .. امام السفارة ولكن .. الجماعة الدخلوا جوه مع السفير ..بعضا منهم شالوا واكلوا هذا ما صرحت به الأخت الناشطة نجلاء سيداحمد قائلة