صبري الشريف

صبري الشريف


04-05-2010, 03:02 PM


  » http://sudaneseonline.com/cgi-bin/sdb/2bb.cgi?seq=msg&board=288&msg=1356478803&rn=0


Post: #1
Title: صبري الشريف
Author: العوض المسلمي
Date: 04-05-2010, 03:02 PM

عندما كنت متابعا للمنبر قبل ان اكون عضوا فيه ومتابع علي وجه الخصوص كتابة عضو المنبر صبري الشريف ,الذي كل كتاباته تدور حول الدين ..
وكنت امني نفسي ان اصبح عضوا بالمنبر لاشارك في كثير من موضوعاته , وخاصة مواضيع صبري الشريف ...
وعندما اصبحت عضوا بالمنبر اصبحت زبونا دائما لبوستاته ومناقشا له ..
وكم شعرت ببرود هذا العضو وتتحدث معه بغضب وانفعال فلا تجد منه غير البرود القاتل ..

Post: #2
Title: Re: صبري الشريف
Author: العوض المسلمي
Date: 04-05-2010, 03:08 PM
Parent: #1

وانفعلت معه نصرة لديني الذي رائت كثيرا ان صبري الشريف قد مسه بالسوء ..
وغم ذلك وجدته باردا لايغضب ولا ينفعل فانصرفت عن بوستاته تاركه وتارك كل امل في تغييره او التاثير عليه ...

Post: #3
Title: Re: صبري الشريف
Author: العوض المسلمي
Date: 04-05-2010, 03:14 PM
Parent: #2

قدّم الينا الاخ لؤي شمت دعوة لحضور حفل زفافه بدار المهندس بالخرطوم ..
ذهبت والاخ وهبة في الموعد لحضور حفل الزفاف ..
عند دخولنا لمكان الحفل وجدنا شابا طويلا وسيما باسما يقف عي طوله ويسلم علينا باحضان وانشراح وكانه يعرفنا من زمااااااان ..
كان هذا الشاب هو نفسه عضو المنبر صبري الشريف ..

Post: #4
Title: Re: صبري الشريف
Author: خضر حسين خليل
Date: 04-05-2010, 03:18 PM
Parent: #3

Quote: ويسلم علينا باحضان وانشراح وكانه يعرفنا من زمااااااان


أها أوعك يا العوض تقول لينا أحضانو برضو كانت باردة زي كتاباتو

Post: #5
Title: Re: صبري الشريف
Author: العوض المسلمي
Date: 04-05-2010, 03:32 PM
Parent: #4

كتر خير صبري الخلاك تجي ماري بهنا ..
عارف يا خضر قبل فترة كان في بوست يتحدث عن الشخصية المنبرية وان كثير من الاشخاص كتاباتهم تختلف عنهم في الواقع نهائيا ,,
فالكثيرين عنيفين في المنبر زي صاحبك وهبة ولكنه في الواقع شخص حبوب واخو اخوان ولا يخرج كلمة تغضب اي زول ...
اها ممكن تقول صبري ده زول من كتاباته نكرهه ولا تجد ان هناك سبب واحد يجمعك معه , ولكن عندما قابلته وجدته كما قلت اخو اخوان وزول واجب ..
ويكفيني فخرا ان اقول انه كان لنا عزاء قبل اقل من شهرين فكان صبري اول المعزيين قبل كل بورداب الخرطوم ..
وطبعا انا اعذر الذين لم تسمح لهم الظروف بالحضور لاني عارف البلد دي ومشغولياتها ومشاكلها ولكن لان المقام مقام شكر كان لابد من ذكر امر حضور صبري ...
تحياتي يا خضر وياريت تظهر علينا شوية ..

Post: #6
Title: Re: صبري الشريف
Author: خضر حسين خليل
Date: 04-05-2010, 03:39 PM
Parent: #5

أولاً لك التعازي يا العوض وأعذرني لو جات متأخرة
صبري زول جدع وأخو أخوان إلتقيته كذلك
وتواعدنا لأكثر من مرة غير إننا لم نلتقي ثانيةً
ربما لذات ظروف الخرطوم التي تعرفها



التعازي لك مرةً أخري أخي العوض ولا أراكم الله
مكروهاً في عزيز لديكم

Post: #7
Title: Re: صبري الشريف
Author: العوض المسلمي
Date: 04-05-2010, 03:48 PM
Parent: #6

مافي تاخير ولا حاجة وعافك ما بتقصر والبرركة في الجميع ...
صبري يا خضر موسوعة اذا تحدث ومستمع بارع اذا تحدث غيره وفوق ذلك حاضر البديهة ...
واعجبني فيه اكثر انه قام بزيارة كثير من رموز البلد وكم كان حديثا مؤثرا عندما حدثنا عن زيارته للامير نقد الله في بيته ...

Post: #8
Title: Re: صبري الشريف
Author: ismeil abbas
Date: 04-05-2010, 04:07 PM
Parent: #7

أخى/العوض السلام عليكم....

إلتقيته يوم وداع أختنا أسيا ربيع ببيت الفنون..جلس معنا وألأسرة بهدوء جميل..رغم مناكفاتى له أبضأ....

عمومآ انا لا أخلط بين الشخصية المنبرية والشخصية..ده كوم وده كوم...الزول بالجد زول جميل..

Quote: صبري يا خضر موسوعة اذا تحدث ومستمع بارع اذا تحدث غيره وفوق ذلك حاضر البديهة ...


بس يا أخوى العوض ما ياكل راسك بجنس ده....((وجه ضاحك))

التحية لك وله..والمتداخلين...

Post: #19
Title: Re: صبري الشريف
Author: العوض المسلمي
Date: 04-06-2010, 08:42 AM
Parent: #8

حباب اسماعيل عباس اخونا العمل زوغبير مننا في اجازته الاخيرة ...
صبري ده يا ابو السباع كان فكرتي عنه انه طالما بهذا الجفاء من الدين وبهذا الطرح الذي لايتواني في الدفاع
عنه انه سيكون شخص غير مطاق اطلاقا ... وفي احدي البوستات ذكر الاخ حمور ان القاهرة مملة لدرجة انها تجبرك ان تاخذ صبري الشريف في احضانك !!
كل ذلك جعل صورة صبري في راسي سوداء لا تطاق ...
ولكن ...
اول ما قابلته وكنت اعرفه من خلال صوره في المنبر الا كان سلاما بعناق وكاننا نتعارف من سنسين بعيدة وكنت اناديه اثناء السلام انت صبري
بتاع الهوس الديني ؟؟ وكان يضحك .. وبعد فترة بسيطة بدأ بورداب الخرطوم كعادتهم في التوافد لحضور حفل زفاف اخونا لؤي شمت وكنت اعرفهم
بان هذا اخونا صبري بتاع الهوس الديني ويدخل الجميع في ضحك طويل ...

Post: #9
Title: Re: صبري الشريف
Author: وجن
Date: 04-05-2010, 04:08 PM
Parent: #7

السلام عليكم اخي العوض
أنا كمان تداخلت معه كم مره ما حسيت ببرود بقدر ما حسيت بسعة صدر
ولاحظت في حواراته الهدوء حتى مع الناس البتختلف معه بحده
ودا المفروض يكون سائد في المنتديات دي
ان الانسان يختلف معاك في الافكار البتعرض مش يجري جري عشان يشوف تاريخك واهلك واصلك وفصلك
وكل سقطاتك ودا حاليا البقى يسود في البورد
ابعث تحياتي لك ولصبري الشريف

Post: #10
Title: Re: صبري الشريف
Author: رهف
Date: 04-05-2010, 08:08 PM
Parent: #9

الاخ المسلمى البركة فيكم واحسن الله عزاكم
واشكرك ان اوفيت الاخ صبرى الشريف حقه فهو اخو الاخوات ورجل المهمات وانا تعتبر شهادتى ناقصة فصبرى الشريف ابن عمى وعمتى
وانا اختلف مع الاخ صبرى فى ارائه لكن يعجبنى سلوكه الراقى وانسانيته واضف لك ان الاخ صبرى ينحدر من اسرة دينية معروفة فجده الشريف له الرحمة من شيوخ تدريس القران فى قرى جنوب شندى تخرج على يده الكثير من حفظة القران فى مناطق جنوب شندى وهو من خلفاء السيد على الميرغنى المعروفين بالتقوى والصلاح لذلك لقب بالشريف

Post: #11
Title: Re: صبري الشريف
Author: baha eassa
Date: 04-05-2010, 08:49 PM
Parent: #10

فعلا الاخ صبري كما قلت وقالوا واكثر من ذلك ..
له التحية ولك اخي العوض ..

Post: #12
Title: Re: صبري الشريف
Author: عفاف ابوكشوه
Date: 04-05-2010, 09:09 PM
Parent: #11

سلامات

الاخ المسلمي

والبركة فيكم

حقيقة صبري الشريف يستحق الاحتفاء

انسان خلوق وودود واجتماعي

ويني جسورا للتواصل مع الكل

فمرحي به بيننا اينما طل او رحل

مودتي وتقديري

Post: #13
Title: Re: صبري الشريف
Author: أمين محمد سليمان
Date: 04-05-2010, 09:12 PM
Parent: #11

العوض يا حبيبنا ،سلام
لايمك لوم أوله عندي في الغربه أم تلج و اخره عندك في السودان الشقيق !!!
أولا ما اسمو (صبري الشريف ) ، اسمو (سيد صبري ) و مهمتو الأساسيه في الحياه تنويرنا نحن البسيطين و قليلي المعرفه عن مخاطر الهوس الديني و مرات مرات عن مخاطر الدين ذاتو !!
كان لي شرف العمل معه كدراع يمين ، استقلت من مهمتي لمن سيد صبري رفض الانصياع لرغبات الملايين بالغاء صيام رمضان لعدم موافقتو لانسانية القرن العشرين و عدم توافقو مع مصالح البني أدمين !!!
------------
لايمك تاني لانك لميت في سيد صبري و ما وديتو الكباشي يقرو ليه في راسو .
-----------
الزول ده لمن عرس ، ضربت ليه تلفون و إتونست معاهو زي البنتعارف لينا سنين و بيننا ما بيننا في البورد .
المان ده في عضمتو زولا سمح ، لكن الفي راسو داير ليه قرايه تقيله !!






____________________
موضوعنا المهم ما تنساهو و ما تكسل !!!

Post: #14
Title: Re: صبري الشريف
Author: نزار كروم
Date: 04-05-2010, 09:55 PM
Parent: #13

سلامات حبيبنا العوض المسلمي

يا سبحان الله نفس العنوان كنت قد كتبته في العام الماضي في موقع ملتقى ابناء الكوة

Quote:

وانا ضيف في مناسبة لاحد الاصدقاء وانا حديث العهد في ولاية فرجيناغفذ اسم صبري الشريف من احد الحضور

فسألته ده صبري المن مدني ولا واحد تاني قال

لي ده من رفاعة وواحد تاني اكد انه من مدني فاخذت الرقم واتصلت عليه لاحقا هكذا ،،،

الو السلام عليكم

وعليكم السلام والرحمة ( يا سبحان الله نفس النبره وجرة الصوت الرخيم )

الاخ صبري الشريف

بالحييييل

ياخوي انت صبري الشريف بتاع مدني ولا رفاعة

والله منهم الاتنين اتفضل يا خوي اي خدمة

يعني انتو الكنتو ساكنين في اشلاق البوليس مدني

بالضبط كده

ياخي والله السلام عليكم ،، ومعاك واحد من الكوة

يا اللللللللللللللللللله ياخوي مالك داير تقلب علي المواجع منو من ناس الكوة والله

طيب انت بتعرف منو من الكوة

ياخي انا بعرف الكوة كلها من حلة فلاته لي خور دوره

ذي منو مثلا

بعرف بكري جابر

وتاني منو

بعرف الكروماب وديل اكتر من اهلي

ذي منو من الكروماب مثلا

بعرف اسامة علي كروم ونزار يوسف كروم

معاك نزار يوسف كروم يا صبري

لا حولة الا باللللللللللله ياخي اصلو ما ممكن يا زول كيف حالك واحوالك واهلك ان شاء الله كويسن ومتبن في البلد دي

والله كلو تمام والاهل بخير وجيت البلد قريب لي كم شهر

والله لو قلت لي عمر يوسف بصدق الزول ده اصلو جنو سفر ومخارجات اظنو تشاد ذاتها مشى ليها

والله تقول شنو اهو ده حال الدنيا جينا بلدكم دي نشوف جكتها معانا شنو

يا زول حمد الله على السلامة وان شاء الله البلد ترحب بيك

سالني من الكروماب فردا فردا ومن ناس الكوة وكنت استغرب من قوة زاكرته وحفظه للاسماء بصوره مدهشه

ولم يلتقي معهم اكثر من خمسة وعشرين عاما سالني من

ا ام سهمين وحسن الشريف وهويدا حمذة وايضا من عصمت ووليد حسن حسين وعمر النصري وعمر يحي وبدري

وعباس علي عبود ومحمد عبدالرحمن توت اللي

انكسرت رجله في الكوره يوم العيد وذهبوا به الي البصير في قرية الطقيع جوار المناقل محمولا على بوكس

عمنا بشير مامون كروم وايضا كان حاضرا عقد قران

بهجه حسن كروم في الخرطوم والماذون مولانا احمد الميرغني ،، وسألني من ناهد يوسف واميمة مصطفى

ومامون صديق كان ببيع حاجات لسعاد الشريف جايباها

من الخرطوم وكان حاضر لزواج هنادي عباس كروم والصبحية في الجميزات بالفنان كمال ترباس ،،، وسألني

من بابكر اب شريعة و من الحريف ابو مدين مامون

صبري الشريف من مدني نشا في اشلاق البوليس وتربطهم جيره وعلاقة جعليين مع اسره عمنا المرحوم بشير

كروم ليست بالساهلة وهو صديق حميم وزميل دراسة

لمحمد بشير كروم كان ياتي معهم في المناسابت والاعياد في الكوة وهو لاعب كره حريف كان يعلب لجزيرة

الفيل مدني وفي الكوة بلعب مع الاشبال طبعا ،،

وتغير ملابس لعبية الاشبال كان في بيت ناس عمنا عثمان ميرغني ولا ينسي مشجعين الاشبال عمنا المرحوم

عثمان كروم وعبدالله الكعاكي ومراد احمد عبود ،،،

وعندما يحاور الخصم ويحرز هدف كان يغتاظ ويهتف الجمهور المضاد (( مأجر،، مأجر)) حكى احد لاعبي

الاشبال انه اول مره اشوف(( شنكار)) في حياته كان

لابسه صبري الشريف في ميدان الكوة الاهلي ،،

اخر مره زار فيها الكوة كان على عجل وودعها بزيارة لضريح حاج عبدالله برفقة الخالة خادم الله ميرغني

والدة صديقة بكري جابر ،،،



Quote: انتهت المحادثة بودعناك الله التي تعود عليها دائما ووعدني بالحضور للسلام والتحية في اقرب

اجازة لنهاية الاسبوع وفعلا

اوفى بوعده وجاءني من لاية نيوجرسي مسافة 3 ساعات تقريبا بالعربة وقضى معي يوما جميلا في خضم

الزكريات الانيسة في الكوة وناس الكوة ،، وايضا اخذني معة ليعرفني على بعض اصدقائة في فرجينيا وكان

يقول لهم الزول ده من الكوة اعظم مدن السودان ومن اسرة ال كروم العريقة فاذاد غبطة وسرور ،،، كما

قمنا بزيارة لاسرة اميمة عمر ابنة محاسن الفاضل حسن واسرة هنادي عثمان حميرا فترك صبري في نفوسهم

اثر طيب واعجاب بهذا الشاب الذي يعشق الكوة ويحب ويحترم الناس المن الكوة ،،

صبري الشريف بجانب عملة الخاص بادارة وتشغيل شركتهم وشقيقة صداح في ولاية نيوجرسي فهو ناشط

فلته في مجال حقوق الانسان وعضو نشيط في كثير من المنظمات والجمعيات المحبة للسلام والحريات وهو

متحدث لبق في هذه الناحية كما ايضا مشارك في كثير من الندوات وورش العمل في تداخل الثقافات

والمعايشه السلمية للاديان وله بعض الاراء والابحاث في الاحاديث النبوية الضعيفة وبعض النصوص القرانية

من ناحية مكان وزمان نزولها ،،،

ابان الحملة الانتخابية الرئاسية الامريكية الاخيرة تطوع الاخ صبري وعمل بجد ليل نهار دعما للمرشح

اوباما

في ولاية نيوجرسي والتي اكتسحها ومهدت له الطريق نحو البت البيض واثناء تلك الحملة التقي به وتحدث

اليه بجانب التقاطة معة لبعض الصور التزكارية ،، وبعد فوز الرئيس اوباما بجائزة نوبل للسلام مؤخرا

بعث بايميل لصبري الشريف شكر وعرفان ،،

التحية من هنا للاخ صبري ،، وهو يتأهب للدخول للقفص الذهبي في الايام القليلة الفادمة ونقول ليه الف

الف مبروك زواج مبارك وان شاء بيت مال وعيال ،،،،


مع كل الود والاحترام

Post: #15
Title: Re: صبري الشريف
Author: Sabri Elshareef
Date: 04-06-2010, 08:04 AM
Parent: #14

الاخ العوض المسلمي


لك التحية والاجلال


واتمني ان يكون لي نصيب مما ذكرت والحقيقة بوستات الشكر لا اعرف اعلق عليها


لكن صراع الافكار استفيد منه لقرايات كثيره في معرفة ما افعله واقف فيه حيال الانسان


ان كنت مصيبا اواصل وان كنت مجافيا للحقيقه ارجع اليها وهو بفضل الله وفضل القراء من النساء والرجال

والزملاء والزميلات اعضاء هذه النافذه الحية


نافذه شعبية مؤثره فينا خلقت لنا وضعا ومعنا لعلاقات اجتماعية جميله وانت منها


وتحت تحت ابادلك احساس ذكرته للاخ يسري المقيم في ولاية نيو جيرسي



انني اثمن مجهوداتك انت والاخت انعام حيموره في شغل بالكما بالمساعدة للمحتاج\ه


شكرا ليك بوست لطيف ان تعرف قدر من يحبك


زمااااان البوستات البشوف فيها اسمي بجيها وعارف الفيها


وتحياتي

لسيد امين ضراعي اليمين فهو عالم جميل



سارد للجميع واشكر من مر معلقا او قارئا او صامتا هنا التذكير والتانيث صنوان فحديثي

للرجال والنساء

وشكري للعوض سلسل الاسرة التي لا ابواب لها من كثرة الضيفان والحبان

وهي اسرة العارف بالله الشيخ الكباشي



اها ما انسي وهبه بلاب توبو متحكره له السلام وهو يطلق في ضحكاته الجميله

ان حبا او تهكما بعض المرات فله السلام


سوف ارجع للتعليق للكل

Post: #16
Title: Re: صبري الشريف
Author: حمور زيادة
Date: 04-06-2010, 08:21 AM
Parent: #15

عمّو العوض يا أرباب
كان لي نصيب في لقاء صبري في القاهرة.
وجدته يحلف بالنبي فتعجبت. كدت اقول له النبي ياتو يا زول ؟
صبري باختصار في تعامله : زول.
بكل ما تحمله الكلمة من معنى.
يسلم على الناس بحرارة. يقابض السودانيين ليتعرف. يسأل و يهتم بكل أحد.
شخص ودود جدا. و الفي راسو في راسو.
سعدت جدا بلقاءه و التعرف عليه.

Post: #17
Title: Re: صبري الشريف
Author: Mohamed E. Seliaman
Date: 04-06-2010, 08:25 AM
Parent: #15

الأخ الكريم العوض المسلمي السلام عليكم ورحمة الله
العريس صبري تحياتي
يا صبري أرجوك حدث بياناتك الشخية في البروفايل

يا العوض أخي خيطك دا تبيعه؟
_______________________________________
كتب أخونا أمين محمد سليمان في شأن صبري ما يلي:
(((و مهمتو الأساسيه في الحياه تنويرنا نحن البسيطين و قليلي المعرفه عن مخاطر الهوس الديني و مرات مرات عن مخاطر الدين ذاتو !!))))
والصحيح هو أن لصبري الشريف موقفا منحازا ضد الإسلام كدين واختيار

Post: #18
Title: Re: صبري الشريف
Author: حمور زيادة
Date: 04-06-2010, 08:31 AM
Parent: #17

لعل ألطف موقف - حواري - مع أخونا صبري كان في المعادي في بيت أخونا اسامة أبارو الحبّوب ..
قلت لصبري بعد أن مدح الفكرة الجمهورية و الاستاذ محمود بما شاء له المدح :
لكن يا صبري ده في ذاتو فكر ديني و الدعوة الجمهورية دعوة دينية لدولة دينية.
و أيدني الى حد ما أسامة .. فقال صبري :
أيوه.
ثم قاد الحديث ببراعة ليفصل هذا الاشتباك فلم اتنبه الا و نحن نناقش ذكريات المعارضة السودانية في القاهرة.

Post: #20
Title: Re: صبري الشريف
Author: Mohamed E. Seliaman
Date: 04-06-2010, 08:47 AM
Parent: #18

والصحيح هو أن لصبري الشريف موقفا منحازا ضد الإسلام كدين واختيار
صبري الشريف واحد من أكثر أعضاء المنبر تركيزا على التحريض ضد الإسلام
ونقل الشبهات والمفتريات على مصادر هذا الدين .
صبري ينقل أسفار القمني وفرج فودة وغيرهما ممن يجاهرون
بالعداء للإسلام حتى دون أن يكلف نفسه بقراءتها ناهيك عن فهما
صبري يمكنه أن ينقل أي مادة تشكك في القرآن أو يشارك مبتهجا في بوست يفتح لهذا الغرض !
إلى هنا ربما يكون الأمر غير بالغ الغرابة والإدهاش إذا قلنا إن له موقفا ضد الأديان !
لكن الذ يدهش حقا هو أن صبري -الذي اشتهر بمهاجمة الإسلام ومصادره في هذا المنبر- ينبري للدفاع عن أسفار الكتاب المقدس !
على سبيل المثال فتح الملحد شهاب كرار خيطا عن فرد عليه صبري الشريف أسفار الكتاب المقدس كاتبا:
((((((الكلام ده لو قالو لك لديانتك لا تقبله اتمني عدم اساءة عقيدة اي انسان
واذا تم هذا هل ربنا غير قادر لحفظ كتاب ارسله للبشر
امر يثير الضجر))))))
من هنا تناقض غريب في الكتاب المقدس !!!

Post: #22
Title: Re: صبري الشريف
Author: العوض المسلمي
Date: 04-06-2010, 08:59 AM
Parent: #10

اقامت يا رهف مجموعة من اعضاء المنبر حفل وداع لاختنا اسيا ربيع بعد انتهاء فترة اجازتها الاخيرة
فكان صبري اول الواصلين واخر المغادرين وكان يسلم علي الجميع باريحية شديدة حيرت الحضور ..
وفي نهاية الحفل قدم الينا كروت دعوة لحضور حفل تدشين حملة ياسر عرمان بالبجراوية ..
اتي في زيارة خاصة لاسرته فكان ناشطا في العمل السياسي السوداني وفي حملة ترشيح ياسر عرمان ..
ورغم ذلك لم يكن يملك سيارة ولكنه استاجر سيارة من ماله الخاص ليتحرك بها ...
زول عجيب هذا الرجل .. يجبرك علي ان تحترمه متي التقيت به ...

Post: #21
Title: Re: صبري الشريف
Author: العوض المسلمي
Date: 04-06-2010, 08:51 AM
Parent: #9

اختي وجن سعة صدر صبري دي اياها البرود بعينه , وانا سالته الاتغضب عندما تتكاثر عليك الاقلام ؟؟؟
فرد انه من عادته الا يغضب ولا ينفعل مع احد يناقشه .. وضرب مثل بان بعض بورداب امريكا وذكرهم بالاسم انه تجده يكتب مداخلة
ويشتم من يرد عليه بلسانه وكان الشخص يقف معه !!
غايتو الحمد لله قابلت صبري وعرفت معدنه ...
وكلامك صاح ما مفروض الحوار يصل لشخصنة مةاضيع النقاش ولازم يتم البعد عن الاسرة والخلفية وليكن النقاش حول الواضيع فقط ..
تحياتي ليك والمعاك ..

Post: #23
Title: Re: صبري الشريف
Author: Mohamed E. Seliaman
Date: 04-06-2010, 08:59 AM
Parent: #21

كتب أخونا الكريم العوض :
(((( يصل لشخصنة مةاضيع النقاش ولازم يتم البعد عن الاسرة والخلفية )))))

يا حبيبنا العوض نشتري منك البوست دا ؟ هل تبيع ؟
إنت تاجر ياخ !
شاور أخانا ود البشرى

Post: #25
Title: Re: صبري الشريف
Author: العوض المسلمي
Date: 04-06-2010, 09:18 AM
Parent: #23

الاخ محمدتحياتي
فتحت هذا البوست للحديث عن الجانب الاخر من شخصية صبري الشريف ..
وصبري يعلم من زماااان وتحدثت معه بعد ان قابلته انني ضد كل ما يفكر فيه ويعتقد
حول الدين او رموز او مراجع الاسلام ...

__________________
يلا كمان لو عندك حاجة عائز تكتبها وتناقشها في هذا البوست
فتمت الموافقة بالبيع ...
اكتب ولنري اين يصفو هذا البوست في نهايته ...






___
غلطات الكيبوردات لاتاخذها في بالك ..

Post: #24
Title: Re: صبري الشريف
Author: عادل سمير
Date: 04-06-2010, 09:17 AM
Parent: #1

قابلتو في مدينة العين هو و عروستو مع مجموعة من الاخوان في سودانيز اون لاين..

إنسان رائع ، مهذب و متواضع ، مثقف و مستنير..

لك التقدير أخي العوض المسلمي على هذا البوست..

Post: #26
Title: Re: صبري الشريف
Author: عبداللطيف خليل محمد على
Date: 04-06-2010, 09:27 AM
Parent: #24

كضاابببببببببببببببببببببببببببببببين ..

Post: #27
Title: Re: صبري الشريف
Author: Sabri Elshareef
Date: 04-07-2010, 02:29 PM
Parent: #24

تحياتي واشواقي مولانا عادل سمير توفيق
سعدت بلقياك في الاول عبر الفيس بوك

وكم ممنون لك بان اوصلتني بصديقي المشترك سويا حسن حسين المحامي وهو من علمني


حسن اختبار الاصدقاء والكتاب وقد نفحني بكتاب النزعات المادية في الفلسفة العربية الاسلامية للمفكر الراحل حسين مروه رحه الله

وسعدت بلقياك ولقيا اهل الامارات بالعين
تقبل تحياتي واشواقي وتحيات العروس نوسه

Post: #28
Title: Re: صبري الشريف
Author: Sabri Elshareef
Date: 04-07-2010, 02:34 PM
Parent: #27

Quote: سلامات حبيبنا العوض المسلمي

يا سبحان الله نفس العنوان كنت قد كتبته في العام الماضي في موقع ملتقى ابناء الكوة





نزار يا قريبي وصديق في الزمن الملامحو معكره


كيفك وكيف اهل فرجينيا وضواحيها

سلام لمن معك والبركه فيكم في انتقال الاستاذ علي كروم رحمه الله واحسن اليه

Post: #29
Title: Re: صبري الشريف
Author: عزان سعيد
Date: 04-08-2010, 05:21 AM
Parent: #28

إنسان نادر
و(زول) علي رأي حمور
جدع ، ود بلد و كلس
كريم وشهم ومفضال
ربنا يديه الصحة والعافية

Post: #30
Title: Re: صبري الشريف
Author: jafar hashim
Date: 04-08-2010, 06:23 AM
Parent: #29

صبري الشريف
إنسان نادر .. وود بلد ... وكلس .. وأي حاجة حلوة تمر ببالك

صبري الشريف إنسان مؤتر وهو من الناس الذين تقابلهم ولا تبرح شخصيته خيالك حتى بعد أن تفارقه فله شخصية مؤثرة جداً.
وهو إنسان محبوب لدرجة لافتة للنظر..

وبالنسبة للناس العاوزيين يقيمو عليه الحد ومستغربين في آراءه الدينية
(إذا أحب الله إنساناً حبب إليه خلقه) وصبري واحد من ديل
فهو شخص اجتماعي ومحبوب وهو أيضاً حبوب جداًولا يكره إلا الصفات الذميمة
فأرجوكم تريثوا وأدوها صنة فالرجل صاحب إشراقات وأسرار ملكوتية وله نظرة فريدة للأمور.

Post: #31
Title: Re: صبري الشريف
Author: Tragie Mustafa
Date: 04-08-2010, 06:39 AM
Parent: #30


العوض سلام
وصبري الشريف هو ما قلتم واكثر.

لكن كدي خلوا لي بلديتنا محمد اي سليمان

يا شيخنا ودكتورنا العلامه
وحياة خوتك عيب البتعلم فيه ده.
يا اخي افصل بين الاجتماعيات وبين النقاش الفكري.
معقوله الناس بيتونسوا في امان الله تنكش لهم المحن دي؟؟؟

يا اخي افرض ده كله صحيح
اها شنو...يعني ما نصادق صبري ده ولا نقيم عليه الحد يعني؟؟
ولا ما هان عليك الناس تقر بانسانيته؟؟؟!!

Post: #32
Title: Re: صبري الشريف
Author: ناصر احمد الامين
Date: 04-08-2010, 07:09 AM
Parent: #31

يا سلام ... بوست مهم في حق انسان اصيل معرفتو مكسب

شكرا اخونا العوض

تحياتي ليك يا صبري و لي نوسة وكل الاهل و الاصحاب

و منتظرين جيتكم لينا تاني

Post: #33
Title: Re: صبري الشريف
Author: Sabri Elshareef
Date: 04-08-2010, 08:20 PM
Parent: #32

Quote: كضاابببببببببببببببببببببببببببببببين ..





الاخ \ عبد اللطيف خليل محمد علي


تحياتي

طيب كل من علق اعلاه اوصفتهم بالكذب ومعهم نساء يسددن عين الشمس


رهف وتراجي ووجن


فهل تاتي وتقول الحقيقه

ربما اعي انا ويعي من مر عبر هذا البوست


عموما في انتظارك بالحقيقه ربما انت سيد العارفين\ات

Post: #34
Title: Re: صبري الشريف
Author: يسرى معتصم
Date: 04-08-2010, 09:46 PM
Parent: #33

سلامات

الاخ المسلمي

والبركة فيكم

صبرى الشريف أخوى وصديقى وجارى .....

رجل أخو أخوان تسألو من أى منطقة فى السودان تقول شيخ الحلة يعرف كل

أهل السودان .....


ياصبرى تعال راجع

Post: #35
Title: Re: صبري الشريف
Author: Sabri Elshareef
Date: 04-08-2010, 10:13 PM
Parent: #34

Quote: العوض سلام
وصبري الشريف هو ما قلتم واكثر.

لكن كدي خلوا لي بلديتنا محمد اي سليمان

يا شيخنا ودكتورنا العلامه
وحياة خوتك عيب البتعلم فيه ده.
يا اخي افصل بين الاجتماعيات وبين النقاش الفكري.
معقوله الناس بيتونسوا في امان الله تنكش لهم المحن دي؟؟؟

يا اخي افرض ده كله صحيح
اها شنو...يعني ما نصادق صبري ده ولا نقيم عليه الحد يعني؟؟
ولا ما هان عليك الناس تقر بانسانيته؟؟؟!!




صديقتي في الهم الانساني


تراجي مصطفي

تعرفي هذا الشخص M.E,S



لا ارد علي كتاباته ضدي واتركه يكتب ما يشاء واتمني له

الهداية لما فيه خير الانسانية

وان يفتح ربنا عليه نافذه من نوافذ التنوير والمعرفة لما يفيد الانسان

وانا عافي له ما قاله وما سيقوله عني وحقيقة بكتاباتي وهمومي وما اختاره من مقالات لكتاب

اعني به المساهمة في الاتفادة والافادة واول ما استهدفه اصحاب العقل المغلق وتيار الهوس الديني


اشكرك كثيرا وقد عرفتك ثائرة وصادقه


وللاخ M. E. S التحية والاحترام

Post: #36
Title: Re: صبري الشريف
Author: Sabri Elshareef
Date: 04-09-2010, 02:39 PM
Parent: #35



صديقي \ جعفر هاشم

اشتاق اليك كثيرا والي العربي بدر الدين

وعند البرودة للجو شتاءا دواها عند بدر الدين مويه حاره بملح


كيفك والاسره افتقد الونسه معاك

شكرا لحديثك واتمني لك ولاسرتك السعادة والهناء

Post: #37
Title: Re: صبري الشريف
Author: السيد المسلمي
Date: 04-10-2010, 02:14 PM
Parent: #36

الأخ صبري الشريف .. متحدث لبق سهل الفهم - عكس كتاباتو لوووول
رجل بهي الطلعة ، يجبرك علي إحترامه .





ـــ
سعدنا بلقاءك ياحبيب .

Post: #38
Title: Re: صبري الشريف
Author: Mohamed E. Seliaman
Date: 04-10-2010, 02:58 PM
Parent: #37

Walakum Assalam
Sabri Elshareef
Please update your profile
You are not single now
Quote: لا ارد علي كتاباته ضدي واتركه يكتب ما يشاء واتمني له

الهداية لما فيه خير الانسانية

وان يفتح ربنا عليه نافذه من نوافذ التنوير والمعرفة لما يفيد الانسان

وانا عافي له ما قاله وما سيقوله عني وحقيقة بكتاباتي وهمومي وما اختاره من مقالات لكتاب

اعني به المساهمة في الاتفادة والافادة واول ما استهدفه اصحاب العقل المغلق وتيار الهوس الديني

This is pathetic
Tq