Post: #1
Title: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 06:11 AM
نعم ...
لأننا (ما قاعدين) نسافر ..
ولا أظن فى زول (بجينا) ....
لذلك تجدنا (ما شايلين) هم (للهم العالمى)
إنفلونزا الخنازير ...
يعنى بإختصار كده ... (الأمر ده لا يعنينا) ...
موش؟؟؟؟؟؟؟؟؟؟؟؟؟؟؟
|
Post: #2
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 06:23 AM
Parent: #1
ولأن الأمر لا يعنينا ... لا من قريب
ولا من بعيد ... لذلك (ما شفنا) وزيرة
الصحة تابيتا بطرس ... ولا وزير الدولة ..
إن كان هناك وزير دولة للصحة ..فأنا عن نفسى لا أعلم..
ولا وكيل الوزارة .. ما شفنا واحد (منّهم) (جاب سيرة)
للموضوع ده خالص فى أى وسيط من وسائط الإعلام
العاملة (عندنا) ... كل ذلك لأن الأمر (لا يخصنا) ..
فالحديث فيه يكون من قبيل (الترف) الذهنى فقط ...
شفتوا كيف؟؟؟؟؟
|
Post: #3
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 06:32 AM
Parent: #2
أعلنت مديرة منظمة الصحة
العالمية أن المرض فى المرحلة الخامسة
من ست مراحل يتم بعدها الإعلان عن وباء (يجتاح) العالم..
وآخر وباء (ضرب) العالم كان فى العام 1918 وجاء من نفس
المكان (المكسيك) ومات بسببه حوالى الخمسين مليون شخص .....
والأمر (قطعا") لا يعنينا ...
(نحنا) وين (والمكسيك) وين؟؟؟؟؟
|
Post: #4
Title: Re: وسيبقى السودان (محصّنا") ضد إنفلونزا الخنازير ....
Author: سمرية
Date: 04-30-2009, 06:35 AM
Parent: #2
ايوة بالضبط كده
لانو عندنا ( كمامات ) بالكوم ، والامدادت الطبية حقتنا عندها ( مخزون ) عشرة سنوات لــ قدام !
ولانو عندنا اجراءات ( وقائية ) في مطار الخرطوم وكل حدود البلاد !
ولانو مافي زول بدخل البلد ( ساااااااااي ) ( وتووووشك ) بدون فحص وتأكد من خلوه من المرض !
ولانو نحنا ما عندنا اي ( ازدحام جنوني ) في اي منطقة من مناطق العاصمة !
ولانو ما عندنا خنازير ( خااااااااااااااالس ) ، ولا قاعدين ( نأكلها ) !
|
Post: #5
Title: Re: وسيبقى السودان (محصّنا") ضد إنفلونزا الخنازير ....
Author: سمرية
Date: 04-30-2009, 06:40 AM
Parent: #4
قوي ..
نسيت اسلم عليك ذاتو واقول ليك صباح الخير ...
بعدين سؤال :
لو فرضنا ، الكمامات كانت متوفرة ، ولا قدر الله ظهر المرض عندنا ( البقنع ) ناسنا ديل يلبسوا الكمامات منو ؟
مووش برضو الموضوع محتاج ( توعية) ؟
هو المرض دا اعراضو كيفن ؟!
|
Post: #6
Title: Re: وسيبقى السودان (محصّنا") ضد إنفلونزا الخنازير ....
Author: Hassan Makkawi
Date: 04-30-2009, 06:49 AM
Parent: #5
Quote: ولأن الأمر لا يعنينا ... لا من قريب
ولا من بعيد ... لذلك (ما شفنا) وزيرة
الصحة تابيتا بطرس ... ولا وزير الدولة ..
إن كان هناك وزير دولة للصحة ..فأنا عن نفسى لا أعلم..
ولا وكيل الوزارة .. ما شفنا واحد (منّهم) (جاب سيرة)
للموضوع ده خالص فى أى وسيط من وسائط الإعلام
العاملة (عندنا) ... كل ذلك لأن الأمر (لا يخصنا) ..
فالحديث فيه يكون من قبيل (الترف) الذهنى فقط ... |
قوى
الجماعة ديل بيتعاملوا مع الواقع بث!!!
زات الموز مثالاً...
بس ما تخاف راح ياخدوا إحتياطات
بعد الفاس تقع فى الراس...وكدة
|
Post: #7
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 06:51 AM
Parent: #5
سمرية
صباح الخير
وشنو هو الكمامات والإجراءات الوقائية
والمطار والتوعية والكلام ده .... وبما إنو المرض ده
بعيد مننا وما عندنا بيهو شغلة حانهتم بالتفاصيل دى ليه؟
عندنا أولويات كتييييرة أهم من الإنفلونزا (بتاعت الخنازير) دى
ومليانين مشاكل حاضرة وموجودة بيننا .. ليه نشغل روحنا
بحاجات (ما بتجى علينا) ؟؟؟؟؟
والا مو كدى؟؟؟؟؟؟؟؟؟؟؟؟؟؟
|
Post: #8
Title: Re: وسيبقى السودان (محصّنا") ضد إنفلونزا الخنازير ....
Author: BitAlhana
Date: 04-30-2009, 06:54 AM
Parent: #7
انشاء الله ما يجي السودان
ما بيقدروا عليه
السودان ليه الله
|
Post: #9
Title: Re: وسيبقى السودان (محصّنا") ضد إنفلونزا الخنازير ....
Author: سمرية
Date: 04-30-2009, 06:56 AM
Parent: #7
Quote: عندنا أولويات كتييييرة أهم من الإنفلونزا (بتاعت الخنازير) دى
ومليانين مشاكل حاضرة وموجودة بيننا .. ليه نشغل روحنا
بحاجات (ما بتجى علينا) ؟؟؟؟؟
|
ايوة صحي والله ..
عندنا ( مرض السحائي ) ، القاعد يحصد في ارواح الناس وبـــ ( صمت ) تام !
خنازير شنو كمان الممكن نفكر فيها في ظل ( الكهربا المافي ) و( الموية المافي ) و ........... ، و ........... ؟!
|
Post: #10
Title: Re: وسيبقى السودان (محصّنا") ضد إنفلونزا الخنازير ....
Author: حامد محمد حامد
Date: 04-30-2009, 07:22 AM
Parent: #9
التحية لصاحب البوست
قالوا الخنازير ترقص جزلا بالدمازين بسبب الطناش
|
Post: #11
Title: Re: وسيبقى السودان (محصّنا") ضد إنفلونزا الخنازير ....
Author: محمد أبوالعزائم أبوالريش
Date: 04-30-2009, 07:31 AM
Parent: #10
في تقرير أخباري صباح اليوم في إذاعة لندن، أجرت الإذاعة مقابلة مع أحد أصحاب مزارع تربية الخنازير، وذكر التقرير أن هناك عدد كبير من هذه المزارع في وحول الخرطوم.
--------- المواطنين الذين سألهم المراسل، أبدوا دهشتهم لمعلومة وجود مثل هذه المزارع.
قوي إزيك
|
Post: #12
Title: Re: وسيبقى السودان (محصّنا") ضد إنفلونزا الخنازير ....
Author: نادر
Date: 04-30-2009, 08:27 AM
Parent: #11
خالص التحايا والود يا قوي
| Quote: وسيبقى السودان (محصّنا") ضد إنفلونزا الخنازير .... |
كان ما بعرفك وبقرأ ليك، كان قلت ده ودالباوقة أو محمد فرح أو غريبة، عنوان بوستك على شاكلة عناوينهم ... (السودان محصناً ضد قطوعات الكهرباء بعد سد مروي) (الشعب السوداني (بالكامل حتى ناس المقابر) يقف مع البشير ضد قرارات أوكامبو) وهلماجرا.
هي ذات عقلية نأكل مما نزرع والبلاوي الملاحقانا من 20 سنة ... وبعدين خليك من أنفلونزا الخنازير، الإيدز الاستوطن في البلد الجايب خبرو منو، الفشل الكلوي والسرطانات المعدلاتها مخيفة وغير عادية الجايب خبرا منو؟؟
حكومة السودان في وادي والمؤسسية في وادي آخر
|
Post: #13
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 10:34 AM
Parent: #12
حسن مكاوى
سلامات
قلت لى (إحتياطات) .. بس بعدما
تجى (الطوبة فى المعطوبة) ...
بس فى الحالة دى ما أظن إسمها بيكون (إحتياطات) ....
|
Post: #14
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 12:02 PM
Parent: #13
بت الهنا
إزيك
ونعم أهل السودان ليهم الله
إن شاء الله يحفظهم جميعا" من كل شر .....
|
Post: #15
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 01:40 PM
Parent: #14
حامد
سلامات
السؤال : ما الذى يربط بين
الدمازين والخنازير .. خلينا نفهم عليك يا أخى ....
|
Post: #16
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 04-30-2009, 03:14 PM
Parent: #15
أبو العزائم
إزيك يا حبيب
أنا عرفت (مع المرض) ده يعنى أن هناك
مزارع (ماهلة) فى ضهارى أمدرمان .. نواحى سوق
ليبيا ... أظن أن المفروض فى أصحابها (أن يبلوها
ويشربوا مويتها) ... ولا ما كدة؟؟؟؟؟
|
Post: #17
Title: Re: وسيبقى السودان (محصّنا") ضد إنفلونزا الخنازير ....
Author: بشير حسـن بشـير
Date: 04-30-2009, 04:16 PM
Parent: #16
.
الأخ / عبد الرحمن ود قوى
تحياتى
لآ أتفق معك فالوضع يعنينا ، لأسباب كثيره ،
منها وجود مزارع خاصه بتربية الخنازير حول العاصمه
الخرطوم . ولو فرضنا جدلا أنه خنزيرنا محصن بقدرة
قادر من المرض . فالأخطر على السودان هو إنتقال
المرض هذا عن طريق البشر ، وهذا ما أكدته منظمة الصحه
العالميه .فنحن ولله الحمد عندنا من التجهيزات الصحيه
ما لا يساوى ولا حتى صفر أمام هذا المرض وغيره .
لذا فلهذه الإعتبارات المهمه فالأمر يعنينا ونص وخمسه .
مع تحياتى ختاما
بشـير حسـن ، جده
.
|
Post: #18
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-02-2009, 06:57 AM
Parent: #17
نادر ....
تحياتى نديّات.....
برغم إنك قلت إنك قاعد (تقرانى) بس المرة
دى ما قريتنى ... أظنك إكتفيت بالعنوان (المستفز) بس
دون الدخول إلى (المتن) ......
|
Post: #19
Title: Re: وسيبقى السودان (محصّنا") ضد إنفلونزا الخنازير ....
Author: Ishraga Mustafa
Date: 05-02-2009, 07:36 AM
Parent: #18
Quote: ايوة بالضبط كده
لانو عندنا ( كمامات ) بالكوم ، والامدادت الطبية حقتنا عندها ( مخزون ) عشرة سنوات لــ قدام !
ولانو عندنا اجراءات ( وقائية ) في مطار الخرطوم وكل حدود البلاد !
ولانو مافي زول بدخل البلد ( ساااااااااي ) ( وتووووشك ) بدون فحص وتأكد من خلوه من المرض !
ولانو نحنا ما عندنا اي ( ازدحام جنوني ) في اي منطقة من مناطق العاصمة !
ولانو ما عندنا خنازير ( خااااااااااااااالس ) ، ولا قاعدين ( نأكلها ) ! |
غايتو يا سمرية زولك ده عليهو جنس ترف,
ياقوى ياخ ماتزيد المحلبية,
بعدين دى زى قصة الايدز , لحدى زمن قريييييب بقولوا ماعندنا ايدز فنحن عاملين والعمل عمل الله { بالشريعة الاسلامية}
عارف احسن حاجة بنجيدها فى السودان هى شنو؟
انقر؟!!
المسالة فيها جوائز قيمة اولها {التطعيم} ضد نزلة الخنازير..
-------
القيامة قامت فى فيينا على رجل واحدة لانو اكتشفوا انو فى حالة واااااااااااااااحدة
وقفت لها الدولة من رأسها لاخمصها
-------
ازيكم يا اهلنا
|
Post: #20
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-02-2009, 09:36 AM
Parent: #19
بشير حسن بشير
سلامات
وشكرا" للإفادة ولكنك أيضا" لم تقرؤنى
كما ينبغى .. أو بالإحرى (فهمتنى غلط) ....
لك الود
|
Post: #21
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-02-2009, 10:20 AM
Parent: #20
إشراقة
إزيك إنت وإزاى عيالك؟؟؟؟
قلتى لى ترف ؟؟؟
وبعدين منو القال ليك عندنا إيدز؟؟؟
شوية حالات إنتقل ليها بالصدفة نتيجة لعمليات
نقل دم وشوية تجاوزات فى معامل التحليل الطبى وذلك
لأنو ما عندنا علاقات (جنسية غير شرعية) خالص يعنى كلو
فى إطار الزواج .. عشان كده ما فيش إيدز (البتّة) واى
زول يقول ليك غير كده (كضب عليك).... شفتى؟؟؟؟
|
Post: #22
Title: Re: وسيبقى السودان (محصّنا") ضد إنفلونزا الخنازير ....
Author: ابو جهينة
Date: 05-02-2009, 10:45 AM
Parent: #21
Giwey
سلام يا صاحبي
يا زول خنازيرنا ذاااتا محصنة ضد الإنفلونزا ..
مش سودانية ؟ خلاص ... محصنة من ربنا ... فلا خوف على المسموح لهم بأكلها أو لغير المسموح لهم
إلا كان مرضا يجينا محلق و طاير من سماوات بلدا تانية ... زي حمى الجراد أو إسهال الصقور أو كحة السمبر
غايتو
كن بخير
|
Post: #23
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-02-2009, 11:57 AM
Parent: #22
جلال داؤد
سلامات يا حبيب
وشكرا" ليك وأنت (تحلّق) معى فى ذات الفضاء...
فاهمنى تمام (وكلك مفهومية) كالعهد بك ......
|
Post: #24
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-02-2009, 01:08 PM
Parent: #23
النصيحة لله...
أمس بس سمعت فى التلفزيون
تصريحات لوزيرة الصحة عن انفلونزا الخنازير
أطلقت فيها (تطمينات) بإنو مافيش أى إصابة بالمرض
حتى الآن فى البلاد وأن هناك الكثير من التحوطات لهذا
الأمر وأنو تم تشكيل فرق فنية للتعاطى مع هذا المرض ...
يعنى (أرقدوا قفا) ... كل شىء (معمول حسابو) ....
|
Post: #25
Title: Re: وسيبقى السودان (محصّنا") ضد إنفلونزا الخنازير ....
Author: ombadda
Date: 05-02-2009, 02:16 PM
Parent: #24
قوى
سلامات
الفيروس الان ينتقل بين البشر ولا يشترط وجود خنازير
لوعطس شخص واحد مصاب بإنفلونزا الخنازيرفى وجهك فإنك ستلتقط العدوى..
بعدين
السودان ليس ببعيدعن العالم..
لا ننسى أنفلونزا الطيور
|
Post: #26
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-03-2009, 06:50 AM
Parent: #25
هل إنفلونزا الخنازير وباء قاتل؟
مراكز الأبحاث مشغولة لمعرفة أسرار الفيروس (رويترز-أرشيف)
تساءلت صحيفة غارديان البريطانية عما إذا كانت إنفلونزا الخنازير وباء قاتلا كما يعتقد الناس، لتجيب بأن ذلك ما انتشر بين الناس بشكل نظري وسبب لهم الخوف والهلع.
الداء بين البشر
المسؤولون أخذوا مدى خطورة الداء في الحسبان لأن الفيروس الجديد "إتش1 إن1" قد تجاوز سلالات النوع ليصل إلى الإنسان في ظل خشية العلماء من انتقال الداء بين بني البشر أنفسهم.
خبير الجراثيم في جامعة كينغستون الدكتور مارك فيلدر يقول إنه لا ينبغي لنا أن نقلق بشأن إنفلونزا الخنازير بشكل كبير، ويوضح أنه "مرض خفيف نسبيا، وقدرته على الانتشار بين البشر ليست هائلة".
سبل الوقاية
ويضيف أن المحافظة على قدر جيد من معايير النظافة والصحة، واتباع إرشادات الجهات الصحية المسؤولة بشأن غسل اليدين بانتظام والعطس باستخدام المناديل الورقية، كل ذلك يسهم في توقف قدرة الفيروس على الانتشار بسرعة.
ويشير إلى أنه ينبغي علينا أن ندرك شيئا وهو أنه ليس لدينا ذلك العدد الكبير من الوفيات بين المصابين بالمقارنة مع أعداد الوفيات نتيجة أمراض أخرى في العالم.
ويقول الدكتور فيلدر إن الداء لا يشكل وباء قاتلا، وهو لا يعدو أن يكون إنفلونزا موسمية عادية وينتهي الأمر.
الداء يضطر الناس للحديث من وراء حجاب (الفرنسية-أرشيف)
طبيعة الإنفلونزا
ويقول مدير الأبحاث السريرية في المركز الوطني للبحث والمراقبة والتحصين في جامعة سيدني روبرت بووي إن طبيعة الإنفلونزا أن تصيب شخصين اثنين في الحالة الواحدة، ثم تتضاعف الإصابات كل ثلاثة أيام. وذلك يعني أنها تنتشر لتصيب ألف شخص من اليوم الأول حتى اليوم الثلاثين، ويرتفع عدد الإصابات إلى المليون في الشهر الثاني وهكذا.
ويمضي إلى أنه لو كان هناك مئات الآلاف من الحالات في المكسيك، وكانت الوفيات مائة حالة، فإن درجة الخطر المميت تساوي 0.1%.
ويخلص الدكتور بووي إلى القول إن الداء ليس بتلك القسوة التي يعتقدها الناس، وإن الداء لم يتحول إلى وباء بعد كما يظن البعض.
ماذا يفعل العلماء؟
وصلت عينات من الفيروس إلى المعهد الوطني للبحث الطبي في شمال لندن هذا الأسبوع، ويقوم العلماء هناك بتنمية الفيروس ليعرفوا كيف يتطور.
ويعمل العلماء بالتعاون مع مراكز مراقبة الأمراض والوقاية منها في أتلانتا بولاية جورجيا، وسيساعد البحث في تطوير لقاح للفيروس في غضون الأشهر المقبلة.
المصدر: غارديان
|
Post: #28
Title: Re: وسيبقى السودان (محصّنا") ضد إنفلونزا الخنازير ....
Author: عزام حسن فرح
Date: 05-03-2009, 07:00 AM
Parent: #27
الأن (الأحد 03/05/2009م الساعة 5:50 بِتَوقيت غرينتش) بِقناة النيل الأزرق يتحدث د/ يحيى الشيخ
مُدير الثرَوة الحيوانِية بِولاية النيل الأزرق ... وقال :
< الخنازير في سوق الكُرمُك حايمة بِجِنياتا ساي ولو في زول ضرب خنزير بِعربِتو الغرامة (الدِية)
كبيرة جِداً ... وقال إنو ما بِيستبعد إنتِشار المرض أبداً ... >
|
Post: #29
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-03-2009, 01:18 PM
Parent: #28
عزّام
سلام وتحية ...
يعنى حقّ لخنازير الدمازين أن (تنطط) فرحا".....
لك الود
|
Post: #30
Title: Re: وسيبقى السودان (محصّنا") ضد إنفلونزا الخنازير ....
Author: Ishraga Mustafa
Date: 05-03-2009, 01:22 PM
Parent: #29
Quote: وبعدين منو القال ليك عندنا إيدز؟؟؟
شوية حالات إنتقل ليها بالصدفة نتيجة لعمليات
نقل دم وشوية تجاوزات فى معامل التحليل الطبى وذلك
لأنو ما عندنا علاقات (جنسية غير شرعية) خالص يعنى كلو
فى إطار الزواج .. عشان كده ما فيش إيدز (البتّة) واى
زول يقول ليك غير كده (كضب عليك).... شفتى؟؟؟؟ |
يعنى اللى فى اطار الزواج مافيها ايدز؟
وزارة الصحة دى ياخ تعبت مع الشعب السودانى
قدر ما توعيهم وتثقفهم صحيا وجنسيا فالحال فى حالو
----------
ياخ انت مالك عكليت كدى, خلاص مافى مافى يعنى حاتغالط الحكيومة ياقوى
|
Post: #31
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 05-04-2009, 06:13 AM
Parent: #30
إشراقة
سلامات....
هو (حكومتنا) ذاتها (بتتغالت) ؟؟؟؟؟
|
Post: #32
Title: Re: وسيبقى السودان (محصّنا") ضد إنفلونزا الخنازير ....
Author: سمرية
Date: 06-04-2009, 07:44 AM
Parent: #31
قوي ...
اها ، شوووفت من المطار ... و ( طار ) !!
طيب ، ابعاد المصابين ، هل يمنع انتشار المرض في السودان ؟!
|
Post: #33
Title: Re: وسيبقى السودان (محصّنا") ضد إنفلونزا الخنازير ....
Author: إسماعيل حميم
Date: 06-04-2009, 11:15 AM
Parent: #32
الحبيب قوي
هسه عليك الله إنت في غلات الحيكومة
ولا النسوان العكاليت ديل الواحد بفتح بوست برضو
تلقاهم ساكنو فوقو . . . حولا
سمرية إزيك يا أخونا مشتاقين !!
تعرف يا قوي
نحنا عندنا سبب أساسي يمنعنا من تجاهل انفلونزا الخنازير دي
أولاً بالتبادي قالوك الفيروس دي كان جا عندنا سخانتنا دي بتعمل ليهو
كاروشا وتطير الإنفلونزا منو يفتش ليها ما يلقاها
عشان كدا خاف ورسل إيميل لوزارة الصحة
قال أرقدوا قفا
شفت كيف . . .
مرفق:
يقديري ومحبتي
إسماعيل حميم
.
|
Post: #34
Title: Re: وسيبقى السودان (محصّنا") ضد إنفلونزا الخنازير ....
Author: Giwey
Date: 06-06-2009, 07:50 AM
Parent: #33
آى والله يا سمعة ... عندك حق
ده إسمه (أدب المصاقرة) ... وفحواه
بإختصار (سيك سيك .. معلق فيك)......
مودتى
|
|