هل حقآ لا يجيد السودانين/ات الرومانسية؟

هل حقآ لا يجيد السودانين/ات الرومانسية؟
الرومانسية التي أقصدها هي:التعبير المتواصل عن الحب سوي كان لفظيآ(التعبير بالكلام) او فعليآ(تقديم هدية او الدعوة لمكان ما).
كما ان الرومانسية مهمة جدآ لبداية العلاقة وتتطورها الي مرحلة الخطوبة ثم الزواج, فان أهميتها تذداد لأستمرار الزواج بقوة ومتعة.
لماذا أذن لا يجيد السودانين/ات الرومانسية؟
هل التربية التي تمنع الأختلاط بين الجنسين تجعلنا نخجل ونخاف من التعبير بالكلام الرومانسي؟
اما ان العادات والتقاليد التي تجعل الحصول علي الزوجة لا يحتاج سوي ان ترسل أهلك الي أهلها دون تتكلم معها رومانسيآ ,خاصة اذا كانت قريبتك؟
ام ان أزمة الزواج تجعل البنت تبحث عن الرجل العريس وليس الرجل الرومانسي؟
أخيرآ
لماذا لا يكون الشاب السوداني رومانسيآ مع الشابة السودانية كما مع الشابة الأجنبية؟
لماذا لا تكون الشابة السودانية رومانسية مع الشاب السوداني كما مع الشاب الأجنبي؟
كذلك
لماذا لا يكون الزوج السوداني رومانسيآ مع الزوجة السودانية كما مع الزوجة الأجنبية؟
لماذا لا تكون الزوجة السودانية رومانسية مع الزوج السوداني كما مع الزوج الأجنبي؟

بلير ازيك


اسئلتك محرجة !!! اجابة سريعة فى رائى يجيدونها بالنذر القليل

قيل سنوات مضت وانا اعمل بالمملكة العربية السعودية جاتنى مكالمة من واحد صاحبى ( السعودية) الصباح بدرى قلت ليه انشاء الله خير

قال لى انا اتزنقت اليوم الصبح زنقة الكلب فى الطاحونة , وهو بيلبس وماشى على الشغل قاعد طرف السرير بيزرر فى رباط جزمته ( لا

مؤاخذة) زوجته ضربته على ظهرة ومن غير ما يلتفت ليها قال ليها مالك ؟ فاذا هى بترمى قنبلة يا......انت بتحبنى ؟

طبعا قال ربنا ما فتح عليه ولا بكلمة كانه الكلام كله خلص واسقط فى يده بتردده بالرغم من حبه لزوجته , وغادر المنزل هائما يبحث عن

الحل وكان الاتصال التلفونى .


الشى ثقافة culture


كن بخير

Quote: الشى ثقافة culture

Quote: الرومانسية التي أقصدها هي:التعبير المتواصل عن الحب سوي كان لفظيآ(التعبير بالكلام) او فعليآ(تقديم هدية او الدعوة لمكان ما). لماذا أذن لا يجيد السودانين/ات الرومانسية؟

و الله يا بلير حيرتنى فى العرس ذاااتوا.
هسى عليك الله النسالك..اصلو ما شفت ليك واحد سودانى و زوجته فى مطعم او سنما ؟؟
و الدهب الللى لابستنه السودانيات ده سرقوا من رجالهم.....ما اشترو ه ليهم هدايا!!!

Quote: هل التربية التي تمنع الأختلاط بين الجنسين تجعلنا نخجل ونخاف من التعبير بالكلام الرومانسي؟

كيف الكلام ده؟؟؟ يمكن صحيح التربيه تمنع العلاقات خارج الزواج ...لكن (اغلب) الاسر السودانيه تسمح لابناءها و بناتها انو يكون عندهم تواصل مع (على الاقل ) اولاد عامهم و عماتهم و خيلانهم و خالاتهم. انا من اسرة محافظة جدا. لكن عشت طفوله و الان اعيش شباب به علاقات جميلة جدا مع My cousins و هم حقيقة اصدقائى

Quote: اما ان العادات والتقاليد التي تجعل الحصول علي الزوجة لا يحتاج سوي ان ترسل أهلك الي أهلها دون تتكلم معها رومانسيآ ,خاصة اذا كانت قريبتك؟

ده زماااان. ما اظن الان فى حجات ذى دى. حتى لو موجوده ح تكون قليلة. على الاقل ما مجوده وسط الاوساط المتعلمة.

المحترم حامد محمد
صحيح الأسئلة لكن الواقع أكثر أحراجآ
القليل العندنا ممكن نطلعوا لبرة بأستمرار لو تعذر ذيادتو؟

Quote: طبعا قال ربنا ما فتح عليه ولا بكلمة كانه الكلام كله خلص واسقط فى يده بتردده بالرغم من حبه لزوجته , وغادر المنزل هائما يبحث عن الحل وكان الاتصال التلفونى .

بالرغم انو الرد جواه لكن عشان يقولوا صعب

قبل سنوات واحدة كنت عندي علاقة معها لقنتني درس قاسي ومفيد في اهمية التعبير عن الرومانسية...بعد سنة من العلاقة سالتني كم مرة هي قالت بتحبني قلت:كثير
سالتني كم مرة انا قلت ليها بحبك كثير ما بتحسب...قالت:لا بتحسب لانوا ما كثير(كلامها).
نصيحتها كانت:البنت(المراة) بترتاح لما تسمع كلمة أحبك..قولوا دائمآ حتي لو ما من جواك.
المهم
أنشاءالله ساعدت صاحبك عشان يقول: بحبك موت

المحترم عبدالله الامين

بنغني أغاني , بنقرا كتب وشعر, بنشوف أفلام ومسلسلات كلها رومانسية وبنتفاعل معه بمشاعرنا وأحاسيسنا.
ثقافتنا تسمح بكل ذلك, ولا تسمح لينا نقولو..لييه؟
طيب الحل شنو...نعيش كده ..

المحترمة smart ana

Quote: و الله يا بلير حيرتنى فى العرس ذاااتوا. هسى عليك الله النسالك..اصلو ما شفت ليك واحد سودانى و زوجته فى مطعم او سنما ؟؟ و الدهب الللى لابستنه السودانيات ده سرقوا من رجالهم.....ما اشترو ه ليهم هدايا!!!

انا شفت....لكن انت بتتكلمي عن نسبة 5% اوأكثر بقليل...وانا بقول لييه ما يكون 60% لو ما أكثر
انت بتتكلمي عن دهب الشيلة...في ذمتك كم رجال بشتروا كتعبير عن حب؟
يا أختي غالبية الدهب النحن شايفنو النسوان بشترنوا براهن(البركة في صنادق)
الا الدهب بس ماتقولي زهور ولا ريحة
كده قولي بتعرفي كم واحدة بتنادي راجلا بحبيبي او عزيزي

Quote: كيف الكلام ده؟؟؟ يمكن صحيح التربيه تمنع العلاقات خارج الزواج ...لكن (اغلب) الاسر السودانيه تسمح لابناءها و بناتها انو يكون عندهم تواصل مع (على الاقل ) اولاد عامهم و عماتهم و خيلانهم و خالاتهم. انا من اسرة محافظة جدا. لكن عشت طفوله و الان اعيش شباب به علاقات جميلة جدا مع My cousins و هم حقيقة اصدقائى

يا اختي علاقات الحب موجودة........بس بالدس عشان كده التعبير عن الرومانسية ضعيف وأحيانآ صعب
قولي لي البحصل شنو لو البنت جابت واحد البيت وقالت: بنحب بعض او لو انتشر خبر انو فلانة عندها علاقة مع فلان
why only your cousins are your frinds
لا تتعبي نفسك بالاجابة

Quote: ده زماااان. ما اظن الان فى حجات ذى دى. حتى لو موجوده ح تكون قليلة. على الاقل ما مجوده وسط الاوساط المتعلمة.

حاصلة بكثرة وزي الهم في القلب..اكان متعلين ولا غير...بمكن في تجاهكم مافي
لك تقديري

المحترم PLAYER

Quote: why only your cousins are your frinds لا تتعبي نفسك بالاجابة

I never said that only my cousins are my friends, I said "they are my friends" .... not that I don't have any other friends. It is just that we are in the same age and most of us went to the same university..

المشكلة زى ما قال واحد هنا "ثقافة" يا عادل اخوى
نحنا اتربينا على التغطية
حتى المشاعر ناحية امنا وابونا خليك من زوج او حبيب
والدى عليه الرحمة كان يحبنى
لكنه لاظهار ذلك الحب كان يفتعل المشاكل معى
دون ان يدرى انه يحبنى
يحدث عنى القاصى والدانى عن نجاحى ككاتبة او صحفية
او اذاعية فيما بعد
لكنه عل الاطلاق لم يبح لى بحبه
الا فى اخر خطاب "مازلت احتفظ به"
كلمنى فيه عن ان كل ماكتبت محفوظ لديه
وانه يحبنى حبا كبيرا
ومات بعدها بعدة ايام

اكون واضحة معاكم
حين كنت متزوجة كنت ادلل زوجى فحسب ان دلالى له
ضعف ؟؟؟؟
واخذ يهيننى ويتعاطى معى بطريقة غريبة
بل وسالنى
ـ انتى بتعرفى الحاجات دى من وين ؟
فهى "حاجات " كامنة فىّ ، وددت ان ابوح بها له
لكن المدهش قبل الزواج كان يبادلنى نفس الاحساس
بعد الزواج صار كائن اخر
شفت كيف ؟
شفت كيف مش ؟
اذن يا صديقى يا عدولة القصة تكمن فى تصورى فى التركيبة النفسية للاثنين
الرجل والمراة
بمعنى
المراة ومنذ ان بدات ملامح الانوثة تظهر عليها
حرموا عليها فى توقيت "عرفى "
ان لا تتحدث مجرد الحديث مع "غريب "
حتى ان كان هذا الغريب ابن العم او الجيران
وبالمناسبة الكائن السودانى والسودانية
اكثر رقة لكنها رقة كامنة لاتخرج
فالولد تربى على اساس " البكا ما حق الرجال "
لذلك لا تجيش عواطفه حيث تقف كل المقولات امامه وخلفه
المقولات التى ذكرنا
حتى ان باح لمحبوبته او خطيبته فذلك البوح من خلال
كتاب وليس منطوقا
او من خلال عرض فيلم وليس منطوقا
او من خلال خطاب وليس منطوقا
لانه يرى فى تصورنا انه لو اباح فان ذلك يعنى انه كائن ضعيف
مع ذلك فهو كائن "حنينونى "وهى حنينة
لكنهما وفقا لما ذكرنا فالحديث عن الدواخل "عيب "
بل و"ضعف "
شفت كيف ؟
شفت كيف مش ؟

Quote: هل حقآ لا يجيد السودانين/ات الرومانسية؟

اقترح بدلا :-



هل حقا لا يجيد( بعض) او (معظم) السودانيون /الرومانسية..?
===========================================================


حسب معرفتى البعض متميز جدا فى رومانسيته..

المحترم الفحل

Quote: حسب معرفتى البعض متميز جدا فى رومانسيته..

الله يذيدهم

الغالية سلمي
الله يديكي العافية
أجبتي علي كل تساؤلاتي
يبدو ان المشكلة متوارثة جيل عن جيل
والحل لن بتجاهلها او نفيها..
انها مشكلة أجتماعية كبيرة
شكرآ لك

Dear smart ana
I apologize I thought they olny ones you allowed to have...couse that will be a different story
I wish you the best