خلاص يا زول ...

خلاص يا زول ..
وصلْتَ ( المِيس ) ..
أنْفُض عنَّكْ غبار الْهَمْ
خُدْلَك تَكْيَة و إنْجَمَّ ..

أهْجِد
وَ أْغَْمِضْ طَرْفَك المُرْهَق ..
مَبْهول قلبك إتْلَمَّ ...

راقتْ شِيمة هواجسك ..
عِرِفْتَ ال بيك و ال عليك ..
مجهول حِلْمَكْ إتْسَــمَّ ...

درْبَك عديل ..
حتى القَشَّة ما تْعَتِّرْ ...
صِفَتْ عَكْرة سَمَاكْ ..
و إنزاحتْ الغُمَّة ..

خلاص يا زول

أشرح يا ريس ..
تحياتي ..

عزيزي محمد

Quote: أشرح يا ريس ..

ما بينفع الشرح ...
كدة أقراها تاني ..و أديها صنة ..
و بجيك تاني

خلاص يا زول ؟؟؟؟؟؟؟؟

استاذنا ابو جهينة
تحيات غُلاد مُكان
قريت النص مرتين
وبما ان كلمة الميس هى المحور
وهى تعنى لدى الموت
ومن حصيلة تجربتى
الحياة كلها هموم
ومافى تكية بتجم
واتعشم
ان انجم وانفض الهم فى
الميس

عزيزي أنور ( البعيو )

تحياتي

Quote: قريت النص مرتين

بس ؟؟؟ مش كفاية

Quote: وبما ان كلمة الميس هى المحور وهى تعنى لدى الموت ومن حصيلة تجربتى الحياة كلها هموم ومافى تكية بتجم واتعشم ان انجم وانفض الهم فى الميس

بالتأكيد كلامك دة كلام فلسفي عميق جداً .. و من عمق تجاربك في الحياة بكل زخمها.

الميس هي نهاية لكل شيء.
نهاية الحياة
نهاية معاناة
نهاية طريق
نهاية قصة
و هلم نهايات.

أهم شيء الجمة و نفض الهم.

أرقد عافية

الاخ ابو جهينة
كم انت رائع

وتلمس المخزون الدفين

فهذه الاريحية تدل على عمق المعاناة لديك

و تنوعها .....

رعاك الله ..... وزادك من معينه

انه سميع مجيب


صلاح غريبة - الرياض

خلاص يازول

يا زول .. يا زول ..
خلاص يا زول ..

مش معقول ..
هشام بي ذاتو ؟

رمضان كريم

أبو أحمد

سلام

Quote: وتلمس المخزون الدفين فهذه الاريحية تدل على عمق المعاناة لديك و تنوعها

شكرا صلاح على تلمس هذه الفجاج ... رغم أن الغربة فعلتْ فيها ما فعله القرض في كريت.
دمت

صديقي أبو جهينة

تحيات بحجم المودة الصافية في الزمن العكر

Quote: صِفَتْ عَكْرة سَمَاكْ .. و إنزاحتْ الغُمَّة ..

إن شاء الله دايماً سماك صافية

عزيزتي جدا إشراقة

تحياتي و تقديري

( وين كرتونة الحلومر؟ )

Quote: إن شاء الله دايماً سماك صافية

يسمع منك ربنا و يجعل أيامك كلها صافية زى الحليب.
تحياتي للأسرة و خاصة الأمورة الصغيرة.
دمت

ريسنا ابو جهينة :
انا حا اعاين لي نصك ده من منظر تاني شاطح جداً وبعيد عن كل تصورات الناس وانت سيد العارفين انا كبير المشاترين في المنبر
تعرف يا ريس النص ده مفصل تفصيل على صديقنا واخونا وحبيبنا البوردابي (زول ساكت) الذي افتقدناه ولا زلنا نفتقده وعسى المانع خير..
اراك من خلال النص تبحث عنه وتسأل عليه ..
وهاك الحتة دي بتنطبق عليهو :

Quote: راقتْ شِيمة هواجسك .. عِرِفْتَ ال بيك و ال عليك

الزول ده كان مزنووووووووق في بنا البيت وأهو خلاص تماهو :

تحياتي لي اخونا عباس ومعليش يا ابو جهين للخرمجة ..

خلاص يا زول
بقيت فنان
ملكت مزاجنا عرض وطول
سقيت أرواحنا بالإبداع
سبيت أفكارنا بالمعسول
ونواصل...

صديقي الحبوب عمر الفاروق

مشتاقون جدا

Quote: انا حا اعاين لي نصك ده من منظر تاني شاطح جداً وبعيد عن كل تصورات الناس وانت سيد العارفين انا كبير المشاترين في المنبر

معظم المشاترات تكون مفيدة أحياناً.

Quote: تعرف يا ريس النص ده مفصل تفصيل على صديقنا واخونا وحبيبنا البوردابي (زول ساكت) الذي افتقدناه ولا زلنا نفتقده وعسى المانع خير..

هذا النص يمكن أن يكون Free Size ... ممكن حتى يكون مناسب لأبو رزقة .. تمبس .. معتصم .. شتات .. الكاردينال ..

Quote: اراك من خلال النص تبحث عنه وتسأل عليه .. وهاك الحتة دي بتنطبق عليهو : راقتْ شِيمة هواجسك .. عِرِفْتَ ال بيك و ال عليك الزول ده كان مزنووووووووق في بنا البيت وأهو خلاص تماهو :

كان كدة يا عمر .. الزول دة وصل الميس طب.

Quote: تحياتي لي اخونا عباس ومعليش يا ابو جهين للخرمجة ..

لا عليك يا عمر ... مداخلتك صبغتْ النص بنكهة مختلفة و جميلة

دمت

عزيزي الأديب مجاهد

رمضان كريم

Quote: خلاص يا زول بقيت فنان ملكت مزاجنا عرض وطول سقيت أرواحنا بالإبداع سبيت أفكارنا بالمعسول

شكرا يا فنان على هذا الكلام الطيب.

Quote: ونواصل...

في إنتظارك

شقيقي أبو جهينة
سلامي وإحترامي وإشتياقي
رمضان كريم علينا وعليك وعلى أسرتك الصغيرة والكبيرة

Quote: خلاص يا زول

إتفقنا

شغلك دا غلبني ويمكن عشان غيابي ولكن حبيت أسلِّم عليك

شقيقي العزيز بدر الدين

شهر مبارك عليك و على الأسرة جمعاء
إشتقنا إليك كثيراً و ندهناك هنا مرتين و شايفك بتتاوق و قلت أحسن أخليهو شوية .. أنا عارف مرات كدة الواحد بيحرد الكيبورد و بيحب يعاين ساكت.

خلاص يا زول .. مادام إنت جيت .. ال نِنْجَمَّ

سعيد بعودتك

شقيقي العزيز بدر الدين

شهر مبارك عليك و على الأسرة جمعاء
إشتقنا إليك كثيراً و ندهناك هنا مرتين و شايفك بتتاوق و قلت أحسن أخليهو شوية .. أنا عارف مرات كدة الواحد بيحرد الكيبورد و بيحب يعاين ساكت.

خلاص يا زول .. مادام إنت جيت .. ال نِنْجَمَّ

سعيد بعودتك

الريس أبوجهينة .. أديته صنه .. وقريت المداخلات
كلها .. وشكلها الحكاية زي ما قال أبو رزقه ..
فلسفة قبول الأمر الواقع .. ونهاية الميس ..
التي ينبغي أن تهديء الجري الموتور الذي ليس
له نهاية .. إلا أن نقول خلاص يازول .. كده كفايه


.. أعجب كثيراً في أن البشر لا يتعظون .. ولا يرون
الحياة كما هي ولا يرون محدودية دور الأفراد فيها
وكم تمنيت لو أصعد في مكان خارج الكرة الأرضية
ومعي منظار مطور لأرى كل ما يحدث على الأرض بحجمه
وفي نفس اللحظة .. لأتيقن كم هي هرولة ومعارك
مستمرة بلا طائل يستحق .. وأعود مرتاح وخالي
البال وأعمل ما أستطيع وعلى مهلي .. فقد رأيت
تجربة الحياة بالعدسة الجامعة المكبرة
.. خلاص يازول.

أستاذنا محمد

سأرجع لردك على مهل.
و الله الشوف طشاش طشاش

عزيزي محمد

Quote: فلسفة قبول الأمر الواقع .. ونهاية الميس .. التي ينبغي أن تهديء الجري الموتور الذي ليس له نهاية .. إلا أن نقول خلاص يازول .. كده كفايه

لب الموضوع ...
فقط نهاية الميس لا تشترط القبول بالأمر الواقع .. بل المهم الوصول مثخنا بالجراح أو رافعا رايات النصر ..

Quote: خلاص يا زول .. وصلْتَ ( المِيس ) .. أنْفُض عنَّكْ غبار الْهَمْ خُدْلَك تَكْيَة و إنْجَمَّ ..

أبو جهينة
الزول تاني ما فضل ليه الا الشهادة والعمل الطيب
وملاقاة الله راضيا مرضيا


_________________________
ملعون ابوها غربة تنتهي لتبدأ
من جديد ...................

عزيزي أحمد عبدالله

رمضان كريم

***

Quote: الزول تاني ما فضل ليه الا الشهادة والعمل الطيب وملاقاة الله راضيا مرضيا

و نعم بالله

Quote: ملعون ابوها غربة تنتهي لتبدأ من جديد ...................

الغربة هي الوحيدة التي لا ( ميس ) لها

سلمت يا أحمد