بورداب الرياض في إستراحة النخيل

يوم الخميس 11 رمضان
موعدنا يا قبيلة البورداب في إستراحة النخيل
و هذا بوست تنشيطي للتذكير
و كما قال ود قاسم
إحضار صحون ورقية ( دسبوزابل )
كتروا من الحلو مر و الكركدي و الآبري و العصيرات الطازة و وضعها في ترامس و ليس في جكوك حتى لا تندلق في السكة
كما هو معروف الناس عادة في وقت الإفطار ما بتقدر تاكل ، بس بتشرب موية و عصيرات و بتاكل بلح و تشرب شوربة ،، و من المعتاد إنو الناس بتاكل عشا بعد صلاة العشا و التراويح ،، و لكن الأطفال بيجوعوا في فترات متفاوتة ،، عشان كدة السمبوسة و الزلابية و الطعمية ضروري لو أمكن
بقدر الإمكان يكون الأكل سوداني ( ويكة ، عصيدة بأنواعها ، و هلم جرا )
الكاسات ستوفرها اللجنة الموقرة
هناك مسابقات خفيفة للأطفال و للكبار
نرجو الإهتمام بنداء الأستاذ صلاح غريبة بتأكيد الحضور على الهواتف المذكورة في البوست السابق
أي واحد أو واحدة عندهم أي حاجة للمشاركة بها في اليوم نرجو التنسيق مع الأخ نصار الحاج
الضيوف مرحبا بهم
متصفحي البورد في الرياض حبابهم عشرة
إجتماع البورداب بعد صلاة المغرب لتدارس كل المواضيع الحالية و المستقبلية ( و الأجندة تبشر بالخير الكثير ).
أها لو نسيت حاجة ،، إيدكم معانا
تسلموا

يا دكتور جلال ... يا إما إنك جيعااااان ولا شفقة زول كريم ساي
طيب لمن تحدد لكل واحد يسوي شنو ، وين حاتكون روح الابداع والابتكار .. خلي الناس تجيب الموية في كبابي عشان تتدفق ليهم في عربياتهم أو يمسكوها للنسوان أو الشفع ..
طيب ما يلزمكم ضيوف .. ما تخافو .. بنجي صايمين

يا أخوان
البورد بقى يفتح ببطء شديد
أعمل رد يطلع ردين

عشان كدة المعذرة لو تكرر البوست فهو خطأ غير مقصود ،، و ليس كغتاتة المهووس الذي أغرقنا بالأمس
لي قدام

أهل العوض ود أهلنا
الإتنين باقيات على
جيعان عشان ما إتسحرت
و شفقان شديد ( مرة الفطور و المويات إختلط حابلهم بنابلهم في العربية ) عشان كدة الواحد شفقان شفقة شديدة
الضيوف على العين و الراس و الله و هم أهم من أهل الدار
الضيوف و ضيوف الضيوف كلهم حبابهم ألف
أرقد عافية

والله يا ابوجهينة باين فعلا الجوع كاتلك
جريت ريقنافي نهار رمضان دة
ممكن ترسلوا لينا زيارة وتزكرة نحضر معاكم؟؟

خلاص يا شباب كلكم جاييييين ؟
أوعوا تفوتكم
حكاية روعة
لا يمكن تتخيلوها
لازم تكونوا حاضرين

حنينة
سننقل لكم فقرات اللقاء بالكلمة عبر البورد و سنحاول نقله لكم عبر الصور إن شاء الله حتى نبل شوية من ريقكم الذي جرى
تسلمي

يا خوانا كتروا من العصيييييييييييييييييييييييييييييييييييييدة
أنا جعان ساي الليلة والفطور لسه فاضل ليهو ساعتين تقريبا ، عموما مرحبا بكل ضيوفنا الاعزاء من متصفحي البورد بالرياض
صلاح غريبة لا تنسى الكاميرا الديجتل
ونصار الحاج ..أرجو أن تشارك في اعداد ما اتفقنا عليه ؟؟

يا خالد عويس العصيدة جاااااااااااااااهزة

وميادة تقول ليكم جهزوا ( العضة )

وبشير بوش عنده مفأجاة فترقبوها

وياربي الباقي منو ؟

خالد عويس
مساءك سعيد
أنا اتهريت بالعصيدة ، مشتهي لي قراصة كااااربة زي اللي كنت باكلها في السوق العربي ومعاها بصل وشطة

أبوجهينة
نحن جاهزيييييييييييين ... وخلّي يمادة تشد حيلها لأنو الهجوم حيكون كاسح ( بس أوعى أبوحراز يشوف البوست ده ويطب فينا ما يخلي نفاخ النار )
ود قاسم
والله بي قراصتك دي ذكرتني بي ودخالة لي جنني بالقراصة لحد ما كرهتها ، خمس سنوات في الجامعة كلما أقول جعان يقول لي : والله في مطعم في السوق العربي بيعملو فيهو قراصة كاربة خلاص ..أها نقوم نتخمخم نمشي .. قراصتو المجننا بيها دي الا تهش الضبان عشان تشوفها بعدين أوعى تخت يدك في التربيزة من شدة الوسخ ..المطعم أتاريهو من أيام الانجليز ما نضفوهو .. حلفت عليهو قلت ليهو تاني انا لو مشيت معاك أكون عوييييير . بالمناسبة ليه نحن دايما تعبانين في التقديم وهل حنقدر يوم نشتغل سياحة صاح بالحالة دي ؟؟

أغدا ألقاك
ياخوف فؤادي من غد
يا لشوقي واحتراقي
في انتظار الموعد

امسسسسك...
كمان جابت ليها أغداً القاك!!!
شي عجيب لكن

خالد عويس
أعمل إسكاننق للسفرة من بعيد ،، لو شفت ليك قراصة حايمة تحاشاها حتى لا يصحو الحزن القديم بتاع قراصة صاحبك.
سياحة عندنا يا خالد عاوزة ليها مجهود خارق و جبار حتى نكون في مصاف الدول السياحية. غايتو الإحترام متوفر ،، لكن طرق التقديم لا بد من كورسات في اليابان و سنغافورة و كوريا
أها يا حبايبنا
نلقاكم على ألف خير إن شاء الله
بالله أكدوا جيتكم بالهاتف مع بعض
العندو عذر من حسع يقول
المابقدر يجي الفطور يجي بعد الفطور أو بعد صلاة العشاء
المهم لا بد من الحضور
أرقدوا عافية

خالد عويس
أعمل إسكاننق للسفرة من بعيد ،، لو شفت ليك قراصة حايمة تحاشاها حتى لا يصحو الحزن القديم بتاع قراصة صاحبك.
سياحة عندنا يا خالد عاوزة ليها مجهود خارق و جبار حتى نكون في مصاف الدول السياحية. غايتو الإحترام متوفر ،، لكن طرق التقديم لا بد من كورسات في اليابان و سنغافورة و كوريا
أها يا حبايبنا
نلقاكم على ألف خير إن شاء الله
بالله أكدوا جيتكم بالهاتف مع بعض
العندو عذر من حسع يقول
المابقدر يجي الفطور يجي بعد الفطور أو بعد صلاة العشاء
المهم لا بد من الحضور
أرقدوا عافية

عصيدة فى رمضان . ما بتبالغو


ارسل ليكم ايسكريم بالدى اتش ال

سنتمنتل انا سمعت اشاعة انك جاي؟؟؟

يعنى ما عزمونى. اجى ضهب تقولو شليق

لكن انت ما ماشة ..صاااح?
بجى لو ما عامين عصيدة. بالمناسبة قبل كده زحلقتنى عصيدة لحدى باب الجيران. اها من دييك

والله النصيحة ليك يا الله انحنا قلنا من الاول الدعوة مفتوحة لجميع البورداب وبالاخص بورداب المملكة...السعيدة..
بعدين انت تعال وبتلاقي انشالله كللل المطايب
ودمتم

نكرر كلام المهندس صلاح غريبة :

نسبة لضيق الوقت فالمطلوب حصر العضوية التي ستحضر الافطار او لظروفها ستحضر لنا بعض التراويح وعليه فكل من يود الحضور عليه ارسال رسالة على الماسنجر لواحد من الآتي :

ghariba
اسماعيل وراق
ود قاسم

او الاتصال على الهاتف 4121760 او جوال 053114175
او جوال اسماعيل وراق 059408205 وهاتف 2915561 وهاتف 4652583 ت 200

او ود قاسم : جوال 056405838 وهاتف المنزل 4053210 ومكتب 2180999 ت 573

ولابد من تأكيد الحضور .
وماتشيلوا هم من الدفع فالموضوع شبه تم السيطرة عليه ماديا والمطلوب فقط حضوركم وشوفتكم ومشاركتكم في الليلة الثقافية والتي اعدها نصار وشلته وحتكون مفاجاة
------------------------------------------------------------------------------
إنتهى كلام صلاح و نرجو الإتصال للتأكيد

أؤكد على مجيئ وحضور البرنامج من طقطق للسلام عليكم ، إن شاء الله
وأرحب بسنتمنتال خاصة وأنه طلع قريبنا .

متبقى يوم واحد فقط للمناسبة

العوائل المحملة بحلل الفطور عليها التبكير عشان نجهز كل حاجة بدري بدري
ما عايزين تأخير
أي فطور يصلنا بعد الساعة خمسة إلا ربع مش حا نستلمو ،
البركة في البكور
ما عايزين العزابة يضحكوا علينا
وما عايزين بناتنا يبوروا
يلا يا عوائل شدوا حيلكم

والله الشفقة عندك لكن

ياود قاسم
الفطور البجي بعدالساعه خمسة ده مسؤوليتي انا ده بتكفل ليك بيهو .. ما تشيل هم

كتابي تجيبو لي معاك .. وكان ما جبتو بتشبك فيك ..

ممكن اكل اي حاجه انا .. ممكن اكل فيل زاتوووووووو..

ممكن اكل فيل .. وسلطة روب .. وطعمية .. وقراصة

انا جاي . وسعيد جدا اني ح الاقيكم كلكم .. وبحتمل اي مفاجأت من بورداب الاقاليم ..

ود قاسم
اسعد الله صباحك
واضح جداً انك ما من اكيلة القراصة و ماحريف فيها .... ياسيدى حرف القراصة لو ما جاك من الدوكه عديل وتشتش اصابعينك مابنفع عشان كده فكرة القراصه دى فى الفطور شيلها من راسك... واقترح تكوين لجنه للقراصه فى العشا تتكون من رئيس وثلاثة عواسين وعجان وثلاثة ملاحين...وانا حاجز وظيفة العجان...ام فيما يتعلق بالملاح فممكن يكون ثلج او سبروق يعنى شى اخضر...وده يكون من مهام العناصر النسائية برئاسة البوردابيه مياده على ان تلتزم بعدم التدخل فى الشئون الفنيه بالملاح لانها كيشه... طبعاعاوزين متبرعين بثلاثة دوكات من النوع المتوسط....وشوالين بصل..وكيلو ليمون...والشطه
وصحتين على البك

اخونا ناس الرياض
انا بقدر اجى
لانه عند اجتماع
مع الخرطوم الحلوين
لكن بنطير ليكم برقية
من الخرطوم سلام
وبرسالة المهندس الصغير
وليد 399
راجل فنان ودى فرصة
لا اكتشاف موهبة جديدة
عثمان احمد عبد الله

لاااااااا لأ والله العظيم حالتكم متاخرة خالص...

بعدين الكيشة دي بس اوووعة تكون انا..
خلاص طالما قلتو كيشة انا زاااتي الفطور دة خليتو وماجاياهو

تمبس
الكتاب طعم ( بضم الطاء ) أنا اتفقت مع أبوجهينة لو تمبس جاء ، ياخد الكتاب ، ولو ما جا ، والله ما يشمو .
جيب معاك من تسجيلاتك الحلوة .

البعيو
نحن يا سيدي فترنا من أكل العصيدة ، وأنا ما ممكن طوالي أكون من أهل العوض ، خليني يوم كده أحس بإني حاجة مختلفة ، قراصة حارة ، باردة ، بملاح سبروق وللا تقلية وللا بموية وشطة ماعندي مشكلة .

ميادة ( الكيشة )
تعرفي الجماعة كاشفنّك حتى قبل يلاقوك
ولو دايرة تثبتي العكس أحسن ليك تجي
ولو إني متأكد انك كيشة

؟؟؟

يعني ياود قاسم اتفقتو علي انت وابوجهينة ؟؟
والله انا جاي ومعاي اتنين بودي غارد .. واحد طويل جدا .. والتاني قصير ومدقدق .. جاهزين بي كاميراتنا فيديو وديجيتال .. لكل التوثيق ان شاء الله

تمبس بس اووووعى تقول لي الطويل دة طلال!!!!!

هههههههههههههههه

طلال منو يامياده الطلالات كتار
اوعه تكوني قاصده طلال وش الطفل ؟؟ اطول زول في الدنيا

لالا والله ده زول امنقه من طلال زول براااااااحه كده وما بتكلم كتير .. وكان عايز يتكلم الا يلقي ليهو حيطه يتكل فيها .. لكن طلال الطويل كان نائم بتكلم ..
اسمعي ..
انتي اوعه تكوني جايه بس ؟؟

سلام يا يا بورداب الرياض وكل سنه وانتم بالف خير
شنو يا ود قاسم
الواحد يغيب ليهو كم يوم ويجي يلقاكم عملتو دا كلو
المهم انشاءالله يتم وانا من دربي دا بوصل الشمار
للساحر اخوي وانشاءالله نكون معاكم غدا

اها فى امان الله

تمبس لمن تجي الاستراحة بي حرسك ، أم قاسم حا تزغرد ليك وأنا حا أبشر وأرتب لمن مركوبي ينشق .

ياود قاسم

ام قاسم الله يديها الصحة والعافية والله ... كان بتقيمني قدر ده وبي زغروده معناته خلاص الواحد يجي لابس لبس خمسة .. وشايل سيفو ومتحزم .. لكن ف حالة زي دي والله عصيدته الكاربه دي الا يرفعوني منا بي ونش ..

لا حول ولا قوة إلا بالله ، ماقالوا الشياطين ممسوكة في رمضان !
هسة السنجك والساحر ديل جونا من وين ؟

حتى الآن أكد جميع بورداب الرياض وعدد من الأصدقاء حضورهم .
شئ بالتلفون ، وشئ بالماسينجر ، وشئ في البوست
شئ عوائل وشئ عزاب
نسوان ورجال
وأطفال المنبر الحر

هناك برنامج ثقافي ترفيهي ضخم
مشاركات من الأعضاء ومن الأصدقاء
فرص التنافس للأطفال
مسابقات للكبار
وجوائز
جوائز
صدقوني
ستذهلون
أوعوا تفوتكم
علينا جاااااي

زى الوكت دة الكي بورد يبقى زى كراس الحساب و الحروف يبقن زى تراب المغنطيس يا كافي البلا
الليلة قربت أشرب لى كوز موية بالغلط ،،، إلا لحقتني بتي هند أصغر واحدة ، قمت نهرتها : ماكان تخليني أشرب و بعدين تنبهيني
و أمسكت البنية بالكوز و قرطعت الموية و هي تنظر لي نظرات الحندكة
فووووووووووووووووووووووووووووووووووووووووووووووووووووووووووووووووق

بلاهي دي عملية تعملة البت دي ياابوجهينة ؟؟

بالغت لكن


تاني فوووووووووووووووووووووووووووووووووووق

يا ناس الرياض

حندكتونا نحنا ديل
المجدوعين بهناااااااك
لكن الا نسوي زيكم
وبكرة نزل ليكم الفيديو والصور نحندكم

شفتوا كيف؟؟

اخي المهندس / م. عثمان

رمضان كريم وكيف اهلنا في السودان مع رمضان
بالمناسبة انا بادرت واتصلت بوليد 399 ووعد بالحضور .
والبوست متحرك منذ كم يوم واكيد هو متابع

يا جماعة مسعولين من الخير
وين نصار
أظنو بجهز في مفاجأة
وللا شنو يا نصار

عاوزين عجوة ولا بلح ناشف ولا تمر المدينة ؟

أبو جهينة
جيب شوية من ده
وشوية من ده
وشوية من ده
الله يديك العافية

يا يوم بكرة ما تسرع
ناس الرياض فووووووق

سلام ودقاسم
وبقية الابطال
أتابعكم باهتمام وهذا السجال الجميل من اجل هذا اليوم المرتقب
ولو لقينا واحد حريف بتاع مسرح ممكن اطلع لينا مسرحية بنت كلب للبرنامج الثقافي من هذه البوردات الخاصة ببورداب الرياض والابطال والممثلين جاهزين وعلى راسهم ميادة وابوجهينة واخيرا تمبس والى اخر بقية الفرقة الجميلة - عموما البرنامج الثقافي ماشه ترتيباته عال العال بس اوعى تنسوا الماكرفون انا عارف استراحة النخيل دي بدون مايك وساوند ما تنفع عشرة ناس ما اسمعوا البتكلم والكل يجهز نفسه على انه جزء من البرنامج الثقافي ومشارك فيه .
واصلوا طحن المواضيع حتى نلتقي غدا .

نصار
الساوند سيستمز ( الترجمة الانجليزية ) حاضر

ومعه فنان الرياض محفوظ عليش

استراحة النخيل تقع بالقرب من الجزء الجنوبي من شارع الفريان ، وأنت قادم من طريق الملك فهد ومتجها في اتجاه الخرج ، اخرج عن الدائري الجنوبي عند مخرج الفريان ، وعند الإشارة اتجه يسارا ( أي في اتجاه الشمال وكأنك ذاهب إلى منفوحة ) ثم خد أول يو تيرن واتجه كأنك راجع إلى الدائري مرة أخرى ، ستجد على بعد حوالي مائة متر طريقا يقودك إلى اليمين وسترى مسجدا ، ادخل في هذا الطريق واستمر حتى تجد الاستراحة على يسارك
خلاص شباب
يديكم العافية

بقيت ساعات قليلة ونلتقيكم
بكروا ، فالبركة في البكور
فوووووق

الرجاء من الجميع التاكيد على الحضور في الزمن المحدد للافطار او حضور الامسية الثقافية مع ضرورة احضار الاطفال لتزداد الفرحة والبهجة .
وننبه بانه ستتاح الفرصة لاطفال لابراز مواهبهم في الالقاء والشعر والاناشيد الوطنية و المواضيع الدينية .

والله مصيبتنا مصيبة ناس ودقاسم وغريبة تلاقيهم مشوا ناموا هسع عشان يجوا من الساعة 4 ونحن يا كافي البلا مساهرين في المكتب لحد 4 صباحا وبعداك بي ساعة واحد يتصل بيك الساعة 5 فجرا عشان مواجهات حصلت في الرياض ( هو عليك الله الارهابيين ديل ما يواجهوا بالنهار شقاوتنا وشقاوتم شنوا نحن نداقش لحد الصباح ) وبعد داك الواحد يجي ( جاري ضنبو بالارض ) للمكتب ، من دخلتك يقولو ليك ما تفوتك الحلقة المعادة من (بلا حدود ) مع محسن العواجي الساعة 2:30 يعني وكت النومة بالضبط ...أها ما ننوم يعني ؟ يعني في النهاية لحد ما تصل الاستراحة تلاقي ناس ودقاسم ووراق وميادة ونصار وغريبة وابو جهينة وباقي الشباب حجزوا (الاماكن الاستراتيجية ) كلها .. شوفوا انا من هسع كلمتكم أنا جاي متأخر
جنب فول ما بقعد
جنب طعمية ما بقعد
جنب قراصة ما بقعد
جنب اسماعيل وراق ما بقعد

خلاص يا شباب حل وقت اللقاء
الي استراحة النخيل هيا مشينا

غايتو كان محفوظ عليش ح يغني .. بتوقع انو ترهاقا يقوم يعمل حركات .. انا غايتو كلمتكم ..

الحبيب ابو جهينة
والاحباب بورداب الرياض

حقا كنت اود مفاجأتكم بحضورى فطوركم العامر واعددت العدة لذلك بناء على دعوتكم العامة وكم كنت امنى النفس برؤياكم جميعا والتحدث اليكم مباشرة وجها لوجه لكسر حاجز الشبكة ولكن ظروف خاصة فى اللحظات الاخيرة حالت دون مغادرتى جدة ولكن قلبى معكم وكل امنياتى بأن يوفقكم الله فى هذا اللقاء وان يكون رائعا كروعتكم ولا تنسونا من الصور فالاخ غريبه لا شك جاهز بكاميرته العجيبة ونحن فى الانتظار ..
اتمنى لكم افطارا هنئا وكل رمضان وانتو فى القمة صفاء ووداد ..

شكرا للعمدة قرشو ، وياريت والله لو تمكنت من مشاركتنا حتى تغمرنا سعادة اللقاء الجامع ببورداب الرياض وعمدة المنبر الحر
ولكن الأيام القادمات لا شك أحلى ، وسنلقاك ما دامت النية متوفرة والعزم مشدود

سلام مربع

يا بورداب الرياض

تصوموا وتفطروا على الف خير

وانتم وكل احبابكم واعزائكم يعود عليكم بالخير واليمن والبركات

يابورداب الرياض
ماعايزين ليكم واحده فنانه زي حلاتي كده تسوي ليكم ملاح نعيمية

ملاح نعيمية ماخمج موش (ام نعيمة) بتاعة البت المعرجنة البتطلع في التلفزيون وبتقول ام نعيممممه خلي عليوه يكلمني

ملاح نعيمية حاجة في السلك .؟؟
ها ايه رايكم ؟؟
انتو قولوا اوكي
وانشاء الله لمن يصلكم على عنوانكم في الدي اتش دي
يكون بقى فووول وتمــــيز
انا خبيرة جدة في ملحات من هييييك نوع
بس عندي مشكلة صنغنونه
انني كثيرا ما اخلط بين عمل ملاح ام نعيمية والكسره بي مويه
بس اتخيل لي كده، انه في حالتكم دي يمكنكم ان تطلبوا مني النفسكم فيهو
وانا حاضره ، اكيد حا تفطروا على حاجة حلوة ، حاجة معتبرة تاكلوا نفسكم وراها اقصد صوابعكم وراها
خلوني ارجع لكتاب ابله كلتوم في كل اكل ماليهو لزوم
واقول ليكم راي النهائي شنو
في شكل العزومه بتاعتكم
لكن اقبلوها مني نصيحه زي القلتها لناس جده
لو عايزين فول وتميييز
انا حاضره
ومافي مشكلة صديقين

سلام للجميع

جاهزييين

محمد الشيخ عندو مفاجاة اليوم

شيرى غيرتى من الكمونية لى النعيمية الله يكون فى عونك

على فكرة تمبس خبرة عديييييييل فى النعيمية العاوز وصف لاتصل بيهو

شيري بنيتي
لك التحية
وتصومي وتفطري على خير
والله لو كنت معنا في الرياض لحملناك إلى الاستراحة في هودج يزينه ألف فنان ، متى تختصر المسافات فعلا لنصلكم وتصلونا في ومضة برق
لك التحية وسنذكرك بالخير ونحن على مائدة الإقطار .

اذن لقد حان وقت الافطار فالى الاستراحة
والذين غير قادرين على حضور الافطار فنحن على انتظارهم بعد صلاة التراويح
اما من يود مداخلتنا عبر الهاتف فيمكن لهم الاتصال على :

داخل السعودية :
053114175

خارج السعودية :

96653114175

الاعزاء بورداب الرياض
لكم تحيات الزهور
في هذه الحظة التي اكتب لكم فيها تبقى دقايق قليلة من موعد الافطار في القاهرة
كم انا حزين جدا ان لااكون بينكم
كان لي شوق جامح ان اتعرف اكثر على ود قاسم وابو جهينة وود وراق وترهاقا ونايل والاخت العزيزة ميادة وحبيب بلدو وغيرهم من الاحباب
ولكن يا اصدقائي تفاجات بسفري الى القاهرة وخرجت من بينكم يجتاحني شوق معزتكم وحبكم.
ولكن عزائي في لم شمل اسرتي الصغيرة بعد سنوات من الافتراق بسبب الاعتقال في السودان او الغربة في المملكة .
ولكم مني الود
خالد

Quote: كتروا من الحلو مر و الكركدي و الآبري و العصيرات الطازة و وضعها في ترامس و ليس في جكوك حتى لا تندلق في السكة

أبو جهينة و الله ضجكتني، شغال وصايا شديدة، الشفقة ما عندك لكن.
تصوموا و تفطروا على خير يا بورداب الرياض.

بورداب الرياض فطروا
يا بختهم باللمة الجميلة
تشرفت بالاتصال بهم في تجمعهم العامر
تحدثت الي

ود قاسم

ابوجهينة

و

تمبس

ربنا يلم الجميع في ساعة خير
بركة هذا الشهر المبارك

يا بورداب باقي المنافي
ياناس بريطانيا

فلنحذوا حذوهم

سلام للجميع

سلام بورداب الرياض
التحية لجميع الاسر التى قامت بانحاح هذا اليوم
وصية ابو جهينة نجحت فى الحلو مر
التحية للضيوف الذين شرفوا هذا اليوم
التحية للشعراء الذين اسهموا فى هذه الليلة

التحية لكل اللذين اتصلوا عبر الهاتف

التحية للاخ خالد العبيد افتقدناك اليوم لكن البركة فى لم اسرتك

لم يظهر اليوم كل من بوش وديموقراسى

0