بورداب الرياض .. ما تنسوا الخميس

بورداب الرياض .. ما تنسوا الخميس


01-11-2004, 10:45 AM


  » http://sudaneseonline.com/cgi-bin/sdb/2bb.cgi?seq=msg&board=28&msg=1116936735&rn=0


Post: #1
Title: بورداب الرياض .. ما تنسوا الخميس
Author: ابو جهينة
Date: 01-11-2004, 10:45 AM

نقلا عن المهندس صلاح غريبة :

الاجتماع يوم الخميس 15 يناير 2003م الموافق 23 ذوالقاعدة
الساعة : الثامنة مساء
المكان : منزلي المتواضع بشارع غرابي هاتف المنزل 4121760
جوال : 053114175
الحاضر يكلم الغائب
وممنوع التغيب
والاعتذارات
وام أحمد وصلت و حتتوصى بيكم مش زي المرات الفاتت ( البيت كان خلا )
واي واحد يجيب معاهو الاشتراك الشهري
ممنوع التدخين
ممنوع الخروج قبل انتهاء الاجتماع
الاجتماع من الساعة 8 وحتى الساعة 10 فقط
------------------------------------------
أها يا أخوانا ، تكريم أستاذنا خالد عويس ما عاوز تأخير. تعالوا للمفاكرة ، كلكم بالله ، و العندو عذر برضو يقولوا لينا هنا عشان نعرف الجاي و الماجاي
أرقدوا عافية و خلوا البوست دة فوق لغاية يوم الخميس

Post: #2
Title: Re: بورداب الرياض .. ما تنسوا الخميس
Author: bunbun
Date: 01-11-2004, 11:37 AM
Parent: #1


Post: #3
Title: Re: بورداب الرياض .. ما تنسوا الخميس
Author: Mayada
Date: 01-11-2004, 11:51 AM
Parent: #1

ابو جهينة...
والعريس دة وقع من قد القفة ولا شنو!!!

Post: #4
Title: Re: بورداب الرياض .. ما تنسوا الخميس
Author: حمزاوي
Date: 01-11-2004, 12:03 PM
Parent: #1

علم
جاهزين جاهزين

Post: #5
Title: Re: بورداب الرياض .. ما تنسوا الخميس
Author: ابو جهينة
Date: 01-11-2004, 12:06 PM
Parent: #4

ميادة
إنت من زمن القفاف ؟

Post: #7
Title: Re: بورداب الرياض .. ما تنسوا الخميس
Author: Mayada
Date: 01-11-2004, 12:21 PM
Parent: #5

والله احنا زمن واعيين وقبل ما الخرف يخش كانت القفف (ام ااضنينتين اتنين) دي يادوووب اخترعوها وكان بس للناس الموكبين التطور هم العارفينها...

عشان كدة مافي داعي تحسسونا اننا مفروض نشوف لينا دار مسنين نتلم عليهو، ولا ما كدي...

Post: #6
Title: Re: بورداب الرياض .. ما تنسوا الخميس
Author: حسن الملك
Date: 01-11-2004, 12:11 PM
Parent: #4

نجيب شنو؟؟ ... غريبة ماغريب
مابنجي بيدنا الفاضية ..
القونقوليز براه ماينفع
واذا كمان عصيدة خلينا نجيب قراصتنا عشان نحلي بيها انا واخوى الشايقي ..
طلباتكم ...

Post: #8
Title: Re: بورداب الرياض .. ما تنسوا الخميس
Author: ابو جهينة
Date: 01-11-2004, 01:59 PM
Parent: #6

ميادة
عشان ما يدوكي عين قمتي قلتي ( دار المسنين ) مش؟
بالمناسبة ( القفة أم إضنين ) رجعتْ تاني موضة ، بس سووا ليها شعر كدي متدلدل زى المخلاية.
أها ما تتوهينا ، ما تنسي الخميس.

Post: #9
Title: Re: بورداب الرياض .. ما تنسوا الخميس
Author: ودقاسم
Date: 01-11-2004, 03:22 PM
Parent: #1

حاضرين ، يا أبوجهينة ن
وأكثرنا من الاجتماعات في بيت غريبة ، أطرح بيتي بديلا ، أو نشارك في الضيافة ،

Post: #10
Title: Re: بورداب الرياض .. ما تنسوا الخميس
Author: ابو جهينة
Date: 01-11-2004, 03:27 PM
Parent: #9

ود قاسم المضياف
هناك إقتراح من غريبة قيد المناقشة ، و هو أن يكون الإجتماع في حديقة الحيوان بالملز ( بها قاعة إحتفالات ضخمة ) و هناك سوداني هو مدير الحديقة ، و الإتصالات جارية ليعطيها لنا مجانا يوم الخميس.
أو البديل ( منزل ود شاموق ) لأنه واسع ، و عزابي قاعد براه متلبط الكمبيوتر.
نحن في إنتظار رد غريبة على موضوع الحديقة.
تسلم أبو طلال

Post: #11
Title: Re: بورداب الرياض .. ما تنسوا الخميس
Author: ghariba
Date: 01-11-2004, 07:21 PM
Parent: #1

اخي ابو جهينة
لا زالت المساعي جارية
ولكن لكن عند المبدأ
الاجتماع قائم في مواعيده
و موضوع العزيز احمد ترهاقا يكن من البنود الأساسية
والبيت بيتكم

Post: #12
Title: Re: بورداب الرياض .. ما تنسوا الخميس
Author: اساسي
Date: 01-11-2004, 07:46 PM
Parent: #11

احبتنا بورداب الرياض
الخميس الفائت كنت في مدينة الرياض لمدة ساعات فقط
ممكن ترجعوا لقائكم دا لي ورا شوية

Post: #13
Title: Re: بورداب الرياض .. ما تنسوا الخميس
Author: ابو جهينة
Date: 01-12-2004, 10:02 AM
Parent: #12

أساسي الأساسي
تحياتي
لكن و الله بالغت شديد.
تجي الرياض و ما تتصل بواحد فينا ؟ إتلومت شديد.
عشان كدة ، نقدم لك الدعوة من حسع عشان تحضر معانا يوم الخميس
سلمت و دمت

Post: #14
Title: Re: بورداب الرياض .. ما تنسوا الخميس
Author: اساسي
Date: 01-12-2004, 10:10 AM
Parent: #13

تسلم اخي ابو جهينة وحاشاك تقصر
حضرت يوم الخميس من المطار الي الشركة ومنها الي المطار مباشرة في زحمة غير عادية حتي ان ولياب في نفس المبني لم استطع مقابلته
ولكن باذن الله الجايات اكثر

Post: #15
Title: Re: بورداب الرياض .. ما تنسوا الخميس
Author: ابو جهينة
Date: 01-12-2004, 11:19 AM
Parent: #14

و نحن في الإنتظار يا أساسي.

أها يا جماعة وين الباقين ؟
بدون ذكر أسماء : مداخلاتكم تعني الكثير ، فتداخلوا يا بورداب الرياض فإن في التداخل ( فوائد كثيرات ).
تسلموا

Post: #16
Title: Re: بورداب الرياض .. ما تنسوا الخميس
Author: ahmed saeed
Date: 01-12-2004, 08:29 PM
Parent: #15




سلام ابوجهينه


سلام بورداب الرياض من مدينة الجسور قسنطينة

يا ريت لو كنتا معاكم





Post: #17
Title: Re: بورداب الرياض .. ما تنسوا الخميس
Author: ahmed haneen
Date: 01-12-2004, 08:37 PM
Parent: #1

يا اخوانا هو متين صلاح غريبة بقي شديد
انا خايف تجيبوا ليه الملاريا تاني
ادوه فرصة يشم هوا
وعلي العموم نحن حاضرين
في اي زمان ومكان
بس حتة واحدو ختونا ليها
وهي استراحة حسن الملك ( لايلدغ المؤمن،، الخ

Post: #18
Title: Re: بورداب الرياض .. ما تنسوا الخميس
Author: ودقاسم
Date: 01-12-2004, 09:34 PM
Parent: #1

بورداب الرياض
كبار وصغار
نسوان ورجال
سلام عليكم

خبر هام وعاجل جدا جدا جداخبر هام وعاجل جدا جدا جدا
تقرر ( وتقرر دي من عندي ) أعتبار لقاء الخميس لقاء تكريميا للأستاذ خالد عويس ، وسيتم تزويدكم غدا بموقع الحدث ، بس شدوا حيلكم وتعالوا ، ومن سيشارك نتوقع أن يثبت ذلك هنا في هذا البوست ،،
وهذا الأمر العاجل نتج عن أننا عرفنا أن سفر الأستاذ خالد قد اقترب وأنه يمكن أن يتم في أي لحظة ، ساعة ، يوم
وعشان ما نكون فارقنا خالد بدون ما ناخد لينا منو كم بوسة كده كان هذا (القرار )
كل الترتيبات سيتم إطلاعكم عليها أولا بأول
وسيشارك الفنان الموسيقار أحمد ساطور ( ترهاقا ) بتقديم بعض سيمفونياته ، وتعالوا بالبدل عشان المسألة ممكن تجيب ليها رقيص ،
أوعو يفوتكم ،
خالد عويس يستاهل مشاركتكم جميعا .

Post: #19
Title: Re: بورداب الرياض .. ما تنسوا الخميس
Author: معتصم دفع الله
Date: 01-12-2004, 10:04 PM
Parent: #18

الأخ أبو جهينة

تحياتي ..

كان عندي طلب بسيط وهو زيادة وقت الإجتماع لساعة واحدة لأن نهاية عملي بعد الساعة العاشرة مساء ، لكن إقتراح الأخ ودقاسم طمني شوية ممكن نحصل الباقي ، وفرصة كمان علشان نتعرف على باقي البورداب .

ولكم ودي

Post: #20
Title: Re: بورداب الرياض .. ما تنسوا الخميس
Author: ابو جهينة
Date: 01-13-2004, 09:09 AM
Parent: #19

الوقت يمضي
و المتداخلين لسع ما ياهم كلهم
الباقين ، صحصحوا

Post: #21
Title: Re: بورداب الرياض .. ما تنسوا الخميس
Author: ابو جهينة
Date: 01-13-2004, 03:28 PM
Parent: #20

بسم الله الرحمن الرحيم
الدار خلا
الناس دي مشت وين ؟
أنا قاعد ليكم هني لغاية ما أشوف آخرتها.

Post: #22
Title: Re: بورداب الرياض .. ما تنسوا الخميس
Author: ودقاسم
Date: 01-13-2004, 03:40 PM
Parent: #1

ابوجهينة
لعل سكوتهم يعني الرضا
والله لم يكن بورداب الرياض هكذا ،
وبعدين وين صلاح غريبة ؟
وين الإعداد ؟
وين الترتيبات ؟
حيرتونا !!!

Post: #23
Title: Re: بورداب الرياض .. ما تنسوا الخميس
Author: ود شندي
Date: 01-13-2004, 04:58 PM
Parent: #22

ودقاسم
أبو جهينه
سلامات
نحنا طبعا ناس قطر ( الهفوف)
بس قول انشاء الله قطر كريمي يقوم بدري
ودع جنا عويس دا ما بنفوتو تب
بس كنا دايرنكم تدونا ياهو عشان نجرتو ونجيبو ليكم
اها
قول الله يفك القدم

Post: #24
Title: Re: بورداب الرياض .. ما تنسوا الخميس
Author: Raja
Date: 01-13-2004, 05:11 PM
Parent: #1


الأعزاء بورداب الرياض،،
طبعا انا واحدة منكم وفقا لإتفاق "تمبس" الشهير.. والذي اتمنى ان تكونوا قد اطلعتم عليه..
نجي للجد..
أرجو ان يتم مناقشة طرح الدكتور حيدر عن المهرجان والاستعانة بخدمات دبلوماسيي الانقاذ..
رأيكم مهم للغاية..
طمنونا على أخبار احمد سعيد "قرنفل".. وما تنسونا من أطاييب أم احمد الكريمة..
ودمتم،،

Post: #25
Title: Re: بورداب الرياض .. ما تنسوا الخميس
Author: bunbun
Date: 01-13-2004, 05:40 PM
Parent: #24

الأعزاء والعزيزات بورداب الرياض

انا جاااااي رغم المشغولياااات لكن بما ان (الأجندة ) خالد عويس فنرفع يدنا من اي شي ونجي نودع وننهل من صحبته ولو لسويعات


مسئولين من الخير وين رؤى السقيد واسامة الخاتم ؟

Post: #26
Title: Re: بورداب الرياض .. ما تنسوا الخميس
Author: ahmed saeed
Date: 01-13-2004, 09:26 PM
Parent: #25


وين يااااااا ناااااااس

الرياض


لكى الف تحية الاخت رجاء من ( الجزائر ) مدينة فسنطينة

Post: #27
Title: Re: بورداب الرياض .. ما تنسوا الخميس
Author: إسماعيل وراق
Date: 01-13-2004, 09:44 PM
Parent: #26

بورداب الرياض
تحية بعمق المودة
نأسف للإنقطاع عن المنبر في الأيام الفائتة
علمت من الأخوين ودقاسم وأبو جهينة
بأن يوم الخميس سيكون تكريماً للأخ خالد
وهنا لي ملاحظات
أولاً: أعتقد أن تكريم الأخ خالد لابد أن يتم بصورة ترضينا جميعاً
ثانياً: وحرصاً على ذلك، أقترح بأن يكون إجتماع الخميس.. إجتماع مناقشة وتفاكر فقط.
ثالثاً: بناء على ذلك يؤجل التكريم لوقت أخر، وذلك من أجل إخراج اليوم بصورة بهية جميلة.
رابعًاً: علمت من الأخ خالد بأنه ربما يسافر بعد العيد، هذا يعطينا مساحة كبيرة للتفاكر والإعداد بصورة جيدة.
ودمتم...

الأخت رجاء العباسي
سلامات.،،

Post: #28
Title: Re: بورداب الرياض .. ما تنسوا الخميس
Author: aurbbi
Date: 01-14-2004, 00:37 AM
Parent: #27

محتاجين ناس من مناطق تانية ؟

يمكن ناس جـــــــــــــــــــــــ؟

يمكـــــــــن !

Post: #29
Title: Re: بورداب الرياض .. ما تنسوا الخميس
Author: ghariba
Date: 01-14-2004, 09:00 AM
Parent: #1

آآآآآآآآآآآآآي

Post: #30
Title: Re: بورداب الرياض .. ما تنسوا الخميس
Author: ودقاسم
Date: 01-14-2004, 09:04 AM
Parent: #1

عندما تتفقون على موعد لتكريم خالد ، بلغوني لأحضر ، حتى أودعه وأودعكم .
لكم التحية

Post: #31
Title: Re: بورداب الرياض .. ما تنسوا الخميس
Author: حمزاوي
Date: 01-14-2004, 09:12 AM
Parent: #1

يا ود قاسم
قلت لمن تحددوا موعد وداع خالد عويس
بلغوني عشان اودعه وأودعكم
عرفنا انك حتودع معانا خالد عويس
بس ما عرفنا وما فهمنا اودعكم دي
وهلا تكرمت

Post: #32
Title: Re: بورداب الرياض .. ما تنسوا الخميس
Author: أم سهى
Date: 01-14-2004, 09:20 AM
Parent: #1

تحية ليكم يا ناس الرياض
خالد يستاهل نجي نحضر وداعو معاكم
فقط فقط انشغالي الشديد والدنيا امتحانات وكدة
لكن حاكون معاكم لحظة بلحظة بس لمن تتفقوا على المواعيد كلموني
لكم ولخالد كل الحب والود

Post: #33
Title: Re: بورداب الرياض .. ما تنسوا الخميس
Author: Mayada
Date: 01-14-2004, 09:38 AM
Parent: #1


والله ياجماعة مركبكم شكلها واااااااضح إنها هتغرق من كترة الريياسة (جمع ريس) الفيها...

يوم عايزين تكرموا خالد.. ويوم عايزين تأجلوا.. ويوم عايزين ترفعوا البوست بدون معلومة جديدة...

النبي فوكم أكان مارسيتو ليكن على بر، عشان الناس تعرف رأسها من كرعينا...

بعدين يا ود قاسم ومن غير زعل قرارك بلو واشرب مويتو طالما انو خالد قاعد معانا للعيد عشان الجهجهة مابنريدها ولا ود عويس زول كلفتة...

بعدين تعالو هنا شايفاكم مصرين على طنيش بن بن، وماقدرت افهم فكرة الطنيش لزوما شنو!!!

بالله فهموني، انتو عارفين الكبر دخل وكدة والآي كيو بزيد طبعا...

والله معاكم

Post: #34
Title: Re: بورداب الرياض .. ما تنسوا الخميس
Author: ابو جهينة
Date: 01-14-2004, 10:10 AM
Parent: #33

بسم الله الرحمن الرحيم
إلى بورداب الرياض كافة

السلام عليكم أينما كنتم و كيفما كنتم

1. أن نجتمع في ذلك اليوم في رمضان المنصرم دونما سابق معرفة ، مع أسرنا و أطفالنا ، و بذلك التحضير في وقت قصير و قياسي ، فذلكم إنجاز حقيقي ، و قد تم الأمر دون ( ريس أو مرؤوس ) ، الكل يد واحدة ، فخرج ذلك اليوم بذلك الشكل و تناقلته الصحف بالخرطوم.

2. كلنا ( ريس ) و كلنا ( مرؤوسين ) يا ميادة ، و لن تغرق هذه المركب بإذن الله ، و قد إتفقنا على رفع البوست للتذكير حتى و إن لم يكن هناك جديد يذكر ، فالناس دائما يحتاجون للتذكير.

3. ود قاسم : أعرف دافعك للغضب ، و لكن أرجو أن يهدأ غضبك و هون عليك يا أبو طلال ، و لا تنسى أن الذين على علم و إستعداد هم :
ود قاسم
حسن الملك
حمزاوي
أبو جهينة
ميادة
بن بن
غريبة
احمد سعيد
احمد حنين
ود شندي
ود وراق
و ساطور على أهبة الإستعداد و في الإنتظار

أما الذين لم يدخلوا في هذا البوست ( و نقدر ظروفهم ) فهم :

ود شاموق ، و لكنه كما تعلم يقوم بالعمل الذي كلف به في موضوع تكريم خالد ، و هذه موافقة ضمنية.
تمبس
الشايقي
البعيو
ديموكرسي
سيف كلي
مامان
دكين
نصار الحاج
محمد الشيخ
أشرف ياسين
و عذرا للذين نسيت أسماءهم.
كل هؤلاء ، لا أعتقد أنهم ينبذون فكرة تكريم حبيبنا خالد عويس ، و كما قلت ، نقدر ظروفهم مهما كانت. المهم أن نسمع آراءهم حتى و لو على هذا المنبر.
و كما قال إسماعيل وراق ، مادام هناك فسحة من الوقت ، لنجعل يوم الخميس إجتماعا للتفاكر في الحفل و بقية الأجندة المطروحة في بوست بن بن.
و لكم المحبة حتى نلتقي

Post: #35
Title: Re: بورداب الرياض .. ما تنسوا الخميس
Author: ود شندي
Date: 01-14-2004, 11:22 AM
Parent: #34

كلام عقل = كلام نواعم
ابقو عشره

Post: #36
Title: Re: بورداب الرياض .. ما تنسوا الخميس
Author: ghariba
Date: 01-14-2004, 11:41 AM
Parent: #1

اذن الاجتماع في مواعيده بكرة الساعة 8 مساء
وينتهي الساعة 10 مساء

والبنود واضحة

Post: #37
Title: Re: بورداب الرياض .. ما تنسوا الخميس
Author: samo
Date: 01-14-2004, 11:53 AM
Parent: #1

يا ابو جهينه ..انتو وينكم
الرياض دى كل خميس انا فيها ...
ومتواصل مع بعض البورداب فى الرياض ..بس ديل قبل مايكونو بورداب هم زملاء واصدقاء من زمن الجامعه ومن السودان
ياريت تورونا دريباتكم عشان نتواصل معاكم .. وانشا الله حتصل بيك فى جوالك ده ... وانشا الله تبقي معرفه جميله وحميمه وزى ماقالو (معرفة الرجال كنز )
يلا سلام
وانتظر تلفون منى ..وياريت لو تدينى جوالات باقي بورداب الرياض

Post: #38
Title: Re: بورداب الرياض .. ما تنسوا الخميس
Author: ابو جهينة
Date: 01-14-2004, 12:05 PM
Parent: #37

samo
لك التحايا
و لك الشكر و نتمنى شوفتك و زيارتك
تلفوني
059940015
تسلم

Post: #39
Title: Re: بورداب الرياض .. ما تنسوا الخميس
Author: ابو جهينة
Date: 01-14-2004, 12:55 PM
Parent: #38

ود شندي
كلام عقل عرفناه
كلام نواعم دة وين ؟ ما يكون كلامنا الفوق دة كلو طلع كلاما ناعم و كلام نواعم ؟

Post: #40
Title: Re: بورداب الرياض .. ما تنسوا الخميس
Author: شتات
Date: 01-14-2004, 01:20 PM
Parent: #39

جايين يا أبوجهينة أنشاء الله

Post: #41
Title: Re: بورداب الرياض .. ما تنسوا الخميس
Author: Mayada
Date: 01-14-2004, 01:51 PM
Parent: #39

ابو جهينة..
أماااااااااااااالو كلام النواعم

Post: #42
Title: Re: بورداب الرياض .. ما تنسوا الخميس
Author: ghariba
Date: 01-14-2004, 02:02 PM
Parent: #1

جوالي
053114175
هاتف :
4121760
مكتب :
4782480 ت 19 أو 29

ومرحب بيك وبك بورداب الرياض
وياريت نشوف وجوه جديدة ووجوه شابة
أذن نحن في انتظاركم للاجتماع

Post: #43
Title: Re: بورداب الرياض .. ما تنسوا الخميس
Author: haneena
Date: 01-14-2004, 02:12 PM
Parent: #42

بورداب الرياض
رسلوا التذكرة سرييييع

بكرة قررررب

Post: #44
Title: Re: بورداب الرياض .. ما تنسوا الخميس
Author: ابو جهينة
Date: 01-14-2004, 03:28 PM
Parent: #43

ميادة
كلام النواعم على العين و الراس ، ( هو في حد يكره كلام النواعم و نواعم الكلام ؟ )
أمال إيييييييييييييييييييييييييييييييه ( كما قال د. ميلاد حنا ).

Post: #45
Title: Re: بورداب الرياض .. ما تنسوا الخميس
Author: ود شندي
Date: 01-14-2004, 04:42 PM
Parent: #44

ابوجهينه
بركه مياده القبضت فيك!!!
عشان توريك ليهو

Post: #46
Title: Re: بورداب الرياض .. ما تنسوا الخميس
Author: bunbun
Date: 01-14-2004, 04:43 PM
Parent: #44

الأخوان والأخوات
تحياتي الحارة والأكيدة لكم وترحيب خاص بود شندي ، سمو ، شتات وكل الجميلين

تنبع اهمية اجتماع الغد من طيلة المدة التي لم نجتمع فيها ( لا تؤجل اجتماع اليوم الى الغد ) وكل يوم تذيد الأجندة جند جديد وواجب ملح
( مثلا كدا عرس bunbun زي ما قالت ميادة إذن الخطوة الاولى الاجتماع لازالة الجفوة وتضارب قائمة الأولويات لدى عدد من الاعضاء وفي مقدمتهم التراجع الذي تم من عضوين تجاه ما طرحوه مع ثالثهم من مشروع هام للغاية على كل يا اصدقاء لا اطيل فقط اردت القوم رجاء احرصوا على الحضور وكلو شي بعد الحضور يمكن الاتفاق عليه الرجاء ان يبلغ قراء هذا البوست الغائبين ولي قدام

من ضمن الحاضرين غدًا وتلقيت موافقتهم
الفنان التشكيلي قيسان
العضو المأمون خضر عبد الرحيم

Post: #47
Title: Re: بورداب الرياض .. ما تنسوا الخميس
Author: ahmed haneen
Date: 01-14-2004, 07:17 PM
Parent: #1

يا اخوانا
الخميس عرفناه
الساعة تمانية برضو عرفناها
لكن وين
في حديقة الحيوانات
ولا عند غريبة
وفي كل الآحوال نحنا جاهزين

Post: #48
Title: Re: بورداب الرياض .. ما تنسوا الخميس
Author: ghariba
Date: 01-14-2004, 08:40 PM
Parent: #1

معليش يا شباب
الاجتماع عندي في البيت
موضوع حديقة الحيوانات مربوط ببرنامج آخر سيتم التنسيق له

الاجتماع بالمنزل ولمن تاه عن المنزل الاتصال بنا على الجوال
053114175

وصف المنزل للناس لاجداد :

شارع غرابي وهو شارع مشهور في الرياض و اوله عند البطحاء وآخره عند شارع عمر بن الخطاب وهو الشارع المؤدي الى البريد المركزي ووزارة المالية على شارع المطار القديم ( الملك عبد العزيز )

اذا كنت قادم من البريد تمشى لحدي أشارة بوش ( الاشارة التي عليها شركة بوش - الجفالي ) و تتجه يمين على شارع غرابي وتقابلك اشارة ويمينها محطو الزهراني للمحروقات ويسارها مبنى المرور القديم وامامها شارع الغرابي أتجاه واحد وهو اتجاه جاي بس
عندما تفتح الاشارة ما تحاول تمشي طوالي لانه ممنوع ولازم تمشي يسار واول شارع فرعي امشي يمين واول شارع فرعي امشي يمين زي كأنك ماشي شارع غرابي باللفة .
وقبل ما تصل شارع غرابي وقف سيارتك طوالي والعمارة اليمين هي عمارتنا وتحتها بنشر اسمه المنتخب السعودي وهو فاتح على شارع غرابي و اطلع عمارتنا وتلقى الاسانسير يمين
ودوس رقم 3 و طوالي تلقى نفسك في الطابق الثالث
و الشقة القدامك دي شقتنا ( رقم 11 ) .
واذا تهت اسال ناس البنشر
خلاص كدة ولا اواصل