عازة في هواك عزة نحن الجبال وللبخوض صفاك عازة نحن النبال عازة ما سليت وطن الجمال ولا ابتغيت بديل غير الكمال وقلبي لي سواك ما شفتو مال خذيني باليمين وانا راقد شمال عازة ما بنوم الليل محال وبحسب النجوم فوق الرحال خلقة الذاد كِمل وانا حالي حال متين اعود اشوف ظبياتنا الكحال عازة جسمي صار زي الخلال وحظي في الركاب صابو الكلال وقلبي لسة ما عرف الملال اظنو ود قبيل وكريم الخصال عازة ما اشتكت نوم الحجال لا السوار بكى وفي يمنا جال عازة في الفريق لي ضيق مجال قبيلة بت قبيل ملأ الكون رجال عازة شفتي كيف نهضوا العيال جددوا القديم صرفوا الخيال وروحك أم سماح سرى كالسيال شجا الفؤاد حيّا سود الليال عازة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدي كل يوم عظمة ازداد جلال عازة ما نست جنة بلال وملعب الشباب تحت الظلال ونحنا كالزهور فوق الرمال تشابي للنجوم وانا ضافر الهلال عازة في حزا الخرطوم قُبال وعازة من جنان شمبات حبال وعازة لي ربوع امدر جبال وعازة في الفؤاد دوا يشفيي الوبال | 