طلب إلتحاق بالحزب الليبرالي عديييل كده

.. بس عندي مشكلة

هل الإنتماء لحزب ثقله الجماهيري ليس مؤثرا بالحسابات المنطقية للآن هل هو مجدي..

أنا زول عملي

برنامج الليبرالي حاليا أقرب البرامج الى طريقة تفكيري

و لكنني في محك هل أتحول لمثالي و أصدق إنو حيكبر يوم من الأيام

و لا أجلي الموضوع و أبدي إعجابي و أنوم على كده..

ياخ أقول ليكم

ده طلب إلتحاق بالحزب الليبرالي عديييل كده

عادل .. رسل تلفونك بالمسنجر

تنقد الرهيفة.

رأي الحزب في حقوق المثليين جنسيا ... واحد من أهم أسباب رغبتي في الإلتحاق به.
و دعاوي البعض بعدم أهمية الأمر في الوقت الراهن مردودة
فالمشكل السوداني يجب أن يحل في توازي

و رغما عن بعض الهفوات الشخصية لبعض أعضاءه يظل في رأيي أشجع الأحزاب في إبداء رأي واضح غير مغيم في ما يخص الطواطم الإجتماعية و السياسية السودانية..

كدي انتظر معانا المناقشة العامة دي يمكن تثمر!

كدي إنتظرهم ما يقبلوا طلبي
نشوفكم بتقبلوا مرفوضي الليبرالي..

و إن شاء الله بالجد تثمر

شدوا حيلكم يا قرمبوز

و إن شاء الله بالجد تثمر

شدوا حيلكم يا قرمبوز

نثني

كويس يا فاضلابي
الخيل تجقلب و الشكر لحماد!!
يازول البوست قربوا يهدروا دمنا فيها تقول لي ليبرالي
بعدين الليبرالي اصلا حزب الرجل الواحد...وتراجي الطرحت الفكره فممكن برضوا
تنضم لحزب المرأة الواحده







تخريمه:
بعيد عن الهظار التحيه لليبرالي.
التحيه لليبرالي.

*

الفاضلابي يا زول يا جميل ..

الرهيفة التنقد .. والتنقد تاني ..

انت وامثالك من واضحي القول والفعل ممن تفخر الاحزاب بان تنضم اليهم؛ لا ان ينضموا لها ..

طلبك للالتحاق بالليبرالي مرحب به جدا .. وسارسل ليك استمارة العضوية وارجو ان تقرأها جيدا وتتمعنها ومعاها كل وثائق الحزب حتى لا يكون موقفك مبني على موقف واحد للحزب الليبرالي او على تخيل عنه؛ وكم تخيلنا عن الاحزاب ثم بدا لنا ان باطنها مغاير لظاهرها؛ وحقيقتها غير شريعتها.

في موضوع العملية فليك الف حق .. ليس لنا من عمر نضيعه في طوباوية لا تنتج شيئا؛ ولا اريد ان اقول كلاما نيا ولكن اذا سار الليبرالي بالمعدلات الحالية فانه في خلال 5 اعوام سيكون قوة رئيسية في السودان؛ وخططنا ان نكسب في الانتخابات القادمة من 5 الى 10 مقاعد؛ وفي اللاحقة لها حوالي 50 مقعدا؛ وفي الثالثة 100 مقعدا .. حينها(ب100 مقعد) يمكن ان ندخل السلطة لأن حجمنا سيكون مؤثرا ولن تُفرض علينا تنازلات كبيرة .. وهذه تقديرات محسوبة بحساب القدرات الحالية والكامنة وبدراسات تطبيقية انجزنا جزءا منها ولا نزال نمحص المتبقي.

في الوقت الحالي الليبرالي ليس لاعبا اساسيا في السياسة السودانية؛ ورغم نمونا الكبير في مناطق مثل جنوب كردفان والنيل الابيض وجنوب الجزيرة وغيرها ؛ ربما جزءا منه يرجع لبريق الجديد؛ وجزء منه يعبر فعلا عن اقتناع حقيقي ببرنامجنا؛ الا ان الحال اقل كثيرا من المطلوب؛ والامكانيات أقل كثيرا من الطموح .. لكن اذا كان لنا ما يمكن التأكد منه ان طموح شباب الليبرالي حده السماء؛ وان دون تحقيقهم لحلمهم الرؤوس؛ وان الهزيمة النفسية لا تعرفنا ولا نعرفها؛ وكبير عندنا الجمل والشعب السوداني والمواطن السوداني .

كما يمكننا ان نؤكد لك وللجميع؛ ان الحزب الليبرالي لن يحيد عن طريق العمل الجماهيري وعن برنامج التغيير؛ ولن يسلك طريق السياسة التقليدية ولن يبحث عن السلطة بأي ثمن؛ رغم انه اعلن بوضوح في نظامه الاساسي ان هدفه هو الوصول للسلطة لتحقيق برنامجه؛ وهو اذ ربط الوصول للسلطة بتحقيق البرامج؛ فانما يعلن انه سيستخدم السلطة كأداة للتغيير؛ مع غيرها من ادوات التغيير التي سنستخدمها قبل وصولنا للسلطة وبعد وصولنا لها.

أمر اخر وهو ان وجودنا وسط الصفوة السياسية ضعيف؛ ذلك اننا اخترنا طريق العزلة الاختيارية؛ وعدم الدخول في صالونات السياسة السودانية ابدا؛ وذلك للمخاطر العظيمة التي تكمن فيها؛ وفيروسات تدمير العقل والارادة التي تنتشر وسطها؛ لذلك من الاقرب ان تجد قادة الحزب الليبرالي مع الناس في كوستي او القضارف او المجلد او لوكا؛ من ان تجدهم في الصالونات الخرطومية واماكن تجمعات الاحزاب "الامدرمانية".

والف حبابك كان جيت اسع ولا بعدين .. والتلفون تجده في الخاص..

Quote: لذلك من الاقرب ان تجد قادة الحزب الليبرالي مع الناس في كوستي او القضارف او المجلد او لوكا؛ من ان تجدهم في الصالونات الخرطومية

و من هناك - قيادة و قاعدة - يمكن أن يبدأ التغيير .

تحياتي يا فاضلابي ..
و موفق حيثما تختار .
و التحية مثلها للجميل عادل .

Quote: ليس لنا من عمر نضيعه في طوباوية لا تنتج شيئا؛ ولا اريد ان اقول كلاما نيا ولكن اذا سار الليبرالي بالمعدلات الحالية فانه في خلال 5 اعوام سيكون قوة رئيسية في السودان؛ وخططنا ان نكسب في الانتخابات القادمة من 5 الى 10 مقاعد؛ وفي اللاحقة لها حوالي 50 مقعدا؛ وفي الثالثة 100 مقعدا .. حينها(ب100 مقعد) يمكن ان ندخل السلطة لأن حجمنا سيكون مؤثرا ولن تُفرض علينا تنازلات كبيرة .. وهذه تقديرات محسوبة بحساب القدرات الحالية والكامنة وبدراسات تطبيقية انجزنا جزءا منها ولا نزال نمحص المتبقي.

عزيزي ... عادل ... تسلم ,

سبحان الله ... فهذا ما قلته عبر { المايك } وأنا أخاطب
مؤتمر لحق الحديثة من على البعد , نفس الأرقام ونفس الحسبة
أو تتماثل وكله لأجل ترفيع { مفهومية } حق لكونها بديل وليس
غير ... وليت هذا الكلام يكون مدونا ... أو ... أتحدى أن
ينكر ذلك من كانوا فى المنصة حينها ... وليس أقلهم الإخوة
وراق وهشام وقرشي وهادية ... فأنت تسترجع أصداءآ من لحظة
فى تاريخنا كادت أن تغفل ... لولاكم ... فلكم التحية.

تراحي سلامات

يا زولة انتا لسه من زمن الليبرالي حزب الرجل الواحد ؟؟
عييييييييييك يا تراجي .. ذلك امر لم يكن الا في اذهان الحالمين باليقظة
والظانين حسب مواعينهم؛ وما يغني الظن عن الحق شيئا.

وقد راؤا حال الليبرالي رؤية اليقين؛ ثم سيروه رؤية عين اليقين ..
وسيروا اثاره في آفاق السودان الواسعة؛ بشارة الثورة الليبرالية القادمة !

يمكننا اليوم القول ان الليبرالي حزب النساء السودانيات؛ والرجال المتجندرين ..

اذكر بعد المؤتمر الاول للحزب الليبرالي؛ ان اتصلت بصديقة في اليوم التالي اخبرها عن نجاح المؤتمر.

سألتني: اتمنى ان تكونوا انتخبتم نساء في قيادة الليبرالي ..

قلتي لها: وهل انتخبنا غير النساء ؟؟ وعددت لها النساء في مكتبنا التنفيذي ومواقعهن ؛ من رئيسة وامينة عامة وامينة للتنظيم وامينة للمال.. فسكتت وقرأت التعجب في صمتها الناطق.

اتمنى ان تتاح لك الظروف وتزوري السودان قريبا؛ لتتعرفي على الليبراليات والليبراليين.

فهم ممن تسعد القلوب والعقول بمعرفتهم/ن.

سلامات حيدر

Quote: سبحان الله ... فهذا ما قلته عبر { المايك } وأنا أخاطب مؤتمر لحق الحديثة من على البعد , نفس الأرقام ونفس الحسبة أو تتماثل وكله لأجل ترفيع { مفهومية } حق لكونها بديل وليس غير ... وليت هذا الكلام يكون مدونا ... أو ... أتحدى أن ينكر ذلك من كانوا فى المنصة حينها ... وليس أقلهم الإخوة وراق وهشام وقرشي وهادية ... فأنت تسترجع أصداءآ من لحظة فى تاريخنا كادت أن تغفل ... لولاكم ... فلكم التحية.

دعني احكي لك قصتين .. فيهما الكثير من المغزي ..

الاولي في اوروبا لعدة سنوات خلت .. كنت اتحاور مع احد الاصدقاء وهو قيادي في تنظيم ديمقراطي .. عن عدم جدوي العمل المسلح الذي كان هو يؤيده؛ وكان احد دفوعاته ان العمل المسلح - في دارفور - قد اسمع العالم صوت الدارفوريين؛ فقلت له ماذا يستفيد العالم من سماع قضيتي عندما اكون ميتا ؛ فعرج على ان الحياة تكون بلا معنى عندما تفقد الحرية؛ فقلت له ان الحياة والحرية ليستا بمتناقضتان؛ لكني اقيم الحياةو اعلى من الحرية؛ لأنك وانت حي يمكنك ان تناضل من اجل الحرية؛ اما حين تموت فلا حرية ولا يحزنون .. ولكني لم اقنعه ولم يقنعني .
بعدها عرجنا على مسألة وحدة القوى الديمقراطية؛ فقلت له اننا في حالة توحدنا يمكن ان نحصل على 20الى 30 مقعدا في الانتخابات القادمة؛ فقال لي لن نحصل عليها؛ فقلت له اذن عشرة على الاقل؛ فقال لن نحصل على عشرة .. قلت له خمسة؛ قال لن نحصل على خمسة.. قلت له طيب في تقديرك ممكن لو اتوحدنا نحصل على كم ؟؟ قال لي : مقعد واحد او مقعدين .. نظرت اليه مليا وقلت له: الان افهم لماذا تنافح عن العمل المسلح !!

القصة الثانية حدثت قبل عام ونيف؛ في لقاء مع قيادات حق الحديثة والجديدة والحركة الديمقراطية .. تحدثنا عن افاق الوحدة وفرص الحزب الديمقراطي الموحد؛ واعدت مقولتي اننا في حالة توحيد كل القوى الديمقراطية وتوفير الامكانيات لحزب الوحدة يمكن ان نحصل على 20 الى 30 مقعدا ؛ فقال لي ممثل الحركة الديمقراطية السودانية: ولماذا ليس 100 مقعدا ؟؟ حينها عرفت ان الرجل جاد في تعامله مع السياسة.

لك الود.

عزيزي ... عادل ,

إنت أسع ويين ... فى السودان أم رجعت؟
وأتمنى ألا يكون في السؤال تنطعا يخدش
حياء { السرية } ... هذا الجبل الورقي
الذي لا بد من هدمه ... فقابلته التي ندخر
هي الشفافية ... وبيننا زمن قليل حتى ننصر.

فنعم ... ليبدأ مشورا المستقبل من أخفض عدد
من الدوائر الإنتخابية إلى أعلاه ... وبين
الرقمين تقيم إرادة التغيير ووقائع البديل,
لكون عهدنا بشعبنا ألا نقدم له بعد اليوم دبابة
ولا نظرية ولا عشيرة ولا يحزنون ... فقط هو البديل
الذي يتماهى مع مبتدءآته ومنتهياته الديمقراطية
... فمعا لأجل سلام وديمقراطية ووحدة السودان.

الفاضلابي ... تشكر ... ومودتي.

Quote: فنعم ... ليبدأ مشورا المستقبل من أخفض عدد من الدوائر الإنتخابية إلى أعلاه ... وبين الرقمين تقيم إرادة التغيير ووقائع البديل, لكون عهدنا بشعبنا ألا نقدم له بعد اليوم دبابة ولا نظرية ولا عشيرة ولا يحزنون ... فقط هو البديل الذي يتماهى مع مبتدءآته ومنتهياته الديمقراطية ... فمعا لأجل سلام وديمقراطية ووحدة السودان.

الاخ حيدر قاسم تحية مباركة
اجزم بانى اعشق كل ماتكتبه هنا


الاخ الفاضلابي

Quote: طلب عضوية

The future is rooted here

أدروب ود الخطيب
سلام يا رفيق الحلوة والمُرة

Quote: The future is rooted here

نعم .. بعض المستقبل جذوره هنا .. وبعضه الاخر جذوره متجذرة في قلوب الرجال والنساء؛ في هفوانها نحو الجديد؛ وعملها من اجله وبحثها عن طريقه !!

فلتتضامن القلوب ولتتحاور العقول عسى ان نشق الطريق نحو المستقبل بقوة اكبر عبر جلاميد الواقع المتراكمة

سلام حيدر

انا الان في بولندا حيث رجعت قبل العيد بيومين .. هو ضغط العمل والالتزامات الكثيرة التي تجعل الانسان يرجع قبل يومين من قضاء العيد في بلده .. ولا اوهام سرية بعد اليوم حيث الواضح ما فاضح وطريق التغيير يمر عبر بوابة الشفافية؛ مع المواطنين اولا ومع الحلفاء والخصوم ثانيا .

عموما كانت فترة الشهر التي قضيتها في السودان آخيرا من الطف الفترات؛ وكانت ملئية بالانجازات ومن اهمها زيارة لجنوب الجزيرة ساكتب عن بعض ملامحها في الايام القادمة .

لك ودي وتقديري

Quote: فمعا لأجل سلام وديمقراطية ووحدة السودان. الفاضلابي ... تشكر ... ومودتي.

Quote: -10-2007, 11:00 م Saber Abdelhadi . تاريخ التسجيل: 15-07-2007 مجموع المشاركات: 323 Re: جيناكي زي وزين - الإعجاز العلماني في الغناء الكريم (Re: تماضر الخنساء حمزه) عادل عبد العاطي.. راضي.. ياسلام.. طيب ما تدونا بطاقاتنا..

فاضلابي الفنان..
صاحب (ببو) صاحبي...

زمان نحن لمحنا..
ومافي زول
جاب لينا خبر..

فاضلالبي .. صابر .. تراجي .. حيدر و الجميع
تحيه طيبه
مررت فقط للتاكيد على ما قاله عادل في اننا في الحزب الليبرالي السوداني نرحب بكل من يلتقى معنا في الفكره و البرامج .. وفي اعتقادي اعزائي بان ما نطرحه ليس غريبا ابدا عن وجدان الملايين من السودانيين .. يبقى فقط الكثير من التردد و الخوف من ما عهدناه من من سبق .. و الخوف من بذل الجهد والتضحيات ومن ثم ضياع المجهود وكانك يا بو زيد ما غزيت ..

لن ندعي ابدا اننا الوحيدون او اننا على يقين من اننا الافضل .. فقط هي محاولتنا للعطاء و لتحقيق اهدافنا واهداف وتطلاعات جماهير شعبنا.. وكل من يرى ان يسيير معنا على هذا الدرب فابوبنا مشرعه

بقى ان اعلق على مساله الانتخابات و حجم الحزب وفعاليته .. فان قناعتي ان قله واعيه وقادره على التخطيط الاستراتيجي و التنظيم بامكانها ان تحقق ما يعجز عنه الكثره .. تاملوا فقط حال قوانا السياسيه التي تعاني من ترهل في هيكلها دون فعاليه بحجم هذا العضويه الكبيره .. وهي واحده من ازمات العمل التنظيمي في معظم القوى السياسيه (( عجز في تفعيل الكادر)) ..
من ناحيه اخرى مساله عدد المقاعد التي يمكن ان التحصل عليها فمن الجيد التخطيط الدقيق .. لكن في اعتقادي باننا بالتحديد في الحزب الليبرالي حددنا ان معركتنا معركه تغيير ومؤشر نجاحنا الحقيقي هو الوعي .. كلما تقدمنا بالوعي في مساله الحريات و البناء المجتمعي كلما تقدمنا خطوات نحو تحقيق الاهداف .. وقد نتقدم في مرحله ما دون زياده عدد عضويتنا لكن انتشار فكرتنا ومنهجنا وانعكاسه في الوعي المجتمعي واحيانا حتى الوعي السياسي لخصومنا حينما يتعاملون مع فرضياتك بايجابيه.. هذا لعمري نجاح كبير

المهم لكم تقديرنا الوافر وحباب الجايي عشره وحباب الماري على البوست بس برضو عشره

عضو اى حزب سياسي فى حد ذاته يعتبر برنامج يمشي على قدمين

اخواننا واخواتنا فى الحزب الليبرالي يعتبرون نموذج جيد لهذه المقولة

إستطاعوا إيصال فكرهم إسفيريا بشكل واقعي أتاح لهم معرفة الكثير من الامور التى تهم حزبهم وكسبوا ثقة عدد مقدر من الاعضاء والقراء

الذين أقنعهم الطرح.

تمنياتنا لهم بالتوفيق فى مسارهم السياسي الديمقراطي

الصديق وابن مدينتي الجميلة حيدر

Quote: عضو اى حزب سياسي فى حد ذاته يعتبر برنامج يمشي على قدمين اخواننا واخواتنا فى الحزب الليبرالي يعتبرون نموذج جيد لهذه المقولة إستطاعوا إيصال فكرهم إسفيريا بشكل واقعي أتاح لهم معرفة الكثير من الامور التى تهم حزبهم وكسبوا ثقة عدد مقدر من الاعضاء والقراء الذين أقنعهم الطرح. تمنياتنا لهم بالتوفيق فى مسارهم السياسي الديمقراطي

تسلم يا صديقي على التمنيات الطيبة بالتوفيق
ونمنى ان نكون على قدر ثقة من وثق بنا واقنعهم طرحنا

صابر عبد الهادي يا زول يا رائع
- بس اروع منك العسولة التي بين يديك -

Quote: فاضلابي الفنان.. صاحب (ببو) صاحبي... زمان نحن لمحنا.. ومافي زول جاب لينا خبر..

يا زول والله قصرنا وبالغنا
- في الحقيقة لم أقرا هذه الكلمات الا الآن للانشغال- .

كن في اتصال معي عبر الايميل
وتسلم يا صديق

[email protected]

مررت فقط لاشد من يديك يا زهرة
لو كنت مكانك لكان موقفى ورأيي مماثلا لما ذكرت
لك التحايا

ولكل المشاركين بالبوست
وللفاضلابى اكيد برضو

رباب

الفاضلابي ... سلام

Quote: برنامج الليبرالي حاليا أقرب البرامج الى طريقة تفكيري

انت كدة عملياالتحقت بالليبرالي ، فاهم شروط الالتحاق بحزب هو الايمان ببرنامجو والاقتناع بنهجو وفكرو ، وباقى الحاجات شكليات ساى سواء كان طلب عضوية وملئ استمارة و ووووووو
هسة لو جات انتخابات نزيهة وشارك فيها الليبرالي ، انت كناخب ماعندك طريقة غير انك تضع صوتك في صندوق مرشح الليبرالي ( اقرب البرامج الى طريقة تفكيرك ) ، وغير كدة لو انتخبت مرشح تانى تكون غشيت نفسك وخالفت قناعاتك وطريقة تفكيرك .. صاح ..؟؟
اذن انت حسمت امر الالتحاق بتفكيرك .. ومامحتاج تشاور الناس

Quote: ولكنني في محك هل أتحول لمثالي و أصدق إنو حيكبر يوم من الأيام

لو اى زول فى الدنيا قعد يتوجس زى توجسك ده اتخيل شكل السودان كان حيكون كيف ..؟؟
الامام المهدى ماكان حيتمرد على واقعو ويقود الثورة المهدية اللى اتاسس منها حزب الامة
د قرنق ماكان حيتمرد على واقعو ويقود الحركة الشعبية اللى اتاسست منهافكرة السودان الجديد
و...
و....
وغيرهم ...
فكر الفرد وقابليتو للتطورهو البيكبر والبيطور الاحزاب والثورات ( الحركة الشعبية والحركات الديمقراطية الجديدة نماذج )
واذا تقزم الفكر أو تقوقع تتقزم والاحزاب و الثورات ( والنماذج كتييييييييييييييرة )

وعليه .. المحك اللى انت بتتوجس منو ماعندو اى مبرر والمفروض مايعيق التحاقك بالبفكر اللى انت مقتنع بيهو ..
وانت داير منو يكبر ليك الليبرالي ..؟
ما تكبرو انت باضافاتك ..؟
ومفهومك للكبر ذاتو شنو ..؟؟
كبر كم ..ولا كبر كيف ..؟
وهل اصل كبر الكم شرط للالتحاق ..؟
لو كان شرط كان طلبت الانضمام للاحزاب التاريخية ... مش كدة ..؟
مودتى ...
بالمناسبة كلامى ده من حيث المبدأ وعام جدا
وماتفتكرو نصيحة شخصية ليك عشان تلتحق بالليبرالى
زحل اقرب لى من الليبرالي ، ودى اسمها ليبرالية التفكير ....
لكن ماباحصى عضويتو - أو اشاور الناس - عشان انضم ليهو فى حال اقتناعى ببرنامجو
تانى مودتى

الاخوة فى الليبرالى اتمنى لكم التوفيق ...

طرحكم جاد جدا...

عادل و الشباب

مشكورين على ردودكم

ربنا يعمل الفيها الخير..

الفاضلابي رقم التلفون ما صح
حاولت الاتصال بك ولم اوفق

لك التحايا النواضر

كده يا فاضلابي ؟؟
وتسيبنا لحزب المحافظين ؟؟
يعني ناكل نارنا بدون أصحاب ..

والله إن العين لتدمع والقلب ليحزن
وإنا لفراقك لمحزونون يا فرده ..

دربك أخضر ..

طلال عفيفي يا جميل
فك التسجيلات كيف ؟؟؟

Quote: ولا اريد ان اقول كلاما نيا ولكن اذا سار الليبرالي بالمعدلات الحالية فانه في خلال 5 اعوام سيكون قوة رئيسية في السودان؛ وخططنا ان نكسب في الانتخابات القادمة من 5 الى 10 مقاعد؛ وفي اللاحقة لها حوالي 50 مقعدا؛ وفي الثالثة 100 مقعدا .. حينها(ب100 مقعد) يمكن ان ندخل السلطة لأن حجمنا سيكون مؤثرا ولن تُفرض علينا تنازلات كبيرة .. وهذه تقديرات محسوبة بحساب القدرات الحالية والكامنة وبدراسات تطبيقية انجزنا جزءا منها ولا نزال نمحص المتبقي.

تحياتي يا عادل ...

إنت يا عادل ما متفائل حببببببببببببة كده في تقديراتك دي ؟؟؟!!

وأنا غايتو ما عارف تقديراتكم أو الطموح ده نابع من شنو ... لكن الواقع بقول إنو في آخر انتخابات ديمقراطية في السودان :
الحزب الشيوعي ورغم كل الزيطة والهيلمانة لم يفز سوى بدائرتين فقط .. وحزب البعث بكل قروووش صدام ... لم يفز ولا بأي دائرة !

ويقال يا عادل في تلك الفترة "والعهدة على الراوي طبعاً"

أن أحد الفائزين في أحد دوائر الخرطوم الانتخابية ما كان له أن يفوز بالدائرة إلا بعد ( رخي الشغلانة ) من أحد الأحزاب الكبيرة ...

وأن قيادية أخرى من نفس الحزب كان يمكن لها الفوز ودخول البرلمان بذات طريقة "رفيقها" أعلاه

لولا أنها سليطة لسان وقليلة إحسان !

وأسي انت يا عادل لو عاوز تفوِّز نور تاور دي بس (رئيسة الحزب) في أحد الدوائر الطرفية لأقصى جنوب كادوقلي ...

... وأرخي قصة الأربعة مقاعد الباقية دي ...

فقلل من سلاطـة اللسان .. وكتر من الإحسان ..

ما ممكن انت معادي الدنيا دي كلها ... البخليك تفوز منو!

إنت ما شايف الحاج وراق !

صديقي الهاديس سلامات

وينك يا زول ما ظاهر

Quote: إنت يا عادل ما متفائل حببببببببببببة كده في تقديراتك دي ؟؟؟!! وأنا غايتو ما عارف تقديراتكم أو الطموح ده نابع من شنو ... لكن الواقع بقول إنو في آخر انتخابات ديمقراطية في السودان : الحزب الشيوعي ورغم كل الزيطة والهيلمانة لم يفز سوى بدائرتين فقط .. وحزب البعث بكل قروووش صدام ... لم يفز ولا بأي دائرة !

يا زول على قدر اهل العزم تأتى العزائم

Quote: ويقال يا عادل في تلك الفترة "والعهدة على الراوي طبعاً" أن أحد الفائزين في أحد دوائر الخرطوم الانتخابية ما كان له أن يفوز بالدائرة إلا بعد ( رخي الشغلانة ) من أحد الأحزاب الكبيرة ... وأن قيادية أخرى من نفس الحزب كان يمكن لها الفوز ودخول البرلمان بذات طريقة "رفيقها" أعلاه لولا أنها سليطة لسان وقليلة إحسان !

والله اول مرة اسمع بالتفسير دا
لكن لو المقصود نقد وحزب الصادق يمكنني ان اصدق حيث كانت هناك اتفاقية جنتلمان بين الطرفين

Quote: وأسي انت يا عادل لو عاوز تفوِّز نور تاور دي بس (رئيسة الحزب) في أحد الدوائر الطرفية لأقصى جنوب كادوقلي ... ... وأرخي قصة الأربعة مقاعد الباقية دي ... فقلل من سلاطـة اللسان .. وكتر من الإحسان .. ما ممكن انت معادي الدنيا دي كلها ... البخليك تفوز منو!

يا زول نور تاور نحنا مدخرينها للانتخابات الرئاسية
ودائرة كادقلي عندنا مرشحنا فيها
بعدين بيفوزنا المواكطن السوداني لمن يقتنع ببرنامجنا
ما الاحزاب التي ننافسها

Quote: إنت ما شايف الحاج وراق !

مالو الحاج وراق ؟؟

تحياتي يا عادل ...

Quote: يا زول نور تاور نحنا مدخرينها للانتخابات الرئاسية ودائرة كادقلي عندنا مرشحنا فيها بعدين بيفوزنا المواكطن السوداني لمن يقتنع ببرنامجنا ما الاحزاب التي ننافسها

أنا فقط أدعوك لعدم الإفراط في التفاؤل يا عادل ...

لكن قناعتي الشخصية إنو الفرز في السودان بعد ده ما حا يكون على أساس برامج ولا تضحيات زي ما انت بتقول

ولا حتى على أساس تاريخ أو مجاهدات .. ولا هم يحزنون ...

وإنما سيكون على أساس قبلي وجهوي بحت

وسيكون للتكتلات القبلية والجهوية الكلمة الفصل في تحديد مصير وشكل السودان في المستقبل

وهو ما يجري الآن في السودان ... حتى في وسط الأحزاب الكبيرة

أسي انت تصدق زول زي نقد الله تسقطو انتخابات يا عادل ؟؟؟

عزيزي الهادي

Quote: أنا فقط أدعوك لعدم الإفراط في التفاؤل يا عادل ...

نحن نؤمن بتفاؤل القلب وتشاؤم العقل
ونعمل على ان تكون احلامنا واقعية وممكنة ..

Quote: لكن قناعتي الشخصية إنو الفرز في السودان بعد ده ما حا يكون على أساس برامج ولا تضحيات زي ما انت بتقول ولا حتى على أساس تاريخ أو مجاهدات .. ولا هم يحزنون ... وإنما سيكون على أساس قبلي وجهوي بحت وسيكون للتكتلات القبلية والجهوية الكلمة الفصل في تحديد مصير وشكل السودان في المستقبل وهو ما يجري الآن في السودان ... حتى في وسط الأحزاب الكبيرة

نعم يسعى البعض لان يكون الامر كما تقول
لكننا نثق في شعبنا وانه قادر فعلا على التمرد على كل التقسيمات البائسة
ليختار الاختيار الديمقراطي
المشكلة كيف يؤمن المثقفون بانفسهم ودورهم ..

Quote: أسي انت تصدق زول زي نقد الله تسقطو انتخابات يا عادل ؟؟؟

اذا نزل الامير نقد الله في اي دائرة
ففي رايي ان الحزب الليبرالي يجب ان يؤيده فيها

Quote: اذا نزل الامير نقد الله في اي دائرة ففي رايي ان الحزب الليبرالي يجب ان يؤيده فيها

موقف ماغريب عليك يا عادل وأجده متسقاً تماماً مع كل ما تطرح

وما عاوز أحرف النقاش في البوست لكن أقول ليك :

الأمير نقد الله فوزو الشعب السوداني كلو في ( البقعة أم قبايل )

وفي الهواء الطلق حين كانت الانتخابات حرة ونزيهة

ولن يخصم من رصيده إن أسقطوه في الغرف المظلمة في انتخابات الإشارة

الموسومة بالتكتل الجهوي والعرقي والعشائري

الاخ العزيز الهادي

Quote: الأمير نقد الله فوزو الشعب السوداني كلو في ( البقعة أم قبايل ) وفي الهواء الطلق حين كانت الانتخابات حرة ونزيهة ولن يخصم من رصيده إن أسقطوه في الغرف المظلمة في انتخابات الإشارة الموسومة بالتكتل الجهوي والعرقي والعشائري

التحية للأمير نقد الله بقدر ما قدم من نضالات
ونتمنى له الرجوع للصحة وكامل العافية باذن الله.

والله يا عادل يشرفني وعلى العين والراس ،
انا معجب جداً بأدبيات الليبرالي كما إنو
عندي تحفظات شديدة على الطرق التي يتناول
بها حزبنا الشيوعي وبعض ناسه الأمور ..
لكن ، باقي ليك بقدر أسيبو ؟
روحي فيهو عديل يا عادل ..


شكراً يا صديقي ، ومعاً عشان سودان ديمقراطي
سمح يليق بالناس ..

طلال عفيفي تسلم يا صديق

Quote: والله يا عادل يشرفني وعلى العين والراس ، انا معجب جداً بأدبيات الليبرالي كما إنو عندي تحفظات شديدة على الطرق التي يتناول بها حزبنا الشيوعي وبعض ناسه الأمور .. لكن ، باقي ليك بقدر أسيبو ؟ روحي فيهو عديل يا عادل ..

اعلم هذا يا صديقي واحترم خياراتك
واعلم ان نشاطك في اي موقع لا ياتي منه الا الخير.

بالمناسبة دي عندي صديق عزيز جدا على شيوعي
سألتني اختي امال عبد العاطي لماذا لا تناقشه ليترك الحزب الشيوعي ؟؟
اذا كنت مقتنع ان الحزب الشيوعي هو بهذا البؤس!!
قلت لها : هو لن يتركه واحترامي له يمنعني من مناقشة خيارات له
تجري فيه مجرى الدم ..

لك ودي العميق

طلال صاحبي

و الله حزبكم ما هين رباني و علمني و خيره علي و دينه كبير

لكن الأحلام كبيرة و أنا راجل صبري قليل

الليبرالي بشبه تفكيري حاليا و لسع قايم ..إحتمال نقدر نساهم في عمل حزب زي باقي أحزاب الدنيا الجديدة..
و شدو حيلكم و خلوا بالكم من حزبكم في مناقشته الجاية
دايرين سودان جميل و أحزابه عارفة محل الوجع

يعنى يافاضلابى أنت كنت عضو حزب شيوعى..???

والله يافاضلابى كان دا سببك

Quote: لكن الأحلام كبيرة و أنا راجل صبري قليل

الله يسهل عليك
إنتا أصلآ دخلت غلط

العزيز الجيلي سلامات

Quote: والله يافاضلابى كان دا سببك Quote: لكن الأحلام كبيرة و أنا راجل صبري قليل الله يسهل عليك إنتا أصلآ دخلت غلط

رغم ان الخطاب موجه للصديق الفاضلابي ارجو ان تسمح لي بالرد التالي:

الحزب الشيوعي يا صديقي حرك في السودان الكثير من الاحلام والآمال؛ وفي النهاية كانت نتيجتها الكثير من الاحباط والالام ..

مشكلة الشيوعيون ان احلامهم كانت طوباوية وغير واقعية؛ اذ ارادوا ان ينشؤا المجتمع اللاطبقي العالمي ؛ حيث تسود السعادة الابدية وحيث يصادق الذئب الغنم؛ وهيهات؛ فهذا ان جاز في معايير الطوبي فهو لا يجوز حتى بمعايير قوانين الجدل؛ حيث الواقع الانساني متطور ولكنه متذبذب في تطوره؛ ووصول الانسانية الى السعادة الابدية واختفاء كافة اشكال الصراع يعني موت الانسانية والحس الانساني .. وربما حاول الشيوعيون - بعد ان كفروا بجنة السماء - ان يبنوا جنة الارض؛ وكلا المفهومين طوبي وغيبي ولا يصلحان برنامجا لحياة الانسان القصيرة .

اخفاق الشيوعيين في تحقيق الاحلام الكبيرة؛ جعلهم يتخلون حتى عن الاحلام الصغيرة؛ ويصبحوا دعاة للجمود والتقليد .. انظر الى الحزب الشيوعي يحكمه العجائز والافكار التقليدية ويخاف من دعوة التغيير وصيبح حزبا خرطوميا امدرمانيا ؛ ويصبح رديفا للقوى القديمة ويمارس السياسة القديمة؛ ولا ينجح في اي مشروع تغييري ولو على نطاق قرية او فريق؛ وقل لي الا يجوز للناس الهرب منه الى مواقع تتيح تحقيق بعض الاحلام الصغيرة؛ والتي تؤدي في مجملها الى تحقيق احلام اكبر ؟؟

انا كان حلمي ان ارى حزبا تمثل فيه النساء ويعاملهن على قدم المساواة ؛ ولم يكن هذا ممكنا في الحزب الشيوعي الذكوري؛ وفي قوات التحالف ثبتناه نظريا فنفوه عمليا .. رأيت تحقق هذا الحلم الصغير - والطبيعي - في الحزب الليبرالي؛ حينما اقر ان تكون النساء بنسبة الثلث على الاقل في هيئات الحزب القيادية؛ وقد نفذ الحزب هذا وزيادة؛ حيث تحتل النساء اهم المواقع القيادية في الحزب؛ بل هن من يقودنه حقيقة ومن بننه داخل السودان.

حلمت ان ارى تمثيلا للشباب السوداني داخل الاحزاب يتناسب مع نسبتهم في المجتمع ( اكثر من 60% من الشعب السوداني هم دون الثلاثين) ؛ ولم ار هذا في الحزب الشيوعي ولا في اي حزب اخر؛ ربما غير حركة حق؛ ورايته في الليبرالي رؤية العين؛ حيث يشكل الشباب دون الاربعين عاما 66% من قوام المكتب التنفيذي (6 اعضاء من مجموع 9) ونفس النسبة في اللجنة المركزية (18 عضوا من مجموع 27) ؛ كما انتخبنا الاخ مدثر خميس امين عاما لحزبنا؛ وهو دون الثلاثين؛ ليكون اصغر أمين عام لحزب سياسي في السودان عمرا.

حلمت ان ارى تمثيلا اوسع للاقاليم المختلفة والقوميات المختلفة في احزابنا السياسية؛ ولم ار هذا في الحزب الشيوعي ولا غيره من الاحزاب؛ واستطعنا تحقيق هذا الحلم في الحزب الليبرالي؛ حيث في المكتب التنفيذي اثتنان من جبال النوبة وواحد من البقارة وواحد من الفلاتة وواحد من النوبة الشمالية واثنان من الوسط النيلي وواحدة من الجزيرة وواحد من الشمالية ؛ وفي اللجنة المركزية تمثيل اوسع؛ حيث بها تمثيل لاعضاء من الجنينية غربا الى القضارف شرقا؛ ومن عطبرة شمالا الى لوكا جنوبا؛ مع تمثيل واسع لكوادرنا الموجودة في الاقاليم؛ ففبها عضوية من المجلد وكادقلي والابيض وكوستي وكنانة والقضارف وشندي والجنينة وعطبرة الخ ؛ وفي ذلك فان ابناء وبنات الخرطوم والمركز قلة في هيئاتنا القيادية؛ ليس لضعف قدراتهم/ن ولا لقلتهم/ن في الحزب؛ وانما لاننا نسعى حقا لبناء حزب لا مركزي يستمد قوته من تنوع كل السودان ومن التمثيل العادل لاقاليمه المختلفة في قيادته ووضع سياساته.

حلمت ان ارى بعض المشاريع التي نعمل عليها تتحقق؛ وفي ذلك فقد كان لي شرف وبهجة ان ارى احدي منظماتنا ترمم اربع مدارس في جوبا؛ وتجترح بناء مدارس في الرباطاب وجبال النوبة والجزيرة؛ كما رايت نجاحنا في مشاريع صغيرة بقدرنا مثل دعم اهل المعسكرات في دارفور في 2005 او نفير كوستي - ربك في 2007؛ كما ارى ان مشروعنا باقامة جامعة كادقلي الاهلية هو من المشاريع الممكن تنفيذها؛ وبذلك فاننا نضيء شمعة ونحقق فعلا مفيدا لمواطنينا؛ بدلا من ان نلعن الظلام ونحلم احلام زلوط.

والعمر حقا قصير يا صديقي ...

لك الود

Quote: أمر اخر وهو ان وجودنا وسط الصفوة السياسية ضعيف؛ ذلك اننا اخترنا طريق العزلة الاختيارية؛ وعدم الدخول في صالونات السياسة السودانية ابدا؛ وذلك للمخاطر العظيمة التي تكمن فيها؛ وفيروسات تدمير العقل والارادة التي تنتشر وسطها؛ لذلك من الاقرب ان تجد قادة الحزب الليبرالي مع الناس في كوستي او القضارف او المجلد او لوكا؛ من ان تجدهم في الصالونات الخرطومية واماكن تجمعات الاحزاب "الامدرمانية".

موقف حكيم جدا ..

أتمنى لكم التوفيق..
وتحية خاصة للاخت زهرة حيدر ادريس.

عزيزتي الاستاذة امنة مختار

تحياتي القلبية ..

Quote: موقف حكيم جدا .. أتمنى لكم التوفيق.. وتحية خاصة للاخت زهرة حيدر ادريس.

شكرا لك للدعم واتلامنيات الطيبة ...

في الفترة الاخيرة وتاكيدا لما قلت؛ قام الاستاذان مدثر خميس الامين العام ومهند زامل عضو المكتب التنفيذي بزيارات ميدانية مناطق جنوب كردفان في زيارة استمرت اكثر من شهر؛ ثم عرجا على شمال كردفان وحاضرتها الابيض الجميلة؛ ثم مرور على كوستي وغرب الجزيرة الخ ..

الاستاذة نور تاور بعد زيارة كوستي هي الان في عطبرة؛ وستقوم في الفترة القادمة بزيارات ميدانية لشرق السودان ثم تعود لزيارة مناطق غرب الجزيرة ؛ اما الاستاذ عبد المجيد صالح المسؤول عن ملف دارفور فهو في زيارات مكوكية لكل اقاليم دارفور ؛ ولو كانت ظروفنا احسن لكان كل عضو قيادي لنا في طرف من اطراف السودان؛ لأن التغيير القادم سيأتي من الاقاليم ..

لك التحية وتصل تحيتك للاستاذة زهرة ..

عادل شكرا على العناية بالبوست

الجيلي أنا ما كنت عضو في الحزب الشيوعي..

و لكنه ساهم في تعليمي الكثير خلال الجبهة الديمقراطية

و بعدين أديني شوية وقت أجرب إحتمال ما أكون غلط.. مش ممكن برضو?