دعوة

دعوة


03-10-2006, 07:37 AM


  » http://sudaneseonline.com/cgi-bin/sdb/2bb.cgi?seq=msg&board=273&msg=1188880560&rn=5


Post: #1
Title: دعوة
Author: fadlabi
Date: 03-10-2006, 07:37 AM
Parent: #0


Post: #2
Title: الترجمة يا ود الموردة
Author: Osman Malik
Date: 03-10-2006, 07:42 AM
Parent: #1

ساعدنا بالترجمة يا ود الموردة

Post: #3
Title: Re: دعوة
Author: سفيان بشير نابرى
Date: 03-10-2006, 07:44 AM
Parent: #1




ايوة يا صاحب ..

معاك والله اول باول

ومستنين المعرض هنا

زى المعرض الوريتنا ليهو مع اطفالك فى المدرسه

لون وارسم واعمل معارض كتيره خلى مدينة تجى تشوف ابوها بيرسم.


ولك شوق وليل منتظرك من تالانا.

Post: #5
Title: Re: دعوة
Author: Tumadir
Date: 03-10-2006, 07:50 AM
Parent: #3

ألف مبروك النجاح ..وتتعلى ما تتدلى ..يابركة الاحزان والافراح الاتناغمت فينا دى وبقتنا شتات ...

وافينا باخبار المعرض..عشان نفرح معاك ..بيك

Post: #6
Title: Re: دعوة
Author: fadlabi
Date: 03-10-2006, 07:52 AM

تماضر
والله دعوتك دي سمحة سماح
بالضبط محتاج لي كده أنا
يخليك و يزيدك يا ست البنيات لي حدهن

Post: #4
Title: Re: دعوة
Author: fadlabi
Date: 03-10-2006, 07:49 AM
Parent: #1

عثمان
و سفيان
المعرض إسمه لجوء
أناقش فيه اللجوء كمفردة تعني الحماية و الرعاية
و أناقش تجربة اللجوء السياسي عموما
تعالوا و معاكم أصحابكم

Post: #7
Title: Re: دعوة
Author: عصام عبد الحفيظ
Date: 03-10-2006, 08:11 AM
Parent: #4




مبروك وخلينا فى بالك
كل التشاكلة ديل معزومين وجايين للمعرض

سلام

Post: #8
Title: Re: دعوة
Author: fadlabi
Date: 03-10-2006, 10:23 AM
Parent: #7

عصام صاحبي
الله يقدرنا على الحنين ده كلو
سلم علي الناس كلها
و أنفحنا بمدد تشكيل و محبة.

Post: #9
Title: Re: دعوة
Author: Yaho_Zato
Date: 03-10-2006, 12:36 PM
Parent: #8

محمد..
ألفين مبروك.. وفرحانين ليك وبيك..

ولولا كثافة المكان لامتطينا صهوة الزمان..
هنا والآن.. هنا والآن..

(يعني لو ما بعيدين منك - فرق قارة - كان ممكن جدا نحضر المعرض)!

Post: #10
Title: Re: دعوة
Author: محمد بهنس
Date: 03-10-2006, 06:07 PM
Parent: #9

مبرووك.. عليك الله يافاضلابي شفت تماضر دي حنينه كيف وانسانه?
انا باعمدا نبية فن.شد حيلك ياخونا;بعدين ياولدنا انت اسمك الرباعي في البلد ديك: Fadlabi Asylum?.. شيلتني هم ياصاحبي,هسي انا كان داير اعمل معرض في بلد الناس الماسودانيين ديل,اسمي حايبقى مثلا:Bahnas 4weel drive? اشرح لينا .هذا,و محبتي سوف تزور معرضك حينما يغلق الغاليري ابوابه ليلا;يا الله امسك بيد اخوي فاضلابي.

Post: #12
Title: Re: دعوة
Author: fadlabi
Date: 03-11-2006, 04:53 PM
Parent: #10

بهنس يا عمبلوق
Asylum ده إسم المعرض
يعني غايتو يا محمد لا السفر بنفع فيك ولا أي حاجة
إنت بتكتب السحر ده كيف و إنت بهنس صاحبنا الطبيعي ده?
لا حولاااااا منك ياخ

المعرض إبوابه تغلق ليلا
لكن باب القلب البسدو من عولاقك ده شنو
أدخل يحرق يومك
أدخل يا بهنس.

يا الله
آنس صاحبي إن أوحشته الغربة.

Post: #11
Title: Re: دعوة
Author: fadlabi
Date: 03-11-2006, 04:48 PM
Parent: #9

قصي صاحبي
إنتو معاي طوالي
شايلكم جواي لمن أرسم و لمن أعرض
فرقنا ما قارة يا همرور
الأرواح جنود لا تعترف بالجغرافيا

Post: #13
Title: Re: دعوة
Author: fadlabi
Date: 03-12-2006, 07:12 AM
Parent: #1


Post: #14
Title: Re: دعوة
Author: Emad Abdulla
Date: 03-12-2006, 07:32 AM
Parent: #13

فاضلابي السمح ..
الما ود دفعتي ( وجه يكرج أسنانه )

يا جميل
مفردة اللجؤ ( تغور ) بيك شديد ..
وتخليك تبتق زي ده .. !! الله عليك
يازول يا سمح .

بعدين بهنس ده خليك حنين معاهو ..
تقول حبوبة : يا ربي خوزقنا ما تعولقنا
دحين بهنس ده الاتنين باقيات عليهو ...
مخوزق غربة ..
و معولق شوق ..

.....

دايما فوق يا فاضلابي

Post: #15
Title: Re: دعوة
Author: gessan
Date: 03-12-2006, 08:36 AM
Parent: #1

دا كلام جميل وفيهو فايدة ..يا فاضلابي ..


تمنياتنا لك بالتوفيق دوما ..

ولي قدام ..







-----------
** اخونا عصام عبد الحفيظ ..
ياخي الصورة دي ما تكبرا شوية ..
شاحِدا ؟؟؟

Post: #16
Title: Re: دعوة
Author: Ibrahim Algrefwi
Date: 03-12-2006, 03:00 PM
Parent: #1

وجع وجع فاضلابي رجع ...

Post: #17
Title: Re: دعوة
Author: الملك
Date: 03-12-2006, 04:22 PM
Parent: #16

الله يوفقك

...
...




بس يا فاضلابى مشتاقين ساااااااااااااى

يعلم الله