Post: #1
Title: الله يغيظكم ياخ
Author: fadlabi
Date: 01-09-2007, 03:22 AM
Parent: #0
هنا في أوسلو أخوانا الخواجات ديل كرهوني سؤال متكرر عن دارفور و عن ال ARABSالبحاربو الBLACK PEOPLE
ياخ ما قلنا ليكم إنتوا ما عرب ياخ
أقسم بالله العظيم و الكلام الجاي ده مبني على حقائق علمية
صاحبي وائل فاروق دكتور محترم كان في ألمانيا كان بحضر في علم الجينات و قرر يحددها مع حكاية عرب دي
(وائل جعلي
يعني بي بلادة السودانيين دي
مكمل العروبة عديل كده)
الراجل نزل و لقط عينات يلا إتخيلوا الحصل شنو
أخوانا من الحبشة إثيوبيا و إرتريا طلع في الDNA بتاعم ما يثبت إنو عندهم حبوبات و أجداد عرب
يلا لاحظوا معاي للحقيقة دي
في أفريقيا كلها بلغاتها المحلية كلها بس الحبش لغتهم مكتوبة.
يعني لو قررنا نعمل لغة أفريقية و ما عاوزين نستعمل الحروف اللاتينية أو العربية ماعندنا جهة نقبل عليها غيرهم
و الناس ديل لا قالوا نحن عرب لا نسوا لغتهم ولا خلوا موسيقتهم و رقيصهم و ثقافتهم.
السودانين
و إن شاء الله تطقني عقرب كان كضاب
الDNA بتاعهم ما فيه ما يثبت إن عندهم ولا حبوبة واااااحدة عربية
ياخ فكونا بلا عرب معاكم
أنا تعبت ياخ من حكاية العرب البحاربوا في الأفارقة دي
المرة الفاتت سألني واحد أمريكي أسود نفس السؤال
قلت ليهو يا CARL يا أخوي أنا في رايك شنو
عربي ولا أفريقي
قال لي: YOU'RE BLACK FOR SURE MAN
قلت ليهو أها يا الناس البكتلو في بعض ديل و يغتصبوا عيال و نسوان بعض ديل كلهم شكلهم زيي كده.
|
Post: #2
Title: Re: الله يغيظكم ياخ
Author: تبارك شيخ الدين جبريل
Date: 01-09-2007, 03:43 AM
Parent: #1
انت داير تبوظ على تراجى استراتيجية النضال بتاعا، ولا شنو?
|
Post: #4
Title: Re: الله يغيظكم ياخ
Author: fadlabi
Date: 01-09-2007, 04:08 AM
Parent: #2
تبارك الفنان أخو الفنانين
أول حاجة مرحب بيك
قالوا لي شاكلت الناس كلهم 
السودان لن ينصلح حتى يحترم الإنسان أخيه الإنسان
و يعترف بإنسانيته و حقه في الحياة
أنا لا أعرف الكثير عن تراجي و أعترف بتقصيري في الإطلاع على ما تكتبه
الواحد بدخل المنبر ينقده بسرعة زي الجدادة و يتخارج
و بتفوت عليهو حاجات كتيرة
المهم
نحن محتاجيين أبطال غير تقلديين
ناس ضد التكتل و ضد الموت لأنو الماتوا كفاية
و بعدين في ملاريا و إيدز و مصايب تانية بتقتل
ما مفروض نشيل هم الموت ده قدر كده
دايرين أبطال مع الحياة
|
Post: #3
Title: Re: الله يغيظكم ياخ
Author: النذير حجازي
Date: 01-09-2007, 03:55 AM
Parent: #1
Quote: قلت ليهو يا CARL يا أخوي أنا في رايك شنو
عربي ولا أفريقي
قال لي: YOU'RE BLACK FOR SURE MAN
|
التحية ليك ولإرتدادك عن العروبية، الغريبة فى الموضوع إنو الناس اللي متبنين موضوع التمسك بالعروبة وبدقوا فى بشاشا المسكين كل يوم (المرتد الأول عن العروبة ) وخاتين صورهم فى بروفايلاتهم، هم فى السودان مصنفين ماعرب ناهيك على الصعيد العربي أو العالمي. ولا توجد أبداً مُشكلة هوية فى السودان، فالسودان بلد أفريقي وسكانه كلهم زنوج، بس المشكلة فى عنصرية الذين لا يعترفون بذلك، وكراهيتهم للزنوج والجنس الأسود، وعشان كدا بتعقدوا إنو يقولوا إنهم زنوج، وبعد دا كلو يجوا يقولوا على بشاشا عنصري، والله إنهم هم العنصريون ولكن لا يشعرون.
|
Post: #5
Title: Re: الله يغيظكم ياخ
Author: fadlabi
Date: 01-09-2007, 04:14 AM
Parent: #3
النذير
خليهم يمشوا ليبيا القريبة دي
و يدخلوا بيت من بابو
ويطلب إيد واحدة
على سنة الله و رسولو
شوف يقولو ليهم شنو
|
Post: #6
Title: Re: الله يغيظكم ياخ
Author: Bashasha
Date: 01-09-2007, 05:36 AM
Parent: #1
جايييك صباحات الله دغش!
البعرفو يافاضلابي كت عروبي، انشاالله خير؟
مالك قلبت؟
|
Post: #8
Title: Re: الله يغيظكم ياخ
Author: حيدر حسن ميرغني
Date: 01-09-2007, 06:20 AM
Parent: #6
| Quote: شوف يقولو ليهم شنو |
ايام الدراسة الجامعية بمصر كنا شغالين في الاجازة في منطقة 6 اكتوبر وكان هناك غفير (بشاري)
اسمر مكلَف بحراسة شركة دعاية واعلان مملوكة لاحد اقرباء السيد احمد الميرغني وشريك سعودي، أعجب
احد أصدقاءنا ببنت الغفير الجميلة جداً وتقدم لوالدها لخطبتها.
رد والدها... نحن عبيد المصريين
إنتو عبيد مين؟
|
Post: #9
Title: Re: الله يغيظكم ياخ
Author: fadlabi
Date: 01-09-2007, 06:32 AM
Parent: #8
حيدر
هاهااااههههههاهاها
صحي والله
هسي نحن عبيد منو
|
Post: #7
Title: Re: الله يغيظكم ياخ
Author: fadlabi
Date: 01-09-2007, 06:03 AM
Parent: #1
عربي شنو يا بشاشة
أنا جعلي ساي
|
Post: #10
Title: Re: الله يغيظكم ياخ
Author: newbie
Date: 01-09-2007, 07:18 AM
Parent: #7
| Quote: YOU'RE BLACK FOR SURE MAN |
ناس حلا وحمار ,,, عارفين روحهم BLACK FOR SURE وناس لا حلا ولا حمار (بل نتبع ما ألفينا)
ما عارف ليه الناس يتنسى انو العرب كانوا شغالين في السودانيين تجارة لمئات السنين وبالقانون كمان ,, اي واحد فينا كان ممكن يكون في سقط لقط لو لحق القوافل الزمان ,, كان يكون هسه في اي صقع من اصقاع الارض وما عندو مشكلة انو هو شنو دي ,,
|
Post: #11
Title: Re: الله يغيظكم ياخ
Author: Mohamed E. Seliaman
Date: 01-09-2007, 07:26 AM
Parent: #10
الأخ فاضلابي تحياتي
Quote: أخوانا من الحبشة إثيوبيا و إرتريا طلع في الDNA
بتاعم ما يثبت إنو عندهم حبوبات و أجداد عرب
يلا لاحظوا معاي للحقيقة دي |
شكرا فاضلابي
بشاشا تاني ما تجيني بمروياتك اليهودية دي!!!!
| Quote: في أفريقيا كلها بلغاتها المحلية كلها بس الحبش لغتهم مكتوبة. |
هذا انتقال مريع من الاحتجاج العلمي الرصين بالDNA
إلى الجدل العقيم (شبه بشاشا)
|
Post: #12
Title: Re: الله يغيظكم ياخ
Author: تبارك شيخ الدين جبريل
Date: 01-09-2007, 09:48 AM
Parent: #11
الحبشية النقولة!
بتعرفى أمهرى زى نبيحك البالعربى دة؟
|
Post: #13
Title: Re: الله يغيظكم ياخ
Author: mulhim
Date: 01-09-2007, 10:20 AM
فاضلابى ...نهاراتك سعيدة
الله يغيظهم ياخ كمان..
دى تحية ليك..
والتانية..
| Quote: صاحبي وائل فاروق دكتور محترم |
اخيرا لقيت لينا صديق محترم(مشترك) عشان اقول انكـ صاحبى(صاحب صاحبك وكده)..
وائل راجل حبوب ..اتقابلنا فى برلين ..
تحياتى لية وليك ..
ودم فى سلام ..كان عربى ولا حاجة تانية..
|
Post: #15
Title: Re: الله يغيظكم ياخ
Author: fadlabi
Date: 01-09-2007, 10:57 AM
Parent: #13
ملهم
العربي ده ما فايتنه نحن
ومن الليلة أنا عرفت صاحبي في المنبر ده منو
وائل ذاتو صاحبك
المشكلة وائل ده بعرف الناس كلهم
زول زي دليل التلفون كده
|
Post: #14
Title: Re: الله يغيظكم ياخ
Author: fadlabi
Date: 01-09-2007, 10:52 AM
Parent: #11
محمد سليمان
نهارك سعيد
مكتوبة لي هسع
يعني أنا أمي حلفاوية
أهلها كلهم مافيهم واحد بعرف يكتب البتكلمو
و باقي اللغات الإفريقية المكتوبة حاليا غالبا يستعملون الست اللاتيني
أخوانا البتكلمو أمهري حروفهم حقتم براهم من زمان لاغيروها لي عرب ولا طليان
فهمت
|
Post: #16
Title: Re: الله يغيظكم ياخ
Author: fadlabi
Date: 01-09-2007, 11:07 AM
Parent: #10
عارف يا newbie
ديل ناس نتبع أي حاجة و خلاص بس المهم نتبع حاجة
من الإبتدائي واحد من الإلتزامات المفروضة عليك إنك تحدد هلالابي ولا مريخابي
ولاعبك المفضل كان مضى لنادي تاني تلعن أبوه
نفس الزول الكان أمبارح أحسن زول داك
الزول بعد فترة يكتشف إنو كان ما بشجع اللاعب
لكن بشجع الفنيلة
|
Post: #17
Title: Re: الله يغيظكم ياخ
Author: غباشي
Date: 04-05-2007, 07:16 PM
Parent: #1
فاضلابي ... البوست وقع في يدي و الشمار كتلني
عشان كدة قاعد تشكر في أولاد عمك الحبش
الله يغيظك
|
|