يا مدينة كل سنة و إنت طيبة

مدينة يا طفلتي و يحك من هذا العالم..
ستأتيك العزلة و الخوف و الشر و الخيارات سيسجنك الوقت مثلي و يأخذك في عربته الحصينة ستتألمين يا صغيرتي
سيخذلك صديق و يهجرك حبيب و ستبكين يا حبيبتي فأغفري لي
يوما ما يا مدينة سأتركك وحيدة و أموت فاغفري لي
يوما ما سأعجز عن طلب تطلبينه فاغفري لي
و سأرغمك على الدرس
سأراقب الساعة إذا تأخرت بصحبة أصدقائك و سنتناقش فيما لا تحبين فاغفري لي






مدينة يا حبيبتي عيناك فيهما سديم و أنجم حين تضحكين و وجهك أجمل من أجمل حبيباتي و صوتك حليب الأقمار و ماء الأعصاب حين تخضر

أصابعك الصغيرة حين أحملك و تخربشين ظهري
أصابعك يا مدينة تلمسني بعيدا جدا أبعد بكثير مما يمكنني وصفه
و بطنك الصغيرة تلك
سرتك أعلى الحفاضة
و أنفك الأفطس الذي يشبه أنفي
قدميك البضتين
اللااااااااااه يا بت الكلب!
آه لو تعرفين كيف أحبك قد لا أتمكن أبدا من الوصول لطريقة أتحايل فيها على الكلام ليحتمل و يخبرك
فاغفري لي
مدينة يا طفلتي
الآن عمرك سنة
فويحك من العالم
أنا من أحب والدتك فأنجبتك فاغفري لي
أنا الذي في بلدي يقتل الناس الناس فاغفري لي
أنا الذي لا أملك عصا سحرية أضرب بها النيل
فيحب الناس بعضهم البعض
و ينصلح الحال و تنمو مدارس و مصانع و أزهار
فاغفري لي




إغفري لي
ولا تهتمي يا مدينة
فالعالم جميل
و الحب إن صدقته جميل
و الناس إن وثقت بهم فهو إحساس جميل
صدقيني يا طفلتي
تعرفي?
مرة عرفت سيدة طاعنة في السن و مريضة جدا
كانت تتعاطى الدواء على طعمه الفظيع, هذا الدواء هو ما أطال حياتها إلى الآن لهذا لا تتأخر أبدا عن مواعيده..
عندما قالت لي ناصحة: هي الدنيا دي شنو ?والله مافيها شي!
صدقتها للحظة قصيرة
و لكنني عندما نظرت لصندوق الدواء على الطاولة الصغيرة
و لاحظت حرصها على تعاطيه
عرفت أنها تحب الدنيا


الدنيا سر يا مدينة
متعتها سر لا يباح به
و جمالها سر عليك أن تتعلميه و لن أستطيع تعليمك أياه
فاغفري لي

كل سنة و إنت طيبة
و عقبال ما أشوف أولادك و أحضر عيد ميلادهم

احب مدينة و ابو مدينه
ممكن ?
كل سنة و انتي طيبة
و ابوك زولا كلس بالحيل علا قلبو رهيف
بيذكرني بي روحي?
احتمال!
بحبك
---------
انتا تعال
ما عندكم برد

سعد تسلم
و محبتك عارفنها قبال تقولها










____________________
ما سمعت بالدفايات إنت?

فاضلابي
ربنا يخلي ليك مدينة و يخليك ليها ... و تشوفها تكبر قدامك يوم ورا يوم ... و يلحقوها أخوانها و أخواتها ... و يتمتعوا في عزك ... و تتمتع انت بنجاحهم واحد ورا التاني ... و تعرس ليهم و أول واحدة مدينة ... ومن هسع أنا حاجزة لي أنا زاتو يا ابو النسب .... أها قلت كيف؟

غباشي
آآآاااامين
خلاص من الليلة لو ناديتني فاضلابي ساكت بعوقك
عمي الفاضلابي إسمي كان داير البنية
مع إنو أولاد هندسة ديل ما قعد نضمنهم لكن ينظر و يفاد

يا مدينة يا مدينة،،
يا حبيييييييييييبة،،
سنة جرية،،
و مااااااشة
و ضاااااااااااااحكة،،
و عندك ستة سنون،،
و شعر حلو
عشان ما تطلع منك سرخة شافعة
بسرحوها،،
يا مدينة انا عمتك الما شفتك،،
و ما معروف كان اشوفك يوم،،
لكن يا بتي بحبك حب الله واحد،،
العبي و شخبتي و ارسمي و جلبطي،،
إتوسخي و دفقي الموية و العصير،،
و ابوك ده يغني ليك تبتباتنا،،
و ترقصي،، و نضميني يطول معاك،،

كبييييرة بتي تمت سنة،،

عيد ميلادك سعيد علي امك و ابوك،،
واعمامك و عماتك،، و صحبانهم و صحباتم،،
و كل البعرفوك منهم،،

فاضلابي،،بتكم بقت عروسة،،

عارفة يا سوميتة أنا مخلوع السنة دي مشت سريع خلاص
بعدين صحبتك طلعت أي كلام
لا إيميل لا ماسنجر
غايتو تغشوا الناس و تحندكوهم بالصحبة ويلا
بعدين عمتك دي شنو
أنا كنت ناوي أقول ليها دي قربت تكون أمك لو ما الجغرافيا

مدينة المحبة،،

دي رسمة بت حلوة سغيرووونة إسمها صفية،،
الرسمة دي يا مدينة انا بحبها شديد،،
برضو ما بعرفها وين ولا قدر شنو،،
و بعرف إني بحبها قدر شنو،،

رسمتها حلوة و بتشبه البنات،،
و إنتي معاها في الحلاوة و البراءة،،

مدينة لو تعرفي نحن بنحبك قدر شنو،،
بس عمرك كلو تتبسمي و تضحكي للحياة،،

و عندك عمك هنا ده معاي،،
قال ليك ما تقيفي جمب الهنود بسحروك علينا،،

صفية رسامة رسم
عليك الله شوف البيت ده حلو كيف
خلاص حفظنا الصورة و حنطبعها و نعلقها في أوضة مدينة
شكرا على الهدية

الفاضلابى ..

تنقش الشمس أولها على رؤوس المآذن أيها البهي ...
جئت هنا عابراً ..
فوجدتني متخلفا عن ضوء حضورك ...ومدينة
فلك الامتنان أولا ..
والاعتذار دائما أيها الشجي ..

دمت ودامت لك.. مدينة ، اعواماً سعيدة ورحلة عمر مديدة

يا قريبي
إنت ما قاعد في كروموسوماتها البت دي
ما من عندكم
شكرا جزيلا

بريد مدينة وابوها وحبوبتها وجدها الفريق وعمتها وراجل عمتها الدكتور واخوه بتاع الآى تى واى زول شاف مدينة العسل :



البت دى رسل جيب بخور من السودان بخرها يا فاضلابى . .

عزان صحبي

وهم بريدوك كمان

البخور في لكن كان قريت ليها معاك عشان تحصنها بكون ما بطال

عمي الفاضلابي

Quote: أولاد هندسة ديل ما قعد نضمنهم لكن ينظر و يفاد

اولاد هندسة ديل بيعشقوا الجمال ... عشان كدة ...خصوصا زي مدينة دي سوقها بيكون لامي ... عشان كدة انا ختيت طوبتي و قعدت ...(ممكن اضرب ليها تلفون... لحدي ما النتيجة تطلع)
ما شاء الله لا قوة إلا بالله ...ربنا يحفظها ليك ...

كل سنة ومدينة مدينة آمنة لماما وبابا

ربي يخليها ويحفظها وتعيش مية سنة

في سعادة وآمان

فاضلابي لو البنية ما مخطوبة بندور نخطبها لولدنا...

جدها الفاضلابي الكبير صديق لجدنا الكبير
وزيتنا في بيتنا...

اجمل ما يكتب هنا يكتب
عن الامهات والاطفال..
شكرا للامتاع

فاضلابي ما أجمل مدينتك

وما اجمل عوالم الحب التي عرفتها معها

كل سنة ومدينة بخير

وانت بخير

و إنت بخير يا سلمى

سلمى سلملم
شعرها ململم
دي بتعرفيها الغنية دي?

Quote: دي بتعرفيها الغنية دي?

مش دي البتقول جات تتصور طلعت شنو ما عارفة



بيان الولد دة صغير
خلي شوية ما تستعجلي تخطبي ليهو
( وش واحدة منشنة على الولد لي بتها اللسة ما جات )

بيان والله فكرة
أهو منها يجيبوا عيال معتدلين
لا طالحين زينا ولا صالحين زيكم
يا زولة أديناكم

غباشي
و يحفظك إنت كمان

كل سنة ومدينة وامها وابوها وكل حبانها بالف خير

يا بيان عاد ما بالغت
ولدك دا خطبتي ليه كم لحدي هسي
غايتو بتي وبت الفاضلابي ديل اتنين
ناقصنكم 2 تانين
لووووووووووول

الجندرية
بيان أتاريها لافة تخطب من طرف
والله ده كلام ده
غايتو أنا ما بتنازل ليك يا أماني
فتشي ليك عريس من هسي
نحن بتنا دربها مرق

.


ياخ مما جيتي حياتنا دي ، وانا نفسي أبوسك ...

.


مُش حرام ، السفْر ده ...

.

كُل سنة وإنتي طيبة ياحاجة ، السنة الجاية عروس


قُُلتي شنو ، في موضوع البوسة ده؟

قرمبوز

مدينة قالت ليك بوس أصلو كلكم بتسفو صعوط

كرهوتونا بالعادات السودانية البايخة دي

كل يوم ومدينة هانية وسعيدة..


ربي يخليها ليكم يا فاضلابي.. ويخليكم ليها لمن تشوفو عيال عيالها..





آنتي رجوية

فعلاً جميلة و فعلاً مدينة
ربنا يخليها ليك
ويخليك ليها وتكتب ليها كل سنه
كلام جميل يخفف عنها أعباء السنيين الجاية
نتمني ليها مستقبل مليان ندي
ووارف بالمحبة و السلام

عبد الباقي

ياخي كتر خيرك

و إن شاء الله تشوف كل خير في البتعزهم

رجاء

والله آنتي دي حلوة حلاة

سنة يا أنا

مدينة قاليك آنتتا في الBBC

ديني أنا ذاتو من البرستيج

Quote: جدها الفاضلابي الكبير صديق لجدنا الكبير وزيتنا في بيتنا

يا دكتورة اول حاجة سلامات
شنو إحنا ما واقفين في الصف من الصباح وللا الحكاية جابت ليها واسطات ؟
غايتو انا قريب من عمي الفاضلابي ولو دعت الضرورة بركب امشي أبكي ليهو في خشم بابو
لكي التحايا

Quote: بيان عاد ما بالغت ولدك دا خطبتي ليه كم لحدي هسي غايتو بتي وبت الفاضلابي ديل اتنين ناقصنكم 2 تانين لووووووووووول

انتى وابوها تقلتو خشمكم وما قلتو "خيرا"
انتظرناكم سنتين ..
لما زعلنا...
اسع لقينا قلبو مكسور كنا بتنا دي ابوها ما يابانا..
بالفعل رد وقتي شوفتي كيف..
لكن خلاص كمل اتنين فضل اتنين..(وش محروج لانه زروه)

Quote: غايتو انا قريب من عمي الفاضلابي ولو دعت الضرورة بركب امشي أبكي ليهو في خشم بابو

عمنا الفضلابي ابو مدينة؟
شوفتا يا عمك من تلد بت تبقى عمك طوالي...
يا غباشي بس كتر الفكة دي البتغلبنا بيها...البكا دا نحنا اسيادو..

يااااااااااه
ياخي دي انا بعتبرا ليك في أفلاطونية صريحة
المدينة الفاضلة


ربنا يعليها و يخليها ويغطيها و ينجيها ومحل ما دايرة يوديها
حلاااااااااتة التمبوشة!!!

حبيب نورة

آمين

تمبوشة ساكت هي

طلعت عيننا ذاتو

واحلالنا البت لبسوها التوب ومحشمة( حالة العريس اهلو ظلاميين)
خلاص يا فاضلابي الولد بيجيكم يشرب شاي المغرب
معاكم...
لما شوفتا صورتك اطمنت ولدنا اخدددددددددر
مدينة ما بتاباه...
وتاكد انه ما بجننها ولد ظريف وحنين ..
وكان درتو كمان تربو على يدكم
من دربنا دا نشيلو البلي ستيشن حقتو
ونرسلو ليكم..

غايتو حالة صعبة يا بيان
زمان في الحلة بكون دايما في بت أبوها كان في البحرية و عرس من يوغسلافيا
أها دي الدكان الجمب بيتهم بكون أكتر واحد شغال
و بكون إسمها في الحلة بت الروسية
أها نحن مع بت الإنجليزية دي إلا نشتري طبنجة
أيييييه
مسؤليات غايتو

غباشي

بيان أدتك ليها من الآخر

عليك بالشرتيت يا إبني

تسعد به عمك و بنتهوووو

Quote: خلاص يا فاضلابي الولد بيجيكم يشرب شاي المغرب

كان كدة أنا جايي عليك يا عمي الفاضلابي قبل ما ابو الشباب يصل وجايب معاي شاهيني

كل سنة وانت طيبة
يا بت الكلب

كل سنه وإنتي طيبه يا مدينة ،
إن شاء الله يجي يوم تعرفي تقري
فيهو العربي ويكون مازال لغة
حية ..

Quote: ياخ مما جيتي حياتنا دي ، وانا نفسي أبوسك ...

وأرجوك ما تاخدي بكلام عمك إبراهيم ده ،
بيقول كده لأي بت يلقاها

طلال

والله ده هم كبير خلاص

بتكلم معاها عربي طوالي

لكن أمها نضامة نضمي تتكلم اليوم كلو بالنرويجي

و هسي مدينة أول كلمات بتقولها بالنرويجي

غايتو ربك يهون

بعدين عمو قرمبوز ده هي عارفاها عشان كده يسرها إنها تكون أول واحدة تقول أيوة

خدوري صاحبنا الفنان شديد

بس دي الشفتها في الخرتمية سطر الفوق?

عالم بتاعت فرص!

مدينة العسولة

كل سنة وأنتي طيبة

وربنا يخليك لبابا وماما ويحفظك من كل شر

نهال

و إنت طيبة يا ستي

يخليكي للبحبوك إن شاء الله

من زمان دايرة لى معاك درب بركة يا فاضلابى الشفت جناك يا ود امى ، وحات ابوى البت سوميتا دى سباقة دايما للحاجات السمحة ، اول ما دخلت لقيتا مصنقرة ، ومشت خلتنى يا فاضلابى ، تعرف اول عيد ميلاد لعزة كان عميرى جاب ليها فستان وجزمة وما كانت بتعرفو ، لمن كبرت بقى كل سنه بجيب ليها فستان وجزمة وكان دايما بقول لى البت سلحيها علم، احسن سلاح ،ولمن كبرت بقت تقول فستان عميرى وجزمة عميرى،احى يا فاضلابى كان كنت قريبة وحات ابوى اجيك ، لكين العتب على الجغرافيا، كل سنه ومدينة بالف خير كل سنه انت طيب تعيش وتشوف وليدات مدينة، العافية غتاك والسمح معناك ، والدنيا مستورة معاك ودعتك لامين الوداعة يخليك ويديك الفى مرادك يا ابو مدينة العديل سلام

يا مدون
كل سنة وإنت طيبة


وأحلي..

ياسر

تسلم ياخي

و شايفك واقع مكاواة ساكت

نحن مش إتفقنا يا سيد

أستاذتنا الصحفية الكبيرة

سلمى

جوعتينا جوع بصينية الغدا
المفروض تراعو مشاعر الناس النسوانهم خواجيات
يا سلمى ياخي ولا تؤذه بقتار قدرك إلا أن تغرف له منها
بعدين عزة جابتو من بعيد?
ما منكم إنتو ديل
هسي زولة أمها صحبة عميري دي أنا أعملها لي مدينة كيف?
غايتو تدخلونا في حتات ضيقة ضيق
شكرا جزيلا على الأمنيات الحلوة دي
مدينة مبسوطة و مرسلة ليك بوسة كبيرة بي خشم شروم

مدينه حبيبه فاضلابي و حبيبه الكل

كل سنه و انتي طيبه و امك و ابوك معاك و كل الناس البحبوك و الحايحبوك

فاضلابي، مش بختها انكم بتحبوها؟

رحاب

مش بنحبها بس

كمان من هسي وريناها جلابة يعني شنو

الأخ فاضلابي ........كل عام وابنتك مدينة بالف خير


جعل الله قلبها مدينة عامرة بالحب والحنان


سلمى صبحي

سلمى صبحي

آمين يا رب

الخوف بعدين تطلع لينا نصها نمر و نصحها حنان

ولو زعلت تورينا ليهو

مدينة ..كل سنة وإنتي مع الزول الحيغلبك ده ..ومن أسي بطلب الغفران ..

كل سنة وإنتي حلوة
وحبيبة وجميلة كده..
كل سنة ..وقلبك نضيف ونقي
كل سنة ..وإنتي بتكبري وتكبر أحلامك ..وتحققيها ..

فاضلابي ..كل سنة وإنتو حلوين..

بعدين يا مدينة لو مع الحالة العالمية الإنتي فيها دي
طلعتي بتكتبي قصايد كولاج هيكون آخر حلاوه !
يعني قصيده بالعربي والنوبي والنرويجي والإنجليزي ..
والله فكره !


كل سنه وإنتي طيبه بالجد .

طلال..
هو الإحساس الجميل ده بتورّث مش ؟؟


خليكي جدعة يامدينة ..سيبي النخرة ..وشيلي الإحساس..

Quote: بيان الولد دة صغير خلي شوية ما تستعجلي تخطبي ليهو ( وش واحدة منشنة على الولد لي بتها اللسة ما جات )

سلمي تعالي اوسوسك عمو الفاضلابي ما يسمع..




لو جبتي اخوك لبتي بنخلي الولد يدي شاكوش لمدينة..

غايتو يا بيان بياعة بيع

و نحن نتجارى من أول أمس

لا خلينا شريط بليستيشن حايم لا خلينا عجلة

هسي دي ما حركات الظلاميين ذاااااتها

Quote: هسي دي ما حركات الظلاميين ذاااااتها

قرقرقر يا فاضلابي غايتو..
نرضى بكلامك دا لو استعفيت عن الشرتيت واديتنا مدينتك الفاضلة ساكت..
خاصة انه سلمى ما قدرت تجيب الاوفر حق البدل دا..
التحية لمدينة الحلوة
لازم تعمل ليها كمون ما يطقوها عين علينا..

فاضلابي ياصديقي ..كم جميلة هي ..ولكي تذداد جمالا علمها هذا النفس الحي
إسمَعوا أيُّها البَنونَ مَشورَةَ الأبِ،
وأصغوا لِتَكتَسِبوا الفِطنةَ.
2تعليمًا صالحًا أُعطيهِ لكُم،
فلا تُهمِلوا نصيحتي.
3كُنتُ اَبنًا صغيرًا لأبي
ووَلَدًا واحدًا لأُمِّي،
4كانَ يُرشِدُني فيقولُ:
«لِيَتَمسَّكْ قلبُكَ بِكلامي،
واَحفظْ وصايايَ فتَحيا.
5إقتَنِ الحِكمةَ واَقتنِ الفِطنةَ.
ولا تَنسَ ولا تَحِدْ عَنْ كلامي.
6لا تَترُكِ الحِكْمةَ فتحرُسَكَ.
أحِبَّها فهي التي تَنصُرُكَ.
7الحِكمةُ رأسُ الأشياءِ فاَقتَنِها،
واَقْتَنِ الفِطنَةَ بما ملَكَت يَداكَ.
8إنتَزِعْها فترفَعَكَ إلى العَلاءِ،
واَعتَنِقْها فهيَ التي تُمَجدُكَ.
9هيَ إكليلُ برَكَةٍ لِرَأسِكَ
وتاج مَجدٍ وُهِبَ لكَ».
10إسمعْ يا اَبني وتعَلَّمْ أقوالي،
فتطُولَ سِنُوّ حياتِكَ.
11أرَيتُكَ طريقَ الحِكمةِ
وهَديتُكَ سَواءَ السَّبيلِ،
12فتَمشي ولا تَضيقُ خطَواتُكَ،
وإذا أسرعتَ فلا تَعثُرُ.
13تمَسَّكْ بالمَشورَةِ ولا تُرْخها،
وحافظْ علَيها فإنَّها حياتُكَ ..............

..........

عندها ستكون جميله كجمال هذه العروس

من نشيد الانشاد ..

جميلةٌ أنتِ يا رفيقتي،
جميلةٌ أنتِ!
عيناكِ حمامتانِ
مِنْ وراءِ حِجابِكِ.
شَعرُكِ قطيعُ معَزٍ
نازل مِنْ جبَل جلعادَ.
2أسنانُكِ قطيعٌ مَجزوزٌ
طالِعٌ مِنَ الاغتِسالِ.
كُلُّ واحدٍ وتَوأمُهُ،
وما مِنْ واحدٍ مَفقودٍ.
3شَفَتاكِ سِلْكٌ مِنَ القِرمِزِ،
وكَلامُ فَمِكِ جميلٌ.
خدَّاكِ فَلْقَتا رُمَّانةٍ
مِنْ وراءِ حِجابِكِ.


وربنا يحفظكم ..
محب

يا طلال إنت من زمن الشعر

ما خلانا زمانك

هو عليك الله زول لا بمشي الفرنسي لا جوتة لا بقرا قصيدته لنجلاء و تعمل ليها سنسور و تقول ليهو كل عشرة

قصايد دي كويسة

الكاتب ليها شنو

غايتو مدينة إلا يعلمها جدها إبسن النرويجي

لكن نحن الفينا إتعرفت

تماضر

و كل سنة و إنتي أطيب

و مدينة لمن تكبر عاوزين نقريها ديوان عمتو خنساء

يلا شدي لينا حيلك

كل ثانية وهي طيبة

و إنت و أولادك يا وليد طيبين

Quote: بي خشم شروم

ونخره
عبد المجيد عفيفي

كولاج شنو يا طلال
دي بت (شيرنق) ساهت


مدينة والله كل سنة وانتي طيبة
انا بحبك حب لما كل يوم الصباح
بعاين ليك (حتت) ابدأ شغلي


ازيك يا ابوها
وسلامي لامها

مدينة المدينة
كل سنة وانتي اجمل مدينة

سفيان

مدينة فرحانة بعمها أب إضنين ده فرح شديد خلاص

و أمها قالت ليك

tusen takk
du er en mann som vi kan bare elsker

و مااااا بترجم ليك

مدينة
كل سنة وأنتي طيبة

وربنا يخليك لبابا وماما ويحفظك من كل شر

سارة

تسلمي يا طيبة

مدينة

.
.
كل سنة وأنتى مدينة الفاضلابى

فاضلابى
كلامك الزى وشك ده ما تقولوا
إن شاء الله تحضر احفادها,,وتربي معاها



.
.

الملك ود الملوك

إن شاء الله مدينة تلاقيك

و تصورها لينا

لامن تآمن بالتصوير

قول يامين

ربنا يحفظكم جميعا و يبارك في مدينة و يجعلها من المستورات النابهات...امين

مسعود

ويحفظك و يغطي عليك يا رب

ليلى -ست الطرحة- بتقول لـي مدينة -أم توب- كل سنة وإنتي طيبة.
___________________________

شايفة يا دكتورة بيان الطرحة والتوب ديل؟ الصورة دي عشان خاطرك واسمها لن تسقط الراية!

حلاتهم ربي يخليهن ويحفظهم ويجعلهن من المستورات البارات..

شكرا يا أحمد...

اجمل هدية دي..
حاعملها في الاسكرين حقت كمبوتري..

كل سنة ومدينة طيبة يا فاضلابي وعقبال مائة شمعة وتتربى فى عزك وعقبال ما تشوف أحفادها وأحفاد أحفادها وربنا يحفظها ويغطيها ويجعلها من بنات الوطن البارات كأبيها.

تقبل محبي وكل ودادي لك أيها الرجل النبيل

مشكلةالبيدخل البوست متأخر
انو بيلقى كل الكلام اتقال

ملاسي

إنت جيتك عيد ميلاد مدينة السايبري دي تاني محتاجة كلام

النذير

و الله شكرا على حسن ظنك بأبوها

لكن إن شاء الله ما تطلع زيي

تسلم يا ملك

ليلى لكن ما حلوة حلاة لا حولاااااااا

بتولدوهم كيف ديل يا أحمد?

كلمونا