Post: #1
Title: معرض جديد SANAA AFRICA
Author: fadlabi
Date: 04-08-2007, 05:16 PM
Parent: #0
الشهر السابق عرضت بعض الملونات في معرض جماعي ضم:
صمويل أولو من غانا
أدورو نوريس من نيجيريا
ماريان هايردال من النرويج
صمويل انقوما من تنزانيا
نومزي كامالو من جنوب أفريقيا
بروفيسور أولا ليسلارود من جنوب أفريقيا
واشنطون خوزيه من البرازيل
سامبا فال من السنغال
فيكتور متولوكيشا من زامبيا
كان الجو طيب و تزامن المعرض مع عيد إستقلال غانا الخمسين.. موضوعه كان الهجرة و العودة.. و قد تم تحت رعاية المتحف الثقافي العالمي بأوسلو.
|
Post: #2
Title: Re: معرض جديد SANAA AFRICA
Author: fadlabi
Date: 04-08-2007, 05:24 PM
Parent: #1
العمل الذي شاركت به
|
Post: #3
Title: Re: معرض جديد SANAA AFRICA
Author: Mamoun Ahmed
Date: 04-08-2007, 05:53 PM
Parent: #2
ياسلام عليك
شغل جميل
واعتقد انو كل واحد من الوجهين كان ممكن يكون
في لوحه منفصله!! يكفي
لانو التعبيز فيهم قوي
ياريت تعرض لينا المزيد
شكرا لكم وانتم ترفعون راسنا
في الزمن الخايب ده
|
Post: #6
Title: Re: معرض جديد SANAA AFRICA
Author: fadlabi
Date: 04-08-2007, 06:18 PM
Parent: #3
مأمون أحمد
شكرا يا سيدي و إن شاء الله أحاول أعرض ليك زيادة
شكرا كتير نحن ما بنكون بدون تشجيعكم و كلماتكم الطيبة
|
Post: #51
Title: Re: معرض جديد SANAA AFRICA
Author: مروان جمال الدين
Date: 04-30-2007, 11:49 PM
Parent: #2
Dear Fadlabi..(..) couldn't help but
convey my fondness of this colorful and story(ful)work..
Great regards..
and Medina ..allah yahfazza
salam,..
|
Post: #4
Title: Re: معرض جديد SANAA AFRICA
Author: Khalid Kodi
Date: 04-08-2007, 06:01 PM
Parent: #1
شكرا يافاضلابلى
المعرض كان وين ومتين وفى شنو ...الخ....
ساعدونا" بالانفو"
تهانينا وفى إنتظار المزيد؟
|
Post: #5
Title: Re: معرض جديد SANAA AFRICA
Author: fadlabi
Date: 04-08-2007, 06:14 PM
Parent: #1
خالد الفنان الجميل
المعرض كان في أوسلو..
كان مبادرة لتأسيس رابطة الفنانين الأفارقة بالنرويج
و على شرف عيد إستقلال غانا الخمسين..
هاك الرابط ده مع إنه بالنرويجي
http://www.kongoimagazine.no/displayarticle361.html
|
Post: #7
Title: Re: معرض جديد SANAA AFRICA
Author: وليد محمد المبارك
Date: 04-08-2007, 08:20 PM
Parent: #5
ولد ده
مشرفنا طوالي يا مان
|
Post: #8
Title: Re: معرض جديد SANAA AFRICA
Author: تبارك شيخ الدين جبريل
Date: 04-08-2007, 08:23 PM
Parent: #7
بت الشيريا دى ماعرفتها!
تبع المعرض؟
|
Post: #9
Title: Re: معرض جديد SANAA AFRICA
Author: وليد محمد المبارك
Date: 04-08-2007, 08:28 PM
Parent: #8
Quote: بت الشيريا دى ماعرفتها!
تبع المعرض؟ |
دي بت اسود يا بو شعر
سيدة نساء الهارت
راجع طبيب العيون
|
Post: #10
Title: Re: معرض جديد SANAA AFRICA
Author: عزان سعيد
Date: 04-08-2007, 08:30 PM
Parent: #8
فى يوم ما . .
ستجلس قبالة التلفزيون , مادا كرشك أمامك ,متلذذا بمذاق القهوة التى صنعتها إبنتك الكبرى , ماسحا عرقا وهميا من صلعتك , ناظرا لصورة فاضلابى فى تحقيق بمجلة , أو برنامج وثائقى فى قناة محترمة , قائلا بصوت فخيم فخور : ( أنا أعرف هذا الرجل العظيم , كان صاحبى ) !
أرجو أن لا تنسانا حينها يا صاحبى . .
|
Post: #15
Title: Re: معرض جديد SANAA AFRICA
Author: fadlabi
Date: 04-08-2007, 09:10 PM
Parent: #10
عزان
الخوف يكون ..
في يوم ما.. أجي عيادة الإستشاري عزان كنة, سايق ود مدينة بتي و مفلس و أحاول أحنكك حق الكشف ..
تقوم تمس العرق من صلعتك و تقول لي حفيدي :جدك ده من زمان تاعبنا..
|
Post: #14
Title: Re: معرض جديد SANAA AFRICA
Author: fadlabi
Date: 04-08-2007, 09:06 PM
Parent: #8
تبارك
منور يا فنان
يا بتاع المشاكل 
|
Post: #13
Title: Re: معرض جديد SANAA AFRICA
Author: fadlabi
Date: 04-08-2007, 09:04 PM
Parent: #7
شرف أكتر من صحبتكم يا وليد?
تسلم يا حبيبنا
|
Post: #11
Title: Re: معرض جديد SANAA AFRICA
Author: Mahmoud Mustafa Mahmoud
Date: 04-08-2007, 08:42 PM
Parent: #1
الفنان الأصيل فاضلابي
تحياتنا وإعجابنا الشديد... وكتَّر خيرك ...رفعت راسنا...
وفعلاً العمل أصيل ومليان جمال...
مزيداً من النجاحات يا رب..
بالمناسبة عندي بوست إتأرشف ليك زي الترتيب بسرعة البرق..عن تجربة الفنان الجميل أبو شريعة أحمد..
بالله إيدك معانا عشان يرجعوا لينا البوست دا...
بوست بدل فاقد عن تجربة الفنان التشكيلي أبوشريعة أحمد
تحياتي ومودتي الكثيرة...
أخوك المتابع المهتم
محمود
|
Post: #12
Title: Re: معرض جديد SANAA AFRICA
Author: تبارك شيخ الدين جبريل
Date: 04-08-2007, 08:56 PM
Parent: #11
انا كنت قاصد دى:
|
Post: #16
Title: Re: معرض جديد SANAA AFRICA
Author: وليد محمد المبارك
Date: 04-08-2007, 09:13 PM
Parent: #12
تكون طالبني واحده
________________
فاضلابي ياخ والله انا ما بفهم في الرسم بتاعكم ده
الكلام ده اظني قلته ليك قبل كده في اول معرض في الالماني الكلو سمك داك
لكن الوانك منسجمه مع شوفي
وثقتي فيك عالية
|
Post: #17
Title: Re: معرض جديد SANAA AFRICA
Author: fadlabi
Date: 04-08-2007, 09:15 PM
Parent: #11
محمود
أبو شريعة راجل فنان جدا لاقيته في ألمانيا أواخر 2002
موسيقي و تشكيلي و مبتسم دايما
هو من جيل رائد كنا ننظر له بإعجاب و الكثير من الطموح أن نحذو حذوهم
شكرا على توثيق تجربته فهو فنان بحق
|
Post: #19
Title: Re: معرض جديد SANAA AFRICA
Author: تبارك شيخ الدين جبريل
Date: 04-08-2007, 09:24 PM
Parent: #17
تكرم يافاضلابى
__________________
الحركة دة اسمها "كش الولد" يا وليد
ومعروف بت الشيريا ارجل من ود الأسود!
______________________________
استمتعنا بتجربة ابو شريعة للمرة التانية
وبعد دا حقو نبدا شغل بتاع نقد تشكيلى (لزوم مالايلزم!)
|
Post: #18
Title: Re: معرض جديد SANAA AFRICA
Author: fadlabi
Date: 04-08-2007, 09:20 PM
Parent: #1
وليد كفاية إنه أول كرت لأول معرض فردي عملته في مكتبك
تاني كده إنت طالبني ليوم القيامة
|
Post: #22
Title: Re: معرض جديد SANAA AFRICA
Author: عبدالله ميرغني
Date: 04-08-2007, 10:11 PM
Parent: #18
عزيزنا فاضلابي............تشكر على هذا الدفق الحار من الألوان ..والذي تنفثونه أنت وصحابك في تلك البلودات ....ملتزمين خطا يعرف بالهوية.....
دوما....يا صديق....
|
Post: #24
Title: Re: معرض جديد SANAA AFRICA
Author: fadlabi
Date: 04-08-2007, 10:27 PM
Parent: #22
عبدالله ميرغني
شكرا كتير
تسلم لينا و تشجعنا
دوما....يا صديق....
|
Post: #20
Title: Re: معرض جديد SANAA AFRICA
Author: غباشي
Date: 04-08-2007, 09:42 PM
Parent: #1
| Quote: مفلس و أحاول أحنكك حق الكشف |
كونوا انك حتكون مفلس دي مسلمين بيها لأنو الشخبطة بتاعتك دي ما بتأكل عيش ....الخوف ما تقوم تتهور و تعمل في روحك حاجة زي معلمك الكبير فان جوخ ...
لوحتك شديدة !
محبتي و إحترامي
|
Post: #21
Title: Re: معرض جديد SANAA AFRICA
Author: fadlabi
Date: 04-08-2007, 09:49 PM
Parent: #20
مسلمين بيها يا غباشي يعني
نسيبنا مهندس قدر الدنيا و نفلس
|
Post: #23
Title: Re: معرض جديد SANAA AFRICA
Author: غباشي
Date: 04-08-2007, 10:22 PM
Parent: #21
| Quote: نسيبنا مهندس قدر الدنيا |
كدة طمنتني يا عمي الفاضلابي ما تشيل مع الحنية هم
مبروك الـ Website و المحرية فيك أكبر
|
Post: #25
Title: Re: معرض جديد SANAA AFRICA
Author: fadlabi
Date: 04-08-2007, 10:30 PM
Parent: #23
يا مان السايت قديم و حاليا بديت أبني الجديد
خلال أسابيع قليلة نعلن عنه
شكرا كتير
|
Post: #26
Title: Re: معرض جديد SANAA AFRICA
Author: omar ali
Date: 04-09-2007, 03:22 AM
Parent: #1
| Quote: موضوعه كان الهجرة و العودة |
عرفنا الهجرة ولكن ما معني العودة؟؟!
اظن ان هذه الطائرة التي تعبر الي المستقبل
لن تعود الا خالية الي حيث الزمن قد تجمد منذ
دهور عام الفيل.
وشكرآ للفنان الكبير الذي يختبئ في هذه اللوحة
او قل يشرق في في هذه اللوحة..
|
Post: #27
Title: Re: معرض جديد SANAA AFRICA
Author: Mustafa Shogar
Date: 04-09-2007, 03:56 AM
Parent: #26
Fadlabi
Well done , keep up
|
Post: #29
Title: Re: معرض جديد SANAA AFRICA
Author: fadlabi
Date: 04-09-2007, 10:45 AM
Parent: #27
شوقار
ممتن جدا و سعيد بتشجيعك
|
Post: #28
Title: Re: معرض جديد SANAA AFRICA
Author: fadlabi
Date: 04-09-2007, 10:43 AM
Parent: #26
عمر علي الواعي الجميل
العودة هي الحلم فقط ربما... أخبرني صديق أن حلمنا هذا لن يتحقق أبدا إذ أننا إن عدنا سنتذكر المكان بعصف و لكن المكان قد لا يتذكرنا.. و لن نجد من عدنا لأجلهم..
|
Post: #30
Title: Re: معرض جديد SANAA AFRICA
Author: gessan
Date: 04-09-2007, 12:17 PM
Parent: #1
الفاضلابي ..محمد..ازيك ..
ومبروك يا زول معرضكم الجميل دا ..
ومبروك ليكم حركتكم ..وتجمعكم دا ..
والتحية لي كل البحاولوا في الفعل التشكيلي ..
وجيب باقي الشغل النشوف ..
الغريبة قبل ما ادخل البوست دا
كنتا بتفرج في صوركم بتاعت ورشة ألمانيا2002 ..
وكل المجموعة التي شاركت معكم ..
بما فيهم ابو شريعة الجات سيرتو هنا برضو ..
من السودان والسنغال ومصر واثيوبيا..
(ما تسالني جبتها من وين ..).
----------------
بعدين يا لذيذ
خليني في بوستك اسلم علي الأعزاء
الخطاط مامون احمد والتشكيلي خالد كودي
بعدين "عبد الله ميرغني" دا أظنو هو خالد عبد الله ميرغني ..
المعروف بي خالد كسلا ..النحات ..
زمنك انتا الفي الكلية يا فاضلابي الزول دا كان قاعد..
خالد كسلا سلامات كتيرة ..يا فنان..
فاضلابي ..
لي قدام يا زول ..
|
Post: #31
Title: Re: معرض جديد SANAA AFRICA
Author: عصام عبد الحفيظ
Date: 04-09-2007, 05:08 PM
Parent: #30
مدهش دائما فاضلابى
كنت محتاج اشوف معرض
مختلف وجديد
وكان
جديدا وملهم
ــــــــــــــــــــــــــ
مقاس لوحتك والالوان المستخدمة
مهم ان تكتب
وصورة عامة للمعرض
عشان نكون فى جو المعرض اكتر
ولا شنو يا فردة !!!
|
Post: #33
Title: Re: معرض جديد SANAA AFRICA
Author: fadlabi
Date: 04-09-2007, 06:22 PM
Parent: #31
عصام صاحبي
ما تتخيل مدهش دي بسطتني كيف
إنت زول شهادتك بتمنوها كتار لأنك واحد من بسيطين بعرفوا
و الله على ما أقول شهيد
الرسمة في الحقيقة قديمة من معرضي الكان إسمو (لجوء)
مقاسها 150x200cm
و هي أكريلك على كنفس
و إسمها لجوء2
|
Post: #32
Title: Re: معرض جديد SANAA AFRICA
Author: fadlabi
Date: 04-09-2007, 06:14 PM
Parent: #30
قيسان الفنان
يا زول أصلو ما بخليك إلا توريني جبت الصور من وين
بعدين معاك بسلم على الشباب الفنان كلو
و ربنا يلمنا في معارض بعض
و مشكور على التشجيع
و نحنا ماشين بدفرتكم يا قيسان
|
Post: #34
Title: Re: معرض جديد SANAA AFRICA
Author: عبدالله ميرغني
Date: 04-09-2007, 07:28 PM
Parent: #32
الأخ قيسان......سلامات ياأخي.
ونشكر المعارض وبوستات وأخبار المعارض للم القبيلة...فنحن قبلكم بقليل ( بالضبط دفعة ناس أبوشريعة)...ولكني غادرت الكلية بعد أشهر من دخولي. مباشرة إلى المغرب حيث تخرجت من المعهد الوطني للفنون الجميلة, بمدينة تطوان..... ومن المغرب إلى بريطانياإلى يومنا......والنحات خالد ميرغني شخصية أخرى ولكني لا أعرف أين هو الأن؟
تحياتي لكم جميعا.....وشكرا لك وللإخ فاضلابي...........
|
Post: #35
Title: Re: معرض جديد SANAA AFRICA
Author: nourelhadi awad
Date: 04-09-2007, 10:06 PM
Parent: #1
فاضلابي إزيك
ياخ دا شغل سمح
شكرا جدا للمتعة
نورالهادي
|
Post: #36
Title: Re: معرض جديد SANAA AFRICA
Author: حليمة محمد عبد الرحمن
Date: 04-09-2007, 10:24 PM
Parent: #35
فاضلابي الرائع..
الله يديك العافية..وانشاء تبقي لينا هناك حبة رشاد وتملأ البلاد..
قول آمين..
رفعت راسنا فوق..
الواحد لما شاف الجلاليب والعمم، شعر بروحو انسربت في مسارب الجوف وبقيتو كلي
ودق سدره وانتفخت عنقرته وصاح: ديل اهلي ..
والباقي ما محتاجة تمومة..
بس اقول زي ما حبوبتي مدينة (وهذا هو اسمها) عليها الرحمة، الليلة شفت طير بلدي زي احمد ولدي..
لك التحية والتجلة..
تخريمة اولي..
انا ما بفهم في الالوان والخطوط.. لكن والله الوش البلا رقبة دا خلاني واقعة في (حوش) جنوب افريقيا عديييل..!
فيه شقاوة وعرفتة وعمق وبساطة ما عادية.. ما بعرف ليه.. من شفتو قلبي قال شححححححححح..!
غايتو ما بعرف لكن مغنطيس قلبي المولي جعلو معاهو (مع الوش)..
تخريمة تانية: البوست ادناه بوست تكميلي عن الراحل المقيم الفنان جحا.. سمع الرجل الذي زودني بمقالة طويلة وستة من البورتريهات النادرة لشخصيات سياسية وعامة رسمها جحا..اقوم بنشرها بالتتابع..
علاء الدين الجزولي يكتب عن (جحا)على حقيقته...!!! بوست تكميلي
زوروه لتتأكدوا ان الرجل الذي غيبه الموت، كان عظيما، شق طريقه بقوة رغم اميته و مجاهل السودان..
لاتنسوا..
مودتي .
حليمة
|
Post: #42
Title: Re: معرض جديد SANAA AFRICA
Author: fadlabi
Date: 04-10-2007, 07:47 PM
Parent: #36
حليمة
و بعد
الزولة العاجباك دي جنوب أفريقية جميلة و سمراء
و هي فنانة جيدة عرضت لوحتين إضافيتن باسم (تحرير)
و كلامك فرحني شديد خلاص و الله الزي كلامك ده
هو البخلي الواحد يرسم و يلون و يحس بإنه بعمل في حاجة كويسة و صاح..
شكرا يا طيبة
و يخليك لينا يا رب
|
Post: #43
Title: Re: معرض جديد SANAA AFRICA
Author: fadlabi
Date: 04-10-2007, 07:50 PM
Parent: #35
نورالهادي
تكرم و الله يقدرنا على عمل ما يرقى لأذواقكم الراقية دايما
|
Post: #37
Title: Re: معرض جديد SANAA AFRICA
Author: نهال كرار
Date: 04-09-2007, 10:32 PM
Parent: #1
فنان يا فاضلابي
فنان بحق وشغلك مدهش
|
Post: #38
Title: Re: معرض جديد SANAA AFRICA
Author: Mohamed E. Seliaman
Date: 04-10-2007, 08:03 AM
Parent: #37
فاضلابي تحية :
تداخلت معي وكتبت لي :
Quote: عدو نفسه دونكيشوت المنبر الحبشي.
فرحان شديد بنبذ القس لأخوانه في العقيدة?
عارف إنه ده أقرب زول ليك ..
الزول ده زيك بالضبط قايل روحه ماسك مفاتيح الجنة و إنه هو الوحيد الصاح.
................
شبهينا و إتلاقينا! |
وقد أسأت إلي بلا سبب !!!
لم تكن الأولى فقد بادرت قبل ذلك
بوصفي بالمريض نفسيا !!
والآن افتريت علي مجموعة من الفرى :
و و | Quote: فرحان شديد بنبذ القس لأخوانه في العقيدة |
وأن القس أقرب زول لي !!
وأنه مثلي بالضبط وأني قايل روحي ماسك مفاتيح الجنة
وأني قايل روحي الوحيد الصاح !!!
وبما أنك تعرفني فقط من كتابتي
فإني أطالبك بإثبات كل واحدة من هذه الفرى
وإلا فعليك بالاعتذار الصريح عنها (واحدة واحدة )
والتعهد الكامل بعدم العودة
وإلا فيحق لي الرد عليك بما يناسبك
http://سياسة البوست الواحد
___________________
الجاهل العاطل :فاضلابي
طلبت منك إثبات ما تقوله عني
وأراك تهرب كما هربت من قبل
كما سأبين لك بالكوتات من أرشيفك
وسأفضخ متاجرتك وجهلك السابغ
وممارساتك القذرة
وردك الأخير هذا الذي أخذته من هنا:
الخرطــوم خمــر شــديدة الإســـكار وفتيات يرتدين الـــدروع في شوارعهاكالببغاء لا يصلح !!!
إذ أنك رميتني بنعوت واضاحة المعاني والدلالات
وإني مطالبك بالإثبات أو الاعتذار
وإلا فتحمل تبعات ذلك
|
Post: #39
Title: Re: معرض جديد SANAA AFRICA
Author: fadlabi
Date: 04-10-2007, 02:22 PM
Parent: #38
Mohamed E. Seliaman
Quote: لو كنت تعلم ما أقول عذرتني *** أو كنت تعلم ما تقول عذلتك
لكن جهلت مقالتي فعذلتني *** وعلمت أنك جاهلٌ فعذرتك |
|
Post: #40
Title: Re: معرض جديد SANAA AFRICA
Author: Mohamed E. Seliaman
Date: 04-10-2007, 02:57 PM
Parent: #39
في الوقت الكنت تمجد في بشاشا
وكايس ليك رواج بتبني المشاترات
التي وصلت وصفك لكتابة الناس هنا بــ
بسبب بوست المكاشفي عن الختان في وقت كان قدوتك بشاشا
يملأ المنبلا تهريجا وتمجيدا للطهورة الفرعونية
وعندما قمت بتعريتك
لجأت إلى الكذب فقلت:
| Quote: لم تقع عيني على هذا البوست |
يا راجل قول كلام غير ده!!!
كلام بشاشا أنا جبتو ليك لحدي عندك
في خيطك الاتحدثت فيه عن إعجابك ببشاشا وجني
بعد مداخلتي أنت طوالي كبيت الزوغة يا متناقض
راجع تواريخ المداخلات !!
ده غير إنو كلام بشاشا اتعلمت فيه
3 بوستات إضافة لبوست جعفر بشير
يا جماعة بطلوا متاجرة رخيصة بقضايا المرأة
وانتهازية تصديكم لنصرتها مفضوحة !!!
وبطلوا حديث عن الفن وعن الجمال والقيم
Re: فتح باب التطوع للطهــورة الفرعونية تجسيدا للتســامي الروحي كالصلاة
__________________________
عنك فرصة تثبت مزاعمك أو تعتذر
نقابلك بكرة إن شاء الله
|
Post: #44
Title: Re: معرض جديد SANAA AFRICA
Author: fadlabi
Date: 04-10-2007, 07:51 PM
Parent: #37
تسلمي يا نهال
شكرا جزيلا
|
Post: #41
Title: Re: معرض جديد SANAA AFRICA
Author: REEL
Date: 04-10-2007, 07:26 PM
Parent: #1
fadlabi
تستهويني الالوان
وتشكل لي الكثير ... ولكني بعيدة عن هذا الفن أكاديميا
أنقل فقط هنا ما حملته لوحتك من إحساس إليا
ألوانك دافئة ..مليئة و سودانية
ريشتك
تحكي عنا
عن غربتنا
عن إنسان سوداني يلبس جلبابه الواسع سعة طيبته
وقلبه
وحلمه
فقط كن قريب كما أنت للطين
تكن لك ريشتك
وطنا ضاجا
وللأمام
|
Post: #45
Title: Re: معرض جديد SANAA AFRICA
Author: fadlabi
Date: 04-10-2007, 07:57 PM
Parent: #41
ريل
الفنان وحده معني بالأكاديمي
و الأكاديمي وسيلة لنيل رضى المتلقي
و تجويد العمل ليستمتع المتلقي
لست بحاجة سوى لعينين و قلب صاحي زي قلبك
و بدون هذا المتلقي فرسمي ميت و وحيد
شكرا على الحضور فقد منح لوحتي حياة
|
Post: #47
Title: Re: معرض جديد SANAA AFRICA
Author: ibrahim kojan
Date: 04-11-2007, 01:54 PM
Parent: #45
الفنان وحده معني بالأكاديمي
()و الأكاديمي وسيلة لنيل رضى المتلقي
و تجويد العمل ليستمتع المتلقي
لست بحاجة سوى لعينين و قلب صاحي زي قلبك
و بدون هذا المتلقي فرسمي ميت و وحيد
شكرا على الحضور فقد منح لوحتي حياة)
الجميل فاضلابي... عجبني هذا الراي تماما. اعرفك من خلال هذا المنبر ومن خلال مداخلات طلال عفيفي
سالتقيك كثيرا الي ان يبين بيننا القمر ويتصاعد البخور الافريقي
ابراهيم كوجان
|
Post: #46
Title: Re: معرض جديد SANAA AFRICA
Author: gessan
Date: 04-11-2007, 08:41 AM
Parent: #1
سلام اخونا عبد الله ميرغني ..
ومرحبيك يا صديق الألوان..
وعذراً إن خلطت بينك وبين خالد كسلا ..
إذا ابو شريعة دفعتكم ..معناها دفعتكم إتخرجت في نفس سنة دخولنا ..
ألف مرحبيك مرة اخرى ..والتحية لخالد كسلا ..
-----------------------
فاضلابي ..ازيك تاني ..
إنتا ناسي إنو "مرتي" أماني إبداع كانت مشتركة معاكم في ورشة ألمانيا؟؟ 
بتغريك سلاما الكتير..
|
Post: #48
Title: Re: معرض جديد SANAA AFRICA
Author: Ibrahim Algrefwi
Date: 04-11-2007, 05:42 PM
Parent: #1
الزول العمل العملية دي ، فنان فنن شديد ...
هو راسمها في شنو وبشنو وقدر شنو ومتين وعندها إسم ولا ماعندها؟صاحبو لينا يامحمد بلاي.
|
Post: #49
Title: Re: معرض جديد SANAA AFRICA
Author: تراث
Date: 04-12-2007, 00:31 AM
Parent: #48
بديع جداً.. لماذا لا تعرض لنا هنا المزيد من اعمالك المدهشة هذه؟
|
Post: #50
Title: Re: معرض جديد SANAA AFRICA
Author: Ibrahim Algrefwi
Date: 04-30-2007, 09:43 PM
Parent: #1
والله ده زول عنده وجهة نظر مجنونة وحزنانة خلاص !
أسه دي ما إسمها الصفارة ليه؟
|
Post: #52
Title: Re: معرض جديد SANAA AFRICA
Author: شهاب الفاتح عثمان
Date: 05-01-2007, 00:55 AM
Parent: #50
مشارتك متميزه و معرض لافت للنظر شكرا لك
|
|