هذه ليلتي...وحلم حياتي!

هذه ليلتي...وحلم حياتي!


28-02-2004, 07:43 PM


  » http://sudaneseonline.com/cgi-bin/sdb/2bb.cgi?seq=msg&board=272&msg=1185362279&rn=0


Post: #1
Title: هذه ليلتي...وحلم حياتي!
Author: Ahmed Alrayah
Date: 28-02-2004, 07:43 PM

هذه ليلتي وحلم حياتي ، بين ماض من الزمـان وآت
الهوى أنت كله والأماني، فاملأ الكأس بالغرام وهات
هذا مطلع أغنية أم كلثوم الشهيرة (هذه ليلتي) التي نظمها شعرا اللبناني جورج جرداق وصاغها لحنا عبقريّا موسيقار مصر محمد عبد الوهاب، وإن كانت صحافة مصر قد وصفت لقاء سيدة الغناء العربي وموسيقاره بلقاء السحاب في (أنت عمري)، فإنّي أصف لقائي و"حلم حياتي" في ليلتي تلك بلقاء الأحباب...! هذا على الرغم من أنه لم يزل لقاءا على ورق المأذون !
هذه ليلتي وحلم حياتي...
رافقتني هذه الأغنية وأنا أقود عربتي بلا هدف في طرقات بيوريا، لا رفيق لي إلا بشير السعد هاتفي المحمول مترقّبا خبر إكمال مراسم عقد قراني بالسودان، وقفت بلا قصد أمام مقصف أرتاده حينا بعد حين تفاؤلا بلونه الأزرق الهادئ ، نظرت لهاتفي وكأنّي أستعطفه أن يرنّ، حدق فيّ بلا وجه فتعثّرت نظراتي بلا ساق! دخلت المقصف وتناولتني النادلة بأدب قصده درّ سخائي وما كنت لأبخل عليها في يوم أكرمني الله فيه بحلم حياتي! جاءتني بما طلبت، شكرتها وأنا اختلس النظر لهاتفي علّ عيناي تسمع ما لم تسمعه أذناي! انقضت ساعة تثاقلت خطى دقائقها،
هاتفت محمّدا أخي بلندن فقد يكون عنده الخبر اليقين، بادرني بالمباركة فعاجلته: "ضربو ليك ناس السودان؟" قال: "لا، لسه"، قلت بصوت واهن: "بضرب ليك بعد شويّة"، عبثا حاول إبقائي ، طلبت من النادلة تدفئة الطعام فقد انتقل له البرد الذي اعتراني...
وإذ ذاك رنّ هاتفي، اختطفته وكدت أرد عليه بعجلة، لكن رباطة جأش داهمتني على غير موعد: "يا ابوحميد أثبت، ما تورّي ناس السودان إنك شفقان...أوّل زول يعقد يعني؟"... لكن مهاتفي كان صديقي محمد الشيخ من شيكاغو! ده وكتو يا ودّ الشيخ!!! سألني عن أشياء لم أفهمها لانشغالي فأجبته بما لم يفهم لانشغاله بانشغالي !.
لم ينقض وقت طويل حتى رن الهاتف مرة أخرى..."دي مكالمة من بره...رباطة جأش بتاعة شنو"..."ألو السلام عليكم"...وكان على الشاطئ الآخر عمّي خوجلي من السودان: "مبروك يا أحمد يا ولدي ، نحنا خلاص عقـ...."
..........................
موضوع العرس ده فعلا مكلّف شديد ... أنا من اللخمة أدّيت الجرسونة بقشيش ونسيت باقي القروش عند الكاشير!!



أحمد الريح

Post: #2
Title: Re: هذه ليلتي...وحلم حياتي!
Author: ASAAD IBRAHIM
Date: 28-02-2004, 07:50 PM
Parent: #1

الاخ الكريم احمد الريح

كل التبريكات والامنيات الطيبة لك بدوام السعادة

الف مبروك لاكمالك نصف دينك زربنا يجعلو فاتحة خير عليك

الف الف مبروك وبالرفاء والبنين

بس ابقي مستعجل للعودة

ولك ودي وتقديري

Post: #4
Title: Re: هذه ليلتي...وحلم حياتي!
Author: Ahmed Alrayah
Date: 28-02-2004, 07:56 PM
Parent: #2

شكرا جزيلا ياأسعد
لك ودي وتقديري
أحمد

Post: #3
Title: Re: هذه ليلتي...وحلم حياتي!
Author: omar ali
Date: 28-02-2004, 07:54 PM
Parent: #1

بالرفاء والبنين..ادام الله سعادتكما..ومبروك

Post: #5
Title: Re: هذه ليلتي...وحلم حياتي!
Author: Rakoba
Date: 28-02-2004, 07:59 PM
Parent: #3

العزيز أحمد
ألف ألف مبروك ، وربنا يتمم على خير، وبيت مال وعيال، وإنشاء الله نحضر معاك الفرحة الكبيرة في السودان، وده خبر سعيد جدا.
مبروك تاني

Post: #7
Title: Re: هذه ليلتي...وحلم حياتي!
Author: smart_ana2001
Date: 28-02-2004, 08:05 PM
Parent: #3

الف الف مبروك
و ربنا يتمم ليك على خير
خلى بالك منها و ختها فى عيونك

Post: #6
Title: Re: هذه ليلتي...وحلم حياتي!
Author: ali othman
Date: 28-02-2004, 08:04 PM
Parent: #1

تزدان لياليك بالفرح والأمنيات لبقية الإخوة /ت

Post: #8
Title: Re: هذه ليلتي...وحلم حياتي!
Author: Ahmed Alrayah
Date: 28-02-2004, 08:10 PM
Parent: #6

شكرا: عمر علي، راكوبة، سمارت أنا، على عثمان.
لكم ودّي وتقديري
أحمد الريّح

Post: #9
Title: Re: هذه ليلتي...وحلم حياتي!
Author: Hussein Mallasi
Date: 28-02-2004, 09:10 PM
Parent: #8

الف مبروك يا احمد و ان شاء الله بيت مال و عيال و ربنا يوفقكم

Post: #10
Title: Re: هذه ليلتي...وحلم حياتي!
Author: Ahmed Alrayah
Date: 28-02-2004, 09:20 PM
Parent: #9

مشكور يا حسين ملاسي
لك ودي واحترامي
أحمد الريّح

Post: #11
Title: Re: هذه ليلتي...وحلم حياتي!
Author: bint_alahfad
Date: 28-02-2004, 10:21 PM
Parent: #1

اخى الكريم احمد

الف الف مبروك والله تستاهل كل خير, الله يحفظكم لبعض ويتتم ليكم على خير , ويرزقكم بالزريه الصالحه , ويجعلهم من حمله لواء الاسلام

والله فرحنا ليك شديد فأنت انسان نحسبه على خلق ودين ولا نزكى على الله احدا

وصيتى ليتك تقبلها من اختك, ضعها فى حدقات عيونك



وفى امان الله

لا اله الا الله

Post: #12
Title: Re: هذه ليلتي...وحلم حياتي!
Author: Ahmed Alrayah
Date: 28-02-2004, 10:24 PM
Parent: #11

شكرا جزيلا يا بنت الأحفاد
وصيتك على العين والراس
أحمد

Post: #13
Title: Re: هذه ليلتي...وحلم حياتي!
Author: Muhib
Date: 28-02-2004, 10:27 PM
Parent: #12

واللة دي اول مرة اري البوست ..100000 مبروك وبارك الله لك فيها وبوركت انت لها ..ولي قدام ..

Post: #14
Title: Re: هذه ليلتي...وحلم حياتي!
Author: Ahmed Alrayah
Date: 28-02-2004, 10:32 PM
Parent: #13

شكرا ليك يا محب
شكرا لكل شيء
أحمد

Post: #15
Title: Re: هذه ليلتي...وحلم حياتي!
Author: bayan
Date: 28-02-2004, 11:21 PM
Parent: #14

مبروك يا احمد ولدى ربنا يتم على خير
شوفتا بعد كدا انضميت لركب الناس المحترمة لو حلفتا بالطلاق لازم يتعزى..

وصيتى كن انت ودعها تكون هى
بدون محاولات احداث تغيرات
ورنا يوفقك دنيا وآخرة

Post: #16
Title: Re: هذه ليلتي...وحلم حياتي!
Author: ملكة سبأ
Date: 28-02-2004, 11:51 PM
Parent: #15

الف مبروك
بارك الله لكما وعليكما وجمع بينكما على خير

Post: #17
Title: Re: هذه ليلتي...وحلم حياتي!
Author: yumna guta
Date: 29-02-2004, 01:49 AM
Parent: #16

الاخ احمد...التحيات الطيبات

الف مبروك و انشاء الله بيت مال و عيال



قلت لى كنت حايم فى شوارع بيوريا؟؟؟
يا ربى ياها شوارع بيوريا الانا حايمة فيها كل يوم دى و لا حاجة تانية؟؟؟

Post: #18
Title: Re: هذه ليلتي...وحلم حياتي!
Author: د.كرار التهامي
Date: 29-02-2004, 02:11 AM
Parent: #14

الاخ احمد
تحية طيبة ومبروك عبور جسر القلق وتحقيق الجزء الاول من هذا الحلم الطويل الاجل والذى ستعقبه اجزاء كثيرة حتى تكتمل الدائرة ويختلط طعم الحياة الزاكى بطعم المصاعب والاحلام، على فكرة هذا البوست من الحكمة الايراه الطرف الاخر لانه سيكون حجة عليك فى يوم من الايام..لقد ابنت جوانحك دون مواربة كما فعل جبران خليل جبران حين قال فى مقدمة كتابه رمل وزبد"بين جانحتى كل رجل وامرأة قليل من الرمل وقليل من الزبد وانا لااستحى ان ابين ما بين جوانحى اذا استحى الاخرون" وعموما (البحر من قومته والعريس من حومته) والعريس دائما يعز عليه الثبات خاصة اذا كان مبسوطاكما انبسطت انت من قولة تيت ...تمنياتنا لك بزيجة مباركة وموفقة..............و

Post: #19
Title: Re: هذه ليلتي...وحلم حياتي!
Author: الطيب بشير
Date: 29-02-2004, 02:51 AM
Parent: #1

العزيز أحمد العريس
دع عنك التهاني و الأماني
و نظرات العزابة المتمنية
و تحديقات المتزوجين المتسائلة
خلينا نخش في الموضووووع
يااااه
يا أحمد
أكبر إنجاز
على الإطلاق, أي و الله
و اليوم يجب عليك الإكثار من السجود شكرآ وحمدآ على نعمة أسأل الله المنعم أن يتمها.
إنت تخرجت من الهندسة في بيوريا و هذا إنجاز كبير
و عرفت الكثير من الناس و هذه حسنة
ممكن يكون عندك قروش و دي وسيلة هامة
لكن الجماعة العقدوا ليك الليلة ديل أضافوا لحياتك أكبر إنجاز بل لا يمكن حتى مقارنته بالفرحات العابرة بالعمر.
لقد كان هذا رأيي يوم تزوجت {قبل ستة سنة و نص} و لا زال حماسي لفكرة العرس كبيرآ و أنصح به كل متردد برغم أني أخوض مع الخائضين حين يلعنون الزواج مزاحآ و نكتة لكن و الأمر جد لا أملك إلا الصدق وأنا أسأل الله لك السداد و أمد يدي ختامآ بالتهنئة الحارة جدآ و تمنيات بحياة متجددة السعادة.

Post: #20
Title: Re: هذه ليلتي...وحلم حياتي!
Author: zumrawi
Date: 29-02-2004, 03:11 AM
Parent: #1

ابوحميد
الف الف مبروك وبيت مال وعيال انشاء الله

Post: #21
Title: Re: هذه ليلتي...وحلم حياتي!
Author: Ahmed Alrayah
Date: 29-02-2004, 06:17 AM
Parent: #20

شكرا للجميع: دكتورة بيان، ملكة سبأ، يمنى، د.كرار التهامي،الطيب بشير، زمرواي
ولكم ودّي واحترامي

Post: #22
Title: Re: هذه ليلتي...وحلم حياتي!
Author: abas
Date: 29-02-2004, 06:42 AM
Parent: #1

الاخ احمد الف مبرووووووووك وانشاء الله بيت مال وعيال

وربنا يجمعكم في حياة سعيدة ويرزقكم بالمال والعيال

Post: #23
Title: Re: هذه ليلتي...وحلم حياتي!
Author: Tumadir
Date: 29-02-2004, 07:32 AM
Parent: #22

الف مبروك..


وتمنياتى الحاره.لكما بالسعادة والمال والعيال..

اتاريك خليت البورد كلو يصلى معاك على النبى..والعرس فاضل ليه اسبوع؟؟


ربنا يسعدكم..

Post: #24
Title: Re: هذه ليلتي...وحلم حياتي!
Author: Ahmed Alrayah
Date: 29-02-2004, 08:00 AM
Parent: #23

شكرا جزيلا أخي الكريم عباس وأختي الكريمة تماضر
لكما منّي التقدير والمودّة
أحمد الريّح

Post: #25
Title: Re: هذه ليلتي...وحلم حياتي!
Author: ودقاسم
Date: 29-02-2004, 08:14 AM
Parent: #24

ألف مبارك عليك أخي أحمد الريح ، بيت مال وعيال ،،
تعرف يا أحمد أنا كنت متخيلك زول كبير زينا كده ، وعندك دقشة وليدات ، لكن والله ما كنت متصورك لسة لا ضقت ولا شفت ، وطلعت قدر وليداتي ، بس خلاص من الليلة ورايح حا أتعامل معاك على أساس إنك ابني .
ربنا يديك العافية يا ابني ويجعلك زيجتك مباركة ،،
وهمسة :
هل لك علاقة بالعركيين ؟

Post: #26
Title: Re: هذه ليلتي...وحلم حياتي!
Author: Ahmed Alrayah
Date: 29-02-2004, 08:25 AM
Parent: #25

شكرا جزيلا يا ودقاسم
سألتني عن علاقتي بالعركيّين؟
أنا أنتمي إليهم!
لك منّي التقدير والاحترام

Post: #27
Title: Re: هذه ليلتي...وحلم حياتي!
Author: Yaho_Zato
Date: 29-02-2004, 08:42 AM
Parent: #26

ألف مبروك يا أحمد .. و نتمنى لك كل ما هو جميل منذ هذه الليلة .. و لباقي حياتك

Post: #28
Title: Re: هذه ليلتي...وحلم حياتي!
Author: ابو جهينة
Date: 29-02-2004, 08:49 AM
Parent: #27

الأخ أحمد
تحياتي المقرونة بالتباريك و التهنئة لعقد قرانكم الميمون
و مبروك عليك ليلتك و حلم حياتك و ربنا يسعدكم
و بالرفاء و البنين

Post: #29
Title: Re: هذه ليلتي...وحلم حياتي!
Author: Emad Batran
Date: 29-02-2004, 08:57 AM
Parent: #1

العريييييس ...
ابو حميد ...( حتي نهاية هذا العام )...
علي الاقل .. وبعدها ...
اختار من روائع الاسماء بنفس رهافة النفس ورقة الزوق في ايصال الخبر السمح دا ..
لقد انطربنا في ليلتك هذه بفرحك المرتبك الجميل ( وكدي ارجع اسمع الست تاني ) نحن نفرح معك جدا رغم .رغم البعاد..وبالمناسبة قلت بيوريا? ها عريس ها دا انتا قريب تب ...

Post: #30
Title: Re: هذه ليلتي...وحلم حياتي!
Author: Ahmed Alrayah
Date: 29-02-2004, 04:46 PM
Parent: #29

شكرا جزيلا: ياهو زاتو، أبو جهينة وعماد بطران
لكم ودّي واحترامي
أحمد

Post: #31
Title: Re: هذه ليلتي...وحلم حياتي!
Author: اساسي
Date: 29-02-2004, 04:55 PM
Parent: #30

الاخ العريس احمد الريح
اولا الف مبروك وان شاء الله بالرفا والبنين
ونتمني من الله ان يبارك لكما في زواجكما ويرزقكما الزرية الصالحة

Post: #32
Title: Re: هذه ليلتي...وحلم حياتي!
Author: Ahmed Alrayah
Date: 29-02-2004, 04:57 PM
Parent: #31

شكرا يا أساسي
لك ودّي واحترامي
أحمد الريّح

Post: #33
Title: Re: هذه ليلتي...وحلم حياتي!
Author: obay_uk
Date: 29-02-2004, 10:45 PM
Parent: #32


سلام يا أخوي أحمد ، الحمدلله على السلامه ، البمرق من العزوبيه دا مفروض يضبح براو بينو وبين مرتو ، الله مرقهم
فعلا زي ما قلتا العرس مكلف شويه ، بس الحياه مكلفه أكتر ، وانشاء الله هي حتقدر ليك تعبك و عملك عشان تتلم بيها ، وحتقدر ليك عملك وتعبك بعد العرس عشان توفر ليها اللي نفسها دايراو ، وأكيد رد الجميل حينسيك التعب والتكلفه اللي شكيت منها وواضح تعبك فاهمينك نحنا معشر رجال

مبروك والله مبروك ومبروك لديننا الكريم أنو كسب زوجين يسهمان في بناء المجتمع المسلم ، ومبروك للسودانيين خففنا من العزابه اتنيييين وربنا يحفظكم من العين


لا أوصيك أيها الرجل ، ولا أوصي امرأتك ، ولكن أوصيكما معا ، بتقوى الله في بعضكما
والتضحيه لارضاء الطرف الآخر وليس المجاهدة القصوى لارضاء النفس ! سلم الله نفسيكما

وليعلم كل يا أخي العزيز دوره في المنزل وفي المجتمع ، وليؤده خير أداء ، فتسعدا بتطبيق معاني نبينا أن كل فرد ميسر لما خلق له

أسعدكما الله ، وجمع بينكما في خير قريب
(واحذرا البورد) ياخدكم من بعض



Post: #34
Title: Re: هذه ليلتي...وحلم حياتي!
Author: بكرى ابوبكر
Date: 01-03-2004, 04:59 AM
Parent: #33


Post: #35
Title: Re: هذه ليلتي...وحلم حياتي!
Author: essam&amal
Date: 01-03-2004, 05:30 AM
Parent: #1

عزيزى الفاضل أحمد الريح
بعدد الصلوات على النبى ( ص ) التى أوجرت فيها الاسبوع الماضى
لك تهنئتى وتمنياتى بحياة زوجية سعيدة00
وتغلبها بالمال وتغلبك بالعيال00
قول آمين 00
امال
ام وضاح

Post: #36
Title: Re: هذه ليلتي...وحلم حياتي!
Author: سجيمان
Date: 01-03-2004, 05:43 AM
Parent: #35



احمد

الف مبروك... بيت مال وعيال....