Post: #1
Title: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-12-2007, 04:20 PM
المكان: إستاد الهلال
الزمان: الدقيقة ١٧ من الشوط الثاني
الحكاية:
المريخ جاب قوون...
قام الهلال قرر يجيب قوون!
بس.
التفاصيل:
ريكاردو نادى عمر بخيت قال ليهو: يا عمر جيبو قوون.
عمر قال ليهو: حاضر سعادتك.
ريكاردو قال ليهو: بأقل مجهود، ما عاوز جري وتعب وشلهتة،
عندنا دوري مجموعات إفريقيا.
عمر قال ليهو: حاضر سعادتك.
عمر قرر إنو أسهل طريقة إنهم يستعملوا التنويم المغناطيسي:
يخلو لعيبة المريخ واقفين متسمرين، يلعبو الباصات بي مزاج،
ويتبادلو الخانات بي مزاج، ويجيبو قوون بي مزاج.
وكان التنفيذ بالمسـطرة!
تمريرة من وسط الملعب من عمر بخيت يوسف محمد،
من يوسف محمد لمهند الطاهر،
من مهند الطاهر لحمودة،
من حمودة لعمر بخيت (تاني)،
من عمر بخيت لمهند الطاهر (تاني)،
من مهند الطاهر لهيثم مصطفى (عشان يشرف بنفسو على القوون)،
من هيثم مصطفي لقودوين،
ومن قودوين للشبكــة!
الوقت ده كلو ولعيبة المريخ في سابع نومة...
نوم الهـنا يا الفالحين!!
|
Post: #2
Title: Re: مفاجأة: تــــنويم مغــــناطــــيسي للاعبي المــــريخ!
Author: اساسي
Date: 05-12-2007, 04:22 PM
Parent: #1
والله يا احمد الريح فرحتكم بالتعادل والمهرجان العاملنه دا خلانا نستغرب
مبروك عليكم التعادل انا ما عارف لو غلبتو كان بتعملوا في شنو الان ؟
|
Post: #3
Title: Re: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-12-2007, 04:26 PM
Parent: #1
... لكن إنتو لعيبة المريخ ديل فرحو كده بعد قوون موسى الزومة ليه؟
رقيص ونطـّـيط وجري وانبراش... ما مصدقين؟!
لأ وإيه... كيمان كيمان فوق بعض !!
|
Post: #4
Title: Re: مفاجأة: تــــنويم مغــــناطــــيسي للاعبي المــــريخ!
Author: اساسي
Date: 05-12-2007, 04:36 PM
Parent: #3
اها ولعيبة الهلال بعد اديناهم التعادل فرشوا عزاء؟؟؟
ما ياهو انتو لاسع بتنططوا خلي لعيبتكم؟
|
Post: #5
Title: Re: مفاجأة: تــــنويم مغــــناطــــيسي للاعبي المــــريخ!
Author: على محمد على بشير
Date: 05-12-2007, 04:45 PM
Parent: #4
| Quote: ما ياهو انتو لاسع بتنططوا خلي لعيبتكم؟ |
الله يجازى محنك يا اساسى
|
Post: #9
Title: Re: مفاجأة: تــــنويم مغــــناطــــيسي للاعبي المــــريخ!
Author: شهاب الفاتح عثمان
Date: 05-12-2007, 06:19 PM
Parent: #5
| Quote: ما ياهو انتو لاسع بتنططوا خلي لعيبتكم |
   
|
Post: #6
Title: Re: مفاجأة: تــــنويم مغــــناطــــيسي للاعبي المــــريخ!
Author: عمر الفاروق
Date: 05-12-2007, 05:56 PM
Parent: #1
ود الريح :
أفرز الكيمان ..
موسى الزومة والله مندهش ليهو جنس إندهاشة !!
ياخ أول مرة أشوف زول بيجيب قون بيمشي نص الميدان ينطط!!!
الزول يا مشى راية الكورنر يا مشى للجمهور ويا شال الكورة وسنترها ومشى ميدانو ..
لكن تنطط في النص وما تعرف تمشي لا يمين لا شمال وما تفرز جمهورك وين !!!
والله دي العوجة ..
قودوين تراهو متعوود على احتفال قون المريخ ده والمشهد ما غريب عليهو ..
تخريمة :
من هو مخترع التنويم المغنطيسي؟؟
|
Post: #7
Title: Re: مفاجأة: تــــنويم مغــــناطــــيسي للاعبي المــــريخ!
Author: بهاء بكري
Date: 05-12-2007, 06:02 PM
Parent: #1
عارف بااحمد الريح امبارح كنت بشوف في الكورة مع مجموعة مريخاب .... اها بين الشوطين الجماعة بتونسو في كورة تانية قلت ليهم ياجماعة انتو دي الكورة البنشوف فيها ولا واحدة تانية..... المهم التمرين كان كويس امبارح بس الضرب كان شديد والله العتالي بتاعهم القالو برازيلي ده انا خجلت ليهو......
|
Post: #8
Title: Re: مفاجأة: تــــنويم مغــــناطــــيسي للاعبي المــــريخ!
Author: wesamm
Date: 05-12-2007, 06:09 PM
Parent: #7
الكوز احمد الريح دا انتو ياكيزان نومتو الشعب السوداني كلو مغنطيسيا وسرقتو السلطة ليلا!!!!!
|
Post: #10
Title: Re: مفاجأة: تــــنويم مغــــناطــــيسي للاعبي المــــريخ!
Author: Yassir Tayfour
Date: 05-12-2007, 06:31 PM
Parent: #8
| Quote: الكوز احمد الريح دا انتو ياكيزان نومتو الشعب السوداني كلو مغنطيسيا وسرقتو السلطة ليلا!!!!! |
أحمد الريح، غنت في شنو والمناضلين في شنو..
_______
ياخ وسام ده بيعمل كاروشة وورم لإمعاء النضال الغليظة..
يا وسام وين صاحبك طهإلهام.. بلغو تحياتي وأشواقي الطازجة
|
Post: #11
Title: Re: مفاجأة: تــــنويم مغــــناطــــيسي للاعبي المــــريخ!
Author: عمر الفاروق
Date: 05-12-2007, 06:37 PM
Parent: #1
يا ود طيفور:
ياخ دي أشواق ولا دجاج الوطنية
|
Post: #12
Title: Re: مفاجأة: تــــنويم مغــــناطــــيسي للاعبي المــــريخ!
Author: معتصم دفع الله
Date: 05-12-2007, 06:41 PM
Parent: #1
تعرف يا أحمد أمس ناس صديق الموج وطارق نقد مرضوني جنس مرض بعد ما جابو قونهم الميت دا ..
قمت قلت ليهم براكم جبتو لي روحكم وعليها جنيتو أها زي ما قلت التنويم المغناطيسي إشتغل باص وراء باص ومن مهند لي سيدا لي قودوين ثرو باص ..
أها قوم إنت يا بهاء الدين أنبرش لمن قام لقى الكورة جوة الشبكة ولي هسي ما بكون عارف القون دا جاء كيف ..
أول مره أشوف مدرب شعره بيبيض زيادة ووشه بحمر ودا كلو من (سيدا) كل ما يمسك الكورة الزول دا يقوم على حيلو أمسكو الود دا أها قام حرش ليك العتالي القالو برازيلي دا وهاك يا شلاليت ..
ياخي إنتو ما عارفين إنو الزول دا عمله صعبة وجماهير الهلال مؤمنة عليه ..
هاكم قوديييييين دا ..
|
Post: #13
Title: Re: مفاجأة: تــــنويم مغــــناطــــيسي للاعبي المــــريخ!
Author: كمال مبارك
Date: 05-12-2007, 07:08 PM
Parent: #12
ســؤال ،،، يا عمر الفاروق واحمد الريح ،،،
كيف طبق ريكاردو نظريه Recardition أمس ؟
|
Post: #14
Title: Re: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-12-2007, 11:33 PM
Parent: #1
| Quote: اها ولعيبة الهلال بعد اديناهم التعادل فرشوا عزاء |
فـِـرحو يا أساسي، لكن سواة موسى الزومة دي ماسّووهــا!
بالمناسبة زولكم ده شوفوهو، ما تكون جاتو حاجة!!
قودين مشى راية الكورنر -عادي يعني-، وشى معاهو يوسف محمد
وجاهو كليتشي، النيجيريين دايرين يجاملوهو. هيثم مصطفى
مشى يشرب موية وناس ريتشارد من خط 18 البيهناك ما طلعو.
|
Post: #15
Title: Re: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-12-2007, 11:37 PM
Parent: #1
مبسوطين تضحكو يا علي بشير وشهاب، أيامكم دي
متعادلين مع الهلال!
يا جماعة دايرين واحد يورينا "الطبقات" بتاعة لعيبة
المريخ دي للذكرى والتأريخ! التـِـكـِـوِّم ده أنا شوفتي
ليهو في كاس العالم!!
|
Post: #16
Title: Re: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-12-2007, 11:42 PM
Parent: #1
Quote:
ياخ أول مرة أشوف زول بيجيب قون بيمشي نص الميدان ينطط!!!
الزول يا مشى راية الكورنر يا مشى للجمهور ويا شال الكورة
وسنترها ومشى ميدانو ..
لكن تنطط في النص وما تعرف تمشي لا يمين لا شمال وما تفرز
جمهورك وين؟ |
والله يا عمر أنا خفت عليهو!
قالو بعد الكورة طمبل ضرب ليهو يطمئن عليهو...
طمبل: يا موسى ازيك
موسى: منو معاي
طمبل: معاك طمبل
موسى: طمبل منو؟
طمبل: بسم الله، طمبل الواحد ده، زميلك في المريخ!
موسى: إنت جيت المريخ متين يا طمبل؟!
قالو طمبل ختّ السماعة وقال: أنا الجابني لي جـِـنـِـس ده شنو؟!
|
Post: #18
Title: Re: مفاجأة: تــــنويم مغــــناطــــيسي للاعبي المــــريخ!
Author: ABDELMAGID ABDELMAGID
Date: 05-12-2007, 11:47 PM
Parent: #16
يا الله درون !!!
|
Post: #17
Title: Re: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-12-2007, 11:46 PM
Parent: #1
Quote:
والله العتالي بتاعهم القالو برازيلي ده انا خجلت ليهو |
معلوماتي الأكيدة يا بهاء إنو باولينو ده سوداني اسمو
البلولة. عليك الله شفت ليك برازيلي فيهو خير بيجي يلعب
في السودان، وفي السودان يلعب في المريخ؟
|
Post: #19
Title: Re: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-12-2007, 11:49 PM
Parent: #1
نحن يا wesamm البلد دي حقتنا ونحن فيها أغلبية ودي
ما بيتغالطو فيها اتنين، وكمان "تمكنـّـا" من البلد كويس
وإن شاء الله حا نرفع اسم السودان، بس إنتو اصبرو.
بالمناسبة المصريين اقتنعو بإننا أحسن ناس نقود السودان
والاقتناع ده جا بعد المقابلة التأريخية الأخيرة في القاهرة.
|
Post: #20
Title: Re: مفاجأة: تــــنويم مغــــناطــــيسي للاعبي المــــريخ!
Author: ABDELMAGID ABDELMAGID
Date: 05-12-2007, 11:57 PM
Parent: #19
ان لله فى خلقه شؤون !!!!!
ناس فرحانة و تنطط بالدرون !!!!
|
Post: #21
Title: Re: مفاجأة: تــــنويم مغــــناطــــيسي للاعبي المــــريخ!
Author: Ahmed Alrayah
Date: 05-13-2007, 00:13 AM
Parent: #1
| Quote: ياخ وسام ده بيعمل كاروشة وورم لإمعاء النضال الغليظة |
غايتو يا ياسر طيفور كان أنا طلعت ما كوز في الحلقة الاخيرة
من المنبر ده؛ wesamm ده نـُـص نضالـو ضايع ساكت
رأيك شنو في اللقاء التأريخي الاخير بتاع القاهرة بين الزعماء؟
|
Post: #22
Title: Re: مفاجأة: تــــنويم مغــــناطــــيسي للاعبي المــــريخ!
Author: abas
Date: 05-13-2007, 04:52 AM
Parent: #1
|
Post: #24
Title: Re: مفاجأة: تــــنويم مغــــناطــــيسي للاعبي المــــريخ!
Author: عمر الفاروق
Date: 05-13-2007, 07:36 AM
Parent: #1
ود المبارك:
Quote: ســؤال ،،، يا عمر الفاروق واحمد الريح ،،،
كيف طبق ريكاردو نظريه Recardition أمس ؟ |
ده سؤال جميل جداً ..
ممكن أجاوب يا استاذ احمد ؟؟؟ "لأنو حقوق الملكية حصرية على احمد الريح"..
كليتشي لعب وهو مصاب وقام مازدا قال لي سفاري كلاتشي ده مضروب فكل ما يستمل الكورة اديهو شلوت صغير في ضربتو ..
ونجحت الخطة ..
بين الشوطين الجماعة ما متوقعين أبداً يكون في تغيير وريكاردو تعمّد عدم إخارج كليتشي إلا بعد الشوط يخلص عشان ما اتوفيستر يستوعب الخطة ويبدا يجز ناسو ..
يا زول قالوا اتوفيستر لمن شاف مهند جوة الميدان وكيلتشي مافيش مشى للحكم وقال ليهو :
"يا حكم عن إذنك ممكن تدينا عشرة دقايق تاني أغير كلامي القلتو بين الشوطين ؟؟"..
دخول مهند الطاهر ليلعب خلف المهاجمين مع وجود هيثم مصطفى كمهاجم ثاني مع قودوين مع عدم الإعتماد على المهاجمين ليلعبوا رأسين حربة ده كان فهم جديد على السودان اول امبارح ..
فقودوين كنا نجده في الاطراف أكثر من العمق وهيثم نجده عند الطرف اليمين اكثر من العمق وده فهم راقي جداً ..
الجماعة جابو قون قضاء وقدر فما كان من ركاردو ان ..... والعهدة على ما قاله احمد الريح بعد داك..
اها قوم يا اوتوبسكر قول عايز تحاكي الراجل ركاردو فقام عمل ليهو تغير زيو زي تغيرات عصام باسطة مدرنا في الحلة طلع راس حربة ودخل راس حربة ويا كافي البلا مش اللاعب لمن يدخل بيتكلم مع الزملاء نظام يوريهم المخطط الجديد ؟؟؟ وحاتك زولنا ده سااااااااااي ومشى لي ريتشارد في حتتو وزي ما دخل زي ما طلع ..
ريكاردو العجيب عمل تغيير تاني حير ليك الأمة السودانية ..
طلع يوسف محمد وجا معتز كبير !!! الخواجة ده جنّ ؟؟؟
يطلع لاعب وسط مدافع-مهاجم ويجي مهاجم صريح ؟؟؟
طيب البيغطي مكان يوسف محمد ده منو ؟؟
عشان كده شفنا معتز طوالي بيكون إتكلم مع اللاعبين جوة ونظام الخطة إتغيرت يا شباب ويا داريو ركز على اليمين ويا حمودة ارجع ورا شوية ويا عمر بخيت سنتر كويس ويا ويا ويا ..
يا جماعة يوم الكورة دي شفتو هيثم مصطفى ده قطع نص الميدان وفات بهناك لي مدافعين الهلال؟؟؟
يا جماعة شفتو عمر بخيت مشى لي نص المريخ بهناك ؟؟؟
يا جماعة ما شفتو داريو كان بيكون في خط ستة حق المريخ ؟؟؟
يا جماعة ما شفتو قودوين حدو راس ال18 وبس؟؟؟
التكتيييييييييييييييييييييييييييييييك يا قوم التكتيييييييييييييييييك ..
تخريمة :
بعد ما طمبل قفل الخط من موسى الزومة موسى ضرب للعجب ودار الحديث التالي:
موسى : الو ازيك ياعجب..
العجب: منو معاي؟؟؟
موسى : معاك الزومة يا عجب..
العجب : الزومة منو ؟؟
موسى : ياخ انا البلعب معاكم في المريخ ..
العجب : مريخ منو يا زول ..
موسى : ياخ انا الأمبارح جبت القون بي "الهيد"..
العجب : اهااااااااااااا موووووووووسى ..ياخ والله ما عرفتك لو ما قلت لي موضوع "الهيد " ده..
العجب : هو نحن كنا لاعبين مع منو يا موسى ؟
موسى : والله ما عارف لكن أظنو في بطولة افريقيا..
العجب: والله يا موسى كورة امبارح سمحة خلاص عليك الله شفتني حاورت ليك صديق منزول كيف..
موسى : اي والله والعجب انا لمن طرت ليك في ابو شامة جوز ..
بما إنو المكالمة تبدو خارج الشبكة فقط شك جماعتنا ديل كانو بيتكلمو من شبكة اريبا ..
وخلييييييييييييييييييييييييييييك سوداني..
|
Post: #25
Title: Re: مفاجأة: تــــنويم مغــــناطــــيسي للاعبي المــــريخ!
Author: كمال مبارك
Date: 05-13-2007, 09:42 AM
Parent: #24
Quote: يا جماعة يوم الكورة دي شفتو هيثم مصطفى ده قطع نص الميدان وفات بهناك لي مدافعين الهلال؟؟؟
يا جماعة شفتو عمر بخيت مشى لي نص المريخ بهناك ؟؟؟
يا جماعة ما شفتو داريو كان بيكون في خط ستة حق المريخ ؟؟؟
يا جماعة ما شفتو قودوين حدو راس ال18 وبس؟؟؟
التكتيييييييييييييييييييييييييييييييك يا قوم التكتيييييييييييييييييك ..
|
ود الفاروق ،،، لو عرفك ريكاردو ح يقتالك
اضف لك ،،، يا جماعه هجموم القادمين من الخلف (ربتشارد،،حمودة،،داريوكان،،
يوسف محمد ،، علاءالدين ) يعنى فى لحظه عدد المهاجمين داخل خط 18
= 7 لعيبه ،،،، يا هو دالتكتيييييييييييييييييييييييييييييييييكككككككك
|
|