هل نحن فاشلين لاننا ما بنسمع الكلام؟!...اما ما بنسمع الكلام لاننا فاشلين؟!

يتمحور بعض المكرورين الى اصوات
او انغام او اشعار
لكن هدير الزمن الدوار
يبتلع الزامر والمزمار
يتحور بعض المكرورين الى طبل منفوخ
لكن ما تبثه الصحف اليومية والحوليات
ينساه التاريخ
صلاح عبد لصبور

نحن فاشلين لأننا لا نتحرك ونتمنى على الله الأماني

إذا سمعنا الكلام أم لم نسمع نظل فاشلين
نحن فاشلين لأنه ليس لدينا برنامج
نحن فاشلين لأننا عادة ما نفكر في المشكلة ولا نفكر في الحل.
نحن فاشلين لأننا نجد مشكلة في كل حل يعرض علينا
نحن فاشلين لأننا لا نتحرك ونتمنى على الله الأماني

وأهديك أخي هذه الأبيات من إحدي قصائد الشاعر الكبير نزار قباني والتي تصور حالنا وتشخص مرضنا المزمن:
نمدحُ كالضفادعِ
نشتمُ كالضفادعِ
نجعلُ من أقزامنا أبطالا..
نجعلُ من أشرافنا أنذالا..
نرتجلُ البطولةَ ارتجالا..
نقعدُ في الجوامعِ..
تنابلاً.. كُسالى
نشطرُ الأبياتَ، أو نؤلّفُ الأمثالا..
ونشحذُ النصرَ على عدوِّنا..
من عندهِ تعالى...

الأستاذ عادل أمين ..

لا أدرى .. من المقصود والمنعوت بالفشل .. هل تقصد الحاكمين أم المحكومين ؟

بالأمس القريب كنت مدعوا لحفل عيد ميلاد لأحد الأصدقاء المصريين ..
وكان من بين المدعويين مصرى حاصل على درجة الدكتوراة .. المهم قالها
بالحرف الواحد .. " الكتاب يؤلف فى مصر ويطبع فى لبنان ويقرأ فى السودان "
قلت له: افصح ..
قال : ان السودانيين هم الذين يقرأون الكتب .. قلت له: اننى ولأول مرة أسمع
هذا القول وهذا التفسير ..

فياأخى عادل .. ان كان كلام هذا الدكتور صحيحا .. هل الانسان المطلع والقارىء
يمكن لنا أن نصفه بالفشل ..

الحقيقة هى العمل بالمثل القائل :

ان كان رب البيت بالدف ضاربا *** فشيمة أهل البيت كلهم الرقص

فالمشكلة فى القيادة .. هى التى تؤخر الشعوب .. اننى لآسف لما وصل
اليه سوداننا الحبيب .. ولكن أيضا ان كان هناك بديل .. من هو الذى
يمتاز بالأمانة والاخلاص .. والا لأصبحنا ندور فى حلقة مفرغة ..

نسأل الله فقط العون لايجاد من يحب وطنه ويعمل من أجله ..!!

ودمت أخى عادل ..
أخوك ..
أرنست

عمى العجوز ارنست
تحية طيبة
هذه المقولة السودان يقرا دي كذبة كبيرة لحدت هسه ما فى سوداني حقق المليون في برنامج من سيربح المليون وهذا البرنامج يعتمد على المعلومات العامة

ثانيا قيس على هذا البورد المواضيع الجادة تتعلق الديموراطية والتحول الديمقراطي مهملة وتلقى التابعين غير الاولي الاربة من رجال في بوستات النسوان ومشاكلم...و

الحوارات سمجة وممجوجة وسطحية تستهدف الشخص اكثر من ما كتب ده كوز ده جردل ده شيوعي ده صفيحة

بالله عليك
في في الدنيا قمامة
سفحها انقي من القمة
كما قال احمد مطر

نحن السودانيين فاشلين لاننا ينقصنا الوعي بالذات وبالاخرين وكل واحد شايف نفسو الغزال الفوق في السلم
في نسخة مقرصنة و مضروبة هنا من السودان الجديد هى التي دفعتني لكتابة هذا الكلام
دايرين الناس يموتو عشانم
اولا
ادوات التغيير الثلاث الجيش والنقابات والطلبة تم تفريغها من محتواها منذ امد بعيد...والتحدي الوحيد البافي تنظم نفسك شديد جدا عشان تعفصم بالانتخابات الثورة البنفسجية
اما عن الشهادات العليا الكثيرة والمسيخة دي حدث ولا حرج ..شفت ليك بروفسر في العالم يطلع في مسيرة ويهتف(خاسيء...خاسيء يا عنان)...وانت قايل الحكومة دي القعدا لحدت هسه شنو...المعارضة الاسوا منها..النا س ديل قلنا ليهم القصة بقت شباك وبابين واسطفو خلف الحركة قالو او واباؤنا الاولون..

هل الكائنات الهلامية الهنا دي فعلا بتعبر عن احزاب مثلا وهل هنا سياسة هنا ومشتكلين كل يوم على لا شيء... لا تفرق بين الشخصي والموضوعي
الله يحفظك يا عم ارنست...بختك انت في امريكا...لكن اعرف انك تعاني من نوستالجيا..ومع ناس دولة كوش(النسخة المقرصنة لسودان الجديد) انت ما سوداني
**********************

وانا العفصتني نعنوشة
وانا المزنوق وفاقد اتو
ودائما ارمي في البوشة
وانا المدقوق في حلق الباب
وانا والمتروك بدون احباب

اتواصل معاي بالتلفون عشان تسمع اخر نكتة..

المليمور
تحياتي

منو القال ما في برنامج
بس العتب على النظر
وما قدرين نخرج
من دائرة ودا وسواعا ويعوقا ويغوثا ونسرا


الانتخابات 2008 هى الحل

الأستاذ الحصيف .. والأخ الشفيف ..

عادل أمين ..

كلمة النوستاليجيا .. دى سمحة بالحيل ..
ياأخى أنت مثقف خالص .. حلمك علينا نحنا ناس قريعتى راحت ..
يعنى الحنين الى الوطن .. والمقتول كمد .. يعنى نقول شنو ..
حرام نحلم .. حرام نطالب بالتغيير .. حرام نقول ياناس كفاية ..

وكما يقول الأستاذ الفنان محمد الأمين ..

" قالوا متألم شوية .. ياخى بعد الشر عليك .. "

حتى كلمة " بعد الشر عليك " .. دى ما نلاقيها ياعادل .. ولا شنو الحكاية ..

بس فى أخر مداخلتك لى .. قلت " انت ما سودانى .. أدور أفهم ... معليش
عمك بقى مخو تخين .. دايرليهو فهامة ..

وشكرا أخى ..

عمك العجوز
أرنست

Quote: بس فى أخر مداخلتك لى .. قلت " انت ما سودانى .. أدور أفهم ... معليش عمك بقى مخو تخين .. دايرليهو فهامة ..

عمي ارنست
تحية طيبة
انت ما سوداني وناس كثيرين ما سودانيين في نظر النسخة المضروبة للسودان الجديد التي يروج لها الامير الكوشي بشاشا وحكاماتو من اليسار المازوم والواقعين من جمل من نخبة دارفور وادمان الفشل الذين فقدو بوصلتهم منذ امدبعيد
وليس في نظري انا...طبعا...لاننا وصلنا مرحلة الانسان من زمان .. عندما تسموالروح فوق عارية الجسد..تتساوي الاشياء والاحياء ..
وهل احد كتب عن معاناة المسيحيين والاقباط غيري هنا في البورد ده ولدي تصور للهوية السودانية ذى الفكرة الامريكية تلقاه في بوست سباق المسافات الطويلة..ابدا ده ما رائي وارجع اقرا المداخلة كويس يا مخرف....
************
انت يا عجوز كايس ليك زول زمن تشاكلو..وما لقيت غيري البتفاقدك كل يوم..فعلا انت سوداني اصل بلادك..لان البورد ده غير المشاكل ما فيهو حاجة وفيه سوادنيين فعلا
******************
قالو شيخ المكابراب كان يتمسح بالزيت ويقعد عكس الهوا
اذا مشيت ببعيد قال ليك انا مالي جربان...واذا مريت بقريب قال ليك كشحتني بالتراب مالك!!! اها ده انت عديل يا شيخ المكابراب:
نوم نومك يا مخرف...
ارسلت ليك رسالة بالبريد بتاعك اقراها ورد علي

Quote: ومع ناس دولة كوش(النسخة المقرصنة لسودان الجديد) انت ما سوداني

ركز معاي شوية يا عجوز....الفوق ده ما رائي
تكون زعلان من امس ونحن ما جايبين خبر
واول حالات الفشل
في السودان القديم العجز عن ثقافة المجتمع المدني..بتاعة الناس الفوق ديل..
وتصبح على خير

ولحدت هسه ما شايفك رديت عن موضوع الاقباط في الحركة السياسية في السودان1956-2006 في بوست سباق المسافات الطويلة

الأخ الحبيب عادل ..

شكرا على ردك الكريم .. وشكرا على صداقتك وأخوتك ..

طبعا .. أنا فاهم قصدك .. ومن مداخلاتك المتكررة .. أنا أعلم تمام العلم
من هو عادل امين .. " فمن ثمارهم تعرفونهم " .. عندما قلت لك .. ما معنى
" انت ما سودانى .. " .. الا تتفق معى هنا فى المنبر هناك من يسيىء الفهم ..
لأن أفكارهم تبحث عن ظواهر الأمور ولا تدخل الى الأعماق .. اننا هنا للتوعية
كما ذكرت ياأخى عادل .. ليتنا نستطيع غسل العقول العتيقة التى أكلها صدأ
الحقد والكراهية .. نريد بذر بذور المحبة والاخاء .. فان دفنت أنواع هذه
البذور فى تربة صالحة ووجدت من يرعاها بالماء الجيد .. لأصبحت أشجارا ذات ثمار
أكثر من المحبة والود .. وهكذا تتكاثر وتنتج .. وهكذا ينمو الخير فى العالم
ليطغى على الشر الذى نشاهده كل يوم بسبب ابليس وأعوانه ..

وشكرا مرة أخرى أخى ..
أخوك وعمك العجوز ..
أرنست

Quote: الأخ الحبيب عادل .. شكرا على ردك الكريم .. وشكرا على صداقتك وأخوتك .. طبعا .. أنا فاهم قصدك .. ومن مداخلاتك المتكررة .. أنا أعلم تمام العلم من هو عادل امين .. " فمن ثمارهم تعرفونهم " .. عندما قلت لك .. ما معنى " انت ما سودانى .. " .. الا تتفق معى هنا فى المنبر هناك من يسيىء الفهم .. لأن أفكارهم تبحث عن ظواهر الأمور ولا تدخل الى الأعماق .. اننا هنا للتوعية كما ذكرت ياأخى عادل .. ليتنا نستطيع غسل العقول العتيقة التى أكلها صدأ الحقد والكراهية .. نريد بذر بذور المحبة والاخاء .. فان دفنت أنواع هذه البذور فى تربة صالحة ووجدت من يرعاها بالماء الجيد .. لأصبحت أشجارا ذات ثمار أكثر من المحبة والود .. وهكذا تتكاثر وتنتج .. وهكذا ينمو الخير فى العالم ليطغى على الشر الذى نشاهده كل يوم بسبب ابليس وأعوانه .. وشكرا مرة أخرى أخى .. أخوك وعمك العجوز .. أرنست

العم العجوز ارنست
تحية طيبة
قلت لي ديل يتصلحو...وهل يصلح العطار ما افسده الدهر؟؟...وقال مثقفين قال.... شفت زول اتكلم عن الاقباط السودانيين او اهتم بقضيتم...هل يعرفون رؤوف مسعد الروائي السوداني القبطي..والله زول مشرق وكتاب كتابة نشر مقالات نوستلجيا في القدس العربي للاسف كنت محتفظ بيها وفقتدها وكانت منشورة سنة 2001 فص صفحة مذكرات وكتب

الشين شين ولو غسل وشو مرتين ابليس ذاتو يستحى من فعايلم

العم ارنست رسلت ليك رسالة بالبريد الالكتروني ارجو ان تقراها وترد عليها في الهوت ميل..بتاعي

عادل( الفنان )

قرأت لك على متن ( اليمنية ) فى صحيفة ( الثورة ) على ما أظن
حكاية الراجل بتاع الحديدة
صاحب الأمل .. والجلسات المتكررة على الشاطىء
بصدق آنس وحشتى فى الفضاء
قلم سودانى مشرف
زادنى إعزازاً وأنا أدخل وطناً ثانيا ( هناك )


للأمام

الاخ العزيز ابو سارة
تحية طيبة
مرحب بيك من حبايب الدرب الاخضر ولو عرفتك كنت في اليمن كان تتصل من تلفوني في البروفايل

وطبعا اخوك هناك يكتب ليه ثلاث سنوات والارشيف ملان وفيه نفس القصة
لكن زمار الحي لا يطرب

والقصة قمت بتصنيعها في اللنك ادناه من الارشيف ولسه عايزة شوية شغل

الناس في البورد ده عندي
اما حبايب او عذال
ونتمنى من الحبايب يكونو متعاونين من العذال يكونو اذكياء

وعمك ارنست المخرف ده السقط كتلو في امريكا والحنين ويبكي ليل نهار وعايز يرجع السودان وكل اقباط المهجر نفس الشيء...وناس قريحيتى راحت ديل مربوطتم ما دايرة تسقط..

........ يقين.........

واحس بالرؤية تصدق يوم والاقيها
بناديها

Quote: بالأمس القريب كنت مدعوا لحفل عيد ميلاد لأحد الأصدقاء المصريين .. وكان من بين المدعويين مصرى حاصل على درجة الدكتوراة .. المهم قالها بالحرف الواحد .. " الكتاب يؤلف فى مصر ويطبع فى لبنان ويقرأ فى السودان " قلت له: افصح .. قال : ان السودانيين هم الذين يقرأون الكتب .. قلت له: اننى ولأول مرة أسمع هذا القول وهذا التفسير .. فياأخى عادل .. ان كان كلام هذا الدكتور صحيحا .. هل الانسان المطلع والقارىء يمكن لنا أن نصفه بالفشل ..

أخي الفاضل عادل أمين أشكرك على هذا البوست.. وأقول لأخي السوداني العجور: يقو المثل السوداني: "القلم مابزيد بلم!".. وهذه القراءة التي تحدث عنها الدكتور المصري - على الرغم من عدم دقتها وسط شعب يحتفظ بنسبة عالية من الأمية - لا جدوى منها طالما أن السودان يرزح في التخلف ويدمن الفشل.

الحبيب / عادل يزيدنى تشريفا
أن ألتقيك فى عودتى لصنعاء قريبا
فالعيال هناك ..
محبتى

أبو الساره

نحن فاشلين ولازال الفشل مستمرا حتى على مستوى هذا البورد
المناظر هي ذاتا والصور نفس المشاهد
الشللية البائسة والاساءة للاخرين..ثم الاعتذار...ثم الاساءة ثم الاعتزار ..ثم الاساءة ..ثم الاعتزار
وكان من الاجدي قبل ان يسجل شخص مازوم نفسه فيهذا البورد يشوف عايز يقدم شنو جديد او مفيد ويهتم لما يكتب وليس من يكتب..IT IS BETTER TO BE SAFE THAN TO BE SORY
وفي اولويات مهمة وهي قضية التحول الديموقراطي في السودان

ونحن بنتكلم كثيرهنا لشنو كدي قارنو نفسكم وعي وسلوكا وكتابتا بالناس ديل في موقع الحوار المتمدن..عشان على الاقل تتواضعو وتتخلصو من اوهامكم الخمسة

www.rezgar.com عشان تعرفو انتو وين والناس وين

لحدت ما نرجع ليكم...ومتمني افتح المنبر ده يوم والقى كلمة ديموقراطية او تقييم احزاب او رؤية جديدة مكتوبة في بوست او واحد من بوستات الاخوة المتميزين في الصفحة الاولي..او قصة او قصيدة او فكر او لوحة تشكيلية او نقد لفلم او تداعيات او حوار متمدن يشبه السودان زمن الزمان كان زين..زمن كان الرجال رجال والنساء نساء



عشان كده قعدو الكيزان في السودان الى ما شاء الله واضحى الامر وعي وليس اشخاص...هذا الوعي يتجلى كل يوم في هذا البورد في الاساءة للاشخاص خصوصا النساء..والجذور الحقيقية له هي ان من ولغ فيهم كلب الايدولجية الثنائي المسار من يسار ويمين غارق في نرجسيته البغيضة..هم عاهة هذا المنبر دون منازع. الشيوعيين يسقطون كراهيتهم للنظام في افراد محددين هنا.والبعض يعتقد ان هذه المنبر صنع خصيصاا للشيوعيين والكيزان وصراعاتهم الكئيبة..وللاسف الامر ليس احزاب كما قلنا بل وعي مازوم..يقبح المعنى والمضمون كل يوم يجعل الديموقراطية كوعي وسلوك تبعد الالاف من السنوات الضوئية عن هذا المنبر وعن السودان...فبائى حديث بعد هذا يؤمنون