Post: #1 Title: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: معتز تروتسكى Date: 10-01-2007, 01:27 PM
محمد النصري- أم الحسن وقفت بعد حلبت لبينة الشاي تكورك يا الحسن يا ام الحسن وينو الحسن ولمن صفت رغوة شخيبات اللبن في حلتا المبنية من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجه خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب وسرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضل لي بس منو اليقين وانت طول(ت) في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات يا جناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليك في لوري الخزين .
Post: #2 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-01-2007, 05:11 PM Parent: #1
معتز كيفنك نحن ما ينفع تهدي لينا ولا شايفنا شوايقة مزورين
Post: #3 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: معتز تروتسكى Date: 10-01-2007, 07:46 PM Parent: #2
اخبارك وصحتك يا استاذ طارق وكيف الوليدات اسي كدى سمعهم الاغنية دي ولو شروحها ليك بالفرنسي تعال ورينى قالوها ليك كيفين. ..
ياطارق.. لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم... شكلنا حنرجعك حجر العسل عدل.. ...
Post: #4 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-04-2007, 12:24 PM Parent: #1
ياسلااام ياخي
الخرابة دا كان وين اكنو ؟!
مش يا معتز في حاجة كدا بتقول (كان اهديتك الدنيا ومافيها؟)
اها دي الهدية البتمثل الدنيا ومافيها
تسلم كتير
ولو شكر الدنيا دا كلو يتشال في اليدين
كان برسلو ليك في لوري الخزين
Post: #5 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-04-2007, 12:28 PM Parent: #1
Quote: ولا شايفنا شوايقة مزورين
اهابقيت يامعتز مزرورين
سلامات لآل جبريل
Post: #6 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: معتز تروتسكى Date: 10-04-2007, 01:28 PM Parent: #5
خالص التحايا الزميلة الغالية ملكة سبأ اولا الشكر اولا واخيرا لك ، فولاكي لما كان هذا النشيد... تسلمي ستى ويديك العافية.. وزى ماقلتى ود النصري هدية لاتقاس بمقدار ابداع ونعم الابداع...
Quote: ولو شكر الدنيا دا كلو يتشال في اليدين
كان برسلو ليك في لوري الخزين
مالي اتخيلت انو الشغلة مع لوري الخزين ده بتيخ بتيخ. ..
Quote: اهابقيت يامعتز مزرورين
طروقى ده انساكي منو وركز في النصري ده .. .
Quote: سلامات لآل جبريل
سلامات لآل جبريل من هنا لي القُرير ، تاني خليهو يزعل كمان..وسلام ليك وانت بقية العقد الفريد. .
التحاياالنواضر..
Post: #7 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-04-2007, 02:55 PM Parent: #1
معتز والملكة السباوية شكيتكم علي الله خليتوني ارقص في مكتبي وسط المغاربة ديل زي المجنون لامن عضامي إنهرّن يمين اخدتلي ترتيري وسط الشركة
تليشة: معتز حدي معاك البركل (انا من البركل)
Post: #8 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: معتز تروتسكى Date: 10-06-2007, 04:10 PM Parent: #7
طارق البركل.. كل مرة عامل لينا فيها زعلان ، شنو يعنى الفرق بين ناس البركل والقرير وتنقسي وكريمة وبارا. .
يازول انتطرب لمن توري المغاربة ديل كتاب..
تليشة: تعرف جاتنى فكرة جادة انو اتعلم الطمبور اها تعلمينى كفين يا الحسن. .
سلامنا ليك مطرز للبنيات والبنين وكل سنة وانت طيب و[ملكة سبأ- البينو- ست البنات- بشري الطيب]... وكل اهلنا في كل السودان ولعموم قبيلة الشايقية بالاراضي المقدسة. .
التحايا النواضر
Post: #9 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: الطاهر ساتي Date: 10-06-2007, 08:16 PM Parent: #8
معتز .. كيفك ..؟
ياخى عايز اقوليك كلام لكن ماتزعل .. الاغنية لوغمضت عينك وطفيت النور وشغلت المكيف ولاالمروحة و استمعت ليها احسن واجمل واعمق وبتسرح بي خيالك بعيد لام الحسن والخدير وتفاصيلهم انا جربتها وكدى انت جرب .. وعشان كدة لمن جيت شاهدتها واستمعت ليها في هارمونى حزنت جدا .. ياخى سيف الدين حسن ماكان غالبو يجيب ام الحسن والخدير والقرية والمدينة ويربط بيناتم بالتفاصيل المذكورة في الاغنية مثلا هنا
وقفت بعد حلبت لبينة الشاي تكورك يا الحسن يا ام الحسن وينو الحسن ولمن صفت رغوة شخيبات اللبن في حلتا المبنية من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا
ام الحسن هنا واقفة في زريبة بهائم وبتحلب وبتنادى الحسن والحسن بيجى عليها وبتطلب منو يكتب ليها خطاب لولدها الخدير
قال ليها خير يا الحاجه خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير
وهنا مشهد تانى لام الحسن والحسن هى بتملى وهو بيكتب اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب وسرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير
اما دى بقى فيها تفاصيل كتيرة وهى القضية الاساسية في الغنية المفروض المشاهد تكون متعددة ومتنقلة بين حياة الخدير في المدينة وحياة ام الحسن في القرية
الزمن يا ولدي ماحقاهو السنين البعيش في الدنيا ما بعيش مرتين العمير فاضل لي بس منو اليقين وانت طول(ت) في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات يا جناي شوفن ضنين
ودى القفلة .. حيث فيها لوارى السفر والبنيات والبنين بتاعن الخدير والارض والحواشات و شوية دموع وكدة ......
سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليك في لوري الخزين
باختصار الاغنية دراما ... لكن سيف ماعمل شي غير انو محمد النصرى بيغنى في جنينة وام الحسن بتتحاوم بى جنبو ...
التفاصيل الكانت بتسرح بى خيالى كلها راحت شمار في مرقة .......
مودتى ...
Post: #10 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-07-2007, 10:21 AM Parent: #8
تعرف يا معتز الطنبور دة حنين خلاص والله انا لمن بسمعوا بقول السياسيين الفي السودان ديل لو سمعوهو ما كان عملوا العملوهو في هذا الشعب
محبتي الاكيدة
Post: #11 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-10-2007, 11:59 AM Parent: #10
up up up up
Post: #12 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-10-2007, 12:07 PM Parent: #1
Quote: مالي اتخيلت انو الشغلة مع لوري الخزين ده بتيخ بتيخ
يعني شغلتن سمحي يامعتز البتيخ بتيخ دي
اماني ان كان لقيتلي بتيخايي درب الوكت دا !! اخير لي من الجنب حقيق حاج اللمين
جرسة عطش ولا ريد بتيخ آبعرفو !!
Post: #13 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ابو عثمان Date: 10-10-2007, 12:07 PM Parent: #1
Quote: نحن ما ينفع تهدي لينا ولا شايفنا شوايقة مزورين
شايقية لندن
Post: #15 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-10-2007, 12:16 PM Parent: #13
ابو عثمان كيفنك نحن شوايقة المغرب
Post: #14 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-10-2007, 12:10 PM Parent: #1
Quote: يمين اخدتلي ترتيري وسط الشركة
الشكيي لابيدن قويي ياطارق جبريل
Post: #17 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-10-2007, 12:18 PM Parent: #14
والله يا ملكة اخدتلي قدلي ضُمة ضُمة وما لقيتلي زولا اديهو الشبال اسألي ود جيرانكم صلاح الاحمر من ترتيري
Post: #16 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-10-2007, 12:17 PM Parent: #1
إتفق مع الطاهر ساتي
الا حكاية
Quote: لوغمضت عينك وطفيت النور وشغلت المكيف ولاالمروحة و استمعت ليها احسن واجمل واعمق وبتسرح بي خيالك بعيد لام الحسن والخدير وتفاصيلهم
لو طبقتها هسي دي طواااالي حا اسرح بخيالي لـ :
سوتلو شايا بي لبن قرض معاهو حرف فطير
دا عذاب شنو دا ؟
Post: #18 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ابو عثمان Date: 10-10-2007, 12:32 PM Parent: #1
الليله يا الملكة ناس مروي شرق حيلقوا عدلهم في هذا البوست
التقدير للمبدع النصري
Post: #19 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-10-2007, 12:34 PM Parent: #1
Quote: اخدتلي قدلي ضُمة ضُمة وما لقيتلي زولا اديهو الشبال اسألي ود جيرانكم صلاح الاحمر من ترتيري
ذكرتني اغاني الدارة وياقصيبة قيفك
والفوسيب كدي فوق طارق الدوسيب يا جاهل كمك يا جلادة الشام جبت بت عمك
سلام كتير ليك ولصلاح الأحمر وعيدكم مبارك ان شاء الله
وربنا يحقق الأماني
Post: #20 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-10-2007, 12:39 PM Parent: #19
والله ملكة كتلتيني بالضحك تعرفي كنت لمن امشي البركل (شبا) عندنا مرة كبيري كدي جنها رقيص بس من تسمعني جيت قبل ما تسلم علي ترقص وتديني شبال واقوم اترتر معاها للصباح يمين زي العرس والداري
Post: #21 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-10-2007, 12:47 PM Parent: #1
Quote: الليله يا الملكة ناس مروي شرق حيلقوا عدلهم في هذا البوست
التقدير للمبدع النصري
دا كلامك يا ابو عثمان
وبدورنا نحي الفنان قرشي الحجير
Post: #22 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-11-2007, 01:57 PM Parent: #1
شكيتك علي الله يا معتز نجضتني نجاض
Post: #23 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: ملكة سبأ Date: 10-27-2007, 10:35 AM Parent: #1
ياشايل شمسك في جواك
Post: #24 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-29-2007, 07:02 PM Parent: #1
وااااااامغستنا
Post: #25 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: الملك Date: 10-29-2007, 08:17 PM Parent: #1
غايتو ... لى زمن ما اتكيفت منكــ ... ... الا اسى عفيت منكــ .. يا معتز
شكرا كتير للحنين ..
Post: #26 Title: Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... Author: طارق جبريل Date: 10-30-2007, 10:35 AM Parent: #1
.