انسحابى من وسط الزحام و تهديد بالقتل:-

انسحابى من وسط الزحام و تهديد بالقتل:-


02-17-2005, 02:05 AM


  » http://sudaneseonline.com/cgi-bin/sdb/2bb.cgi?seq=msg&board=269&msg=1187940971&rn=0


Post: #1
Title: انسحابى من وسط الزحام و تهديد بالقتل:-
Author: معتز تروتسكى
Date: 02-17-2005, 02:05 AM

خالص التحايا00
اليكن/م جميعا دون فرز...

انسحابى من وسط الزحام:-
انا مازوم
وبالجد مافى فرق فى الوقت الحاصل
بين واشنطن والخرطوم وايضا كل القبيح ونحن
هذه كلماتى اقولها لاغلب اصدقائى ومن يراسلنى او من يلتقيا ماسينجريا او هاتفيا
انا مازوم
مازوم لدرجة البكاء لدرجه اننى اصبت بوعكه خفيفه الزمتنى السرير
اول مره فى حياتى اشعر باننى ضعيف لهذه الدرجه
وين مشروع الحلم الفسيح وين وين
مازوم من اجل اصدقائى
من كل شى
لم يكن عادل او خالد بقدر ازمتى لهم لكن كان انور رفيق الدرب هو اكثرهم لانه لااقل لم يخض تجارب ولان احساسى به لم يعرف قذارت الساسه والسياسين اذا كنت اكثر ما زمت له ليس هو فهم الشلليات ولكن ايضا لابد من تحس بانه منك ورحكما واحده تشعر بالتاكيد سيصبنى شى من جراء ازمته وايضا هذا انقاص فى حق انور ولكن خالد وعادل على الاقل مايتمتعان به من تجارب يكفى ..... والاحساس ببعض الاشياء ربما تخفى عن الاغلبيه كانت شى لايتحمله شخص كاانور المهم انتهى هذا الموضوع وليس المقام للسرد عنه الان ...
بلاضافه الى اصدقائى وهم الوطن00
ارتكب خطئين وكم ندمت عليهم اولهما :-
1/ قرار الانسحاب فى حد زاته كان احداهما على اقل تقدير ، حمل هذا القرار كمية من التناقض فى شخصيتى باعتبار اننى لااحب مثل هذه البوستات فكان الاجدى بى ان انسحب او اعلق عضويتى دون ضوضاء على الاقل ان كنت اجرمت فى حق نفسى بان انسحب كان الاجدر بى ان ان يون بهدؤ لكى لاتظلون
معلقون فى الحكايات القديمه
عنوانها
موسى وهامان..
والحب يصبح عندكم شي
خرافي وقصص من قصور
الجان..
هذا ما أقوله نصفى الأخر
واليوم ترحل عنى
اليوم يرحل حتى المكان..
آتوهم روحكم كل شي
وحائط مبكى اقف عليها
ازرف الدمع ألوان..
وداعا لا اعرف ماذا
تعنى اعزيزئي
ولكنها شي في اعتقادي
حرمان..
وأنا كذلك لا اعرف ماذا
أقول
فنهايتي حانت وأنا اخط
في شي خارج الحسبان..
ليس كالموتى أنا
فجنتي ذكرى منكم
أعيش فيها لاخر الأزمان..
كان من الاجدى ام بكون هكذا..
واستدل بوست الاستاذ على فقد كان محقا فيما كتبه ولانه يعرف اننى لااحب زوبعات الفنجان التى لاتسمن ولاتغنى لقضايا ليس لها اساس غير الهش من لغو الكلام ...
رجاء يا ابطال الكى بورد من اراد ان يستقيل - فليخرج دون ضوضاء
ليس انور او غيره ممن تقف عنده القضايا لان (مشروع الحلم الفسيح) لايوقف بذهاب شخص وايضا نور كان عقلانيا اكثر منى وطلب منى الرجوع مرارا من خلال رسائلنا او محادثتنا الهاتفيه....(كم جميلا انت ياصديقى واحبك ضمن الاخرين)..
2/ عملية الوقوف فى وجه المدفع ومحاولة منا لتغير شى من الواقع المظلم وهذا الانسحاب اتذكر الان كولن صديقى بدر الدين (انا ضد جميع الا جنحه ).... خلاصه هذه النقطتين انه حصل خلل ما......
ولكن لازلنا ماشين وفى السكه نمد...

Post: #2
Title: Re: انسحابى من وسط الزحام و تهديد بالقتل:-
Author: اساسي
Date: 02-17-2005, 02:09 AM
Parent: #1

والله يا تروتسكي رجعتك عاوزة ليها حفلة

افتقدناك يا رجل

حمد لله علي السلامة والعود احمد

Post: #7
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-17-2005, 02:22 AM
Parent: #2

خالص التحايا
الزميل العزيز اساسى000
كفينك والحاله عموم ياراجل واخبارك مع المنبر قبل فتره فتحت المنبر ده لقيت ليك بوست كده قرب يجبنى اجى اشاكللك 00
لكن عموما تسلم كتير للكلام الحلو واكيد اكيده حنقابل000

وكيف اخبار الولد حميده بقى تغيان خلاص سلامى اليه وخلى بالك من نفسك الى ان نجى بى رواقه نشاكلك00

Post: #3
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-17-2005, 02:09 AM
Parent: #1

*
ولانك لاتسطيع ان تتكلم عن احد تجنبا للعواقب من سؤ الفهم الخاطى او غيره ووماتيبعه من خلافات لااول لها.. اذا لم يبقى لك الا ان تتكلم عن نفسك لاستدلال عن واقع الحاله ومجريات الامور فااصبحت هذه ضروره وليست تكبرا اقول ربما لااسوى شيئا اوفكرا اما الكثيريون لكن من خلال الواقع المعاش اثبت لى صحة مايقال وما اقوله انا 00
بان ثقافة الشارع اقوى حضورا 00
واكدها عندما ...
طلع علينا كبارات العلم والراى بكل ما هو (قلم ولايزيل بلم )..
يصبح الكلام عبارة عن (كلاكيت) وقد قمت بمسح كل ما كتبته محاولة اختذاله هنا فى هذه الاسطر وان كنت ارى انها كثيره لاننا نعلم الصح والخطاء يبقى مايحصل اسؤ من الجدل البزينطى وعملية الدجاجه او البيضه اول لغز يسهل حله مع مجريات امرونا...
ومتين يتلم شملنا وتظهر لينا قوه ..عندما اسمع اغنية وردى تلك ابكى دون سبب واسباب ...

تهديد بالقتل:-

او من الحب ماقتل..
لو احبكم انا العمر كلو برضو شاعر ماكفانى....
رساله كنت ارسلتها لاصدقائى والرفاق وكل الحبايب ايضا لاتغلى عليكم

خالص التحايا00
اعزائى الزملاء/ت() على وجع النزيف احكى ليك وفى يدك ...
ضؤء شمعه خافت...
ونم ومجاور وقريب سليل روح وسبيل فقراء..
يباس قضايا لايعنى ان الزخم توفر شعاع ...
مشدودون اوتار الناس على..
مصلوب مسيح وعليكم صليب..
رائحة الموت شى فوسفات وكلور وحرقه فى العيون..
بعض احزانى اسكبها من اول نقطه على جبين الوطن الى اخره تراب..
توتيل وجبل مره والامتاونج عوينات والبركل لو عزا اللقا ..
مزيكا من طعم الوجه اتى تتدفق احيانا تسكع واحيانا انكفاءه..
وصابر لقيتك على المد الغريق..
وطن ومنك وطن عليك دينو..
وعندما ياتى الليل على احد التلال فى ركن الجهات من تلك الضفائر..
يبدو كما لاشى يبدو علينا ..
نتسال عن دمنا المهدر فى الحانات..
ويرقص فى المساجد..
وشمس00
ومسرح وكمنجه فى اتكاءه من ظلال الورده00
واشياء من هذا الزيف الذى فى خطواتنا..
جميعنا قساوسه ندمن شرب النخب الكاذب..
جميعنا حطب وحريق00
والاسطوره تقول ان اللعنه قد اتت وانتهى وقتها ولا مجال للعب بين اصابع الايام..
فالنلعب..
ونحب ونبكى وكله شى من القديم الذى عاد...
اتكى حزنا على كتفى
فقد ترهل كتف الحبيبه
من الاعاصير والروتين ومزاميرنا الفارغه من العواء..
والخواء..
يابلد...
الحان غناى..
وياقبر يااجمل حلم..

تلــــــك أنتــــــــــى00
عندما اشتاق اليك
يتدفق الدم الذى صار
دليل00
وتنسكب اخر قطره
من الليل
الجميل00
وتبدين كما انتى
اول مره
ياحواء
اذا لما الرحيل00
ولما انتى بين
المحطات والدموع
والمستحيل00
اترقبك من باب الرب
تدلفين الرحمه
وتاتين حضنى
دون اى شك
فى يقينى00
يا ايتها الرساله
يا ايتها النبؤءه
اين الخلاص00
اين الضجيج
بل اين الناس00
ان الان اتصفح كتابى بيسارى
وكان
الجميع
يتصفح باحساسى00
وقفت تسالنى
من انت؟
قلت انا لااسوى
شيئا دون الناس00
تلك حبيبتى وتلك
بلادى
وتلك
الحريه
وتلك انتى
والجنة الابديه00

مع كل شهقه زفير حين المغربيه00
اول الصباح تطرقنا نقطة الافق..
ضوء ورسول..
منظر بين شعاع فوق الغيوم رفاق وصحاب..
ساحزنى ارتخى قليلا دع مساحات للبراجماتية
ودنيا ما غشاها زيف 00
بيك نكون اجمل نكون مسدار وقطعه حجر من متاريس
هل صحيح ياصديق لم يتبقى لنا سوى تلك ال شمشونية..
اذا لم ينشا من بعض شى فليكن على وعليكم ياصحاب 00
وعذرا لك تلك الايام عذرا لمن لاتدرى والرب ايضا من داخل المد العميق يبحث عن ترتب لشى قادم يمكن ان يكون رساله ويمكن ان يكون شوق تجديد لعلامات توضح ان خيط الامل ....وانقطع يا الهى ...
فلتكن كل الدروب حفيف وكل حفايا الاقدام يتوهطون ...
يبقى علي ان احبكم كما تبدو صفحة الوطن على وجه المياه00
فقط اعلم ان عذرية قلمى كل الايام السابقه كانت لشى لااعلم لاقول ان هذا هو المخاض فالمولود فى حاله عسيره الى الان ويااااااااااااااااااااااااااااااااه00
تك تك
صدى دمعات على ارض فى مكان مجهول ورجع الصدى00
واشياء اخرى ستحُكى لكى لاننكسر لكنى ادمنت تياركم00
تروتسكى معتز

*وايضا وقف جنبى كثيرون وزى مابقولو كرهونى الماسنجر والايميل وحتى س اون لاين اصبحت لاافتحها واتهرب من الماسنجر واتعمد بان لااقراء تلك الرسائل او اقرائها واعمل مصهين...
لو كان خيار وفقوس لذكرتهم بالاسم لكن هم يعلمون اين هم يقفون من صمامات القلب ونبض فشكرا لكما جميعا شاكر الى حد الدهشه الاولى خشوعا وركوعا على ابوبكم..
وعلى هذه البوستات ومن كتب فيها وكتبها... وكذلك الذين راسلونى ولم اكن اعرفهم قبل ذلك ولايكتبون فى هذه المنبر ولا غيره من المنابر ..
لا يا تروتسكى انت البيك ما هين
ركن نقاش رساله بمناسبه راس السنه لتروتسكي والاصدقاء والي اللقاء

Post: #4
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-17-2005, 02:17 AM
Parent: #3

ولكن اكثر ماشدنى فى مجموعة الرسائل التى وصلتنى تلك الرساله من الاخ الاكبر (ن)..

*حينما ترحل العصافير ينكسر الضؤ
معتز اخوى...

ابلغ تعبير عن المثقف هو على ما اعتقد ذك الذى كتبه (( بشار ابوصعب )) ( على ما اعتقد) (( المثقف هو الذى يتخلى عن طمانينيته من اجل الاجل طمانينة الاخرين))...

حبيبى معتز...
لا اظن ان فعل الكتابة هو فعل للتباهى خصوصاً مع ظروف شعبنا الحاليه ، الكتابة هى اعظم سحر اصاب الانسان على مدى التاريخ ... الكتابة هى ذك الشى الذى يقودنا نحو الامل او نحو الفناء الكتابة هى الفعل البشرى الذى لا يكمل ابداً بدون الحوجة للانسان فى ذاته.

معتز...

ان ما اقدمت عليه انت با ستقالتك واقدم عليه اخرون ايضاً سوف يمثل ضدكم فى معركة لن ينفكم فيها اى عزر ، معركة حتى لو لم تقم صدقنى سوف تقتالك فى اليوم الف مرة لانها تدور بداخلك وحدك ، صدقنى ان الاخرين الذين دفعوكم لهذا لو علموا حجم الماءساة لما فعلوا ابداً صدقنى انهم ورغم الذى اجبروكم عليه فانهم لم يقصدوا ابعادكم ، ولكن السبب الرئيسى فى الابتعاد هو انتم نعم اقولها لك بصراحة يا حبيبى!!!! فكيف يكون هذا؟؟؟؟؟؟؟؟؟؟؟؟؟ نعم فحينما اعتبرتوهم اجبروكم على الاستقالة لماذا لم تسال نفسك (او انفسكم)) من هم حتى استقيل لهم!!!! وهل الهدف من كتابتى هذه هو هولاء ام ان الهدف هو هدف عام واسماء من كل هذا؟؟؟؟ اسئلة كثيرة تعمدت انت والاخرين على تجاهلها لسبباً واحد على ما اعتقد هو:- عظمة لديكم نفسكم ان تروا اتهامات تسلط على بعضكم وفى هذا معكم حق !!!! لكن ايترك الميدان هكذا !!!! وهل دخلتم الى هذه المعتركات حتى تحافظو على انفسكم ام دخلتموها حتى يكون الوعى لكم ولغيركم!!!! وماهو الشى الذى سوف تجنونه بذهابكم هذا ؟؟؟؟؟ اين تلك القصص التى تحدثون بها انفسكم فى التغيير؟؟؟؟؟؟؟؟؟؟ اين تلك الزاكرة التى استلهمتموها من حركات التحرر العالمى ؟؟؟؟ ام هو محض ادعاء؟؟؟؟ اين واين الخبز واللبن لاطفال تتحدثون عنهم كاجمل انشاء فى الوجود وتتعاركون فى ان هذا ليس هو هذا !!! وان هذا هو تلك!!!! فيالعار المثقف حين ينكفى على ذاته ويا لبؤس ابناء وبنات شعبى الذى ينتظر مثل هذا الانسحاب !!! ويا لزلى وعارى لانكم اصدقائى مهما انسحبتم فانتم اصدقائى الذين احببتهم فيا لذلى بكم من اصدقاء.

(ليس المعضلة فى قانون بل المعضلة فى استعدادنا النفسى لهذا القانو) هذه المقولة من نجرى انا ونجرتها هسى دى يا معتز وببساطة بقول يعنى انحنا لو عندنا استعداد للقانون صدقنى ما حنكتبوا ابداً لكن حنتعامل بيهو مباشرةٍ.

معتز اخوى...

ليس المشكلة رودا او ابوبكر او ندى او اى انسان وانسانة اخرى المشكلة الحقيقية هى كيف نتعامل مع كتابة اى اسم فيهم با الاتفاق او با الاختلاف وبكل احترام !!! انا لم اقابل عادل فى حياتى لكن اتفق واختلف معه فى الكثير وكذلك انور وكذلك خالى ود الحاج اذن المسالة هى مسالة نسبية جداً .

صدقنى ان ما ذهبت اليه انت والذين ذهبوا معكم سوف يكون خصماً على ابناء شعبكم.


معتز ... هذه الرسالة رسالة خاصة لك انت فقط.

مع احترامى لك

قلبى يوجعى اليوم
ليس كساير الايام
فقفص صدرى
ينبأنى ان عصفور حلمى
سوف يرحل...
(( القصيده دى من نجرى هسع ايضاً وممكن تسميها يوم الحزن ورحيل العصافير))



دوماً
كانت تلك الرساله بتاريخ
Tuesday, January 25, 2005 8:15 PM
والى الان لم ارد عليها لكن ردى عليها ياصديقى العزيز نون اعلم ان ردى ضمن تلك السطور بانه اصبح جدل بيزينطى بالاضافه الى نضال القضايا لايتوقف على هذا المنبر وحده وكذلك موضوع القانون ليس هو بالشى المهم لكن ابسط شى لمقاوات الدوله المدنيه شى مكتوب بالبونط العريض اسمه القانون ولكن يمكن ان يحصل تجاوز لان لائحة عمل داخليه يمكن ان تسير امور الناس لان القانون ايضا بمفهوم قانون ناقص وبه ثغرات ولا يحمى المغفلين وايضا المساكين... لكن الصدق اصبح فى عيون الناس مظنه واصبح فينا كلمات هامشيه والحقيقة بقت مخافه وانزوت فى عمق اعماقنا الخفية..بالاضافه الى انك تعرف اننى لايهمنى من يكبت فقط مماذا يكتب ولاشى غرض يكتب وهلمجرا.........
خلاصته ليس اكثر ما كتبته او كتبه غيرى كثير من الاشياء لاتحتاج لضوء وظلام لطى نعرفها لكن لان المفاهيم مركبه خطاء كثير من الظلام بداخله نور والعكس...
* اما موضوع تاخرى عن الحضور فكان من بكرى لاننى عندما اهم بالدخول اجد ان حسابى غير منشط ولا اعرف السبب ..عموما لاباس وبرضو نقول للسيد بكرى شكرا كتيرا لهذه المساحه.. شكرا كتيرا بكرى وشكرا للرساله وللمساحه الاتحتنها لينا معنا من ان نبنى هذه الوطن من خلال المنبر دون زيف ياعزيزى 000
وشكرا لكما جيمعا..
تروتسكى
……………

Post: #5
Title: Re: انسحابى من وسط الزحام و تهديد بالقتل:-
Author: محمد حسن العمدة
Date: 02-17-2005, 02:22 AM
Parent: #3

ألف ألف حمد لله على السلامة يا تروتسكي يا رائع


























بجيك صادي

Post: #26
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 10:45 AM
Parent: #5

خالص التحايا00
الزميل الحبيب
محمد حسن العمدة
دائما نتلاقى كالرياح الاسيويه...
جافونى الاحباب من غيرسبب واسباب..
تعال صادى كتلك الرياح تعال مكانك القلب المثخن بكم فقط دع لى مكانة معك لاخذ شهيقى لانه ليس ثروة وسلطه وليس كل الاشياء فى محلها ..
المهم ان تهددون الى منافذ الاشياء لكى نلحقكم خارج كهف النفق المظلم ...
تعرف يامحمد اشعر بتؤاطا الشعراء فكل القصائد للحبايب الا يوجد بديل للحبيب(دى خارج الخط)...
ونشتهيككم لانكم دائما تشتهون......

Post: #6
Title: Re: انسحابى من وسط الزحام و تهديد بالقتل:-
Author: على اسماعيل
Date: 02-17-2005, 02:22 AM
Parent: #3

انت عابر سكه فايت ولا جيت قاصد (تزورنا)تجينا
الف مرحب بيك حباب يا الدوام فى الظلمة نور

Post: #8
Title: Re: انسحابى من وسط الزحام و تهديد بالقتل:-
Author: tmbis
Date: 02-17-2005, 02:38 AM
Parent: #6


صديقي الشهي ..
توزا..
وتعود مراكب ريدنــا..

شكرا من جديد..

Post: #9
Title: Re: انسحابى من وسط الزحام و تهديد بالقتل:-
Author: A.Razek Althalib
Date: 02-17-2005, 02:58 AM
Parent: #8

معتز وصل يا ناس
وباقي الجراح تلتئم..
المنبر من غيركم كان ساحرات ومكارثي ... ومرافيد... وملر... ودكتاتورية سيد البيت... ووحشة... عييييييك......<>>>>>

عقبال حبايبنا أنور/ عادل.. دكتورة نجاد/د. عبدالله بولا.. وكل مبدعي بلادي...


العود أحمد....

Post: #30
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 10:53 AM
Parent: #9

خالص التحايا..
A.Razek Althalib
ياعزيزى ليك وحشه ونحن مابين الديكتاتوريه الفكريه يبقى علينا شيتا صعب المراس فى خلق واقع جميل بالرغم من الاحباطات الحاصله وبتحدد ده فى شكل تفكيرنا وشكر طرحنا لما نحمله دون زيف دون غش واقع مرير لكن تعرف يارزقه حزمة العيدان الغير قابله للكسر كتير مايكون تجمعها هو سبب تكسرها لان شكل التجمع كان عباره عن ظلال متجمعه ...
كلهم بالتاكيد سيرجعون وان كان تناول القضايا ليس مربوط بالمكان او الزمن لكن فى حال توفر ظروف معينه للمعركه يمكن ان يكون صاحب الشرق اقرب ما يكون لصاحب الغرب وكل الاتجاهات فقط فلتتوفر مساحة للمجابده ...
عبرك اقف مردد فاليكون الرجوع او فليكن المعافره من مكان اخر فقط الاستمراريه لان استمراريه الحياة لها معانى كتيره فما بين الحزن الاول والاخير تكون الاستمراريه ويكون البقاء للامل احيانا...
سعدت بيك كتير ياطب القلب..
وانا اتى اليك ..من حلمى بالمطر ..ومن قصص الاطفال ومن دفاتر اشعارى القديمه ..

Post: #28
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 10:51 AM
Parent: #8

تمبس علاء
شكيت لى طيفك الايام
وسالت عليك وناديتك فى ليل الشجن والشوق00
ولقيتك...
فى كل المقاطع خرافه لى زمنى ياحنين
تمبس مقطعى العاشر:-
عطب قلبي
عطب الدم في الشريان
لايد تمتد
لا إنسان غيرك
ينتشلني من الاعماق00
بدت بلا ارض اقف عليها
قبلك
ما معنى الساق00
فأنا ادخل في نفق
واخرج من انفاق0


*يعنى نقعد فى الحاله يحلها الشربكها ويحلنى من ريدك....

tmbis
لاجيتك جات .. لا الشتاء واتراد .. بقينا بعــــــاد .. متين القاك ..
.. عشت يـــاسوداني ..

Post: #27
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 10:48 AM
Parent: #6

استاذ على انت كلام اخر ...
الان يبقى شكل اكرام الضيف صعب انت والاخرون اكرامى اليكم بان ان اقول صدق الحقائق لكن لم استطيع ومهما قلت ايضا لن استطيع ....
ياعزيزى ود العم ...
تحياتى
كانت رسالة تحمل معنى ان تعرف الاخرين فى اوقات المحن للكل فتظهر روح التضامن والوقوف من اجل قضية تؤمن بها وتعلم ايضا كبر القضايا التى نحملها والتى تتجسد اكبر فى معاناتنا من اجل اصدار صوت فى وجه ظالم او فساد الاجتماعى نعانيه يوميا ولكن نعلم ايضا ان صوتنا لن يخفض او ينتهى ما دمنا نحيا عليها هذه الارض
تقبل تحيات نجوم الليل والجنزير التقيل البقلا ياتو...
نار امبادر لن تخبو 00
والزارعنو فى الحياضان لن يموت0
والجرارى والشاى البرمكى 00
وام كحيل ياعلى بكيت كتير انا..........ياعلى..
ويبلومى شيل السلام لعلى والاسره...
واقول ليك شنو بالجد فقد المنطق معاك ...
على اسماعيل
بحضورك بيتنا نور يا - تروتسكـــــــــى فالف مرحب

Post: #10
Title: Re: انسحابى من وسط الزحام و تهديد بالقتل:-
Author: lana mahdi
Date: 02-17-2005, 03:01 AM
Parent: #1

مرحبا بالرجل المحترم

Post: #31
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 10:56 AM
Parent: #10

التحايا النواضر...
سيدتى لنا بنت المهدى..
تعرفى زى مابقولوا انثى ولا دسته رجال (وهذا ليس تعظيما لشان الرجل) حتى يعترض الجندريات ونروح فى داهيه..
ولا اثنى عليك بقد ما هى الحقيقه يسعدنى جدا ان تضعينى فى صوره حلوه امام عينك ...
*تفاؤل
احلم ان اراكى رئيسة لكيان سياسى احلم بامراءة تعرف كيف تنفث الدخان القاتل ...
شكرا لك كثرا وانتى مهدده بالقتل.. لم تخافى تهديدى وسجلتى حضورا...
lana mahdi
إلى "يـــــاء" هنائى فى يوم الحب : من جوَة الجوَاى
الذكرى 60 لتأسيس حزب الأمة بقلم الأمين العام للطلاب الأ...ر الحبيب رفعت ميرغنى

Post: #11
Title: Re: انسحابى من وسط الزحام و تهديد بالقتل:-
Author: alfatih
Date: 02-17-2005, 08:06 AM
Parent: #1

ساقتلك يا ممسوخ
كى ارتاح من الشوق

Post: #32
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 10:59 AM
Parent: #11

alfatih
انت حاولت انساك ..
وقلبى زاد فى جروحو ورينى كيف الحى بفارق روحو...
يا المصيبه انته اسه بجى شبهك داك الاسمو منو ماعراف حبيو ماعارفنى رجعت لانو بكون حايم البلا يشلو وانت معاهو يجبكم لى هنا..
اعرس ليكم بنيات صغار زى بنات ام لعاب وعيونهن صغار ....
وينك انت وبعدين انا ماكرهت فى الدنيا دى غير تلفونات هولندا انتو قاعدين فى قبو (قال نز لاند قال (Netherlands
تتذكر قصة وبهت الذى كفر ياااااااااااااااااااه ..
بالجد انت اول مهدد بالقتل وحاكون معاك سادى جدا فى قتلك ياشرير..

Post: #12
Title: Re: انسحابى من وسط الزحام و تهديد بالقتل:-
Author: nour tawir
Date: 02-17-2005, 09:42 AM
Parent: #1

الحمد لك
والشكر لك
يا رب العالمين
ان اجبت دعائنا
ورجعت لنا
تروتسكى بالسلامة

Post: #33
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 11:03 AM
Parent: #12

استاذتى نور00
التحايا النواضر ..
بابنا ابدا ما تقفل عمرنا ماصدينا حد....
نحن الاهل ابناء الغابة و الصحراء..
والجبال كمان والقيزان فى الوطن الصغير ...
حضورى كان دار الفرح والريد كان بايعاز تلك المسائل التى لاتزال عالقه بين افواه الطير...
حضورك بحجم تلك المسائل ..يبقى كتير علينا ان نتحمل مثلك انتى سيدة القضايا ..
لااكثر..
والله لاجاب يوم شكرك.. وكفى...
nour tawir
تصاعد خطير أوضاع أبناء جبال فى الحركة الشعبية!
فى البدء...كانت كادقلى
هذا البركان قابل للاْنفجار مرة أخرى

Post: #13
Title: Re: انسحابى من وسط الزحام و تهديد بالقتل:-
Author: محمد الامين احمد
Date: 02-17-2005, 10:50 AM
Parent: #1

الغربية ضاعت كل المفردات منى فى هذة اللحظة

و لكن لازم اكون فى الصف الاول على الاقل

و سلامات يا زول يا رائع

Post: #14
Title: Re: انسحابى من وسط الزحام و تهديد بالقتل:-
Author: محمد عبدالرحمن
Date: 02-17-2005, 03:47 PM
Parent: #13

افتحوا للعائد ابواب المدينة

مرحبا تروتسكي ..

Post: #15
Title: Re: انسحابى من وسط الزحام و تهديد بالقتل:-
Author: محمد اشرف
Date: 02-17-2005, 03:59 PM
Parent: #14

حمد الله الف على السلامة
تروتسكينا

الف
الف
الف على السلامة

Post: #16
Title: Re: انسحابى من وسط الزحام و تهديد بالقتل:-
Author: المسافر
Date: 02-17-2005, 04:39 PM
Parent: #15


(( عيني عليك باردة
يا سمحة يا واردة
يا فقرة ردو لي
رويحتي الهناك شاردة

شديرة الخريف خدرة
شايلاها نوراة
يا سمحة يا دقاقة
يا ست بنوت بارة))

راجيكي يا زهرة
في قلبي تنزرعي
تفرهدي تطولي
في خضرة الفرع

جيدا جيت
نورت الحلة

Post: #37
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 11:17 AM
Parent: #16

خالص التحايا00
حبينا المسافر انت الى الان لم تصل مسافر ...
يازول لو جارت عليك ايام تعال لى عيونا بتشيلك...(بس المشكله النظارات ديى نوديها وين) ..
وشنو نازل لى فى الميرى كده...
شايفك بى هناك نازل ديش ساى اصبر اجبك ...
واى كلام تقولو حلو منو البسمع كلام بدلوا...
تكون دى رساله للعارفين ولى ناس لسه ما سالوا...
بعدين لو الحكاية ديش ديش شكلك ضابط فنى (مرطب) بعنى فننجى لووووووووول
لو اندرشنه فى الميرى ده كان بان عليك تعب السفر ...
لسه الربيع يدابو زار...
لسه المضاف المترعه بتفيض ندى وبتطرح ثمار..
الناس عليك نادها فال..
فى عيوان نام الانبهار..
وانا قلبى المشتهيك ..
نزفت جرحات الودار...
مابان عليك سفر القطار..
ولا جاتك ايام القسا...
وماروعك وانت الشباب ..
بحمرة الريد اكتسى...

لقيتنى كيف....
تحياتى ليك ياجميل

Post: #17
Title: Re: انسحابى من وسط الزحام و تهديد بالقتل:-
Author: الملك
Date: 02-17-2005, 05:15 PM
Parent: #15

....
ونعود تانى ...تانى ....تانى ..من تانى
....
والقاك يا وحيد عمرى وتلقانى
....
فتشتا ليها ما لاقيتها لى زمن(الاغنية بصوت صاحبها الاصلى لانو صوتى شين)
....
مرحباً بالعودة صديقى
....
وفى إنتظارك

Post: #18
Title: Re: انسحابى من وسط الزحام و تهديد بالقتل:-
Author: عوض الله الفولانى
Date: 02-18-2005, 07:23 AM
Parent: #17

صديقــى الشفـــيف / معتز تروتسكى

أكاد لا اصدّق !!! صاحب ألألق و الكلام المدوزن
Quote: تصدق انك اجمل بكتير من اى زمن اخر 00فقط لاتسفر فى التكذيب والدين00

اهواك ...نيران فى الزمن القش00

وليل غطى جبالو00

بلد حبيبه = دستة رجال00

منو فيكم الراجل ومنو فيكم المرا عشان نحدد شكل الزواج العرفى وينتهى الموال فى اغنية صلاح بن الباديه (كلمة)00

من منكم سياتى فى الصفوف الاخيره 00

الاتحب ان تنال جزاء الصفوف الاولى وتلك الشهاده00

حبى ليك حب ما اعتيادى000

حبى ليك جاى من ديل الغبش السموهم (صحاب) وانت منهم 000

......................................................................

القداسه فى مشاوير كتب السماء؟

انا لااعتقد

بقدر ماهى فيكم ..ويبقى الفراق مكتوب زى ماجمعنا قدر00

بقدر ماهو المردوم جوانا اقياع وحكاوى 00

حلى الكلام الفى ضماير شايل00

زولى الرحل باناس غير شوفتها00

.........خلونى ياخلايق نعد النجوم

ولانى مصطلحا يسمونى راجل ويصنفونى هكذا (بايلوجيا)00

لذا اشتاق لها غربا وبها مشاط (كردفانى)00

وبها لفحة توب ادروبيه (شرقا)00

وبها شلوخ مفتوح علىالوريد (شمالا)00

وكذلك بن ياقهوتها لونها وسمرتها مايل (جنوبا)00

.................................................................

هذا كان جزأ من تهديدك بقتلى عندما انسحبت من

من المنبر ... و مع عودتك عاد معك ألأمل و ألأبتسامة

انت احد مبدعى بلادى ... يعنى بالواضح كده ثروة قومية

انت ملك للعام و لكل اهل السودان لذا يجب الحفاظ عليك

ولى عودة يا رفيقى .

احــــــــــــــــــــــــــــــــــــــــــــبك


الفيروزى

Post: #19
Title: Re: انسحابى من وسط الزحام و تهديد بالقتل:-
Author: سفيان بشير نابرى
Date: 02-18-2005, 08:50 AM
Parent: #18

تروتسكى الجميل/


الف مرحب بينا معــــــــــــــــــــــــــــاك



Post: #20
Title: Re: انسحابى من وسط الزحام و تهديد بالقتل:-
Author: Marouf Sanad
Date: 02-18-2005, 08:56 AM
Parent: #19

تروتسكي لك كل التحايا

Post: #21
Title: Re: انسحابى من وسط الزحام و تهديد بالقتل:-
Author: bayan
Date: 02-18-2005, 09:09 AM
Parent: #20

تروتسكى؟؟

يا ولدى لك وحشة قدر السما و طيراتو و البحر وسمكاتو...

وجيتا جيت.. والله وحشتنا الدماء الشابة خليتو البورد كله جلاكين

صحى يا جنا انت فى شرق آ سيا.؟

Post: #41
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-20-2005, 10:45 AM
Parent: #21

خالص التحايا00
الدكتوره الخاله
bayan
وانا شوقى ليك ياوالده لو قلت ليك قدر المسافه البينا تكون بسيطه لانو فعلا المسافه البينا قريبه ماتجى نعمل بورداب بى جاى ونفتش لى خاله دوما00
قايتو شباب دى فيها شك لكن الا نرضى بيها عشان كلما ما زيدنا مساحه فى العمر انتو بتزيدو فرسخ(جنس فضايح) ياخاله00
* صحى يا جنا انت فى شرق آ سيا.؟
شفتى الله وشفتى حكمتو ختانا مع ناس الاعاصير وتسونامى00
الله فى قادر 00
وربك يجازى الى كان السبب00
سعدت بيك ياوالده يامريم ياعامره حنيه00
بعدين انت ما يكاكى زميله وجميله00
الضلام ده جبيتهو من وين؟
او اكون انا ما لابس النضاره00
كان كده خلينا بدون نضارات 000

Post: #40
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-20-2005, 10:36 AM
Parent: #20

Marouf Sanad
لك كل التحيات خبزا وحياة00
يارفيق المكان اسرع وافرد شراعك للاخرين الذين هم هناك يطمحون فى ان تلمهم بما تحمل من امانى خُضر00
للصباح للاطفال وقوس وقزح00
تعال ياعشم باكر00

Post: #39
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-20-2005, 10:34 AM
Parent: #18

الفيروزى00
ياعزيزى لم تسمع بان هناك خربشات غير قابله للنشر00
لكن بالجد فاقدك بقدر المساحه البينا واكتر ياراجل 0
وانت كمان لابتلقى اون لاين لاغيرو ومن ديك وعيك000
ياصديقى اكد باننى لن انساك مهما كتب لى الحياة فى زخم الضباب وزحامه00
وكم اريدك00
ولك منى مقطوعه مرسال الشوق وجبل مرة بالتاكيد سنعيد الزمن وسنشرب من مويتو تانى وتالت ورابع00
العزيز من القلب ركنا قريبا00
الفيروزى عوض00
احذر مازال التهديد قائما00

Post: #38
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-20-2005, 10:32 AM
Parent: #17

التحايا النواضر 00
صديقى الملك بحضرت جلالو00
تسلم كتير ياعزيزى وفعلا ياهو تانى تانى والساقيه لسه مدوره00
اعتذر لك بقدر الايام التى كانت قاحله فى الغياب00

وكان الانسحاب لحظتها ضروريه لولا غلطتى الشنيعها بان اعلنتها على الملا000
لاباس00
لكن انت موعود مع رزالتى فى المدينه العذراء00 عطبــــــــــــــره
عليك بارجاع الصور انا لم اتمالك نفسى من فرض وجودها فقد احتفظت ببعضها والا لا 00
وانا اتى اليك يابوردابى 00

Post: #36
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 11:12 AM
Parent: #15

الزميل الاشرف...
الزهور صاحيه وانت نايم..
ماينوم يازميل ..
شنو الحكاية اليوم داك انت كنت وين كمية ناس وجوطه اظنو جنب المكتبه وبعدين ليه تهرشنى كده
اها ماعافى ليك ...
بعدين مارسلت لى ايميل مصطفى ...
مشتاق ليك ومشتاق اعضيك كمان ..
اوريك شوف محمد عبدالرحمن ده انكت منو قروش (مانحن البرورتاريا ديل ابو النوم مافى ) شيل من خدم الراسمال ديل وارح كاكا السوق الشعبى ...
نكمل ونستنا هناك مع الشباب .....
فرحان بيك كتير ...
ومغيوظ...

Post: #35
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 11:08 AM
Parent: #14

اولا على باخد نفس عميق..
محمد عبد الرحمن....
يااااااااااااااااااااااااااخ{1,2,3,000} يااااااا
ازيك صديقى اللدود جدا وعزيز اكثر ..
رسالتى الاخيره وصلتك؟
وانا يامحمد اكد بانى فاتح لك قلبى شارع ومدن...
وبلقاك فى كل الزاويا....
مشتهينك بس
.............

Post: #34
Title: Re: انسحابى من وسط الزحام و تهديد بالقتل:-
Author: معتز تروتسكى
Date: 02-18-2005, 11:05 AM
Parent: #13

خالص التحايا00
ابوحميد الجميل00
تعرف انت هكرتنى انا زاتى 000 (ااخبار الكوره شنو؟) شايف ناسك ديلك علبو بى سل الروج ربك يستر وقالى الجاى احلى ..اها انتو بتين عشان نشمت شويه
يكفى تروتسكى حضورك وزى ماقلت اسه انت يكتبو ليك شنو الناس دى بروح كلا الكلام لاننى اخاف يكون ماقدرك يا ابوحميد...
وكان الحارة جات الزول بلقى اخوه...
يكفى اننى اجدك وقت الحاره...
لحشودك الجواى مكانه00
حضور وزمانه00

Post: #22
Title: Re: انسحابى من وسط الزحام و تهديد بالقتل:-
Author: Shams eldin Alsanosi
Date: 02-18-2005, 09:49 AM
Parent: #1

A BIG WELCOME

Post: #23
Title: Re: انسحابى من وسط الزحام و تهديد بالقتل:-
Author: خضر حسين خليل
Date: 02-18-2005, 09:54 AM
Parent: #1

?????

لم أفهم الحاصل أذن ؟

Post: #24
Title: Re: انسحابى من وسط الزحام و تهديد بالقتل:-
Author: سجيمان
Date: 02-18-2005, 10:02 AM
Parent: #23



اهلا يا معتز

ايها الشفيف

Post: #25
Title: Re: انسحابى من وسط الزحام و تهديد بالقتل:-
Author: omer almahi
Date: 02-18-2005, 10:44 AM
Parent: #24

معتز النقي .. كنت واثق من عودتك

Post: #29
Title: Re: انسحابى من وسط الزحام و تهديد بالقتل:-
Author: نهال كرار
Date: 02-18-2005, 10:52 AM
Parent: #1

حمدالله على السلامه

وبتمنى يرجعوا الباقيين