وبعدين معاكـ

وبعدين معاك؟؟
طوَّالي ظالم في الظروف
متسبِّب إنَّك..إعترف.

غلطان هواك الماقِدِر يتحدَّى ..حالاً..
أستبعد إنو
وماأظنو..
المستحيل ..
إنتا طبعك(مُنصرِف)
غلطان قليبك ماعِرِف ..إني طبعاً
وبعترف..
_فيما مضى_
بهواكــ جداً
جداً
و..
بي شغف
ماني ندمان
لاني..أبداً ..منكسف
أصلو التجارب..بتعلِّمك..
وماعاوز أشوف منّك أسف
ولاني طالب للسِتِر
..ومااااحليل..
لو كان ذنوبي إخترتك إنتا..
بعترف..
إني عمداً..بقترف
ولو كان جزاي(مكتول هواكـ)
يسعدني جداً..
أوصل حدود الغيم_ممات_وبي شرف
ماهي بالغرويد بتبكي
لارمشي برضك برتجف
ديل عيوني بعد ماشفتك
سكَّرني ريدك
سكَّرني..جداً
وااعي وهويتك .. قطرة..قطرة..وبرتشف
حبي وااضح ..
وبرضو..جداً.
ماهو البعيبني
أحمل إحساسي الجميل بيهو دايماً مُلتحِف
واضح حقيقي ومنكشف
بشتاقك شديد.._وبيني بينك_ لالا
بيني والناس أجمعين_أسي مشتاقك شديد_حالي محتاجك شديد_أنابعترف
ماغريبة ...
جداً
وبي ترف.
عِرفتا ليه..إنِّي فرحان بعترف؟؟
وكيفن نسجتا الشوق نجف علي خيوت الليل بشوف
لمَّا تستوحش نجومو ..منو البسامرو
أذكِّرك؟؟
...
في النسيان طبعاً لأنّك..محترف

منو
الببقالو دون الناس ضيوف
حزنو..بيخِف

يازول أقيف
وبعدين معاك؟؟
انتا ياريحة الجروف
ياأحلى من كل ..المواسم
نديانة بي طعم الخريف
أحلى طعمك..مختلف.
يازول اقيف..أنا عندي ليك كمين كلام
ورزمة من عتب الحروف

اوعاك تقول إتعاكست برضو الخُطى
ماعاكست دربك خطاي
لاخطاوي الأزمنة
والريد.. _عارفة إنّك مُعترض_لسَّه بنضح شوق عطور
واشواقي فيك_يازول في هروبو شوف..حل مؤقت للحضور_عارفاها فيك متمكِّنة
ماأدت الغير الإمارة
شان ترجع والنبرة طبعاً (ياخسارة) "..أمير الشوق هوَّ الفرقنا"

ياحِبي لو تسمح دقيقة
أنا عاوز أملِّكك صِدقاً حقيقة
الزمن الجميل لسَّاتو حاضر
في أملنا
ماخالي ياقلبي الأمان
أبقى للناس المحنَّة

إنتا راجي السكَّة تشعل ضو زمنَّا
ومن إيدياتك تسوقك؟؟
تاتيت..ولسَّه بتتاتي في ظروفك..
مرَّة تلبس..خوف ..حروفك
شان إنتا تجدَّع بس همومك
ومنِّي تبعد ولسَّه لسَّه
لسَّه بتقول :" فرقتنا "!!

لو صحيح غلط في الريد بكون
ببقى غلطان قلبي رادك وليك حنَّ
وإنتا_قطعاً_ماكا غلطان البتحلم
غلطان أكيد النوم ..سرقنا

في المبتدا
مادوَّخت أحاسيسك مشاعري
لكن أظِن..
لالا..وبأكِّد
بالدوخة قلبك مبتلى
وفي المنتهى
أعرِف إني يوم حبيت عيونك
شان فيها شفتا النيل جرى
صااافية مويتو
صافية شكلاً ومحتوى
فيها برضو الريد بعيش
ومنو بتنفس هوى
وإني يوم خليت عيونك
شفتا نيلي الكان بيجري
بين عيونك..ويدي خيراتو المدى
شفتو جفَّ
جفَّ موجو..

جفَّ ريدك
مات أظنُّو وإنتهى.

الغريبة ..إنَّك تفكِّر..
ذيَّك..نسيت
إحنا ماالإتنين..سوا!
أيه عرَّفك..إني ظالم للهوى
إنتا ياأسباب أذايا
غريبة برضك..ليّ دوا
أيه عرَّفك
بالفي قليبي..ومانوى!

يا سلام عليك يا تماضر ياخى ..
بالجد كدة والله بوستاتك بتريح الاعصاب

شكرا ليك ...




وبعدين معاك؟؟
طوَّالي ظالم في الظروف
متسبِّب إنَّك..إعترف.

غلطان هواك الماقِدِر يتحدَّى ..حالاً..
أستبعد إنو
وماأظنو..
المستحيل ..
إنتا طبعك(مُنصرِف)
غلطان قليبك ماعِرِف ..إني طبعاً
وبعترف..
_فيما مضى_
بهواكــ جداً
جداً
و..
بي شغف
ماني ندمان
لاني..أبداً ..منكسف
ولاني طالب للسِتِر
..ومااااحليل..
ماهي بالغرويد بتبكي
لارمشي برضك برتجف
ديل عيوني بعد ماشفتك
سكَّرني ريدك
سكَّرني..جداً
وااعي وهويتك .. قطرة..قطرة..وبرتشف
حبي وااضح ..
وبرضو..جداً.
ماهو البعيبني
أحمل إحساسي الجميل بيهو دايماً مُلتحِف
واضح حقيقي ومنكشف
بشتاقك شديد.._وبيني بينك_ لالا
بيني والناس أجمعين_أسي مشتاقك شديد_حالي محتاجك شديد_أنابعترف
ماغريبة ...
جداً
وبي ترف.
عِرفتا ليه..إنِّي فرحان بعترف؟؟
وكيفن نسجتا الشوق نجف علي خيوت الليل بشوف
لمَّا تستوحش نجومو ..منو البسامرو
أذكِّرك؟؟
...
في النسيان طبعاً لأنّك..محترف

منو
الببقالو دون الناس ضيوف
حزنو..بيخِف

يازول أقيف
وبعدين معاك؟؟
انتا ياريحة الجروف
ياأحلى من كل ..المواسم
نديانة بي طعم الخريف
أحلى طعمك..مختلف.
يازول اقيف..أنا عندي ليك كمين كلام
ورزمة من عتب الحروف

اوعاك تقول إتعاكست برضو الخُطى
ماعاكست دربك خطاي
لاخطاوي الأزمنة
والريد.. _عارفة إنّك مُعترض_لسَّه بنضح شوق عطور
واشواقي فيك_يازول في هروبو شوف..حل مؤقت للحضور_عارفاها فيك متمكِّنة
ماأدت الغير الإمارة
شان ترجع والنبرة طبعاً (ياخسارة) "..أمير الشوق هوَّ الفرقنا"

ياحِبي لو تسمح دقيقة
أنا عاوز أملِّكك صِدقاً حقيقة
الزمن الجميل لسَّاتو حاضر
في أملنا
ماخالي ياقلبي الأمان
أبقى للناس المحنَّة

إنتا راجي السكَّة تشعل ضو زمنَّا
ومن إيدياتك تسوقك؟؟
تاتيت..ولسَّه بتتاتي في ظروفك..
مرَّة تلبس..خوف ..حروفك
شان إنتا تجدَّع بس همومك
ومنِّي تبعد ولسَّه لسَّه
لسَّه بتقول :" فرقتنا "!!

لو صحيح غلط في الريد بكون
ببقى غلطان قلبي رادك وليك حنَّ
وإنتا_قطعاً_ماكا غلطان البتحلم
غلطان أكيد النوم ..سرقنا

في المبتدا
مادوَّخت أحاسيسك مشاعري
لكن أظِن..
لالا..وبأكِّد
بالدوخة قلبك مبتلى
وفي المنتهى
أعرِف إني يوم حبيت عيونك
شان فيها شفتا النيل جرى
صااافية مويتو
صافية شكلاً ومحتوى
فيها برضو الريد بعيش
ومنو بتنفس هوى
وإني يوم خليت عيونك
شفتا نيلي الكان بيجري
بين عيونك..ويدي خيراتو المدى
شفتو جفَّ
جفَّ موجو..

جفَّ ريدك
مات أظنُّو وإنتهى.

الغريبة ..إنَّك تفكِّر..
ذيَّك..نسيت
إحنا ماالإتنين..سوا!
أيه عرَّفك..إني ظالم للهوى
إنتا ياأسباب أذايا
غريبة برضك..ليّ دوا
أيه عرَّفك
بالفي قليبي..ومانوى!

ساتين تود
يسعد مساك النور..

وبعدين معاكـ إنتي يا خنساء ؟؟؟

والله قصيدة أطعم من ( ملاح النعيمية ) زااااتو

وبيني وبينك كدا

أسعد كثيراً مع كل قصيدة لك جديدة .
كوني دوماً يا خنساء مصدراً مشعاً بالجمال

Quote: يازول أقيف وبعدين معاك؟؟ انتا ياريحة الجروف ياأحلى من كل ..المواسم نديانة بي طعم الخريف أحلى طعمك..مختلف. يازول اقيف..أنا عندي ليك كمين كلام ورزمة من عتب الحروف

هلاّ علي متل نور الصباح بسمك
وعانق روحي أحلي كلام ..
معطر بأريج نسمك
رفعت عبوني أعاين ليك ..
لقيت رسمك .. نفس الصورة في حواي
مطبوعة بختم بصمك
كدي أقيف لي .. وأشرح لي
كبف دخل القليب رسمك ؟
وأنا لسع ماعرفت إسمك !؟

سمية
كلامك طاعم وحلو

عاطف
صباحك طلة الياسمين
جوّعتنا من الصباح


بسعد أكتر منك مع كل طلة ليك

كل الود

و بعدين معــــاكِ ؟؟

ياأبو شعور رقيقة..

قصيدة اكتر من رائعة ياتماضر ..

يسلم احساسك الجميل ..

تسلمي كلك هندوية

ياسلام عليك وعلى حرفك الجميل ،،


تخريمة ،،

طششتى بينا بى الخط دا ،،

ود العباسية
أصلك عموش
ماتبهت الخط ساكت

تسمح بدقيقة
و رينا الفى بالك
و قول الحقيقة..

أقول؟؟


:بالتلميح بنفهم
كل ماإنتا داير
رب القدرة عالم بالجوَّة الضماير

:لكن ليك مدة..أسدلتا الستاير
عملتا ..
الحبة..

الانسان مخير يا قلبى العطوف
ناس تزداد محبة
ناس يجتاحه خوف
ناس ايامه صعبة
تتحدى الظروف
ناس بتصيبه رهبة
فى بداية طريقه..

العشاق بتعزف..ألحان الخلود..
والأيّام بتعرف..مامضى..لن يعود..


خليك..
بي جوارنا..

نقتحم السدود
و نبنى عشان صغاارنا
تعريشة و حديقة..
قول..قول الحقيقة
نرحل فى الليالى عبر الامسيات
نزرع للامانى
نعيد الذكريااات
يا حلو الشماائل
يا سكر نبااات..
قول الحقيقة...

ياسكر نبات.


قول الحقيقة.

يا ابو شعور رقيقة
تسمح بدقيقة
و رينا الفى بالك
و قول الحقيقة..
بالتلميح بنفهم كل ما انت داير
رب القدرة عالم بالجوة الضمائر
لكن ليك مدة اسدلت الستائر
عملت الحبة قبة
جافيت الحقيقة...
الانسان مخير يا قلبى العطوف
ناس تزداد محبة
ناس يجتاحه خوف
ناس ايمه صعبة
تتحدى الظروف
ناس بتصيبه رهبة
فى بداية طريقه..
العشاق بتعزف الحان الخلود
و الايام بتعرف
ما مضى لن يعود
خليك بجوارنا
نقتحم السدود
و نبنى عشان صغاارنا
تعريشة و حديقة..
قول..قول الحقيقة
نرحل فى الليالى عبر الامسيات
نزرع للامانى
نعيد الذكريااات
يا حلو الشماائل
يا سكر نبااات..
قول الحقيقة...

ترم ترم.

زاذ السفر ياغالية كان..كلمة وداعكــ ليّ في ساعة الرحيل..

زاد السفر يا غااالية كان
كلمة وداعك لى فى ساعة الرحيل
كلمة وداعك كففت دمعااات اساى
و خلتنى اسرح مع الحلم الجميل....

خلَّتني أنسى..تعب شقاي..
وأسرح مع الحلم الجميل..

تماضر الخنساء

سلمت يداك

نميق دفيق رقيق .. عذب سلسبيل ونظم جميل .. قصيدة حكت الروايا كأروع ما تكون الحكايا .. والعنوان تساؤل عجيب في عتاب الحبيب .. أدهشتنا أيتها الرائعة بالروائع والبدائع فأرويتِ غلة الصادي ، ممن في هذه السوح كان هائماً رائحاً غادي.. ويا من في مجال السجع والبديع كزهر الربيع.. حامت حوله الفراشات ونسجت للهوى أعذب الروايات.. ( كفاية.. نضب المعين)!!

أبوبكر
يسعد مساك النور

بعدين معاك


نهايتو ؟......

نرجع لي بداياتو

يعنى نبدا من الصفر ..؟

الصفر ده بدايتك انتا




ماهو

خلَّتني أنسى..تعب شقاي..
وأسرح مع الحلم الجميل..


صاح
لكنى فى الاخر صحيت ..

وإنتا _قطعاً_ماكا غلطان البتحلم..
غلطان أكيد..النوم...سرقنا

و رحلت يا حلمى الجميل
لا كنت باكى كسير جناح
و لا حتى دمعااتى بتسيل
ما كنت عاد يا ست هوااى
شايل بسيمتك شمعة للدرب الطويل...

كنتا ذي ماقلتي ليّ..
بلقاكي مابين كل خطوة..وكل لمحة..وكل لفتة زول جميل..
في كل شتلة علي الضفاف..
حاضن الجروف..
ساقيها نيل..

فى كل غيمة خير تطل
تبسط ظلالها على الشتول
و القاكى فى سرب الظبا
الراجع مراحو عند الاصيل
والله يا حلمى الجميل
كانت حروفك ضئ عيونى و زادى
فى السفر الطويل...