Post: #1
Title: عودة ..للتطواف..
Author: تماضر الخنساء حمزه
Date: 06-30-2007, 07:12 PM
مِنْ أوَّل ..بَديتَك
ماإستنيت..
مسارب الكلمة
لاوهج الحنين
عارفني مكتول بين كليماتك عديل.
وشِن بِفيد نظم الحروف..
في زول غلب وصفو الكلام
مسيت حواسي وإنتكيت؟؟
شلهتا في حِسِّي الغرام
إنتا ياحلو القصيد
أنا فيكا أتعبني الملام
مابقول برضك هويت
وفارق العين المنام
لكن أظِن ...
روحي هجَّت ليك عديل
ستَّفت قلبي العليل
طبَّقت جوَّاو ..وريد..
وفي الطرف ..شوقك مرتَّب..
وبماإني مستعجل سفر..
معليش نسيت كمين كلام
معليش شنيطتي ماشالت كتير
فوق المرتّب..جاط عمر..
وفوضى من تحناني ليك.
إستبنتك ..
: (تعــــــــــــــــال)
..
ماشفتا غيرك في الخلوق
لا عِرِفتا إنّو الكون وسيع
فيهو غيرك ؟؟ ومابراك؟؟
أصلي فاكرة الكون عيونك
وراها بتضارى الجميع
وعينيَّ مابتشوف سِواك!
ومابلوم الشوف وحاتك
وبقولُّو في الشفتو ..الكفاك.
يازول شفيف..
وِصلتا حد الشهقة في حِس الكلام
ودخلتا بيّ.. كل المسام
لامَسَت روحي الحروف
هاجرت منِّي الظنون..
ووراها سافر باقي خوف..
في موسم الحج العفيف
يازول نضيف
حجيت معاكا وإشتهيت
برضي لو جوَّاك..أطوف ...
ماأتعبت ..شوقي المسافة..
وياني مامليت مشيك
وأنا في الصفا لو تقيف
المروة لو تعرف وِصالك..
شلتا شوقي إليك سعيت
وقفتا فوق عِرق الوريد..
هل فاجأك فيني الغرام؟؟
أم فيني صادفتا الهيام..
ناديت براك..
قلتا: (حِجي..وطوفي جوّاي ..ياخناس)
..
إتحمّل التطواف..وعيش..
نشوة الزول المعاك.
|
Post: #2
Title: Re: عودة ..للتطواف..
Author: abubakr
Date: 06-30-2007, 07:32 PM
Parent: #1
يا خناس
دائما في الوقت المناسب بتلوني المنبر فرح وبهجة
تسلمي يابتي الجميلة
|
Post: #3
Title: Re: عودة ..للتطواف..
Author: هاشم أحمد خلف الله
Date: 06-30-2007, 07:43 PM
Parent: #2
قصيدة في غاية الروعة والجمال ياخناس , بس عندي ليك سؤال الكلام السمح ده بتجيبي من وين ؟ كم نحنا في آمس الحاجة لمثل هذه الكلمات الجميلة الرائعة.
|
Post: #5
Title: Re: عودة ..للتطواف..
Author: فيصل نوبي
Date: 06-30-2007, 07:58 PM
Parent: #3
Habartaga
|
Post: #8
Title: Re: عودة ..للتطواف..
Author: تماضر الخنساء حمزه
Date: 06-30-2007, 08:19 PM
Parent: #5
نوبي
هههههههه
ليك وحشة بس ماشديدة
|
Post: #7
Title: Re: عودة ..للتطواف..
Author: تماضر الخنساء حمزه
Date: 06-30-2007, 08:17 PM
Parent: #3
مامن بعيد هاشم..
كل الود..
|
Post: #4
Title: Re: عودة ..للتطواف..
Author: عبده عبدا لحميد جاد الله
Date: 06-30-2007, 07:43 PM
Parent: #2
Quote: في موسم الحج العفيف
يازول نضيف
حجيت معاكا وإشتهيت
برضي لو جوَّاك..أطوف ...
ماأتعبت ..شوقي المسافة..
وياني مامليت مشيك
وأنا في الصفا لو تقيف
المروة لو تعرف وِصالك..
شلتا شوقي إليك سعيت |
تسلمي يا رائعة
|
Post: #9
Title: Re: عودة ..للتطواف..
Author: تماضر الخنساء حمزه
Date: 06-30-2007, 08:22 PM
Parent: #4
عبده..
الروعة روعتك..
كل الود..
|
Post: #6
Title: Re: عودة ..للتطواف..
Author: تماضر الخنساء حمزه
Date: 06-30-2007, 08:16 PM
Parent: #2
أبوبكر ..طلّتك أحلى لون..
|
Post: #10
Title: Re: عودة ..للتطواف..
Author: فيصل نوبي
Date: 07-01-2007, 10:28 AM
Parent: #6
Quote: إتحمّل التطواف..وعيش..
نشوة الزول المعاك. |
|
Post: #11
Title: Re: عودة ..للتطواف..
Author: رأفت ميلاد
Date: 07-01-2007, 11:24 AM
Parent: #10
Quote: في موسم الحج العفيف
يازول نضيف
حجيت معاكا وإشتهيت
برضي لو جوَّاك..أطوف ...
ماأتعبت ..شوقي المسافة..
وياني مامليت مشيك
وأنا في الصفا لو تقيف
المروة لو تعرف وِصالك..
شلتا شوقي إليك سعيت |
جميل بديع
|
Post: #12
Title: Re: عودة ..للتطواف..
Author: ابوبكر يوسف إبراهيم
Date: 07-01-2007, 01:22 PM
Parent: #11
الحبيب رأفت
بالله عليك دي ما جنية من عبقر عديل كده؟! .. والله دائماً منتشي ما فرغت قارورة من هذا الدن المعتق إلا وألحقته بدنانٍ أخرى .. إقرع الكأس ومِلْ للتناجي يا رأفت هكذا كان يقول لنا مولانا الطيب العباسي في لحظات التجلي!! .. طبعاً فاهم .....!!
|
Post: #15
Title: Re: عودة ..للتطواف..
Author: تماضر الخنساء حمزه
Date: 07-01-2007, 03:01 PM
Parent: #12
أبوبكر..
طلاتك مفرحة..
ومرورك دايماً يسعدني..
|
Post: #14
Title: Re: عودة ..للتطواف..
Author: تماضر الخنساء حمزه
Date: 07-01-2007, 02:59 PM
Parent: #11
جميلة جيّتك إنتا..
|
Post: #13
Title: Re: عودة ..للتطواف..
Author: تماضر الخنساء حمزه
Date: 07-01-2007, 02:59 PM
Parent: #10
إتحمّلو نوبي..
|
Post: #16
Title: Re: عودة ..للتطواف..
Author: فضيلي جماع
Date: 07-01-2007, 03:09 PM
Parent: #13
[QUOTE]ماشفتا غيرك في الخلوق
لا عِرِفتا إنّو الكون وسيع
فيهو غيرك ؟؟ ومابراك؟؟
أصلي فاكرة الكون عيونك
وراها بتضارى الجميع
وعينيَّ مابتشوف سِواك!
ومابلوم الشوف وحاتك
وبقولُّو في الشفتو ..الكفاك. |
الشاعرة النسمة تماضر الخنساء
هذه صورة في غاية الجمال.لقد أصبحت قصائدك -كما قال أحد الإخوة المتداخلين- مجلبة للفرح. واصلي هذا الهطول المعافي.
|