صلّى فرض الشوق معاي..

صلّى فرض الشوق معاي..


04-27-2007, 03:10 PM


  » http://sudaneseonline.com/cgi-bin/sdb/2bb.cgi?seq=msg&board=268&msg=1184843999&rn=8


Post: #1
Title: صلّى فرض الشوق معاي..
Author: تماضر الخنساء حمزه
Date: 04-27-2007, 03:10 PM
Parent: #0

ملهوف أعاكس في خُطاي
راجعة ..بس جايباها ليك..
برضي عاذرك في غُناي
وغنايا لو تعرف عينيك
إنتا زايد في أذاي
وما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك
صلّى فرض الشوق معاي
وشوقو فيهو بيرتضيك

****
مهما زاد دلّك ياغالي
برضي بيك أنا إرتضيت
قالوا في المعشوق أغاني
وذي هواك أنا مالقيت
لو شفتا في ريدك عذابي
ولو يطول أنا ليك عفيت
ولو شفتا في غيرك ..غيابي
عمري في شوقك..قضيت
أصلو ريدك كان منابي
كم متا فيهو وكم حييت

Post: #2
Title: Re: صلّى فرض الشوق معاي..
Author: humida
Date: 04-27-2007, 03:13 PM
Parent: #1

جميل ..

Post: #4
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 03:31 PM
Parent: #2

جميلة طلّتك..

Post: #3
Title: Re: صلّى فرض الشوق معاي..
Author: مهند الجيلي بادي
Date: 04-27-2007, 03:28 PM
Parent: #1



صلّيت ..
وما فترت من الوقوف
قريت غناي وما كفى
ولبست جلباب الهوى
ملتوق بصبري
وبعد قاسي
ونبرة من حزنا قديم
واقف ..
جوة خلوات القصيد
قاعد بقيس الإلفة فيك
غطتني ولا رجولي كاشفة
.
.
يا بنية
فتَّقتي الصباح في كل ميقات كان ضلام
مالك علي
وأنا زي مشلهت بين محطات الوصول
نُصّ الزحام
واقف وشايف في وجوه الناس ملامحك
ساكتة ليش
ما تقولي (آآآآي)
ما حلقي جف من الندا
.
.

تماضر ،،

جيتا راجع
والبراحات لسة بتزيد اتساع
شايل معاي
جواي
أكوام من وجع
وريني ... :
بتشيلي الهموم ؟؟
ولا ح تكوي الجرح بالغنية
والنضم البداوي الروح .. ؟؟


مرفق :
محبتي وتقديري
بــــادي

Post: #5
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 03:49 PM
Parent: #3

همي ياالبيك إنتفي
شوقي ..ماملّت خطاهو..ولا إكتفى..
وياني جلباب الهوى..
أوعاك تقيس..
لابتزيد الرقعة فيو..
لابيقصر إن..هوى

Post: #48
Title: Re: صلّى فرض الشوق معاي..
Author: مهند الجيلي بادي
Date: 04-29-2007, 10:46 AM
Parent: #5



وقالوا جلباب الهوى
لو يدو اتمدت علي الإلفة المسيل
بتبل بالدمعات
حنين أمبارح
وجلسة بكرة لامن تنكفي الذكرى الدعاش
يا زولة ليش بتنبِّشي الروح بي حروفك
ما زمان فصلنا ليك
توب ..
وقميص مسطر بالمطر
رقّاشو كلمات الغنا
وعينينا شوف ..

خلاص سمعت
ما راح أقيص
وأصلا قدر حاولت أقيس
فضفاض هواك
جواهو عامت إلفتي
أعمل شنو ؟؟

أسكت صباح الغنية
ولا مسا الحواس
وأجيك مطشش ..
ما لسة ماشي
عليك بمد خطواتي قيف
ماشي وبدقّش ..


تماضر ..

مالك علي



مرفق :
حبي الكبير
بـــــادي

Post: #6
Title: Re: صلّى فرض الشوق معاي..
Author: عبد المنعم سليمان
Date: 04-27-2007, 04:10 PM
Parent: #1

طمطم


شغلتنا اموالنا واهلونا وحاجات تانيو من المنبر



مشتاااقون



منعم

Post: #7
Title: Re: صلّى فرض الشوق معاي..
Author: سمية الحسن طلحة
Date: 04-27-2007, 05:03 PM
Parent: #6

Quote: لو شفتا في ريدك عذابي
ولو يطول أنا ليك عفيت


لالا ياخناس
ماتبقى مسكينة
الحاجات مافيها عفو
كفاية كاتلك بالشوق
مودتى

Post: #10
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 05:34 PM
Parent: #7

سميّة الحنينة
خلاس ماببقى مسكينة تاني..


محبتي..

Post: #9
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 05:28 PM
Parent: #6

ربنا يبارك أموالكم ويحفظ أهليكم منعم..

إحنا زاتنا مشتاقين..

Post: #8
Title: Re: صلّى فرض الشوق معاي..
Author: abubakr
Date: 04-27-2007, 05:15 PM
Parent: #1

Quote: لو شفتا في ريدك عذابي
ولو يطول أنا ليك عفيت


يابتي انشاء للة يستاهل جنس عفوك دة ..

Post: #11
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 05:35 PM

أبوبكر..
طلتك مفرحة..

Post: #12
Title: Re: صلّى فرض الشوق معاي..
Author: نهال الطيب
Date: 04-27-2007, 05:51 PM

ملهوف أعاكس في خُطاي
راجعة ..بس جايباها ليك..
برضي عاذرك في غُناي
وغنايا لو تعرف عينيك
إنتا زايد في أذاي
وما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك
صلّى فرض الشوق معاي
وشوقو فيهو بيرتضيك


نص رائع زي سته
تسلمي يا حبيبة

Post: #13
Title: Re: صلّى فرض الشوق معاي..
Author: عبدالأله زمراوي
Date: 04-27-2007, 05:58 PM
Parent: #12

الحنساء

ما كل هذا التوهج؟

حيسحروك الما بشبهوك!

قصيدة رائعة!

Post: #14
Title: Re: صلّى فرض الشوق معاي..
Author: عبد المنعم ابراهيم الحاج
Date: 04-27-2007, 06:13 PM
Parent: #13

Quote: ما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك
صلّى فرض الشوق معاي
وشوقو فيهو بيرتضيك



جميل ياتماضر


وجيتن جيت يابادي

سلامات

Post: #15
Title: Re: صلّى فرض الشوق معاي..
Author: القلب النابض
Date: 04-27-2007, 06:21 PM
Parent: #14

شوفي يا خناس

الليلة الشوق قايم على الناس دي كلها ..

والغربة تاورت الجايين من السفر

والناويين السفر ..

والعارفين قعادهم بيطول ..

شكراً ليك لأنه على ما يبدو أنه يوم الشوق في البورد

تسلمي وكلماتك الرائعات ما عرفت اختار شنو

كلها حلوة

Post: #19
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 07:02 PM
Parent: #15

نبضنا..
الغربة دي جهجهتنا شديد..
والرجعة كانت بعيدة ..بس قرّبت..
تسلمي على الطلة الحلوة..

Post: #18
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 07:00 PM
Parent: #14

جميلة جيّتك ..منعم..

Post: #17
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 06:59 PM
Parent: #13

زمرواي...
تحايا وطن..



نانا دي وحشتنا..

Post: #16
Title: Re: صلّى فرض الشوق معاي..
Author: تماضر الخنساء حمزه
Date: 04-27-2007, 06:57 PM
Parent: #12

نهال صحبتي..

أصلي جايب الشوق معاي..
والشوق..عيونو..بتصطفيك.

Post: #20
Title: Re: صلّى فرض الشوق معاي..
Author: Raja
Date: 04-27-2007, 09:11 PM
Parent: #1

Quote: صلّى فرض الشوق معاي..


تماضر.. إنتي بتجيبي الكلام السمح ده من وين..؟

Post: #23
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 07:19 AM
Parent: #20

رجوية ..من الناس السمحة زيّك كده..
مودتي.

Post: #21
Title: Re: صلّى فرض الشوق معاي..
Author: عبدالله داش
Date: 04-27-2007, 10:10 PM
Parent: #1

كان إنتهــى الفرض القبيل
واللهفــه ما غرقت معاى
فســـرتَ شدوك إحتمـال
حُــمى الجمــال
رتبت على الموج لو يجيك
يعرف مواعيد الوصال
أو يعترف إنك
رسمتى القول
بألوان الخميل

خنســـاء
لكَ ما يحرض غيمنا شان
ينزل مطر

Post: #22
Title: Re: صلّى فرض الشوق معاي..
Author: Fadl Karrar
Date: 04-27-2007, 10:52 PM
Parent: #21

بس أوع يرد عليك ويقول:
إنت لو فاكرني بحزن شان فراقك
يا حليلك ويا حليلك ويا حليلك

أستاذة تماضر
يا حليلنا كلنا من الراجينا
ساعة نلاقي الظلمناهم أو ظلمونا وجها لوجه
علي كل يبقي الصدق
والصدق فقط
خاصة المشاعر هو زروق النجاة
حتي لو ذبح من نحبه فؤادنا من الوريد إلي الوريد

فضل كرار

Post: #25
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 07:44 AM
Parent: #22

كرّار..

المتعة بتاعة إنك تدي إحساس جميل ذاتا كفاية..

تسلم على الطلة الحلوة..

Post: #24
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 07:42 AM
Parent: #21

رتبتا قولك في الخيال
كيّفتا حرفك ليّ مزاج
قيّلتا في ضل الوصال
كان غيابكم ليّ ضيوف
بس كان مجيكم إحتمال!

Post: #26
Title: Re: صلّى فرض الشوق معاي..
Author: رأفت ميلاد
Date: 04-28-2007, 07:56 AM
Parent: #24

الله يغتى عليك يا بتى

Post: #27
Title: Re: صلّى فرض الشوق معاي..
Author: محمد فرح
Date: 04-28-2007, 10:41 AM
Parent: #26

تماضر الخنساء

مهند الجيلي


كم أنتم رائعون

Post: #33
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 11:39 AM
Parent: #27

تسلم على المرور محمّد..

مودتي.

Post: #28
Title: Re: صلّى فرض الشوق معاي..
Author: هاشم أحمد خلف الله
Date: 04-28-2007, 10:42 AM
Parent: #26

Quote: ملهوف أعاكس في خُطاي
راجعة ..بس جايباها ليك..
برضي عاذرك في غُناي
وغنايا لو تعرف عينيك
إنتا زايد في أذاي
وما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك
صلّى فرض الشوق معاي
وشوقو فيهو بيرتضيك

****
مهما زاد دلّك ياغالي
برضي بيك أنا إرتضيت
قالوا في المعشوق أغاني
وذي هواك أنا مالقيت
لو شفتا في ريدك عذابي
ولو يطول أنا ليك عفيت
ولو شفتا في غيرك ..غيابي
عمري في شوقك..قضيت
أصلو ريدك كان منابي
كم متا فيهو وكم حييت



السلام عليكم ورحمة الله تعالي وبركاته يا أختاه .

Post: #34
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 11:40 AM
Parent: #28

وعليكم السلام ورحمة الله هاشم..

Post: #32
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 11:39 AM
Parent: #26

ربي يسعدك رأفت..

Post: #29
Title: Re: صلّى فرض الشوق معاي..
Author: انعام عبد الحفيظ
Date: 04-28-2007, 11:13 AM
Parent: #1

Quote: مهما زاد دلّك ياغالي
برضي بيك أنا إرتضيت
قالوا في المعشوق أغاني
وذي هواك أنا مالقيت
لو شفتا في ريدك عذابي
ولو يطول أنا ليك عفيت
ولو شفتا في غيرك ..غيابي
عمري في شوقك..قضيت
أصلو ريدك كان منابي
كم متا فيهو وكم حييت


جميل جداً يا تماضر

Post: #35
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 11:41 AM
Parent: #29

جميل حضورك..

Post: #30
Title: Re: صلّى فرض الشوق معاي..
Author: د.محمد حسن
Date: 04-28-2007, 11:15 AM
Parent: #1

تعلمين كم اخاف ان اقول شيئا يجرح المعنى
تسلمي

Post: #36
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 11:42 AM
Parent: #30

د. محمّد...



مودتي.

Post: #31
Title: Re: صلّى فرض الشوق معاي..
Author: ملكة سبأ
Date: 04-28-2007, 11:28 AM
Parent: #1

Quote: والشوق عيونو بتصطفيك


تماضر ياعسل

Post: #37
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 11:42 AM
Parent: #31

ملكي حبيبتي أنا..

Post: #39
Title: Re: صلّى فرض الشوق معاي..
Author: فيصل نوبي
Date: 04-28-2007, 02:54 PM
Parent: #37

علي سبيل التحية ..















__

Post: #40
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 09:06 PM
Parent: #39

أحلى تحية..

Post: #38
Title: Re: صلّى فرض الشوق معاي..
Author: Zeinab
Date: 04-28-2007, 12:18 PM
Parent: #1

Quote: ملهوف أعاكس في خُطاي
راجعة ..بس جايباها ليك..
برضي عاذرك في غُناي
وغنايا لو تعرف عينيك
إنتا زايد في أذاي
وما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك
صلّى فرض الشوق معاي
وشوقو فيهو بيرتضيك

****
مهما زاد دلّك ياغالي
برضي بيك أنا إرتضيت
قالوا في المعشوق أغاني
وذي هواك أنا مالقيت
لو شفتا في ريدك عذابي
ولو يطول أنا ليك عفيت
ولو شفتا في غيرك ..غيابي
عمري في شوقك..قضيت
أصلو ريدك كان منابي
كم متا فيهو وكم حييت




جميل يا جميل

والله نفسي اتعلم الكلام السمح دا

زينب الشفيع

Post: #41
Title: Re: صلّى فرض الشوق معاي..
Author: تماضر الخنساء حمزه
Date: 04-28-2007, 09:09 PM
Parent: #38

والتختارو ليّ ..لاشك جميل ياجميل..

زينوبة ..سمح لونا..

مودتي.

Post: #42
Title: Re: صلّى فرض الشوق معاي..
Author: عبدالأله زمراوي
Date: 04-28-2007, 09:47 PM
Parent: #41

Quote:
نانا دي وحشتنا..


وأين نانا يا خنساء...


تخريمة:

ممكن تسلفيني قصيدة زي دي أقدل بيها قدام واحد صاحبي فنان؟

Post: #43
Title: Re: صلّى فرض الشوق معاي..
Author: فضيلي جماع
Date: 04-28-2007, 11:20 PM
Parent: #42


أختي الشاعرة/ تماضر الخنساء

تعرفين اهتمامي بما تكتبين وكيف أنني سعيد بموهبتك الشعرية وخاصة في القصيدة المكتوبة بالعامية - لغة الشعب. سأكون قاسيا بعض الشيء هذه المرة وأقول إن بعض قصائد سابقة لك نشرت هنا كانت أفضل. وهذا الرأي لا يعيب قاموسك العامي..أبدا ، بل إن من حسنات شعرك أنه غني بالموسيقى وسليم في أوزانه. عيب هذه القصيدة أنها لم تخرج من النمط والعادي في كتابة شعرنا العامي. بعض قصائدك التي نشرت هنا- كما أسلفت - كانت افضل من حيث جودة تركيب العبارة الشعرية وكثافةالصورة. شخصيا لا اجد في الأبيات التالية غير اجترار غير موفق لشعراء بارزين في أغنية عامية ام درمان من أمثال الحلنقي والتجاني حاج موسى وآخرين:

Quote: وما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك


الذي انتظره من شاعرة موهوبة مثلك -(وأنا أقول على مسئوليتي أن موهبتك الشعرية كبيرة)- الذي انتظره منك ومن جيلك هو تخطي هذا النمط والأتيان بجديد مختلف. عظمة محجوب شريف وعمر الطيب الدوش والتجاني سعيد ومحمدالحسن حميد والقدال وغيرهم أنهم قرأوا التراث وتعمقوا فيه وقرأوا شعرا بالفصحى وعادوا لكتابة القصيدة بالعامية فجاءونا بما أدهشنا حقا. عودي لشعر الحقيبة واقرئيه بتمعن شديد واقرئي الحاردلو ومسادير الشكرية وإن تمكنت من الإحاطة ببعض الأغاني والمدائح والمناحات في الشمال النيلي وأغنيات غرب السودان فسوف يثري ذلك قاموسك الشعري ويمنح صورك الشعرية عمقا تحسدين عليه.أعرف أنني اعطيتك جرعة شديدة المرارة..لكن عشمي أن تتفكري في ما قلت . فقد ينفعك ![/

كوني بخير..واعلمي أنني ما زلت من محبي شعرك.

Post: #45
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 07:37 AM
Parent: #43

سلامات أستاذ فضيلي..
إهتمامك..يزيد الثقة فيّ.
Quote: عيب هذه القصيدة أنها لم تخرج من النمط والعادي في كتابة شعرنا العامي

أحتاج كثيراً لرأيك هذا لتتحسّن كتاباتي..
سأنتبه أكثر حتّى لاتكون قصائدي كماذكرت..




Quote: وما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك


أمّا عن الإجترار الذي أخذت هذه الجزئية كمثال له ..لاأحب أن يشعر القارئ
أن كلماتي ماهي إلا إجترار غير موفق وإن كان لأحد كبار الشعراء ..سأنتبه أيضاً أكثر لآتي بالجديد
وأحاول الإبتعاد عن التكرار الذي ذكرت.

أستاذ فضيلي..
أشكرك كثيراً فهذا حقيقة ماأحتاجه لأجوّد كتاباتي..إهتمامك نفسه بماأكتب ونقدك يعطيني الإحساس ب ( إني بجي مني ) .

مودتي.

Post: #44
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 06:51 AM
Parent: #42

جداً زمراوي..
بس ياتا؟؟

نانا غابت كتير وإفتقدناها..

Post: #46
Title: Re: صلّى فرض الشوق معاي..
Author: مجاهد عبد الرحمن
Date: 04-29-2007, 08:32 AM
Parent: #44

حأصلي فرض الشوق معاك
والنافلة بي لحن الهوى
لفحة حنان نفحات هواك
تبرد لهيب نار الجوى
يا بنية من وهج القصيد
أديني من دنك دوا
اسقيني نخب الأغنيات
والأمنيات من التوى
يكفيني حضنك لي مهاد
ضميني من لفح النوى


شكراً يا تماضر
على الابداع الذي يستفز الوجدان
نواصل

Post: #47
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 10:27 AM
Parent: #46

Quote: حأصلي فرض الشوق معاك
والنافلة بي لحن الهوى
لفحة حنان نفحات هواك
تبرد لهيب نار الجوى
يا بنية من وهج القصيد
أديني من دنك دوا
اسقيني نخب الأغنيات
والأمنيات من التوى
يكفيني حضنك لي مهاد
ضميني من لفح النوى


صليت معاك صلّى الهوى
ركعاتو كانت ..أغنيات
سجداتو لو تعرف ..أنا
مشدوهة والشوق أمنيات

خاشعة بترتّل مجيك..
لو كان..بتبعد..هي بتجيك.

Post: #49
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 11:05 AM
Parent: #1

Quote: وقالوا جلباب الهوى
لو يدو اتمدت علي الإلفة المسيل
بتبل بالدمعات
حنين أمبارح
وجلسة بكرة لامن تنكفي الذكرى الدعاش
يا زولة ليش بتنبِّشي الروح بي حروفك
ما زمان فصلنا ليك
توب ..
وقميص مسطر بالمطر
رقّاشو كلمات الغنا
وعينينا شوف ..

خلاص سمعت
ما راح أقيص
وأصلا قدر حاولت أقيس
فضفاض هواك
جواهو عامت إلفتي
أعمل شنو ؟؟

أسكت صباح الغنية
ولا مسا الحواس
وأجيك مطشش ..
ما لسة ماشي
عليك بمد خطواتي قيف
ماشي وبدقّش ..


تماضر ..

مالك علي



أنا في السكات بسمع غناك
بسمع تراتيلك تهش
جوّاي تباريح الغرام
وخُطاكا في قلبي بتمش
ترسم على البعد الحرام
تصاوير إقترابك ليّ تَحِل
ألقاني عايشاك
في المباحات المعاك
ألقاني راسماك
في البراحات الهناك
ألقاني شايلاك
في قليبي أظن رآك
نبضو إرتعش
فاقد حِراك
أنا في حِداك
بالحيل سمح..
قلباً بيلبس فال جديدو
وحريرتو لو تعرف..دماك!

Post: #50
Title: Re: صلّى فرض الشوق معاي..
Author: مهند الجيلي بادي
Date: 04-29-2007, 05:24 PM
Parent: #49

Quote: أنا في السكات بسمع غناك
بسمع تراتيلك تهش
جوّاي تباريح الغرام
وخُطاكا في قلبي بتمش
ترسم على البعد الحرام
تصاوير إقترابك ليّ تَحِل
ألقاني عايشاك
في المباحات المعاك
ألقاني راسماك
في البراحات الهناك
ألقاني شايلاك
في قليبي أظن رآك
نبضو إرتعش
فاقد حِراك
أنا في حِداك
بالحيل سمح..
قلباً بيلبس فال جديدو
وحريرتو لو تعرف..دماك!



وأنا فيك بشوف
شفع وشوق
شليل وسمر القمرة لامن تكتمل
وبشوف شوارع مزحومة بالغنوات
وشلة من الجعانين
والملانين
بالصبر
وبسمة في خشيم طفلة
بتاوق خطاوي أبوها جاي

ولسة شايفك زي خريف
هبَّش بلاد أبواتي
قالوا: (حيَّ علي الخدار)
الله ...
الله ...
الله عليك يا زولة بتفَلِّي ذاكرة النضار



مرفق :
حبي الكبير
وشوقي دافر
أبقي سد

بـــادي

Post: #51
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 05:37 PM
Parent: #50

Quote: وأنا فيك بشوف
شفع وشوق
شليل وسمر القمرة لامن تكتمل
وبشوف شوارع مزحومة بالغنوات
وشلة من الجعانين
والملانين
بالصبر
وبسمة في خشيم طفلة
بتاوق خطاوي أبوها جاي

ولسة شايفك زي خريف
هبَّش بلاد أبواتي
قالوا: (حيَّ علي الخدار)
الله ...
الله ...
الله عليك يا زولة بتفَلِّي ذاكرة النضار


الله عليك يازول رزين
قدر ماتسد عويناتك غيوم
قدر ماتشيل وتتعبّى بهموم
نلقاك هنا
دافق حنين
نلقاك هناك
موسم ربيع
ريحة شذاك
صوتك..نداك
وإنتا في الآخر خلاس
تعب الوصف
إمكن ملاك؟؟
جاي وفي إيدو الخلاس
إمكن رسول؟؟
من الخواطر والشعور
كِملوا الرسل!
تاهت معاك برضو الحروف.

Post: #52
Title: Re: صلّى فرض الشوق معاي..
Author: مهند الجيلي بادي
Date: 04-29-2007, 06:05 PM
Parent: #51



Quote: الله عليك يازول رزين
قدر ماتسد عويناتك غيوم
قدر ماتشيل وتتعبّى بهموم
نلقاك هنا
دافق حنين
نلقاك هناك
موسم ربيع
ريحة شذاك
صوتك..نداك
وإنتا في الآخر خلاس
تعب الوصف
إمكن ملاك؟؟
جاي وفي إيدو الخلاس
إمكن رسول؟؟
من الخواطر والشعور
كِملوا الرسل!
تاهت معاك برضو الحروف.



تعرفي ..
فاضت حواس الغيمة بيك
وأنا كنتا دايما بحكلي ليها
بونِّسا
بي غنوتك
حرفك
وكت يفرد ضفاف
شوقك
لامن يهب نسمات لطاف
والغنية دايما هي بتكون
مرسى الخواطر والولف ..



مرفق :
شوقي الشديد
بــــادي

Post: #53
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 06:12 PM
Parent: #52

Quote: تعرفي ..
فاضت حواس الغيمة بيك
وأنا كنتا دايما بحكلي ليها
بونِّسا
بي غنوتك
حرفك
وكت يفرد ضفاف
شوقك
لامن يهب نسمات لطاف
والغنية دايما هي بتكون
مرسى الخواطر والولف ..


بعرف ..إني فيكا وبشتهيك..
ماإنتا زخّات المطر..
البتوعد بالخريف..
يانسمتك!
وكت يغشانا صيف المواعيد الهجير..
وياكلمتك!
لما الحروف تغتال مساحات الحلم..
في كل عصفور دار إطير!
إنتا يازول ياشفيف..
ويالحظتك!
وجوّاي إمتدادات الغياب ..
وساعات من الحس الرهيف!
راجيك أكيد.

Post: #54
Title: Re: صلّى فرض الشوق معاي..
Author: مهند الجيلي بادي
Date: 04-29-2007, 06:32 PM
Parent: #53

Quote: بعرف ..إني فيكا وبشتهيك..
ماإنتا زخّات المطر..
البتوعد بالخريف..
يانسمتك!
وكت يغشانا صيف المواعيد الهجير..
وياكلمتك!
لما الحروف تغتال مساحات الحلم..
في كل عصفور دار إطير!
إنتا يازول ياشفيف..
ويالحظتك!
وجوّاي إمتدادات الغياب ..
وساعات من الحس الرهيف!
راجيك أكيد.



يا سلااااااااام
على حسك الدافي النضيف
ويا صباح
فرد المساحات ممشى
والضل الوريف

سكت القلم
لامن غناك غلبو وبكى
جاك اشتكاك
منك لقاك
واقفالو زي ألفا الحواس
بتعلميهو يساوي شوق
لي جيدو مادا الريدة طوق
بلقى المفر
ما داير القاهو وكفاي
إنك نوافذ
بتهدهد الروح بالكلام



مرفق :
مودتي خضراء من غير سوء
بــــــادي

Post: #55
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 06:44 PM
Parent: #54

Quote: يا سلااااااااام
على حسك الدافي النضيف
ويا صباح
فرد المساحات ممشى
والضل الوريف

سكت القلم
لامن غناك غلبو وبكى
جاك اشتكاك
منك لقاك
واقفالو زي ألفا الحواس
بتعلميهو يساوي شوق
لي جيدو مادا الريدة طوق
بلقى المفر
ما داير القاهو وكفاي
إنك نوافذ
بتهدهد الروح بالكلام


ياسلام!
علي حسّك براك..
هوَّ الصباحات
كل الشموس
هوَّ المساحات
دفقت كؤوس
سكت الكلام!
مامن قلّتو..
لامِن معانيهو الشوية..
لكنّو شايف في الملام..
مكتوبة ضاعت روعتو
لو جات تقيس الروعة فيك
مكتوبة تاهت غنوتو
لو جات تغني الشوق إليك
وفي آخر سطر
بعد الملام
مكتوب عليّ ما ألتقيك!
أصلي جوّاك مِن زمن..
داير.. أجيك..وأسند همومي علي كتوف العافية فيك..
أجدع حكاياتي الزمان عنّك عليك..

Post: #56
Title: Re: صلّى فرض الشوق معاي..
Author: هاشم أحمد خلف الله
Date: 04-29-2007, 07:11 PM
Parent: #55

يا سلاااااااام عليكم والله أخر روعة , تسلمي يا تامضر وتسلم يا مهند الجيلي أنا غايتو مستمتع شديد

وبصراحة ما أديتوني إي فرقا أخش معاكم يلا واصلوا يا حلوين والله معاكم .

Post: #57
Title: Re: صلّى فرض الشوق معاي..
Author: تماضر الخنساء حمزه
Date: 04-29-2007, 07:27 PM
Parent: #56

هاشم ياجميل الروح..تسلم على المتابعة ..
الفرقة في..إنتا بس براك ماداير تخش..

سلامي الخاص وتحاياي ..لي الزولة السمحة المعاك.

Post: #63
Title: Re: صلّى فرض الشوق معاي..
Author: مهند الجيلي بادي
Date: 04-30-2007, 05:16 PM
Parent: #56


Quote: يا سلاااااااام عليكم والله أخر روعة , تسلمي يا تامضر وتسلم يا مهند الجيلي أنا غايتو مستمتع شديد

وبصراحة ما أديتوني إي فرقا أخش معاكم يلا واصلوا يا حلوين والله معاكم .




هاشم الحبيب ،،


تسلم علي مرورك الجميل
وخليك قريب
ومفرحة طلتك


مرفق :
حبي الكبير
بــــادي

Post: #58
Title: Re: صلّى فرض الشوق معاي..
Author: مهند الجيلي بادي
Date: 04-30-2007, 03:29 PM
Parent: #55



Quote: داير.. أجيك..وأسند همومي علي كتوف العافية فيك..
أجدع حكاياتي الزمان عنّك عليك..



ختي في بالك
دروب الإلفة ما فيها الرجوع
نقسم تميرات الصبر
لو جانا جوع
نمشي ونمد خطواتنا لينا
ونشتكي الدرب الطويل

يا بنية
داير أقولك حاجة ساي
همسة ما يسمعها زول
قرِّبي .. !!
.
.
.
مش كان أخير لو جينا باكر
لم خطواتك تقرب من دروبي
وكل بسماتك أشوفا .. ؟؟

دا كان هاجس عدم شوفتك صباح
أو في خواطري


تعال لي
أتسندي في كتفي البشيل همك
وراضي
أنا مش زمااااااااان قلت ليك :


Quote:
لسة فارد كتفي شان يقدر يشيل
ما تشيلي همِّك وحّدِك
بنشيل معاك



واحكي لي
عنك
وعني
وعنهم
وعن مشاويرك بلاي
والفيها خطوك كان معاي
والفيها شوقي
وفيها شوقك
وذكرياتنا


مرفق :
معزتي كيمان كيمان
بـــــــادي

Post: #60
Title: Re: صلّى فرض الشوق معاي..
Author: تماضر الخنساء حمزه
Date: 04-30-2007, 04:51 PM
Parent: #58

في بالي إنتا ..متكوِّع عدييييل
في بالي راسم أمنياتك
زاهية بي فال العديل
في بالي شوقك ..وإشتياقي..
في بالي..مشهد من حضورك
فيهو حيران التلاقي..
في بالي..تايه في وجودك
إنتا لا تطراو صدودك
لا تعيش من غير وصالنا
المحبّة الفينا ..زادت..
ياخي عدَّت بي هناك فاتت حدودك!

وأنا قلتا ليك :
Quote: أناقلتا ليك صوتك ..تسابيح الغرام
وبين عينيك ..نامت مصابيح الهيام
أنا ذنبي أيه ؟؟
لو روحي يا..روحي..حجّت يوم مجيك..
مش صوتك أعلن..موسم..الإحرام ..إليك ؟؟
ذنبي أيه ..لو شلتا ليلي وجيت عليك
علي مصابيحك قبيل أنا إتّكيت
ذنبي أيه..
لو شلتا شوقي ورحتا منك..
ولقيتني جايِّ عديل ..عليك !
ذنبي يمكن ..
دربي أدمن ..
وهوّ خاشع..
سكة الترحال ..إليك..
ذنبي ..يمكن..
موسم الفيضان ..لديّ
برضو بعشق ..ضفتيك
ذنبي ..يمكن..
إنو المسافات..إقترابها..وإبتعادها..
بقيسها بي نظرة ..عينيك..
ذنبي برضو..
أنا بعترف ..
إني مليان بالخطايا..وجاي أحج..
جاي ..أطوف..
ذنبي لو تغفر..لديك .


عارِف ؟؟
إني في ساعة السجود..أصابعي مشدودة بوتر..
ألقاها بتسّبح ..عينيك..
إني كان قمتا الصباح..أنفاسي بتصبّح عليك
إني كان..بسمَّلتا يوم..ربي برضو بجيبني ليك
كان ..قمتا في آخر الليالي ..قلتا أسجد للإله
ألقى في تلتي الأخير ..تلاوتي برضو بترتضيك !

أصلو لو الشوق حريق
كان زمان شالني النسيم
نثر الرفات في كل فريق
ولو صحيح ريدك بحر
كنتا ياعشقي الوحيد
أنافي هواك أوّل غريق



ضيي ..ماأصلو فــحريقك..
ومابسيب الباقي دين
بوهب الإحساس..محنة..
ومابشيل منّك حنين
يكفيني..أديتك فؤادي
اليوم معاك ..ماكان ضنين
يكفيني عايشاك بي قليب
مكسور ..وجابرك من سنين.

Post: #65
Title: Re: صلّى فرض الشوق معاي..
Author: مهند الجيلي بادي
Date: 04-30-2007, 05:35 PM
Parent: #60



Quote: في بالي إنتا ..متكوِّع عدييييل
في بالي راسم أمنياتك
زاهية بي فال العديل
في بالي شوقك ..وإشتياقي..
في بالي..مشهد من حضورك
فيهو حيران التلاقي..
في بالي..تايه في وجودك
إنتا لا تطراو صدودك
لا تعيش من غير وصالنا
المحبّة الفينا ..زادت..
ياخي عدَّت بي هناك فاتت حدودك!



(البال .. )

فكرة الفكرة الوثوب
إنفلات الذكرى من أمس القريب
عودة تراتيلك ضُهُر

بقعد
أبيييييييييييت
ما ماش

أضفر جدايل حسك المدفوق علي
أسرح
تجاعيدو وأميل
أسكر بريحة عطرك السابح سما
وأظهر
وكت يشرق وشيك ...

سامحتك ..
علي كل السهر
كل الكلام البِنْبِش الوجد البعاد
والغنوة لامن دندنات وترك تضج جواي
يطوف جوة الحواس


شهرت عليك
حروفي عشق ترتل طلعتك
والنيل
وشمس الصيف
ونيمة بتنتكي
لامن يهب نسام يغازل وحدتا ..
تسكت تكمِّل سجدتا
وتسبح اسم الكلمة فيك

(....
سباحنك قوافي
سبحانك مرافي
سبحانك
.... )

يا بنية صوت النجمة عز الليل بيهمس :
فارقتي سهرك
ولا لسة موالفة
ليل ..
ريدك بتاوقك
لم دفق العشق
سيل ..
حرفك بعاكسك
لم شوقي بفيض
كـ نيل ..

راجيك ..
في آخر لفة
في هذي المدينة
أوعك يراشيك في الغياب
هاجس ..


مرفق :
حبابك حواس
بــــادي

Post: #59
Title: Re: صلّى فرض الشوق معاي..
Author: Mutwakil Mahmoud
Date: 04-30-2007, 04:07 PM
Parent: #1

تماضر الأخري
ذي ماقال الفنان الحلو زيدان
إنتي بالطريقه دي يوم بتقتلي ليك زول

ده شئ صعب وكتيييييييير علينا وما بنقدر علي
ومافي سيدنا سليمان تاني عشان يخفف الصلاة دي علينا.....ومحمود محمد طه قتلوه..... إنتي عارفه ليه?

وأنا لسه جاهل وصغير والقتل الذي ده ماقدرو...أكان مكدباني أسألي أخوي عبد الاله زمراوي....بالمناسبه أدي وحده عشان يقدل بيها وقولي ليه ياضنين
القدله فيك بتخيل
ياودالرجال
أهل الدروع والخيل
إنشا الله فرضك ده يكون فرض كفايه إذا قام به الفرض سقط عن الآخرين
عليك الله قولي آآآي
نضحك ياتماضر شويه.... كان عندي حبوبه الصلاه في مواعيدها بتتعبها تعب خيالي ...آه لمن يجي الليل وآخر فرصه تقوم علي الصلاه تتنطن وتقول لروحها
آه نقوم نلملمن وندين ليهو...ههههاهههها
خليتك بعافيه
يا أكثر من رائعه
أخوك د. متوكل محمود

Post: #61
Title: Re: صلّى فرض الشوق معاي..
Author: بخاري بشير
Date: 04-30-2007, 04:56 PM
Parent: #59

الشوق أرق مقلتيك
وشواطئ العشاق
زانتها رباك
أخناس
مدي لي بأطراف
الشراع
علني أجتاز
خط الوصف ملتجئ
اليك
هذي
عصاي
هشي بها
غيلان بؤسك
واستوي
"جوديك"
غاضت ماؤه
وجبال
سعدك ترتجيك
لم تبلغي لـ"الآن"
سدرة منتهاك
وأنت لن.........
أخناس
لا زال الغمام الغر
محتفلا ببابك
يحتويك
وتدفق المطر
الوضئ وسامة
يدنو إليك
أخناس
واا... لهفي
على غزلان سعدك
تشتهي سقياك
من ماء الوضوء
لتصله فرضا
وشوقا في يديك
إني هنا
اهديك
اجمل من
أماني "الودق"
في ليل
خريفي
حلوك


//////////
مع محبتي
بخاري

Post: #64
Title: Re: صلّى فرض الشوق معاي..
Author: تماضر الخنساء حمزه
Date: 04-30-2007, 05:30 PM
Parent: #61

بخاري..

ماعدمت الشوق يوماً
ولادعوت الرب _جزِعاً_
(ياإلهي أزِله عنِّي)
غير أنِّي..
عنك تدفعني ظنوني..
وإليك ترسلني شجوني.

Post: #62
Title: Re: صلّى فرض الشوق معاي..
Author: تماضر الخنساء حمزه
Date: 04-30-2007, 05:05 PM
Parent: #59

سلامات متوكّل
أبدا ليك بآخر مداخلتك الدسمة
حبوبتك البتلملمن دي قول ليها بعدين الخوف يطالبوها بيهن صم ماتلقى زول يجبر كسرة فكتا..
ربي يرحمها حية أو مع رب غفور رحيم..
بعدين حكاية بكتل زول ..الكتل ذاتو خشم بيوت مش ؟؟
عبد الإله ده طلع إشاعة ساكت ماقدر يجيب ليّ أخبار نانا ..عشان كده بطّلتا أسألو..
بس تعرف ؟؟ الزول ده المحنة كاتلاو ومابقول ليو ياضنين وهوّ برضك
ودالرجال
أهل الدروع والخيل

الفرض في الحالة دي ( عين ) عاوز تزوغ ؟؟

أخيراً كده..

شكراً محنة.

Post: #66
Title: Re: صلّى فرض الشوق معاي..
Author: تماضر الخنساء حمزه
Date: 04-30-2007, 05:58 PM
Parent: #1

Quote: (البال .. )

فكرة الفكرة الوثوب
إنفلات الذكرى من أمس القريب
عودة تراتيلك ضُهُر

بقعد
أبيييييييييييت
ما ماش

أضفر جدايل حسك المدفوق علي
أسرح
تجاعيدو وأميل
أسكر بريحة عطرك السابح سما
وأظهر
وكت يشرق وشيك ...

سامحتك ..
علي كل السهر
كل الكلام البِنْبِش الوجد البعاد
والغنوة لامن دندنات وترك تضج جواي
يطوف جوة الحواس


شهرت عليك
حروفي عشق ترتل طلعتك
والنيل
وشمس الصيف
ونيمة بتنتكي
لامن يهب نسام يغازل وحدتا ..
تسكت تكمِّل سجدتا
وتسبح اسم الكلمة فيك

(....
سباحنك قوافي
سبحانك مرافي
سبحانك
.... )

يا بنية صوت النجمة عز الليل بيهمس :
فارقتي سهرك
ولا لسة موالفة
ليل ..
ريدك بتاوقك
لم دفق العشق
سيل ..
حرفك بعاكسك
لم شوقي بفيض
كـ نيل ..

راجيك ..
في آخر لفة
في هذي المدينة
أوعك يراشيك في الغياب
هاجس ..


الفكرة إنك ماتغيب
الفكرة تنبت من لقاك
خليني أتوسّد مجيك.

وأقعد كمان ..
قيِّل علي مسارب الروح وبيت
أسري جوّاة الوريد
أدفق الشوق الوشيك
خليني أرتاح بين تفاصيل الملامح في وشيك
أصلي من حسيت مجيك..
إرتعش فيني الكلام
والشهقة لامست الغمام
وزفرة في صوت الكمان
كانت فواصل الأغنية
رنّة وتر..
فيهو الصوابع ماسهت
شالت حنينا..وإتّكت
بسراع مشت
بين النغيمات الدّغش
وأنا حالي ..مابعرف أصِف
حالي لسع مرتعش
يلاك نمِش
حدّ الغيوم..نمسك رذاذ اللهفة
بي كف الغُنا
ينزل حنينك ينهمر..
نرقص على لحن المطر..
أنا والقمر
وإتنين من نجيمات السما
تجي ياأنا ؟؟

Post: #67
Title: Re: صلّى فرض الشوق معاي..
Author: نهال الطيب
Date: 04-30-2007, 08:00 PM
Parent: #66

الفكرة إنك ماتغيب
الفكرة تنبت من لقاك
خليني أتوسّد مجيك.

وأقعد كمان ..
قيِّل علي مسارب الروح وبيت
أسري جوّاة الوريد
أدفق الشوق الوشيك
خليني أرتاح بين تفاصيل الملامح في وشيك
أصلي من حسيت مجيك..
إرتعش فيني الكلام
والشهقة لامست الغمام
وزفرة في صوت الكمان
كانت فواصل الأغنية
رنّة وتر..
فيهو الصوابع ماسهت
شالت حنينا..وإتّكت
بسراع مشت
بين النغيمات الدّغش
وأنا حالي ..مابعرف أصِف
حالي لسع مرتعش


تماضر تتعلى ما تتدلي يا رائعة دوما
وتابعي في الساحة المفعمة بالسماح دي

Post: #68
Title: Re: صلّى فرض الشوق معاي..
Author: الفاتح يسن
Date: 05-01-2007, 04:32 AM
Parent: #67

المبدعة تماضر والمتداخلين المبدعين لخبتو القصيدة وشتتتونا بقت صلاة جماعة احبكم جميعا

Post: #69
Title: Re: صلّى فرض الشوق معاي..
Author: Tagelsir Elmelik
Date: 05-01-2007, 04:40 AM
Parent: #68

ده كلام عجيب يا تماضر
حرشنا ليك ود السنى يلحنو
لامن يصلكم فى هولندا

Post: #70
Title: Re: صلّى فرض الشوق معاي..
Author: هاشم أحمد خلف الله
Date: 05-01-2007, 05:57 AM
Parent: #69

Quote: الفكرة إنك ماتغيب
الفكرة تنبت من لقاك
خليني أتوسّد مجيك.

وأقعد كمان ..
قيِّل علي مسارب الروح وبيت
أسري جوّاة الوريد
أدفق الشوق الوشيك
خليني أرتاح بين تفاصيل الملامح في وشيك
أصلي من حسيت مجيك..
إرتعش فيني الكلام
والشهقة لامست الغمام
وزفرة في صوت الكمان
كانت فواصل الأغنية
رنّة وتر..
فيهو الصوابع ماسهت
شالت حنينا..وإتّكت
بسراع مشت
بين النغيمات الدّغش
وأنا حالي ..مابعرف أصِف
حالي لسع مرتعش
يلاك نمِش
حدّ الغيوم..نمسك رذاذ اللهفة
بي كف الغُنا
ينزل حنينك ينهمر..
نرقص على لحن المطر..
أنا والقمر
وإتنين من نجيمات السما
تجي ياأنا ؟؟




تماضر لكن ما معقول ارحمي حالنا معاك شوية ده كلام ما ممكن يصدر من إنسان طبيعي , إنتي شلتي كل

المشاعر والأحاسيس وما خليتي لينا إي حاجة تانية , ربي يحفظك ويخليك لكل الناس البتحبك بالجد

يا سلام عليك لما تصفي وتكتبي كلمات سهلة ممتنعة , والله إحترت في وصفك عديل .

Post: #71
Title: Re: صلّى فرض الشوق معاي..
Author: ابوبكر يوسف إبراهيم
Date: 05-01-2007, 06:17 AM
Parent: #70

أختي تماضر

سلام على روحك الطيبة الوريقة وبعد

إن كانت صلاة جماعية فأسمحي لي بأن أندسّ وسط جموع المصلين .. فصلاة الحب عند أهل الباطن هي غزلٌ وتغزل في عالم صعب الوصول إليه ولعلني أستنبط بعض صوفية متجذرة في أعماقك .. وبتلك اللهفة التي وردت في نص القصيدة نتلهف لأن نزاحم المصلون عسى أن نجد بينهم موطيء قدم للتسنن.. ففي محراب الحب شوق ولوعة وتلهف وترقب وإنتظار أما التقبل فهذا ما يرنو إليه أهل الصفة بعد أن يدمي طول السُرى أقدامهم .. الجميل في النص أن كل يمكن أن يوظفه لما هو مسكون به .. جميل هذا الدفق والشفافية .. أحسنتِ.. أتابع وأرهف السمع .

Post: #76
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 06:49 AM
Parent: #71

أبوبكر..
للعشق ألف لون ومشرع مزيج ديانات إختلفت فيه طرق الصلاة!
صلّي كما يأمرك دين عشقك..ويمِّم قلبك قِبلته..وأذِّن في الدواخل بأن ( حيّ على التلاقي )
وكبِّر بماتحوي من أحاسيس..
وأرفع كفيك لتعانق هواءً تشاركت إستنشاقه مع من تهوى..
وأجعلهما تهويان على جانبي وفاء..ووعد دائم بالبقاء.
إفتتح تراتيلك بها..
وأحمد مجيئها..
وأركع وأحتويها..
وأسجد عند إكتمال الحضور فيكما.

Post: #75
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 06:37 AM
Parent: #70

هاشم ..صباحك خير..
ماقلتا ليك وأنا حالي مابقدر أصف؟؟

تسلم كتير على متابعتك الدائمة..

Post: #74
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 06:34 AM
Parent: #69

السنِّي بي جلالة شخصو ؟؟

الزول ده وكت يجينا في بلدنا دي مابنكلم زول تاني.

شكراً تاج السر على طلتك المفرحة.

Post: #73
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 06:31 AM
Parent: #68

الفاتح..لالا ماعاوزاك تتلخبّت
إنتا ركّز في بداية البوست..
ومنتظرة لحنك..

مودتي.

Post: #72
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 06:18 AM
Parent: #67

نهال..يامين جمعاً ياعسل

خليكي قريبة..

Post: #77
Title: Re: صلّى فرض الشوق معاي..
Author: عبده عبدا لحميد جاد الله
Date: 05-01-2007, 07:21 AM
Parent: #72

Quote: ملهوف أعاكس في خُطاي
راجعة ..بس جايباها ليك..
برضي عاذرك في غُناي
وغنايا لو تعرف عينيك
إنتا زايد في أذاي
وما قسيت أنا يوم عليك
أصلي جايب الشوق معاي
والشوق عيونو بتصطفيك
كم شلتا ريدك في دماي
ودمايا تنزف ..تشتهيك..
وكم عِشتا راهب ياسماي
وقلبي متوسّد إيديك
صلّى فرض الشوق معاي
وشوقو فيهو بيرتضيك

تسلمي يا رايعة

Post: #78
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 08:19 AM
Parent: #77

عبده..شكراً على الطلة الحلوة..
كل الود.

Post: #79
Title: Re: صلّى فرض الشوق معاي..
Author: ابوبكر يوسف إبراهيم
Date: 05-01-2007, 10:02 AM
Parent: #78

الأخت تماضر


أختي تماضر
تحية ومودة
تعليقك على مداخلتي أعادني عقدين من الزمان إلى الوراء فتذكرت ما خطت يداي .. استحسنت أن تكون تعقيب على التعقيب

اسجدي لله يا نفسي
فإني حبيب متيم
هيمان وهائم في دنياي
أروي حكاياي
للشمس للنجوم والقمر
أناشد المزن
أتسول النغم
وأنشد الشمس
أفصح عما دهى نفسي
فأناخني
وأشاخني
فقد هدني ليل المحن:

أن أشرقي في سماء الحب يا شمسي
وموعدنا ذاك أوفيه
أرجوك لا تنسي
ففي محراب حبك تَعَبُّدي
فهل ما كان بيننا إصحاح تهجدي
معشوقتي:
أنسيتِ نجواي وهمسي؟!
حباً تشبثبت به
تشبث الرضيع بالثدي
حفظته بين ضلوعي
أخاف عليه من نفسي ومن غدِ
متقد ينير أعماقي
أنت دنياي .. أنت شموعي!!


مع خالص الود



Post: #80
Title: Re: صلّى فرض الشوق معاي..
Author: فيصل محمد خليل
Date: 05-01-2007, 10:57 AM
Parent: #79

تماضر


مسكاقنا

Post: #82
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 12:42 PM
Parent: #80

ويافيجلو
إر سِكر في ؟؟

Post: #81
Title: Re: صلّى فرض الشوق معاي..
Author: تماضر الخنساء حمزه
Date: 05-01-2007, 12:41 PM
Parent: #79

عقدين من الزمان ياأبوبكر ؟؟
أتاريك عجوووز
إنتا ليك عقدين بتكتب ؟؟


Quote: أن أشرقي في سماء الحب يا شمسي
وموعدنا ذاك أوفيه
أرجوك لا تنسي
ففي محراب حبك تَعَبُّدي
فهل ما كان بيننا إصحاح تهجدي
معشوقتي:
أنسيتِ نجواي وهمسي؟!
حباً تشبثبت به
تشبث الرضيع بالثدي
حفظته بين ضلوعي
أخاف عليه من نفسي ومن غدِ
متقد ينير أعماقي
أنت دنياي .. أنت شموعي!!


لا أجمل من هكذا إحساس..

Post: #83
Title: Re: صلّى فرض الشوق معاي..
Author: عبدالأله زمراوي
Date: 05-02-2007, 03:05 AM
Parent: #81

Quote: مهما زاد دلّك ياغالي
برضي بيك أنا إرتضيت
قالوا في المعشوق أغاني
وذي هواك أنا مالقيت
لو شفتا في ريدك عذابي
ولو يطول أنا ليك عفيت
ولو شفتا في غيرك ..غيابي
عمري في شوقك..قضيت
أصلو ريدك كان منابي
كم متا فيهو وكم حييت


Post: #84
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 05:49 AM
Parent: #83

عبد الإله..صباحاتك خير..

Post: #85
Title: Re: صلّى فرض الشوق معاي..
Author: عبد المنعم ابراهيم الحاج
Date: 05-02-2007, 07:36 AM
Parent: #84

استاذ فضيلي جماع


لك التحية ايها الشاعر الذي كرّس حياته لاجل ان تكون القصائد حبلي بالعطاء
المتجدد..دعني اختلف معك قليلا في هذا اليوم حول ماكتبت في مفردات هذه الخنساء
التي تقترض الشعر الطازج بكل عفوية وملكة لا تتاتي الا لانسان موهوب ..لا اختلف
معك في حقائق اوردتها بشأن تطوير كتابات الشاعرة الخنساء تماضر ، بل اختلف في
الطريقة التي ورد بها نقدك علي عموميات القصيدة وانت خير العارفين، كان من الافيد
ان تاخذ القصيدة وتعمل عليها تفنيد منطقك الذي بخلت به علينا من امكانيات نعرفها
فيك وتحليل متمرس من مبدع صقلته التجارب وعركتها حتي تنضدت شعلة القوافي والمعاني
حكما تنثال بين كتاباتك الحديثة وتلك التي عفي عليها زمن طويل،مثل هذا الكلام قد يحبط
الشخص الموهوب وهو يتلمس خطاه بين قامات من مثل ماذكرت :محجوب شريف، القدال،حميد،وغيرهم
اعلام لم تصل خطابات ابداعهم مرحلة النضج الا بعد تجارب مريرة،مع اعتبار فوارق وسائل الاعلام
سالفا تلك التي توفر للمبدع حق الرجوع والتمحيص في كتاباته قبل رفدها لجمهوره وبينها الآن
حيث لا مساحة بين ذهنك والمتلقي ،فمعظم كتابات الشاعرة الخنساء هنا هي ارتجالات موفقة،بحيث
اني اجزم بانها لا تمتلك مسودة لقصائدهاعلي اوراق تحبير او حتي علي برنامج "الوورد" في
كمبيوترها، فقصائدها عبارة عن ضخ مباشر،وبث تجريبي ،قد يسقط في حبر المشابهه،وفي اوتار الغير
ولكن بالطبع لن يكون في فحواه أو محتواه..ربما بعض العبارات وهي مشاع ،أو ربماالاجراس الموسيقية
في الاوزان،وهي ترتكز علي محور بيئة مشتبه.لكنهافي الاخيلة والتصاوير فانها تأخذ شكلا مغايرا
ولعمري اراها تتطور تريجيا وبسرعة، فارجوا ان لايؤثر كلامك علي مسيرتهاويصيبها بالاحباط فهي
تحتاج دعمك ودعم الآخرين حتي تتجاوز مرحلة الثقة في كتاباتهافتخرج بوعيها عن نمط التقليد
والمشابهه.لك ودي وتقديري وكل الاعتزاز بما يدلقه معينك من الادب والجمال لك التحية.

Post: #87
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 09:03 AM
Parent: #85

سلامات منعم ..
طبعاً لامعرفة سابقة لنا ببعضنا قبل هذا البورد ..
وحتى بعده لم تتخطّاه ..قلت هذا لأني أستغربت معرفتك أن معظم ماأكتب
( إرتجالي ) والضخ المباشر الذي ذكرت ..
فور كتابتي لهذه القصيدة هنا كانت معي إحدى الصديقات وأخبرتها أني كتبت شيئاً وأريدها أن تقرأه
قرأته وقالت ملاحظاتها وقمت بإرسال البوست.
هذه حقيقة ..وبماانك علمتها ( لوحدك كده ) فهذا يعني أن لك إحساس الخبير
بمايُكتب ..وحتّى كيف كُتب!
أحتاج لمن هوّ أدرى ليأخذ بيدي وأحياناً لمن يربت عليهاداعماً ..وأحياناً لمن يهزها منبهاً.
أشكر دعمك الدائم..
ومتابعتك..
وإهتمامك الذي يسعدني حدّ التفكير بنص آخر..
لك منِّي كل جميل.

Post: #86
Title: Re: صلّى فرض الشوق معاي..
Author: ابوبكر يوسف إبراهيم
Date: 05-02-2007, 07:59 AM
Parent: #81

أختي الصغيرة تماضر

سلام على روحك الطيبة ..

كنت في أول مداخلة لي معك في أول إنتسابي لهذا المنبر قد خاطبتك قائلاً : إبنتي وأختي الصغيرة فكان لك أن تختاري إحداهما .. قد غزا الشيب مفرقي وأنا في نهايات العقد السادس .. سعيد بتقدمي في العمر لأنني عاصرت أناس قلما يجود بمثلهم الزمان .. تحياتي

Post: #88
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 09:07 AM
Parent: #86

سلامات أبوبكر..
وأنا أسعد بمعرفتك..وأتمنى أن أكون ممن تسعد أنهم مرّوا بدروبك يوماً..
أتابع كتاباتك ..ويغمرني الفرح عند مرورك بماأكتب..
محبتي.

Post: #89
Title: Re: صلّى فرض الشوق معاي..
Author: هاشم أحمد خلف الله
Date: 05-02-2007, 11:50 AM
Parent: #88

عزيزتي الخنساء لست معلم لغة عربية ولست ناقداً ادبياً ولكني أمتلك حساً شعرياً

أحس بالكلمات وأتغمص المعاني والمفردات وإمتداداً لقول اخي العزيز عبدالمنعم

أقول بكل صراحة وفخر أنت تمديننا بالالهام الشعري وتشريكننا معك ونستمتع جداً

بمجاراتك قدر ما نقدر بل وإجتهدنا في الإرتجال , وكلماتي وان بدت بسيطة لكنها

تنبع من أعماقي وقد تعودت ان لا اخفي مشاعري ابداً , ومعرفتي بالشاعرة الخنساء

هي هنا فقط في هذا المنبر وانا السعيد بالتعرف عليها وعلي كل من في هذا المنبر

وكل من قدم عملاً يستفاد منه الجميع .

مودتي وتقديري



تخريمة صغيرة :-

أخونا الشاعر الكبير فضيلي جماع لك الشكر أجزله علي ما تفضلت به من تلميحات

وهذا الشئ يفرحنا بأنك هاهنا تقراء وتتابع .

Post: #90
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 02:07 PM
Parent: #89

هاشم..






محبتي.

Post: #91
Title: Re: صلّى فرض الشوق معاي..
Author: حبيب نورة
Date: 05-02-2007, 02:27 PM
Parent: #90

يا نيل يا شاعر
يا الموجك لبنوا صعيد طاهر
وجعك متلملم
أبيض متيمِّم
أزرق موية نزيف الطين
صلي معاي يا نيل
خلي جفاف المحل الكافر
يبقي سنابل
يبقي خدار في جروفنا مسافر



شايفك تتنهَّد
عايزك تتشهّد
تغشي النخلات في الصف الأول
أوعك تنسي
بني الأشراق علي خمسة
ركايز كيفن تتحول
الشمش الشلعت فينا
والقمرة السمحة رزينة
النجمة الطلعت لينا
ووشك باقي لينا رتينة
عيونك أنتي عماد لي دينا

أوعك تنسي
بُني الأشراق علي خمسة!!!!



شكرن كتيرن!!

Post: #93
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 02:40 PM
Parent: #91

بُني الشوق ..
عليك...براك!
علي مواعيدك تشيل مني الهموم
تفرد عليّ ساعة مجيك
أبقى مشتاق ليك كتير
وكنتا مشتاق ليك كتير
احتار أقيف..شايف عيونك
ماني عارف وين كلامي الكان بيتزيّن قبيل؟؟
وين حروفي الإشتهيت يوماً تقبِّل بس عليك؟؟
وين القصايد
والأغاني
وين الحنين الماغشاهو الليلة نيل؟؟
الكان بزيد ..إشتياق الروح إليك..

Post: #92
Title: Re: صلّى فرض الشوق معاي..
Author: مهند الجيلي بادي
Date: 05-02-2007, 02:37 PM
Parent: #1



Quote: الفكرة إنك ماتغيب
الفكرة تنبت من لقاك
خليني أتوسّد مجيك.

وأقعد كمان ..
قيِّل علي مسارب الروح وبيت
أسري جوّاة الوريد
أدفق الشوق الوشيك
خليني أرتاح بين تفاصيل الملامح في وشيك
أصلي من حسيت مجيك..
إرتعش فيني الكلام
والشهقة لامست الغمام
وزفرة في صوت الكمان
كانت فواصل الأغنية
رنّة وتر..
فيهو الصوابع ماسهت
شالت حنينا..وإتّكت
بسراع مشت
بين النغيمات الدّغش
وأنا حالي ..مابعرف أصِف
حالي لسع مرتعش
يلاك نمِش
حدّ الغيوم..نمسك رذاذ اللهفة
بي كف الغُنا
ينزل حنينك ينهمر..
نرقص على لحن المطر..
أنا والقمر
وإتنين من نجيمات السما
تجي ياأنا ؟؟



سلمت أناملك
لم خطت قافية موزونة وشعور
مليانة بالنشوى وحبور
شايلاها أنسام المغارب
وإنتي زي ما إنتي بنقع محتواك
بالإلفة وإن كانت شوية
وكم من أوزان القصيد

(دي لزوم عجبني الرد شديد ..)


تماضر ،،

وأنا وين أغيب
بفرد بصيرتي تراقبك
وفاتح قلوب اللحظة تتلهف لقاك

وكنت بين شوقي
أتخذ معراجك إليك
وفتحت نافذتي لعل مسائي المحموم
يجود بنسمة طافت عليك ..

وما خيب المسا ظن خواطري
وجاني من تالك ملااااااان بحروف


شهقت
ستفتي صدري بإلفتك
صادقت مطرات بللني
وغمية ضللت الحواس
أقعدي
أحكيلك عن اللي فات من الزمان
شن سوَّ شوقك في قصيدي
كيف رتبت غنواتي شوفتك
أو ..
كيف رتل النيل ضحكتك
لم أمشني انا احكي ليهو
عن طلة البت العشم



مرفق :
شوقي الشديد
بــــادي

Post: #94
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 03:28 PM
Parent: #92

وتعال أنا أحكي ليك ..عن جيّتك..
وكت خلاس بيّنتا من آخر الطريق..
ورؤياكا..عافية عليّ سرت والروح حريق

مابقول هبيت وقفتا معايا ريد
زغردت فيني الدواخل وأعلنت الليلة عيد

لكن أظن شالني من جوّايا ريدك وبيّ جرى
في سكة المشرع هوى
مال فؤادي بماحوى
وأنا ذي بسابق سكتك
أخاف أصل..
أرسِل إيديَّ إليك تسالمك..
تحضن رهابك ماتصل
وأكسر عوينات الأمل
الكان بتبكي ..وتبتهل..

أديني منّك ..بس يقين..
لاتخليني أشكِّك ..وأحتمل.

Post: #95
Title: Re: صلّى فرض الشوق معاي..
Author: حبيب نورة
Date: 05-02-2007, 03:39 PM
Parent: #94

شكيت محنك!!!

Post: #96
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 03:48 PM
Parent: #95

شكيتك..ليك.

أصلو قالوا الشكوى من زولاً ضعيف ..
لي زولاً بيقدر إجيب حقيقو
وأنا حقي لو تعرف حِداك..
لاهو مال..ولاهو شيتاً لي زوالو بكون ..مآل..
حقي ريد..
ماساورني ظن..
أصلي متأكّد شايلو في قلبك معاك.

Post: #97
Title: Re: صلّى فرض الشوق معاي..
Author: حبيب نورة
Date: 05-02-2007, 03:58 PM
Parent: #96

تتجازي !!

تتجازي يا الكلك مسارب للشـجن
تتجازي يا الشكلك معطرة للزمن



تتجازي وتتجازي!!

Post: #98
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 04:03 PM
Parent: #97

إتجازى برضو الشوق إليك..
أقول غيابك هو البزيدو..
وكتين تقرِّب..ألقاهو زايد برضو ليك
أنا بي بساطة..
زولاً بعيش عِشقك براك..
زولاً بريد.

Post: #99
Title: Re: صلّى فرض الشوق معاي..
Author: حبيب نورة
Date: 05-02-2007, 04:37 PM
Parent: #98

بالغتي!!

بالغتي جرتقتي النفوس
أتلومتي ضاريتي الشموس

بالغتي!!

بالغتي داريتي الفرح
وانا ليك سنين ضايع بكوس !!!


شكرن كتيرن!

Post: #105
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 05:46 PM
Parent: #99

لو قلتا ليك إنتا الشموس ..
وإنتا الفرح ..لحظة بشع في خاطري طيفك
وينتشر جوّايا مايخلِّي حزناً فيني ساكن
إلا يملاو بي حضورك
وإحتفالك يمتزج في شرايين الفؤاد
بي صوت خُطاك
وأنا في الأخير
واقف معاك ومنتشي
بساسق وراك..ومشتهي
وكتين إطل ياسيدي نورك.

Post: #100
Title: Re: صلّى فرض الشوق معاي..
Author: nourelhadi awad
Date: 05-02-2007, 04:47 PM
Parent: #1

وريني ياست البنات
صلاة المسبوق كيفن تكون


حوار

Post: #101
Title: Re: صلّى فرض الشوق معاي..
Author: حبيب نورة
Date: 05-02-2007, 04:54 PM
Parent: #100

يا نور الهادي
صلاة المسبوق تكون سجادة من كل الفنون
حبة شجون
من غير ظنون
من غير كلام
يكفيكا في الصف أنتظام
تنسي الأمام
تقرأ النوافل بي رموش سيد العيون

و أستوووووووا


شكرن كتيرن

Post: #102
Title: Re: صلّى فرض الشوق معاي..
Author: nourelhadi awad
Date: 05-02-2007, 05:26 PM
Parent: #101

حبيب نورة
وحبيبنا كافة
طمنتني
الله يطمنك
وياها المحرية فيك
بس لو أمكنك
تديني الورد
وتاخد لي ياريت إذن
بشان أزور
وليك البياض
وتعظيم سلام
وأقم الصلاة

Post: #103
Title: Re: صلّى فرض الشوق معاي..
Author: munswor almophtah
Date: 05-02-2007, 05:32 PM
Parent: #102

شيطان الشعر جافانى قايم جنو
وكل ما أقول حديث إغلبنى تب ما أتمو
يا بت الصلاح اللفلاح فاعلنو
مالك مارضه قلبى المن زمان مارضنو
شايفك فى الخشوع يا خشاف كتير راجينو
شاربه الإبتهال إنتى الجمال نور فنو
شايفين للسجود داك الركوع داركنو
سرك داك جهر يالجاهره ليك كم غنو
كم ليك من محب فضل الكتير داخرنو
متلك كم بقوموا الليل وداك كم فرض عاملنو
سجودك يا المقامو كبير وجودك نحن داك عارفنو
حبابك ديمه يا الأواهه ليك كم آهه آننو


منصور

Post: #107
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 06:35 PM
Parent: #103

النمّ الجانا يقدل إحنا فيك حارنّو
والزول السمح لو يغيب فاقدنّو
نسّام البطانة المن زمان خابرنّو
مابنفوت بلاك وإن غِبتا تب خالنّو

Post: #104
Title: Re: صلّى فرض الشوق معاي..
Author: حبيب نورة
Date: 05-02-2007, 05:36 PM
Parent: #102

نور الهادي

من أول النص الشحيح
وبرضو من آخر الحكي
انت قاعد في قبة الشيخ والضريح
وانا برضي مستني الفكي
أبريقي شوقين للوطن
سجادة فيها بننتكي

والصلاة الليلة تراويح بس!!

شكرن كتيرن!

Post: #106
Title: Re: صلّى فرض الشوق معاي..
Author: تماضر الخنساء حمزه
Date: 05-02-2007, 06:26 PM
Parent: #100

إنتا معفي من الصلاة..
مغفورة ليك كل الخطايا..
أصلو فرضك كان هوانا..وجد ..وِصِل.

Post: #108
Title: Re: صلّى فرض الشوق معاي..
Author: حبيب نورة
Date: 05-03-2007, 09:09 AM
Parent: #106

الصلاة قائمة

Post: #109
Title: Re: صلّى فرض الشوق معاي..
Author: تماضر الخنساء حمزه
Date: 05-03-2007, 09:22 AM
Parent: #108

والبرش فارشنو شوق..

Post: #110
Title: Re: صلّى فرض الشوق معاي..
Author: حبيب نورة
Date: 05-03-2007, 09:29 AM
Parent: #109

البرش فارشنوا لي يوم القيامة
لكن متين نبدا الصلاة
طولنا راجيين الأمامة!!


شكرن كتيرن!