ياعذارى الحي...

ياعذارى الحي...


23-04-2007, 02:19 PM


  » http://sudaneseonline.com/cgi-bin/sdb/2bb.cgi?seq=msg&board=268&msg=1184843990&rn=0


Post: #1
Title: ياعذارى الحي...
Author: تماضر الخنساء حمزه
Date: 23-04-2007, 02:19 PM


Post: #2
Title: Re: ياعذارى الحي...
Author: محمد المرتضى حامد
Date: 23-04-2007, 10:35 PM
Parent: #1

يا خنساء الله يديك عافيه قدر ما يرضيك.
رشا وفرقتها قدموا عملا أقل ما يقال عنه أنه راق.
أكيد سمعتي الأغنية كاملة وتحديدا صولو الساكسفون الأخير.
(ليلنا طهر بلا راحِ سُكارى)
رحم الله الشاهق أبوداؤود.
(صابر في الحب لم أشكو لراحي).
إختيار حد الإبهار.

Post: #3
Title: Re: ياعذارى الحي...
Author: عبد المنعم ابراهيم الحاج
Date: 23-04-2007, 10:44 PM
Parent: #2

"عابد والحب ديني"


شكرا تماضر ..شكرا رشا


وشكرا لهذه لهذه العائلة المبدعة

Post: #5
Title: Re: ياعذارى الحي...
Author: تماضر الخنساء حمزه
Date: 24-04-2007, 04:42 AM
Parent: #3

آل شيخ الدين ..ناس سمحين شديد..
شكراً منعم..

Post: #4
Title: Re: ياعذارى الحي...
Author: تماضر الخنساء حمزه
Date: 24-04-2007, 04:41 AM
Parent: #2

سلامات ..
الزولة دي أجادت الأغنية دي بي صورة مبهرة فعلاً
لها التحيّة هي وفرقتها..
شكراً محمّد..

Post: #6
Title: Re: ياعذارى الحي...
Author: محمد أبوالعزائم أبوالريش
Date: 25-04-2007, 06:45 AM
Parent: #1

الأخت تماضر ...

الأخوة المتداخلين ..

كتبت مداخلة بالأمس ... ولكن يظهر إنها راحت مع الصداع الذي ألم بالمنبر..

على أي حال حبيت أقول إنو لأغنية عذارى الحي مكانة خاصة في نفسي .. إذا أضفنا ليها الأداء المتميز ... وحبي اللا محدود لآلة الساكسفون ....... لا أستغرب إصابتها لي في مقتل

يديكم العافية

Post: #8
Title: Re: ياعذارى الحي...
Author: تماضر الخنساء حمزه
Date: 25-04-2007, 11:21 AM
Parent: #6

مرحبا محمّد..

ماتنسى تعدني مع المصابين في مقتل ديل

شكراً على مداخلتك المفرحة ..مودتي.

Post: #7
Title: Re: ياعذارى الحي...
Author: عمر الفاروق
Date: 25-04-2007, 06:58 AM
Parent: #1

الخنساء تماضر:
يحكي الراحل الفنان ابو داؤود وهو الرجل النكتة إنهم في يوم مشوا حفلة هو وصلاح بن البادية وطبعاً صلاح كان ملك الوجاهة والقشرة ..
بدا صلاح بن البادية الحفلة وتغني بي أغنية " يا جنا" ولمن طلع ابو داؤود ناس الحفلة هاجو وماجوا وقالوا ما دايرين ده دايرين بتاع يا جنى وبدو التكسر والتفلق فما كان من ابو داؤود إلا وقال لي صلاح خلاص انا بركب عربيتك وانت تركب عربيتي ..
إتلم الناس في عربية صلاح بن البادية وقالوا ليهو إنت "يا جنى" ؟
ففتح ليهم ابو داؤود وقال ليهم :
لالالالا انا عذارى الحي
رحم الله الفنان ذو الحنجرة الذهبية ابوداؤوود ..
تخريمة :
"غصن الرياض" أغنية كلما سمعتها تأكدت من عبقرية هذا الفنان ابوداؤود

Post: #9
Title: Re: ياعذارى الحي...
Author: تماضر الخنساء حمزه
Date: 25-04-2007, 11:25 AM
Parent: #7

الفاروق
كمان ولا عذراء واحدي ؟؟
تسلم عمر
نجيك في فوز الهلال تاني إن شاءالله

Post: #10
Title: Re: ياعذارى الحي...
Author: حبيب نورة
Date: 26-04-2007, 06:35 PM
Parent: #9

خناس

ما تخليها يا عذاب الحي !!!

النجاض لزومو شنو هسة؟؟؟؟؟


شكرن كتيرن!

Post: #11
Title: Re: ياعذارى الحي...
Author: تماضر الخنساء حمزه
Date: 26-04-2007, 06:44 PM
Parent: #10

حبيبها ..
حلو النجاض لكين..

Post: #12
Title: Re: ياعذارى الحي...
Author: حبيب نورة
Date: 26-04-2007, 06:55 PM
Parent: #11

غايتو !!!

المشكلة في مود الشجن دة !!
يعني المسألة بقت محتاجة لي أكتر من
قعدة مع النفس و تفتيش أسباب الحزن دة
يا زولة أنجضي برااااك
أنا أبري من محاولاتك لحقني بعقار الشوق ليها
عشان أتطعمت و أخدت جرعة جامدة من حنيني الزمان

شكرن كتيرن!

Post: #13
Title: Re: ياعذارى الحي...
Author: تماضر الخنساء حمزه
Date: 26-04-2007, 07:00 PM
Parent: #12

الشوق ذاتو سمح ..

شن قولك؟؟

Post: #14
Title: Re: ياعذارى الحي...
Author: حبيب نورة
Date: 26-04-2007, 07:05 PM
Parent: #13

خاتي القول!!

الكلام كمل

Post: #15
Title: Re: ياعذارى الحي...
Author: تماضر الخنساء حمزه
Date: 26-04-2007, 07:06 PM
Parent: #14

الكلام ماكِمِل..
بس كلامك بشلهت حواسي..
وبتسرع ..تجيك!

Post: #16
Title: Re: ياعذارى الحي...
Author: حبيب نورة
Date: 26-04-2007, 07:10 PM
Parent: #15

أتشلهتي !
ما فيكي قولاً يا خناس
أتبشتني!
نلقاكي في كل الحواس
أتمرمطي!
للقبة بتجيك زايرة ناس


شكرن كتيرن!

Post: #17
Title: Re: ياعذارى الحي...
Author: تماضر الخنساء حمزه
Date: 26-04-2007, 07:16 PM
Parent: #16

واهِ من قلبي..






لقد راح الجميل!
لم يقل حتّى ( وداعاً) في الرحيل ..
خبري..أي عرفيني ..أين سارَ؟؟

Post: #18
Title: Re: ياعذارى الحي...
Author: غادة عبدالعزيز خالد
Date: 26-04-2007, 07:16 PM
Parent: #16

يا سلام يا تماضر


صوت ذو شجون


كل الود

غادة

Post: #19
Title: Re: ياعذارى الحي...
Author: حبيب نورة
Date: 26-04-2007, 07:22 PM
Parent: #18

شجون و بس!!!

Post: #20
Title: Re: ياعذارى الحي...
Author: غادة عبدالعزيز خالد
Date: 26-04-2007, 07:23 PM
Parent: #19

Quote: شجون و بس!!!


و أشياء أخرى كثيرة

Post: #24
Title: Re: ياعذارى الحي...
Author: تماضر الخنساء حمزه
Date: 27-04-2007, 12:14 PM
Parent: #18

مش بالله ياغادة ؟؟




زيّنتي الحتة..

Post: #21
Title: Re: ياعذارى الحي...
Author: عبدالله داش
Date: 26-04-2007, 07:45 PM
Parent: #1





وبعدين مع الغنا والجمال
اتمنى القاك فىالحروف
منضومه فوق الجيد عقود
انا فى رحاب أفقك مدى
مشدوه
وما خالجنى خوف

الخنساء

شكرا لإهداء
المساء لحنا فريد

Post: #22
Title: Re: ياعذارى الحي...
Author: بدر الدين الأمير
Date: 27-04-2007, 09:32 AM
Parent: #21

تماضر ياخنساء
يا اخت صخر
صخر الذى قالت عنه الخنساء
(لولا كثر الباكين على أخونهم حولى
لقتلت نفسى ولا يبكون مثل أخى ولكن
أسلى عن النفس بالتأسى.)
وها نحن نتأسى معك بهذه الاغنية
التى تريحنى كثيرا وتحول لحظات
الاستماع لشريط سنمائى للذكريات
شكرا لك وللمتواجدين هنا حر وجد
لليالى الامس واللهو المباح

Post: #23
Title: Re: ياعذارى الحي...
Author: عبدالكريم الامين احمد
Date: 27-04-2007, 10:31 AM
Parent: #22

الله يديك العافية يا تماضر ياخيي..
رشا دي مكملة الدهشة ومعجونة بصوت نادر وسلس
وبتغني بطريقة (مدهشة) وسهلة ولا تلاحظ علي حنجرتها اي ملمح لجهد يذكر
والشي الثاني اغنية (ياعذاري الحي) لازال صدي وروح (ابوداوود) ترفرف حول تونها
وفتلهم كل من يوديها باتقان مثل رشا شيخ الدين صدي ودهشة عالية...
....
وشكرا يا تماضر ياراقية

Post: #27
Title: Re: ياعذارى الحي...
Author: تماضر الخنساء حمزه
Date: 27-04-2007, 12:18 PM
Parent: #23

عبد الكريم ..

طلتك سمحة.

Post: #26
Title: Re: ياعذارى الحي...
Author: تماضر الخنساء حمزه
Date: 27-04-2007, 12:17 PM
Parent: #22

وين التنهدات ياود الأمير ؟؟


أظنها إمتزجت بصوت رشا..

Post: #25
Title: Re: ياعذارى الحي...
Author: تماضر الخنساء حمزه
Date: 27-04-2007, 12:16 PM
Parent: #21

داش..
شكراً لإهداء البوست ..طلتك.

Post: #28
Title: Re: ياعذارى الحي...
Author: abubakr
Date: 27-04-2007, 12:29 PM
Parent: #1

يابتي قبل حوالي 6 سنوات واحد صحبي رسل لي السي دي الفيهو عذاري الحي واغاني اخري للبنية الجنية "رشا "..اها كل كام يوم اسمع شوية وارجع السي دي الي مكانو ولكن يبقي الصوت لحد المرة الجاية واطلع السي دي واسمعو ويبقي الصوت واها المرة دي قت اسمعو من عندك هنا ...

Post: #29
Title: Re: ياعذارى الحي...
Author: تماضر الخنساء حمزه
Date: 21-06-2007, 02:49 PM
Parent: #28

أبوبكر ..
وأنا أسي بسمع من هنا..



خلاس نسمعا سوا.

Post: #30
Title: Re: ياعذارى الحي...
Author: هاشم أحمد خلف الله
Date: 21-06-2007, 03:14 PM
Parent: #29

شكراً يا تماضر والله كنت محتاج لحاجة زي كده الليلة البورد ده تقيل شوية كده وبعدين كيف انا ماشوفت البوست ده قبل كده !! حاجة غريبة , مشكورة ياحسناء .

Post: #31
Title: Re: ياعذارى الحي...
Author: تماضر الخنساء حمزه
Date: 21-06-2007, 04:31 PM
Parent: #30

هاشم ..
يلا أسمع الزولة دي كويس وشوف إحساسا بالبتغنيهو..
مودتي..