الخرطوم ذات صباح - اهداء لابراهيم الجريفاوي

الخرطوم ذات صباح - اهداء لابراهيم الجريفاوي


01-06-2004, 10:19 PM


  » http://sudaneseonline.com/cgi-bin/sdb/2bb.cgi?seq=msg&board=267&msg=1188765306&rn=40


Post: #1
Title: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-06-2004, 10:19 PM
Parent: #0

طفل دون السابعه
المكان- جوار الجامع الكبير
الزمان - نهار قائظ
ربنا يدينا ويديك ياولدي
معلم الله
ياخي فكني
مفاوضات كثيره تمت بصمت غريب تصنعه الفتي انتهي النقاش الاحادي
بعبارة( فايتنك باللصبر )
قالها رجل في مقتبل العمر تبدو من هيئته بانه موظف تقليدي ثم مضي ونظرات الطفل تلاحقه الي ان غاب في زحمه الجموع
اعداد من الشماسه بالقرب من (اخصايئ العرديب )
اعلان ضخم يستظل به بعضهم عليها شعار (الكوكا كولا اشرب وانتعش )ولافته تدعو لمقاطعه السلعه الامريكيه تاكلت اطرافها
بعض من الشماسه يتناولون بقايا طعام واخرون ينتظرون دورهم في شم (
(السلسيون)
ومؤامره تحاك بموقف بصات امدرمان
سجمي ووب علي ووووب
اطلقتها امرأة في الخمسين ناسفه بذلك شعار الشرطه عين ساهرة
تجمهر حولها ركاب الحافله الا هو تسلل قابضا( السمينه) دون ان يلفت انتباه احد
احد الذين تجمهرو بادر قائلا ,,,,خير ياخاله انشاء الله عافيه

نقاش حاد بالقرب من الموقف حول طول السواك الشرعي وحلقه زكر وحالات جزب

موقع اخر .
حقيقه ياتغريد الموضوع ده مأزمني وماتتخيلي انو انا متمسك بيكي قدر شنو لاكن يابت الناس انا لسه دربي طويل ووراي الزامية ولي ده كلو انابقترح انو نجمد علاقتنا لحدي مايفرجه ربك ربك الخير
وتنهار توتا ويسكب عسل احلامها.

مشهد اخر

قاعة باسم احد الشهداء
ايات من الذكر الحكيم
تهليل تكبير عصاه من الخيرزان يلوح به رجل من الصفوه موفور الصحه وندوه بعنوان ( الجهاد بين التاصيل والتاويل)

اضاءة اخيره
جلسة سمار
حوارات حسب الطقس بلون الفرح السوداني
فرانسيس فوكاياما وعلاقته بال CIA
انهيار النموزج الاشتراكي وقضايا العصر
علاقه الدين بالدولةوطرح العلامانية كبديل موضوعي
فوز المعارضه الكينيه والتحولات السياسيه بجورجيا
كتابات ادونيس ونقاشات حول ادب الطيب صالح وعرس الزين كنموزج
نعجة راشد والتومات, فول ابو العباس , صحن البوش , زيت السمسم, ناس الامن, بمبان اليانكي ,الملتوف ,قضايا الطلبه, اماني العام ,,,الخ
كل هذا داخل حوش به به عدد من (البمابر) وثلاثه بطاريات فارغه نوع (انكو) والجميع جلوس وحلقات دائريه ثلاثيات وحوار ثنائي حميم
اذن نحن في المرسي
المرسي هذا عالم فريد يكون الجميع في نشوة يدرون مصدرها جيدا ياتي اليها الجميع باحباطاتهم اليوميه يفكونها هكذا في هذا الفضاء البهي . فقط يقلق جميع رواد المرسي طريق الخروج
فعند العوده لابد لابد انهم سيعبرون (الكبسوله)او بسط الامن الشامل لمن لايدري . ولربما صادف خروجهم احتجاج طلابي عكر صفو الشرطه فتتحول الاياتهم تجاه الحد الفاصل بينك وبين الافراح وبين النشوة نقطة تفتيش وعداء سافر لاتدري مصدره ومساحات غير مبررة من الاحقادوتساؤلات عميقه وامنيات
البوليس بوليس الشعب
البمبان بمبان الشعب
ويابوليس مهيتك كام رطل السكر بقي بي كم
اذن حان الان وقت الاندلاع
كل ذلك يمر بخاطرك وانت داخل احدي عربات النجدة والعمليات منقادا للمحاكم الناجزه اذن دعونا منهم
منهم لله
منهم لله
قالتها تلك المرأة في موقف بصات امدرمان
منهم لله
منهم لله
منهم لله
ونواصل

Post: #2
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-07-2004, 12:18 PM
Parent: #1

فوووق يا قرمبوز لحدي ماتجي عشان نكمل ليك لهفتك

Post: #3
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-08-2004, 01:44 PM
Parent: #1

ذات بلاد فقيره وثره

متكئه علي وهم التعدد ومثال الاخرين ,, ذات بلاد لا سيد لها

الخرطوم (حبيبه وذفته) علي قول عفيفي (عبدالمجيد) الخرطوم

حلب وعرب وشحادين وسياسين ,زنوج ونوبه (ورطانه) وكتابين

خرطوم بلد المساويك والطرح , الخرطوم فد مره ذي ما بقولو اهلنا

ناس البطانه ,,,الخرطوم محل الدكاتره ذي ما بشوفوا ناس الريف

الخرطزم عاصمه الثقافه!!! خرطوم العتمه خرطوم سان جيمس والكونت

مخلص والسيد عبدالرحمن واتنيه خرطوم السجم والرماد الجامعه

والسكه حديد والجامع العتيق وشارع اليهود خرطوم كحلي طشاش العيون

الخرطوم دي حق منو) علي قول قرنق

الخرطوم


كدي قولي يا خدور

Post: #4
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-09-2004, 08:51 PM
Parent: #1

قرمبوز تحياتي
النقوليك
الخرطوم هو القلتو كلو وكملت لي باقي الفهم بس الخرطوم يحتاج لزاكره جماعيه ياصديقي كي نكتب

Post: #5
Title: Re: الخرطوم ذات صباح - اهداء لابراهيم الجريفاوي
Author: elmahasy
Date: 01-09-2004, 10:00 PM
Parent: #4

الجميل خضر حسين
رجعتنا سنييييييييييييين


واصلوا انت والاخ ابراهيم


انا شخصياً مستمتع


لكم الود

Post: #6
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-10-2004, 01:18 PM
Parent: #5

الخرطوم

طيب لو قلت ليك اسه انا زهجان ليك من الخرطوم

ومن دينها الكتير ده اسه بقيت مابجي الدكانات بسبب الدين ده

ولذا

الخرطوم مره اخري انت

Post: #7
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-10-2004, 01:20 PM
Parent: #1

اها يا خدر

خدر المحسي البشبه الخرطوم

Post: #8
Title: Re: الخرطوم ذات صباح - اهداء لابراهيم الجريفاوي
Author: hanouf56
Date: 01-10-2004, 04:05 PM
Parent: #7

فوووووووووووووووووووووووووووووووووق

Post: #9
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-11-2004, 12:53 PM
Parent: #1

(الخرتوم)

هو ذاتو نقول شنو نحن!!؟

نحن الصادرت الجبهه الاسلاميه أنضر سنين حياتنا,,,,

خرطوم شنو البنعرفها نحن!!؟

نحن السلبت الجبهه الاسلاميه أعذب أيامنا واصفاها

نحن العفصو زهره شبابنا بالموت والمرض والهجره والخوف

بحبيبات الليت والعسس وكوبر وبحري العماره الحمراء!!!

يا صديقي انها السنوات التي جفنت فيها الخرطوم!!!

علي حد قول فرانسيس دينق (السنوات التي أفسد فيها العالم)

الخرطوم هي شنو ما( حكي)!!

الخرطوم,,,,

السوق الافرنجي النارو بتهمد من الساعه عشره! الافيها العالمي

ولا كوبا كوباني و وسينما النيل الازرق ,,,لا حكي كلزيوم ,,

محل اشتروا ابهاتنا النظارات البيرسون,,وشيش كباب,,وتاكسي جبريل

خرطوم اتحاد الكتاب ونادي الاساتذه,,خرطومر الدوش ووفر سهره

الفندق الكبير!!!

خرطوم زمان وخرطوم اسه والخرطوم خرطوم الفيل!!!!!!!!!


ويا خرطوم وينك وينك ,,,

انا مأزوم مأزوم مأزوم ,,, يا خدور الله يقطع نفسك

Post: #10
Title: Re: الخرطوم ذات صباح - اهداء لابراهيم الجريفاوي
Author: إيمان أحمد
Date: 01-11-2004, 06:05 PM
Parent: #9

الأستاذ إبراهيم

Quote: نحن الصادرت الجبهه الاسلاميه أنضر سنين حياتنا,,,,
نحن السلبت الجبهه الاسلاميه أعذب أيامنا واصفاها
نحن العفصو زهره شبابنا بالموت والمرض والهجره والخوف


شكرا لك في هذا الصباح!!!
ويااااااا للوجع!

إيمان

Post: #12
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-12-2004, 02:01 PM
Parent: #10

Quote: The rain
Never falls upwards.
When the wound
Stops hurting
What hurts is
The scar.
Brecht[/QUOTE

اسه الاستاذ منو فينا يا دكتره!!!

اها جبت ا(لخرخره) بره!! أسه دي ما خرخره في داعي1!!

والخرطوم صاحيه تصحي ما بتنوم

Post: #11
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-11-2004, 08:30 PM
Parent: #1

الاعزاء
قرمبوزاو كما جاء في البوردالجريفاوي
المحسي
هنوف
ايمان
لكم التحايا النواضر وشكرا لمساهمات والاشواق من هنا لالالالا ............. كل في غربته
قرمبوز
الخرطوم تبقي دائما بكل تفاصيلها منبعالكل احلامنا التي وئدت دون ان تكتمل فرحتنا بها الداير اقولوانو ده المقصود اكتب اكتب اكتب وبس

Post: #13
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-13-2004, 01:56 PM
Parent: #11

خدل

Post: #14
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-13-2004, 09:37 PM
Parent: #1

قرمبوز
تحياتي تصحو امامي اشواقا تهز النبضه
عارف فكرت الليله ياتو زقاق وياتو شارع ماممن نكتب عنو امدرمان بانت - سعد قشره - السوق الشعبي - الثوره - بيت التلاتاشر - اتني ياصديقي كلها في دافعا للكتابه
لعن الله الغربه والسلطه ياصديقي هما دائما يسرقون جهد الاخرين ساحاول ان اكتب رغم الحاصل والاتحصل
شوق وسلام

Post: #15
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-14-2004, 12:37 PM
Parent: #1

اسمع اخسن سيرة امدرمان دي ماتجيبها

عشان نحن(اولاد امدرمان) ديل كعبين في الحنك ده!!!

هه هه هه هه هه

Post: #16
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-15-2004, 00:23 AM
Parent: #1

قرمبوز
امدرمان ياصديقي علمتني الكثير ثلاثون فدانا كنا نحتفي بها بشكل يومي اطلق عليه الجميع الثلاثون فدان المحرره من ارض الوطن حراك سياسي وثقافي واجتماعي قل ان يوجد في واقع بذلك السوء وجميع اجهزه الدوله تترصد لتتقدم في وتحتل هذا النموزج الفريد او هذا السودان المصغر جئنا لها ووجدنا انفسنا او كما عبر عنها احد طلابها
قالت( اسقطو في هذي الظلمه فسقنا فابصرنا انفسنا)
عن امدرمان الاهليه احكي ياصديقي
ولنا عوده

Post: #17
Title: ماو ابراهيم وخضر نوستالجيا الوطن الذي لم يؤسس لحلمه بعد
Author: عبد الحميد الامين
Date: 01-15-2004, 09:56 AM
Parent: #1

ابراهيم وخضر نوستالجيا الوطن الذي لم يؤسس لحلمه بعد

خارجا لتوه من يأسه الى يأسه لا ينتمى لشي سوى راهنه مشي وهو يحاور ازقة الشهداء دلف هذا الشاب المستعرب ذو الانف الافريقي وبقامة الدينكا ، الى منزل (مني) فتاة من اجمل بنات النوبة او كما يقول السكاري في اشد حالة سكرهم ومدحهم لها " بيضا بت عرب بس" من يقهر من من لا تدري ولكن هي كيماء السودان الفريدة غريب امرها. يذكرك بمصصفي النقر في سنينه الهلالية العظيمة (عذرا للمريخاب) وهو يحاور تلك الازقة وهو يعرف اين مستقره. يرفع بحس امني لا يتوفر الا عند رجال الامن وطلاب الجبهة الديمقراطية تلك الخيشة التى لا تقي من شر ولكنها تتعرف على القادمين وترحب بهم. اخيرا دخل الى بيته وبياته الى مكان حببه الياس فيه ويعرفه هو وحده وبعض الاصدقاء وشرطة النظام العام وبالطبع الله. خطوة نحو انتظار الموت الاتى ، كباية (ونقو) والتانية كاسات حسب ما فهم من اصدقائه (الونقو) عشان تمسك والكاسات عشان تربط، لم يابه بمقولة العرقي (مصمصة) او ترهات ازمنة السودان النديه التى لم يعشها. خرج عاري الا من لحظته ، ذلك هو الانتصار في هذه اللحظة من الزمان الجبهوي الانتصار ان لا تتحسس الهزيمة. ان تؤاخيها. خرج صديقنا الى الشهداء خطوة نحو انتظار الاتي لا للمساهمة في تأسسية الخرطوم (الساته) محل ما ترسي تمسا او العكس، في ميدان الشهداء ركن في زاوية بعد خمشة تسالي ليست كخمشة المارة العاديين وشراب موية مجان يشتم رياح القادمين او يذهب عميقاً في التيقظ لسايكولجيا كماسرة الحافلات لتوقع ردهم على مقولته المشهورة (طالب مافي قروش والله)، فقد سمع ما سمع ولكن لا حياء في المواصلات ولاعشات بلد يحرم سكانها من التواصل بسبب حق المواصلات. تحسس ما يكفي في ميدان الشهداء والذي بداء وكانما لا شهداء ولا يخزنون ، الشهداء هي فقط ما تعنيه الان فتة جعفر الشاي المرابطة لمن يدفع حق المواصلات ، هكذا مشي صديقي نحو صدقه ان لا ينتمي يواصل مسيره لا يتوقف زحفه كانه رحلة معزين لا ينقطعون في ماتم سلفابي رهيب.
الشغل زنق والتحية لصديقي ماو في طريقه الطويل ودمتم

Post: #20
Title: Re: ماو ابراهيم وخضر نوستالجيا الوطن الذي لم يؤسس لحلمه بعد
Author: Ibrahim Algrefwi
Date: 01-15-2004, 02:18 PM
Parent: #17

أشد فرحي بك صديقي!!!

انه نستولجيا المرارات ,, وهل من سواها ليؤسس ,علمتنا (مني) الغياب ,, وكالنا ذاك الغليظ بالغربه والموت ,,واللجؤ الي الاخر
منفعلا بنا ,,كان ,, منفعلا به صار لحوحا للمغادره,, الخرطوم فكره المدينه البريطانيه علي نسق مانشستر ولانكشير ,,,بيد ان من اخذو من الميدان,, غالطوها ,,, انا اشتاقك ,,لذا لن اكتب الان سوي شوق

لكن بجي بجي بجي وحا اسلم ليك علي ماو

Post: #18
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-15-2004, 01:06 PM
Parent: #1

عبد الحميد
التحيا النواضر واشكرك علي اضافتك الثره واصل ايها الصديق لازالت انتظر المزيد
قرمبوز
توقفت عندما قالت لنا (اسقطو في هذي الظلمه فسقطنا فابصرنا انفسنا)
حاول الجميع تاسيس سودان مصغر كل حسب اعتقاده ورؤيته لهذا السودان نسيج اجتماعي متميز اتزكر فيما اتزكر اتحاد التجمع الوطني
برامج ثقافيه قوافل صحيه نشاط سياسي داخل شلتر النجمه
ملتقيات الروابط الاقليميه تستقبلك بحميميه وكرم متناهي
ابناء جبال النوبه وليمثلهم هنا برنابا شاب رائع ملامحه الافريقيه تؤكد مدي قوتة عزيمته صادق مع نفسه والاخرين غيور علي وطنه ومخلص لوطنه الصغير جاء يحمل هموم جبال النوبه فاصطدم بهم اكبر وصار يحمل هم الوطن باسره جمعنا هذا الهم المشترك يزكرني دائما بمقولة الرائع حميد
(دخلت وانت تحمل عاهة في جنبك الايسر
خرجت وانت تحمل عاهتين العشق
والوطن المقيم)

يالبرنابا العظيم
تروتسكي
شاب من ابناء عطبره مصادم له العديد من المواقف التي تبقي في ذاكرة كل طلاب الاهليه فقير الا من غني داخله لايشتهي سوي الوطن
ادركت منه طريقين (الثوره- ومكه ) لاذلت احن احن ياصديقي له
تري اين هو الان ؟
قرمبوز اعدك بالمواصله فقط لضيق الزمن اعتذر الان

Post: #19
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-15-2004, 02:04 PM
Parent: #18

بالحاح

Post: #21
Title: Re: الخرطوم ذات صباح - اهداء لابراهيم الجريفاوي
Author: بهاء بكري
Date: 01-16-2004, 01:15 AM
Parent: #1

خضر
قرمبوز

تجولت معكم كثيرا في خرطوم الهزيمة وخرطوم العزيمه وتجولت براي في خرطوم الامنيات ومازلت اتجول وابحث عن واحده عندها قهوه كاربه وعلبه لبن فورمست كبيرة فارغه لاتحكر عليها وامدد كرعي كيفما اتفق واحتسي ما ماشاء لي، وارغب ..ارغب.. ارغب.. ارغب.. ارغب.. ارغب الماره علني اميز ملامحمهم واجد من يلمحني ويلغي علي بالتحيه وحينها اجزم بأن لافرق بين البارحه واليوم واغالط نفسي ...




ومليون تحيه ليكم وللخرطوم رغم مايمارس فيها من امتهان وتغييب اذن هي الخرطوم ومازالت
فيصل عباس

Post: #22
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-16-2004, 01:34 AM
Parent: #1

بهاء بكري
فيصل عبوس
رمبوز اللحوح
الشوق بحر والتحايا بمقدراه
الخرطوم الخرطوم بحري كشك الشعله الزين ود حامد
تلغرافات
اتتنا ففهمنا مالنا وماعلينا يقول صديقي احمد كوارث دائما نقلا عن عبد الرحمن منيف ان المدن الكبيره تستر الانسان لاكن تظل تنهشه من الداخل لذا يااصدقائي دائما مانحن لزقاقات لخرطوم ولجركانات المويه ولستات التسالي وحتي لازعاج بتاع اللبن فقط تبقي في دواخلنا خرطوم الهزيمه وخرطوم العزيمه الاتيه باراده الجميع اذن دعونا نستكمل ملامح هي الاوجاع ونواصل

Post: #23
Title: Re: الخرطوم ذات صباح - اهداء لابراهيم الجريفاوي
Author: samo
Date: 01-16-2004, 05:37 PM
Parent: #1

up.... وتانى ... up

ويـــــــــــن يمشي الابداع ده.

Post: #24
Title: غريب امرنا نحن نحلم قبل ان نؤسس لحلمنا
Author: عبد الحميد الامين
Date: 01-17-2004, 10:06 AM
Parent: #1

برهة يستبين لك هذا الخواء ، بلا مقدمات كافية يندلق من اسفل رجليك نزيف الهزيمة الأبدي
تقمقم او ليس من حق المرء في هذه البلاد أن يستبين لرجله موضع في وحل هذه الهزيمة. او ليس للمرء حق ان يهزم بشرف. أو ان يختار بهدوء اي المنافي صالحة للهروب فكل ارض الله منافي فامشوا في مناكبها وحزاري من التفاؤل . يا الهي او لم نولد احرار منذ ان خلقتنا او لم تخلقنا. كم كان الفارق اللفظي ضئيلاً بين الوطن والزمن لم نصحو من حلمنا الجميل حتى استحال الوطن الى زمن للحنين.
هي الغربة ان تقول دوماً للرفاق والاصدقاء اننا كنا على وشك الانتصار لولا .....، .... ، .... وطير الأبابيل التي هبطت فجاءة على الاهلية المحررة كما يقول الزميل خضر، الغربة ان ياخذك الإستقرار بعيداً في النزيف وتبدا في لعنها. الغربة تجعلك تحن الى كل شي حتى خيبات وسقطاتك، تدخلك بشدة في نهايات منيف، لا تخرج منك سيرة من الاحباط لا تتوقف، الغربه ان تعطب ذاكرتك ان لا تدرك الفارق في الاوزان والاحجام ، يعرف الزميل خضر كم من المهتمين (بالشان السوداني ، كما يقال في الاخبار) ياتون اليك بخبر ان حكومة الخرطوم والحركة وقعتا اتفاقية قسمة الثروة، كل ما تجهد به نفسك كلمة (بالله) ، وسرعان ما يذوب ثلجك الوطني في حر اغنية لجنيفر لوبيز يشعلها الزميل مامون خضر، او فيلم رعب يقوم بإختياره الزميل ناصر حسن.

رغبة في التوحد نصّر ان نكون معاً لا تدري اهو اقرار بحوجتنا ان نكون معاً لشي يمكن فعله مستقبلاً. اصدقائي في الارض متسع من الحنين لكم. غريب امرنا نحن نحلم قبل ان نؤسس لحلمنا. وسلامي للزميل والصديق جوهر يوسف وكل منفيّ الوطن.
نلتقي ،
حميد العربي

Post: #30
Title: Re: غريب امرنا نحن نحلم قبل ان نؤسس لحلمنا
Author: Ibrahim Algrefwi
Date: 01-18-2004, 01:48 PM
Parent: #24

بلامس ادركت ان بلادي (أجمل مكان نظري في وجه التاريخ) بلادي منكوسه الهزيمه , منكوس ه الهواء ,,مر من تحتنا النشيد ,ما انفك يحملنا غبار , حلمنا كثيرا وذبحت احلامن اكثر بكرت وتا هت في يدي , الكثير الكثير , انهم الساسه ( ولهم نصف لواطهم), انه عثمان بشري , انها احلامنا, مصطفي سيد احمد , يناير حين زبحوا اول الامنا لا علي وجه الدقه,, نؤسس لاحلامنا فيبدأون بالحمي وسكين الذبح,,,

أجمل من الموت الاقليلا

الغربه ,, والغربات هبّات ,,هذا يا صديقي هو لكأنه سليم بركات العارف بالاشياء الا قليلا,, انه قلق المعرفه المحضه البكر,,, الغربه هي ما يجعل الاشياء اكثر وحشه وحالمه,,غربه الماء ,, سوداء هي هذه الكلمه ,,الغربه ,, وبلد الله ضيقه

حميد

لا أدري _بجانب انني اشتاقك_ ان كان حوارا جدير به اناوحميد
انه لتحريك وسستقر بنا هكذا ,, فمتي لنا به
حب شديد ,, وفقد وقهر اشد يصوغ احلامنا ,, مدماك لتأسيسها
انها نفره الاسئله ,,,لما لا نعلن نفر الاسئله ,, الخرطوم الان في قلب الهاويه ,, لتصعد ,,باحلامنا وبنا , وجوهر يبلغ

حميد كل الاشواق

Post: #25
Title: Re: الخرطوم ذات صباح - اهداء لابراهيم الجريفاوي
Author: Yasir Elsharif
Date: 01-17-2004, 11:57 AM
Parent: #1

تحية يا خضر وإبراهيم وبقية المشاركين في هذا البوست الظريف..

الخرطوم ذات صباح..

http://www.alfikra.org/forum/viewtopic.php?p=3325#3325

إهداء للشماسية الصغيرة، والشماسي الصغير..

Post: #26
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-17-2004, 07:54 PM
Parent: #1

الاعزاء سمو
ياسر الشريف
لكم التحية
الزميل حميد
حميد العربي هبشتك نقشتك
لااستغراب ياصديقي من كل الاشياء واقع اسواء من مريسه (تامزين)خرجنا باحباطاتنا لنواجه الاحباط نفسه فماترانا فاعلين غير (بالله) لست ادعوك للاستكانه ولاادعو الاخرين بقدرما اردت ان اصف لك هذا الذي نحن فيهو . صحف صفراء واعلانات هنا وهناك مانشيستات عريضه علي غرار
نحن نجلب اليك اقوي الرجال من اسيا وافريقيا
للتنازل سائق هندي وزوجته
جميلات تضاف الي رصيدك الجنسي فقط لمن يدفع اكثر
سياسات قذره واحباط عام يتسرب اليك من كل الذي حولك فما ترانا فاعلين؟
خرجنا من ثلاثين فدان كنا نعتقد انه محرر من ارض الوطن لنجد ان باقي السله في ايدي غير امينه . واجهنا اعلاما يفوق اعلام امريكا في مواجهة الخزي العربي
وزير الثقافه يصف ان المنتمين الي الجامعه الاهليه عباره عن عاهرين وعاهرات ؟ تخيل ياصديقي ويقولو ليك الخرطوم عاصمه للثقافه 2005
المقدم يونس محمود وعقب نشره الثالثة ظهرا بتوقيت السودان وفي واحده من تجلياته يصف قائلا (هذا السرطان القابع خلف مقابر حمد النيل )
المشير الشهيد الزبير محمد صالح يجتمع مع كوادر الاتجاه الاسلامي ويصرح (فالتسقط جوبا بس اتحاد الاهليه يجينا )
هكذا كان الصراع بين من يملك كل شيئ بدا من السلطه انتهاء بالنقطه وبين من لايملك سوي عشق الوطن وهم الجماهير
حاجيك راجع ياحميد

Post: #28
Title: Re: الخرطوم ذات صباح - اهداء لابراهيم الجريفاوي
Author: bunbun
Date: 01-17-2004, 09:35 PM
Parent: #26

خضر وجريفاوي ومن جاورهم من اشقياء الروح ماذا عن :

الخرطوم بالليل
الخرطوم زمان




آهـ



Post: #27
Title: Re: الخرطوم ذات صباح - اهداء لابراهيم الجريفاوي
Author: mohammed alfadla
Date: 01-17-2004, 09:03 PM
Parent: #1

الخرطوم....
يا الهي كم انت طيب،
خلقت لنا الخمر الجميل....
ساعود
يا شباب لاقول اشياء كتيرة

Post: #33
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-18-2004, 02:17 PM
Parent: #27

حلوه ياخرطوم حلوه يابحري

بس ما بتقطع تقطع كبري ,, تم تمتم تم رررم

لوووووووووول شديد ,, وشرم الشيخ ذي السم يا محموووووووود

اسمعني ,,, حبري ,, وتسليك المجاري بلاي ,, وعماره ابراهيم طلب,,والسكه حديد , والوابورات ,شمباط (ذي ما بقول كلونكو) شمباط الحله ,, شمباط الاراضي وبدمعي راضي ,, حبري المزاد , والفته وشارع المعونه , حبري المكفوفين وامل حبري ولا فاضلابي يا دين النبي من الشوق ياخ,,,

ولا ( خور عمر)!!!!

بس براحه في حته خور عمر دي عشان ماو ما يقول خور طقت!!!

وكل الاشواق لحبرك وعبرك وكلك ,,كلي شوق

Post: #29
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-18-2004, 12:14 PM
Parent: #1

العزيز بنبن
نحبك يامن سلكت الطريق
وعاهدت فجرك علي ان نلتقيه
علي الاض فجرا
ساكتب عن الخرطوم بالليل بس شويه زمن
العزيز محمد
لاذلت انتظر مساهمتك حول الموضوع وشكرا مقدما

Post: #31
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-18-2004, 02:00 PM
Parent: #1

سلام

حب شديد ليكم كلكم ,,

ومشتاق ليكم صر , وبخص خدر بي اشد ودّ


Yasir Elsharif

اذيك

والله سعيدين بيك (أنا وخدر والناس المعانا),, ونبداء هكذا

لنهديهم بلاد ليست هكذا !!!

ومأجمل الفكره

بس تعال نقول انو محمود محمد طه مساهمه موّده في مشروع الثوره السودانيه !!! رأيك شنو يا صاحب


bunbun

الروح صعدت الي بلادها _رفاقي_ ابادر الغفاري

انتو ما نجي نفتش ابادر الغفاري اكتر من جوه الصايد بتاعنا ده

والخرطوم بالليل ,, .............يالله... دي سواء قريبه

فرحان بيك من زمان انا ( يانبي يا براك)

Post: #32
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-18-2004, 02:11 PM
Parent: #1

سلام

حب شديد ليكم كلكم ,,

ومشتاق ليكم صر , وبخص خدر بي اشد ودّ


Yasir Elsharif

اذيك

والله سعيدين بيك (أنا وخدر والناس المعانا),, ونبداء هكذا

لنهديهم بلاد ليست هكذا !!!

ومأجمل الفكره

بس تعال نقول انو محمود محمد طه مساهمه موّده في مشروع الثوره السودانيه !!! رأيك شنو يا صاحب


bunbun

الروح صعدت الي بلادها _رفاقي_ ابادر الغفاري

انتو ما نجي نفتش ابادر الغفاري اكتر من جوه الصايد بتاعنا ده

والخرطوم بالليل ,, .............يالله... دي سواء قريبه

فرحان بيك من زمان انا ( يانبي يا براك)

فيصل عباس

سيد الناس ,, تعرف ماو بعد ما قراءك لقيتو ليك بضحك بحب شدي

وقال لي - بحب اشد- والله يا فيصل أمواج

انت مالك الخرطوم ما بتعرفها اكتر زول! سمح شنو ما تقول!!

وتاني مشتاقييييييييين

samo

تعرف انا عندي صاحبي كده اسموبشير سامو بنقول ليه -في الثانوي -
البير كامو (اسم كامي ) ,, بس اوعه تكون بتحب الكرمل!!!

Post: #34
Title: Re: الخرطوم ذات صباح - اهداء لابراهيم الجريفاوي
Author: mohammed alfadla
Date: 01-18-2004, 04:17 PM
Parent: #1

الشارع
أخرج من بيتي لأدخله
يدخلني الحنين والأصوات ،أصوات الناس والعصافير والسيارات ،والبيوت،للبيوت أصواتها ياصاحبي
والشارع ليس واحدا...
انه شوارع كثيرة
عندما أذهب للجامعة
للبيت
للمنتدى
للأنتخابات
للجيران
للسوق
لماذا يختلف طعمه في كل مرة
لماذا يختلف ضؤه وظله
الشارع يا أبراهيم
الشارع

Post: #35
Title: Re: الخرطوم ذات صباح - اهداء لابراهيم الجريفاوي
Author: mohammed alfadla
Date: 01-18-2004, 04:25 PM
Parent: #1

السماء
ما لونها
السماء مياه والنجوم سمك في الليل
السماء التي فوق بيتنا
الطائرات التي تمخر سماء المنزل
المملؤة بالأحلام والسفر،ترى من يسكن في الجانب الآخر من العالم
السماء التي لا تشبه السماء هنا

Post: #43
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-20-2004, 12:49 PM
Parent: #35

اسئله مشروعه

Post: #36
Title: Re: الخرطوم ذات صباح - اهداء لابراهيم الجريفاوي
Author: mohammed alfadla
Date: 01-18-2004, 04:32 PM
Parent: #1

أبوجنزير
بوابة المنزل البعيدة
أنا و أنت يا أبراهيم ليلا هناك نقتسم (حق الأمجاد )ونودع بعضنا على عجل
يا الله
من أين يخرج هذا الحنين الآن

Post: #37
Title: Re: الخرطوم ذات صباح - اهداء لابراهيم الجريفاوي
Author: mohammed alfadla
Date: 01-18-2004, 04:49 PM
Parent: #1


Post: #38
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-18-2004, 08:39 PM
Parent: #1

الاعزاء
الجريفاوي ليك مده مابنت
محمد
ماعارف اقول ليك شنو غير انو جد الصوره هزتني جدا وممكن اقول يادوب اكتملت ملامح الخرطوم ذات صباح اقلاها عندي بس عموما شكرا شكرا ويديك العافيه
راجي منك كتير

Post: #39
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-19-2004, 01:07 PM
Parent: #1

خدر أنا قاعد ,,, ومشتاق ليك

والله احتفالات ج.د فاعله وجديده (مع بعض ال.....)

جيت اكتب حيه لكن محمد ده لخبط وجداني واربك الحنين

الزول ده حار ذي السم ,,, كــــــــدي افيق واجئ

Post: #40
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-19-2004, 09:01 PM
Parent: #1

قرمبوز
ماعارف اقول ليك شنو
فرحان جدا بالخمسين وعقبال المليون
اتاكد بانو حاجيك راجع

Post: #41
Title: Re: الخرطوم ذات صباح - اهداء لابراهيم الجريفاوي
Author: mohammed alfadla
Date: 01-19-2004, 09:02 PM
Parent: #1

مرة يا أبراهيم بهنس قال:
أهديك احباطي
حديث عابر في مركبة عامة بصوت واطي
وعفيفي عبد المجيد قال حاجة كدة فيها حافلة استفادت من بقايا جوال سكر كنانة بشكل جيد
متذكر دي يا قرمبوز
الصورة دي الخرطوووووم
مش عليك الله،لكن الكلام الحار قالو عاطف خيري
قال:
يا غربة نحن مشينا وين
؟؟؟؟؟
عليك الله قول لي

Post: #44
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-20-2004, 01:53 PM
Parent: #41

وعناأبعد حته اقابلك فيها اشرتي عليّ

بالظبط يا صديقي

مقعد استفادبشكل مدهش من بقايا كنانه هو الخرطوم

لكن


لكن انا مشتاق الفاها مواعيدك
ومشتاق للدقو نحاساتك
والشهداء الغنو انا شيدك
والضخو الدم جوه وريدك (احب ساورا ذاتو)

عاطف خيري ده ( قال غربه فينا دخلتها بوجهي خرجتها بقفاي)

ده وجع ساي (انساهو) ,, اكتب اكتب اكتب

Post: #42
Title: Re: الخرطوم ذات صباح - اهداء لابراهيم الجريفاوي
Author: بهاء بكري
Date: 01-20-2004, 12:45 PM
Parent: #1

الخرطوم ذات ...... خضر
الخرطوم ذات ...... قرمبوز
الخرطوم ذات ...... فاضلابي
الخرطوم ذات ........آخرين
الخرطوم يـــــــــــــــــا ذات (الضــــــل المدود)
ويا ذات خراطيمكم التي كبرت....
بالله عليكم املاءا هذة الخراطيم بعكر الازرق وقليلا من صفاء الابيض ومدوها ناحيتي واغرقوني ماءا لغسل هزيمتي وغسلي ،لاعود اليكم نظيفا وعاريا بلا خجل بلا خوف بلا هواجس بلا شئ ـ كما جيئتها اول مره ـ......... ادعوا خرطوكم بالغفران ربما تقبل توبتي وادعوا لنفسكم ايضا..
لانني بلا شك ساهمت كثيرا في بيعها بابخس ثمن وبالتالي شاركت في هذا التشويه، لاتسألني يا قرمبوز وتقل لي كيف؟
لانك تعلم الرد جيدا لانني كنت جبانا .(واحمد الخرطوم كثيرا لانني لم اكن وحدي ـ لست وحدي ـ لست وحدي ، كلنا شاركنا اذن اغتسلوا معي لتقبل توبتنا.
الخرطوم ذات صباح....
في صباح يوم ما من ايام الخرطوم كان صديقنا عائدا من احد احيا الهامش ، (وبه شئ من عطر البارحه) ممتطيا احدى المركبات التي تعج بالضجيج وسخط مستخدميها، واذا بشخص يعلن عن فقد محفظته ، معلنا بهذا استنهاض الاصوات والتي فيما يبدو انها مازالت تحت خدر النعاس، لتعلن الذهاب الي اقرب قسم شرطه ليضيع بعدها كثيرا من الزمن وماء الوجه وذلك بفعل شرطي كل مايصطحبه من معرفه عمل هو السب والشتيمة والعمل على استفزاز الآخر ، عموما وقعت عيناه على صديقنا ،والتقطت الحاده ككلبه (تلك الرائحه) اخدة الي داخل ليمارس فيه كثيرا من التفتيش والضرب ليقر( بالسمينه) ، افرغت جيوبه وامعاءه وكل مايملك من قصاصات ورق بها بعض الاشعار. صديقنا اخرجه من تلك الورطه ملازم شرطه عند مرووره الفجائي ليلمح صديقنا قائلا مالك بي جاي ، متهم بسرقه ، سأله الملازم سرقه ادبيه.........
وياليت ان تجعل خرطومنا قانونا لعقاب سارقي النصوص...

الخرطوم ذات نهار.....
بينما كنت مارا بابي جنزير عند منتصف ذاك النهار الوضئ وانا في اشد حالات الفقر، صادفت وقوف مركبه (امجاد) تفرغ مافي جوفها وسائقها يجلس في داخلها مستخدما اصبعيه بفرطقة خفيفه ـ تذكرك ببدايه الايلاج لسلم موسيقي يركن في اقصى الذاكرةـ لجمع مستحقاته، اوقفني بذات فرطقه انت ياستاذ،، معاي انا ؟ ايوه معاك ،،شنو؟ 1000جنيه ،، بتاعت شنو ؟ شنو بتاعت انتو بتركبو ملح طوالى كده ادينا حقنا يازول،، نركب شنو ؟تركب هـــناـ لاتذهب بعيدا يا قرمبوز كان مادا يده ناحيه المركبه ـ احتد النقاش وذهب الامر الي ابعاد آخرى ـ شكرا لتلك الحسناء التي اخرجتني من ورطتي بقولها انها راتني راجلا من بعد مستشهده بقدماي المقبره...
مازلت ابحث عنها بعد ان علمت على نظافة ارجلي،،، ولكن كيف لخرطومنا ان تغسل طرقاتها كي لانستخدم ادوات تنظيف الارجل.


الخرطوم ذات مساء.....
اتفقت مع صديقي للذهاب اليها لدفع ما علينا من دين واسترداد مرهوناتنا بعد ان تمكنا اخيرا من الحصول على المبلغ كاملا ، علما بان المبلغ لايتعدى ال2000 جنيه وفي المقابل كانت المرهونات سمينه لسيد القمني ونصرابوزيد وأمادو . تركناها عندما داهمنا الفقر بعد النزول الي رغبة الزياده، عموما ياصاحبي اتوكلنا ورحنا وكنا نمني النفس بشي منها لنجد ان المكان اصبح ممتلئا بالواجهات الزجاجيه بدلا عن الخيش والكرتون ،،، شكرا لصلاح الامين عندما قال لاحقا (ان اكتمال بنايه داخل الخرطوم يعني نهايه الفرح الموزع منها في السابق

قرمبوز ..
الخرطوم الآن لااعرفها جيدا لانها عودتنا تفتح فخذيها مساءا للغرباء باريحيه لامحدوده وتنتج الملائين اليوم التالي ، اذن هي متغيره.

لكم الود
فيصل عباس

Post: #45
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-20-2004, 01:59 PM
Parent: #1

خدر

شوف ده طبع بنك الخرطوم ( السوق الافرنجي)

شمال شرق اتنيه,,, جمب القصر وحائق الشهداء



مكسب ,,, بعدين أنا جايبو ليك من المهندس من الخرطوم

ويلا,,,,, اها تشتري بعد ما اغتربتو

نبيعو ليكم قبل ما ناس (فلان) يشتروه

Post: #46
Title: Re: الخرطوم ذات صباح - اهداء لابراهيم الجريفاوي
Author: إيمان أحمد
Date: 01-21-2004, 01:41 AM
Parent: #45

وبعدييييين يا أولاد!!!

حسا نقوم أنا ومني عبيد نزعل ،،،، ونفته!!!

أعملوا حسابكم

إيمان

Post: #47
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-21-2004, 01:48 PM
Parent: #1

ابقن خاشات

غايتو انحنا ابيينا

Post: #48
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-21-2004, 10:35 PM
Parent: #1

الاعزاء
ايمان احمد
ياريتك تفتهيا عموما انا وابراهيم منتظرين

قرمبوز
فكرت ياصديقي كثيرا حول فكرتك المجنونه وتخيلت نفسي يوم الاحتفال بافتتاح هذا الاسمنت الشامخ والرجرجه والدهماء وحارقي البخور يلتفون من حولي تماما كمقرن النيلين وتخيلت الاخ (المشير ) بجواري وعربات النجده تغلق جميع الكباري اعلانا بزياره العبد لله لافتتاح المبني وتخيلت نفسي واناقادم بصاله كبار الزوار ولا ادري لماذا التسميه ياصديقي فدائما هذا الوطن يؤسس لصراع بات امره مشكوكا ( فاهمني طبعا) المهم
كاميرات ولقاءات تلفزيونيه وقنوات لامجال لذكر اسمائها هنا ياه ياابراهيم عارف اكتر حاجه هزتني في الصوره كلها (النيمه ) ياقرمبوز

Post: #49
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-22-2004, 02:16 PM
Parent: #1

تشتري ما تشتري ليه يا خدر

أسمعني انا مستعجل شديد !!! ما بجي الا يوم السبت

لكن عندي ليك مفاجأه مبالغه بس اسمت ساي!!!!

Post: #50
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-24-2004, 11:48 AM
Parent: #1

اصدقائي

الخرطوم

حنين سري جدا (وجماهيري)!؟


اشد اعجابي مذ كنت طالب ثانويات (مكتب امدرمان) بمقوله -اعتقد

انها لجيفارا او محمود امين العام لا اذكر- مقوله نصها

(( لم يعد العصر الذهبي ماضي يركن اليه الانسان وانما صار حلما

يسعي الي تحقيقه حلما ومعركه معا))

صغنا بيان سياسي عن ج.د بمثابه دعايه لانتخابات اتحاد مدرسه

المؤتمر الثانويه العليا ولاعلان وجود جديد للتنظيم ,,وجاء بياننا

مرؤسا بهذه المقوله مع تعديل خفيف

(( الان لم تعد الخرطوم ماضي ذهبي يحكي لنا عنه بل حلما نسعي اليه

ومعركه ,,بل ان ذهبيتها في كونها يوما _قريبا_عاصمه لمشروع الثوره

الوطنيه الديمقراطيه))

كم كنا اكثر حجلما ومني وحب وكان فرحنا شبيه بفرحنا بانتصاباتنا

وبخرطومنا خرطوم الفرح ...!!

الفرح

هذا الفرح,,, الذي ادمت معصميه قيود الانتظار الطويل ,,قيود الظلام

المتناسل ,,انها خرطوم الحسره والثرثرات النبيله

الخرطوم يا صديقي من شق صدرها النيل وتوحت عندها تفرعاته

وشق قلبها النباح والاسف الاسود

ما كل هذا الاسي الثقيل كالطمي ,يتراكم ,ولما!!؟

هي خرطوم النهر الذي يجري ويجري وكانهينوي الفرار منها(توحدفيها

فارا منها,,من جمالها من قسوتها من قيحها من لاهوتها من طعمها

المميز الشاذ الحاد الممتع الوقح,.

وبما انني ذهبت الي ان الخرطوم هي حيث توحد النهر وانقسمت الافكار

واختلفت السبل والاحزاب ,,وبما انني احن الي ان تكون الخرطوم عاصمه

ذهبيه علي الاقل كما اصل المعركه وكوني الان بلا حزب ,,فا انا احن

الي حزبي احن ان اتوحد معه اتوحد به في معركه حالمه بل اكثر حلما

ارتضيها هكذا وثوريه بشكل ما.!!!

Post: #51
Title: Re: الخرطوم ذات صباح - اهداء لابراهيم الجريفاوي
Author: بهاء بكري
Date: 01-24-2004, 02:56 PM
Parent: #1

قرمبوووووووووووووووووووووووووووووووووووووووووووووووووز
ملك الموت اين يقف الآن ؟ انظر خلفك انه على شكلي الآن

*
لم اسمع ما قلته ولن اقراءه كي لااحبط واموت اسع
اسمعني مازالت الخرطوم مضئه بحلمك ومازلت انتظر ما لم تكتبوه عنها
ارجو ان تنسطقوا الآخرين ففي حياه كل منهم حرف مازال يحرقه
ويكفي خــــــــــــــــرطوم بكرة القريبه رغم كل الهلام وهي تعرف ايضا كيف تعمل لاشراق شمسها
فيصل عباس
جينا الخرطوم وما لقيناكم وختينا ليكم ، ارجو ان تتواصل معها
ودع الآخر يدخل بلا استئذان

Post: #52
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-24-2004, 08:43 PM
Parent: #1

قرمبووز
حضرت ولم .......... الخ معاني الحسره خاصه اذا كان القادم لاجتماع - فراكشن - ونسه صغيره - قعده بمقومات صغيره قوامها البوش وكاسات حسب الشير حينها تكون الونسه جميله بجمال اصداقاء نفتقدهم كل في غيابه وسكونه بل احباطه العظيم احساس التشوه يمتلك الجميع بس كدي اي زول يدي نفسو فرصه ويحاول يفكر ويسترخي كده وحيشوف كم كان مشوها وجبانا حينما.....لااستثني احدا كلنا خرجنا كلنا بحثنا عن الافضل قد نجد مبررات قد تمتد بناهذه البرجزه التي اصبحت بداخلنالان ناخذ مقاعد اخري ونستبدل جلودنا بمنتجات( تحك الجلدقبل الجيب ) نحن هكذا دائما نوقت للفرص علمتنا ظروف البلد ان نناضل هكذا مترفين منعمين الي ان يقضي الله امرا كان مفعولا . انا ايضا غير راضي ياعزيزي لاكن هي الخرطوم او هي ماريل حبيبتنا هكذا دائما نحب كي نتازم اكثر هذا في حد زاته تشوه ياعزيزي رغم الحاصل والاتحصل ليك يالزين ود حامد شوقنا
فيصل عباس
شكرا ابراهيم او قرمبوز دائما مايفاجئنا باشياء عجيبه كدي يالاخو نواصل نحنا وابراهيم بجي قرمبوز بجينا لاحق لي قداااااااااام

Post: #53
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-25-2004, 04:28 PM
Parent: #52

فيصل عباس...

الخرطوم ذات صباح:

صباح الميه البارده والامفتفت ,,,اليفكها فكه العدو

وبالمناسبه النسألك سؤال ؟ هي اذا كانت الكرشه او عضو الكرشه المشهوره (الام العظيم) ام فتفت معروفه ومشهوره شهره سكره يني
فمن هو هذا ال (فتفت) .. او المدعو فتفت ؟ طالما ان امه في الكرشه فهو هناك ؟ ! فيا فيصل الاخ فتفت فتفت ده منو؟ واذا كان امو كده هو يكون كيف؟؟؟؟

اتسأل يا فيصول عن معني هذا الصباح الخرطومي الضاغط..معني هذا الصباح وكل هذه العجله ...والموظفين والبطاله ..رجال الامن والمعارضين ,,الساسه والمثقفين الطلاب والمتسوليين ,,النساء ,,العجزه ,,الاهالي ,,الرجال والنساء وما بيتهم من مذدحمين!!!!

كـل هذا الحشد الخرطومي المهول (داخل هذا البص) الي اين هل تذكر قصه الغازات لبشري الفاضل !!هذا البص قد يكون حافله ,دفار ,الي بحري الي امدرمان الي اي شئ ,,فقط هو يسع الجميل ويضيق بالجميع

الخرطوم يا فيصل هذا البص الضاغط

الضاغط


الضاغط


الضاغط جدا ,,,!!!!!


الي اين يتجه بكا هذا النفر




الخرطوم ذات نهار غائظ


القلب ملتهب كذات مبرد البص المضغوط,,, الشمس تنخر العظام ,, العرق يفر من الاجساد ,, الاجساد تدوس ارواحها ,,,

الحر ,,, الحر,,, الحر,,,

الزحمه ,, الزحمه ,,, الزحمه,,

الضل ,,,الضل ,,,الضل,,,

يافيضل عباس ,, ويالخرطوم ادونا الضل !!!


الخرطوم ذات ليل غائظ

Quote: المخده يوم القيامه اليومي,,,

رأيت رام الله -البرغوثي



بس خلاس ,, انته عارف ,,وانا عارف ,,والله عارف

Post: #54
Title: Re: الخرطوم ذات صباح - اهداء لابراهيم الجريفاوي
Author: بهاء بكري
Date: 01-25-2004, 11:27 PM
Parent: #1

ياخدر
اجييك من وين واتا لاحاسي ولا شايف
بس اديني منك شوف واكيد حاجيك بالطرام الشاقي السجانه.
اما انت ايها القرمبوز
من الآجدى لنا جميعا ان نصحي الخرطوم النايمه في الكرسي بتوب العرس بعد ان ذهب الفنان ولمن جاء من يصحيها لتنام علي سريرها قامت لترقص او ربما تعنتت قليلا بفهم الدلال الانثوي الماليها ومالينا
اظنك عرفتني وافق وين،،،،
وما اجمل خرطومك وبالمناسبه اشرب لي كوبان من القهوه في الاتنيه ومن يد حسن وشرطا ان يكون حاملا رفضه بين عينيه اولا ثم ياتيك بالفرح عندما تدفع ويحكي لك قليلا عن خرطومه الخاصه (جبال النوبه)ـ تحياتي الافره له ولكل الشباب ـ وادلق ماتبقى من قهوتي تجاه الورطه التي اعيشها الآن ربما تصحي فينا الثورة (بالنص طبعا )
ما زلت جبانا ومغطي وجهي بفرع نيم اخضر ،،،،،،،،،،،،،،،،،،،،،،،،
اذن تعال من الدرب الصاح ياصاح وانا راجيك وراجي خدر كمان.
فيصل عباس

Post: #55
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-26-2004, 12:02 PM
Parent: #1

ابراهيم
فيصل عباس
اخرون في هذا النشيد حبا سلما وطن انتصار
الخرطوم بالليل (جنوب الخرطوم )نموزجا
عمود يبدو لك كانه عمود كهرباء . ليس كذلك اصدقائي او كضبا كاضب هو عمود من نوع اخر يلتف حوله الاصدقاء تماما كمقرن النيلين او( كحلقه الاصدقاء ) وناس من كل الاجناس
عباره عن سودان مصغر منتدي فراكشن لاادري ماهو بالضبط فلكل سبب وجود اخر
واشرف هذا دائما يطرب الحضور ممسكا بعوده وبصوت شجي فيتمايل الجميع انتشاء في هذا الساعة من شهوات الليل ياتيك بماتحتاج وبما لاتحتاج جرعه جرعه كتلك الكاسات فينتهي الليل ويبقي اشرف والعود وبعض من التصبينه وجمع غفير وقليل من الالام وبعض من الامال
دكه شاب ترعرع في الكفاف ترك الدراسة مبكرا ليلائم هذا الواقع الجديد استطاع بمجهوده ان يصبح احد القلائل الذين تشهد لهم ساحة الركشات سمكرجيا ماهرا اتي لهذا العمود ليعلن انتمائه بوضوح اتي ليحدد موقفه بعد ان تاكد له موقعه الطبقي فكان له مااراد
دائما تجده حزينا الا في هذي الساعه فما ان ينتشي حتي يبدا في النشيد المر ويغير اشرف سلمه تماشيا مع الظرف الراهن فيغني لقاسم امين ولعبد الخالق ولجيفارا وللقرشي ولشفيع الامه عن جوزيف واخرين لا ازكرهم الان اللله يزكرهم ينتهي هذا الكرنفال بصوت عم حمزه وهو يلعن ابو الليوم السكنو في الحله دي فيتم التفاوض معه عبر بعض العقلاء من رواد العمود فيودع الجميع بعضهم ولاادري لماذا فسيلتقون غدا صباحا الا ان هذه الطقوس تتم كل يوم
اتوقف يااصدقائي هنا لزنقه الشغل

Post: #56
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-26-2004, 05:08 PM
Parent: #1

الخرتوم نفر



الخرطوم بحري



ويحكي ان




بيد ان

من جراء

ال

اقتسمها و




اذن فلنقتسم ثرثراتنا بحارا جديده!!!!

Post: #57
Title: Re: الخرطوم ذات صباح - اهداء لابراهيم الجريفاوي
Author: dreams
Date: 01-26-2004, 09:12 PM
Parent: #56

اول مرة اجي هنا

تعرفو

الخرطوم هنا اجمل من العندنا

ومسا الخير عليكم بتوقيت الخرطوم

تسلمو

Post: #58
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-27-2004, 01:24 PM
Parent: #57

دريمز

( النسوان الحارات :البطمنن)

احلام كثيفه هي ما يخلق بعدنا عنها ويعطيها ضوْ خدر

تعرفي

خدر ده فيهو ضوء بكفي علي الضمان شارع من الجمهوريه للمورده

ده من غير مبالغه!!!

ويا دنياياما فيك يادنيا ياما فيكي ويا ما ياما ويا فيكي

ناس سمحين وحالمين (حلم نظيف) ذيك كدهوخدر صاحبي!!!

Post: #59
Title: Re: الخرطوم ذات صباح - اهداء لابراهيم الجريفاوي
Author: بهاء بكري
Date: 01-30-2004, 02:44 AM
Parent: #1

يا خدر
قرمبوز مشى وين وخلى الخرطوم
وياقرمبوز
خدر ما معيد في الخرطوم ولاشنو
كل عيد وانتم بالف عيد والخرطوم مهرجان وضجيج
مع كامل الضجه والسكون ومودتي
فيصل عباس
ابراهيم موج بيقول بوظتها بالصور

Post: #60
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 01-30-2004, 08:58 PM
Parent: #59

فيصل العيد يتبارك علينا وعليك

ويتبارك : يتبارك يتبارك يتبارك

خدر الخرتوم يشوفها وين مع العفالات دي مافي خراطيم

انا قاعد لكن (الا النار بقت بيني وبين عظاي الشحمي )

بس ,, ومشكور يا صديقي علي الضجه والسكون

ومودتك واصله,,, بالمناسبه شبشه بسلم عليك شديد

Post: #61
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 01-31-2004, 09:12 PM
Parent: #1

فيصل عباس
قرمبوز
وكل الناس الزولهم صامد شوق وسلام وعيد سعيد
حزين جدا لانو حاعيد وانا بره المليون ما عارف اتزكرت حاجات كتيره جدا من صحيت الصباح تحديدا جلد الخروف اتخيل ياابراهيم جلد الخروف والنقاشات التي تتم بين لجنه الجامع ولصوص بلادي ولجان الماعارف شنو وومنظمة شنو ولجنة منو ولجنه.... احينا من لجانم الكتيره دي المهم بتزكر اخر جلد اولاد الحله حلفو انهم يبيعو الجلو ويصينو النادي . لاكن وين مع الناس ديل
عارف ياابراهيم مشتاق لي كبده العيد ومشتاق لي امفتفت مريم جارتنا ومشتاق لي ونسه معاك في ضل نيمه ومشتاق للعيد ومشتاق لي حاجات تانيه المهم عيد سعيد ليك وليفيصل وللشباب الشاركونا الخرطوم وحاجيك كتير بعد العيد. ومليون سلام لي شعبنا

Post: #62
Title: Re: الخرطوم ذات صباح - اهداء لابراهيم الجريفاوي
Author: بهاء بكري
Date: 02-07-2004, 07:03 AM
Parent: #1

تعالوا
مازالت الخرطوم تفتح ابوابها لصباحاتكم ولي صياحكم
تعالوا عليكم الله

جيب معاك ياقرمبوز جردل شربوت للشباب فقليلا منه يرد شيئا من خرطومنا الرايحه
فيصل عباس

Post: #63
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 02-07-2004, 01:47 PM
Parent: #1

قرمبوز
فيصل
باقي الناس مليون سلام ومليون تهنئه والسنه الجايه زي ما دايرين.
قرمبوز
حضرت ولم ...............الخ
فيصل مشكور جدا للطله وحاجيك بس شيل الصبر
قرمبوز اتمني انك تكون زرت المرسي او ماشابه ذلك في العيد تحياتي لماو وللجميل شبشه وللناس المعاك

Post: #64
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-13-2004, 03:27 PM
Parent: #1

الخرطوم ....

هي دمنا الذي لابد منه...خدر فيصل ...واصدقائي امام الشاشه

راودني حنين لها وأنا في جوفها ...من شوارعها ...من نسائها ..غمها وهمها ضحكاتها المبتثره والبلاستيكه والفرح النضيف ...راودني حنين للخرطوم الحلم الخرطوم المثال ,,لخرطوم احلامكم لاحبارها...


فهل من كأس اخر

Post: #65
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 03-16-2004, 12:18 PM
Parent: #1

قرمبوز والجميع
افتقدتك حتي اصابني الياس . ولم احتاج لخرطوم الجميع في مدن
الملح هذه . اصدقائي ساحاول مره اخري ان افتح نفاجا للتواصل مع خرطوم الاحلام هذي الخرطوم او تلك المدينه التي قالو عنها ذات يوم كل ماجئت اصافحها مدت الي .... لابد انك تزكر ياابراهيم . المهم ياصديقي سنحاول الوصول مااستطعنا الي ذلك سبيلا لن نييأس فماذال بالامكان الغناء اذن الدعوه مفتوحه وللجميع حق الغناء ومهما كان الصوت نشازا. اذن فليكن فيصل انت انت قرمبوز خضر حميد ماو وجميع من شاركونا ومن سيشاركونا اعضاءفي كورالنا الجماعي القادم من عمق الاوجاع فلنسمه ياصديقي كورال النشيج . حتما ستوافقني .. لااشك في ذلك ياصديقي .

Post: #66
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-16-2004, 12:24 PM
Parent: #1

كورال النشيج ,, قدام يا وفيّ

Post: #67
Title: Re: الخرطوم ذات صباح - اهداء لابراهيم الجريفاوي
Author: mohamed Hasabo
Date: 03-16-2004, 02:18 PM
Parent: #66

خضر حسين

Quote:

اذن نحن في المرسي

حقيقه يا>>>> الموضوع ده مأزمني




كيف اخبارك ، يا كتااب ويا ما اتغيرت ويافضااااح لي روحك

ابراهيم الجريفاوي

بيجمعني بيك حسام الدين الحاج الريح 18/05/2001

غالبا ما اتلاقينا بس عرفتك

اكتبو عشان نقرا

Post: #68
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-16-2004, 06:47 PM
Parent: #67

انته محمد حسبو

الشتت قصبو ولا واحد تاني

علي اي حال حسام يجمع بيني وبين الحياه وبين اصراري لها

انا انت يا صديقي فيجمع بيننا ادراك الضروره الموضعيه وعدم الحيره بين الناس الفوق والتحتانيه

وسلام سلام سلام شديد ونشوفك تاني

Post: #69
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 03-17-2004, 12:04 PM
Parent: #1

الاعزاء
محمد حسبو
قرمبوز
ياااااه ياحسبو وينك انت سعيد بوجودك هنا اخباري علي مايرام الا ال.... وال.... والحاصل الحاصل كل صباح .
المهم جاي ليك بس ابقي الف زي ماعرفتك .
قرمبوز
بت النوبه تغني طروبه مع عروبه
بت العسكر تمشي وتسكر

مقطع اخر
ناس سامر يبقو العسكر
وناس احممد يبقو حرامي

مشهد من نفس المقطع الاخير
ومااظن نمشي مشاوير نسكر

قرمبوز
مش حاجه غريبه ؟

Post: #70
Title: Re: الخرطوم ذات صباح - اهداء لابراهيم الجريفاوي
Author: فيصل عباس
Date: 03-18-2004, 07:24 AM
Parent: #1

يا شباب
ويا خرطوم
عودا سعيدا وكما تشتهون لها وكما تشتهي هي اليكم سرا
تعرفو وكما هو معلوم انه عندما تطفو الاشياه الي السطح هذا يعني انها (خفيفه) لكن في هذا المكان (الخرطوم ذات صباح)
يبدو انها عندما قررت الغوص داخلا الي قاع القاع يبدو انها فترت من كترت بكاءكم واشتهاءكم فيها وحينما احست العجز اختفت كي تثير فيكم كثير بكاء ، ولكن المتامرون سرا وساكني القاع يرفضون هذا الضجيج في سباتهم الجبان ومن ثم تآمرو ودفوها الي اعلى لتستقبلوها باياديكم ودموعكم و و و...........................
تقولون فيها اكثر
اذن اديرو الكؤس واسقوني رحيق بكاءكم

Post: #71
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-18-2004, 11:47 AM
Parent: #70

فيصل وخدر وكل شئ بس اصبرو لي

Post: #72
Title: Re: الخرطوم ذات صباح - اهداء لابراهيم الجريفاوي
Author: فيصل عباس
Date: 03-19-2004, 00:04 AM
Parent: #1

قرمبوز
دحين اكان كمل تاني نمشي وين
تعال انته وما تلخر

Post: #73
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-20-2004, 12:53 PM
Parent: #1

يا دعاشها تلك البذيئه (بت ال...) خرطوم السجم والناس بحر الشؤم وذخات الحياه اليوماتي طعم الملح هي كالاشياء البذيئه واسفي علينا نحن فيصل سنكتب

Post: #74
Title: Re: الخرطوم ذات صباح - اهداء لابراهيم الجريفاوي
Author: فيصل عباس
Date: 03-20-2004, 01:43 PM
Parent: #1

يا ود يا لوز
اكتب فانت ممهور بفرح الغلابه


خدر مالو فكانا في نص الشارع


ومازالت الخرطوم بكامل البوح والسموق ،، بس كان لقينا فيها فرقه اه ولتكبر الآه حتى يختفيالألم

Post: #75
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-20-2004, 02:25 PM
Parent: #1

شباب تحياتي
فيصل عباس
مافكيتكم في نص الشارع عندي مشكله بتاعت دخول لي ده داخل باسم ابراهيم يديك ويديهو العافيه عموما انا جاييكم ومـــــا ندمان

Post: #76
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 03-21-2004, 12:31 PM
Parent: #1

الاعزاء قرمبوز
فيصل عباس
تحياتي

علي قول الدوش
وانا جاي راجع منتهي لاقتني هي
كبرت كراعي من الفرح
نص في النعال
نص في الارض

وانا احاول انتزاع نفسي لمواصله الطريق نحو خرطومنا وحتي لايتهمي العزيز فيصل بانو فكيتكم في نص الشارع . تزكرت ولاادري لماذا تزكرت يااعزائي حلتنا المتواضعه. اتيت اليها وانا عند بوابه الحياه تلميذا في الاول الابتدائي .حاولت قدر الاستطاعه التماشي مع الواقع الجديد الا ان لكنه الرطان كانت دائما تفضحني كما فضحت عيوشه حميد ساكتب لكم يااصدقائي عن هذا الحي الذي اسكنه ويسكنني مليون ميلا من الحب والامل ويحدوني الامل ان استطيع .

Post: #77
Title: Re: الخرطوم ذات صباح - اهداء لابراهيم الجريفاوي
Author: فيصل عباس
Date: 03-21-2004, 02:17 PM
Parent: #76

(راجينك نحنا وراجينك والما)
من بوسطك مامنك
بتلخر ولا ارجاك



هو ليس باتهام لكنه سؤال يعجل بالحضور

Post: #78
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-23-2004, 02:37 PM
Parent: #1

عارفين جيت ماش من عندي جاي عليكم في خرطومكم

لغيت شنو....أملي قلبك بالوطن بصوت حميد

بس امشو لكن ما تتطولو

Post: #79
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 03-27-2004, 01:02 PM
Parent: #1

حلتنا ياابراهيم حلتنا يافيصل
عباره عن حله مليئه بالتناقضات تماما كراس المال يعني بي بساطه بتلقي فيهاواحد الله يطراهو بالخير شغال مع ناس الامن وتلقي برضو ناس بيشتغلوفي السكن والغريب في الامر انو ديل كلهم بيصلو في نفس الزاويه الزاويه بتاعت الحصير العرشناهو نحنا بالتنسيق مع ناس انصار السنه وحزب التحرير في حلتنا دي في ناس يعجبوك زي خالتي فتحيه ودي جارتنا (هيته بالهيته ) زي مابتقول امي المهم انو فتهيه دي راجله مات وخلي ليها كوم عيال زي مابيقول اولاد المصارين البيض ربت ابناؤها علي الكفاف وتحملت عناء تربيتهم فاخرجتمه اصحاء جميلين زوجها كان يحلم زيو وزي اي زول سوداني انو هبه بتو دي تقرا الطب . لاكن فتهيه ماتعجبك استطاعت ان تدرس هبه في زمن التعليم السياحي فاتجهت لبيع الطعميه وهكذا تحول جميع افراد حلتنا الي مدمني طعميه فتحيه . هبه الان تدرس في جامعه جوبا ثالثه طب ولاذالت تحشي سندوتش الطعميه من يد فتحيه الم اقل لك اني احب فتحيه وطعميتها .
كدي نشوف خالتي مريم وهي بالمناسبه مره بت قبايل عندها ولدين احدهم اختطفته الجبهة الاسلاميه وهو يقضي الخدمه الوطنيه في الهجليج والاخر تخرج من جامعة النيلين المهم الناس ديل كانو مرتاحين لامن بهناك اها راجل فاطنه كان شغال في ليبيا خبثاء الحله بيحكو الحكاية دي كلما جات سيره عبد الرحيم راجل فاطنه انو واثناء رجوعه في احدي اجازاته للبلاد استقل عبد الرحيم تاكسي بيجو ويحلف ليك عثمان بتاع الدكان الجمبنا انو رقم التاكسي كان خ ط 475198 طبعا الرقم ده عشان يغيظ بيهو عبد الرحيم المهم بتاع التاكسي بعدما نزلو شال معاهو تحويشه العمر ومن ديك لعيك . عبد الرحيم قبل علي العرقي وشرابو بقي ماذي شراب . يلم ناس الحله يحكي ليهم عن حاجالت غريبه زي انو الانسان نتاج للطبيعه والغريبه انو عندو راي في اي حكومه من سيدي الصادق لي اسياد الناس التانيين ديل البشير الترابي.
ياعبد الرحيم خت الرحمن في قلبك
كيف يعني البني ادم ذي الشجره
نقاشات عادي بنسمعه من نحنا صغار بين ابراهيم وعثمان الفوراوي المهم عبد الرحيم كان راجل محظوظ لانو لي يوم الليله عثمان مااحل دمه ولي يوم الليله هيئه علماء السودان ماسمعو بيهو اقلاها كان ريحو الناس التحت الناس التحت ديلك شويه من فتاويهم
المهم خالتي فاطنه دي بتعمل الاسكريم وبتحاول تمشي حال اولاده.
ابراهيم وفيصل حاواصل بس خلونا اتزكر شويه لانو الشغل زنق حاجيكم بس ارجوني

Post: #80
Title: Re: الخرطوم ذات صباح - اهداء لابراهيم الجريفاوي
Author: Ibrahim Algrefwi
Date: 03-27-2004, 01:16 PM
Parent: #1

الحله ما عندكم

Post: #81
Title: Re: الخرطوم ذات صباح - اهداء لابراهيم الجريفاوي
Author: خضر حسين خليل
Date: 03-28-2004, 01:06 PM
Parent: #1

ولازال عبد الرحيم راجل فاطنه يقدم نظرياته الدارونيه ولاذال عثمان الفوراي يحاول ان يحجز مقعده في الجنه بهدايته لعبد الرحيم . حوش عبد الرحيم مازي حيشان الحله واسع وكبير لي ده صاحبنا اول ما حاول يعيش في واقعو الجديد قسم الحوش لي سته حيشان وبقو هو واسرته في واحده من الحيشان السته .وبقي يبيع الحوش ورا الحوش لحدي مافي النهايه لقي نفسو مؤجر الحوش السادس من حاج اللمين بتاع التاكسي .
ياعبد الرحيم ياحر ماك حر
يادنيا زي سكره وتفك
ياالله
عبد الرحيم سيبحث عن الرقم المفقود وعن بيجو نص الليل سيبحث وسيذهب لشرطه المحاكم وحيفتح بلاغ ضد خدمات النقل من والي المطار وحيرفع الكلام ده للنائب العام وحيوصل القرار ده لرئاسه الجمهوريه واحتمال يقابل القنصل الليبي ياااااااااااااه
صالح دائما مايزعجنا بخياله الواسع اللامنتمي لاي واقع غيرهذا اللحظي حتما سيزول تماماوسيجد نفسه منتعلا مركوبه الفاشري ذاهبا الي مستنقعه الاثن وسط برك الخرطوم مشرفا علي عمال البلديه. ليعود مساء ويطلق العنان لخياله وكيف انه ساهم في انشاء خزان الروصيرص وكيف ان الاذاعه السودانيه كانت حريصه علي توثيق مولد توأميه وكيف كان حاسما وهو يرفع شكوي اهالي حلفا للسيد الراحل عبود هي زكريات جميله في تلك اللحظه . صالح كفانا خلينا نتعشي

ياكركدايه الله اترشق
ناقع عصيره من السما

اكيج
جيناك وكنا طلعنا منك
ذات الثلاثين اجمل نساء قريتي ابنوسيه تحمل بيمناها عبد الله هذا الطفل الهادي الطباع (بذره الخلاص ) وتحمل باليد الاخري افراح الحله هي دائما هكذا.
ساعود لمذيد من تفاصيل الحله
فيصل عباس هسي الخلا التاني في نص الشارع منو
قرمبوووووووووووووووووز وينك وينك

Post: #82
Title: Re: الخرطوم ذات صباح - اهداء لابراهيم الجريفاوي
Author: فيصل عباس
Date: 03-28-2004, 01:19 PM
Parent: #1

اكيد جاييكم
لو خلانا الموت الكاسح ده نطلع من حزنه ونغني نهارو

( ماني بفوتك
ماني البقبل موتك
انا الجواك وفيك مشعلق
انا ود ابرق)