Post: #1 Title: محمد يسن خليفة .. محاضر بجامعة هارفرد .. ويدرس السودانية! Author: بريمة محمد Date: 02-24-2016, 03:26 AM
02:26 AM February, 24 2016 سودانيز اون لاين بريمة محمد-الولايات المتحدة، ولاية فرجينيا مكتبتى رابط مختصر أسخف إنسان يقابلك فى حياتك .. وجاييكم للغريق ..بريمة
Post: #2 Title: Re: محمد يسن خليفة .. محاضر بجامعة هارفرد .. ويد Author: Abureesh Date: 02-24-2016, 03:44 AM Parent: #1
**He speaks fluently Sudanese Arabic**
ياااخ باللاى..
أتارى زول ما هين
Post: #3 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 03:54 AM Parent: #1
جيهة جلواح .. تقدم نفسها فى ذات البرنامج .. كمحاضرة فى الجامعة ..
أنظروا تواضع الأستاذة ..
بريمة
Post: #4 Title: Re: محمد يسن خليفة .. محاضر بجامعة هارفرد .. ويد Author: سيف النصر محي الدين Date: 02-24-2016, 04:07 AM Parent: #3
غايتو يا بريمة لو عايزنا نحكم بالفيديو و نقارنو مع بتاع المرة المالية فمحمد يسن كلامو كان ظريف و متواضع و شعوري انهم الاتنين بتكلموا حسب اسكريبت متفق عليه لأنهم اتناولوا نفس المواضيع. ما تكون زول متحامل ساكت يا بريمة.
Post: #6 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 04:10 AM Parent: #4
مثال ثانى .. دكتور سعيد .. من الصومال .. ويقدم نفسه بالصومالية ..
Post: #5 Title: Re: محمد يسن خليفة .. محاضر بجامعة هارفرد .. ويد Author: HAYDER GASIM Date: 02-24-2016, 04:08 AM Parent: #3
أتمناه التوفيق ...
بريمه ... خلي الحسادة,
وأنتمى نشوفك إنت كمان
ماسك طباشيرة وبتدرس في
أبناء الخواجات ... المافي شنو؟
Post: #7 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 04:17 AM Parent: #5
وهنا بقية الأساتذة الذين يحاضرون بنفس القسم .. وأي زول فيكم ممكن يشيل أسم المحاضر ويعمل بحث فى قوقل .. لتصل لنفس الفيديوهات التى أرفقتها إلي أعلي ..
الأسماء لو ماظهرت ليكم كلها .. يعنى لو ما شفتم صورة محمد يس .. أنقروا علي Load Previous وح تشوفوا كل المحاضرين ..
وبكده يكون وصلت لنهاية تقديم برنامج الدراسات الأفريقية فى جامعة هارفرد ..
بريمة
Post: #8 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 04:43 AM Parent: #7
أبو الريش .. سلامات ..
Quote: **He speaks fluently Sudanese Arabic**
ياااخ باللاى..
أتارى زول ما هين
المؤهلات بتاعت صاحبك .. fluently Sudanese Arabic
بريمة
Post: #10 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 04:55 AM Parent: #8
سيف، سلامات ..
Quote: غايتو يا بريمة لو عايزنا نحكم بالفيديو و نقارنو مع بتاع المرة المالية فمحمد يسن كلامو كان ظريف و متواضع و شعوري انهم الاتنين بتكلموا حسب اسكريبت متفق عليه لأنهم اتناولوا نفس المواضيع. ما تكون زول متحامل ساكت يا بريمة.
محمد يس .. سالي ضنبه علي أي إنسان هنا فى المنبر .. لأنه بدّرس فى هارفرد .. صاحبك عامل فيها الدنيا ما فيك إلا أنا .. وكل مؤهلاته التحدث بالسودانية بطلاقة ..
في أمريكا .. الذين يدرسون بالجامعات هم أكاديميين من درجة ثانية .. هم ناس B Grade .. وهم أقل ماهية من نظرائهم فى القطاع الخاص .. ومع ذلك تعال شوف نفش الريش والبهلوانات والأبهة بتاعت محاضر فى جامعة هارفرد .. متوسط ماهية الأستاذ فى الدرسات الأفريقية لا يزيد عن 76 ألف دولار فى العام لما يشيلوا منك الضرائب والتأمين وغيرها يخلوا الواحد تحت حد الفقر فى الولايات المتحده. ودي ليس مشكلتى .. قضيتى أن محمد يس .. يجعل من نفسه أبهة وهيلامانة .. وهو متواضع أكاديمياً وسياسياً ..
بريمة
Post: #9 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 04:46 AM Parent: #7
تحية الى الأخ محمد سن خليفة، وتمنيات له بمزيد النجاحات.
العبار بريمة بلل. زي ما قالو لك.
بطل حسادة.
Post: #11 Title: Re: محمد يسن خليفة .. محاضر بجامعة هارفرد .. ويد Author: ABDALLAH ABDALLAH Date: 02-24-2016, 05:15 AM Parent: #9
التحيه للحبيب محمد يسن خليفه والتحيه لك أنت كذلك حبيبنا بريمه أى نجاح لأى سودانى أو سودانيه يجعلنا نحس بالفخر الإعزاز . جامعة هارفرد هى من أعظم الجامعات الأمريكيه , تخرج منها الرئيس باراك أوباما والسيده الأولى مشيل والإلتحاق بها كطالب يعتبر مفخره ناهيك من أن تكون أستاذاً بها . ندعو الله أن يوفق حبيبنا محمد يسن خليفه على أن يلحق به الحبيب بريمه أستاذاً بجامعه هارفرد أو ديوك أو ييل .
Post: #12 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 05:16 AM Parent: #9
ول أبا حيدر، سلام .. بالله شوف حنجكت حالق شنبو .. "أنا من السودان .. بحب أكل فول بالزيت والجبنة .. وحيواني المفضل الحمار ..". حكاية حيوانه المفضل الحمار .. مش مضحكة .. ناس قالت الطيور .. رمز للحرية .. وناس قالت الفراشات .. رمز للفرايحية ... وناس قالت الحمائم رمز السلام .. صاحبك تمخط جبله وولد حماراً .. الحمار معروف رمز للبلادة والغباء .. وأرجع لتراثنا السودانى .. لو نبذوك ساكت يوقولوا ليك "يا ولد يا حمار" .. "يا حمار يا غبي" .. صاحبك توشك حيوانه المفضل الحمار ..
فى إحد المعاينات .. وأجتازه صاحبي وهو مهندس فى التبريد .. سألوه عن حيوانه المفضل .. فأختار طائر الكناري .. وهو رمز ولاية فرجينيا التى يقطن بها صاحبي .. ويسمى ال Cardinal Bird ..
وسأل لماذا ال الكنار؟ .. فقال أنه يمثل لي شيئ مهم .. وهو قوة الأنبتاه وسرعة البديهة .. واكاردينال معروف هى رتبة عسكرية مهمة .. وقال أن قوة الأنتباه هو ما يحتاجة الأنسان لمعرفة أشياء أدق عن الأجهزة ..
طيب صاحبنا بتاع الحمار .. وزول فى جامعة عريقة مث هارفرد .. عايز يوصل ياتو رسالة لطلابه ..؟ .. غير الغباء والبلاده .. وما دام هو سودانى .. ما يقول صقر الجديان .. Secretary Bird .. السكرتير معروف بالدقة .. وهو ما يحتاجه الأستاذ.
أتصل لي صديقي .. بعد المعاينة وقال لي سألونى عن حيوانى المفضل .. قلت له أوعي تكون قلت أب دربان (الظربان) .. قال لي الظربان مالو .. ؟ .. وقال لي الدربان بحمي نفسه حينما يطلق روائح نتنه .. قلت له طبزتها يا صاحبي .. الدربان يعنى للأمريكان الأنانية .. والحقد .. فهو يحقد حتى علي لوزات القطن التى تمس أنثاه فيقطفها ويرمي بها علي حافة الطريق حتى لا تخدش المدام المدللة.
غايتو الحمار لم أجد له أي شيئ حسن فى تراث أمريكا ...
بريمة
Post: #13 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 05:29 AM Parent: #12
Quote: واكاردينال معروف هى رتبة عسكرية مهمة
العبار بريمة بلل.
هذه معلومة غير صحيحة.
الكاردينال رتبة دينية في الكنسية الكاثوليكية، ولا علاقة لها بالعسكرية أبدا.
,اسم لطائر أيضا.
Post: #14 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 05:32 AM Parent: #12
دينق،
Quote: تحية الى الأخ محمد سن خليفة، وتمنيات له بمزيد النجاحات.
العبار بريمة بلل. زي ما قالو لك.
بطل حسادة.
أختشي يا دينق .. الزول صاحبك .. أنت من الترجمة مرقت ضابط .. عليك الله المسكين دا لو سقته معاك ما كان أفضل .. لكن الحقيقة هو من زمن حفروا البحر .. والجيش لا يقبل زول فوق سن ال 34 سنة .. مكسين صاحبك بتاع حيوانه المفضل الحمار ..
وبعدين خليهو يشرح ليكم بدّرس شنو .. هل تصدق طلبتنا فى السودان بتاعين أولي إبتدائي ..
تعال شوف اللغة البقارية .. وهى اللغة الرسمية لدولة تشاد ..
أخوك محمد يس يدرس مثل هذا .. هههههههاي ..
بريمة
Post: #15 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 05:35 AM Parent: #14
العبار بريمة بلل.
لو عرفت أخونا محمد يسن بدرس منو في الجامعة دي لخجلت من نفسك ولندمت على فتح هذا البوست.
العبار أحسن لك تختشي.
بالمناسبة.
في السودان في كم كاردينال؟
Post: #16 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 05:39 AM Parent: #15
العبار دينق،
Quote: العبار بريمة بلل.لو عرفت أخونا محمد يسن بدرس منو في الجامعة دي لخجلت من نفسك ولندمت على فتح هذا البوست.العبار أحسن لك تختشي.بالمناسبة.في السودان في كم كاردينال؟
كما قال السياسي علي الحاج .. خليها مستورة يا ريس ..أنت فاكرنا أنا منزل البوست دا عبط ساكت .. ! .. خلي حالق شنبو يجئ فى الأول ..
بريمة
Post: #17 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 05:56 AM Parent: #16
Quote: تعال شوف اللغة البقارية .. وهى اللغة الرسمية لدولة تشاد ..
العبار بريمة بلل.
لو سمحت بطل تهريج.
أنت قصدك اللهجة الأفريقية البقارية للغة العربية.
Post: #18 Title: Re: محمد يسن خليفة .. محاضر بجامعة هارفرد .. ويد Author: حاتم إبراهيم Date: 02-24-2016, 06:02 AM Parent: #1
Quote: وبعدين خليهو يشرح ليكم بدّرس شنو .. هل تصدق طلبتنا فى السودان بتاعين أولي إبتدائي ..
بصفتي مهتم باللغات
انت عايز الأمريكان أو أي دولة تانية تختار بأي مواصفات إذا عايزين شخص يتحدث اللغة كأهلها؟ ____ لاحظ إنهم ما عايزين متخصص لغات (linguist)
Post: #19 Title: Re: محمد يسن خليفة .. محاضر بجامعة هارفرد .. ويد Author: قصي محمد عبدالله Date: 02-24-2016, 06:22 AM Parent: #18
سلام صاحب المنشور وضيوفه الكرام، انت عارف صاحب لغة في بلد غير ناطقين بها تعتبر ميزة طيبة، وتقريبا للمعنى: خلال مشواري في معاهد اللغة في السعودية قابلت كثير من الأوروبين الذي يقومون بتدريس اللغة الإنجليزية في المعاهد والجامعات، وأكثرهم خريجي إدارة أعمال ، وبعضهم لايحمل مؤهل جامعي ، ولم اقابل خريج لغة انجليزية، بعضهم مرافق لزوجاتهم وليس له مؤهل جامعي (ومثل هؤلاء يتعاونون مع معاهد اللغة، لان التعاقد يلزمه بكالريوس أقل شئ) وكثير منهم يحمل شهادة CELTA أو DELTA (يمكن البحث عن معانيهما)، ومثل هذه الشهادات (اضافة إلى أي بكالريوس) هي المعيار الإساسي التي من خلالها يدرسون اللغة الانجليزية في الجامعات والمعاهد ، وبعقود رسمية. يطلق عليهم هنا English Natives ، --------- فياخي خلي ناس محمد خليفة Arabic Natives بالنسبة للأمريكان. ولا أدري معايير تدريس اللغة العربية في الغرب !! ----- رد الله غربتكم سالمين غانمين.
Post: #23 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-24-2016, 06:52 AM Parent: #19
فعلا بريمة طلع زول حاسد ساكت! وبعدين يا أخي، الحمار دا أعظم حيوان بالسودان، وأنا نفسي كخبير بعتبرو من حيواناتي المفضلة جدا، وعندي صور مع الدحوش في كل مراحل حياتي، وما حصل لقيت لي فرصة أتصور معاهو وإلا وأنتهزتها. مرّة في حمرة الشيخ إتصورت معاي بت جنب حمار أصهب، زمن الكاميرات بتاعت الأفلام ديك، لمان رجعت الخرطوم وطبعت الصورة لقيت الحمار كان مطلع بتاعو كامل! كلما تلاقيتي وتسألني من الصورة، بقول ليها: لسع.
صورة للمستنير مع صديقه الدحش بباكستان قبل سنتين او تلاتة:
Post: #20 Title: Re: محمد يسن خليفة .. محاضر بجامعة هارفرد .. ويد Author: Hassan Makkawi Date: 02-24-2016, 06:23 AM Parent: #18
Quote: وحيواني المفضل الحمار ..".
أنا حيوانى الغير مفضل هو بريمة.....
Post: #21 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 06:40 AM Parent: #20
Quote: طيب صاحبنا بتاع الحمار .. وزول فى جامعة عريقة مث هارفرد .. عايز يوصل ياتو رسالة لطلابه ..؟ .. غير الغباء والبلاده .. وما دام هو سودانى .. ما يقول صقر الجديان .. Secretary Bird .. السكرتير معروف بالدقة .. وهو ما يحتاجه الأستاذ.
العبار بريمة بلل أنت(jackass)
بالمناسبة. الحمار يعتبر من أذكى الحيوانات، بعدين أنت خاتي صورة هيلري كلينتون الديمقراطية دي ، أنت عارف شعار الحزب الأمريكي الديمقراطي هو الحمار؟ يا بريمة. صقر الجديان غير محبب للأمريكان لأنه يعتبر قذر، بياكل فطيس(dirty bird) لا تخلط بين النسر الشعار الأمريكي والصقر الشعار السوداني.
أصحى للون يا عبار أصحى.
Post: #22 Title: Re: محمد يسن خليفة .. محاضر بجامعة هارفرد .. ويد Author: Hassan Makkawi Date: 02-24-2016, 06:49 AM Parent: #21
Quote: يا بريمة. صقر الجديان غير محبب للأمريكان لأنه يعتبر قذر، بياكل فطيس(dirty bird) لا تخلط بين النسر الشعار الأمريكي والصقر الشعار السوداني.
يا بريمة النسر الأمريكى يزود بالطعام جواً ويستخدم شوكة وسكين.....
Post: #25 Title: Re: محمد يسن خليفة .. محاضر بجامعة هارفرد .. ويد Author: Elsanosi Badr Date: 02-24-2016, 07:24 AM Parent: #22
التحية والتعظيم للاخ الغالي والصديق محمد ياسين خليفة (الشريف)
محمد ياسين رجل عصامي واخو اخوان
محمد لمن لا يعرفونه شخص خدوم وتختو في الجرح يبرأ
سوداني ود بلد جد
صحيح ان هذا البورد لا يظهر معدن الرجال لكن تاكد يا بريمة, محمد ياسين ده اسالوا من خدمة ولا اي شي ح تلقاهو قدامك
محمد ياسين سليل الاشراف ولا فخر وحق له ان يفحر ابن بري الدرايسة
ان يكون الفرد منا محاضر في اعرق جامعات الدنيا فخر لكل سوداني مش لمحمد بس
محمد ياسين يحاضر ويدرس حملة ما فوق الدكتوراه لو تعلمون
شكرا لهذا الخيط الذي سنتابع فيه سرد حقائق عن الرجل
محمد ياسين ليس رجل متكبر او شايف نفسو وام كان حق له ان يفخر بنفسه فهو يحاضر في اعرق الجامعات ومن يحاضرهم ويدرسهم هم من مشاهير وعلماء العالم
ساعود
Post: #26 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-24-2016, 07:25 AM Parent: #22
ول ابا بريمة..حبابك يا صديقي
ياخي انتا تركة صـُلاح و ماك جايب خبر ساكت..!!
قول لي ككيف؟..
جيد انو اخونا الخليفة قال حيوانو المفضل هو الحمار..!!
عليك الله يا بريمة زرز لي بيت الأشباح في حكاية حميدتي تاجر حمير.. والمناضل محمد يسن خليفة حيوانو المفضل (الحمار)..!!
كبر
Post: #28 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-24-2016, 07:31 AM Parent: #26
التحية لأخونا ابوخديجة.. (بالمناسبة اهلك المسيرية جدهم التحتاني اسمو زكريا ابو خديجة ، وعليهو مسميين حتة في غرب كردفان اسمها الأضية زكريا..مولانا عبد الله محمود ممكن يفيدك اكتر في الناحية دي..والمثولوجيا ممكن احكيها ليك في وكت ارحم..!!)
اخونا ابوخديجة..
لقد احبطني احباط كبير للغاية ..وافشل لي نظرية عشرة سنين.. انو الكتابة في المنبر قد تكون عنوان للشخصية الحقيقية..وهنا اثبت انو شخصيته في المنبر (شرانية ومتلقية حجج) تختلف عن شخصيته الحقيقية (المعروضة في الكليب الصغير المعروض) وهي شخصية محبة للسلام وتعرف ان تكون عنوان للثقافة والخلفية التي جاءت منها بكل امانة وشفافية..!!
الحاجة البتجيب الحيرة : ليه نحن السودانيين لمن نكون قدام الغريب بنقدم افضل ما عندنا (لأنو الورانا مسئولية كبيرة خلاس)..ولمن نرجع البيت (زي المنبر مثلا) بنقوم نركب شخصيتنا السودانية ديك..ونفضل نتماحك زي الأخوان الطرداء؟..
شكرا يا محمد.. وبالطريقة دي ما عندك مشكلة تب يا عمك.. معانا هنا حتو للأخر .. لكن لمن تمرق للغرباء..غصبا عنك ح تمثلنا..كراعك في رقبتك .. ونثق انك ح تفعل افضل ما عندك..!!
امنياتي ليك بالتقدم ، وبالتقدم الأكبر للعقاب..!
غايتو يا ناس امريكا..طلعتوا امبريالية صاح..وبتعرفوا كيف تسوقوا روحكم..!!
كبر
Post: #24 Title: Re: محمد يسن خليفة .. محاضر بجامعة هارفرد .. ويد Author: محمد الأمين موسى Date: 02-24-2016, 07:15 AM Parent: #21
Quote: في أمريكا .. الذين يدرسون بالجامعات هم أكاديميين من درجة ثانية .. هم ناس B Grade .. وهم أقل ماهية من نظرائهم فى القطاع الخاص
أخي العزيز بريمة... إذا كان الذين يدرّسون بالجامعات هم أكاديميون من الدرجة الثانية، فأين يوجد الأكاديميون من الدرجة الأولى! هذا الكلام متناقض لأن الأكاديميا مرتبطة بالجامعات وتقدم أمريكا وغيرها من بقاع العالم خرج من الجامعات والحاسوب الذي تخصصت فيه خرج من الجامعة على أيادي مدرس وطلبته. فيما يتعلق بالفلوس، فمعروف أن من يبحث عن الفلوس يذهب إلى السوق وليس إلى الجامعة. الصورة الذهنية الراسخة تقول: إن العمل كفراش في جامعة هارفارد لهو مفخرة باعتبارها مصنعا لإنتاج العبقريات. سؤال: هل هذه النظرة الدونية للمدرسين تنطبق على كل من علمك حرفا من الابتدائي إلى الجامعة؟ التحية للأخ محمد ياسين خليفة ونسأل المولى له مزيد السؤدد
Post: #27 Title: Re: محمد يسن خليفة .. محاضر بجامعة هارفرد .. ويد Author: قصي محمد عبدالله Date: 02-24-2016, 07:27 AM Parent: #24
ود ياسين، بالله عليك الله كلمة واحدة بالإنجليزي ما تديها ليهم، خليهم زي الأوزكندي في فلاديليفيا!
Post: #35 Title: Re: محمد يسن خليفة .. محاضر بجامعة هارفرد .. ويد Author: Mohamed Yassin Khalifa Date: 02-24-2016, 09:45 AM Parent: #27
لا حولا... يا بريمة نكتا الكلام ده من وين؟ وإتا البيوديك لغاية هارفارد شنو بلسانك المعووج خلاقة ده؟
وكتر خير كل الأحباب والأصحاب القالوا فينا ما لا نستحق!
ونعم يا سيدي أنا مدرس ودي مهنتي منذ ستة سنوات.... ونعم نحنا أكاديميين من الدرجة الرابعة، وموش من التانية ذي ما قلتا... ونعم مرتباتنا ضئيلة ومع الضرايب والتأمين والمصاريف بالكاد نصل بيها آخر الشهر... وخاصة لامن تكون عايش في مدينتين من أغلى مدن أمريكا!
وفي الحقيقة كمان مرتباتنا معلنة في الموقع بتاع الجامعة لتحقيق أقصى مرحلة من الشفافية... ولأننا شغالين في جامعة خاصة وغير ربحية!
يعني ما جبتا جديد...
بس كمان أول مرة في حياتي أسمع لي زول بينبذ ليهو مدرس في مهنتو... وما عارف في عهد الإنحطاط الخلقي ده.. التدريس بقت شغلانة منكورة ولا شنو؟
كدي عاين لكلامك ده وورينا شن نفهم منو:
Quote: قضيتى أن محمد يس .. يجعل من نفسه أبهة وهيلامانة .. وهو متواضع أكاديمياً وسياسياً ..
والمتواضع لغوياً يا بريمة غير الوضـيع!
ولله الحمد على نعمة التواضع... لكن المصيبة في الزول البيكون وضـيع متلك... والحمد لله الذي أتاح لينا نعمة الحديث بعدة لغات وإجادتها لدرجة إننا بناكل عيش منها.
وتعرف من حسن حظي إنو المدرسة الأنا شغال فيها عضو في الـ Ivy League والأتاح لي تدريس طلاب من تمانية جامعات هي الأعظم في العالم... ومن كل المراحل الجامعية.. من البرالمة وحتى ما فوق الدكتوراة.... وده بيديك شوية دفعة مادية ومعنوية!
وهارفارد بميزانيتها التي تبلغ 35 مليار دولار توظف كل مدخولاتها في برامجها الأكاديمية... يعني إنجازاتها ما بتنتهي... وكل مدرس شغال فيها عندو دور تربوي وأكاديمي ومطالب ببحوث وبرامج مستمرة لمنفعة الجامعة ولمنفعة الإنسانية... وده بيفرض على طاقهما بذل جهود خارقة تتطلب منك جهد ذهني وقراءة مستمرة ودورات تعليمية وتثقيفية شبه يومية!
ونعود لمسألة التواضع يا بريمة.... في أول يوم لي في الجامعة وجدتا إنو مكتبي بيقع بين مكتب البروف جون موقاني، أعظم عالم لغوي بالعالم متخصص في أفريقيا... ومكتب البروف هنري لويس غيت، أعظم عالم في الدراسات الإنسانية والأفرو-أمريكية... ويا للهول... كيف لي وأنا الوضيع بمقياس السيد بريمة أن أكون بين هذان العالمان؟
وفعلاً، من تواضع لله رفعه. ورأيت فيهما تواضعاً عظيماً للعلم وللبشرية... ونعمت عندهما بإستقبال حافل أذهلني وأدهشني... ومهدا لي به الطريق وسهلا عليّ المهمة!
تعلمت منهما ومن غيرهما من الأساتذة والزملاء حب المهنة وواجب الإتقان... وكانا لي نعم الـ Mentors وتراني أعتز حالياً بصداقتهما وحميمية الزملاء والزميلات بكل أقسام الجامعة وكلياتها المختلفة.
فأنا أتعلم كل يوم من طلابي ومن كل أساتذتي وزملائي في هذه الجامعة العريقة!
وأنتا يا بريمة قد لا تزال ممتن لأستاذك الأول الذي علمك فك الخط وأنت صغير.... فهل يا ترى ستمتن لمن يعلمك فك حروف لغة جديدة عليك وأنت كبير السن تهضرب؟
ولا مجال هنا للسخرية أو التهكم في العمل المهني.... لأنه قدرك!!
وعيب الواحد لامن يهبش ليهو حاجة هي ليست ملككـ.. بل ملك هي لغيرك....
إذا عندك دواس مع محمد يسين... أهبشو لو راجل في حاجتو.... وما عندك مانع.... كلنا وضـيعين ومخلوقين من عجينة طين!
وشوقي قال في المعلم:
قم للمعلم وفه التبجيلا ***** كاد المعلم أن يكون رسولا
فرد عليه إبراهيم طوقان وقال:
*******
Post: #29 Title: Re: محمد يسن خليفة .. محاضر بجامعة هارفرد .. ويد Author: متوكل حسن Date: 02-24-2016, 07:41 AM Parent: #24
ههههههههههههه الحسادة ظاهرة شديد
Post: #30 Title: Re: محمد يسن خليفة .. محاضر بجامعة هارفرد .. ويد Author: جلالدونا Date: 02-24-2016, 08:00 AM Parent: #29
Quote: محمد يسن خليفة .. محاضر بجامعة هارفرد .. ويدرس السودانية!
باللاهى !!!!!!! هو يا دوب عرف السكة دى ياخى دى من 2001 مدوّرة حِكم يا زمن الفهم
Post: #31 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 08:01 AM Parent: #29
العبار بريمة بلل.
شايفك وقعت في شر أعمالك، وأرتدت سهامك اليك!
البوست أنقلب لدعاية مجانية للأخ محمد يسن خليفة.
بختك يا ود بري لقيتها مجاني، وكمان من العبار بريمة بلل.
Post: #32 Title: Re: محمد يسن خليفة .. محاضر بجامعة هارفرد .. ويد Author: د.محمد بابكر Date: 02-24-2016, 09:07 AM Parent: #31
Quote: في أمريكا .. الذين يدرسون بالجامعات هم أكاديميين من درجة ثانية .. هم ناس B Grade
بس فى دى يا بريمه ما ليك حق وما كان تقول كده
Post: #33 Title: Re: محمد يسن خليفة .. محاضر بجامعة هارفرد .. ويد Author: محمد المسلمي Date: 02-24-2016, 09:21 AM Parent: #32
ول ابا بريمة يااسد الخلاء أب نايبين اها الجماعة امش عليهم وماتخلي ليهم جمبة 😜😜😜
Post: #34 Title: Re: محمد يسن خليفة .. محاضر بجامعة هارفرد .. ويد Author: أحمد الشايقي Date: 02-24-2016, 09:41 AM Parent: #33
تحية كبيرة للزميل محمد يس خليفة العالم السوداني البارز وسط الأكاديميين العالميين بواحدة من أرقى جامعات العالمهذه المؤسسات العلمية ليست كتلك التي تقبع بالعالم الثالث وتحابي الناس بناء على عقائدهم السياسية أو خلفياتهم الأسرية والاثنية أو نفوذهم السياسي فبكل تأكيد أن الزميل محمد يس خليفة قد استحق ما يتبوأه من مكانة في هارفارد بناء على انجازات أصيلة وأسس موضوعيةوإلى الامام شبابنا السوداني في جميع أصقاع الدنيا داعمين ومشجعين ومتمنين الأفضل والأكثر تقدماً للجميع رسالة الوطني السوداني هكذا ينبغي أن تكون من حيث النوايا الطيبة لأبناء وبنات وطنه والفخر بانجازاتهم أبرز مظاهر النوايا الطيبةويحق لهذا المنبر أن يزدان بالنوابغ السودانيين من جميع التخصصات والابداعات وهذا ما يثري وجودنا فيه بالاستفادة وتبادل الاراء مع الترحيب التام بكل الاراء المخالفة والتي لا تزيد القناعات سوى تصحيحاً وتميزاً هذه المجادلات غير ذات جدوى أحمــد الشايقي
Post: #36 Title: Re: محمد يسن خليفة .. محاضر بجامعة هارفرد .. ويد Author: جلالدونا Date: 02-24-2016, 10:10 AM Parent: #34
عزيزنا اخند الشايقى ما عارف اذا كنت عايش فى امريكا او لا امريكا سيستم متكامل يشد بعضه بعضا و محل فيك فايدة بجيبوك ان شاالله ما عندك غيرا عندك مثلا جرايم القتل القاضى الدارس و فاهم ما ب بقدر يصدر قرار فيها منفردا القرار بياخدو المحلفين و المحلفين ديل احتمال يكون واحد فيهم ميكانيكى و التانى جزار و التالت منجد مراتب و الرابع مدرب ك-لاب و هكذا دواليك ناس من عامة الشعب و دور لازم تقوم بيهو لما يستدعوك .. وطال ما بتحمل الجنسية الامريكية تتوقع تماما انو فى يوم ما حيستدعوك المهم قرار المحلفين هو الملزم للقاضى الدارس قانون و فاهم قالو اعدام ده القرار و ما على القاضى الا اصدار الخكم قلت من قبل.. تدريس اللغة العربية بدا من 2001 و طال ماب تعرف عربى و جاء دورك فى الاستدعاء ما مهم ح تدرس وين المهم واجب و عليك ان تقوم به و بس حكاية نبوغ و اشراقات دى ما داخلة فى الحتة دى بل بالعكس دى حتة الناس بتتهرب منها معطوفة على المقابل المادى القصة زى ما تقول ضريبة تطوع ملزم بها كل من يحمل الجنسية الامريكية
Post: #37 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 10:37 AM Parent: #36
المونساتي أتى لكي يدلو بخسته وبخباثته في الأمر كمان.
عالم حاسدة بشكل.
والموضوع ليس سوى "تصفية حسابات"
هههههههههههههههه
Post: #38 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-24-2016, 10:38 AM Parent: #36
في حتّة كدا من الثقافة السودانية، محمد يس خليفة دا، بكون فوقها مُبدع؛ حصّة الشتيمة باللغة الدارجة السودانية! عادي الواحد ممكن يلاقي ليهو واحد من تلامذتو الامريكان نازل من حافلة في الشهداء وبنبذ ليهو في زول حاول يستنكحو: أمشي يا كديانة يا عميانة
Post: #39 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 10:40 AM Parent: #38
خلاص المونساتي دورك.
Post: #40 Title: Re: محمد يسن خليفة .. محاضر بجامعة هارفرد .. ويد Author: د.أحمد الحسين Date: 02-24-2016, 11:09 AM Parent: #39
بكل الفخر نهنى اخينا الاستاذ محمد يسن خليفة ووفقه الله فى اشرف مهنة. وكما قال الاستاذ محمود لاحد الاخوان الذى اراد ان يترك التدريس ويشتغل بالتجارة الا يترك مهنة التدريس لانها المهنة التى رزقها حلال مبروك
Post: #42 Title: Re: محمد يسن خليفة .. محاضر بجامعة هارفرد .. ويد Author: aydaroos Date: 02-24-2016, 11:27 AM Parent: #40
بالمناسبة الحمار صبور وشيال تقيلة
تحية لبريمة والمشاركين وفخر بالأخ محمد يسن خليفة
Post: #41 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 11:21 AM Parent: #32
تحية لكل الحضور الكريم .. وشايف الأعمي شايل المكسر .. والعبار دينق يحتفي بالبوست .. لأنهم الأثنين مأكلين ب "الترمسة" علي حساب اللغة العربية ..
بريمة
Post: #43 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 11:28 AM Parent: #41
وأنقلب السحر على الساحر
Post: #48 Title: Re: محمد يسن خليفة .. محاضر بجامعة هارفرد .. ويد Author: الهادي ابوبكر Date: 02-24-2016, 12:13 PM Parent: #43
هههها والله يا بريمة النصحك عمل فيك خير في البوست ده...
التحية لأبن بري الدرايسة البار الاستاذ/ محمد يس الخليفة.
فخر لنا كسودانيين ولابناء بري الحبيبة.
بريمة شكرا لتعريفنا بالاخ محمد يس خليفة.
ويا ريت لو الاخ محمد يس خليفة ، يدينا نبذة مختصرة عن لهجة أهل الدرايسة ...
والله الليلة يا بريمة عملت فينا طيب بي البوست ده.
Post: #44 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 11:50 AM Parent: #41
خلونى نجاوب علي الدكاترة محمد بابكر ومحمد الأمين ..
Quote: أخي العزيز بريمة... إذا كان الذين يدرّسون بالجامعات هم أكاديميون من الدرجة الثانية، فأين يوجد الأكاديميون من الدرجة الأولى! هذا الكلام متناقض لأن الأكاديميا مرتبطة بالجامعات وتقدم أمريكا وغيرها من بقاع العالم خرج من الجامعات والحاسوب الذي تخصصت فيه خرج من الجامعة على أيادي مدرس وطلبته. فيما يتعلق بالفلوس، فمعروف أن من يبحث عن الفلوس يذهب إلى السوق وليس إلى الجامعة. الصورة الذهنية الراسخة تقول: إن العمل كفراش في جامعة هارفارد لهو مفخرة باعتبارها مصنعا لإنتاج العبقريات. سؤال: هل هذه النظرة الدونية للمدرسين تنطبق على كل من علمك حرفا من الابتدائي إلى الجامعة؟ التحية للأخ محمد ياسين خليفة ونسأل المولى له مزيد السؤدد
الصورة التى نحملها نحن فى السودان .. وهى أن الجامعات هى مقر للأذكياء والنوابغ والعلماء .. ليس هى كذلك فى أمريكا .. ودا السبب أن أمريكا تحتل مركز متأخر جداً فى مستوي الرياضيات والهندسة ربما حسب الترتيب فى نمرة أقل من 20 ..
والعكس صحيح أن الجامعات الأمريكية تحتل المراتب الأولي فى العالم .. هل لاحظتم التناقض؟ أن الجامعات فى السماء والأساتذة كشا مشا ساكت .. والسبب لأن مراكز البحوث .. هى مراكز العلم والعلماء .. ومراكز البحوث ليس الجامعات كما يخطر ببال زول خارج أمريكا .. بل هى قائمة بذاتها .. وأغلبها تدخل تحت طائلة الأمن القومي .. وأمثال المتواضع .. ذي ما تقولوا يشموها قدحة .. وسبب أخر أن الجامعات هى للتجارة الربحية .. الناس التى تحمل صورة أن الجامعة هى المكان المناسب لأي إنسان يطمح لحياة أفضل .. والله العكس .. أنت لا تعدو تكون من الأغبياء إن دخلت تدرس فى الجامعة وليس لديك تعاقد .. ما يسمى بال Tenure مع مراكز البحوث أو الحكومة .. وعشان تحصل علي Tenure أقلها عشرة سنوات تدريس فى الجامعة وتكون بحوثك وجدت رواج أكاديميى .. يعنى أنت أشبه بلاعب القمار .. شختك بختك .. وممكن ما يضرب معاك الحظ تكون ضيعت عمرك في لا شيئ.
بالنسبة لأخوانا المتواضعين ديل .. المسألة تجيب لهم أبهة وهيلامانة بالأخص وسط أقرانهم فى الوطن .. وهم كاسرين رقبة الحقيقة أن تراث جامعاتنا مختلف .. تحتفظ جامعاتنا بالنوابغ والمبرزين من الطلاب .. العكس هنا النوابغ يذهبون مباشرة خارج الجامعة ..
بريمة
Post: #45 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 11:59 AM Parent: #44
ولو كلامى الفوق دا أشكل عليكم .. أنظروا إلي أمثال بيل غيت صاحب مايكروسوفت .. قطع دراسته الجامعية وهو السنة الثانية .. أمثال أستيف جوب صاحب آبيل .. هل واصل يدرس فى الجامعة بل خرج مباشرة .. الشاب مارك زكيبرج صاحب الفيسبوك .. ومايكل دييل صاحب شركة كمبيوترات دييل ..
أقرأوا عن هؤلاء شوفوا كيف يتصرف النوابغ فى أمريكا .. أمريكا ما تفهمها إلا تكون فيها .. وهى أشبه بجزيرة معزولة عن العالم .. أمثال المتواضع لا ينتجون علماً بل هم مثل صاحب شعاره الحمار .. يعلفوه علف بالمادة العلمية ويقوم يبهلق بيها أمام الطلاب كالببغاء ..
بريمة
Post: #46 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 12:03 PM Parent: #45
وهنا لاحظوا تدريس أمثال محمد يسن ..
من قاموس لهجتنا البقارية ... التى تعتبر اللغة الرسمية فى تشاد ..
ههههاي .. قال قرس .. لكلمة قرص ..
بريمة
Post: #47 Title: Re: محمد يسن خليفة .. محاضر بجامعة هارفرد .. ويد Author: محمد المسلمي Date: 02-24-2016, 12:13 PM Parent: #45
Quote: في حتّة كدا من الثقافة السودانية، محمد يس خليفة دا، بكون فوقها مُبدع؛ حصّة الشتيمة باللغة الدارجة السودانية! عادي الواحد ممكن يلاقي ليهو واحد من تلامذتو الامريكان نازل من حافلة في الشهداء وبنبذ ليهو في زول حاول يستنكحو: أمشي أمشي يا كديانة يا عميانة)
😜😜😜😜😜😜😜😜😜 المستنير الله يفرج عليك ضحكتنا
Post: #49 Title: Re: محمد يسن خليفة .. محاضر بجامعة هارفرد .. ويد Author: saidahmed shami Date: 02-24-2016, 02:02 PM Parent: #47
بالتوفيق للاخ محمد يسن خليفة
Post: #51 Title: Re: محمد يسن خليفة .. محاضر بجامعة هارفرد .. ويد Author: عمر صديق Date: 02-24-2016, 03:30 PM Parent: #49
بالتوفيق للاخ محمد يسن خليفة
Post: #50 Title: Re: محمد يسن خليفة .. محاضر بجامعة هارفرد .. ويد Author: محمد حيدر المشرف Date: 02-24-2016, 03:17 PM Parent: #1
بوست مقزز ومداخلات مؤسفة جدا .. والسؤال الملح جدا ... لماذا وصل الحال بالسودانيين لهذا المستوى ؟!!
Post: #52 Title: Re: محمد يسن خليفة .. محاضر بجامعة هارفرد .. ويد Author: محمد البشرى الخضر Date: 02-24-2016, 05:06 PM Parent: #50
غايتو يحمد لبريمة بشتارته دي ان خلانا نشوف الصورة الحقيقية الجميلة ليك يا محمد يسن عوضا عن الصورة العدوانية العنيفة التي ترسمها في البورد كلامك في الفيديو كلام ديسنت و لطيف وطريقة تقديمك لنفسك اعجبتني حقيقة احييك عليها تمنياتي بالتوفيق ومزيد من النجاح وشكرا لبريمة على اية حال
Post: #53 Title: Re: محمد يسن خليفة .. محاضر بجامعة هارفرد .. ويد Author: عادل الباهي عبدالرازق Date: 02-24-2016, 05:43 PM Parent: #52
Quote: غايتو يحمد لبريمة بشتارته دي ان خلانا نشوف الصورة الحقيقية الجميلة ليك يا محمد يسن عوضا عن الصورة العدوانية العنيفة التي ترسمها في البورد كلامك في الفيديو كلام ديسنت و لطيف وطريقة تقديمك لنفسك اعجبتني حقيقة احييك عليها تمنياتي بالتوفيق ومزيد من النجاح وشكرا لبريمة على اية حال
وأزيد بريمة مزنوق في البوست دا أكثر من زنقتي في كامب الغجر والنتيجة 4/صفر
Post: #54 Title: Re: محمد يسن خليفة .. محاضر بجامعة هارفرد .. ويد Author: talha alsayed Date: 02-24-2016, 06:03 PM Parent: #53
بريمه اخد سيك فى قبولو يا عادلوهو ما عودنا عليه
Post: #55 Title: Re: محمد يسن خليفة .. محاضر بجامعة هارفرد .. ويد Author: الطاهر الطاهر Date: 02-24-2016, 06:16 PM Parent: #52
التحية لصاحب البوست وضيوفه الكرام .. * ملاحظتي * محمد يس الوحيد الاتكلم كلام مكتوب بعكس باقي زملائه .. برغم ان المحتوى كلام بسيط وعادي .. تعريفك للجمهور بشخصيتك كان ممكن تكون اجمل من كدا لو كانت ارتجاليه تلقائية ..
شكراً ..
Post: #56 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-24-2016, 06:32 PM Parent: #55
العبار هرب العبار هرب.
Post: #57 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-24-2016, 06:36 PM Parent: #55
يا مشرف، سيب الحساسية، البوست دا من ألطف البوستات، ومفيد كمان لناس كتيرين، يعرفوا انو الأمريكان ديل لم يتركوا كبيرة أو صغيرة وإلا أحصوها. معظم لغات الدنيا دي تُدرس في أعرق جامعاتم وبلسان أهلها ، بعد شوية لو في مشكلة في أي محل، تجد هؤلاء الطلاب، الباحثين لاحقا يعملوا في دراسات داخل هذه الدول ويرجع فيد باك للحكومة الامريكية. البوست دا يا مشرف ووضاحة من البوستات المفيدة ومرحة. بريمة بشكل عام زول مفيد، ومرات بفتعل حوارات لهدف غير مرئي للناس العاديين.
الصديق محمد يس، واضح انو بنداعب فيك مداعبات خشنة وكدا، لك التحية وفعلا والله، حسدتك على نوع هذه الوظيفة الجميلة هل لو جيت إستقريت بأمريكا ممكن تتوسط لي لمثل هذه الوظيفة، والله، أونسم ليك جنس ونسة. خت في بالك أنني ما زلت محافظ على الأكسنت الإنجليزي التقيل بتاع السودان داك، لو بقبلوني بيهو بجي، لكن ما بغيرو
Post: #58 Title: Re: محمد يسن خليفة .. محاضر بجامعة هارفرد .. ويد Author: عادل الباهي عبدالرازق Date: 02-24-2016, 06:44 PM Parent: #57
Quote: بريمه اخد سيك فى قيولو يا عادل
وهو ما عودنا عليه
يا طلحة والله ياطلحة من أول مداخلتين في البوست عرفتو سيك بريمة مرات بيمشي بدون مايعاين قدامو أها هسع دخل ليهو في حيطة إسمنت
Post: #59 Title: Re: محمد يسن خليفة .. محاضر بجامعة هارفرد .. ويد Author: elhilayla Date: 02-24-2016, 06:47 PM Parent: #57
Quote: تحية كبيرة للزميل محمد يس خليفة العالم السوداني البارز وسط الأكاديميين العالميين بواحدة من أرقى جامعات العالم .هذه المؤسسات العلمية ليست كتلك التي تقبع بالعالم الثالث وتحابي الناس بناء على عقائدهم السياسية أو خلفياتهم الأسرية والاثنية أو نفوذهم السياسي فبكل تأكيد أن الزميل محمد يس خليفة قد استحق ما يتبوأه من مكانة في هارفارد بناء على انجازات أصيلة وأسس موضوعية
شكراً جزيلاً الأستاذ أحمد فالأخ محمد يسن يستحق أكثر من ذلك موفق أستاذ محمد يسن ___ الحليلة
Post: #60 Title: Re: محمد يسن خليفة .. محاضر بجامعة هارفرد .. ويد Author: حاتم إبراهيم Date: 02-24-2016, 06:49 PM Parent: #1
Quote: ههههاي .. قال قرس .. لكلمة قرص ..
في الحقيقة قرس هي قروش
يا بريمة كيفك ياخي أنا لي زمن بحاول أصل لصياغة نموذج يحاكي الطريقة البتكتب بيها (والبتتكلم بيها غالباً) والصراحة لي أكتر من تلاتة سنوات براقب عشان أصل لقانون واضح أعمل منو معادلة عشان أقدر أبرمج طريقة الكلام في منطقتكم، دي نماذج
الكلمة
الجملة
مرهاض
مرحاض
يؤول
يعول
شأفة
أنا منتظرها بشعفة حادة
عهد
بنهاية أحد الرئيس جعفر نميري
تنهال
إمرأة سفاح فى أب كرشولا .. تحمل فأساً وتنحال بها على رؤوس الجرحى!
تغمط
لا تغمض حقى بالنظر
مغبة
وحذرك من مقبة مقارعة فرسان البقارة
وطء
إذا إنعصرت الأتان تحت وطع الفحل
مقابضة
بدل الجرى ومقابطت الرغوة .. أثبت .. وما تبقى بتاع شمارات ساكت ..
فطيت
أنت فضيت كلامى دا فى البوست ليه
رهطه
الخيط دا .. أنا ح أطرد منو دينق ورهضة
ينبس
يصمت ولا ينبذ ببنت شفاه
صغار الغزلان
ذات مرة جاءت الغزلان، حوالى ست غزال ومعهن أطفالهن
الأيادي تلكع
والمشى بالتجدع والأيادى تلكأ فى الهواء بعيداً مسافة مترين ونصف أو زيادة
صهيلها
لا أحد من الحيونات فى الجدول يمكنه الأستماع إلى إذاعتها مهما يعلو صحيلها
وفى جنح الليل .. فى زمن التعليل المتأخر .. فإذا بقوم يتجارون .. وقد أصابهم حرج ومرج فى أمرهم ..
== البوست: الشفافية: من الذي أفسد أخلاقنا ==
اتعاطف
ممكن تجدنى أتعاضف مع موقفك وطرحك ..
يبحلق
ويقوم يبهلق بيها أمام الطلاب كالببغاء
الكلمة الأخيرة وردت في البوست الحالي. في البداية كانت الأمور واضحة لكن المؤسف، من قبل سنتين تقريباً لاحظت إنك بقيت تستخدم مصحح إملائي ودا بيعدل كل الأخطاء وبخليني مضطر اقرأ البوست كلو عشان أطلع بكلمة زي (معلوفة) وهي صحيحة إملائياً عشان كدة المصحح اتجاهلها.
فياخي، انت نظامك شنو بالضبط؟ هل بتقلب الألف عين ولا العكس هل الحاء دائماً هاء ولا العكس وهل الطاء ممكن تنقلب ضاد ولا دي غلطة إملائية؟
Post: #61 Title: Re: محمد يسن خليفة .. محاضر بجامعة هارفرد .. ويد Author: Mohammed Al-Khalil Date: 02-24-2016, 09:19 PM Parent: #60
كامل الاحترام للاستاذ والاخ محمد يسن خليفة
ومن يعلم شعوب العالم لغتنا ننحني له احتراما واجلالا ونحتفي به ونفتخر به.
بريمة سوداني اصيل جسد ابلغ صورة من صور الحسادة والتعرصة التي تعتبر ماركة سودانية بلا منازع - مع استثناء التمباك احتراما للاستاذ!
Post: #62 Title: Re: محمد يسن خليفة .. محاضر بجامعة هارفرد .. ويد Author: خالد العبيد Date: 02-24-2016, 10:15 PM Parent: #61
يا سلاااام ... خبر جميل التحية لابننا محمد يسن خليفة اتمنى لك كل التوفيق .. ولي قدام
Post: #63 Title: Re: محمد يسن خليفة .. محاضر بجامعة هارفرد .. ويد Author: كمال عباس Date: 02-24-2016, 10:33 PM Parent: #62
الأخ بريمة إشتغل شُغل ـ علاقات عامة جامد ـ وبإمتياز ـ لصالح الأخ محمد ياسين خليفة (resume and cv) مدحه من حيث أراد ذمه -وإذا أراد الله نشر فضيلة طويت أتاح لها لسان -غضوب ( غضوب بدلا من الكلمة الواردة في المثل إستبدلتها لقسوتها ) * مع أنو محمد يس خليفة لم يسعي للتباهي ؛ ـ التحية للأخ محمد ياسين ونتمني أن ـ أن يكرس الأخ بريمه ـ دراسته وتعليمه وماأكتسبه بالتجربة في ديار الغرب ـ لصالح تمتين النسيج الإجتماعي لوطنه وجعل التنوع العرقي والثقافي مصدر قوة !
Post: #64 Title: Re: محمد يسن خليفة .. محاضر بجامعة هارفرد .. ويد Author: محمد أبوالعزائم أبوالريش Date: 02-24-2016, 10:47 PM Parent: #63
لك جزيل الشكر يا بريمة.
نبهتنا لقدر أخ عزيز لم نكن نعرف حق قدره.
محمد يس خليفة ..... أنت فخر لنا.
Quote: تعال شوف اللغة البقارية .. وهى اللغة الرسمية لدولة تشاد ..
إنتو في حاجة إسمها اللغة البقارية؟
Post: #65 Title: Re: محمد يسن خليفة .. محاضر بجامعة هارفرد .. ويد Author: مرتضي عبد الجليل Date: 02-24-2016, 11:09 PM Parent: #64
التحية لك العزيز محمد يس خليفة نفخر بك ونعتز بمجهودك الجبار فى نشر اللهجة السودانية !
------------------------------------- يا بريمة الزول بتكلم سبعة لغات ,إت ياكافى البلا العربى دا ما لامى فيه ذى الناس ! بتحب المرمطة بشكل!
Post: #67 Title: Re: محمد يسن خليفة .. محاضر بجامعة هارفرد .. ويد Author: ملهم كردفان Date: 02-24-2016, 11:22 PM Parent: #65
رب ضارة نافعه يا محمد يسن خليفه .. اسعدنى ان اعلم انك ارفع منزلة حتى من النوابغ لأنك معلم للنوابغ وأنك تستحقها بجداره...
ولنا أن نفخر بك فانت تستحق فخرنا احترامى
Post: #68 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-24-2016, 11:33 PM Parent: #65
الناس، كسارين التلج ديل يطلعوا لينا بره من البوست ...
بريمة
Post: #66 Title: Re: محمد يسن خليفة .. محاضر بجامعة هارفرد .. ويد Author: Mohamed Suleiman Date: 02-24-2016, 11:19 PM Parent: #64
شكراً الأخ بريمة ....
وريتنا صفحة مشرقة أخري من كتاب حياة الأخ الفاضل محمد يس خليفة...
هو حقّاً مفخرة لكل السودانيين.
Post: #69 Title: Re: محمد يسن خليفة .. محاضر بجامعة هارفرد .. ويد Author: محمد على طه الملك Date: 02-24-2016, 11:55 PM Parent: #66
باين يا ود يسن انت عقاب صالحين .. بريمة جا يدبسك اندبس .. والمشكلة عشان يدبسك اهان لغتو ومسخر بيها !! دي دقت في العارضة يا بريمة ؤ رجعت ليك. غايتو ما شفت دينق متكيف ذي الليلة.
Post: #70 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 00:20 AM Parent: #69
مش المدرس محمد يسن كلكم فخورين بيهو ..
تعالوا شوفوا أخلاق زولكم ..
Quote: وأبقى تعال ليا الليلة دي في Days Inn بتاع ألكساندريا عشان تشيل مني عيالي... باقي ليك انا الليلة وحيد ومشتاق للجضيم! وليك علي أرجاك أمفكو.. ومكبرت وشايل وشي بالحلاوة عشانك بس.
بريمة
Post: #71 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 00:24 AM Parent: #70
أها ونزيدكم من الشعر بيت ..
Quote: وبعدين "كلام بـ كُسَك" دي.. ده نصيحة، وممكن تسعل منها صاحبك في ألمانيا.
وبصراحة يا بريمة أنا ما عارف الفندق ده بتاع شنو؟ كل البعرفو إنه فندق سعره معقول وبيناسب جيبي.. وبيـ سهِل علي الحركة.
أذا عندك بيهو عرفة.. ارجوك كلمنا؟
أنا كل القلتو ليك تعال إتراجل علي بجنجويتك العاجباك دي في الفندق ده. وحـ تلقاني مبلط ممسح مكبرت وراجي الجضيم.. فهل أعتبر كلامك ده زوغة؟
بريمة
Post: #72 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 00:35 AM Parent: #71
نجيكم للكذب والتلفيق ..
Quote: أقسم لك يا دكتور بالله العلي العظيم أن قبائل البقارة وفرسانها عبروا لي عن خجلهم الشديد وإستيائهم من تصرفات هذا البريمة الجنجويدي الجـبان المندس، وكتاباته التي يدفعه لها بغباء ثلاثة عناصر إنتهازية ذات علاقة مباشرة بالمؤتمر اللاوطني. لقد إتصل بي فرسان منهم معروفين وحدثونا عنه حديث الغاضب على إبنهم العاق... فالسيد بريمة لوث عرض وسمعة أهله لينال حفنة مساعدات مالية زوراً من أموال دافعي الضرائب! وهو يخجل من ذلك الدم النوباوي الذي يجري داخل عروقه... في الوقت الذي يفتخر أهنا النوبة بأصالتهم الأفريقية والتي يتعرضوا بسببها للإبادة في جبال النوبة.
أتحداه أن ينكر هذا الكلام.. لنأتيه بالتفاصيل المملة بالأوراق الرسمية!
وأنا أقسم لكم فى كل كلمة قالها محمد يسن يكذب فيها .. وهو يعرف أنه قاعد يكذب .. لتروا أخلاق زولكم الأستاذ المتواضع ..
والله اليوم محل تودوا وشوشكم معاي ما تعرفوه ..
بريمة
Post: #73 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 00:53 AM Parent: #72
الكلام دا لبدر السنوسي .. الذي يخاطبه محمد يسن بالدكتور ..
Quote: بعدين اتا كلامك زي (اللويص) السيدا قعد وقام وما (تمشمش) ... بقي بنشم برة البكان ده...
دا الدكتور صديق أخوكم محمد يسن .. والطيور علي أشكالها تقع بردلب ..
وبدر السنوسي أيضاً ملفق وكذاب .. قبل فترة قبضته بالثابته .. قال جده العباس، وحلف يرسل فحص ال DNA وضعت له عنوان المنزل لليوم لم يرسل .. وفى ذات البوست قبضة حينما زار منطقة الطوارق فى الجزائر أو المغرب .. وحينما سألت بعد عصر أن يحلف ويروينا السبب الزار به الصحراء .. هرب من المنبر والكلام دا قبل 6 شهور تقريباً .. ولم يعد إلا الأن .. وأنا مازلت منتظره عشان يورنا ذهب منطقة ورزازات .. حاضرة الطوراق لشنو؟
هل فيكم سمع ب منطقة أسمها ورزازات ..؟
بدر السنوسي .. كذاب .. والطيور علي أشكالها تقع ..
بريمة
Post: #74 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 01:14 AM Parent: #73
محمد يسن لأنه إنسان متواضع أكاديمياً .. أنظروا ماذا يقول عن كتبي ..
Quote: المهم الشئ البنقراهوا يكون من منتوج الكاتب وما من سرقة جهد وعرق الآخرين! وطبعاً السرقات الأدبية دي بقت جريمة من جرائم المعلومات وإكتشافها سهل. وأنا ليك علي أشتري كتابك أم عشرة ده.. بس في الأول جاوبني:
هل كتابك ده كان منتوج من مخزنك ولا من مخزن الجيران بدون علمهم؟
وأستعد يا حالق شنبو للكتاب الثالث .. تراث الشاي لدي البقارة .. ودا كتاب ح يكون نادر فى تناوله لموضوع الشاي وعلاقته بالتراث ..
بريمة
Post: #75 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 01:28 AM Parent: #74
محمد يسن، يا حالق شنبو .. هل تذكر لما خالك الحبيب مولانا عبد الله ساقك من البوست وجري بيك .. أنا قلت ليك شنو؟
البوست ح يعريك تعرية ما حصلت فى الدنيا أمام جمهورك المتفرج علي تناقضاتك ..
والغريق لسع قدام ..
بريمة
Post: #76 Title: Re: محمد يسن خليفة .. محاضر بجامعة هارفرد .. ويد Author: MAHJOOP ALI Date: 02-25-2016, 02:39 AM Parent: #75
تتعلا ماتدلا ياود الخليفة الليلة كان في نقاش في NPR عن قضاة المحكمة الدستورية العليا لي كلهم من هارفرد ويلي ، ماتشتغل او تنفعل بكلام بريمة خليه يرد علي المبدع حاتم ابراهيم ، وبعد داك نتكلم عن السودانية والاجماع عليها والاختلاف حولها وهل هي عربية ام منتوج محلي بالتراضي او بسلطة الدولة ، ودي حاجات بريمه ماعندوا ليها قدرة لانو شايل بقج غبائن المنبر وعاوز يسوقها كقضية راي عام
Post: #77 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-25-2016, 04:55 AM Parent: #76
العبار بريمة بلل.
أستمع الى صوت العقل ووقف البتعمل فيهو ده!
أنت الوحيد الخسران في هذا البوست
Post: #78 Title: Re: محمد يسن خليفة .. محاضر بجامعة هارفرد .. ويد Author: محمد إبراهيم علي Date: 02-25-2016, 05:21 AM Parent: #77
بريمة شكرا ليك وريتنا ود الخليفة ده قاعد بسوي في شنو في ديار اليانكي والحاجة التانية انا كنت مفتكرو زول كبير وعجوز لكن طلع شباب زينا مع انو اكبر مننا بشوية هههههههههههه دي اسمها سيك في قبولك وما تخرب الموت بكترة الرفس
Post: #79 Title: Re: محمد يسن خليفة .. محاضر بجامعة هارفرد .. ويد Author: محمد علي عثمان Date: 02-25-2016, 05:56 AM Parent: #78
التحية للاستاذ محمد ياسين خليفة ، التقيت به في مؤتمر الدراسات السودانية بسان فرانسسكو قبل عامين وهو انسان خلوق ولطيف لا يتحدث عن تفسه ابدا ، له الف تحية.
Post: #80 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-25-2016, 06:37 AM Parent: #79
Post: #81 Title: Re: محمد يسن خليفة .. محاضر بجامعة هارفرد .. ويد Author: Elsanosi Badr Date: 02-25-2016, 07:09 AM Parent: #80
Quote: دا الدكتور صديق أخوكم محمد يسن .. والطيور علي أشكالها تقع بردلب .
Quote: بدر السنوسي .. كذاب .. والطيور علي أشكالها تقع .
هههههههه
بريمة بطل (الضهبنة)
اتا يا كافي البلا ما بتتوب من السيك هههههه ياخي الاسنا في قبولك حاره
اتا والله ما بتعرف محمد ده ... ياخي امشي اقعد معاهو للدنيا والزمان وانا متاكد ح تغير نظرتك .
اتا هسي ااازول لو (قرطعت) ليك جك مويه في السقط ده ما بتفعك بدل (التضهب) البتسوي فيهو ده !!
ياخ انا بعتز بخوة محمد ونحنا فخورين بيهو علي الرغم من زاوية (شوفك) الكعبة والمعمشة
وبعدين اتا ااازول مالك ؟؟ ما تقابض!!
Post: #82 Title: Re: محمد يسن خليفة .. محاضر بجامعة هارفرد .. ويد Author: أيمن الطيب Date: 02-25-2016, 08:38 AM Parent: #81
سلامات يا بريمة وأرجو أنك تكون الأن قد فهمت ووقع ليك المثل السوداني الشهير:
التسويى بى إيدك يغلب أجاويدك,, أو : التسوي كريت في القرض,,, أو المثل العربي حقكم: على نفسها جنت براقش
يا حاتم..
Quote: فياخي، انت نظامك شنو بالضبط؟ هل بتقلب الألف عين ولا العكس هل الحاء دائماً هاء ولا العكس وهل الطاء ممكن تنقلب ضاد ولا دي غلطة إملائية؟
بريمة يتحدث العربية بلسان أهلنا البقارة القح وتكثر دقساته في إعتقاد أن الكلمة تكتب وتنطق كما يعتقد هو مخطئا !!!
إى لغة في الدنيا لديها لهجاتها و تفرعاتها ولكناتها وهو شى طبيعى لكن الكارثة تقع عندما يظن متحدث ما أن ما يقوله هو الصحيح وأنه فصيح وبليغ وهو لا يدرى أن خلطه ما بين الفصيح و البليغ من لغة ما في غير موضعه بالعامى واللسان أو اللهجة يصوره بمظهر الجاهل ولا أعتقد أن بريمة جاهلا فهو رجل عالم ومتعلم لكنه للأسف (شليق)!!!
لدى إعتقاد راسخ أن من يفتقد لتجربة العيش في ((حضر بلاده)) ولم يمر جيدا بمراحلها المختلفة وتدرجاتها المعقدة قد تكون لديه مشكلة يصعب حلها وهي مثل العقدة أوالمتلازمة التى يصعب تجاوزها حتى لو ذهب نفس هذا الشخص للعيش فى أكبر عواصم الدنيا و أخونا بريمة دا مثال حي وناصع جدا لذلك,,,,,
وشلاقتو واضحة جدا لما ينسى إنو ناس محمد يس وناس دينق ديل قبل أمريكا والعالم الأول هم أولاد حضر و تجاربهم مختلفة وقد يكتسبون جزء من تجاربك وتكتسب جزء من تجاربهم بسهولة ويحترمونك ويحترمون تجاربك في الحياة وخبراتك تماما وقد تتفوق عليهم في الكثير لكن إذا احتاج الوضع أحيانا ان يعود كل لمربعه الأول في الخبرة بقومو يتلتلوك ويدوروك ودايما بحصل زى الشايفو فى البوست دا صاحبك يطاردو فيه وهو يشيل ويغرق زيادة,,,
يا بريمة إتعلم ياخ إتعلم ليك كم سنة في البورد دا وناس دينق ومحمد خليفة ديل يشيلو ويدورو فيك!!!
تحياتى,,
Post: #84 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-25-2016, 09:08 AM Parent: #82
ول ابا بريمة..حبابك يا صديقي..
ياخي ختيت الجماعة في حتة ضيقة شديد..
اول بالتبادي ..اتوقع أنو اخونا الخليفة يعمل موازنة بين شخصيتو الحقيقية وشخصيتو المنبرية..ولو حدث ذلك فالفضل يرجع ليك..وده كل هين..
الناس ديل يا قريبي لمن يقوموا على الدغمسة بيعرفوا ليها شديد..عشان كده كل كلام الخليفة الكعب بيعملوا منو رايحين ..!!
الكلام يا قريبي بيوت البكا الفتحت في عرصات المنبر.. ناس اقل حاجة يقعدوا يجوعروا..ليه كده ، وشنو كده ما عارف..!
اوع تقول لي الصيوان المنصوب ما وقع في عينك..!!
كبر
Post: #86 Title: Re: محمد يسن خليفة .. محاضر بجامعة هارفرد .. ويد Author: محمد علي البصير Date: 02-25-2016, 10:18 AM Parent: #81
دا نقول عنو شنو ؟ مقرف جداً يا بريمة
ياخ ماف زول ناجح في حياتو والا بريمة سعى بكل ما يملك لتبخيث إنجازاتو قبل كدا وبمجرد ما عرف أنو الزولة الرائعة وضاحة ظهر ليها ميراث وماشى تبني مستشفى خاص للاطفال وال سن سكينو وأنبرى يطاعن ويبخث
الأن جاي اتكلم في زول زي محمد يسن خليفة !! زول نفخر بيه بالجد كونو يكون أستاذ في جامعة هارفارد ياخ مؤسسة بهذا الحجم لو شغال فيها عامل تحس بالفخر ناهيك عن كونك أستاذ
يخس عليك يا بريمة ياحاقد
Post: #83 Title: Re: محمد يسن خليفة .. محاضر بجامعة هارفرد .. ويد Author: حاتم إبراهيم Date: 02-25-2016, 09:03 AM Parent: #1
Quote: إى لغة في الدنيا لديها لهجاتها و تفرعاتها ولكناتها وهو شى طبيعى لكن الكارثة تقع عندما يظن متحدث ما أن ما يقوله هو الصحيح وأنه فصيح وبليغ وهو لا يدرى أن خلطه ما بين الفصيح و البليغ من لغة ما في غير موضعه بالعامى
الراجل جهجهني مرتين
في البداية قلت خلاص معناها الهمزة بيقلبها عين (شأفة - شعفة ، وطء - وطع) أجي ألقاهو ليك في حتات تانيات قلب العين همزة (تلكع - تلكأ) مع إنو كتبها صاح لكن أنا متأكد هو قاصد "تلكع" دي جهجهتني.
برضو قلت معناها بيقلب الهاء حاء (عهد - أحد، تنهال - تنحال، صهيل - صحيل، يهش - يحش) وقرضت على كدة، اكتشف بعد فترة إنو زمان قال للمرحاض "مرهاض" وآخر حاجة (يبحلق - يبهلق) الله؟
نفس الشيء، قلت خلاس معناها قلب الطاء ضاد دا ثابت ومستقر (تغمط - تغمض، فطيت - فضيت، رهطه - رهضه) يقوم يفاجئني ليك ويكتب (مقابضة - مقابطة).
ما عارف لكن بريمة غالباً متأرجح بين ظنه بأنو نطقه غلط وهو غالباً صاح وبين كتابتو إنها صاح وهي غالباً غلط.
Post: #85 Title: Re: محمد يسن خليفة .. محاضر بجامعة هارفرد .. ويد Author: أيمن الطيب Date: 02-25-2016, 09:17 AM Parent: #83
سلامات يا حاتم...
إذا مشيت حمت في نواح السودان المختلفة والكبيرة وقابلت أهلنا البهناك ديل حا تلاحظ أشياء كتيرة جدا زى دى وهو المحصلة الطبيعية لتفاعلات اللغات الوافدة وتداخلاتها مع اللغات المحلية والألسنة ولهجات أهل المنطقة... والعربية قطعا لغة وافدة حتى وإن تحدثتها بعض القبائل هناك بصورتها الأم أو بشكلها الأصل والبدائى ومعروف أن أي لغة أشبه ما تكون بالكائن الحي,,
اللغة السواحيلية مثلا هي نتاج لغة عربية ولغة محلية خاصة بمنطقة ساحل ما ولغة مستعمر فرنسي أو إنجليزى وهكذا,,
تحياتى
Post: #87 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-25-2016, 10:31 AM Parent: #85
يا محمّد يس، يا أخي، عندي سؤال جادي فوقو: الغرض شنو من الكورسات دي؟ هل في النهاية بتكب في مصلحة الجهات الإستخباراتية؟ ولّ أغراض أكاديمية خالية من الغرض السياسي؟ يعني الطلبة البشيلو الكورسات دي، حسب خبرتك، قاعدة تكون خططم المستقبلية للإستفادة من دراسة اللغة السودانية دي شنو؟ ولّ القصة هي مجرد متطلبات أكاديمية؟
نورنا، الله ينوّر عليك دنيا وآخرة
Post: #88 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-25-2016, 10:51 AM Parent: #87
Quote: يا محمّد يس، يا أخي، عندي سؤال جادي فوقو: الغرض شنو من الكورسات دي؟ هل في النهاية بتكب في مصلحة الجهات الإستخباراتية؟ ولّ أغراض أكاديمية خالية من الغرض السياسي؟ يعني الطلبة البشيلو الكورسات دي، حسب خبرتك، قاعدة تكون خططم المستقبلية للإستفادة من دراسة اللغة السودانية دي شنو؟ ولّ القصة هي مجرد متطلبات أكاديمية؟
شوفو العقلية بتاعت العالم الثالث، ونظرية المؤامرة!
وزارة الخارية الأمريكية لديها معهد خاص لتدريس البدلوماسين، ويعمل فيه أساتذة أمريكان من أصول سودانية. وأمريكان أخرين من أصول مختلفة حول العالم
وزارة الدفاع الأمريكية لديها أكبر معهد لغات في العالم، وهذا المعهد يعمل فيه أيضا أمريكان من أصول سودانية. وأمريكان أخرين من أصول مختلفة حول العالم
وصفك لجامعة هارفرد بالطريقة دي بيوضح للناس مدى بساطة فهمك لمؤسسات التعليم الأمريكية.
أنت زول أصبحت مواطن أمريكي ياخ ما تضحك فيك الناس.
Post: #89 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-25-2016, 11:46 AM Parent: #88
الأمور الإستخباراتية ليست مربوطة فقط بالمعاهد ذات الصفة الأمنية والعسكرية، أعرف جيدا المعاهد البتدرس اللغة العربية واللغات الأخرى لمنسوبي الجهات الأمنية والعسكرية. مثلا: مشكلة زي بتاعت الخلاف بين النوبيين والحكومة السودانية حول تشييد سدود الشمال عادي ممكن جهة ليست ذات صلة مباشرة بالجهات الأمنية ترسل طالب ماجستير من طلبة محمد ياسين خليفة ويشتغل أبحاث، تفييد مستقبلا في نظرة الجهات الأمنية والاستراتيجية الامريكية في تقييمها لأي نزاع قد يقع بسبب هذا الأمر.
لأنني بقيت أمريكي، لأزم أعرف الهدف من أي برنامج، ما في حاجة ساكت كدا عندنا هنا في أمريكا دي وبعدين أنا سألت ولم أقرر وفعلا داير أشوف الناس الدخلت البرنامج دا من ألفين وتلاتة حتى الآن، سيرتم في الدنيا دي كانت شنو، وأمني نفسي أن يكون لمحمد يس خليفة فييد باك من بعض طلبتو.
Post: #90 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 11:50 AM Parent: #88
الأخ أيمن الطيب،
Quote: وشلاقتو واضحة جدا لما ينسى إنو ناس محمد يس وناس دينق ديل قبل أمريكا والعالم الأول هم أولاد حضر و تجاربهم مختلفة وقد يكتسبون جزء من تجاربك وتكتسب جزء من تجاربهم بسهولة ويحترمونك ويحترمون تجاربك في الحياة وخبراتك تماما وقد تتفوق عليهم في الكثير لكن إذا احتاج الوضع أحيانا ان يعود كل لمربعه الأول في الخبرة بقومو يتلتلوك ويدوروك ودايما بحصل زى الشايفو فى البوست دا صاحبك يطاردو فيه وهو يشيل ويغرق زيادة,,,
ما كتبت أنت هنا .. يقع فى خانة ما أطلق عليه الدكتور عبد الله علي أبراهيم فى فهم الشيوعيين لتراث أهل البادية فيما أسماه "بالعقل الرعوي" .. ونظرية العقل الرعوي تقول بدنية تراث أهل البادية وأنه لا ينتج فكر ولا يقدم تراث مفيد للشعب السودانى .. وأنا هنا أتحدي أمثالك أن أبناء الريف والبادية السودانية فى هذا المنبر هم الذين أثروه ثراء لا حدود له .. فى هذا المنبر أبناء أرياف السودان كتبوا عن القبائل السودانية وتراثها .. ونقلوا شعرها ورقصاتها وغناءها .. ونقلنا لكم أثار الحروب والخراب علي الأنسان السودانى والبيئة السودانية .. مما هدي بأبناء الحضر من الفنانين والممثلين والكوميديين بالذهاب والبحث عن الجديد فى أرياف السودان .. وبواديه .. ثم أن الكتابات السودانية الجادة علي مر تأريخنا مثل كتاب بروف عون الشريف عن قبائل السودان ولهجاته العامية هى أصلاً خلاصة أبحاث أبناء الريف السودانى .. وأرجع لضرار صالح ضرار وغيرهم كل كتاباتهم منتوج فكري لأبناء أرياف السودان .. خلاوي القرآن كلها فى أرياف السودان ..
ورينى ماذا قدم الحضر السودانى غير التفسخ الأخلاقي ..؟
دافع عن صحبك محمد يسن .. وأغفل تماماً أن حقيقته .. وأنه فى هذا المنبر ملانا فارغة من جنس .. "أشيل شنبي بالحلاوة" .. و"أتكبرت ليك" .. و"منتظرك للجضيم!" وأشياء أخري ..
بريمة
Post: #91 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 12:19 PM Parent: #90
ول أبا أبوبكر سلام
Quote: وفعلا داير أشوف الناس الدخلت البرنامج دا من ألفين وتلاتة حتى الآن، سيرتم في الدنيا دي كانت شنو، وأمني نفسي أن يكون لمحمد يس خليفة فييد باك من بعض طلبتو.
محمد يسن لن يستطع الكتابة فى هذا الجانب .. والله أنا مشيت وقريت السيرة الذاتية بتاعتو فى العمل linkedIn.com .. وجدتها أختصرها فى سنوات الجامعة فقط .. يعنى ما عندو غير 6 سنوات التى قضاها فى جامعة هارفارد .. يدرس السودانية .. وكل السيرة سطر واحد فقط.
وأنت كأمريكي يا أبا بكر .. أفهم وأسكت .. دا جانب مسكوت عنه بالنسبة لينا .. وما تدخل فى الحتة دي خليها مستورة يا ريس!
بريمة
Post: #92 Title: Re: محمد يسن خليفة .. محاضر بجامعة هارفرد .. ويد Author: أيمن الطيب Date: 02-25-2016, 12:35 PM Parent: #90
سلامات يا بريمة
Quote: ما كتبت أنت هنا .. يقع فى خانة ما أطلق عليه الدكتور عبد الله علي أبراهيم فى فهم الشيوعيين لتراث أهل البادية فيما أسماه "بالعقل الرعوي" .. ونظرية العقل الرعوي تقول بدنية تراث أهل البادية وأنه لا ينتج فكر ولا يقدم تراث مفيد للشعب السودانى .. وأنا هنا أتحدي أمثالك أن أبناء الريف والبادية السودانية فى هذا المنبر هم الذين أثروه ثراء لا حدود له .. فى هذا المنبر أبناء أرياف السودان كتبوا عن القبائل السودانية وتراثها .. ونقلوا شعرها ورقصاتها وغناءها .. ونقلنا لكم أثار الحروب والخراب علي الأنسان السودانى والبيئة السودانية .... مما هدي بأبناء الحضر من الفنانين والممثلين والكوميديين بالذهاب والبحث عن الجديد فى أرياف السودان .. وبواديه .. ثم أن الكتابات السودانية الجادة علي مر تأريخنا مثل كتاب بروف عون الشريف عن قبائل السودان ولهجاته العامية هى أصلاً خلاصة أبحاث أبناء الريف السودانى .. وأرجع لضرار صالح ضرار وغيرهم كل كتاباتهم منتوج فكري لأبناء أرياف السودان .. خلاوي القرآن كلها فى أرياف السودان ..
..
Quote: ورينى ماذا قدم الحضر السودانى غير التفسخ الأخلاقي ..؟
بالنسبة لكلام دكتور عبدالله علي إبراهيم رغم أنو أول مرة اسمع بيهولكنى لا أتفق معه أبدا جملة وتفصيلا,,,, الجزء الملون بالأخضر من كلامك صحيح مية المية ومتفق معاك تماما ومافي غلاط وهو للعلم كلام بعيد تماما عن كلامي خاصة إذا كنت تقصد كلمة(بدونية) بدلا عن بدنية في ( ونظرية العقل الرعوي تقول (بدنية) تراث أهل البادية)ومرة أخرى هذا الكلام خاطئ أو أنت أخرجته عن سياقه أو لم أفهمه أنا ألكلام الأخير عن التفسخ وعلاقتو بالحضر بثبت رأيى فيك وهو كلام خاطئ ومطلوق ساااى وكلام زعل يا دكتور وفي الآخر أظنك تعلم أو لا تعلم أن مكونات حضرنا ما جات من القمر لأنو خرطومنا دى زاتا مدينة عمرها صغير جدا بحسابات أعمار المدن والتاريخ وأرجو إنك ترجع وتقرأ بهدوء,,ما تحته خط لعناية أخونا حاتم إبراهيم ودا موضوعو معاك ومعاي ...ما تقرأ وأنت زعلان وغضبان ما حا تفهم يا بريمة...تحياتى
Post: #93 Title: Re: محمد يسن خليفة .. محاضر بجامعة هارفرد .. ويد Author: امجد الجميعابى Date: 02-25-2016, 01:01 PM Parent: #88
و الله يا بريمة حالتك تحنن
Post: #94 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-25-2016, 01:11 PM Parent: #93
Quote: الأمور الإستخباراتية ليست مربوطة فقط بالمعاهد ذات الصفة الأمنية والعسكرية، أعرف جيدا المعاهد البتدرس اللغة العربية واللغات الأخرى لمنسوبي الجهات الأمنية والعسكرية. مثلا: مشكلة زي بتاعت الخلاف بين النوبيين والحكومة السودانية حول تشييد سدود الشمال عادي ممكن جهة ليست ذات صلة مباشرة بالجهات الأمنية ترسل طالب ماجستير من طلبة محمد ياسين خليفة ويشتغل أبحاث، تفييد مستقبلا في نظرة الجهات الأمنية والاستراتيجية الامريكية في تقييمها لأي نزاع قد يقع بسبب هذا الأمر.
لأنني بقيت أمريكي، لأزم أعرف الهدف من أي برنامج، ما في حاجة ساكت كدا عندنا هنا في أمريكا دي وبعدين أنا سألت ولم أقرر وفعلا داير أشوف الناس الدخلت البرنامج دا من ألفين وتلاتة حتى الآن، سيرتم في الدنيا دي كانت شنو، وأمني نفسي أن يكون لمحمد يس خليفة فييد باك من بعض طلبتو.
المعاهد والجامعات الأمريكية، مثلها مثل أي مؤسسة خدمية أو تجارية. فهي تقدم كورسات معينة لجميع الطلاب حول العالم، ومن حق أي جهة حكومية،أمنية مدنية كانت، أن تستفيد من مثل هذه الخدمات.
فما هي المشكلة مثلا أن يكون من ضمن طلاب الأخ محمد يسن خليفة، عسكريين أو تابعين لجهات ومؤسسات أمنية؟
Post: #95 Title: Re: محمد يسن خليفة .. محاضر بجامعة هارفرد .. ويد Author: Salah Ahmed Ali Date: 02-25-2016, 01:12 PM Parent: #93
بريمة دائما شايت برة القون.. واشتر شتارة السنين...عندك تار قديم مع الاستاذ محمد يس.. وجايبو لينا بحاضر في اعظم جامعة في العالم..عشان تنبزوا انو محاضرتو في لغة سودانية ساي... اي زول بحاضر في هارفارد دا زول ما هيّن تب...وترفع له القبعات...ورقم مهم جداً... الحاجات دي فاتت على فهمك..وجاي تكحلا عميتا مرة واحدة... التحية للاستاذ محمد يس...ومعليش للحصل دا...امسحا لينا في وشنا...
Post: #96 Title: Re: محمد يسن خليفة .. محاضر بجامعة هارفرد .. ويد Author: محمد درار Date: 02-25-2016, 01:40 PM Parent: #95
غايتو كشفت لينا وجه وصورة أجمل لمحمد ياسين خليفة
شكرا بريمة
Post: #97 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-25-2016, 01:48 PM Parent: #96
وين أنا قلت لو في عسكريين استفادوا من البرامج دي، بكون فيها مشكلة؟ يعني أنا لازم أتناول الحوار من الزاوية التي تروق لك أنت!
Post: #98 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-25-2016, 02:49 PM Parent: #97
Quote: يا محمّد يس، يا أخي، عندي سؤال جادي فوقو: الغرض شنو من الكورسات دي؟ هل في النهاية بتكب في مصلحة الجهات الإستخباراتية؟ ولّ أغراض أكاديمية خالية من الغرض السياسي؟ يعني الطلبة البشيلو الكورسات دي، حسب خبرتك، قاعدة تكون خططم المستقبلية للإستفادة من دراسة اللغة السودانية دي شنو؟ ولّ القصة هي مجرد متطلبات أكاديمية؟
Quote: الأمور الإستخباراتية ليست مربوطة فقط بالمعاهد ذات الصفة الأمنية والعسكرية، أعرف جيدا المعاهد البتدرس اللغة العربية واللغات الأخرى لمنسوبي الجهات الأمنية والعسكرية. مثلا: مشكلة زي بتاعت الخلاف بين النوبيين والحكومة السودانية حول تشييد سدود الشمال عادي ممكن جهة ليست ذات صلة مباشرة بالجهات الأمنية ترسل طالب ماجستير من طلبة محمد ياسين خليفة ويشتغل أبحاث، تفييد مستقبلا في نظرة الجهات الأمنية والاستراتيجية الامريكية في تقييمها لأي نزاع قد يقع بسبب هذا الأمر.
لأنني بقيت أمريكي، لأزم أعرف الهدف من أي برنامج، ما في حاجة ساكت كدا عندنا هنا في أمريكا دي وبعدين أنا سألت ولم أقرر وفعلا داير أشوف الناس الدخلت البرنامج دا من ألفين وتلاتة حتى الآن، سيرتم في الدنيا دي كانت شنو، وأمني نفسي أن يكون لمحمد يس خليفة فييد باك من بعض طلبتو.
الفوق ديل مداخلاتك الأتنين، وأنت ماشي بيهم في أتجاه معين. ليه بتحاول أن تتذاكى!!
Post: #99 Title: Re: محمد يسن خليفة .. محاضر بجامعة هارفرد .. ويد Author: ناصر جامع Date: 02-25-2016, 02:57 PM Parent: #97
سلام بريمة و الضيوف الكرام
Quote: الناس ديل يا قريبي لمن يقوموا على الدغمسة بيعرفوا ليها شديد..عشان كده كل كلام الخليفة الكعب بيعملوا منو رايحين ..!!
اخ كبر تحياتي كلامك دا خلاني ارجع للبوست عشان أشوف الكلام الكعب بتاع محمد دا لزومو شنوا؟ لقيت انو الاخ بريمة يوحي انو اخونا محمد يس ما راجل عشان حالق شنبو
Quote: وحاجة تانية أقولها لك .. أنا أرجل من مليون واحد حالق شنبه ..
و اضاف انو محمد يس جبان في نظر البقارة عموما لانو جلابي، و ذكر هذا المثل
Quote: يا حالق شنبه .. أمثالك أهلنا بقولوا عنهم: لو لقيت الواحد وحيده تشيل وليده .. أمثالك الواحد يجضمه لما ريالته تصل الركب ويخليه يبكى ذى الطفل، واحد حالق شنبه وعايز يتلامط .. يا داعر
المثل فيهو عنصرية و تنميط يا كبر علي حسب فهمي ليهو*** لو لقيت الواحد وحيده تشيل وليده ****إنو الجلابي لو لقيتو براهو تقلع منو اعز ما يملك - اولاده- و لا يحرك ساكنآ. لانه جبان يا كبر لو عندك تفسير او شرح تاني للمثل دا، أكون شاكر لو جبتو لينا محمد يس رد علي بريمة بالكلام الجابو بريمة هنا
Quote: وأبقى تعال ليا الليلة دي في Days Inn بتاع ألكساندريا عشان تشيل مني عيالي... باقي ليك انا الليلة وحيد ومشتاق للجضيم!وليك علي أرجاك أمفكو.. ومكبرت وشايل وشي بالحلاوة عشانك بس.
الكلام دا بالسبة لي انا واضح معناهو يا بريمة انت مش شايف نفسك أرجل من مليون واحد حالق شنبه؟و لو لقيتني مش بتقلع مني عيالي؟اها انا الما راجل دا، أرجاك أمفكو.. ومكبرت وشايل وشي بالحلاوة، بس انت لو راجل تعال لي في الهوتيل Days Inn شيل عيالي و وريني رجالتك؟بريمة رد علي هذا التحدي بالاتي
Quote: ثالثاً .. أنت أوصفت لى الفندق والغرفة محل سكنك .. وأقول ليك أنا أبداً لا أعتدى على أحد ولا أرد على أحد بسوء إلا يبدأ هو ..وهسى أنت لو عايز تلقانى فتش علىّ لما تجدنى وأسألنى مما تريد حينها تعرف الله واحد وح تبلع لسانك وإلى الأبد ..
اداهو العنوان بالكامل، رقم الغرفة و اسم الفندق، و قاليهو تعال وريني رجالتك، فكان رد بريمة أنا لا أعتدى على أحد، و لو عايز تلقانى فتش علىّ!! و ثالثة الاثافي كانت هذه الاضافة ((حينها تعرف الله واحد وح تبلع لسانك وإلى الأبد))بعداك محمد يس جاهو راجع قال ليهو
Quote: أنا كل القلتو ليك تعال إتراجل علي بجنجويتك العاجباك دي في الفندق ده.وحـ تلقاني مبلط ممسح مكبرت وراجي الجضيم.. فهل أعتبر كلامك ده زوغة؟
يا كبر يا حبيب فسيخ زولك دا ما ببقي شربات اتحدي الراجل، قال ليهو إنت حالق شنبك و ما راجل و بقلع عيالك و اتراجل عليهو رد عليهو، قال ليهو اها انا الما راجل دا، عنواني اهو دا، برجاك ممسح و مكبرت، تعال وريني رجالتك اها لو عندك تخريج تاني للقصة، نورنا، ينور الله ايامك http://sudaneseonline.com/msg/board/262/msg/1331353934/rn/44.html
Post: #100 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-25-2016, 03:25 PM Parent: #99
أيوة ديل مداخلاتي شوف عدد الإحتمالات الأنا صغتها في الأسئلة.
يا دينق، دا لعب حوار كبير عليك وزي ما بقولوا اخوانا المصريين: "صاحب العقل يميّز"
Post: #101 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-25-2016, 03:31 PM Parent: #100
Quote: أيوة ديل مداخلاتي شوف عدد الإحتمالات الأنا صغتها في الأسئلة.
يا دينق، دا لعب حوار كبير عليك وزي ما بقولوا اخوانا المصريين: "صاحب العقل يميّز"
بالعكس.
لو عاوزني أنا ممكن أرجعك لمداخلتك الأولى في هذا البوست، وأشرح لك غرضك الأساسي كان شنو في البوست ده، أنت وصديقك المونساتي. وعندما أتجه البوست على غير "هواكم" أنت الأن بتحاول تتذاكى وصديقك المونساتي جره واطي.
نصيحتي لك، أحسن تبطلوا الحركات البتعملوا فيها دي، بالذات أنت.
Post: #102 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-25-2016, 03:40 PM Parent: #101
شايفك عدات مداخلتك الأولى مليون مرة.
ههههههههههههههه
Post: #136 Title: Re: محمد يسن خليفة .. محاضر بجامعة هارفرد .. ويد Author: فرح الطاهر ابو روضة Date: 02-26-2016, 11:03 AM Parent: #100
بريمة يا جماعة اوجدوا العذر لبريمة اليس هو القائل
Quote: كقول الشاعر ولسان الذى يلحدون إليه أعجى وهذا لسان عربى مبين .. أنت عايز تجئ تتحدث مع شخص لسانه عربى جهينى فصيح ..!
والتحية للزول الجميل ابو حميد
Post: #103 Title: Re: محمد يسن خليفة .. محاضر بجامعة هارفرد .. ويد Author: محمد حمزة الحسين Date: 02-25-2016, 05:15 PM Parent: #95
ول ابا بريمة بلل يا صديق... ولا يهمك البورد بقي مجاملات وكسير تلج رسالتك وصلت وخير من إستطاع ان يظهرها صديقي ول أبا محمد النور كبر في المداخلتين أدناهـ :-
Quote: الحاجة البتجيب الحيرة : ليه نحن السودانيين لمن نكون قدام الغريب بنقدم افضل ما عندنا (لأنو الورانا مسئولية كبيرة خلاس). .ولمن نرجع البيت (زي المنبر مثلا) بنقوم نركب شخصيتنا السودانية ديك..ونفضل نتماحك زي الأخوان الطرداء؟..
Quote: ياخي ختيت الجماعة في حتة ضيقة شديد..
اول بالتبادي ..اتوقع أنو اخونا الخليفة يعمل موازنة بين شخصيتو الحقيقية وشخصيتو المنبرية..ولو حدث ذلك فالفضل يرجع ليك..وده كل هين..
الناس ديل يا قريبي لمن يقوموا على الدغمسة بيعرفوا ليها شديد..عشان كده كل كلام الخليفة الكعب بيعملوا منو رايحين ..!!
يعني يا محمد يس الخليفة بتاع هارفارد إنتا ما تغرك كترت كسير التلج وفش الغبينه في بريمة بلل فإشنو أقولك إنتبه وإتسق فقليل من الاتساق لن يضرك . ياخي أنا زاتي ننطا عيوني لاني من موية كي بوردك البي تدفقا هنا دا قايلك شغال في محطة بنزين . ولا يفوتني أن اهنئك علي سعة علمك وغزارة معرفتك وبرضو أهنئك علي شخصيتك الغير متسقه مع فرش المتاع القاعد تمتع بيهو البورداب كل ما قعدت قدام الشاشة البلورية ... واتفق مع الجميع في إن صديقي بريمة أظهر منك الجوانب المضيئة ووطلعت زول مستنير بذكر اسم امك وزوجتك ... : : : : : : : : وتحيات خاصة للاخ ول أبا محمد النور كبر مع التحيات لله الزاكيات
Post: #104 Title: Re: محمد يسن خليفة .. محاضر بجامعة هارفرد .. ويد Author: أبوبكر عباس Date: 02-25-2016, 05:27 PM Parent: #103
ح أشتغل معاك بطريقة تانية أفط مداخلاتك أي كان موقعها لمدة شهر ويوم واحد إبريل بفتح ليك مداخلة، لو لقيتها نفس النسخة بعاقب نفسي بشهرين وهكذا
Post: #105 Title: Re: محمد يسن خليفة .. محاضر بجامعة هارفرد .. ويد Author: محمد حيدر المشرف Date: 02-25-2016, 06:31 PM Parent: #104
أبابكر بن عباس يا صديقي .. تحياتي يا رفيقا ..
Quote: الصديق محمد يس، واضح انو بنداعب فيك مداعبات خشنة وكدا، لك التحية وفعلا والله، حسدتك على نوع هذه الوظيفة الجميلة
كلامك ده اسعدنا جدا وسر بالنا يا صديق .. فليكن هظارا وليكن ثقيلا وغير مناسب واشتر .. وهو بالتأكيد كذلك .. ذلك أفضل بكثير --- بل ويليق بك كثيرا ---- من المعني السخيف الذي ترسخ عندي من مداخلتك الاولى او التانية يا ابابكر .. يا زول انت عندنا اكبر بي كتير من التماهي و"الحربنة" و الانتهاز البذيء والاصطفاف الانديسنت مع كلام بريمة الاعوج ده ..
معقولة يا ابوبكر ياخ .. كلام بريمة ده والله "حنكوش" ما يقولو .. حنكوش من فصيلة "شهادة عربية" امو على ابوهو كيزان ولم يتجاوز التاسعة من عمرو وما زار السودان نهائي وقاعد في عزلة اجتماعية شاهقة في مجمع نائي في وسط الجزيرة العربية ما يقولوا !! ولو قالو اعوج منو والله .. ناهيك عن زول يدعي فروسية اهلنا المسيرية !!!!
معقولة بس يا ابوبكر .. وصلت مرحلة بيصرف كم في الشهر !!!!!!
Post: #106 Title: Re: محمد يسن خليفة .. محاضر بجامعة هارفرد .. ويد Author: منتصر صلاح Date: 02-25-2016, 06:41 PM Parent: #105
بريمةانتا في اعظم دولة بس البشوف طريقة تفكيرك بقول انك عايش في الحدود الصومالية الكينية اختشي يا بريمة اختشي
Post: #107 Title: Re: محمد يسن خليفة .. محاضر بجامعة هارفرد .. ويد Author: محمد حيدر المشرف Date: 02-25-2016, 06:53 PM Parent: #1
لفت انتباهي مداخلة جميلة جدا من الاخ حافظ الامام "نواحي الفيسبوك" .. وتقييم (جميلة جدا) مقروء مع مستوى الخلاف الفكري والسياسي بين الناس ... "هذا لو كان حافظ الامام هو حافظ الامام الذي اتذكر" .. هكذا "الاصول" يا حافظ ..
وعموما هي جميلة من دون ذلك ..
Quote: حافظ الإمام محي الدين · كالغاري تقديم ممتاز لنفسه، لا غبار علي إختياره للحمار كحيوان مفضل لأن الصوره السلبيه للحمار موجوده فقط عندنا كسودانين وبعض العرب. إنها سيره ذاتيه تعتبر أكثر من ممتازه لمهاجر أو لاجئ كما يحلو له ولكن الأهم من ذلك أنها شخصيه لا دخل لنا بها ونتمني له التوفيق. كل ما يهمنا تقييم كتاباته هنا وإبداء آراءنا فيها فإن أحسن فنقول له أحسنت وإن أساء نقول له أسأت لايهمنا حتي وإن أساء لوالدينا كما يفعل كلما تعرض لنقد. كذلك له كل الحق في تقييم كتاباتنا حتي وإن كانت من علي أسفل الصفحه. لو أنفق محمد يس كل ما يملك لتلميع نفسه لما أستطاع فعل ذلك كما يفعل له بريمه في هذا البوست وأبلغ ردوده الصمت لأنه لوحاول كتابة أي شئ لنسف الصوره الجميله التي رسمها له بريمه كما في تعليقه هذا في مداخلته الوحيده(وإتا البيوديك لغاية هارفارد شنو بلسانك المعووج خلاقة ده؟).
Post: #108 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-25-2016, 09:11 PM Parent: #107
كتب ناصر جامع:
Quote: اها لو عندك تخريج تاني للقصة، نورنا، ينور الله ايامك
ناصر..حبابك يا صديقي..
كتر خيرك على السؤال..
اها عشان القراية الفط سطرية وحذف الحقائق بصورة رغائبية ترضي اغراض الفاطين للحاجات.. عشان السلوك ده قلنا الناس بتعرف الدغمسة ..وانتا هنا خير مثال..
يعني يا ناصر فاكر القارئ ما ح يتساءل ليه بريمة بيقول لمحمد يسن كده؟..
نفس البوست الجبت الرابط بتاعو..بريمة كتب تلاتة مداخلات (ما شتم زول ولا شخصن الحاجات) وكان بيتساءل اشمعنا انو الناس انفعلت بموت عوضية ولم تنفعل بموت اهالي جبال النوبة سواءا موت برصاص الحكومة أو رصاص الحركة الشعبية..اول من تداخل هو الباقر موسى وليس من اجل احقاق الحق ، وانما جابتو سنارة (جيش الحركة الشعبية)..يعني الناس دي مفاتيحها معروفة ، قول بغم في الحركة الشعبية وهنا بتكون هبشتهم..المهم..
هذه هي اول مداخلة لمحمد يس (ترتيبها الخامسة ، ثلاثة مداخلات لبريمة ،الرابعة للباقر) ، وكتب يقول:
Quote: أستاذنا الباقر.. تحياتي
هذا الجنجويدي المختبئ برستون فيرجينيا هو مجرد أداة لنقل المقلوب عليه. هو آلة لا تحس ولا تقيم ولا تفكر.. آلة مجردة لا ترف الحياء أو الخجل.
دُمُوك.. متحجر في عهد الظلام.
مشكلتو إنه مفتكر إنو دي متاجرة.. وهو لا يدري أن هناك من يتاجر به!
بالله عليك أسأله وقول ليهو آخر مرة مشيت الجبال دي متين؟
بنفس منطقك يا ناصر بتاع جلب الشواهد لدعم حجتك.. اهو الخيط الجبتو قدامك..
محمد يس بادر بالكلام الفارغ:
اولا: وصف بريمة بالجنجويد ثانيا:وصف بريمة بانو مختبئ ( والبقاري تصفو بأي حاجة ممكن يعديها الإ بان تصفه بانه جبان ومتدسي ) ثالثا: وصف بريمة بانو ألة (وليس بشر) لا يملك ذرة شعور ولا يملك قيم ولا يملك قدرة على التفكير ولا يعرف الحياء والإحساس
رابعا: وصف بريمة بانه (دموك) فهل بتعرف معنى دموك يا ناصر؟..وهل بتعرف دلالتها شنو في ثقافة المجتمعات الرعوية التي ينحدر منها بريمة؟ خامسا: وصف بريمة بانو زول اضينة ساكت وما عارف انو في ناس بتاجر بيهو وما جايب خبر سادسا: بيتهم بريمة بانو ما بيعرف عن الجبال أيتها حاجة وانو حنكوش قاعد في خلاء الترطيبة وبيتكلم عن القضايا ، يعني زول لا يعتدى بشهادته..
وفي النقطة الأخيرة تساءل محمد يسن انو بريمة اخر مرة مشى الجبال متين.. وبريمة فتح البوست في مارس 2012 وكان تذاكرو جاهزة ومشي الجبال بعد شهرين من تاريخو..يعني في يوليو 2012 بريمة كان حايم في الكراكير..فهل رأي محمد يس جبال النوبة في كل حياتو؟..ولا ديك ما فيها لغات حية عشان يجي يباهي بيها عشان كده بتكون عندو مجرد معلومات لخدمة اغراضو..
بريمة لم يبدأ بالشتيمة في البوست الذي جلبت رابطه يا ناصر ، وانما محمد يس هو من بدأ بالكلام الفارغ ، وبريمة كان في حالة رد ودفاع..!
طبعا ح تجي ناس وتدغمس وتقول ليك ليه بريمة ما اتجاوز عن سفاهة محمد يسن..؟ لكن ليه بريمة دايما هو الخطأ والذي يحتاج الى اصلاح؟..
منذ تلك اللحظة بدأت الملاحقات والمتابعات..ولو الناس عندها ضمائر كان الأفضل ان تشوف منو البدأ الكلام الفارغ وتنصحو بدل تقعد تنافق وتطبطب على الأشياء..
وهسع ده يا ناصر اهو انت جبت رابط البوست السابق الذي يوضح شتارة محمد يس..ومافي واحد هنا ح يكون شجاع ويقول محمد يس هو من بادر بالكلام الشر..!
زول يبدا بالفارغة وبرضو الناس تجي تنيص وتتباكي؟
هذا البوست فيهو تأديب لخلق كتيرة يا ناصر..واولهم محمد الذي سيدخل في محنة الموازنة بين الأشياء ، وبعد داك الناس البتطبطب هنا وبتعمل نايمة من شتائم محمد ومباداراته بالشر..وبعد ده أي زول لو سكت عن سفاهة محمد يس يكون منافق بالباب العديل ولا يملك ذرة ضمير..شفتا اللعب ده كيف؟..
ودمت..
كبر
Post: #109 Title: Re: محمد يسن خليفة .. محاضر بجامعة هارفرد .. ويد Author: يحي قباني Date: 02-25-2016, 09:25 PM Parent: #108
Quote: محمد يس بادر بالكلام الفارغ:
أولا التحية للجميل محمد يس خليفة ... اهل لما هو به ...
عزيزي الصديق كبر ...
اخترت الاقتباس أعلاه من بين كل الردود ...
عيب كبير ان ( يعاير ) اخونا بريمة الأخ محمد خليفه بمرتب او بي شنب محلوق ...
فياما رجال لها شنبات و ذقون يخرج منهم العيب أطنان ...
الموقف ليس موقف من بادر بقول او غيره ...
بريمة قادر ان يرد الصاع صاعين ...
بريمة اتى بمؤهلات كنا نجهلها عن محمد يس و الرجل لم ( يتبوبر ) بها يوما من الأيام ...
و حاول بريمة تبخيسها ...
اما ربط استاذيته بان استخدم كلمات غير لائقة ... فمحمد يس لا يدرس مكارم الأخلاق ...
و قال انا ادرس العربية السودانية ...
عزيزي كبر ... ليتك تكون عادلاً في وقف هذا البوست المهين بدلا من تشجيع اخونا بريمة على العوج ...
Post: #110 Title: Re: محمد يسن خليفة .. محاضر بجامعة هارفرد .. ويد Author: محمد البشرى الخضر Date: 02-25-2016, 10:18 PM Parent: #109
البوست دا ذكرني حالة شبيهه لبوردابي كان يكتب باسم زول ابن زول كان مصنف - عند المصنفاتية - بانو كوز وعنصري و ما شابه, ليه لأنو كان بحاجج ويشاتم و يمارس أمور المنابر المعتادة يوما ما كتب احدهم بوست عن سوداني بوردابي بروف كبير و يعتبر احد علماء ناسا وصاحب دور مهم في برامجها طلع ياهو زاتو زول ابن زول المصنف عنصري وكوز ..إلخ طبعا صبت مطرة في الناس الكان بعتبروه متخلف ومتشدد و كوز ووهابي و بتاع مرة تانية اذكر وفي خضم مناقرات عنيفة مع محمد سليمان و كانت مدورة ايامها قصة انه كان احد الكيزان بداية الإنقاذ و استفاد منها و عندو شغل في سوق ليبيا وهاجر بعد المفاصلة وما ادراك محمد سليمان لم يهتم بنفي الترهات دي فرسخت في اذهان من لا يعرفه, ثم ما مذكر كيف جات السيرة اتضح ان محمد سليمان احد متعهدي برامج ناسا الخاصة بالمريخ - لا اذكر التفاصيل بالضبط وانه هاجر من السودان قبل مجيئ الإنقاذ أصلا! و تاني صبت مطرة في الناس الكانت بتكرر في الاشاعات عنه. بريمة الآن جاء بسيرة محمد ياسين عايز يعايره بيها بفهم غريب جدا, وكون صاحب السيرة المتواضعة دي - حسب فهم بريمة - ليه يتعالى و يكتب بغرور و هو مجرد - يا للعجب - محاضر في هارفارد !! ثم حاول يصلحها بانه شتم وفعل وترك في المنبر و الناس الجات تحييه وتبدي اعجابها بيه منافقين وكساري تلج!! يا شيخ الله يهدينا ويهديك دا براه ودا براه انتقاد كتابة يوزر نيم أو الاعجاب بها او التغاضي عنها دا موضوع لا علاقة له بشخصية الكاتب الحقيقية و رأي الناس فيها لو كانت الكتابة في المنبر دا بمجرد معرفات لا تشير لشخصية الكاتب الحقيقية هل كنا سنقرأ مثل هذه البوستات؟
ثم يا بريمة كلو كوم وكونك امريكي كامل الدسم تتحدث عن عبق الديمقراطية و التجربة الامريكية باعجاب و في نفس الوقت تعاير بحلاقة الشنب دي بالغت فيها في مثل ما متذكره عن انك ممكن تمرق الزول من تكساس لكن ما بتقدر تمرق تكساس منه او حاجة قريبة من كدا
Post: #111 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 11:03 PM Parent: #109
ول أبا كبر،
سلامات .. أنت وول أبا أبو بكر .. ذي ما يقول أهلنا البقارة .. ملصت ليكم النعال .. أنتم الوحيدين الناقشين أنا بسوي فى شنو فى هذا البوست؟ .. وأتمنى أن لا أكون طلعت العالي شديد بناس تانين أمثال العبار دينق وأخرين .. وهذا البوست سوف يثمر ثماره وحتى لو بعد حين ..
وجاييكم للغريق ..
بريمة
Post: #112 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 11:20 PM Parent: #111
طيب يا أخوانا خلونى أنا .. زول سجمان ورمدان .. ويتعامل بالعين بالعين والسن بالسن والجروح قصاص ..
تعالوا شوفوا محمد يسن أستاذكم .. أ، ب، ت، ث .. يقول فى الأخ العزيز محمد مجيدو
Post: #116 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 11:35 PM Parent: #114
ونواصل مع مواخير أستاذكم .. محمد يسن
Quote: كدي شوف الساقط منو والمنحط منو في البوست ده...
يردوهو ليك بالتلاتة في الحفر التلاتة يا سـفيه يا ود أمبارح...
أنا جاهل وأحمد ربي... العيب في كُبر الجهال!
ويدوروك وإنتا من فوق لتحت الأسياد وتوابعهم... لامن تقول أح! وكان غلبك قول أح.... حاحاية تطمم بطنك وتسبب ليك إسهال.
إلا السقوط ده ما ببراك... بعنصريتك أم ريحة ترمي الصقر... أما الإنحطاط خليناهو ليك طالما ما عاوز تفحط... والنخليك تنطط!
قالوا ليك ورينا مؤخرتك وسريعاً هرول غير مأسوف عليك... البيجيبك للمساسكة بها شنو؟ عامل عنتر ولا ملوّح؟
زول عديم النخوة.... من بعدها شن فايدتك؟
أخجل ثم أخجل ثم أخجل... قبل ما الناس تخجل ليك!
لا حول ولا قوة إلا بالله ..
بريمة
Post: #115 Title: Re: محمد يسن خليفة .. محاضر بجامعة هارفرد .. ويد Author: يحي قباني Date: 02-25-2016, 11:34 PM Parent: #113
انت يا بريمة يا صديقي ...
قصتك الأولى نفست ...
داير تحول البوست انو محمد يس خليفة بيستخدم كلمات خارجة ؟ قول كده و انحنا معاك ...
طيب ما انت ما بتقصر ... المشكلة وين؟ و انت رجل شغال برضه في وظيفة محترمة ...
اما التلافظ و علاقته بوظيفته ... فهو ما قاعد يدرس دين ...
وهو حر لو تقبل نفسه انه يستخدم لفظ خارج او غيره ...
غير كده ... بوست و طلع آوت ما فوقها حاجة ... تحصل في احسن البوستات ...
وعلى قولة كابتن محمد لطيف: و نقول لبريمة ( هارد لك )
Post: #117 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 11:44 PM Parent: #115
Quote: غير كده ... بوست و طلع آوت ما فوقها حاجة ... تحصل في احسن البوستات ...
يحي يا حبيب، أنتظر .. أنتظر .. أخوك نفسه طويييل سلبة .. حتى هذه اللحظة .. أنا لم أكتب شيئ .. نقلت الجزء الأول .. وقلت ليكم أنتهى نقلي عن برنامج اللغات الأفريقية فى جامعة هارفرد .. و وأنتقلت ليكم للجزء الثانى .. وهو ما يمثل شخصية محمد يسن هنا في المنبر ..
هناك ناس أكتفت بالمعلومة أن محمد يسن يشتغل فى جامعة هارفرد وهللت وكبرت .. ولعلنت سلسفيل البريمة .. ومشت مقتنعة بموقفها .. وما قلت ليهم بغم ..
الجزء الثانى .. يبدو عليه بقي صعب شوية .. وأنا قربت نكمل النقل فيه .. أصبر ..
وفى الجزء الثالث .. جاييكم لتحليل شخصية محمد يسن .. علي ضوء الجزئين السابقين .. وأوعدكم ح تعرفوا حاجات ما كنتم عارفنها ..
stay tune يا يحيي ..
بريمة
Post: #118 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-25-2016, 11:52 PM Parent: #117
ومحمد يسن يقبل علي جلالدونا ..
Quote: شوف يا واطـي... إنتا الظاهر عايز خابور ماكن مني!
بس ما حتلقاهو.... يا شاطر.
أنا لسع لساني ما إتعوج معاك... والله يستر عليك من عوجة لساني! وكان ما عارف أعرف... فلساني عفن بسببو فخليهو بيعد منك...
وربنا يسألك ضميرك مشى وين لامن قالوا ليك أدينا عرض أكتافك؟ وكان سألك ربي الجابك البوست ده شنو؟ تقول ليهو منو؟
ما ظنيت في عنصري نتن متلك عندو ضمير أو أخلاق!
يلا يا ولد... أمشى ألعب بالبيضة والحجر بهناك يا سفيه... فالضرب على الميت حرام.... حتى لو أدمنت الأيلام!
أمشي شوف ليك شافع متك تشيلو ويشيلك يا منـحط!
وأجري شوف ليك مصاصة حك بيها،،،،
لا إله إلا الله .. أمنت بالله رباً وبمحمد نبياً .. العياز بالله .. من الخزلان فى الكبر ..
بريمة
Post: #119 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-26-2016, 00:17 AM Parent: #118
وهنا أستاذكم يسب دين لزميل فى المنبر فى حوار عام ..
Quote: دينك ودين أمك ودين أبوك يا عاهر!
والله ما قادر أجيب بقية الكلام .. وهناك عشرة مداخلات فيها ما فيها من سب الدين .. قزف الأمهات بأقزع الأفلاظ
والله حمار شيخي وقف تب فى العقبة .. ولم أتخيل أن الحوار يصل لهذه الدرجة ..
الله لا تحاسبنا بما فعل السفهاء منا ..
والله المستعان ..
ما قاله أستاذكم .. فى حق الأخوان مجيدو، وجلالدونا ووائل حمزة .. وسكتوا عليه سوف يجيزهم الله به خيراً فى الدنيا والأخرة .. فهم من الذين يقول فيهم الله .. والذين إذا مروا باللغو مروا كراماً .. وإذا خاطبهم الجاهلون قالوا سلاما .. فبشري لكم .. وبالجد هذا درس لنا جميعاً .. لقد سموتم سمواً كبيرا ..
لكن أنا أقرأ القرآن من باب أيات الأذن بالأذن و السن بالسن .. والجروح قصاص ..
بريمة
Post: #121 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-26-2016, 00:24 AM Parent: #119
من هنا نبدأ معكم فى الجزء الثالث ..
تحليل الشخصتين: شخصية الأستاذ فى جامعة هارفرد العريقة .. وشخصية ساب الدين وساب الوالدين فى منبرنا العامر هنا ..
وفوق ذلك .. قراءتى حوال المجتمعين: المجتمع الأمريكي الذي خاطبة زملينا محمد يسن بنبرة الأستاذية والمكانة المرموقة .. والمجتمع السودانى الذي خاطبه محمد بالسفاهة والتفاهات المملة ..
وإلي مضابط الحوار ..
بريمة
Post: #120 Title: Re: محمد يسن خليفة .. محاضر بجامعة هارفرد .. ويد Author: جلالدونا Date: 02-26-2016, 00:21 AM Parent: #118
يا بريمة ليه عاوز تحرمنى من الشرف الباذخ ده يااخ التلاتة مداخلات الاخيرة دى تخصنى يااخ هو انا لاقى يشتمنى محاضر فى هارقارد ____ قلناها و بالواضح كده حكاية اى جهة امريكية تستعين بأى انسان له المعرفة الكافية لاى برنامج يخصها امر طبيعى لا يستلفت النظر و الحكاية دى عندى معاها تجربة اسرية يعنى ما سمع واعرف الكثيرين شغالين مدرسين لغة عربية و الشرط لهذه الوظيفة انك تجيد اللغة الانجليزية قراءة و كتابة و بس و كم و كمين اشتغلو مع الجيش الامريكى كمترجمين ابان حربى الخليج الاولى و التانية بنفس الشرط دى الحقيقة و العاوز يعتبرا حقد او حسد على كيفو .. بس كل حاجة و لا النفخة الكدابة
Post: #123 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-26-2016, 00:59 AM Parent: #120
أول شيئ لفت نظري عن الأستاذ الجامعي فى أمريكا .. حينما كنت طالب ماجستير فى هندسة البرمجة فى الجامعة .. كانت لدينا بروفسير أمرأة كبيرة السن .. تسمى بروفسير "قرين" .. بروفسير اللخضر .. بلغتنا .. وهى يهودية الأصل .. وكانت تدرسنا حاجة عضم شديد .. تسمى علم المنطق الرقمي .. Discrete Logic .. ذات يوم أدتنا عمل منزلي Homework .. مكون من مسألتين فقط .. ونحن لم نعرف أن إحد المسألتين الأستاذ الوحيد الحلاها هو أينشتاين، عالم النسبية المعروف .. تخيلوا! .. طلبة فى ماجستير وتجيب لينا مسألة حلاها أكبر علماء الدنيا فى الفيزياء .. كلنا حلينا المسألة الأخري .. أما بتاعت إينشتاين وقف فيها حمار شيخنا تب .. وأنا جيت بحجة أن المعطيات لا تقود إلي حل مقنع .. أوقفتنى قدام الفصل .. وأمسكتنى بالطباشير لكي أشرح لماذا لا تقود المعطيات إلي نتائح سليمة .. فكتبت المعطيات وعلي ضوءها بنيت الأفتراضات .. أقتنعت الأستاذة بأنى مشيت فى البرهان بصورة سليمة .. لكن نقصنى أفتراض واحد فقط .. قامت أدتنى النتيجة كاملة ..
لكن البروفسيرة .. دقست .. قالت المسألة لم يحلها إلا إينشتاين .. وحتى هي م تصل للحلول بعد ..! .. فى تلك اللحظة هاج الفصل وماج .. وأنا سمعت ألفاظ بذيعة فى حق البروفسيرة .. وكانت بصورة سافرة جداً .. منهم من قال إنها إمرة مخرفة ويجب أن تذهب إلي Jewish Temple .. تقول بخطرفاتها دي هناك .. وهنا من ترك المحاضرة وذهب .. وهناك من سباها بزيها .. وزيها زي شين خلاص .. فهى تلبس بجامات وتشحو فنيلتها بداخلها .. فتتنبل المبلابس علي خاصرتها هنا وهناك .. ولا تتوانى فى أن تحشر إيديها داخل بجامتها لكي تصلح الفنيلة التى تحشوها تحت بجامتها .. والله بهذه الطريقة ..
لكن ما يحمد لبروفسير قرين .. أنها لا تحابي أبيض أو أسود .. رجل أو إمرأة .. كبير أو صغير .. كلهم فى نظرها سواسية .. ودرستنا بإتقان العالم .. وبتفانى منقطع النظير ..
فى نهاية العام جابت لينا فورمات .. لكي نقيموا أداءها كأستاذة جامعية .. أنا أديتها أعلي درجة .. وفى ناس تانين أدوها صفر من عشرة وقالوا لاتصلح لمهة التدريس شوفوا لها جهة أخري .. والمجموعة التى كتبت عنها تقرير قبيح عدد كبير وقالوا تخلصنا منها وإلي الأبد كأستاذة جامعية ...
فى العام المقبل لقينا البروفسيرة قاعدة .. ح تدرسنا تانى مادة الحساب الرقمي .. Discrete Math .. يا زول أه البقعد للمجنونة دي مينو؟ .. نحن أربعة ذهبنا جامعة جورج واشنطن وأخذنا نفس المادة هناك .. وهناك مجموعة ذهبت جامعة جورج ميسون .. ومجموعة عملت drop للمادة .. خلصنا منها نجيا ..
أخوكم محمد يسن يعرف أكل عشية مربوط بهؤلاء الطلاب الذين يتدهنس لهم فى الفيديو .. البسمات التى يوزعها مثل أم العروس وراءها سر .. وهي نهاية العام فيها فورمات تقييم أداء الأستاذ الجامعى .. ولو لم يجتازها بمعدل أخلاقي لائق سوف يذهب مهب الريح ذي ما تركنا بروفسير قرين خشمها ملح ملح ..
بريمة
Post: #122 Title: Re: محمد يسن خليفة .. محاضر بجامعة هارفرد .. ويد Author: منتصر صلاح Date: 02-26-2016, 00:28 AM Parent: #118
Post: #124 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-26-2016, 01:53 AM Parent: #122
نديكم مثال تانى عشان تعرفوا كيف يفقد الأستاذ الجامعى وظيفته ..
فى جامعة جورج واشنطن .. درسنا أستاذ صربي .. رجل عالم بحق وحقيقة .. درسنا مادة من أصعب مواد هندسة البرمجة وهى مادة ال Cryptology .. علم التشفير .. لكن الحق يقال البروفسير درسنا دراسة شيقة لأبعد الحدود ..
لكن فى الجانب العملي عصرنا عصر الجن .. قال لينا نتكبوا برنامج يذهب ويدخل فى أي كمبيوتر ويسرق ال security settings .. لاحظوا مش نمش ونفتح ثغرة فى الكمبيوتر بل نقوم بسرقة طريقة التأمين .. وليس من كمبيوتر واحد بل كمبيوتر الأول والثانى والثالث .. وإلي الاخر .. وحينما يرجع البرنامج مفروض يجيك بتعريف كامل للكمبيوتر والأجهزة والأنظمة .. أجتهدنا إجتهاد منقطع النظير ..
لكن المشكلة كلما نجمع من حاجات فى نهاية المضاف يفقدها برنامجنا .. يعنى نخترق الكمبيوتر الأول والثاني والثالث وإلي الأخر .. لكن بقجتنا بتروح حينما البرنامج يعمل ليها zipping .. ذهبت أنا ومعى شاب هندي مسلم أسمه إسحاق .. وقلنا للدكتور نجحنا فى البرنامج وأخترقنا الكمبيوترات لكن قاعدين نفقدوا ال zip file .. نفس المشكلة حصلت لكل الطلاب .. زول قدر يجئ ببقجة مليانه مافي .. حمار شيخنا تب وقف .. ونحن قاب قوسين أو أدنى من الرسوب فى الجانب العملي .. كل الفصل .. قلت لأسحاق موت الكتيرة عرس وقلت ليه لو البروف رسب كل الفصل دا معناها فشل منه لم يوص المادة .. المشكلة الما عرفناها البروفسير كاتب برنامج Daemon يمنع أي zip file يتعمل فى الكمبيوتر .. طوالي يقوم يعمل delete للفايل .. وخلاص الزمن ضايقنا .. أنا وأسحاق قعدنا فى البرنامج من يوم الجمعة والسبت والأحد ... ثلاثة أيام بلياليها .. أنا لما نجئ قايم من الكرسي لما نأخذ لي وقعة وقعتين من الدوخة .. أخيراً نحجنا فى نقل المعلومات فى شكل "بايت" .. ودا الحل العايزه البروفسير .. بقيت الفصل دق الدلجة ..
فى نهاية العام .. جاب لينا البروفسير الفورمات بتاعت التقييم .. وهل تصدقوا كتبنا عنه ربما كلنا فى الفصل تقرير فى غاية السوء .. وأنا وأسحاق رغم أنه نجحنا وبتفوق برضو كتبنا عنه بسوء شديد إنتقاماً للسواهو فينا .. قلت لصحبي عندنا مثل فى السودان بقول "التسوي كريت فى القرض تلقاه فى جليدتا، عمك الصربي يأكل جازه معنا" ..
نرجع ليكم تانى لزولكم محمد يسن .. من جانب يسب الدين وفي جانب أخر يوزع البسمات مثل أم العروس .. وقالوا نبيح الكـلب خوفاً علي ضنبه!
بريمة
Post: #125 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-26-2016, 02:10 AM Parent: #124
نديكم مثال ثالث .. ونوريكم فيه تدخل الأباء والأمهات فى تقييم الأستاذ ..
برفسير فى الجامعة يدرس مادة فى السيكلوجي .. يدرس فيها سكلوجيا الجنس والإثارة الجنسية .. فى أثناء المحاضرة خرجت طالبة مستعجلة من المحاضرة .. بصورة لفتت أنتباه الطلاب والبروف، فعلق البروف علي خروجها قائلاً .. ربما جاءتها حالة إثارة ..! .. الكلام وصل البنت .. والبنت كلمت والديها .. والوالدين عملوا ليك حملة تنوير لأباء الطلاب عن ما يدرسونه لأبناءهم فى الجامعة .. زحف الأباء بعدد كبير للجامعة لمواجهة الأستاذ .. وهناك تتدخل الجامعة ينتهى الخلاف بطرد الأستاذ شر طرده ..
دي يا أخوانا .. سلوكنا كطلاب وأباء فى الغرب .. والله الأستاذ يدخل فى أظافرة لو حاول التقليل أو الأستهتار بالطلاب .. وصاحبكم محمد يسن يعرف ذلك ويتأدب غصباً عنه ..
الأمثلة فى هذا الجانب كتيرة كترة ما تدي الواحد الدرب ..
ما رأيتموه فى الفيديو سلوك مفروض فرض علي هذا الذي يسب الدين .. وهل فى زول يسب الدين عنده أخلاق!
بريمة
Post: #126 Title: Re: محمد يسن خليفة .. محاضر بجامعة هارفرد .. ويد Author: Ridhaa Date: 02-26-2016, 02:52 AM Parent: #125
أخي بريمة ......سلام رجاء وليس أمرا أن تحذف البوست ......هذه الأشياء تولد الضغائن والأحقاد بين الناس وكل يريد أن ينتصر لنفسه وأن يكسب المعركة ....... هذه الدنيا لا تسوى شئ ......كان معنا في هذا المنبر أخوة لنا زاملناهم لسنين طويلة ولكن فجأة رحلوا لدار البقاء فلنتذكرهم........ سنلحقهم بهم أيضا في يوم ما .......هل تذكرنا هذه اللحظة ...وكل مانكتبه هنا سيظل ذكرى خالدة مابقية الحياة ........ لذلك أتمنى أن نبعد عن المشاحنات والكتابات التي تمس الغير فلسنا وصايا على أحد لأن هنالك رب ولديه صحف مسجل فيها كل مانقوله أو نكتبه ....أتمنى أن ننأى جميعا عن كل مايسئ أو يمس الغير وأن ننشغل بهمومنا فهي تكفي ....!!! أخي بريمة .......أكتب عن تراث البقارة وأتحفنا بتلك اللوحات الجميلة عن بلادنا ..... لك وللأخ محمد يس ودالخليفة وللأخوة المتداخلين كل الأحترام والتقدير ....... وأتمنى أن تحذف هذا البوست .......ودام الود والأحترام بين الجميع ......
Post: #127 Title: Re: محمد يسن خليفة .. محاضر بجامعة هارفرد .. ويد Author: محمد البشرى الخضر Date: 02-26-2016, 05:25 AM Parent: #126
Quote: أنتظر .. أنتظر .. أخوك نفسه طويييل سلبة .. حتى هذه اللحظة .. أنا لم أكتب شيئ .. نقلت الجزء الأول .. وقلت ليكم أنتهى نقلي عن برنامج اللغات الأفريقية فى جامعة هارفرد .. و وأنتقلت ليكم للجزء الثانى .. وهو ما يمثل شخصية محمد يسن هنا في المنبر
يا راجل!! لم نقل شيئ
للتذكير
Quote: محمد يس .. سالي ضنبه علي أي إنسان هنا فى المنبر .. لأنه بدّرس فى هارفرد .. صاحبك عامل فيها الدنيا ما فيك إلا أنا .. وكل مؤهلاته التحدث بالسودانية بطلاقة ..
في أمريكا .. الذين يدرسون بالجامعات هم أكاديميين من درجة ثانية .. هم ناس B Grade .. وهم أقل ماهية من نظرائهم فى القطاع الخاص .. ومع ذلك تعال شوف نفش الريش والبهلوانات والأبهة بتاعت محاضر فى جامعة هارفرد .. متوسط ماهية الأستاذ فى الدرسات الأفريقية لا يزيد عن 76 ألف دولار فى العام لما يشيلوا منك الضرائب والتأمين وغيرها يخلوا الواحد تحت حد الفقر فى الولايات المتحده. ودي ليس مشكلتى .. قضيتى أن محمد يس .. يجعل من نفسه أبهة وهيلامانة .. وهو متواضع أكاديمياً وسياسياً
أنت قلت كل شيئ وخاصة مسألة انو سالي ضنبه بسبب تدريسه في هارفارد وحاولت تبخس من الحتة دي ومن مؤهلاته ولمّا تضح ليك كم منطقك عاضي وليس في صالح طرحك عايز تغيّر المكنة و تتحدث عن شخصيته المنبرية التي لا تشبه أو تناسب مدرّس جامعي انت ما قلت متواضع اكاديما وسياسيا ! يبقى مستغرب ليه في السلوك المنبري لشخص وصفته بالتواضع
العب غيرها يا بريمة, دا بوست زي ما بقولوا ناس الكورة لمّا يترشوا يقول ليك مباراة للنسيان, اسي بالنسبة ليك دا بوست للنسيان :)
Post: #128 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-26-2016, 09:05 AM Parent: #127
العبار بريمة بلل.
كلامك خارم بارم ساكت.
يا بريمة.
هنالك عدد كبير من السياسين والدبلوماسيين عندما يتقاعدون يلجأئون الى التدريس في الجامعات الأمريكية المختلفة.
هل هم كانوا أيضا غير متفوقين أكاديميا يا بريمة؟؟
لو عاوز ممكن أرص لك أسماء كثيرة جدا.
Post: #129 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-26-2016, 09:52 AM Parent: #127
ول ابا محمد حمزة الحسين..حبابك يا صديقي
كتر خيرك على المفاكرة..
والدغمسة هنا مستمرة يا صاحب..والناس بتحاول تطايب الخليفة..وبتحاول تغض الطرف عن الحاجات الكعبة السواها في المنبر ده..!
عارف يا محمد حمزة ..البوست ده اداني انطباع ما لذيذ خالص..
يعني تكون شريف او من تركة الأشراف..فانت لا مؤاخذ..تسب دين ، تسب الناس ، تسخر منهم وتستهر بيهم..مافي واحد بيتجرأ ويقول ليك اعتذر أو انت غلطان يا الشريف..وده كلو الناس ما بتشوفوا وبتكون دايرينك تشوف فقط حكاية هارفارد ولا شنو كده ما عارف..!
شفتا خصلة التستر المستمر دي ، والتبرير المستمر دي..عوجة كبيرة خلاص..!
غايتو يا صديقي نحن رعاوية وعيال خلا ساكت.. ما عندنا سيد الإ الله الخلقنا وطلقنا ده..والأعور بنقول ليهو اعور..يقبل أو ما يقبل..!
كتر خيرك يا محمد حمزة..
كبر
Post: #130 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-26-2016, 09:53 AM Parent: #129
ول ابا ابوبكر عباس..حبابك يا صديقي
الحال مايل شديد يا ول ابا..
جيد انك ذكرت حكاية الإستخبارات والمخابرات وشنو كده ما عارف..!
البرامج دي يا ابوبكر زي حكاية (شعبة القبائل) بتاعة جهاز الأمن الوطني بتاع ناس امسودان..والخليفة نفسو..قبل كده ربط حكاية اللغات السودانية بموضوع المدعي الدولي العام اكامبو ..والشغلانة (بتاعة ضرورة تعلم اللغات السودانية) ظهرت اكتر مع حكاية دارفور (عشان كده محمد سليمان جا وقدم فروض الطاعة لأنو القصة عندو بتعني خدمات جليلة ناس امسودان ما شايفنها)..!!
تدريس اللغة العربية أو اللغات السودانية في هارفارد لا يخلو من خباثة البتة..!
نعم كان الإحتفال ح يكون برئ للغاية..ولكن تدافع الناس بالمناكب جاب اثر سلبي..و بعد شوية كلهم ح يعضوا اصابع الندم..!
ودمت.. كبر
Post: #131 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-26-2016, 09:57 AM Parent: #130
ول ابا يحي قباني..حبابك يا صديقي
انت قلت:
Quote: عيب كبير ان ( يعاير ) اخونا بريمة الأخ محمد خليفه بمرتب او بي شنب محلوق ...
والعيب الأكبر يا يحي لمن يجي محمد يس الخليفة ويبتز بريمة في هذا المنبر ويفتري ويقول على وجه الملأ بانه ذات يوم كان ناوي يشكي بريمة لإدارة الهجرة الأمريكية عشان ترجع بريمة السودان ، ولكن دينق منعه من ذلك..ولا الكلام ده ما وقع في عينك يا يحي؟..ناهيك عن هجايص محمد يس الذي هددني بانه يعرف طريق القتلة الماجورين الذين يمكن أن يرسلهم لي مكان ليسيحوا دمي..!!..اشمعنا بريمة عيب ، والشريف الخليفة محمد يس الخليفة عدل وكلام صاح؟..
انت قلت:
Quote: اما ربط استاذيته بان استخدم كلمات غير لائقة ... فمحمد يس لا يدرس مكارم الأخلاق ...
نعم يا صديقي ، محمد ليس نبيا ، ولكنه يعمل بجامعة محترمة مثل جامعة هارفارد..وكلامك ده يا يحي تقولو للسودانيين ، لكن لو قلتو للأمريكان..ما ح يمر عليهم مرور الكرام ، فمن يعمل بجامعة هارفارد هو مكارم الأخلاق نفسها ، ناهيك عن أن يدرسها.. لأن الجامعة عندها معاييرها وتقاليدها التي حافظت عليها لمئات السنين..!
هذه الفرضية يا صديقي ، يمكن ان تنتهي هنا ، ولكن ماذا يحدث لو قرأت جامعة هارفارد عبارات محمد يس الخليفة الحايمة في المنبر ده؟ ماذا لو قرأت تهديداته لمواطنين كل ذنبهم انهم قالوا رأي لم يعجب الشريف الخليفة محمد يس الخليفة..ولا الناس شايفة الحكاية دي بعيدة ومستحيلة؟..
انت قلت:
Quote: عزيزي كبر ... ليتك تكون عادلاً في وقف هذا البوست المهين بدلا من تشجيع اخونا بريمة على العوج ...
عشرات السنين يا صديقي ، في هذا المنبر ، وانا احاول جهدي أن اكون عادلا (ليس لإرضاء الناس ، انما لإرضاء نفسي)..واختلفت مع بريمة كثيرا ، وقاعد اوقفو في حدو ، وقاعد بيسمع كلامي..لكن عارف النتيجة شنو؟.. الناس بتفتكر انو ده حقها الطبيعي انو نتراجع ونقول الرووب ونقدم فروض الولاء والطاعة..ثم نشتم ونسحل ونقتل ونعذب ..ولا احد ينصفنا (الإ من رحم ربي ، وهم قلة قليلة للغاية)..!
ردي يا يحي الذي اقتبست منه كان موجه لصديقنا ناصر جامع ، ولم يدين احد عبارات محمد يسن الخليفة ، ولم يدين احد عبارة حسن مكاوي الذي يجعل من بريمة حيوان غير مفضل ، و لم يدين احد عبارة يوسف البشاري الذي يجرد بريمة من سودانيته..!
الشي شنو ياصديقي يا يحي؟..يعني بعض الناس هنا عندها العنصرية حاجة طبيعية وحق الهي يمكن أن تمارسها ولا تساءل عنها ، واخطأء الأخرين يرونها ويحسبونها ويتعقبونها ويسألونها ويمحصونها؟..
ماذا يحدث لو الناس خلت المكابرة الهايفة ، وقالت لمحمد يس انت اخطأت في حق بريمة ، ويطالبونه بالإعتذار وعدم شخصنة الأشياء مستقبلا؟..
وبالطبع اكون مديت رجلي اكبر من لحافي واتطاولت شديد.. لأن البعض عندهم الشريف والخليفة وسيدي ..ما بيلزمهم اعتذار..!!
ودمت طيبا يا صديقي..
كبر
Post: #132 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-26-2016, 10:14 AM Parent: #131
كتب الشبح يوسف بشاري من نافذة الفيس بووك:
Quote:
Yousif Bashari • Stratford Career Institute بدون عنصرية ولى أصدقاء كثر من الجيل الثانى والثالث من الأخوة السودانيين من أصل ( تشادى ) لكن لم أجد منهم شخص جاحد وناكر مثل ( بريمة ) للتعليم الذى ناله فى ( السودان ) والرعاية الصحية فى الزمن الجميل .. كسودانى أفتخر بوجود ( ودالخليفة) فى هارفارد ضمن لائحة ( المدرسين ) .. وأنا متأكد بأن الذى ينظف قاعات المحاضرات فى هارفارد يفتخر بذلك .. والمابتلحقو ( أجدعوا ) بحجر ..
العنصرية هينة يا الشبح يوسف بشاري..!
يعني قايل بكلامك ده ح يعطفوا عليك ويسووك (شريف) ولا (خليفة)؟..
وين يا عمك العدد تم من زمان..عشان كده امثالك مافي طريقة ليهم الإ يبقوا اشباح مرة يدافعوا عن قطيع الشمال (بمظنة السادة ترضى عليهم وتعطف) ..ومرة يجردوا السودانيين من سودانيتهم ( وبرضك بمظنة رضا السادة عنهم)..!
تشاد ما ها عيب يا يوسف يا بشاري ، لكن العيب التشوه والإحساس بالدونية..ولو طرت أو ركيت عمرك ما ح تبقى (شريف) أو (خليفة)..العدد تم يا عمك..!!
عبر عن ذاتك ساكت ..حتى ولو خانك التعبير كثيرا..!
كبر
Post: #133 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-26-2016, 10:34 AM Parent: #132
كتب المنافق محمد النور كبر:
Quote: ول ابا محمد حمزة الحسين..حبابك يا صديقي
كتر خيرك على المفاكرة..
والدغمسة هنا مستمرة يا صاحب..والناس بتحاول تطايب الخليفة..وبتحاول تغض الطرف عن الحاجات الكعبة السواها في المنبر ده..!
عارف يا محمد حمزة ..البوست ده اداني انطباع ما لذيذ خالص..
يعني تكون شريف او من تركة الأشراف..فانت لا مؤاخذ..تسب دين ، تسب الناس ، تسخر منهم وتستهر بيهم..مافي واحد بيتجرأ ويقول ليك اعتذر أو انت غلطان يا الشريف..وده كلو الناس ما بتشوفوا وبتكون دايرينك تشوف فقط حكاية هارفارد ولا شنو كده ما عارف..!
شفتا خصلة التستر المستمر دي ، والتبرير المستمر دي..عوجة كبيرة خلاص..!
غايتو يا صديقي نحن رعاوية وعيال خلا ساكت.. ما عندنا سيد الإ الله الخلقنا وطلقنا ده..والأعور بنقول ليهو اعور..يقبل أو ما يقبل..!
كتر خيرك يا محمد حمزة..
كبر
مش أنت برضك نفس الشخص الذي أساء الى أمهات بعض الناس في هذا المنبر ولا أنت زول تاني؟؟
عالم منافقة بشكل.
Post: #134 Title: Re: محمد يسن خليفة .. محاضر بجامعة هارفرد .. ويد Author: Zakaria Fadel Date: 02-26-2016, 10:35 AM Parent: #132
الأخ الكريم بريمة لا اعتقد انك محقا في إطلاق عبارة تفوق الباحثين في مؤسسات غير تعليمية على الأكاديميين في الجامعات وليتك استخدمت عبارة ( بعض ) عندها قد تكون محقا ثم ان مصطلح ( Tenured ) استخدمته الجامعات - و لا تزال - قبل مؤسسات البحث غير التعليمية ومن المعروف انه في الجامعات تعطي الجامعة Tenure track position للأفراد المتميزين حتى تحميهم من تقييم الطلاب غير المنصف احيانا ( كما اوردت انت في أمثلتك ) وياخي الكريم اتفق معك في ان بعض البرامج الأكاديمية في بعض الجامعات ليس لها البريق والتميز الذي تحظ به معظم البرامج في نفس الجامعة ولكن هذا لا يقلل أبدا من شأنها او أهميتها طالما اختارتها الجامعة الجامعة لتكون ضمن برامجها. والأخ الكريم محمد يسن لا يقلل من شأنه أبدا انه من ضمن المحاضرين في برنامج ليس له بريق و لمعان في هارفاد وحقيقة يجب ان يثمن دور محمد يسن و قدراته في الحصول على مثل هذا ال position في وقت نشهد فيه اختيار بعض الجامعات لغير السودانيين في تدريس او اجراء بحوث في مجالات سودانية بحتة.
Post: #135 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-26-2016, 11:00 AM Parent: #134
كتب بيت الأشباح دينق اخوان:
Quote: مش أنت برضك نفس الشخص الذي أساء الى أمهات بعض الناس في هذا المنبر ولا أنت زول تاني؟؟
نعم ياهو انا ذاتو..و استشهدت بشعر نجيب سرور لم انكر ولن انكر.. لكن عشان ما عندي خال في المنبر ولاني شريف أو خليفة ود خليفة.. الناس طلعتني غلط واعتذرت..ولم اتنصل مطلقا من كلامي لأن الكلام هنا مسئولية..!! هل بتقدروا انتو تقولوا لمحمد يس انك غلط؟..
واشمعنا بتسكتوا عن سفاهة محمد يس الخليفة وبتحاولوا تبرروا ليهو و تضايروا؟..
النفاق الجد لمن الواحد تكون عندو اسامي كتيرة يبدلها كما القمصان (اسم عشان يسترضي مطاوعية السعودية ، واسم عشان يسترضي ناس اوربا ، اسم عشان يسترضي ناس امريكا ، واسم عشان يسترضي سادتو الخلفاء والأشراف).. In all cases, working so hard to fit
هنا يا بيت الأشباح دينق اخوان..كلام كبير اوي اوي اوي..وانتو محتاجين ستين سنة ضوئية عشان تستوعبوا:
الكلام عن التناقض بين الأكاديمي والإنسان..
السؤال هل: تميز الفرد اكاديميا يسمح له بالإساءة للأخرين وتعدي حدود الأخلاق العامة؟.. هل تميز الفرد اكاديميا يسمح له بان يبتز الأخرين ويهددهم في حياتهم؟..
وياترى ماذا ستفعل جامعة هارفارد لو قرأت احاديث احد مدرسيها مثل كلام محمد يسن خليفة؟..
الأخلاق لا تتجزأ يا بيت الأشباح دينق اخوان..الكلام ده بتعرفوا مؤسسة عريقة زي هارفارد..!
ده شعر ما عندكم ليهو رقبة..!!
ساعدونا بالصفقة والموية الباردة..!
كبر
Post: #137 Title: Re: محمد يسن خليفة .. محاضر بجامعة هارفرد .. ويد Author: حاتم إبراهيم Date: 02-26-2016, 11:04 AM Parent: #1
Quote: تدريس اللغة العربية أو اللغات السودانية في هارفارد لا يخلو من خباثة البتة..! نعم كان الإحتفال ح يكون برئ للغاية..ولكن تدافع الناس بالمناكب جاب اثر سلبي..و بعد شوية كلهم ح يعضوا اصابع الندم..!
طيب الناس تدرس اللغات وين يا أستاذ كبر؟
يا أخ كبر، أنا من الناس المهتمين بهندسة اللغات ومعالجتها بالكمبيوتر (Natural Language Processing) ودا علم قديم ما جديد لكن اتطور بسرعة مذهلة جداً مع تطور آلات المعالجة، الكمبيوتر تحديداً.
المجتمعات الغربية تطورت بسبب المنهجية المتبعة في تناول المشاكل وتفكيكها وتحليها ومن ثم العمل على توصيفها بطريقة علمية وتدوين ذلك ثم العمل على التنقيح والمتابعة.
النموذج دا هو البميزهم عن المجتمعات الشرقية البتقع في الأخطاء المكررة وتعيد اختراع العجلة زي سلالة الفئران، بيتم اصطيادها بنفس الطريقة من قرون، ما بتتعلم.
اللغات واحدة من أنشط المجالات عند الغربيين بحكم سعيهم الدائم للمعرفة وبالضرورة المجال دا يكون حيوي ومتطور لأنه متعلق بلغات بشرية تتناسل وتختلف وتتطور وتتباين أساليب معالجاتها لاختلاف دلالاتها من مجموعات بشرية لأخرى وفي مختلف العصور.
أديك مثال: اتداخلت مرة مع مغربي وكنا بنتكلم بالفصحى، شوية سألني لهجتكم بتشبه المصريين؟ قلت ليهو أبداً وبدينا نستعرض المفردات لنكتشف إنو جغمة، غادي، شنو، وليدات، وعيال، دي كلها مفردات موجودة عندنا في الخرطوم بذات معانيها في المغرب، يعني من محلي دا أمشي مدلدل يديني وأخش السوق بتاع فاس وأطلب شاي واجدع كوعي وراء الكرسي وأناضم كأني في سعد قشرة وما حأعدم البيفهمني. نموذج تاني: يا دوب في الشهر دا حتى الناس في المنبر بدأت تسمع عن احتمال علاقة بين الإيقاع بتاع الدليب وإيقاعات غرب أفريقيا فهل دي اكتشافات؟ أبداً مجرد بحث وتنقيب في أدنى فوائده نتعرف على جيراننا وفنهم بدل الخوض في الافتراضات.
فغض النظر عن أية نوايا براغماتية لدى الطرف الآخر فانت ما معزول أو محروم من تناول اللغات في العالم بنفس الطريقة، بل متوفرة عندك أحدث ما توصلت ليه تقنيات معالجة اللغات وبالمجان، أنا من محلي دا ممكن أكلمك عن لغة الهنود الشايان أو الأباتشي لأن المعلومة متوفرة، وبنفس الطريقة ممكن يجينا طالب في معهد الدراسات الأفروأسيوية ويكلمنا عن السواحلية أو الهوسا في أدق تفاصيلها وإذا رغبنا نجيب طلاب جامعة أفريقيا في سمنارات عن اللغات دي، هل يتهمونا بمحاولة الهيمنة والتخابر والخبث؟
أمريكا بدأت تهتم بالعالم بعد الحرب العالمية الثانية ونهاية عزلتها المجيدة وبدأت تهتم بالشرق الأوسط بعد 1976 وبدأت تهتم بالمنطقة العربية تحديداً بعد حداشر سبتمبر في الإطار الانت بتلمح ليهو ودا حقيقي ومش اللغات بس بل أي شيء يرتبط بالمجتمعات وانشطتها، ومسألة التعرف على اللهجات واللغات المحلية دا جزء ضئيل جداً ضمن اهتمام قديم جداً باللغات العالمية عندهم بدأ قبل قرنين أو يزيد بما في ذلك اللغة المروية والنوبية، هل تعلم إنهم مضمنين الحروف المروية في اليونيكود وعاملين ليها معايير للكتابة وبحوث إلخ؟
نظرتنا كشرقيين للأسف قاصرة على الجانب الريبي في تناول المدركات بأنواعها، تلزمنا المبادرة وحسن الظن بدل الانكماش والتقوقع والانغلاق في انتظار تلميحات وتعليمات تأتينا من خارج القارة بنموذج الراعي والرعية.
Post: #138 Title: Re: محمد يسن خليفة .. محاضر بجامعة هارفرد .. ويد Author: Kabar Date: 02-26-2016, 11:30 AM Parent: #137
حاتم..حبابك يا صديقي
فكرة الخباثة نابعة من مقولات محمد يس خليفة ، الكان بيتضرع بانو شغلو بتاع تدريس اللغة العربية عندو علاقة بشغل المدعي العام لويس مارينو اكامبو..يعني شغل استرازق بالباب العديل..(تواضع اكاديمي وسياسي)..!
اما اللغات بصورة مجردة (وانا احب دراستها ومتابعتها ومقارنتها) في حد ذاتها لا عوج عليها البتة..
نفس المفردات التي قارنتها بالمغربية وقلت انها موجودة عندك في الخرطوم..هي موجودة في بقاع اخرى من امسودان ، والليلة دي لو جبت واحد بقاري ووديتو ارياف تونس ، ليبيا ، الجزائر ، المغرب ، الصحراء الغربية ، صعيد مصر ، السعودية ، قطر ، اليمن ..الخ ح يتواصل مع الناس زي الترتيب..!
بعض من الكاريبين كانوا بيندهشوا لمن يكتشفوا انو بعض مفراداتهم أو اسماءهم عندها تفسيرات مطابقة في لغات اخرى..
وهنا فكرة البوست الأصلية
كتب بريمة:
Quote: قضيتى أن محمد يس .. يجعل من نفسه أبهة وهيلامانة .. وهو متواضع أكاديمياً وسياسياً ..
وحتى اللحظة الناس شغالة مطايبة وحفر في الحوافي..مافي زول واحد اثبت انو محمد يس الخليفة غير متواضع: اولا: اكاديميا ثانيا: سياسيا.. وبريمة هو الزول الوحيد الشغال على اثبات فرضياتو..
بالعكس يا حاتم ، هنا نظرتنا متسقة مع السيستم المعرفي وطريقة التعامل في نورث امريكا: تبدأ ثيمة معينة تدافع عنها وتقدم الحجج عنها..المفارقة جات في المطايبة والخروج عن النص البتسوي فيهو الجماهير هنا.. سيد البوست اتهم محمد خليفة يس بانه متواضع اكاديميا وسياسيا..هل الناس بيغلبها تضحد المزاعم دي بنفس بنية الإتساق الشغال بيها بريمة في محاولة اثبات فرضياتو؟
ودمت.. كبر
Post: #139 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-26-2016, 11:44 AM Parent: #138
Quote: نعم ياهو انا ذاتو..و استشهدت بشعر نجيب سرور لم انكر ولن انكر.. لكن عشان ما عندي خال في المنبر ولاني شريف أو خليفة ود خليفة.. الناس طلعتني غلط واعتذرت..ولم اتنصل مطلقا من كلامي لأن الكلام هنا مسئولية..!! هل بتقدروا انتو تقولوا لمحمد يس انك غلط؟..
واشمعنا بتسكتوا عن سفاهة محمد يس الخليفة وبتحاولوا تبرروا ليهو و تضايروا؟..
النفاق الجد لمن الواحد تكون عندو اسامي كتيرة يبدلها كما القمصان (اسم عشان يسترضي مطاوعية السعودية ، واسم عشان يسترضي ناس اوربا ، اسم عشان يسترضي ناس امريكا ، واسم عشان يسترضي سادتو الخلفاء والأشراف).. In all cases, working so hard to fit
هنا يا بيت الأشباح دينق اخوان..كلام كبير اوي اوي اوي..وانتو محتاجين ستين سنة ضوئية عشان تستوعبوا:
الكلام عن التناقض بين الأكاديمي والإنسان..
السؤال هل: تميز الفرد اكاديميا يسمح له بالإساءة للأخرين وتعدي حدود الأخلاق العامة؟.. هل تميز الفرد اكاديميا يسمح له بان يبتز الأخرين ويهددهم في حياتهم؟..
وياترى ماذا ستفعل جامعة هارفارد لو قرأت احاديث احد مدرسيها مثل كلام محمد يسن خليفة؟..
الأخلاق لا تتجزأ يا بيت الأشباح دينق اخوان..الكلام ده بتعرفوا مؤسسة عريقة زي هارفارد..!
ده شعر ما عندكم ليهو رقبة..!!
ساعدونا بالصفقة والموية الباردة..!
كبر
أي زول من الممكن أن يستعين بشعر الشعراء لكي يشتم به الأخرين، ولا تعتقد بأن ذلك حق لك أنت لوحدك. أي زول بيتحدث عن أن هنالك من يكتب بأسمي في هذا المنبر هو شخص مأزوم ومهزوم تماما. الأخ محمد يسن خليفة لم يشتم أحد، بل كان يرد على الذين يشتمونه، هسع شوف أخوك الكاشف بريمة ده بيعمل في شنو؟ يعني شنو حالق شنو دي ، هل أنت بتقدر تفسرها لنا كردل سوداني؟؟ \ وشوف رد الأخ محمد يسن لبريمة كان شنو؟ محمد النور كبر أختشي ولو لمرة في حياتك دي.
Post: #140 Title: Re: محمد يسن خليفة .. محاضر بجامعة هارفرد .. ويد Author: محمد المسلمي Date: 02-26-2016, 11:45 AM Parent: #138
ول ابا بريمة وول ابا الحبيب كبر سلام ولعلكم بخير ماقام به بريمة من إثبات فاحش القول وسب العقيدة ووصف المخالف بأبشع الألفاظ من محمد يس الخليفة شهدنا علي قائله هنا واشهدنا بريمة عليه موثق وواضح طوال ماكتب محمد يس الخليفة هذا الكلام لم يعتذر او يحاول يغير هذا السلوك الي الان ومن هنا ادين كل ماقاله وأطالبه بالاعتذار الواضح الصريح والرجوع الي الحق مهم كان صعب
--------- اما بيت الاشباح دينق اخوان فهم من يسمونه الشريف ويصفقون له في سقوط واضح امام المتابع والقاري وأما المباركين له عليهم اعادة القراءة مرة اخري ومسح مداخلاتهم
Post: #142 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-26-2016, 12:22 PM Parent: #140
العبار دينق،
Quote: هنالك عدد كبير من السياسين والدبلوماسيين عندما يتقاعدون يلجأئون الى التدريس في الجامعات الأمريكية المختلفة.
هل هم كانوا أيضا غير متفوقين أكاديميا يا بريمة؟؟
أنت أجبت بنفسك علي سؤالك .. التقاعد! .. ومحمد يسن لم يتقاعد .. ولو كانت الجامعات هى الأفضل لهم ما كان جوها بعد التقاعد .. ولا شنو؟
وما تنسى الوطنية لدي الأمريكان .. فهم يهتمون بتوريث العلم .. وتنشأة الأجيال .. فكل ما يفعله المتقاعدون هو من جانب محاولة لإستمرار legacy بتاعتهم.
وأنا لم أقل بسوء الجامعات .. بل قلت هى من أفضل جامعات العالم .. من ناحية الأعداد والتكلنولوجيا .. ووسائل التدريس .. ومع ذلك تدنت أمريكا فى الرياضيات والهندسة بسبب ضعف الأستاذ الجامعي .. وذكرت أن النوابغ يذهبون إلي مراكز البحوث .. والقطاع الخاص .. والذين يأتون إلي الجامعة يأتون بما يسمى Tenure .. أما أمثال محمد يسن ناس قريعتى راحت المأكلين عيش علي حسب أنهم Native Speakers بالنسبة للغات بلادهم ديل تمومة جرتق ساكت .. أرجع لمداخلة الأستاذ زكريا إلي أعلي لمعرفة ماذا تعنى Tenure .. وأنا سوف أرد عليه فى حال توفر الوقت .
بريمة
Post: #141 Title: Re: محمد يسن خليفة .. محاضر بجامعة هارفرد .. ويد Author: جمال ود القوز Date: 02-26-2016, 12:05 PM Parent: #137
أسوأ حاجة سواها محمد ياسين خليفة .. إنه حاول ابتزاز بريمة بي حكاية إنه يشتكيه دي .. لأن الضرر ( الغير معنوي ) لن يقتصر على شخص بريمة .. بل سيتعداه لمن لاذنب لهم .. ( الأبناء والأسرة ) .. والأنكى إنه لم يراجع نفسه وواصل في الابتزاز ده .. ويُحمد لدينق مافعله بايقاف أي تهور في هذه المسألة .. أعتقد ده السبب الخلى بريمة يفتح بوست زي ده .. ويحاول يتشفى وينفس عن ما بصدره من حنق جراء هذا الأمر تحديداً .. وإلا فمعارك بريمة بسودانيز لاتعد ولاتحصى .. وكنت أراه يعود ويحاور نفس الأشخاص الاتشاكل معاهم .. والسبب هو ان هؤلاء لم يتعدوا معه الخطوط الحمراء .. والتي تفرضها وتحكمها ثقافتنا السودانية .. خلا ذلكـ أنا شايف إنه محمد ياسين خليفة .. له ألف حق في أن يتباهى بالمكانة المرموقة .. والتي يحتلها في جامعة مرموقة ومعروفة .. أياً كانت المادة التي يدرسها .. وقطعاً لن يقدح في ذلكـ تمتعه بمؤهل .. هو ليس مطلوب أصلاً لتدريس تلكـ المادة .. الأجمل أنه محمد ياسين خليفة لم يتباهى يوما بالتدريس في هارفارد .. والأكثر جمالاً ورغم محاولات بريمة التبخيس من هذا الأمر .. ومن أن الرجل خايف على مهنته .. إنه محمد ياسين لم يحاول استخدام بذاءة ولغة متدنية .. طالما استخدمها هنا للرد على بريمة .. . وهذا قطعاً يُحمد له ..
المحير بقى إنه الواحد فينا يتفاجأ بحكاية التدريس في هارفارد دي .. لزول كان أحدنا على أحسن الفروض وضعه في حتة تانية خالص .. لفرط وايغال الصورة المرسومة في ذهن الواحد .. لمحمد ياسين خليفة .. لأنه يستخدم لغة فالتة وفالتة جداً كمان .. طبعاً هي لن تغلب أحدنا وكلنا عارفين الكلام الزي ده .. لكن من المستحيل أن يلجأ الواحد لاستخدامها .. ولفضل عليها الانسحاب بسلام .. لأن فرض أي منطق بواسطة هذه اللغة لن يكون أنتصاراً .. لأنه بديهياً خاتمة الامر وبعد انتهاء العراك .. حتكون الصورة المرسومة مريعة ولن ترضي صاحبها .. ناهيكـ عن رضاء الآخرين .. نحن لسنا بملائكة وأكيد لسنا بمعصومين .. لكن حتماً هناك حدود دنيا مقبولة يمكن للواحد أن يتوقف عندها .. غايتو كان مفروض أخونا محمد ياسين يتسق اكتر مع مهنته دي .. وإلا فان الأمر بيحتاج لتحليل نفسي كما ألمح أخونا بريمة .. كل ذلكـ لن يلغي مكانة محمد ياسين المرموقة .. في إنه بيدرّس في جامعة مرموقة زي هارفارد .. وحتى إن كان المردود المادي دون المأمول والمرتجى .. فالشغله في النهاية ما قروش وبس ..
شايف في اصطفاف تقيل .. لكن رغم ذلكـ الصورة واضحة بالنسبة لي .. أنا شايف الاتنين غلطانين .. أولاً أخطأ محمد ياسين بي موضوع الشكوى .. وده أصلاً ما موضوع فيهو هزار .. ولايقبل الخطأ .. ( طبعاً الكلام ده بي فهمنا كسودانيين ) وحتى إن تأمركنا أو شلنا أي جنسية أخرى .. لأنه نتيجته لن تسر أحد .. وسيدفع ثمنها من لا علاقة لهم بالأمر .. أها قام أخونا بريمة وحاول يعضي في نفس الحتة .. وبنحو بالاختلاف لزاوية مشابهة وإن كان هناكـ فارق .. لاختلاف المآلات .. فقام فتح البوست التحفه ده .. وأفاد محمد ياسين خليفة من حيث أراد له الضرر .. لأنه فتح كوة مضيئة جداً في حياة الرجل .. رغم عتامة واقع لايتسق وهذه الصورة الجميلة ..
أتمنى ألا نكون قسونا على أخونا محمد ياسين .. ونتمنى له كل خير .. ويابريمة هاردلكـ أخدت سيكأ في قبولكـ ....
Post: #143 Title: Re: محمد يسن خليفة .. محاضر بجامعة هارفرد .. ويد Author: Ahmed Yassin Date: 02-26-2016, 01:18 PM Parent: #141
يا سلام .. بالله ياهو دا مستر خليفة البنسمع بيهو كلمة حق يجب ان تقال ان الرجل ذكي ويملك ذاكرة قوية جدا ويتحدث لغات دول البلقان بطلاقة سعمت عنه او جات سيرته عبر مجموعة في مدينة (جنت) او (خنت) البلجيكية شكرا باشمهندس بريمة على تنويرنا وتشريفنا بالتعرف على هذا الاستاذ والله يابريمة التدريس دا في اي مرحلة عايز مواصفات ذهنية وعقلية ونفسية خاصة وعالية فما بالك بهارفارد؟
Post: #144 Title: Re: محمد يسن خليفة .. محاضر بجامعة هارفرد .. ويد Author: بارودى مصطفى فاشر Date: 02-26-2016, 04:17 PM Parent: #1
اتارى اخونا محمد ياسين خليفة ده زول ما ساهل محاضر في جامعة هارفارد والله ده انا كسودانى افتخر بيه وارفع ليه قبعتى مش مهم مادة التدريس المهم الوظيفة التي يشغله باعتراف من الجامعة العالم المتحضر تحاول تنشر لغتها للعالم بكل الوسائل اذن اخونا محمد يسن خليفة خير من يمثلنا في هذه الناحية انا أتيح لى فرصة واحدة لالقاء محاضرة عن مشكلة دارفور في مبنى كلية القانون في جامعة هارفارد عام 2006 وحتى الان افتخر بيها ما بالك زول محاضر عديل كده اخونا محمد يسن خليفة الف مبروك
Post: #145 Title: Re: محمد يسن خليفة .. محاضر بجامعة هارفرد .. ويد Author: جلالدونا Date: 02-26-2016, 04:57 PM Parent: #144
Quote: الأخ محمد يسن خليفة لم يشتم أحد، بل كان يرد على الذين يشتمونه،
كذّاب و منافق
Post: #146 Title: Re: محمد يسن خليفة .. محاضر بجامعة هارفرد .. ويد Author: محمد المسلمي Date: 02-26-2016, 08:20 PM Parent: #145
سلام ياود البشري .. قريت مداخلتك الظريفة عن كونو المدعو محمد يس الخليفة ذلك الرجل البذئ الوقح وكيف أنه بعد علمك بأنه محاضر تغيرت نظرتك نحوه وكما اشرت الي ذلك بمثالين عن زول بن زول ومحمد سليمان .. والأظرف من ذلك محاولتك الفصل بين الدكتور المحاضر وعن مايكتبه من قبح هنا .. منطقك دا والله مايقسم مع طفل عمرو عشرة سنين .. ياخ نحن هنا في بوست بعري وبفضح في زول يفترض به أن يكون صاحب فضيلة وصاحب كلمة يفترض أت توزن بميزان لا إعوجاج فيه .. تجي تقول لي يوزر نيم وبطيخ .. ياراجل :) ثم تانيا نحن هنا مايهمنا هو ان يس الخليفة هذا ذلكم الكائن البايخ السمج الممل الذي لايحتمل علي الإطلاق مايهمنا هو عدم إتساقه ووظيفته التربوية .. ياخ زول أقل لفظ عندو جعبتك وكديانة وخول .. الي أخر الجما والمفردات المنته .. دا مفروض يودهو أعفن سجن في هارفرد ولا وين هي زاتا .. بعدين ياخ أخونا بريمة جزاه الله خير جاب لينا القدر عليهو من سقطات هذا المدعو .. وهو نجح ومازال يواصل مجاحاته في تعريته وإن فاجاءك بوظيفته التي بهرتك متجاهله منطقه الذي لايؤهله ءن يدرس في حانة .. ناهيك عن جامعة بها طلاب يبتغون العلم قال محمد سليمان قال
Post: #147 Title: Re: محمد يسن خليفة .. محاضر بجامعة هارفرد .. ويد Author: Deng Date: 02-26-2016, 09:49 PM Parent: #146
حسادة العبار بريمة بلل عرفناها.
لكن كده يا جماعة راجعوا مداخلات المونساتي جلالدونا ده وشوف كمية الحقد، الذي يحمله هذا الرجل تجاه الأخ محمد يسن وأخرين في هذا المنبر.!!
عالم مريضة بشكل.
Post: #149 Title: Re: محمد يسن خليفة .. محاضر بجامعة هارفرد .. ويد Author: بريمة محمد Date: 02-26-2016, 10:40 PM Parent: #147
ول أبا المسلمي، سلام ..
Quote: سلام ياود البشري .. قريت مداخلتك الظريفة عن كونو المدعو محمد يس الخليفة ذلك الرجل البذئ الوقح وكيف أنه بعد علمك بأنه محاضر تغيرت نظرتك نحوه وكما اشرت الي ذلك بمثالين عن زول بن زول ومحمد سليمان .. والأظرف من ذلك محاولتك الفصل بين الدكتور المحاضر وعن مايكتبه من قبح هنا .. منطقك دا والله مايقسم مع طفل عمرو عشرة سنين .. ياخ نحن هنا في بوست بعري وبفضح في زول يفترض به أن يكون صاحب فضيلة وصاحب كلمة يفترض أت توزن بميزان لا إعوجاج فيه .. تجي تقول لي يوزر نيم وبطيخ .. ياراجل :) ثم تانيا نحن هنا مايهمنا هو ان يس الخليفة هذا ذلكم الكائن البايخ السمج الممل الذي لايحتمل علي الإطلاق مايهمنا هو عدم إتساقه ووظيفته التربوية .. ياخ زول أقل لفظ عندو جعبتك وكديانة وخول .. الي أخر الجما والمفردات المنته .. دا مفروض يودهو أعفن سجن في هارفرد ولا وين هي زاتا .. بعدين ياخ أخونا بريمة جزاه الله خير جاب لينا القدر عليهو من سقطات هذا المدعو .. وهو نجح ومازال يواصل مجاحاته في تعريته وإن فاجاءك بوظيفته التي بهرتك متجاهله منطقه الذي لايؤهله ءن يدرس في حانة .. ناهيك عن جامعة بها طلاب يبتغون العلم قال محمد سليمان قال
يسلم يراعك .. يا ول أبا المسلمى ..
بريمة
Post: #148 Title: Re: محمد يسن خليفة .. محاضر بجامعة هارفرد .. ويد Author: محمد المسلمي Date: 02-26-2016, 10:30 PM Parent: #146
كنت حاضرا لندوة تحدث فيها الأستاذ عبدالله بولا وجاء في محور حديثه أنه طرد النذير حجازي من سودان فور أول لأنه يكتب ببذاء وقبح وقلة أدب في منبر سودانيز أون لاين .. ولأن المبادئ لا تتجزأ رفض تبريرات النذير الواهية عن إختلاف لغته في المنبرين أعلاه .. أين معيارك ياود البشري .. وماسطره النذير حجازي من قبح هنا لت يساوي نقطة في بحر سفاهة محمد يس الخليفة .. التحية للعم بولا وللأستاذة نجاة لول أبا بريمة الذي فضح لنا بؤس هذا المأزوم .. ولا عزاء لخماجين الحوض ............ دينق أختشي
