هل يجوز زواج الرفاق من الكوزات .. ما الفرق بين هذا الزواج وزواج المسلمة من الكافر!

علمت أن الرفاق .. يحبون الزواج من الكوزات .. ولم أعرف السر شنو؟ ..

لكن السؤال الذى يطرح نفسه: ما الفرق بين هذا الزواج وزواج المسلمة من الكافر ؟؟

علماً إننى شخصياً لا أكفر الرفاق ..


بريمة

Quote: علمت أن الرفاق .. يحبون الزواج من الكوزات .. ولم أعرف السر شنو؟ ..

الدين أفيون الشعوب

Quote: علمت أن الرفاق .. يحبون الزواج من الكوزات .. ولم أعرف السر شنو؟ ..

العبار بريمة.

هات أمثلة لو سمحت.

الأخ محمد عثمان

Quote: الدين أفيون الشعوب

ممكن تشرح "الكونتكس" لهذه المقولة فى مثل هذا الموضع ..


وإن فهمتك .. أنت تريد أن تقول حتى يعملوا منهن رفيقات .. ولا شنو؟


بريمة

الأستاذة سلمى التجانى كانت كوزه .. والرفيق محجوب حسين كان يدعو إلى علمانية الدولة فى حركته.

وأتمنى أن لا أكون مسست بخصوصيتهم .. وعساى أنهم شخصيات عامة



بريمة

إتق اللة أخ بريمة فأنت بسؤالك ترميهم بالكفر....

مستنقع التكفير والإرهاب بإسم الدين سنغرق فية كلنا وانت سيد العارفين...

أترك الخلق ومافي قلوبهم للخالق

لا حولة ولا قوة إلا باللة...

Quote: علماً إننى شخصياً لا أكفر الرفاق ..

بريمة

Quote: الأستاذة سلمى التجانى كانت كوزه .. والرفيق محجوب حسين كان يدعو إلى علمانية الدولة فى حركته. وأتمنى أن لا أكون مسست بخصوصيتهم .. وعساى أنهم شخصيات عامة

العبار بريمة.

هل كل من يدعوا الى الدولة العلمانية فهو شيوعي؟

كنت اعتقد ان دينق يتجنى عليك في مناداته لك بالعبار بريمة ولكن ها انت تؤكد براءة دينق

بريمـة،

لو انت شخصيا ما تكفر الرفاق، فإن الزواج يكون بين مسلم ومسلمـة، ولو تسأل حسب إعتقاد
أخرين فى كفر الرفاق، فإن أخرين كفروا الترابى زعيم الكيزان.

لكن دى ما الموضوع، الموضوع هى أن مثل هـذا الزواج هو زواج بين شمولى وشمولية.
والتقى جيل البطولات بجيل التضحيات.

بريمة محمد ...

Quote: هل يجوز زواج الرفاق من الكوزات .. ما الفرق بين هذا الزواج وزواج المسلمة من الكافر!

سؤال بليد جِدًا! ... ليه بليد جِدًا؟ ... أقول ليك ... شوف ... السؤال البليد هو الإجابتو < واضحة > وبِخُصوص < جِدًا > لأنها صادره مِن زول عربي مِتلك ثقافتو مفروض تكون < قُرآنِية > وهي بِدورا ، مفروض تمكِنك مِن الإبداع في كِتابة العناوين -على الأقل- ومتنِها ... لأن < العرب > تميزوا بِالبلاغة ومُعجِزة الدين الإسلامي < كلام >

نرجع لِمَوضوع عمودك الفارِغ ده ...
- زواج الرفاق من الكوزات < حـلال > شرعًا
- زواج المُسلِمة مِن الكافِر < حرام > شرعًا

تاني شنو؟



بِالله ما تجي تقول لي أنا بكِتب خلف وأمام وجوه السطور والعُمق والأُطُر والكلام الفارِغ ده

Quote: علمت أن الرفاق .. يحبون الزواج من الكوزات .. ولم أعرف السر شنو؟ ..

مرحب بالرفيق أبن الأبيض محمد أبراهيم على ..

يازول أنت قابض حاجة ذى كده ولا شنو ..

معليش هو الحوار دخل حوشك ..

كلكم شموليين كما قال الباشمهندس أبو الريش


بريمة

أبو الريش

سلامات ..

Quote: الموضوع هى أن مثل هـذا الزواج هو زواج بين شمولى وشمولية. والتقى جيل البطولات بجيل التضحيات.

تنكت درر مبالغ فيها ..

فى ظنى دا مبرر كافى لحب الشموليين للشموليات ..


بريمة

ماضى أبوالعزائم

سلامات .. يا أخى قصص الحب صدقنى معقدة خلاااااص .. تصدق كثير جداً ما يحب الأنسان الشخص الذى يعادية.


أنا عندى عدة مبررات من جانب الطرفين ..

الكوازات بفتكروا وبعض الأفتكار إثم .. أنهن يستطعن تدجيين الرفاق ..

والرفاق بيفتكروا (رفقنة) الكوزات ..


ولكن لاحظ أنا لم أتطرق لزواج الكيزان من الرفيقات .. ودا طبعاً موضوع كبير جداً يصعب تفكيكه .. على الاقل بالنسبة لى ..

كدى أرمى لينا حجر فى الأتجاه دا ..

بريمة

عزام

Quote: نرجع لِمَوضوع عمودك الفارِغ ده ... - زواج الرفاق من الكوزات < حـلال > شرعًا - زواج المُسلِمة مِن الكافِر < حرام > شرعًا تاني شنو؟

الخلاه حلال شرعاً شنو .. مش الجماعة يقولوا عن الرفاق ليس من أهل الملة .. ووقفوا بأستحياء عن تفكير الشيوعى مع العلم يجوزون تكفير الشيوعين عموماً ..

يقولوا ليك .. لو قلت الشيوعيين كلهم .. فهم كفار ..
لو قلت أبراهيم نقد مثلاً .. يقولوا ليك ليس كافر .. لازم تجرى عليه وصفة التكفير ..

هذه الحالة أخضعتها لنظرية ال Modus Ponans ويعرفها دارسى علوم المنطق عموماً .. وناس الكمبيوتر يدرسونها ضمن ما يسمى ب Discrete Mathematics

فشلت النظرية .. وهذه الحالة paradoxical بصورة عجيبة ..

فمثلاً لو قلت: كل القرود لها أذناب
ثم جئت لقرد بت السلطان عجبنا .. الأميرة مندى .. يقولوا هم عنه ليس له ذنب

والنظرية فى هذه الحالة تقول يجب أن يكون قرد الأميرة له ذنب .. وبنسبة تقارب المية فى المية ..

وأنا لم أعرف السر شنو .. ففى حين الدين يرجح الغالب .. لكن فى هذه الحالة الكيزان رجحوا العكس .. !!!!


وحتى لا ندخلك فى جدال فلسفى أنت ليس لك له شعر ولا رقبة .. أكتفى معك بهذا القدر.

بريمة

بريمة...ازيك....ياخى كتلتنا بالضحك باستفهامك هذا.....ولكن اجتهد براك فى الاجابة
فان اصبت لك اجرين وان اخطات ...ارضى بالاجر الواحد....وجاز لك ان تقيس قياس
نوع اوشبه او علة....بمعنى اخر ...يمكنك ان تقيس على حكم الميتة والدم ولحم الخنزير
وما اهل به لغير الله.ههههههههههههه.

الأستاذ على تاج الدين

سلامات يا أخى وين أنت ..

Quote: يمكنك ان تقيس على حكم الميتة والدم ولحم الخنزير وما اهل به لغير الله.ههههههههههههه.

... لوووول ..

شوف يا على .. أنا إنسان صريح جداً .. يعنى الأعور لو قلت له يا زول يا أعور .. أنا أفتكرها ليس سب له بل هى الحقيقة ويجب أن يقبل بها ..

وهنا فى ظنى الأعور أعور .. لكن الجماعة عايزين يجدوا له مخارجه .. وكما قال إحد عمال المنظمات أن الحالة الأمنية فى دارفور حالة متردية ولكن يصر أنه لازم الناس تتبع الوصفة الموجودة فى السودان .. وهى أن السودانين يسمون مثل هذه الحالة "تجاوزات أمينة" .. بدل خراب أو دمار أو حتى أغتيالات أو مجازر .. كلها تجاوزات أمنية!

بريمة

دينق
لوووووول تانى .. شوفوا دينق رامى عينه وين!

Quote: العبار بريمة. هل كل من يدعوا الى الدولة العلمانية فهو شيوعي؟

!!!!

أمنت .. حتى دينق .. عايز يصطاد فى الموية العكرة ..

يا أخوانا أنا أطالب الكيزان بتكوين لجنة عليا للنظر فى أمر الجماعة ديل .. سوف يسألهم الله عن تدجيين كل وجوه الحياة ويتركوا الهوة هنا .. نصف الباب فاتح تجاه الشيوعيين واليسار وأذنابهم العلمانيين .. فى مسألة الزواج ..

يا باب مفتوح على مصراعيه يا باب مقفول "كك" .. كما يقول أهلنا فى الغرب.

بريمة

الشماليون على أعتاب تكوين دولة أسلامية وعربية .. يجب أن تكون المسميات واضحة ..

وشيئ أخر .. يلاحظ الأنسان السودانى .. أن المجتمع السودانى لا تهمه الأيديولوجيات فى مسألة الزواج .. وهذا فى نظرى شيئ خطر .. كالعدو من الداخل .. و دا طبعاً من أخطر أنواع الأجرام ..

بريمة

Quote: مرحب بالرفيق أبن الأبيض محمد أبراهيم على .. يازول أنت قابض حاجة ذى كده ولا شنو .. معليش هو الحوار دخل حوشك ..

بريمة نحسب ليك تلات غلطات في كلامك الفوق ده

1 - لست رفيقا بما تعنيه اون كنت ارى الرفق زينة بمعناه اللغوي والديني
2- لست من الابيض ولو بحث بنفسك في هذا البورد لعرفت من اين انا بدلا من الاعتماد على من يضللك
3- لست بقابض على كوزة

انتقى مصادرك حتى لا توصف بالكذاب اضافة للعبابير

اجابة لسؤالك : لم يدخل الحوار حوشي ولكن لم يدخل عدم موضوعك راسي

محمد أبراهيم
سلامات ..

أجتهدت .. وأخطأت .. ولى أجر الأجتهاد .. كما قال الأستاذ على تاج الدين

ومازلت مصر أنك كردفانى .. وهل رفيق بقارى (على وزن رفيق باكستانى) تنفع ولا يفتح الله؟


صدق الموضوع فيه ربكة حتى بالنسبة لى .. أنظر علامة التعجب فى العنوان ..؟

إذا كان الكيزان والشيوعيون (منطحنين دقيق سوسة) ما الذى يؤدى إلى مسألة transpassing ..؟


-------------

أنا متأكد دينق يكون ميت من مسألة transpassing

بريمة

العبار بريمة.


You don't have a good argument in this post.

تصدق يا دينق

من ألذ الحاجات فى أمريكا .. كيف يختار الأنسان شريكة حياته .. والأمريكان فلته عدييل فى موضوع أختيار الزوجة.

وفى ظنى من "أطين" الشعوب فى مسألة أختيار الزوجة نحن الشعب السودانى ..

ليس على مستوى المجتمع .. بل حتى على مستوى الفرد .. يا أخى عشان الأنسان يختار زوجته هنا .. يعمل جرد حساب فى المواصفات .. كأن يوم القيامة .. وفى النهاية يكون صادق تماماً فى مواصفاته ..

ومهمة ذى دى كان ممكن يقودها اليسار أو العلمانين .. لكن هم ذاتهم واقعين transpassing


بريمة

Quote: ومازلت مصر أنك كردفانى .. وهل رفيق بقارى (على وزن رفيق باكستانى) تنفع ولا يفتح الله؟

اخجلتني بردك الهادئ مع اني اغلظت عليك فلك اسفي

لست من كردفان ايضا ولا من البقارة (كضبا كاضب) ولكني احببت كردفان واهل كردفان وزرت ام روابة وتندلتي والرهد ابدكنة والابيض والدلنج والدبيبات وابوزبد والفولة وبابنوسة والمجلد وهجليج وابو جابرة

Quote: ما الفرق بين هذا الزواج وزواج المسلمة من الكافر!

هل هذا رأيك في الشيوعيين ؟ انهم كفار

Do some homework in this board and you will know from where I am

الأخ محمد أبراهيم

صدقونى لأول مرة تخنى فراستى عن أعرف من أى قبل السودان الأربعة ينحدر الأنسان .. ولكن حقيقة نظريتى ربما قاعدة تفشل فى ناس الوسط .. لو كنت من ناس وسط السودان يكون أستثناء بالنسبة لى .. لأن الوسط هو كل السودان ..

ما مهم .. المهم أنك بتحب كردفان .. الغرة.

بخصوص رأيى ..

Quote: علماً إننى شخصياً لا أكفر الرفاق .. بريمة

لكن مازلت منتظر الأجابة ليه الناس تكون مختلفة سياسياً .. لدرجة التصفيات الجسدية .. وتحت تحت تخون أيديولوجياتها ..
أنا عندى حاجات غويصة مرات بفكر فيها وتزعجنى جداً .. هل بطريقة غير مباشرة الرفاق يعملوا تحييد لأنفسهم ؟ أو يرضوا الكيزان تحت تحت؟ .. أو فى أى شيئ أخر غامض فى هذه الحالة الغريبة .. يعنى الفلسفة شنو هنا ؟

بريمة

لاحظوا المفارقة الكبيرة ..

Quote: !!!! أمنت .. حتى دينق .. عايز يصطاد فى الموية العكرة ..

أى أنسان علمانى، مثل دينق .. طبعاً ممكن يركب جميع الطواقى ..
طاقية علمانى، يسارى، شيوعى، مسيحى، مسلم وأى طاقية تانية ما عارفنها حتى الأن حسب المواصفات والطلب ..

العلمانيون أخطر ناس فى مسألة خلط الأوراق الدينية .. والمكاوشة.


بريمة

والشيئ الأكثر غموض هو قبول الكوزات بالشيوعيين ؟؟؟؟؟؟؟؟؟؟؟

وعايز الناس تفت معى هذا الموضوع ..؟؟

...

والله ما عارف أقول شنو ذاتو من الحيرة .. !!!


بريمة

Quote: تصدق يا دينق من ألذ الحاجات فى أمريكا .. كيف يختار الأنسان شريكة حياته .. والأمريكان فلته عدييل فى موضوع أختيار الزوجة. وفى ظنى من "أطين" الشعوب فى مسألة أختيار الزوجة نحن الشعب السودانى .. ليس على مستوى المجتمع .. بل حتى على مستوى الفرد .. يا أخى عشان الأنسان يختار زوجته هنا .. يعمل جرد حساب فى المواصفات .. كأن يوم القيامة .. وفى النهاية يكون صادق تماماً فى مواصفاته .. ومهمة ذى دى كان ممكن يقودها اليسار أو العلمانين .. لكن هم ذاتهم واقعين transpassing بريمة

العبار بريمة.

علشان كده نسبة الطلاق عالية جدا في أمركا.

بعدين موصفات شنوا يا راجل؟ أنت داير تتزوج ولا داير تطلب لك كومبيوتر بموصفات معينة أون لاين؟

Quote: من ألذ الحاجات فى أمريكا .. كيف يختار الأنسان شريكة حياته .. والأمريكان فلته عدييل فى موضوع أختيار الزوجة.

المرهاض

ناوي تعرس تاني? ولا شنو?

كرهت خموم التياب و فلست?

مشكلتك يا المرهاض
هي:

ال doses بتاعة الحياة المتحضرة أدوك ليها بالقلبة

يعني بدل
يقولوا ليك س سخل
قالوا ليك ك جدادة
و ك كمبيوتر

و عقلك صدق و طفح


أقعد في علبك يا المرحاض و ما تجيب لينا الفضايح....
واشنطون دي عمرها حلوة و واعية
ما تخربا لينا

روق و ما تجوض

بريمة محمد ...

Quote: من ألذ الحاجات فى أمريكا .. كيف يختار الأنسان شريكة حياته .. والأمريكان فلته عدييل فى موضوع أختيار الزوجة. وفى ظنى من "أطين" الشعوب فى مسألة أختيار الزوجة نحن الشعب السودانى ..

طبعًا المِتلك ده < أمريكا > تكون لِهسِع صادماهو ... شوف إنت كُنت ويييين وبِقيت وين ... إتْجدع يا خوي إتْجدع ... وبعدين حِكاية < إخْتِيار الزَوجة > ما يِمكِن أكون دايرلي < حُرة > < شعرا طويل لِنُص ضهرا > ده كفيل بِإني أنجِب وِليد < يِشيلو > أخوالو مِن < كتِف لكتِف >

Quote: علماً إننى شخصياً لا أكفر الرفاق .. بريمة

عبارتك دي غايتو عشان تتقال لازم على الاقل تكون شيخ في الازهر او امام في الحرم او مرجع شيعي من النجف..غير كده ده اجتراء عديييل و تصدر مذموم للفتوى!

السؤال ده أبلد سؤال أتسأل في تاريخ المنابر الإلكترونية السودانية

يا كافي البلاء حتى مطاعنات زي الناس ما بتعرف ؟؟

خالد

Quote: السؤال ده أبلد سؤال أتسأل في تاريخ المنابر الإلكترونية السودانية يا كافي البلاء حتى مطاعنات زي الناس ما بتعرف ؟؟

بصراحة أنا لا أعرف الأجابة .. هلا تفضلت

بريمة

سيف

Quote: عبارتك دي غايتو عشان تتقال لازم على الاقل تكون شيخ في الازهر او امام في الحرم او مرجع شيعي من النجف..غير كده ده اجتراء عديييل و تصدر مذموم للفتوى!

ولكن مع عدم وجود فتوة صريحة من شيخ الازهر او امام الحرم او مرجع شيعي من النجف .. يصبح الأمر من باب لا تسألوا عن أشياء إن تبدو لكم تسوءكم.


يعنى accept it or do it until it will prove otherwise

بريمة

لدى نظرية تسمى نظرية "بيت العنكبوت" فى الزواج ..

ومن يريد فهم نظرية بيت العنكبوت عليه بتفسير ظلال القرآن للشهيد سيد قطب .. أو الدكتور مصطفى محمود أو بنت الشاطبى ..

إختصارا .. أنا أرى زواج الرفاق من الكوزات يقود إلى بيت العنكبوت ..

وكثير منا يظن أن الآية الكريمة أن أوهن البيوت لبيت العنكبوت .. تعنى ضعف بيت العنكبوت المادى .. يعنى ممكن بسهولة أن تحطم بيت العنكبوت .. ثبت أن خيط بيت العنكبوت أقوى من عشرة أضعاف سلك من الحديد بحجم خيط بيت العنكبوت .. وهو يتحمل مقاومة أعتى الرياح ..

إذن الوهن جاى من وين .. الوهن وهن معنوى !!!

ثبت أن بيت العنكبوت عبارة عن وكر يعج بالمشاكل .. الأنثى تقتل الذكر مجرد تلقيحها .. أول طفل يولد يأكل كل أخوته ..

فى بيت ذى دا لازم الرجل يذبح القطة للمرأة من أول يوم .. عشان ما تغدى به ..

دا ليس بيت .. والبيت يقصد به مكان السكينة .. هذا يشبه زواج الرفاق من الكوزات أو العكس ..

بجييكم راجع لكى نوضب الفكرة

بريمة

فى نظرية بيت العنكبوت يظهر جليا أن العنكبوت والعنكبوتاى (الأثنى) مختلفين فكريا ..

كيف! العنكبوتاى واضح من أكلها للعنكبوت أنه لا يمثل لها شيئ أكثر من وسيلة عابرة يمكن أستغلالها ثم رميها .. التخلص من الذكر بعد اللقاح!

لو قدر للعنكبوت أن يفلت وينجى من الموت هل يستطيع الأقتراب مرة أخرى من العنكبوتاى !! لا أظن .. إذن ليس هناك حوار أو سكينة.



بريمة

Quote: ِهل يجوز زواج الرفاق من الكوزات

نعم يجوز و الفتوى للحاج اسحق الذي يجد صعوبة في تهجي حرفين و لم ير الكعبة قط .. يقول الحاج اسحق : ليس من مانع اطلاقاً لزواج الرجل بالمرأة .. تلك هي وصيته التي حفظناها و هو يكررها بعد تناول العشاء في ( الدَرَعَ ) ضمن وصايا و فتاوى اُخر .. يعتقد الحاج اسحق ان المرأة مثل المال و هي من مكتسبات الرجل لذلك يوصي ابناءه بالزواج دون تفريق .. نصرانية , يهودية , مسلمة , غرباوية , شمالية .. مطلقة , ارملة , عزباء او آنسة .. جميلة , قبيحة , قصيرة او طويلة .. ثم يضيف : خاصة كريمات من تختلفوا معهم .. هنا مربط الفرس و بيت القصيد و هو يفسر ذلك بقوله : بت الفكي ما تخلوها تبُلغ .. و هو على خلاف دائم بفكي الحي و معارض لكل آية يقرأه الفكي .. و للفكي حكاية .. فهو دائم الزواج حتى بلغت زيجاته تسع في عمره الذي لم يتعد العقد الخامس .. لم تسلم حتى ( الفضاضية كلتوم ) من زواج الفكي .. يقول الفكي : لم اجد امرأة اكثر متعة من كلتوم الا خديجة .. لن احدثك عن خديجة يا بريمه .



ـــــــــــــــــــــــــــــــــ

Quote: الشماليون على أعتاب تكوين دولة أسلامية وعربية .. يجب أن تكون المسميات واضحة ..

بريمة

بريمه
الحاج اسحق و الفكي اتفقا ان المرأة تُنكح لكونها مرأة .. يعني المسألة لا ترتبط بالدين او الفكر او العرق او الجهة . ما ذكرته مشهد واقعي .. الحاج اسحق حي يرزق .. رجل ضد الفكي في كل موقف علماً ان الفكي رجل مقدس في مجتمعاتنا .. و لك ان تتعجب دعوة الحاج اسحق ..الذي لم ير الكعبة , من الزواج ببت الفكي حتى و ان لم تبلغ و بالضرورة ان تكون بت الفكي كوزة ... كذلك معظم زوجات الفكي من خارج اطاره الديني حتى غدت الفضاضية كلتوم اقرب النساء الى قلبه فضلاً عن خديجة التي امسك الحديث عنها .هههه .


اعتقد ان زواج الرفاق من الكوزات يخضع للاعجاب المتبادل و رغبة كل طرف في فك طلاسم الطرف الاخر .. فضلاً عن ان الاقطاب المتشابهة تتنافر و المختلفة تتجاذب .
اختلف معك في نظرية بيت العنكبوت و اثمن عالياً اراء الحاج اسحق و الفكي .

الصادق

الأن فهمت كل الحكاية من حاج اسحق والفكى وزواج بت الفكى قبل البلوغ وحتى كلتومة وخديجة ..

وبالمناسبة الكلام عبارة عن إشانة سمعة بصورة نمطية عجيبة .. وأنا ضد هذه النمطية ..

نظرية بيت العنكبوت لا تفسر لماذا تم الزواج .. بقدر ما هى تتنبئ بالنتائج.

بريمة

بريمه يا اخوي داير تفك البيرك و لا شنو ؟! قلت لي نظرية بيت العنكبوت تتنبئ بالنتائج !!
لو بتلِقي نظره على مجتماتنا البسيطة , تجد ان الصراع الدائر بين الافكار و المعتقدات موجودة .. في خضم ذلك الصراع , لم يخضعوا الزواج لتلك النظريات .. بل اساس الزواج الناجح يا بريمه هو الحب .. ليس شيئاً غيره يا بريمه .. ذلك ما قصدت تاكيده من خلال سردي لاحداث واقعية .. و دي يا بريمه رقبة ما عندك ليها شعر ههههه سنكتفي بهذا القدر .

الصادق

يا أخوى أنا لا فاكى بيرق لا شيتين .. أنا كشفت نومتك فى الغيبة .. أنظر قولك:

Quote: بت الفكي ما تخلوها تبُلغ

ثم قولك

Quote: و لك ان تتعجب دعوة الحاج اسحق ..الذي لم ير الكعبة , من الزواج ببت الفكي حتى و ان لم تبلغ و بالضرورة ان تكون بت الفكي كوزة

ومعروف جدا قول بت الفكى ما تخلوها تلبغ .. وإلا لو بلغت تسوى الفظائع .. وكل ذلك حميد حتى أتيت بكلمة أن بت الفكى بالضرورة كوزة ..

أيضا حاج أسحق يمثل (العهر) الأخلاقى .. يخالف الفكى على حد قولك ..

وبالتالى أنت تريد تصل لنتيجة حسب منطلق روايتك .. الحب ليس طرف فيها.

بريمة

Quote: أنا كشفت نومتك فى الغيبة

صدق دينق يا بريمه العبار اليوم عندك تقيل .. تقول كشفت النومة في الغيبة .
عارف شنو الرجعني يا بريمه ؟
مداخلتك الحذفتها لانو تعليقي التاني اتبنى عليهو و بالتالي الامانة تقتضي منك ترك مداخلتك و تصحيح نفسك ان رايت غير ذلك و ليس الحذف .
و تاني شئ يا بريمه انا قلت :

Quote: بت الفكي ما تخلوها تبُلغ

للدلالة على تمسك الحاج اسحق بالزواج من بت الفكي الكوزة بالضرورة و الحافظة للقرآن ضارباً عرض الحائط وقوفه ضد الفكي .. علماً ان الحاج اسحق و هو حي كما ذكرتُ ملتزم اخلاقياً .
اما الفكي نفسه , يجد امتع زوجاته كلتوم الفضاضية بائعة المريسة .
هنا ليس للدين أثر في الحالتين .. انا افتكر ان الدافع للزواج هو الحب في الحالتين و ليس اكثر .

Quote: ومعروف جدا قول بت الفكى ما تخلوها تلبغ .. وإلا لو بلغت تسوى الفظائع

يا بريمه انت لو ضارب العبار , ما مشكلة نخليك للصباح و الصباح رباح دحين الساعة الواحدة منتصف الليل
و لو ما ضارب العبار , بقيت ذي ناس الرقابة و المصنفات الحاسبوا حمور زيادة في سرد ماساة انسانية و الله ما قدرت اكملها رغم تحفظي في اسهاب حمور في تفاصيل الاغتصاب في جريدة يومية عامة .


يا بريمه انا لحست كلامي القبيل .. انا قاعد معاك .
ــــــــــــــــــــــ

Quote: الصادق يا أخوى أنا لا فاكى بيرق لا شيتين .. أنا كشفت نومتك فى الغيبة .. أنظر قولك: Quote: بت الفكي ما تخلوها تبُلغ ثم قولك Quote: و لك ان تتعجب دعوة الحاج اسحق ..الذي لم ير الكعبة , من الزواج ببت الفكي حتى و ان لم تبلغ و بالضرورة ان تكون بت الفكي كوزة ومعروف جدا قول بت الفكى ما تخلوها تلبغ .. وإلا لو بلغت تسوى الفظائع .. وكل ذلك حميد حتى أتيت بكلمة أن بت الفكى بالضرورة كوزة .. أيضا حاج أسحق يمثل (العهر) الأخلاقى .. يخالف الفكى على حد قولك .. وبالتالى أنت تريد تصل لنتيجة حسب منطلق روايتك .. الحب ليس طرف فيها. بريمة

حذف حرف و حرف

الصادق

بالجد كنت أحب ما تكتب رغم أختلافى معه فى كثير من الأحيان .. لكن اليوم .. أنت أنبطحت شوال فول بس ..، على حد أحجيتنا الشعبية لو رفعوا رطن ولو خلوه أنبطن ..

القصة واضحه وضوح الشمس أنت عايز تقول الكوزات فيهن شيئ خطأ فى أنفسهن وليس الشيوعيين ..

وسواء كان بعض الكوزات أو بعض الشيوعيين أنطبق عليهم قولك إلا أن رأيك خارج أطار طرح بوستى ..


حقيقة أن الشيوعين يتزوجون من كوزات .. وذكرت بعض وجهات نظرى ..
ويمكن أن أضيف أن الشيوعى بين كفى عفريت فى مسألة الكفر والأيمان .. فهو عايز يضمن أمرأة متدينة حتى لو رجع وشبك فى الدين تكون زوجته متدينة ..

القصة الأصعب كيف نفسر أن الكوزة تتزوج واحد شيوعى أو علمانى .. ! غير مهضومة تب إلا فى حالة إنها أعتمدت على عواطفها دون عقلها ..


وخلاصة المسألة أن السياسة والأجتماع السودانى شيئين متغايرين .. وليس أدل على ذلك من أن النميرى مشى ونكت أبراهيم نقد من مخبأه وجاء به لأحتفال مدرسة حنتوب الثانوية حينما كان النميرى رئيساً .. ونقد كان لا بد تحت الواطا ..


فدسة نقد تحت الوطا سياسة .. ونكتت نميرى له أجتماع!


بريمة

Quote: سلامات .. يا أخى قصص الحب صدقنى معقدة خلاااااص .. تصدق كثير جداً ما يحب الأنسان الشخص الذى يعادية.

بأمانة إنت زوجتك رامية وين فى نظرية (من الشرق و الغرب)دى؟؟
و بعدين كان كوزات ولا رفيقات فى النهاية جايات من وين ؟؟
طيب خلينا نقلب المعادلة أو السؤال
هل ممكن كوز و رفيق إكونوا أصحاب؟؟ (خارج الشد السياسى)؟؟
طبعا كونو الاختلاف السياسى إتمدد للرفض الاجتماعى دى ظاهرة
جديدة على المجتمع السودانى و فى فترة الدراسة(خارج السودان)
أخوانا العرب كانوا مستغربين جدا من الطلبة السودانين فى
تفريقهم بين الاختلاف السياسى و الرابط الاجتماعى .
من الروايات القديمة عن هذا الموضوع خطوبة فاطمة أحمد إبراهيم
و الشفيع أحمد الشيخ ,سمعت بيها ولا أحجيك؟؟
خليتك عافية

عارف لو الرفاق فعلا يا بريمه بتزوجوا كوزات
فهم قد اثبتوا انهم ارقى وانهم لا يعاقبوا ويعزلوا الفرد
لمواقفه السياسيه.....!وهذا ايجابي لهم لو هو حقيقه.

ولكني لا اعتقد بانه حقيقيه...


ولو الكوزات بسكوا الرفاق الا ان يوقعهن في حبائلهن فده لانهن شاطرات
حيث يفترض انه الرفاق بيعاملوا النساء افضل.


يعني زي السودانيه البتتزوج خواجا...يفترض بيساعدها
في البيت وبيغسل هدومه
واحتمال هدومها معاهو.....
ومرتب وبيشارك في المبطبخ وماكسب كثيره آخرى.


لكن الرفيق البيخلي يتحمل كوزه شنو؟؟؟

الا اذا رفيق نسخه مضروبه على قول(عادل امين)
يعني يبشر بالدوله العلمانيه و دولة الحقوق و المساواة
في العلن و....وفي سره ....
ويحلم بعقول العصر الحجري و سيطرة الرجل على المرأه!!

اما الرفيقات فطبيعي الا يقبول بازواج كيزان

هو الرفيقات لهم راي في الزملاء انفسهم
وانه الرجال بيغلبهم يتخلوا عن امتيازاتهم!!
ويقبلوا بالمساواة...فكيف تقبل بمن هو دون الرفيق وهو الكوز؟؟؟

-

Quote: زواج المُسلِمة مِن الكافِر < حرام > شرعًا

غايتو انا زمان سمعت فتوى يقولوا مصدرها الترابي تقول :





"مسلمة زانية خير من كافرة"

طبعا الرد دا للناس العاملين مقارنة بين مسلم وكافر

أما موضوع الرفاق والكيزان فلا أعتقد الموضوع يخص الرفاق
فالموضوع يخص الكوزات

فالكوزة إذا احتارت في كلام بريمة القاطعو من راسو دا
عليها بفتوى شيخهم وعرابهم .

كلامك دا يرقي لدرجة البهتان
====
علمت أن الرفاق .. يحبون الزواج من الكوزات .. ولم أعرف السر شنو؟ ..
====
من وين علمت؟؟؟
نطالب بأن يتم تطبيق منطوق الآية عليك

" يا ايها الذين امنوا ان جاءكم فاسق بنبا فتبينوا ان تصيبوا قوما بجهاله

المهم الحب فوق الإيديولوجيات والمذاهب. ما علينا إن تزوج عنترة بعبلة أو محمد بفاطنة السمحة

بس وإنت زول ساير في طريق العلم ويعتد بالمناهج، أقول ليك: لا يمكن تعميم حالة او حالتين لظاهرة، دي بتدخلك في سكك ضيقة وإسقاطات سوف يصعب عليك التنصل منها.

Quote: هل يجوز زواج الرفاق من الكوزات ؟؟؟

يجوز مع الكراهة

Quote: " يا ايها الذين امنوا ان جاءكم فاسق بنبا فتبينوا ان تصيبوا قوما بجهاله

دي فيها كم جلدة يا ناصر؟

بريمة محمد ...

Quote: ولكن مع عدم وجود فتوة صريحة من شيخ الازهر او امام الحرم او مرجع شيعي من النجف .. يصبح الأمر من باب لا تسألوا عن أشياء إن تبدو لكم تسوءكم.

بِتكتِب ساي بس ... هسِع إقحامك لـ< لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ ... > المائِدة(101) في جُملتك دي شنو؟
- زول سأل مرجع ديني (الأزهر/إمام الحرم/النجف).
- المرجع الديني (الأزهر/إمام الحرم/النجف) أفتى.
- أها < لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ ... > الجابا هِنا شنو؟ ما الزول سأل وأفتو ليهو وإنتهت الحِكاية ... الآية بِتقول ليك < لاَ > < تَسْأَلُواْ > لأنها حـ< تَسُؤْكُمْ > ... لكِن طالما إنت سألت يِبقى إراد الآية في تعليقك إسمو إقْحام مُخِل بِمعنى الآية ... ياخ أنا الرطاني ده عِرفت الحِكاية دي ، خلو إنت < العربي > المؤصل الحُر ... أكيد بِتكون عجبتك ساي ... دي عاملة زي الزول الدايِر بِأي شكل يِستخدِم كِلمة [ إسلوب ] ... دخل السينما وتكل عجلتو بِبره ... لامِن طلع لِقاها إنْسرقت ... وقف وخت يدو في وسطو وقال : بِالله ده [ إسلوب ]

بريمة محمد ...

Quote: الشماليون على أعتاب تكوين دولة أسلامية وعربية .. يجب أن تكون المسميات واضحة ..

طبعًا إنت حاسِب روحك مع < الشماليون > بِإعْتِبارك < عربي حُر > ... تَيِب ... الما < مُسلِمين > والما < عرب > تفتكِر حيكونو حريصين على مِثل هذا < التكَوين > ... ومِن ضِمن < المُسمَيات > المفروض تكون < واضحة > في دَولة الشِمال كلِمات مُهِمة ، مِتل : < المؤصل > < التأصيل > < الحُر > < العبد > تحديد الأعراق وِفقًا على < طول الشعر >

سلامات يا بريمة

والله موضوع في السلك


الكوز البعرس رفيقة معنها تصوروا الفكري للكون مختل
عشان لازم تكون بنت افكاروا محجبةislamic worldview
والرفيق البعرس كوزة برضو تصورlو للكون مختل لانه المفروض بت افكارو تكون لبرالية communist worldview
الاختلال دا بيجي عشان الزول افكاروا ما متسقة مع سلوكه
عشان كدا بتحصل الغربة الفكرية بين الواقع حقو والتصور حقو..


طبعا كثير من الرفاق يعيشون في جلباب ابيهم
وتقدميتهم دي مجرد قشرة ما اكثر..
وفي رفاق تتغلب عليهم سودانيتهم بيعرسو قريباتهم

مع المودة

لما تعرسهم تكتشف انه الكلام داك كان مصيدة البنيات


وفي النهاية كل زول بعرس قسمته

Quote: الشماليون على أعتاب تكوين دولة أسلامية وعربية .. يجب أن تكون المسميات واضحة ..

العبار بريمة.

عندما يتم تكوين هذه الدولة المزعومة، من الأفضل لك أن تبحث عن دولة أخرى . لأنوا الدولة العربية الاسلامية دي لن تشملك. أنت رجل غرابي وتتحدث بلهجة هي لهجة

تختلف عن لهجة أهل الخرطوم. علشان كده لازم ترجع لأهلك وتعترف بأنك من الهامش ولا علاقة لك بالعروبة.

يا حليلك يا دكتورة إمتنان.

سلام يا شباب
شايفين بت أبا دكتورة نجاة .. أوتيت جوامع الكلم .. والحكمة وأوجزت كل شيئ فى مداخلة واحدة.

تحياتى

بريمة

تصدقوا .. مرات مرات بقيت أقبل بنقد كوستاوى ..

Quote: مشكلتك يا المرهاض هي: ال doses بتاعة الحياة المتحضرة أدوك ليها بالقلبة يعني بدل يقولوا ليك س سخل قالوا ليك ك جدادة و ك كمبيوتر و عقلك صدق و طفح أقعد في علبك يا المرحاض و ما تجيب لينا الفضايح.... واشنطون دي عمرها حلوة و واعية ما تخربا لينا روق و ما تجوض

بالجد فى جرعات ثقافية مش عالية بل خرافية عديل .. ويقول كوستا يجب أن أدرس الأحرف مثل تاء تمباك .. بدل تاء تلفون .. أو أقرأ ك كدر .. بدل ك كيبول .. وهكذا ..

تعرفت على أصدقاء وهم فى سن الزواج .. وأعمارهم متفاوته جداً .. وكلهم فى مسألة أختيار الزوجة .. ليس للأسرة أى دخل البته فى أختيار زوجاتهم .. هذه المسألة مع إننى معاشيها معهم .. وتابعت التفاصيل حتى يتم الزواج أو فشله .. إلا إننى وفى مؤخرة عقلى الباطن .. كنت كالذى يتصبب عرقاً فى داخله ..

وخلاصة الأمر .. أنا والسودانين هنا قاعدين نربوا أطفال .. يعنى بكره الواحد يجيبنا بأمرأة لا أعرف حسبها ولا نسبها .. يقول لى عايز نتزوج من هذه؟؟ .. هذه! تكون منو فى المقام الأول؟ .. هذا الكلام كوستا يكون محق فيه أو غير محق .. أنا شخصياً كما ربيتهم من أطفال .. لا بد أن يكون لى فصل القول فى خيارات حياتهم حتى أضمن رسو مراكبهم بسلام ..

ودا ينطبق على الكوزه .. خياراتها ليس فيها رفيق .. أو الرفيق ليس من خياراته كوزه .. وإذا أختلفت الخيارات مع الواقع يجب أن نرهن الخيارات للواقع وليس العكس ..

وهنا ك كمبيوتر بتاعت كوستا يبلها ويشرب مويتها ..


بريمة

ماضى
سلامات ..

Quote: طبعا كونو الاختلاف السياسى إتمدد للرفض الاجتماعى دى ظاهرة جديدة على المجتمع السودانى و فى فترة الدراسة(خارج السودان) أخوانا العرب كانوا مستغربين جدا من الطلبة السودانين فى تفريقهم بين الاختلاف السياسى و الرابط الاجتماعى . من الروايات القديمة عن هذا الموضوع خطوبة فاطمة أحمد إبراهيم و الشفيع أحمد الشيخ ,سمعت بيها ولا أحجيك؟؟

مع أنى لا أتفق فى توصيف المسألة بالرفض الأجتماعى على أساس سياسي .. لكنى أتفق مع روح الرفض فى مثل هذا الزواج .. فالأنسجام يجب أن يكون أنسجام فى جميع وجوه الحياة .. حتى مسألة الهوايات .. ما ممكن زول يحب الرقص والهجيج .. يتزوج إنسانه تحب القراءة والأنشطة ال "إن دور" ..

أعرف الشفيع كان رفيق .. وفاطمة كانت رفيقة .. المشكلة كانت وين؟

بريمة

بريمة سلام

Quote: أعرف الشفيع كان رفيق .. وفاطمة كانت رفيقة .. المشكلة كانت وين؟

المشكلة كانت فى الاحتمال الكبير لرفض الاستاذ أحمد إبراهيم

شباب ازيكم طبعا موضوع البوست دا بالنسبه لى ما مهم لانه بناتى لمن اكبروا ما اظنهم يلقوا اى حاجه من الحاصل دا. لكن يا عزام بمناسبة وصفك للضهر والحاجات دى ذكرتنى حكايه حصلت لى شخصيا , انا لمن كنت داير ازوج اتصلت بواحد من اعمامى وهو يعمل فى مهنة الجزاره قام سالنى داير تعرس من وين ؟ قلت ليه من الخرطوم قال لى لا يعنى اهلها من وين؟ قلت ليه دناقله وطبعا يا عزام انت عارف الطنقعه بتاعة الجعليين قام بأسى قال لى انشاء ربنا يتمم على خير يا ولدى لكن كان جيتنا فى البلد كان اديناك مره وكت تصب المطر تشيلك انت بى صفحه وعنقريبك بى صفحه.
ماجدوى هذه القصه انا اقول ان سعار العنصريه والجهل هو مايجب ان نصارع وان ندع ما فى الضمائر لعزيز مقتدر فالطوفان حينما يأتى لن يستثنى رفيق او شيخ لنعمل سويا من اجل هذا الوطن ودمتم

ماضى
هل كان والد فاطمة كوز ولا شنو؟

Quote: المشكلة كانت فى الاحتمال الكبير لرفض الاستاذ أحمد إبراهيم

لو كان كوز وبنته شوعية .. دى تكون عوجه ...

دا خبر! .. الواحد فى إيديولوجية وأولاده فى جهة أخرى .. الأولاد على دين أبوباتهم.

تحياتى

بريمة

دكتور محمد بابكر

سلامات وشكراً على الرد لهذا الأبن أدم الغريب .. أنا أتحدث عن دولة أسلامية عربية .. من مفهوم ثقافى أيديولوجى .. وهو يتحدث عن دولة عرقية عربية ..

والمفهومين بعيدين من بعض .. وخليهو الفهم قسم.

بريمة

Quote: هل كان والد فاطمة كوز ولا شنو؟

! ! ! ! ! ؟ ؟ ؟

كان من قيادات حزب الامة
ده تاريخ ما بعيد يا بريمة
و بعدين وين للكيزان كل الهيلمانة دى فى الوكت داك؟؟
ودى

ابريمة سؤالك واضح من العنوان...فانت تسأل عن الفرق بين الشيوعي والكافر من منطلق الزواج...وإلا لما المقارنة أصلا ويصبح كلام عزام في أن السؤال بلا معني قائم....

عزام مشيت وين؟بالمناسبه يااخ بريمه الحوار الدائر فى البوست حوار طرشان لكن لو اخدت كل واحد براهو بتلقاهو عنده فكره ممكن تتناقش براهايعنى فى بوست منفصل وانا اشرت لى عزام تحديدا لانه ود حلتى وفى ممازحات بيناتنا لكن كلامى كان موجه للكل واكرر ان حالة الاسترخاء ا لتى يعانى منها مثقفى بلادى تجعلهم ينصرفون لمناقشة قضايا لا اريد القول بانها عديمة القيمه ولكنها على الاقل ليست انيه ويتركون تفاصيل الازمه الرهنه من ضنك فى العيش وتضييق فى الرزق ومنظومة قوانين لازالت الحكومه تتلكأ فى الغائهاوغنى عن القول ان ما يسمى بالتحول الديقراطى لن يرى النور فى ظل هكذا قوانين ولن يكون سوى رابع المستحيلات بعد الغول والعنقاء والخل الوفى.

د. محمد بابكر ...

Quote: لكن كان جيتنا فى البلد كان اديناك مره وكت تصب المطر تشيلك انت بى صفحه وعنقريبك بى صفحه.

يا زول دي تركتر مو مره

Quote: اقول ان سعار العنصريه والجهل هو مايجب ان نصارع

ما أهو نِحنا بِنصارِع فوق بريمة ده مِن صباح الرحمن لامِن تفلِل ... كَدي شوف بريمة هِنا قال شنو في غير العرب وفي السواقين وفي الطباخين:
المساليت عرب .. وهنا تأريخهم!

Quote: بالمناسبه يااخ بريمه الحوار الدائر فى البوست حوار طرشان

د. محمد بابكر

طيب وأنت هنا ليه ..!!!

هههههههههه

بريمة

داير اوطن نفسى على خوض اى حوار وزى ما قلت ليك يا اخ بريمه البوست فيه افكار لكنها تبدو كالجزر المعزوله مع ودى.

دكتور محمد بابكر

سلامات ..

Quote: وزى ما قلت ليك يا اخ بريمه البوست فيه افكار لكنها تبدو كالجزر المعزوله مع ودى.

لا يا دكتور .. أنا أفتكر البوست فيه ثيما واحدة .. الزواج بين الرفاق والكوزات يقود إلى زواج "بيت العنكبوت" ..
وكالعادة الناس وقفوا بين معارض ورافض ومدافع .. لاحظ فى ناس قالوا لا للأيديولوجية بل نعم للحب .. ومنهم ماضى والصادق .. وفى ناس من شدة رفضها قالت أن ما أعمل فيه يرقى إلى "إن جاءكم فاسق بنباً" أمثال دينق ونصر .. وهناك من أتفق معى .. بت أبا دكتورة نجاة أتفقت معى أنه زواج فيه دخن .. وتراجى قالت إنه شطارة كوزات .. وهناك من قال يجوز شرعاً .. وأخى على تاج الدين رجل دين متمكن من حجته قال لى الله يعينك.

فى وجهة نظرى حقق البوست غرضه وهو لفت النظر للظاهرة الغريبة دى .. وأى رفيق حر لو عايز يتزوج الكوزة على قرار " بت الفكى زوجوها قبل ما تبلغ" أو غيره على قرار "الدين أفيون الشعوب" أى أخرجوا الدين عن الزواج.

بريمة

Quote: هل يجوز زواج الرفاق من الكوزات .. ما الفرق بين هذا الزواج وزواج المسلمة من الكافر!

عشان ما يتفصلوا للصالح العام الاثنين فى نفس الوقت!
واحد فيهم يشيل البيت ويودى العمود للتانى فى السجن!
جنى

Uztaz Berima,

I just came upon your post, and went thru it quickly and got confused! Is this post about marriage? Is it about the physiological framework of Sudanese approach to matrimony? Is it an ideological conceptual debate about Islamic (as political movement) and communism? Is it a pre-electoral advocacy campaign analysing communists’ social and ideological approach to matrimony and thus = less/more votes? Are communists not Muslims in Sudan? Are some fanatics gearing to declare some Fatwa on this issue? Or may be a cynical quiz on “how to choose a perfect wife in Sudan”? The confusion goes on and on!

I grew to learn that people choose to commit to marriage with whomever they see fit to share their lives and thoughts/or no thoughts with! A man (and of course not the woman lol) can decide to marry a woman, a cat, or whatever, pretty, ugly, tall, short, handicap, def, mute, one legged, stunning, imbecile, crazy, thief, dancer, prostitute, etc – all these people actually end up with someone to form the marriage institution and live happily nor not happily ever after.

The confusion of the post confuses even the reaction of participants! Each trying to vocalise their grasp of what they thought you mean.

It would probably be more conducive to this discussion, and a good motivator, to highlight and focus on the end result that you have set up the post for. This is just personal opinion and categorically not a binding rule.

Stay well.

مريم

سلامات

بتفق معك أن البوست دا أفضل منه بيت الزار .. أى زول بنقز نقزتو البعرفها على حسب وقع الرزم له ..

الأرتباك يأتى من ثلاثة أشياء: علاقة السياسة والدين بالزواج .. لو كان نظر المتداخلون لكل على حده: السياسة والزواج .. الأيديولوجيا والزواج .. الدين بالزواج .. ربما تكون النتائج مختلفة.

لكن يبدو إننا بدأنا جمع الشتات فى بوتقة واحدة مما قاعد إلي ضعف بصيرة "البصيرة أم حمد" ..

وأنا شخصيا أراه جيد ولامس بعض من واقعنا المعقد غض النظر عن الخلاصة شنو

رأيك شنو.

بريمة

Quote: عشان ما يتفصلوا للصالح العام الاثنين فى نفس الوقت! واحد فيهم يشيل البيت ويودى العمود للتانى فى السجن! جنى

أها يا أخوانا وجهة نظر من إنسان لبيرالى

جنى : بالغت وجهة نظرك خارج "المين إستريم".

بريمة

Mariam Osman

Quote: Is it a pre-electoral advocacy campaign analysing communists’ social and ideological approach to matrimony and thus = less/more votes? Are communists not Muslims in Sudan? Are some fanatics gearing to declare some Fatwa on this issue?

دي أجِندة ما مُمكِن يضطلِع بيها " بريمة " لأنها أجِندة بِالرغم مِن " خُبثِها " إلا أنها تحتاج إلى " ذكاء " وهو ما يفتقِر إلَيهِ " بريمة " لِحُسن الحظ ... حرام عليكي يا " مَريم " إنتي ما شايفا ركاكته كِتاباتو ... ما شايفة تضارُب مفاهيمو ... ما شايفا كيف ساكي ليهو عُقال دايِر يِربُط بيهو نسبو ... هسِع زول مِتِل ده ظنِك مُمكِن يِكون فكر في الآيديولوجيات والإنتِخابات وإستِفزاز المُسلِمين لِضرب الشيوعِيين ... يا زوله بريمة ده زول مِسيكين ... طَيِب (!!) ... ما ظني فكر في كِده ... لسبب بسيط جِدًا ... ما عِندو آله التفكير ظاتووو ... هو لو بِعرِف يِفكِر ... ما يِكتِب في المآسي البِتحدث في مُعسكرات الموت في دارفور ، مُخليهُم يِموتو موتُم وقاعِد يِكتِب ويقول < أنا عربي حُررررر > < حبوبتي شعرا لِنُص ضهرا > < خيلاني أكانو بِشيلوني مِن كتِف لِكتِف > ... أنا مرات بلقى ليهو العُذر ... زول مرق مِن عدم ... فجأة لقى روحو في أمريكا ... صدمة ... دهشة ... بس مُشكِلتو إنها طَولت معاهو حبتين

عزام

Quote: دي أجِندة ما مُمكِن يضطلِع بيها " بريمة " لأنها أجِندة بِالرغم مِن " خُبثِها " إلا أنها تحتاج إلى " ذكاء " وهو ما يفتقِر إلَيهِ "

لعلمك أنا خريج مرتبة الشرف الأولى .. Best Student فى جامعة الخرطوم وكذلك Best Student فى معهد البحر الأبيض لآنتاج المحاصيل لما كنت طالب ماجستير.

أها أنت .. راسب فى الفصل الثالث جامعة الخرطوم .. والأن أنتهيت إلى سواق أو طباخ ساكت للعرب .. عشان كده تكره العرب ..

أوعاك تانى تلغلغ !



بريمة

بريمة محمد ...

Quote: لعلمك أنا خريج مرتبة الشرف الأولى .. Best Student فى جامعة الخرطوم وكذلك Best Student فى معهد البحر الأبيض لآنتاج المحاصيل لما كنت طالب ماجستير.

والله والله وعِندي تلاتة شهود مِن بورداب قطر ، قلت ليهُم بريمة ده لو ما كتب هو درس شنو ووين يِمكِن يموت عديل كِده ... ما شايفنو كلامو ... قابلت دكتور فُلان سنة كم ما عارِف ... ولامِن قابلت دكتور فُلان قال لي ... كُنت مع دِكتور فُلان وقال لي ... وشارطهُم إنك في ظرف يومين تلاتة حتكتِب لينا برااااك إنت قريت شنو ووين ... بس كمان " القلم ما بِزيل بلم " وإنت مِثال حي يمشي في الأسواق ويأكُل الطعام لِلمثل ده ... كُنت عارِف إنو " نرجِسِيتك " ما حتخليك ... أنا عربي حُررررر ... أنا أفضل الطُلاب ... أنا تخرجت بِمرتبة الشرف ... أنا حبوبتي كان شعرا لِنُص ضهرا ... أنا خيلاني أكانو بِهَشِكوني ... أنا ... أنا ... أنا ... إنت بِالنيني يابا ...

Come on guys, this is a cyber debate forum to reach out in a nostalgic Sudanese moment to exchange your thoughts, feelings and beliefs about the various sensic and non-sensic ideas or actualities. So please don’t dive into a personal/academic evaluation/assessment forum and stoop to individual abuse – in the end we all get insulted. Most people here enjoy a good pondering – keep that up.

مريم

الزول ساكينى بالطريقة دى ليهو أسبوع .. بعد دا ح يأكل نيم معاى.


بريمة

كتبت مرَيم عُثمان تسأل بريمة :

Quote: Is it a pre-electoral advocacy campaign analysing communists’ social and ideological approach to matrimony and thus = less/more votes? Are communists not Muslims in Sudan? Are some fanatics gearing to declare some Fatwa on this issue

ــــــــــــــــــــــــ
وأنا دِفاعًا عن بريمة ، كتبت :

Quote: دي أجِندة ما مُمكِن يضطلِع بيها " بريمة " لأنها أجِندة بِالرغم مِن " خُبثِها " إلا أنها تحتاج إلى " ذكاء " وهو ما يفتقِر إلَيهِ " بريمة " لِحُسن الحظ ... يا زوله بريمة ده زول مِسيكين ... طَيِب (!!) ... ما ظني فكر في كِده ... لسبب بسيط جِدًا ... ما عِندو آله التفكير ظاتووو ...

ــــــــــــــــــــــــ
قام مرمي الله كتب :

Quote: لعلمك أنا خريج مرتبة الشرف الأولى .. Best Student فى جامعة الخرطوم وكذلك Best Student فى معهد البحر الأبيض لآنتاج المحاصيل لما كنت طالب ماجستير.

ــــــــــــــــــــــــ
طَيِب يا بريمة ولا تزعل ... كلام مرَيم عُثمان بِتكون فكرت فيهو وبِتنفِذ في المؤامرة الخُببثة وهي < الحث على صُدور فتوى شرعِية بِتكفير الشيوعِيين وبِالتالي عدم الإقتِران بِهِم ... وبِالتالي الإبتِعاد عن مُرشحِهِم في الإنتِخابات القادِمة >

Quote: لعلمك أنا خريج مرتبة الشرف الأولى .. Best Student فى جامعة الخرطوم وكذلك Best Student فى معهد البحر الأبيض لآنتاج المحاصيل لما كنت طالب ماجستير.

ودي عملت منك شنو? و استفت منها شنو?

المرهاض,
أقعد فى الواطة بالله
و هاك العبار دا

Quote: لاحظ فى ناس قالوا لا للأيديولوجية بل نعم للحب .. ومنهم ماضى والصادق ..

ماضي؟؟
الهو ماضي ابو العزائم؟؟
ده أنا ولا واحد تانى ؟؟
كدى جيب لينا الاقتباسات البتأيد الكلام ده

ماضى

ما كنا كوسين .. شنو يا أخى .. مش دا مفهوم كلامك ..

Quote: بريمة سلام Quote: أعرف الشفيع كان رفيق .. وفاطمة كانت رفيقة .. المشكلة كانت وين؟ المشكلة كانت فى الاحتمال الكبير لرفض الاستاذ أحمد إبراهيم.

والذى قلت عنه أنصارى ..

وأنتصر الحب على الإيديولجيا .. ولو أنا غلطان بسحب كلامى.

وممكن نعرف وجهة نظرك كانت شنو.

بريمة

Mariam Osman

Quote: So please don’t dive into a personal/academic evaluation/assessment forum and stoop to individual abuse – in the end we all get insulted.

أكيد الكلام ده بِكون قاصدة بيهو زول غيري ... لأني ما شخصنت كلامي مع بريمة إلا لامِن جعل < العرب > أعلى مكانة مِن بقِية خلق الله ... فطفق يُحدِثُنا عن عُروبِيتِهِ مُستدِلاً على ذلِك بِـ< طول شعر حبوبتو > و< طول قامة أخوالو > بِالله زول مُتعلِم حتى الكِضِب المَجَيِه ما يِعرفو ... وجلب صورتي وشرح تفاصيلو < نخرتك كُبار > < خشمك فوقو عُوار > < عِيونك شُتار > وهو حايِم ليهو بِوَش زنجي وبِكورِك يا ناس المِنبر ورورورورورك أنا < عربي > < أنا عربي > < عربي أنا > ... ده إسمو شخصنه ... والبشخصِن بِنشخصِنو ... وقنب يِكضِب ويِصدِق كضبتو ... مره يِقول عزام تُركي ... مره يِقول عزام يوناني ... عزام راسِب ... عزام طاردِنو مِن الجامعة ... والله لو الكلام ده صاح بِظل < شخصنه > ولو الكلام كِذب بِبقى < حَيوَنه > ... وفوق العليهو قنب يِشتِم ...

عزام

أنا طلبت منك فى البوست الأخر أمشى أعمل أمتحان ICQ

وخت النتيجة .. عشان أى يتفرج ويضحك .. !

يا أخى هنا نشأت لنا أدبيات فى هذا المنبر .. هو محاولة الفصل بين محتوى النص والكاتب فى الكتابات غير الأدبية .. أنت لأن عقلك مقفول لا تستطيع تفصل بين الكاتب والنص ..

إن لم تراجع تأكل ما هو أمر من النيم.

بريمة

بريمة محمد ...

Quote: أنا طلبت منك فى البوست الأخر أمشى أعمل أمتحان ICQ وخت النتيجة .. عشان أى يتفرج ويضحك .. !

ما مُشكِلة يا زول بِنشوف الـICQ بِمْتحِنوها في ياتو مُصيبة وبِنمتحِنا ...
شايفك تاني بِتْهين في الأعمال الشريفة وجِبت سيره " الطباخين " و"السواقين " ياخ أنا ما سألت والناس مُنتظِرين إجابتك بِخُصوص عمل السَيِد والِدكُم والسَيِدة والِدتكُم أكان شنو؟ إنت مالك كِده!
ــــــــــــــــــــــــ

Quote: يا أخى هنا نشأت لنا أدبيات فى هذا المنبر .. .. هو محاولة الفصل بين محتوى النص والكاتب فى الكتابات غير الأدبية ..

ولد ده ... بُردُلوب

Quote: أعمل أمتحان ICQ

يا المرهاض ICQ
دا شنو و stand لشنو??

Ahaaan, again the debate changed to ethnicity and identity – “who has the lightest skin tone?” and “whose grandmother has the lightest tone?”

Apparently, in the Western world, even if one of your grandparents is black you are automatically black.
I smirk every time I hear a Sudanese person fighting so hard to get accepted as a full fledge graduate from Arab ethnicity college. Lol. Being Arabic speaking and Muslim only, unfortunately, does not qualify entry into this college. First language in Senegal is French but they are not considered French. Why can’t we accept our uniqueness of this awesome harmonious mix and use it to our benefit? at least we would be in better places than we currently are. I heard from my father that Lebanon refused to accept Sudan as Arabic when they were founding the Arabic League organisation. I have personally worked with each and every Arabic country national – they only respected the language and religion “bit” that I share with them – NOTHING ELSE, as colour was not taken into consideration as identity, as far as Sudan is concerned. It is time for those among us who identify with Arabism as a lineage and cause of existence – to may be consider Sudanese identity first? I am sure you all know that they are many many black people in Lebanon, Palestine, Iraq, Egypt etc and they are treated like 20th class citizen. Why want to go there? Never mind the question.

I am trying in vain here to get you back to your original non-existing track.☻

كوستا

عارفك أنت قاصد البرنامج بتاع ICQ
وأنا قاصد أختبار الذكاء .. تجده تحت مسميات مختلفة IQ أو ICQ أو غيرها


لو عزام جاب نتجية فى المجال red .. أعتبره أينشتاين عديل .. الزول ماعنده لا judgement ولا reasoning قاعد فى السهلة ساكت وكمان يغالط.

بريمة

كوستا يا كرمبا

Quote: ودي عملت منك شنو? و استفت منها شنو? المرهاض, أقعد فى الواطة بالله و هاك العبار دا

ما عملت منى ولا حاجة .. لكن على الأقل حفظت لى ما وشيئ ما يجئ واحد يقول لى أنت جقاوة ساكت .. فى الحالة بثبتوا بقول ليهو أنا صقر جديان عديل.

You're looking at the elephant right there, you ought to catch (him) by the throat not me


بريمة

كُوستاوي
كيفك ... علك طَيِب ...

Quote: ICQ

البعرفو إنو برنامِج مجاني لِلتراسُل الفوري زيو زي الماسنجر العادي ... وهو هيل شرِكة إسرائيلِية ( Mirabilis ) ... لكِن بريمة ده بطنو غريقة وبِشِهادتو ألات الجامعة بِكون قاصِدلو شيتًا تاني ... هسِع تكون مصيبة كدي تحيِرنا ظاتوووو
ـــــــــــــــــــــ
ودي فِهِمتها يا كوستاوي يعني

Quote: لكن على الأقل حفظت لى ما وشيئ

والله صحي التعليم إنهار ... واحِد خريج جامعة الخرطوم بِمرتبة الشرف (حسب قُولِهِ) يِكون ما بِعرِف يِكتِب عربي زي الناس ...

Quote: وممكن نعرف وجهة نظرك كانت شنو

وجهة نظرى كانت واضحة من الاول
أرجع لاول مداخلة منى وهى عبارة عن
إقتباس لونت فيهو كلمة واحده فقط
بعتبر الكلمة دى فتلت المعادلة بتاعتك
و بالتالى كان واضح أنها ستؤدى لنتائج خاطئة
خلينى أذكرك بشئ بسيط جدا
السودان البلد(المجتمع)الوحيد الفيهو
لما تتزوج بت بتكون ملزم بالتعامل مع أسرتها بالكامل
و كذلك هى ملزمةبنفس القدر يعنى 1+1 لا يساوى 2

ماضى
طيب .. ياهو الكوت

Quote: Quote: علمت أن الرفاق .. يحبون الزواج من الكوزات .. ولم أعرف السر شنو؟ ..

بدل الكلمة بالأحمر للحاجة الأنت عايز تقولها ..! .. أى زول يفهما أن كلمة السر هى الحب.

بريمة

The Question is

Why sudanese men marry sudanese women any way?


if the stop doing that long time ago people like Brima will never exist by now.

I am still waiting to know what is the debate is about - once you guys finish the wrestling match

مريم

رأيى فى الموضوع واضح .. هو زواج بيت عنكبوت .. وفى نظرى لا يرقى إلى القول إنه زواج إرادة حرة ..

بريمة

Quote: وأنا قاصد أختبار الذكاء .. تجده تحت مسميات مختلفة IQ أو ICQ أو غيرها

شوف يا المرهاض سيب اللف و الدوران.......
(It is IQ ( Intelligence Quotient

ما ثألف
قلت ليك عبابير الصباح دي بدوديك محلات غلط

الله يحلك من عزام
دا مرسلو ليك الله عشان يعدلك دربك
سيب المناتلة و أقعد في الواطة

كوستا

دى حكمة اليوم

Quote: الله يحلك من عزام دا مرسلو ليك الله عشان يعدلك دربك سيب المناتلة و أقعد في الواطة

صدق من جيت سودانيز أولاين .. نفرين وقفوا لى في حلقى تذكر sudani
الزول نزل 615 مدخلة فى بوستاتى تقول: بريمة أمنجى ومزروع لزرع الفتنة .. الكوت طبعا طويل ..

وأهو عزام أكتشفنى له أسبوعين .. مصيبتى مصيبة .. أحسن نخلى البلاوى ونربى أولادى

الأخر طبعا العبار .. لكن العبار حسمتو.

بريمة

******

بريمة

دعونا كمحاولة لعودة لموضوعنا نأتى إلى نقطة ممكن تلقى الضوء من جانب أخر وهى : زواج الكيزان من الرفيقات ..

Quote: ولكن لاحظوا أنا لم أتطرق لزواج الكيزان من الرفيقات .. ودا طبعاً موضوع كبير جداً يصعب تفكيكه .. على الاقل بالنسبة لى ..

دعونى نحاول
بريمة

Quote: وقال عضو الهيئة، الدكتور مهلب بركات، في المنبر الإعلامي للمركز السوداني للخدمات الصحفية أمس ان القصد من الزواج الطمأنينة والمودة والرحمة، وأن الزوجة من حقها أن تسقط بعض حقوقها الزوجية دون اكراه، وان المرأة تنكح لأربع من ضمنها مالها لذا من حقها أن تتبرع به دون مانع . وطالب مهلب بالتفريق بين أركان الزواج وشروطه، وأن النفقة ليست من بينها، بل تمثل إحدى مقاصد الشريعة . من جهته، اكد عضو هيئة علماء السودان، الدكتور عبد الرحمن حسن، اكتمال العناصر الفقهية في زواج المسيار من الولي والعاقد والشهود والمهر والإعلان، غير أنه اقترن بعدم النفقة والمبيت، وأنه زواج صحيح. واعتبر ان مثل هذه الزيجة تراعي النواحي الإنسانية خاصة لدى المعدمين، بجانب أنه يجسد تكافل المرأة والرجل من ناحية اجتماعية، بالاضافة لاحداثه معادلة اقتصادية في ترشيد الانفاق وتوزيع موارد الأسرة . واعتبر إنفاق المرأة على زوجها صدقة، وقال إن المرأة العاملة غير مرغوب فيها لذا لابد من تقديمها لبعض التنازلات . من جانبه، أعلن الامين العام لجماعة أنصار السنة، ابوزيد محمد حمزة، اتفاقه مع زواج المسيار من حيث استيفائه لشروط الصحة، غير أنه يختلف معه فيما بعد من حيث إسقاط النفقة والمبيت، حيث إنه يرى أن الزواج الأمثل بقوامة الرجل لا المرأة، بيد أنه سيسهم في القضاء على الكثير من الظواهر الاجتماعية السالبة في إشارة لأطفال المايقوما .

هذا النص أنا واقف فيهو لى شهر .. عشان أفهم أخر نقطة .. أطفال المايقوما وعلاقتهم بالزواج .. ! .. ودا موضوع جانبى ..

الموضوع الحقيقى هنا قوامة الرجل على المرأة .. والمرأة العاملة غير مرغوب فيها وما شاكلها من ألفاظ ..

كل الفوق كوم .. والرفيقات العمرهن ما يتفقن معاهو وزواجهن من الكيزان كوم تانى!

وهنا نتساءل إذا تلك إعتقادات الكيزان فى المرأة .. كيف ينتهى إلى ذات المرأة التى يكره صفاتها: المساواة بين الرجل والمرأة .. وكذلك عمل المرأة !

بريمة

يا عزاااااااام
بريمة جا تاني

كوستا

Quote: يا عزاااااااام بريمة جا تاني

يا زول ما تحمكش فينى النيران ساكت .. الزول نايم لحدى ما يصحى أنا بكمل كلامى وبعمل "أوت" ..

أمنت عديل من الزول دا .. كأننا فى حروب داحس والغبراء.



بريمة

طيب: على أى أساس يتزوج الكوز الرفيقة .. ! هل الحب يكفى عن يتنازل الكوز عن موروثه الدينى والسياسى لصالح الزواج من الرفيقات !!

دعونا ننظروا إلى أن الكيزان يتزوجوا الرفيقات على أساس إنهن كتابيات .. بالمعنى الواضح لا يفكر فى الزواج من ناحية دين المرأة ..

موضوع غير الكتابية دا شيئ أخر.

بجييكم

بريمة

هذه الحالة تمثل إمراة كتابية وسوف لكم رد الشيخ لسؤالها وإستفسارها

Quote: أنا فتاة مسيحية كنت أعيش في أوربا، وقد فقدت عذريتي، لأنني كنت أمارس الفاحشة، وتعرفت على شاب مسلم وتزوجت به من 5 أشهر ولم نزن قبل الزواج، والله يشهد أنني تبت من أعمالي وأسأله المغفرة كل يوم، ولكن الرجل الذي تزوجته طلقني مرتين، وأغلب المشاكل تعلقت بالماضي، لأنني أحس أنه لم ينسه، وأنا صارحته لأعطيه حق الاختيار، ولا أريد خداعه أو خداع نفسي، والآن ـ حسب ما قال لي ـ أنه يوجد نص قي القرآن يحرم الزواج بكتابية إذا لم تكن عفيفة ـ حتى لو تابت ـ إلا إذا أسلمت، وقرأت فتاوى تحلل الزواج بالكتابية، وفتاوى أخرى تقول إنه لو كانت الفتاة غيرعفيفة، ولكنها تابت يجوز الزواج منها، ولكن في حالتي أنا كتابية وأريد البقاء على ديني وتبت من فعلتي ـ والله يشهد على كلامي ـ وأنني نادمة على أفعالي وكل يوم أطلب المغفرة، فهل يجوز لي أن أعود إلى طليقي وهو مسلم وأنا مسيحية؟ ردوا علي جزاكم الله خيرا، فإني في حيرة من أمري وكذلك طليقي، وأريد أن أعود إليه والستر بدون معصية الله وفعل الحرام، أو ما يغضبه علينا.

بريمة

رد الشيخ .. فى منبر إسلام ويب

Quote: فقد حرم الإسلام على الرجل الزواج بمن تمارس الفاحشة ـ سواء كانت مسلمة أو كتابية ـ وقد بينا هذا في الفتويين رقم: 29536 ، ورقم: 11426 . لكن إن ظهر من المرأة التوبة والإقلاع عن هذه الفاحشة فلا مانع من الزواج بها بعد الاستبراء بحيضة، ويستوي في ذلك المسلمة والكتابية أيضا، على ما بيناه في الفتويين رقم: 9644 ، ورقم: 18155 . وتأسيسا على ما سبق، فإن كنت قد أقلعت عن هذه الفواحش واستبرأت الرحم بحيضة قبل الزواج، فإن الزواج صحيح، وحيث إن الزوج قد طلقك مرتين فيجوز له أن يرتجعك ما دمت في العدة، لأن الزوجة إنما تحرم على زوجها بالتطليقة الثالثة، فإن كنت قد خرجت من العدة فيجوز له أن يتزوجك بعقد ومهر جديدين. أما إن كان زواجه بك قد حصل قبل التوبة أو الاستبراء، فإن الزواج حينئذ يكون قد وقع باطلا من أصله، ويجوز له أن يتزوجك زواجا شرعيا بالشروط والأركان المبينة في الفتويين رقم: 591 ، 1766. وفي النهاية ننبهك على ما هو أهم وأولى بالنظر والسؤال من هذا كله وهو الدخول في دين الإسلام، فإن دين الإسلام هو الدين الحق الذي لا نجاة للعبد إلا به، وما سواه من الأديان باطل، وراجعي في ذلك الفتوى رقم: 54711 ، وما أحيل عليه فيها من فتاوى. والله أعلم.

وبجيكم بالفتوة المشار إليها ..
بريمة

والكلام الفوق وما سيأتى فقط أريد منه أضعكم أمام المفارقة بين المفهوم الدينى للزواج والمفاهيم اللادينة ..

Quote: فإن الله تعالى لما أباح للمسلم الزواج من الكتابية اشترط أن تكون محصنة، أي عفيفة، فقال تعالى: وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ [المائدة:5]. والمراد بالمحصنات هنا: العفيفات، يقول الشعبي : إحصان الذمية ألا تزني، وأن تغتسل من الجنابة. تفسير ابن عطية 4/321 وبلغ عمر أن حذيفة تزوج يهودية فكتب إليه عمر: خلّ سبيلها، فكتب إليه : أتزعم أنها حرام فأُخلي سبيلها ؟ فقال: لا أزعم أنها حرام، ولكن أخاف أن تعاطوا المومسات منهنَّ. الطبري 2/378

إذن هناك بعد مفاهيمى وقيمى لماهية الزواج فى الأسلام والأيديولوجيات الأخرى.

بريمة

دعونا ننظروا إلى أن الكيزان يتزوجوا الرفيقات على أساس إنهن كتابيات


دا عبار قوي جدا

يا بريمة الرفيقات ديل منو? و ليه كتابيات
و كمان ما عفيفات
يا زول بوستك دا لخ عجين ساكت

أمشي كدي نوم
و خلي العبار دا يطير منك
عامل راسك دا زي الكفر أبو رباط

Quote: دعونا ننظروا إلى أن الكيزان يتزوجوا الرفيقات على أساس إنهن كتابيات .. بالمعنى الواضح لا يفكر فى الزواج من ناحية دين المرأة ..

ده كلام كبير جدا يا بريمة
و عشان ما نظلمك أو نفهمك غلط
أرجو توضيح المقصود و بدقة كاملة
معنى كلمة رفيقات
و بجيك راجع بس بعد التوضيح
ولا عبابير ساى ياقولة كوستاوى

ماضى

لو لاحظت منذ البداية انا قلت إننى أجد صعوبة لترير زواج الكيزان من الرفيقات .. فمسألة الإيديولوجيا والفهم الدينى للأشياء من منظور واحد غير وارده بين الأثين .. ومسألة الكوز يترك تمسكه ويحب ويساسك البنات برضو ما وارده إلا يكون ما كوز .. وفى هذه الحالة أيضا من الصعوبة أن يقول الكوز عن الرفيقات بأنهن لادينيات أو ملحدات .. لأن هنا يكون هناك مانع شرعى من الزواج

وهنا يفضل خيارين بس أما يعتبر الشوعيين وبقية اليسار ملة دينية .. دى ما وراده بحكم الشيوعية .. أو يعتبرهن كتابيات .. وهذه الأخيرة أقرب لذهن الكوز ..

لنفترض أن الكيزان حينما يتزوجون رفيقات يعتبروهن مسلمات .. هناك يكون تم تحويل الرفيقة قبل الدخلة إلى كوزة ... وممكن يحصل هذا .. بفقدان الرفيقة لهويتها الفكرية ..

لكن المشكلة الأنا فيها الرفيقات عايزات يكن كما هن عليه والكوز يكون مصر على الزواج .. هنا لابد من إيجاد مخرج .. كتابيات .. أو يتزوج على عدم الأفتاء فى الموضوع على قرار أن لا تسألوا عن أشياء أن تبدو لكم تسوءكم .. أو أحلت لكم الميتة والدم ولحم الخنزير ومن أضطر غير باغ وهكذا.

أنت رأيك شنو .. الموضوع معقد تعقيد مبالغ فيهو.

بريمة

عشان نشربك ليكم المسألة لما بطونكم يطمن .. هنا قصة زواج أخ سودانى ليبرالى (على السكين) .. وعضو معنا فى المنبر ويضع كل قصة حياته فى مدونة عامة .. وسوف أحزف بعض المعلومات حتى أخفى شصيته .. وأتمنى لو مر الأخ أن لا يحاول كشف شخصية .. قصدى فقط مقارنة الفهم الليبرالى للزواج مع الخلفية الكيزانية .. يقول الأخ:

Quote: كتبت لوالدتي معلنا لها رغبتي بالزواج؛ وامام تحفظاتها وتحفظات بعض اطراف الاسرة؛ حول صيغة الزواج ومستقبله والخ؛ فقد وعدتها باجراء زواج اسلامي؛ وفي اول ديسمبر قمنا (...) وانا بعقد قراننا علي الطريقة الاسلامية في المركز الاسلامي بوارسو؛ رغم ان كلانا لم يكن يحتاج لذلك؛ وارسلت نسخة من عقد الزواج لامي؛ وفي نهاية الشهر قمنا بعقد الزواج مدنيا في قسم الاحوال الشخصية بوارسو؛ وعلي الطريقة الكاثوليكية في الكنيسة الاكاديمية بوارسو؛ ارضاء لاهلها؛ ممن لم يكونوا ايضا علي قناعة كاملة بهذا الزواج.

يبدو الدين وجاهة ساكت فى هذه الحالة وسرعان ما تم إختزاله تماما .. أنظروا مسألة الزواج الكاثوليكى فوق الزواج الاسلامي .. خلط مريع!

بريمة

ونتيجة لكل الحيثيات والمرافعات التى أوردتها أوصلتنى إلى أن زواج الرفاق من الكوزات هو بالنسبة لى زواج "بيت عنكبوت" .. وبإجراء العملية العكسية زواج الكيزان من الرفيقات حتى توصيف "بيت العنكبوت" يصبح غير كافى.

وبغض النظر عن ودون تحميل الرفاق والكوزات والكيزان والرفيقات ما فوق طاقتهم .. أرى أن هناك خلاصة منطقية هى إننا فى السودان أتجهنا لفرضية الزواج الأيديولوجى ..

وسوف يكون هناك صراع عنيف ما بين الأيديولوجيا من جهة ومنظور المجتمع السودانى لزواج بت العم والقدح .. وغيرها.

---------------------------
الله معاكم والعفو والعافية .. كلامى تم وإن شاء الله عزام يجى ما عندى غرض.

بريمة

Quote: ده كلام كبير جدا يا بريمة و عشان ما نظلمك أو نفهمك غلط أرجو توضيح المقصود و بدقة كاملة معنى كلمة رفيقات و بجيك راجع بس بعد التوضيح ولا عبابير ساى ياقولة كوستاوى

لسة مستنى الاجابة

ماضى

رفيقات .. شيوعيات .


بريمة

بريمة محمد ...

Quote: الزول نزل 615 مدخلة

قُلت لي نزل ليك < 615 مدخلة > ودي كمان شِني يا خوي المصيبة دي؟ يعني أقصُد < مدخلة > دي مِحِلا وين بِالضبط ... وين ... وين حدِثني؟

العبار بريمة.

شايف عزام صارمتخصص فيك.

نصيحتي لك أرفع الرأية البيضأ.

عزام

لأنك أنسان سجم رماد وعقلك مسمكر (مسكر كما يقول اللبانيون) .. لا تستطيع ترجمة الكلمات الناقصة أو الخطأ إلى ما هو صحيح ..

أى زول داخل وخارج المنبر .. يعرف أن المقصود مداخلة .. وأنا لعلمك لا أصحح كل الأخطاء التى أراها فى كتاباتى حينما أعرف أن عقل المتلقى يصححها ..

ولو قلت ليك بلهجتنا البقارية "لو بتط قول بط .. لو ما بتط قول ما بط" .. ولأن عمرك ما سمعت بهذه الكلمات يجد عقلك صعوبة فى ترجمتها .. وهنا يلزمنى تصحيحها ..


ما تخلينى تانى نلصق ليك من عينة سواق ولا طباخ للعرب!

بريمة

يا العبار دينق

Quote: العبار بريمة. شايف عزام صارمتخصص فيك. نصيحتي لك أرفع الرأية البيضأ.

صديق كوستاوى sudani لم يجعلنى أرفع الراية .. !!
حياتى لم أعرف معنى قول الرسول: حينما يجد أنسان مثل هذا العزام: أين هذا من عمرو.

والصحابى الجليل عمرو بن العاص كان مدرسة فى الفلسفة .. يقلب الأبيض أسوداً ..

لو كان مسألة التصحيح جايبه تمنها .. لكان كوستاوى صار رئيس العالم .. كلمة المرهاض ماسكها منذ سنة 2005م يرددها مثل الببغاء اللاتنينى الأخضر.


مبادئ شكلة مع كوستاوى ..

بريمة

بريمة محمد ...

Quote: الله معاكم والعفو والعافية .. كلامى تم وإن شاء الله عزام يجى ما عندى غرض

وجع ... ما قُلتو نوبا ... ما بِتقدر تصدُق حتى في دي ...

Quote: ماضى رفيقات .. شيوعيات . بريمة

طيب ما تخلى مسك العصاية من النص و تقول كلامك عديل
مرات تقول راى و فى المحك تعمل (إياك أعنى و أسمعى يا جارة)
شوف مسك العصايةمن الوسط ده

Quote: لكن السؤال الذى يطرح نفسه: ما الفرق بين هذا الزواج وزواج المسلمة من الكافر ؟؟ علماً إننى شخصياً لا أكفر الرفاق ..

العبارة الاخيرة لزوم الزوغة و كدة

Quote: الخلاه حلال شرعاً شنو .. مش الجماعة يقولوا عن الرفاق ليس من أهل الملة .. ووقفوا بأستحياء عن تفكير الشيوعى مع العلم يجوزون تكفير الشيوعين عموماً ..

Quote: يلاحظ الأنسان السودانى .. أن المجتمع السودانى لا تهمه الأيديولوجيات فى مسألة الزواج .. وهذا فى نظرى شيئ خطر

و بعد ده كلو تجى تقول

Quote: أنا إنسان صريح جداً .. يعنى الأعور لو قلت له يا زول يا أعور ..

طيب يا بريمة خلينا من لعب التلاتة ورقات دة
إنت رايك شنو؟؟؟؟ (ما تقول ما عارف و تستنطق الآخرين)
الشيوعى/ية كافر ولا ما كافر؟خلينى من راى فلان و كلام علان
‘نت ده يا بريمة قناعتك الشخصية شنو ؟؟
يعنى لو جاك أسى شيوعى و عايز إعرس بتكم
و كان من اسرة بتحترموها حا توافق عليهو و لا
بترفض بس عشان هو شيوعى ؟؟؟

ماضى

رأيى قلته .. لا أكفر الرفاق .. لأنه لم أجد فتوى صريحة قرأتها تفكر الأفراد من الشيوعيين السودانين ولكن هناك من يقول بكفر الشيوعيين عموماً ..

وبخصوص سؤالك عن زواج الشيوعى .. لا أزوجه .. مرفوض على هدى تراثنا الأنصارى ويشمل ذلك جميع بنات أعمامى وخالاتى وخيلانى .. ولهم أن يزوجوه دون أمرى .. ويظل أحترامى له كنسيب وشيوعى محفوظ .. وأحضر حفلته وأحتفل بزواجهم .. مع أحتفاظى بحقى فى الرأى.

شايفك سويت من كلمة الرفاق موضوع - ألم يقل للاخوان الكيزان وألم يقل للأنصار الأحباب .. وناس الحركة كمراد .. شنو البخليك تتأفف من كلمة الرفاق للشيوعين ..!


بريمة

بريمة محمد ...

Quote: لأنك أنسان سجم رماد وعقلك مسمكر (مسكر كما يقول اللبانيون) .. لا تستطيع ترجمة الكلمات الناقصة أو الخطأ إلى ما هو صحيح ..

علشان أثبِت لك إني < فالِح > وبتِم ليك < ناقصك >

Quote: رأيى قلته .. لا أكفر الرفاق .. لأنه لم أجد فتوى صريحة قرأتها تفكر الأفراد من الشيوعيين السودانين ولكن هناك من يقول بكفر الشيوعيين عموماً ..

< تفكر > إنت قاصِد بيها < تُكفِر > ... صاح ... ما تَيِب

Quote: رأيى قلته .. لا أكفر الرفاق .. لأنه لم أجد فتوى صريحة قرأتها تفكر الأفراد من الشيوعيين السودانين ولكن هناك من يقول بكفر الشيوعيين عموماً .. وبخصوص سؤالك عن زواج الشيوعى .. لا أزوجه .. مرفوض على هدى تراثنا الأنصارى ويشمل ذلك جميع بنات أعمامى وخالاتى وخيلانى

إنت فعلا رايك قلته ب (ولكن)و(لا ازوجه)
طيب يا بريمة بس نختلينا شوية مخ فوق صنقورنا ده
و نشوف عدم زواجك ليهو ده رغم إنو من عائلة محترمة
لديكم هل عندو معنى سوى تبنيك لكل ما ورد بعد كلمة لكن
و خلينا نختها على بلاطة
بما انك استندت فى رفضك على اساس دينى فهذا معناه أن كل الابناء نتاج
هكذا زيجات هم أبناء سفاح و بالضرورة رفضك سيتمدد لهؤلاء الابناء لانه
بالمنطق لن تزوج بنتكم لابن سفاح و إن كان رأيه السياسى يجنح لاقصى اليمين ؟؟
الكلام الفوق دة مش تسلسل منطقى لما تعتقد يا بريمة ؟؟