نافسه على خطيبته فاتهمه بالانضمام للقاعدة

نافسه على خطيبته فاتهمه بالانضمام للقاعدة

اضطر سوداني - كان يشكو من منافسة مواطنه المغترب على الزواج من خطيبته - للإدلاء بمعلومات كاذبة لدى سفارة المملكة العربية السعودية بالخرطوم حول علاقة غريمه الموجود حالياً بالسعودية بتنظيم القاعدة. واصدرت محكمة جنايات الخرطوم شمال برئاسة القاضي محجوب عمر أمس حكماً في مواجهة المتهم الواشي ذلك بالسجن لمدة شهرين مع ايقاف النفاذ وتنفيذ العقوبة بالجلد «عشرين سوطاً »،


وقالت المحكمة في حيثياتها ان السلطات المختصة قد ألقت القبض على المدان المذكور وهو طالب بالجامعة بعد أن شككت في معلوماته التي كتبها في خطاب وقام بتسليمه للسفارة السعودية بالخرطوم ، وأقر المدان أن الشخص يسكن بجواره وأنه قصد ذلك لأن السوداني المغترب كان ينوي الزواج من خطيبته.

يا المغتربيين اعملوا حسابكم هههههههههههههههههه
---------------------
المصدر: البيان الاماراتية
الخرطوم ـ ابراهيم علي سليمان

عشرين سوط بس
والله مفروض الف سوط
طيب نحن قلعوا مننا خطيباتنا أكثر من ثلاث مرات
لاقلنا قاعدة ولامثلث برمودا
برضو قبل فترة جاء حرامي في حلتنا والجماعة قبضوه بالليل
واحد مسطول قال ياجماعة الزول دا ماتجلدوه
بس قولوا الراجل دا في تنظيم القاعدة
الحرامي قعد يكورك نص الليل
قال ليهم أعملوا اي شيء عاوزين تعملوا فيني الا القاعدة دي

يا ابو حراز
انا ناوي ابلغ عليك من هنا اه البجلدني منو

الاستاذ الموصلي .... مر من هنا ... ابحراز ح نوديهو قواتنامو احسن

الجميل ابحراز

ما كفاية عشرين سوط وشالو حسو .... والظاهر هو كان الشغلة عاملو تحت ...ريدة ود الجيران يعني

دمت

والله حقو يجلدو الراجلين و البت زاتا
الخطيب ما راجل وما عاقل الداير واحده تشاركو حياتو ومن هسع ما واثق أنها باقيه عليو وللا يمكن تشوف غيرو، الما قادر يمسك لي بت ناس لدرجة خايف يشتريها راجل تاني محترم و ود ناس زي مابقولو

وبتاع السعوديه برضو ما راجل ، يشوف واحده عندها مش بس علاقة جكس و حب مع زول ، لكن الشغلانه فيها أهل ، وبعد دا جايي حاشر نخرتو ، وفوق دا كلو جارو كمان يعني عارف القصه وسامع بيها ، لا يبيع أحدكم على بيع أخيه قال

والبت لأنهاما طمنت زولها دا أنو هي ما سلعه كلو زول سعرو كويس وأخلاقو عاليه بقدر يشيلها، وكمان سمحت للمغترب بالتفكير في الموضوع من أساسو ، وما أدتو اشارة حسم عشان يقطع الأمل ويجرب البت نمره تلاته و أربعه البعدها يعني

صاحب البوست زاتو ممكن يجلد على شمارو

ســـــلام

المفروض ينجلدوا التلاته وكمان معاهم أبو حراز

أبو حراز...أزيك.. ياراجل عيب والله تصرف النظر عننا كدا..نحن كنا قايلين إننا ناسك..لكن الظاهر إن بعض الظن سذاجه كمان مش إثم وبس..لكن معليش..تعيش كتير ...تشوف أكتر...المهم إنك بخير ودي كفانا

الباشمهندس نيل سلام كيمان كيمان ... وتحياتي

والله ابحراز اتلوم معاك .... دايرني اجيبوا ليك .... ولا ادويهو تورا بورا.... انت تأمر .... يا ابحراز فريق الرياض ضد فريق الطائف اها تقبل وين بعد ده

بوش : الكلامو دخل الحوش : كيفك يا رجل ؟
الإيمج بتاعك هنا الهاري فيهو البي سي و مدينا ضهرك ، تماما كحالتك معانا هنا ، لا بتسأل لا جايب خبرنا ، واقع أخبارات دارفور سآآآآآآآآآآآآآآآآآكت.

ود الحاج وين ؟

خطف الخطيبات دة قديم ، بدءا بهابيل و قابيل ، و قصة لن تنتهي ما دام العيون زايغة و لا تملاها إلا التراب.
المشكلة كمان بقى في إغواء الزوجات و خطفهن خطفا.
لنا لقاء.
تسلم

أبو جهينة دخل البوست وما قال كش ..... سلام مربع يا رجل يا اصيل .... اولا مرحب بيك في الدار وبيتنا نور .... تغيب وتظهر في حتات كدي غير متوقعة

ود الحاج كويس بخير وعافية وموجود بكترة

واحد قال لي ... والله صورتك فيروس ههههههههههههه .... عشان كدي اي بوست فيهو اسمي ما يفتحو

بس ما قلته لي حكاية العيون الزايغة علاجو شنو يا ربي؟؟؟ ما تقول لي نظارة سوداء

شكرا على الطلة يا غالي

شكرا أخوى بوش. أنا زى التمساح العشاري ، أغطس و أقلع في محل تاني.
العيون الزايغة علاجها إنو الواحد يعمل حبيبتو ( URL) بعدين يختها في عيونو و يعملها ( Default) و يقفل على كدة ، ما يشوف تاني لو واحد جابت صباعا قدام عينو و طبظتو.
تسلم.

obay_uk
لا حقو يجلدو حقين السودان وبتاع السعودية يقطعو راسو ... ما كل واحد يحاكم حسب قانون البلد ال هو فيهو ههههههههههههه

ديل عرفناهم انا مالي يا زول..... شماركم حار تاني ما بجي

الحبيب بـوش ســــــــلاااام


إنت يا ود الناس بتحذر في المغتربين و نسيت نفسك و لا شنو ؟؟؟

و بعدين إنت اليومين ديل على مرمى حجر من .................. ؟؟؟ ترى إنتبه


يعني يا بوش كتاباتك في البورد بقت مراقية و أي سيك ميك حا تلقى الجماعة

جوك ناطين


تحياتي و إنشاءالله الأهـل بخير

انا زااااتي من يومي بكره الخطوبات والجكيس
وما عندي اييييي علاقه مع ايييييي جكس في السودان ولا داير ايييي علاقه مع بت في السودان

قال عشرين سوط قال

بسون شنو قصاد قطع الرقبه ..؟
انتو بتلعبو ولا شنو؟... وياروح ما بعدك روح

بو حسين

سلام
لا والله ما نسيت إلا ترى بقيت امشي جنب الحيط ..... واحيانا اعمل ساتر كمان هههههههههههههه

في واحد قرررررررررب يطلع من الشاشة بعدما كمل قاموس النبذ كلو ... الله يكفينا مصائب المسنجرات بس الكويس انو في حاجة اسمو بلوك هههههههههه

انت ناس فلان ديل ما منهم خوف .... الا الخوف من الشاكوش والساطور .... يعني كدة وووووب وكده ووووبين ....


يا هوبلس

يعني كان في حاجة .... اوع تكون مروس ليك على خطيبة واحد في المنبر هههههههههههههه
تاني ما في قطع رقبة .... قواتنامو رأسو عديل