الدافي يعود للجيب الدافي بعد إنتهاء فصل الشتاء

الدافي يعود للجيب الدافي بعد إنتهاء فصل الشتاء


30-03-2010, 11:58 PM


  » http://sudaneseonline.com/cgi-bin/sdb/2bb.cgi?seq=msg&board=260&msg=1269989929&rn=0


Post: #1
Title: الدافي يعود للجيب الدافي بعد إنتهاء فصل الشتاء
Author: yasir Abdelgadir
Date: 30-03-2010, 11:58 PM

كنت من المعجبين بعبدالكريم الدافي...لاعب المريخ السابق (الحالي....إذا وافق ابو الهول)

ولكن......

ماحدث لوارغو...عاد وإنطبق علي الدافي

وارغو أحدث ضجة مبالغة عند تسجيله بمبلغ يناهز الخمسة مليون دولار...ولكن بعد فترة بسيطة ثبت أن المريخ إشتري الترماي...وعندما حاول يصرفه ...لم يجد من يطلبه ولو بلوشي...وتم عرضه في كل الفترينات .....الفاخر منها والشعبي....ولكن لم يطلبه أحد

وأحمد للاعب روحه الرياضية العالية التي يمتلكها بأن عاد ليلعب مع النادي الذي لايرغب فيه واراد تصريفه ولو بالمجان

Post: #2
Title: Re: الدافي يعود للجيب الدافي بعد إنتهاء فصل الشتاء
Author: yasir Abdelgadir
Date: 31-03-2010, 00:07 AM
Parent: #1

نفس الامر انطبق علي الدافي

بعد انقضاء الموسم الماضي وخروج نادي المريخ صفر اليدين بالرغم من ترسانة اللاعبين المتعوب عليها

تم الاستغناء عن الدافي

وتم عرضه...وماجاب ولو قرش أبيض

الجماعه قالوا ليهو...ياخوي الاديناهو ليك عفيناهو لله والرسول....دحين أختانا جاي ولا جاي

الزول توكل علي الله ومشي يفتش في ارزاقو


لما مالقي حاجة..لعب لعبة بالغة الذكاء ...ودردق صلاح ادريس ...لانة عارف انو المريخ يمتلك دبابيس حوالين الارباب....والدبابيس ماكضبوا.....وصلوا الخبر حاااار.... للغالي أبو جيبا دافي

زولك ماكضب ....وفي ربع ساعة جابو راجع يجري حافي

Post: #3
Title: Re: الدافي يعود للجيب الدافي بعد إنتهاء فصل الشتاء
Author: yasir Abdelgadir
Date: 31-03-2010, 00:15 AM
Parent: #2

و الشرك قبض


وقبض زولنا المعلوم


وبعد ان أفاق الغالي ....اكتشف انو إتورط هو والنادي


هسي الدافي دا يودوهو وين في السقط دا؟؟؟؟



أها أخيرا قالوا ليهو...كدي اديها صنة يا الدافي لحدي مايفوت البرد دا بنلقي ليك دبارة




الزول دلدل راسو ...وتوكل علي الله


ورجع بلدوا


فتش جاي...عاين بي جاي...زول عبروا مافي


زولا دايرو مافي


ولو بالمجان


قال احسن ارجع بيتي واقعد إنتظر....يمكن تفرج

إن شاء الله العبها كورة شراب في الضل جنب البيت

مش انا قبضت....انا مالي؟؟؟؟

Post: #4
Title: Re: الدافي يعود للجيب الدافي بعد إنتهاء فصل الشتاء
Author: حيدر بشير
Date: 31-03-2010, 01:22 AM
Parent: #3

دكتور ياسر سلام

قطع شك بيكون رجعته دى فيها قبض لانه ما بيجى من اهله بدون المعلوم

و أبو الشد قال ما ممكن يتم تسجيله الا بعد فتح باب التسجيل

عشان كدة بيكون فرح و فرّح معاهو الوكيل لانه حا يرجع و يكون تانى فيها معلوم فى يونيو القادم

يعنى وارقو كان احسن منو ما لازم يصل الخمسة مليون دى ان شاء الله بالقطاعى