من طرائف حملتي الانتخابية

من خلال جولتي في دائرة ابوحمد الانا نازل فيها وطبعا كانت جولة ناجحة تماما
حدثت العديد من الطرائف

اها في واحدة من القري المجاورة ل (أمكي الملكني هواها) وبعد ما قلت خطابي
ناداني راجل كبير في السن تعال ياولدي : انت ود بيناوي المفتش
قلت ليهو ايوة
وهسع نازل هنا في نص اهلك
قلت ليهو ايوة

قال لي والله كتر خير ياولدي وماقصرت معانا تب
نحنا من زمان بجو الغرباء يغشغشوا فنا ويمشو ..
اها انا هسع جايي تورينا غش اولادنا



ونواصل

اها برضو جيت ماري في احدي القري لقيت واحد من بوستراتي
معلق بي شوك في طندبة
لمن سألت الجماعة دا شنو ...؟

قالوا لي مالقينا حيطة وللا عمود قريب




نواصل