بورداب بورتسودان

عروس البحر يا حورية ...

مدينتى الصغيرة الجميلة بورتسودان

ثغر السودان الذى كان باسما..

من منكم من ابنائها ؟


بالاضافة الى شخصى ...أعرف :

دكتور ابو محمد ابو آمنة

والأخ دقنة ( على آداب )

وتراجى عمر ابو طالب مصطفى



من التالى ؟

عروس البحر ياحنية...

ضيفى لى المجموعة دى انوركنج

وأنا برضو...

أهلين,,,


أسمك لو تكرمت يا بلدينا


بالله أنور كنج من بورتسودان ؟

كـــــــوليــــــــــل

آمونه كيفنك

وصباحك ورد زي صباحات بورتسودان الجميله في شهر ابريل.

ما تنسي دقنه علي ادآب.

Quote: أسمك لو تكرمت يا بلدينا بالله أنور كنج من بورتسودان ؟

انور كنج ما عرفتيه ود ناس منو؟؟؟؟لو تذكري ناس مأمؤن في ديم شاطئ

واحتمال اخواته درسوا معاكم في ديم شاطئ ايام امي ناظرتكم

وهم قوما طيبون استمرت علاقتهم بوالدتي حتى بعد نقلها من مدرسة ديم شاطئ.

هذا ما سمعته اما انا شخصيا لم اتعرف عليه.

لانه كما يبدو اجيال بعدنا كثير.

تراجي.

لانه كما يبدو اجيال بعدنا كثير.

تراجي.




العزيزة تراجى..

والله بصراحة زودتيها كتييييير

شنو مرة الابن بقال ؟!

ومرة انور كنج اجيال بعدنا كتير؟!


ما تروقى المنقة يا زوله ..

نسيت أقول..

العزيزة انتصار محمد صالح بشير.

قضارف نفر!!.
أحب بورتسودان!!.
الاستاذة : آمنة مختار والاستاذة : تراجى . لكما التحايا العطرة .
هذه المدينة بورتسودان بوابة السودان ووجهها النابض بالحياة والامل , التى لو لا أهميتها الاستراتجية لما إهتموا بها ( أعنى الحكام ) ولتركوها كبقية المدن الاخرى المهملة فى شرقنا الحبيب.

فلتكونوا عصبة قوية متناصرة فى البورد وخارجه , وإنا معكم .
ودالقضارف.

ابو القاسم

يا ود القضارف منور البوست

ويا هلا بالقضارف واهلهاوكلنا في الهم شرقا وغرب.

آمونه نسيت ان اعرفك بعضوا مخضرم من اهل بورتسودان

طول مختفي وهو الاخ الفاضل بابكر عبد الجبار.

وهو عكسي و الدته من البني عامر ووالده من دارفور.
وهو مقيم في استراليا,ولكنه كان مريضا

ويفترض ان يعمل عمليه في القلب

واختفى من وقتها قرابة ال 6 اشهر

اعلم انه بخير ولكن لا اعلم لماذا مواصل في الاختفاء

وعلى فكرة جاءه انسداد الشريان من مغايس البورد(اعملي حسابك)

وهو رجل نقابي وخير من يتحدث عن نقابة عمال الميناء في بورتسودان.

تراجي.

قضارف نفر!!.
أحب بورتسودان!!.[/B]ا

ود القضارف

ابوالقاسم ابراهيم الحاج

يا مراحب...أتارى انت من شرقنا الحبيب.




, التى لو لا أهميتها الاستراتجية لما إهتموا بها ( أعنى الحكام ) ولتركوها كبقية المدن الاخرى المهملة فى شرقنا الحبيب.


بورتسودان من أكثر المدن التى تعانى الاهمال

وتدهور الخدمات .

Quote: مخضرم من اهل بورتسودان طول مختفي وهو الاخ الفاضل بابكر عبد الجبار. وهو عكسي و الدته من البني عامر ووالده من دارفور. وهو مقيم في استراليا,ولكنه كان مريضا ويفترض ان يعمل عمليه في القلب

نتمنى لبلدينا عاجل الشفاء .

دباتكتيوا امنه

بورسودان ياحنيه

والله فرصه حلوه انك تفردي المساحه دي
ونفسي القي بعض الرفاق من مدرسة وسط المدينه

مع العلم اني واتنين من رفيقاتي كنا بندرس
درس العصر في الصفين الرابع والخامس في وسط المدينه اولاد
وكمان مجموعة كمبوني وسعدابي

Quote: دباتكتيوا امنه بورسودان ياحنيه والله فرصه حلوه انك تفردي المساحه دي ونفسي القي بعض الرفاق من مدرسة وسط المدينه مع العلم اني واتنين من رفيقاتي كنا بندرس درس العصر في الصفين الرابع والخامس في وسط المدينه اولاد وكمان مجموعة كمبوني وسعدابي

عنيدة الشعر بلدياتنا !!

ايتنينا ايتنينا

أتمنى أن تجدى بعض رفاقك .

سلام يا ناس عروس البحر

وكل سنة وانتو طيبين

تُرى بالإنتساب ينفع ولا لا ؟؟؟

حددوا موقفكم عشان نكون على بينة من الأول ...

علماً بأن ابنائى ينتسبون لهذه المدينة الرائعة

بورتسودان القرن الماضى ليست بورتسودان الحاضر

فقديما كنا نسمع انها كانت مدينة مثالية بكل معنى الكلمة

كانت من انظف مدن السودان وارقاها

لولا صيفها القائظ لبقيت أفضل مدينة سياحية

تحياتى لقرية عروس

واشّم ريحة البحر يا ناس...
تزغرد فيني حنيّه ...
سواكن يا ارض دقنه البطل مغوار ...
حضاره جذورها في أعماقنا مبنيه ...
حرارة ثغرنا المنداحه غابة شوق مداريه ...
زي أجمل بجاويه ...
تحمل سيفها تختال هايمه تتراقص ...
زي قارب تغازل أمواجو حوريه ...


الأستاذ الكريمة / آمنة مختار ...

تحية البحر النابض في أعماق القلب ... وعمق الشرق وروعته ..

صدقيني تركت حتى الاطلاع على بوستاتي عندما قرأت اسم المدينة الأثيرة على قلبي ... بورتسودان التي قضيت فيها أجمل سني عمري .. باختصار كان عندنا مطعم في الجنوبية .. ودرست المراحل الأخيرة من الابتدائية في ديم موسى ,, ثم الأهلية الحكومية الوسطى .. وبورتسودان الثانوية ... أجمل الأيام وأعبق الذكريات ... والآن رغم إن منزل الأسرة في الخرطوم ولكن اخترت أن أبني في بورتسودان "حي المطار" .. كما تزوجت منها ..

لا أدري هل كل هذه المسوغات كافية لانضمامي لهذا العقد الفريد ...

مع خالص حبي وتقديري ...

Quote: واشّم ريحة البحر يا ناس... تزغرد فيني حنيّه ... سواكن يا ارض دقنه البطل مغوار ... حضاره جذورها في أعماقنا مبنيه ... حرارة ثغرنا المنداحه غابة شوق مداريه ... زي أجمل بجاويه ... تحمل سيفها تختال هايمه تتراقص ... زي قارب تغازل أمواجو حوريه ...

Quote: والآن رغم إن منزل الأسرة في الخرطوم ولكن اخترت أن أبني في بورتسودان "حي المطار" .. كما تزوجت منها .. لا أدري هل كل هذه المسوغات كافية لانضمامي لهذا العقد الفريد ...

وهل تحتاج منا الى شهادة

أيها البورسودانى الأصيل !!

Quote: بورتسودان القرن الماضى ليست بورتسودان الحاضر فقديما كنا نسمع انها كانت مدينة مثالية بكل معنى الكلمة كانت من انظف مدن السودان وارقاها لولا صيفها القائظ لبقيت أفضل مدينة سياحية تحياتى لقرية عروس

عمدتنا قرشو حللت أهلا ونزلت سهلا ..

ونتمنى أن تعود بورتسودان كما كانت

كذلك قرية عروس وسواكن عبق التاريخ.


وأحيى جمعية ( بورتسودان مدينتى)

وعملها من أجل عودة الابتسامة

الى ثغر السودان .


.

آها

صديق ضرار
وبرضه ماتنسوا ملاسى
وهاشم نوريت
كلنا من بورتسودان
سجل ياهاشم وملاسى

Quote: آها صديق ضرار

أستاذنا وشاعرنا

وشقيق قدوتنا

ايتنينا






نعم وكذلك أخانا

الصنديد هاشم نوريت

Quote: وبرضه ماتنسوا ملاسى

ملاسى من البحر الأحمر !!

ياربى عشان كده اطلق عليه

لقب الرجل الأخطبوط !

التحية لبورتسودان

بكرى محمود الذين

Quote: التحية لبورتسودان بكرى محمود الذين

والتحية لأبناء بورتسودان

وعشاق بورتسودان.

لا حولاااااااا، يظهر على طولت من السودان خالص.
كيف يعني ما اعرف الا القليل من الاسماء البشوفها دي؟ والمفروض اني اعرفكم كلكم، بس بحكم المهنة يعني. يعني اغلبكم مفروض اكون درست معاه، درسته او درسني زي استاذنا صديق ضرار، ده غير اللي مفترض اكون لاقيتهم قي "مشاوير الحياة" المختلفة ومنهم عرفت "دقن" و"نوريت" جمعتني بيهم ظروف لا يتأتى نسيانها بالمرة.
مش غريبة.
محمد ادروب

Quote: لا حولاااااااا، يظهر على طولت من السودان خالص

نعم أخى محمد أدروب..

أخذتنا دروب الحياة وعندما عدنا

وجدنا احبابنا وأصدقاءنا اما رحلوا

أو هاجروا...

هكذا حال الدنيا

سلام آمنة
انا ما من بورتسودان بس اصحابي كلهم من هناك وعندي اهل بالكوم هناك:
ديم شاطئ بيت عمتي راجلها اسمه محمد سليمان كنيش
ديم مدينة عامر الخضر كنيش
الجناين اسرة عمي وداعة الله موسى

صحابي:
ديم مدينة اسامة خضر محمد الرضي ودا فردتي شديد

وطبعا بشير محمد عبد الله بس ما عارف هو في اي حي
وصديقي الجميل عادل يسلم صالح

طارق جبريل

سلام للجميع من خور كلاب ولكل من عرف الثغر

Quote: سلام للجميع من خور كلاب ولكل من عرف الثغر

أهلا ناس خور كلاب ..

طبعا يا جماعة خور كلاب دى

من أرقى أحياء بورتسودان

ما يغركم الاسم .

Quote: انا ما من بورتسودان بس اصحابي كلهم من هناك وعندي اهل بالكوم هناك: ديم شاطئ بيت عمتي راجلها اسمه محمد سليمان كنيش ديم مدينة عامر الخضر كنيش الجناين اسرة عمي وداعة الله موسى صحابي: ديم مدينة اسامة خضر محمد الرضي ودا فردتي شديد وطبعا بشير محمد عبد الله بس ما عارف هو في اي حي وصديقي الجميل عادل يسلم صالح

صديقى الجميل طارق جبريل

بالله ناس كنيش فى حى الشاطئ ديل أهلك

ماشاء الله بنات عمتك من أجمل بنات بورتسودان

وفتحية كنيش أستاذتنا درستنا فى الابتدائ



أما صديقنا المشترك بشير عبد الله البقه الألمانى

كانوا جيرانا فى بيوت هيئة الموانئ البحرية.




بالمناسبة دى..

كيف أحوال كومينجى ؟

تحياتى له ولمدامك المغربية

ولعموم المغرب .

اتانينا امنه

حين يكون الحديث عن مدينتي الحبيبه
يتملكني احساس بالراحه
في القريب انشالله
حانزل في البوست دا صور
وجديده يعني يم بيوم
يلا طلباتكم
خليكم قريبين
يعني ديم مدينه العظمه
ترانسيت خور كلاب وطردونا
ودبايوا
والنادي العالمي
ووووووووووو
والكيلو
وممكن الكميلاب
واحتمال عروس
اكيد لحدي سواكن

مودتي

Quote: حين يكون الحديث عن مدينتي الحبيبه يتملكني احساس بالراحه

والله نفس الشعور يا شاعرتنا

Quote: في القريب انشالله حانزل في البوست دا صور وجديده يعني يم بيوم يلا طلباتكم خليكم قريبين

الظاهر عليك ناوية

تدلعينا يا عنيدة

وانحنا بنحب الدلع

وأول طلباتنا عايزين

تنزلى لينا غنية حيدر

بورسودان عروس البحر

يا حورية بورسودان يا حنية

Quote: يعني ديم مدينه العظمه ديل نحنا ترانسيت خور كلاب وطردونا ودبايوا والنادي العالمي ووووووووووو والكيلو النادى العالمى أهم زول وكذلك الكيلو وممكن الكميلاب واحتمال عروس اكيد لحدي سواكن

وبالذات عروس وسواكن

أرض الجدود .

أها وين الباقين

البوست بقى يعمر

بكرى محمود الزين - حى الثورة

شمس الدين المصرى -حى السوق

التجانى الجوبعــى


فى زول بعرف الناس ديل

فى زول بعرف الناس ديل


أنا ما عرفتهم

أتمنى أن يتعرف عليهم بقية الأخوة


مصير الحى يلاقى..

الاخوة : الاعزاء الاخت امنة مختار

لقد ظللت اكتب عن بورسودان كثيرا في هذا البورت وفي العام السابق كتبت بوست استمر فترة طويلة وقد ناديت اكثر من مرة بضرورة ان يكون هناك موقع متميز لهذه المدينة المتميزة ومن هنا اوجه الدعوة مرة اخرى بضرورة عمل موقع يلتقي فيه الجميع ليعرف الذي لا يعرف عن هذه المدينة الجميلة

اتمنى ان يلتقط القفاز الاخ انور كنج او الاخت تراجي (واظنه دين عليك يا تراجي وعلينا )
مارايكم

خالد العطا
ســـــــــــــــلبونا

Quote: ومن هنا اوجه الدعوة مرة اخرى بضرورة عمل موقع يلتقي فيه الجميع ليعرف الذي لا يعرف عن هذه المدينة الجميلة

الأخ خالد العطا..

مرحبا بك وأثنى على دعوتك

أعرف ان هنالك موقع لسواكن .

الاخت امنه
سلام واحترام

بفتش عن صديق عزيز جدا من بورتسودان

اسمه حامد محمد نور
خريج معهد الكليات التكنلوجيه 1987
تخصص بنوك
كان يعمل فى البنك الاسلامى فرع سواكن حتى مطلع
التسعينات


اكون مشكور لو ساعدتونى بالبحث عنه

كل الود لك ولناس بورتسودان الطيبين

جاياكم برواقة

يا عشاق الثغر ..

Quote: بفتش عن صديق عزيز جدا من بورتسودان اسمه حامد محمد نور خريج معهد الكليات التكنلوجيه 1987 تخصص بنوك كان يعمل فى البنك الاسلامى فرع سواكن حتى مطلع التسعينات اكون مشكور لو ساعدتونى بالبحث عنه

الفاضل النصرى أمين

شكرا على زيارتنا

وانشاء الله تجمع مع

صديقك بواسطة بورداب

بورتسودان .

الاستاذة امنة وكل اهل بورتسودان الحلوين

انا درست الثانوي العام في البحر الاحمر والعالي في بورتسودان الحكومية

ومن المؤسسين لرابطة طلاب البحر الاحمر بالجامعات والمعاهد العليا( سكرتير ثقافي لاول لجنة تنفيذية) وسكنت الاسكلة وديم مدينة وسكة حديد

واتمني ان التقي عبر هذه التافذة بكل الاصدقاء والاحباب

فشكرا لك استاذة امنة والعزة لكل اهل ثغرنا الباسم

النصري يا حبوب كيف حالك وسهير والوليدات انا كنت في السودان

وكان حامد علي اتصال دائم معي واحمد الصائغ الذي كان في اجازة

حامد اصبح ابو وليدات ومدير بنك

وسوف ارسل لك تلفونه

مودتي للجميع

تحياتي لعمي الحبيب د. عزيز مالك متعه الله بالصحه, لولاه لما عرفت هذه المدينة الساحره.

Quote: تحياتي لعمي الحبيب د. عزيز مالك متعه الله بالصحه, لولاه لما عرفت هذه المدينة الساحره

يا راجل..

دكتور عزيز مالك عمك حيطة بالحيطة !

الناس ديل جيرانا....يا سلااااام


يبقى انت قريب سارة مالك

من خريجى المغرب !

العزيزة آمنة كيفنك

Quote: بالله ناس كنيش فى حى الشاطئ ديل أهلك ماشاء الله بنات عمتك من أجمل بنات بورتسودان وفتحية كنيش أستاذتنا درستنا فى الابتدائ

ديل اولاد عميتي طوالي

كومينجي ناقش رسالته في دكتوراة وسافر قبل اسبوعين الى السودان
وخلى راسي مقطوع والله فرق معاي شديد

تحياتي لكل من بطرفكم
وانا بورتسودان دي بحبها جدا خصوصا ديم مدينة فيه اقربائي
خضر عبد العزيز عامر الخضر كنيش

Quote: كومينجي ناقش رسالته في دكتوراة وسافر قبل اسبوعين الى السودان وخلى راسي مقطوع والله فرق معاي شديد

العزيز طارق جبريل

الجماعة كلهم مشوا خلوك

بقيت مغربى خلاص .

يا الله
ويا لذلك الزمن الجميل

لست من أبناء مدينة بورتسودان

وليتني كنت

عرفتها في بواكير الشباب ، في منتصف سبعينات القرن الماضي ( 1976 ) ، كنت أيامها طالباًبالصف الأول بالمرحلة الثانوية . ذهبت إليها لأقضي الإجازة السنوية مع خالي الذي كان يعمل ضابطاً في ( السجن العمومي ) . كان برنامجي أن أقضي في المدينة إسبوعين على الأكثر . لكنني مكثت فيها مدة ثلاثة أشهر هي كل الإجازة . إشتغلت فيها ( مراقب عمال ) بشركة الرهد الهندسية وحامد الأنصاري التي كانت تشيد مصنع غزل بورتسودان براتب يومي خرافي ( 175 قرش ) . فعدت من تلك الإجازة كما يعود المغتربون في إجازاتهم . عدت إليها في الإجازتين اللاحقتين للمرحلة الثانوية ( 1977 ) ، ( 1978 ) . إشتغلت فيهما ( عداداً ) في الميناء و( كاتب دوام ) في شركة السودان للبترول ( المصفاة ) .
أمسياتنا كانت زاخرة بأنس الشباب ولهوه البرئ . كانت كافتيريا( الملتقى ) في السوق ملتقانا. لمشروب الليمون بهذه الكافتيريا طعم عجيب لكأنني بعد كل هذه السنين لا أزال أتذوقه.تقاسمت مع أحباب تعرفت عليهم وامتدت بهم المعرفة روعة المكان وروعة الزمان قبل أن يجرفنا تيار التباعد، نصرالدين عوض عبدالمتعال ، عبدالمتعال عوض عبدالمتعال، محمد أبوجديري ، مزمل ، مدثر،----- آخرون كثر
ثم نادي الهلال حيث نلعب تنس الطاولة التي كان مزمل يحمل فيها كأس بطولة الجمهورية . ونادي حي العرب ، السينما .
ديم سجن ، ترب هدل ، ديم مدينة ، حي العظمة ، اللأسكلا
في كل منها وأماكن أخرى ذكريات جميلة
لا تزال ترتبط في ذاكرتي أغنية ( دا ما سلامك ) للفنان مجذوب أونسة بكافتيريا الملتقى ببورتسودان وبتلك الفترة حيث كانت الأغنية هي أغنية الموسم ( Hit Song ) وحيث كان استريو الكافتيريا لا يمل من تكرارها على مدار الساعة ولا يمل المستمعون من التفاعل معها .

أختي آمنة
هل يشفع لي كل ذلك لأنال صداقة رابطتكم ؟؟

تحياتي لك وللمتداخلين ولبورتسودان
( الجنة وقبلة وطنا وزينة المدائن والطير في الخمايل بحسنها تغنى )

ناس بورسودان ازيكم ,,دايرني ابدا من وين الكيلو ولا النادي العالمي ولا مخبازه ديم مدينه
اجمل ايام طفولتي قضيتها في بورسودان ,,, انا كسلاوي لكن كنت انتظر الاجازه الكبيره مخصوص عشان نمشي بورسودان ودائما ما كنا نقضي راس السنه في بورسودان ,,,وطبعا وقت اقول راس السنه فس بورسودان دا كلام تاني حا اخليه لي ناس بورسودان ,,

عمي في حي العظمه اسمه مصطفي نورالدين ومتزوج من اسرة ماقيت (لولو ماقيت)

Quote: أختي آمنة هل يشفع لي كل ذلك لأنال صداقة رابطتكم ؟؟ تحياتي لك وللمتداخلين ولبورتسودان ( الجنة وقبلة وطنا وزينة المدائن والطير في الخمايل بحسنها تغنى )

الفاضل عاطف عمر...

يا سلام...اخانا فى العشق الألهى

وعشق بورسودان ..

يا زول أنت عضو أصيل.

Quote: عمي في حي العظمه اسمه مصطفي نورالدين ومتزوج من اسرة ماقيت (لولو ماقيت)

أضبط واحد..!

صفوان أنا عرفتك

انت شقيق أو قريب

أمل صفوان ؟


ناس عمك ديل جيرانا وأحبابنا .

دى دروبك فى الحب نديانة تخضر لحظات رائعة هنية
و البحر الهائم فى ريدك يلثم خدّيك بحنية
يا ثغر البهجة دى ذكراك مالية حياتى و جوا عينيا

انا ما من بورتسودان لكن قضيت فيها 5 سنين لا تنسى غاية فى الروعة.

التحية لبورتسودان و لاهلها.

ياخوانا انا بفتش على صاحبى الظريف عصام سعدابى، هل من معين؟؟!!!

مجدى جلال.

بورسودان يا جنة

يا قبلة وطننا


انا ما من بورتسودان لكن قضيت فيها 5 سنين لا تنسى غاية فى الروعة.


أخونا مجدى جلال يعنى اخدت الجنسية .

آمنة مختار سلامات

ياختى انا الجنسية ما إنتظرت 5 سنين عشان آخدها( بل هى خمسة ايام )
تعرفى انا بورتسودان مشيت ليها زيارة، بس من ديك و عيك لغاية ما غادرت
منها السودان.

اها اخونا عصام سعدابى ما عرفتوا لى دربه؟؟؟؟؟؟؟؟

تحياتى

Quote: اها اخونا عصام سعدابى ما عرفتوا لى دربه؟؟؟؟؟؟؟؟

أخونا مجدى جلال..

عائلة سعدابى أسرة كبيرة

ومعروفة ..

وحا أسال ليك .

سلاماتنا
شايفه ناس العظمه ظهرو
اها عندكم

العظمه

وبلد الحنان بورسودان
بلد الامان

سلام يا ناس بورتسودان

أها نحن ناس كسلا ننفع معاكم وألا لا ؟؟؟
لم ما ببنفع فأنا من مواليد سلوم التي كان يقيم بها جدي من والدتي وترعرعت فيها والدتي عليها رحمة الله ، ومازال لنا بيتٌ وأملاك بها ... جدي هو الخليفة إسماعيل الطيب تكونة (خليفة الميرغنية) بهذه الضاحية ..... فهي مسقط راسي ومنبع حنيني ولي الشرف بالإنتماء لها

صديق
دبايوا
انت جدك كان يعمل فى البوستة زمان وخالك اسمو محمد.

Quote: أها نحن ناس كسلا ننفع معاكم وألا لا ؟؟؟ لم ما ببنفع فأنا من مواليد سلوم

الفاضل صديق رحمة النور..

ناس التاكا ديل أهلى

جدة أبى من الأم (حلنقية)

وناس سلوم كمان

عشان كده حا أعمل ليك كوسة.

Quote: وبلد الحنان بورسودان بلد الامان

العنود..

فى انتظارك .

آمنة مختار

سلامات

بحكم انى أعتقلت لمدة قاربت للعامين بسجن بورسودان فأننى أعتبر نفسى من أبنائها.
هذه المدينة الباسلة التى لم ولن تستغ يوما زبانية المشروع الحضارى.
المدن الساحلية مدن للحضارة والثقافة ترفض دوما حكم الجلاوزة والغوغاء.

بورسودان أيضا مدينة للجمال ولعشاق الجمال مثلى.....و يا حليل ناس.......
بأختصار

أحب بورسودان

امنة مختار
دبايتو
شكرا لجمع اهل بورتسودان .
وقريبا ان شاء الله انزل ليكم صور كتيرة جدا بس اصبروا يمكن الحكاية تاخد شهر
لما اعرف احك راسى بعدين اجيكم ان شاء الله بكل جميل .

يا بورتسوداناب
يا الساكنين العظمة وخوركلاب
والكميلاب والعشوائي والاونقاب
ارفعوا سلاحكم عاليا من اجل ابن الشرق
لسحق الظل والطغيان.

Quote: صديق دبايوا انت جدك كان يعمل فى البوستة زمان وخالك اسمو محمد

الاخ هاشم نوريت ... دبايوا ... كتّيتوو
نعم كان جدي إسماعيل وكيل البوستة بسلوم ، وخالي محمد إسماعيل وهاشم وحسن وجعفر الذين درسوا وترعرعوا بسلوم ... ومازالت ذكرياتي حبلي بتلك المنطقة الجميلة وتلك السهول والجبال ... وبالمناسبة والدتي وأخوانها لايتحدثون عند إجتماعهم في المناسبات أو (السكناب ) إلا بلهجة الهدندوية حتى عندما نغادر لمناسبات أهلنا في الشمالية
لذلك يبادر معظم أهلنا (السلوماب) الوافدون الينا كضيوف بكسلا للتحدث معنا بلهجة الهدندوة ويصطدموا عندما يدركوا أننا لانتكلمها رغم أنني أحاول مجاراتهم بماأملك من كلمات بجاوية في قاموسي أخذ الزمن يقلصها شئياً فشئياً .... شفت كيف الزمن غير الناس ياهاشم وشتتهم

صديق رحمة
دبايوا
ياخى انت طلعت ولدنا عديل كدا سبحان الله بالله حفيد عمنا اسماعيل الطيب معانا .
كدى اسال خيلانك تعرفوا نوريت .

Quote: يا بورتسوداناب يا الساكنين العظمة وخوركلاب والكميلاب والعشوائي والاونقاب ارفعوا سلاحكم عاليا من اجل ابن الشرق لسحق الظل والطغيان.

شيخ الثوريين عمنا د. ابو آمنة

التحية لك فى كل مكان وزمان.

Quote: شكرا لجمع اهل بورتسودان . وقريبا ان شاء الله انزل ليكم صور كتيرة جدا بس اصبروا يمكن الحكاية تاخد شهر لما اعرف احك راسى بعدين اجيكم ان شاء الله بكل جميل .

أخونا هاشم نوريت

دبايوا..

فى انتظارك..

الدفعة هشام...كيف الاحوال؟

هشام تعرف علي المدينة من خلف القضبان, وعلي ناسها داخل الزنزانات .. عبدالله موسي, محمد ادم موسي,محمد صيام, محمد علي, محمد طاهر ابوبكر, عثمان فقراي, محمد هدلول, علي دهب, عماد علي دهب, عبد الرحمن الامين, فقيري .. والعشرات من المناضلين.

أظن انك تذكرهم..يا دفعة .. وخاصة كابتن الكرة الطائرة الموهوب ابوامنه.

Quote: هشام تعرف علي المدينة من خلف القضبان, وعلي ناسها داخل الزنزانات .. عبدالله موسي, محمد ادم موسي,محمد صيام, محمد علي, محمد طاهر ابوبكر, عثمان فقراي, محمد هدلول, علي دهب, عماد علي دهب, عبد الرحمن الامين, فقيري .. والعشرات من المناضلين.

التحية لكل هؤلاء الرجال

من أشراف بورتسودان .

Quote: بحكم انى أعتقلت لمدة قاربت للعامين بسجن بورسودان فأننى أعتبر نفسى من أبنائها. هذه المدينة الباسلة التى لم ولن تستغ يوما زبانية المشروع الحضارى. المدن الساحلية مدن للحضارة والثقافة ترفض دوما حكم الجلاوزة والغوغاء. بورسودان أيضا مدينة للجمال ولعشاق الجمال مثلى.....و يا حليل ناس....... بأختصار أحب بورسودان

الأخ الفاضل هشام المجمر ..

تحية النضال والشرف...

تشرفت بورتسودان وأهل بورتسودان

بوجود مناضل مثلك بيننا يوما ما..

ناس أمنة طلعتو ما بتعرفو الناس

طيب ... بتعرفو دكتور صالح عبد العزيز

خــالد حلبى ... محمد محمود و بكرى محمود ( كافتيريا الواحة) محمود الزين

تقولى لى بورتسودان ياحنية

فيصل
دبايوا.

Quote: طيب ... بتعرفو دكتور صالح عبد العزيز

ياراجل اتهامك خطير وعشان تعرف اننا نعرف الناس خليك من دكتور صالح ودا شخصية عامة ممكن
اى واحد يعرفوا ولكن انا بعرف عمك عبد العزيز الله يرحموا وعجلتوا المابتفارقا القفة الكبيرة.
وبعدين يازول بورتسودان دى قرية صغيرة.

Quote: ناس أمنة طلعتو ما بتعرفو الناس طيب ... بتعرفو دكتور صالح عبد العزيز خــالد حلبى ... محمد محمود و بكرى محمود ( كافتيريا الواحة) محمود الزين تقولى لى بورتسودان ياحنية

الأخ فيصل محمد الطيب

فعلا انا ما بعرف غير القليل

أصدقائ وزملائى فى الدراسة والجيران وهكذا

لكن أسال عمك ابو آمنة وهاشم نوريت

أكيد حا يعرفوا..

أما د. صالح عبد العزيز

فده علم على رأسه نار .

العزيزه آمونه تحياتي

وشكرا لك وما تزعلي

نشطب الكلام الفات:

Quote: العزيزة تراجى.. والله بصراحة زودتيها كتييييير شنو مرة الابن بقال ؟! ومرة انور كنج اجيال بعدنا كتير؟! ما تروقى المنقة يا زوله ..

الأخ فيصل محمد الطيب

كيف ما بنعرف د. صالح عبد العزيز

كل الجكس بيمشي ليه لانه اخصائي الامراض الجلديه

وكانت سمعته زي الورد انه بيدي ادويه بتطول الشعر

وبتخلي الوجه زي القزاز,وعينك ما تشوف الا النور

الحجز في عيادته بالشهور ما تلقاه.

مرحب بك وبكل بورداب واصدقاء ناس بورتسودان.

تخريمه:

يا آمونه كمان ابو الريش من بورتسودان.

تراجي.

Quote: يا آمونه كمان ابو الريش من بورتسودان.

يااااه نسينا أهم زول..

تحياتى له اينما كان .

مدينه جميله
زرتها لمده ارع وعشرون ساعه
تحياتى لصديقى حسن الطيب المحامى
وعوض جبرين

الأخ الفاضل فرح..

مرحبا بك .

فوق ... لأجل الثغر الحبيب ....

سلامات الاستاذه امنه مختار

والاستاذه تراجي وكل بورداب بورتسودان الجميله

نعم هذا الثغر الباسم يشكل وجداننا بكل تفاصيله

التحايا لكل من عرفتهم عبر هذا المنتدي العامر الثري


علي داب

Quote: فوق ... لأجل الثغر الحبيب ....

أخونا أدريس شكرا على رفع البوست .

هشام تعرف علي المدينة من خلف القضبان,
وعلي ناسها داخل الزنزانات ..
عبدالله موسي, محمد ادم موسي,محمد صيام,
محمد علي, محمد طاهر ابوبكر, عثمان فقراي,
محمد هدلول, علي دهب, عماد علي دهب,
عبد الرحمن الامين, فقيري .. والعشرات من المناضلين
أبو آدم أبوبكر
عباس سلبونا
موسى عمر
إبراهيم هداب
وكتير
من المناضلين
ويمكن أن يضافوا إلى بوست
ضحايا التعذيب
يا إدريس محمد إبراهيم
سلام بتنا آمنة
ولنوريت
والجميع من أخوانا وأبنائنا

إضافة هدلول هو الباشمهندس

على دهب هو والد عماد

حسين المحامى قريب على دهب شاب مناضل

وأكثرهم هربوا من السودان المحتل
أعوام 95 و96
هروبا من جحيم الأمن اللى كان تعذيبه
فى مقره بترانزيت فى مبنى
القنصلية الإريترية
وهو المبنى الذى كان مكتب الثورة
قبل التحرير
فشتان للمبنى بين معنى ومعنى
يا أولاد الأوغاد

صديق ضرار

Quote: وأكثرهم هربوا من السودان المحتل أعوام 95 و96 هروبا من جحيم الأمن اللى كان تعذيبه فى مقره بترانزيت فى مبنى القنصلية الإريترية وهو المبنى الذى كان مكتب الثورة قبل التحرير فشتان للمبنى بين معنى ومعنى

أستاذنا صديق ضرار

شكرا على اتحافنا بهذه

الكوكبة من مناضلى الشرق .

تحياتي آمنة مختار
وكل أبناء مدينتي .



واليكم :

قبل الرحيل
خرجت الى ذلك الشاطي الذي كثيرا ما شهد شقاوتنا و طفولتنا
فى تلك المدينة تتغنج في أحضان البحر
كان البحر وقد تزين بزفافه اللامع ينداح على صفح القلب
ومحركات الميناء تشق صمت المكان
عندها كانت تهدهدني المساءات على انغام مدينتى الحالمة
التي كنت سافارقها إلى مدن بعيدة ربما عرفت لاحقا انها كنات منافي بعيدة..
اغفو على زمهرير شتاء متقطع
اصحو على ظهر سفينتي
اجد نفسي بعيدا بعيدا لتبقي كل تلك الليالي اغاني ترف علي غسق الذاكرة
رحلت
لا يشدني الرحيل كثيرا حتي اخوض فى تفاصيله..
.
.
عدت اليها بعد زمن ليس بقصير ربما أعده أحيانا بالعمر كله ..
فكرة العودة كانت ذات شجون
وتداخلات لصور كنت قد تركتها قبل الرحيل
لقد تغيرت ملامح المدينة ..
صوت الحبيبة
ملامحها ..
كل شى قد تغير..
..
بات الرجوع ومحاولة رسم الوجوه الغائبة هما اصعب
لكن الرغبة والشوق كانا اقوى ..
عدت..

عندها علمت ان السنين التي فصلتنا كانت اكثر بكثير مما كنت احسبه من الايام والليالي
بدوت كمن يستانس الوحش
مدينتي بدت كالوحش الكاسر الذى يلتهم كل اشيائى
وودائعي فى ذلك المكان ..حتي ذكرياتي ..ليست هناك
منتدانا الصغير ونحن نحاول أن نضع أولى خطواتنا في طريق الأدب والحرف والكلمة ..
صديقي الذي فقد ساقية في حاث سير مريع ..
صديقتي بت القاضي كما كنا نداعبها ..
لا أدري ربما صارت أم عيال ..
الحمائم البيض التي كنا نجلبها من سفن الإغريق الرابضة هناك منذ الحرب العالمية..
الركن الهادئ ..
واحتفالات رأس السنة ..
مدارسنا ..
ولبس الثانوي ..
نكهة الأراجيل والمقاهي ..
عمال المواني ..
والدورات المدرسية..
وسينما الخواجة التى كم أكلنا علقات تأديب بسببها ..
مدرسة البحر الحمر ..
وشارتي المدرسية ..
وعمك الصول عند الباب ..
طالبات العشي والسعدابي
اللواتي كنا يأخذن منا جل الظهيرة ونحن نبحث فيهن عن فتاتنا
..جدران الحي التي كنا ندوخها بخطوطنا الفحمية..

أحياءها الجملية ..
السوق.. العظمة والمدينة عرب.. طردونا .. والأغاريق .. البر الشرقي وسلبونا وهدل الثورات وديم النور ..
سلالاب والسكة حديد.. خور كلاب والشاطي ترانسيت وديم سواكن .. كوريا والديوم الجنوبية .. الأحياء الجديدة التي تحمل الأسماء السياسية الغالبة على أمر الناس

سحنات الناس وجمال البنات الهجين
بجا وعرب نوبة واغاريق اقباط هنود وأبو يمن

كل الأشياء أعلاه تغيرت ..

إلا الاسم .. ونكهة البحر التي أعرف..
البحر الذي اعلم انه سوف لن ينكرني ابدا


تذكرت قول فاروق جويدة بصوت الكابلي
العطر عطرك والمكان هو المكان
لا انت انت ولا الزمان هو الزمان لا بد شئ قد تكسر بيننا ..

صديقى الذي عاد معي بات يلعن الظروف بعد ان تاكد من فقدان الكثير ..

بعد استجماع القوى واستجداء الملامح
ربما كنا نحن من استوحش وليست مدينتي العريقة ..
ربما فقدنا بساطتنا وعفويتنا فى المطارات التي مررنا بها ..
المدينة كانت دوما الحنونة وستظل ..
حاولت ترويضنا من جديد لكن للاسف..
..لم يطول بنا المقام لنبدا رحلة اخري بمزيد من الخوف واستبعاد للعودة قريبا

.يلحق بي صديقي
وها نحن معا من جديد ..
ربما باقل عاطفية..



إبراهيم عمر
يناير 2001

خروج

الآن وبعد سنوات اخري في الغربة ..
كانت فتاتي ..
من مكان غيرها ..
لكنني أقسم بالله ان حبيبتي .. تشبه ذلك المكان
ربما لأنها تحمل شيئا من الشرق في ملامحها..
وكثيرا من الجمال
هي فقط علمتني ان المدن لا تبقى على الأرض والخرائط فقط ..

تخريمة ..

أينما حللت وأرتحلت .. تشدني تلك المدنة الحنونة

الأخ ابراهيم عمر...

ما أروعها من سيمفونية هذه

التى عزفتها فى عشق مدينتنا

الجميلة ..

Quote: طالبات العشي والسعدابي اللواتي كنا يأخذن منا جل الظهيرة ونحن نبحث فيهن عن فتاتنا

انا كنت فى العشى

لكن ما صادفتك !

دباااااااااااااتكتيوا

سلام لأهل المدينة التي تتدلى قدميها كل يوم في البحر
تغتسل بورتسودان
وتترك بقايا من خصلات شعرها المتمرد حتى الخصر
تتركه ليلامس شفاه البحر
أعجبتني هذه المدينة كثيراً
اعجبتني قهوتها 00
فقد حلفت أن لا أشرب قهوة في حياتي
لكنني عندما أتيتها لم أستطع أن أقاوم
لها رائحة جنزبيل تجعل الواحد منا يترنح ان كان صاحيا أو نائماً
وأول ما أدخل الى هذه المدينة الساحرة اذهب الى كافتيريا بجوار السينما
اشرب منها { بالكورة } أشرب حتى تمتليء كرشي
انها مدينة مليئة بالجمال 00
لدرجة أنني جلست يوماكاملاً اتفرج في طالبات جامعة البحر الأحمر
نساء لا أدري من أين حملن كل هذا الألق 00 ؟؟
أعرف في قرارة نفسي أن البحر الأحمر لم يكن يحتاج لهذا القرار
لم يكن يحتاج لأن يتزوج مدن أخرى غير بورتسودان
ارتبط هذا البحر خلسة بجدة
واقترن بمصوع
وتزوج عدن
لهذا غضب الله عليه وجعله مالحاً
بورتسودان ليست لكم
هي أم لنا جميعاً
وهي حبيبة لكل سوداني
مدينة تحمل نكهة مميزة
وعطر برائحة الياسمين
مدينة تتسلق الى قلبك
وتدلف اليه في اليوم الف مرة
فعندما تعشقك وتعشقها
لاتبدأ تبحث عن أزقتها وبيوتها وجنزبيلها
بل تبدأ تبحث عن المأذون
ليقرا لك الفاتحة
ومشكلة هذه المدينة الرائعة
أنك حينما تنساها 00 لاتنساك
وحينما تعشقها00 تسأل عنك
شيء واحد أغاظني
فقد حضرت لنادي يقع بجوار البحر
وبه أمسخ غفير رأيته في حياتي
رفض ان يسمح لي بالدخول
فقلت له : بورتسودان لها قلب يسع كل العالم
فقال لي والله مافاهم بتقول في شنو
وقلت له 00 ولا اريدك أن تفهم
غادرتها
لكنها لم تغادرني حتى اللحظة

Quote: غادرتها لكنها لم تغادرني حتى اللحظة

الأخ ابو حراز

عاشق الثغر...

واضح جدا أن عشقه لم

يغادرك حتى اللحظة .

الاخوات العزيزات امونة وتراجي
تحياتي لكن وكل التقدير
طبعاأنا بورسوداني بالتجنس اي بالزواج زوجتي من "طردونا" وأبنائي أحمد وأواب مولودين في مستشفى بورسودان العتيق، وأكاد أجزم اني أكثر اعضاء البورد حبا بورسودان، واليوم صباحا كنا نتحدث عن هذا الحب المقيم، ولا زال لنا احباب وأصدقاء نحبهم هناك ولا زال خالات أبنائي في بورسودان الاستاذة الشهيرة العلم ابتسام هارون وأميرة هارون وعموم الرباطاب،، ولنا احباب في كل مكان في تلك المدينة الرائعة وأحلى ايام حياتي قضيتها في بورسودان..

وكذلك تجولت في كافة مناطق الشرق التابعة لولاية البحر الاحمر من جنوب طوكر عقيق وعقيتاي وعدوبنا وسنكات ودرديب وشمالا محمد قول وآركياي وشلاتيب وابو رماد وخور أربعات,, ومن داخل بورسودان عشت اياما جميلة بداية الزواج في طردونا ثم كوريا (ثقافة) ولي احباب واصدقاء في كوريا (مونج) وعيييييييييييييييييييييييييييييييييييييك..
وبالمناسبة أعرف المرحومة الاستاذة والدة الاخت تراجي والتقيتها اياما كثيرة فهي أمرأة تشربت روح الوحدة الوطنية والتاريخية للسودان إمرأة من جيل عجيب وكانت رحمها الله انسانة فنانة في كل شيء وأظن ان الاخت تراجي تأثرت بها كثيرا في ملبسها..
لكم جميعا كل التقدير والاحترام
وقد فتحتوا جرح كبير ..

Quote: الاستاذة الشهيرة العلم ابتسام هارون

استاذتي ومعلمتي الجميله
التي تعشق التدريس لدرجه
ليهامكان خاص في القلب
لهاالتحيه والقومه...

ولا

Quote: زال لنا احباب وأصدقاء نحبهم هناك ولا زال خالات أبنائي في بورسودان الاستاذة الشهيرة العلم ابتسام هارون وأميرة هارون وعموم الرباطاب،، ولنا احباب في كل مكان في تلك المدينة الرائعة وأحلى ايام حياتي قضيتها في بورسودان..

الأستاذ خالد ابو احمد..

يا سلام يا ابو النسب

ابتسام هارون طبعا أستاذتنا

درستنا فى الثانوى العالى

والمرحومة الأستاذة نعمات هارون

درستنا فى الثانوى وكانت من

أجمل نساء بورتسودان قلبا وقالبا

رحمها الله .

أسرة من أروع الأسر فى بورتسودان .

يا خالد

وحات الخوه انت ما غريب على
ودنباوى
ابراهيم عمر حسين
وليد عامر مرحوم
اولاد البشارى
الاهليه المتوسطه امدرمان
الناس ديل تعرفهم

Quote: مرحوم

سلامات يافرح,,
ديل في ديم مدينه ولا الامتداد؟

ولا ماياهم ؟

جينا صادين نسلم على ناس بورتسودان
الواحد لو مشتهي ليه مخبازة وسلات يعمل شنو؟؟؟؟؟؟؟؟؟؟

ورينا آمنة مختار في المغرب نلقى الحاجات دي وين

الاخوة المتداخلين جميعا تحياتي

الاخت عنيدة
تصوري توقعت ان أجد لابتسام هارون اعضاء في البورد... سأبلغ سلامك لها قريبا..
الاخ فرح
والله عقدتني بصراحة كده ,,, لاني مستغرب كيف ربطت بين بورسودان وبين أم درمان مسقط الراس والحب الكبير..؟؟
نعم كل ما ذكرتهم اعرفهم جميعا أبراهيم عمر حسين أخي وابن عمي وابناء عامر مرحوم كل هم اخواني وكذلك ابناء البشاري وقد توفي قبل اسبوعين فقط الاخ فيصل البشاري زوج اختي كوثر عمر حسين بنت عمي...
.... ارجو ان اعرف من فرح...؟؟

الاخ خالد تسلم
ابتسام هارون علم في بورسودان
احمد الله اني تتلمذت علي يدها...
وان لم تخني الزاكره فاختها الكبري المرحومه
(نعمات هارون) زوجة الاستاذ هاشم صديق ومن كتبت لاجلها
قصيدة (حاجه فيك),,,,
ولا شنو ؟

تقديري

Quote: وليد عامر مرحوم

الأخ فرح لقب مرحوم هذا

لقب محامى كان من أشهر

المحامين فى بورتسودان

رحمه الله .

العزيزة العنود...

شكرا على رعايتك للبوست

فى انتظارك...