بيت الطاعة الاسفيرى ........!!!

لاحظت ان بعض الأخوة الزملاء الكرام فى هذا المنبر ينظرون الى نسائه كفورمة واحدة
متشابهه فى الميول والمشارب..أو هكذا يجب ان تكون.

وهم لا يريدون ان يسمحوا لنا بحق الاختلاف والخلاف والشجار والنكاف مثل بقية
خلق ربنا من بشر وحيوانات الخ .

وحجتهم فى ذلك اننا ك( نساء ) ما يجمع بيننا أكثر مما يفرقنا !!!

بمعنى انهم يريدون توحيدنا قسرا ورغما عنا فى قطيع متجانس متشابه،
متجاهلين بذلك اننا شخصيات مختلفة
جاءت من خلفيات مختلفة
وثقافات مختلفة
وأعراق مختلفة
وانتماءات مختلفة
وميول ومشارب فكرية مختلفة

وان الاختلاف سنة الحياة.

وان ما يجمع أويفرق بيننا كنساء هو نفس ما يجمع ..أويفرق بينهم كرجال،
ولا دخل للنوع بذلك .

وعليهم ان يفهموا ان محاولاتهم ذات النية الحسنة ..فى توحيدنا قسريا
فى قطيع واحد متجانس ..
تجعلنا نشعر بان فى الأمر نوع من الأبوية المفرطة
أو الوصاية ..كأننا مخلوقات ناقصة ناشزة تحتاج الى من يقومها
او يدخلها الى بيت الطاعة الاسفيرى .

لسنا ملائكة ..وكذلك انتم
تقبلوننا بشخصياتنا كما هى ..أو انسونا .

وتذكروا ان البعض منا قد لا يمانعن فى لعب دور الأنثى التقليدى
حتى يحظين بالقبول والاحترام والاعجاب من الجميع .

وبعضنا الآخر يملن الى التعبير عن شخصياتهن الحقيقية كما هى دون رتوش
أو أقنعة ، فتعبيرهن عن ذواتهن بحرية وتصالحهن مع انفسهن, أهم لديهن من الحصول على رضى الجميع .

أرجو واتمنى أن يحظى هذا النوع الأخير باحترامكم ..كما النوع الأول،
لأن على الأقل النوع الأخير لا يكذب ولا يتجمل.

احترامى للجميع



.

سلام آمنة..

Quote: وان ما يجمع أويفرق بيننا كنساء هو نفس ما يجمع ..أويفرق بينهم كرجال، ولا دخل للنوع بذلك

عزيزتي..
إسمحي لي أن أختلف معك في دي..
ما يجمع بيننا كنساء يختلف عما يجمع بين الرجال.... كثيرا.

النساء ما زلن يصارعن الممكن والمستحيل.. لإنتزاع أبسط حقوقهن كبشر..
وهذه بديهية.. ولا تحتاج توجّه فكري محدّد
ولا تنقيب في كتب التاريخ والإجتماع..

إختلافنا... طبيعي وصحي..
تفرقنا... خسارة لنا.. وتقهقر الى الخلف..

Quote: لسنا ملائكة ..وكذلك انتم تقبلوننا بشخصياتنا كما هى ..أو انسونا .

ده كلام -في تقديري- عين العقل..
fair and square

Quote: وتذكروا ان البعض منا قد لا يمانعن فى لعب دور الأنثى التقليدى حتى يحظين بالقبول والاحترام والاعجاب من الجميع .

بينما ده كلام يتهم الأخريات بالتمثيل وقلة العقل..
ربما بعضنا نفسهم بارد ’وشخصياتهم الحقيقية دون أقنعة‘..
هي كما تبدو هنا؟
مجرّد food for thought

لك الود والتقدير..

Quote: ربما بعضنا نفسهم بارد ’وشخصياتهم الحقيقية دون أقنعة‘.. هي كما تبدو هنا؟

الأخت نجوان..
فكرت فى رايك هذا مليا..ووجدت انه منطقى جدا.

Quote: فتعبيرهن عن ذواتهن بحرية وتصالحهن مع انفسهن, أهم لديهن من الحصول على رضى الجميع

دا الكلام

سلامات

يا امنة

والبركة فى عودتك

آمونه سلام

اتفق معك في كل ما كتبت

لذا لم اعرف ماذا اقتبس لاؤكد عليه.

لاحظت فعلا الرجال يختلفون ليل نهار

ويسبون بعضهم البعض بافظع المسبات

لكن ما ان نختلف نحن النساء حتى تقوم القيامه

وكأن الطبيعي ان نتفق.

اختلافنا طبيعي...خاصه سياسيا.

لك الود وشكرا للبوستات المميزه.

تراجي.

العزيز عمر ادريس محمد
والعزيزة تراجى
شكرا على الدعم.


مستنية الأعزاء ادروب وبشاشا فالبوست ده ليهم .

عايزة أجرب اشاكلم ..(من باب التغيير)

Quote: وتذكروا ان البعض منا قد لا يمانعن فى لعب دور الأنثى التقليدى حتى يحظين بالقبول والاحترام والاعجاب من الجميع . وبعضنا الآخر يملن الى التعبير عن شخصياتهن الحقيقية كما هى دون رتوش أو أقنعة ، فتعبيرهن عن ذواتهن بحرية وتصالحهن مع انفسها, أهم لديهن من الحصول على رضى الجميع .

ارى انك ها وضعتي نوعين من النساء
واغفلتي اكبر نوع
النوع الحاقد الذي يكره نجاح الاخرين
الذي لا يستطيع ان يكون في مكان دون اصدار جلبة فارغة
محاولا ان يعلن عن نفسسه على حساب الاخريات هذه النوعية لا تملك مقومات العمل العام
وتاماه موية...وعندما لا يسمعها الناس تملآ الارض زعيقا..
وتنصب نفسها الفة وتكثر من اظهار العدوانية على الكل
حتى تظهر...رجالا ونساء وعندما لا تكسب احترام احد
تستمر في السفاهات وتصب جام غضبها على الاخريات..
هذه النوعية التى تتحدث عن انها قديسة والبقية شياطين..
هي اسوء فئة في فئات كل النساء
لانها معوقة سلفسنترد وتريد لفت الانتباه...

د.بيان

تحياتي

يا عزيزتي حقد وغيره هذا كلام علمه عند رب العالمين.

آمنه مختار التي اعرفها فقط حقانيه مثلك

ولكن كل منكم تقف في مكان مختلف.

الحقد ابعد ما يكون عن حقيقتها صدقيني.

ثانيا,من قال انها تريد لفت الانتباه؟؟؟

والله يا بيان انت لا تعرفين آمنه هذه.

ولو سألتي عنها من درس معها لاستغربتي....

تعرفي من نكاتها كان يشتكي لي كثير من الاصدقاء ,انهم لاقواها وما سلمت عليهم وعملت ما بتعرفهم!!وكنت عندما اسألها,ترد بصدق والله يا تراجي قلت اكيد ما متذكريني!!
كانت هادئه هدؤ مخيف احيانا.
وتعتقد لهدؤها ,انها لو اتشوبرت وسلمت سيحرجها الطرف الآخر بانه لا يذكرها.
فهذه آمنه التي تعتقدين انها تحرص على لفت الانتباه اليها.
صدقني هي ازهد من يكون في الشهره ,ورفضت العوده لهنا,تحب ممارسة الكتاب ولها قلم مسنون ومبدع
لكن نمط المشاكل هذه اذهلها.

ارجوك حاولي ان تبعدي عن طريقها واقرائي لها بهدؤ وستعرفين شخصية جدا مختلفه عن ما تصورتيه.

انت اياضا يا بيان احب صدقك (احيانا) واعيب عليك اندفاعك وتصديقك لبعض الكاذبين هنا.
لكني فخورة بقوة شخصيتك ,وتملكين ملكات فكاهيه مدهشه لو بعدتي عن التجريح.

ارجوك دعينا نستمتع بالقراه لك ولاتحشري نفسك في كورنر المشاكل.

وحياة غلاوتك عيب كده.
عيب تعتقدي انه ذكر العمر تعيير لاخت لك هذا الكلام لا يشبهك.
وآمنه وحياة غلاوتك لا قدرنا لا لحم صدرنا زي ما بيقولوا.
المهم اتمنى الا ندخل في غلاط حول اعمار او غيره
لانه لايهم آمنه والعارف عزه مستريح
لكنه مهين لنا كنساء.


ودعيني اذكر لك حادثه ,ادعى البعض اني عيرت بها (نورتاور بالعمر)
حدث ان كتبت لي( نورتاور) (تراجي بتاعت شنو؟؟لم نسمع بك يوما في جامعه او خلافه كمناضله؟؟؟)
ضحكت في سري بيني وبينك كيف ممكن تسمع بي لو ما عاصرنا بعضنا؟؟؟؟
وبالصدفه نصحتني اخت فاضله ان اكف عن مناوشة نورتاور وحاولت كسودانيه ان تدخل من باب ان نحترم الاكبر فقالت لي: ( الزوله دي ولدها قدرك) مواليد 66!!
قلت لها يازوله خير.

اها لما ناوشتني ثاني باني نكره...ولا تعرفني؟؟؟
طبيعي الا تعرفني...واين يمكن ان تعرفني وانا لست جيلها؟؟؟
حسه بالله يا بيان
ناس
بقال
او خالد بحر
او غيرهم وين ممكن كان نتعرف عليهم لولا الانترنت؟؟؟
هم جيل غير جيلنا؟؟ولانعرف نشاطهم الجامعي غير من هذه المنابر.

المهم يازوله انحمقت وكتبت ليها: ( الخاله نور تاور...اين ممكن ان تتعرفي عليه؟؟؟

وانا في عمر ابنك؟؟)!!

وطبعا دي ولعت النار..وجوا جماعه مسكوها لي( كيف انت بتاعت جندر وتعيري امرأه بالعمر؟؟؟)

هل عيرتها؟؟؟

انا من وجهت نظري لا.

ولكني شرحت وجهة نظري باننا لسنا جيل واحد.

احترم عمرها ونضجها,لو بادلتني احتراما.

اما الادعاء بانني نكره وغيره طبعا حيكون الرد هكذا.

حكيت لك القصه دي بس لاني عارفه انك ما ممكن تقعي في خطأ جندري مثل هذا.

وصدقيني حكاية 44 وغيرها هذه لا تقل عن من كتب لك

انت من ذوات الثدي ,وغيره....

وتذكري جيدا كيف ادناه يومها جميعا.

فكوننا من ذوات الثدي لا يعيبنا في شيئ ,ولكن يعيبهم شكل تناولهم للمعلومه.

اربأ بك يا عزيزتي عن مستوى هذا الخلاف.

ولكما الود.

تراجي.

التحيه للاخت امنه بت مختار
والتحيه للاخت نجاة محمود

وددت ان اقول رايى فى الموضوع ... ولكن
بعد كلام تراجى دا ما اظن فى شئ يتقال .

ولكم كلكم الموده .

يا تراجي
انا صاحبتك دي ما حصل اتعرضت ليها
عشان كدا ما تقولي لي افك طريقها
هى التفك طريقي وهي الاسع بعد عودتها في اول بوست اتعرضت لي
لولا ذلك ما شغالة بيها ولا قاعدة اذكرها..
انصحيها هي.
بعدين انا ما قاعدة اعتدي بس برد الاعتداء..

ولو اصحابي جو هنا يتكلمو عني
حيشيلو الباندوث كلو..
فما تشكري لينا الراكوبة في المطرة...
صاحبتك ما تجيب سيرتي ما بجيب سيرتها...

العزيزة آمنة
مشتاقين
مستنية الأعزاء ادروب وبشاشا فالبوست ده ليهم .
عايزة أجرب اشاكلم ..(من باب التغيير)
لا الشكلة بعد التحكيم

مالك خائفة?








أنا عارف رايحة ليك شكلة!

Quote: ارجوك حاولي ان تبعدي عن طريقها واقرائي لها بهدؤ وستعرفين شخصية جدا مختلفه عن ما تصورتيه.

العزيزة ام حازم ..
لمن تقولين هذا الكلام
لبيان عدو الانسان ؟؟


شكرا على كلماتك الطيبة.
عارفه فى ناس كتيرين زملاء فى البورد لمن يقابلونى لأول مرة ..
بيندهشوا جدا وبيقولى لى ..معقولة انتى آمنة مختار

ده كلو من بيان عدو الانسان وعصابتهاناس قطع الشطرنج

الأخ العزيز على محمد على بشير
شكرا على مشاعرك الطيبة .

العزيز ادروب

Quote: لا الشكلة بعد التحكيم مالك خائفة?

افو افو ..اخاف من منو ..عيييييييييب

انا بس شايفة انو البتسوى فيهو ده ضياع زمن لى ..وليك

وفى نقطة مهمة انت ما عارفها ..
انا لمن خليت البورد ده ..ما خليتو عشان بيان ولا فلتكان
الأشكال دى انا عندى دواها.

انا خليتو زعلة من بكرى ابو بكر .

Quote: أنا عارف رايحة ليك شكلة!

من ناحية رايحة لة شكلة ايوة..رايحة لى شكلات
خصوصا معاك انت الخليتنى برااااى فاتحة بوست طول وعرض
لعنصريى المنبر ..
وبدل تدينى يدك
جاى مشتت لى جهودى ومجهودى فى اتفاقيات صلح مخستكة.

انا بكره حا أفتح ليك بوست بعنوان (الصلح بين دكتور ادروب والفنان خالد كودى )
على الأقل الزول ده يعتبر فى معسكرنا .
بدل تضيع لى زمنى مع الانقاذيين والانكاديين وأشباههم .

Quote: صاحبتك ما تجيب سيرتي ما بجيب سيرتها...

لا بجيب سيرتك يا ( دكترة ) وسيرة أى زول عندما يحلو لى ..
وكان ما عاجبك اقعى البحر.

كما يحق لأى زول هنا يجيب سيرتى..حتى وانا مافى .
نبزينى زى ما انتى دايره ..وان اقول فيك الأنا دايراهو

ده مش منبر حر..ولا شنو؟!

يا جماعة زول عندو راى فى زول ما يقولوا!؟
ده شنو كتم الحريات ده

امنة مختار

Quote: لاحظت ان بعض الأخوة الزملاء الكرام فى هذا المنبر ينظرون الى نسائه كفورمة واحدة متشابهه فى الميول والمشارب..أو هكذا يجب ان تكون. وهم لا يريدون ان يسمحوا لنا بحق الاختلاف والخلاف والشجار والنكاف مثل بقية خلق ربنا من بشر وحيوانات الخ . وحجتهم فى ذلك اننا ك( نساء ) ما يجمع بيننا أكثر مما يفرقنا !!! بمعنى انهم يريدون توحيدنا قسرا ورغما عنا فى قطيع متجانس متشابه، متجاهلين بذلك اننا شخصيات مختلفة جاءت من خلفيات مختلفة وثقافات مختلفة وأعراق مختلفة وانتماءات مختلفة وميول ومشارب فكرية مختلفة وان الاختلاف سنة الحياة. وان ما يجمع أويفرق بيننا كنساء هو نفس ما يجمع ..أويفرق بينهم كرجال، ولا دخل للنوع بذلك . وعليهم ان يفهموا ان محاولاتهم ذات النية الحسنة ..فى توحيدنا قسريا فى قطيع واحد متجانس .. تجعلنا نشعر بان فى الأمر نوع من الأبوية المفرطة أو الوصاية ..كأننا مخلوقات ناقصة ناشزة تحتاج الى من يقومها او يدخلها الى بيت الطاعة الاسفيرى . لسنا ملائكة ..وكذلك انتم تقبلوننا بشخصياتنا كما هى ..أو انسونا . وتذكروا ان البعض منا قد لا يمانعن فى لعب دور الأنثى التقليدى حتى يحظين بالقبول والاحترام والاعجاب من الجميع . وبعضنا الآخر يملن الى التعبير عن شخصياتهن الحقيقية كما هى دون رتوش أو أقنعة ، فتعبيرهن عن ذواتهن بحرية وتصالحهن مع انفسهن, أهم لديهن من الحصول على رضى الجميع . أرجو واتمنى أن يحظى هذا النوع الأخير باحترامكم ..كما النوع الأول، لأن على الأقل النوع الأخير لا يكذب ولا يتجمل. احترامى للجميع

وبرضو تقولي ما حكيمة ؟؟
هو الحكمة كيف لو ما كانت كدا ؟؟

مع تقديري لمداخلة الاخت نجوان واعترافك بمنطقيتها ..

اخونا عبد العاطى..حكمة شنو !
مالك داير تجيب لينا الهوى
نحنا ناقصين ..



تقديرى..
وشكرا على حسن الظن .

Quote: نحنا ناقصين ..

____
يا أمونة، ما تتحسسي ياخ، خليك عادية!

لا

Quote: بجيب سيرتك يا ( دكترة ) وسيرة أى زول عندما يحلو لى .. وكان ما عاجبك اقعى البحر.

مشكلتك يا تعريشة العنب ضعيفة الساقين الخشم بليلة والحيلة قليلة
لما ندور فيك تجي وهذا وقد اشانوا سمعتي ويتعقبوني الخ الخ
ترهاتك واكاذيبك.. ما عندي اي مانع اتسلى بيك
واضحك فيك الناس والقشاش يملآ شبكتو...
بس ما تجي تشكي تبكي..بيان وصبيتها
وبيان ونور لانه انا براي مفرد ابذر كدا
لا صية لا غيرو..
سمح؟

Quote: يا أمونة، ما تتحسسي ياخ، خليك عادية!

اتحسس لى شنو!
أصلى بقيت( ضنب عبور) ؟؟

تعرفي يا أمونة..
أكان معانا بتين من لواء السودان الجديد..
واحدة من الجنوب والتانية من الشمال..
أخلاقن دلاقين، وكان وصلو الحد بيرمو السلاح وكمان بسبو دين..
لذيذات خلاص..اليوم كلو يطنطنن.. طوالي عاملات مشاكل مع التعلمجية..
وتسمع كع كرع.. وبيخالفن تعليمات زي الترتيب.. ولا هماهن..
أها يا أمونة.. يوم التخريج.. أدوهن جائزة الضبط والربط..
الجيش كلو بيضحك.. للإختيار الصادف أهله ده
المقدمة دي كلها يا أمونة عشان أقول ليك:
لقب حكيمة ده صادف أهله تماماً..
_____
وأوعدك إني ما أضحك، ولا أجيب سيرة البحر تاني،..
وكمان أزيدك من الشعر بيت
إنت حكمة ..
إنت آية ..
ولا إنسان ..
إنت صاحى ..
ولا نائم ..
ولا طرفك من طبعه (ضبلان) ..

Quote: العزيزة ام حازم .. لمن تقولين هذا الكلام لبيان عدو الانسان ؟؟ شكرا على كلماتك الطيبة. عارفه فى ناس كتيرين زملاء فى البورد لمن يقابلونى لأول مرة .. بيندهشوا جدا وبيقولى لى ..معقولة انتى آمنة مختار ده كلو من بيان عدو الانسان وعصابتهاناس قطع الشطرنج

هلا هلا هلا
عدو الانسان حتة واحدة
شايفاني سقط متاع

انت عدوة النجاحات وحاسدة...

مفتكرة حتمشي على لقب..
الحاجت دي عايزة ذكاء اولا وكمية من الطرافة...
ودي نا بدعوها بتجي براها يا منقة...

ام اربعة واربعين
تعريشة العنب ضعيفة الساقين
الخ الخ
اتحداك تسجلي اصابات ذي دي
عدو الانسان دي كلام شفع ساكت..
ولا طريفة ولا ذكية
ما تحنني بالله..

Quote: ولا طرفك من طبعه (ضبلان) ..

ضبلان الهينة دى...طشاش عدييييل كده
وبرضو عاجب

Quote: ام اربعة واربعين تعريشة العنب ضعيفة الساقين الخ الخ اتحداك تسجلي اصابات ذي دي عدو الانسان دي كلام شفع ساكت.. ولا طريفة ولا ذكية ما تحنني بالله..

معليش يا (دكترة) انا زى ألقابك ما بقدر أقولا..
عارفة ليه ؟
لأن كل زول بنبذ من ماعونو وقاموسو..
وانا قاموسى لا يمكن أبدا أن يحوى ألقاب أو مفردات تمييزية
ضد المرأة أو عنصرية ...عرفتى كيف.

عشان كده خلينا فى كلام الشفع بتاعنا
عاشت عاشت ..بيان عدو الانسان .

سهرتونى الله يسهركم .
باى

Quote: ضد المرأة أو عنصرية

بت دا!
ابو الزفت؟
الزولة دي طيب بقولو كعبة ليه وجادعنها..
قال تميزية
وريني في ام اربعة واربعين التميزية وين
ولا تعريشة العنب دي...

عدوة المرأة الناجحة دي لقب جديد..

..
.
بوست شكل نســـوان ساى !!
( اها انتو الاتنين نختكم في ياتو تصنيف )
حسي الواحد يغلط منو!! ويبرر لمنو!!؟

____________________________

الاعوج راى والعديل راي
مع احترامى لكلاكما .. بس انسو الفارغة

النبي فيكن
اخصمكن بالرسول
كن ما روقتن المنقة وختيتو الكورة واطه

Quote: .. . مشكلتك يا تعريشة العنب ضعيفة الساقين الخشم بليلة والحيلة قليلة

آمنة حكمة...
آمنة آية......
آمنة مختار...
عشق إلهي...
آمنة إنسان....
هذا الكلام ليس مجاملة لصاحبة بوست (العشق الالهي), فلا أتصور – أخت د. بيان - أن تتفوهي بكلمات كتلك التي صدرت.
والموضوع كما فهمت من صاحبة البوست هو حق الاختلاف للنساء كما هو للرجال فلا داعي للخروج عن الموضوع وبهذا الشكل.
عودا حميدا آمنة.
وتحياتي د. بيان

وووووووووووب وووووووووووب ووووووووووووووب..
وروروووووووووووووووك وروروووووووووووووووووووووك ورورووووووووووووووك ..
أححححححححححححححححي أححححححححححححححي أححححححححححححححححححي...
ووووووووووووووب ووووووووووووووووب وووووووووووووووووووووب..

شايف تياب تجر بي الواطـــة وشعر منكوش واطفال يتفرجون في زقاق الحي الشعبي بجوار جزارة ود الكندو ..

العزيزه امنه مختار
انا اختلف معك في هذا البوست
ليست هنالك اي اشكال في ان يكون هناك عراك فكري
او سياسي يصل لابعد المسافات
علي ان تبعدن عن شخصنة الصراع
اكره الشخصنة وابتعد عن بوستاتها
وهذا البوست غاية في الاهمية لانه يطرح موضوع هام
واتمني ان يكون الصراع بينك كصحفية قديرة
وبين دكتوره بيان كمثقفة ومسرحية قديره
شديدا ولكنه منحصر في الاطار الفكري مبتعدا عن الشخصنة
وهذا نقد لا اتزحزح عنه قيد انملة
لانني اكره الشخصنة للصراع وسيان عندي ان كان ذلك
بين المراة والمراة
آو بين الرجال
آو الرجل والمرآة
فما آسهل الجلوس خلف الكيبورد واطلاق الصواريخ العابرة للقارات
محبتي واحترامي لكل منكما
وذلك يزيد كثيرا ان ابتعدتما عن الشخصنة
فكل منكما تستطيع ان تعطينا الكثير من
خلال الصراع الفكري والسياسي مهما كان شديدا
وعند الشخصنة فان ذلك ينحدر الي السفح
اغفرا لي صراحتي

جميل


محرض علي التفكير

آمنة كنت بتكوسيها عند بشاشا وادروب أها جاتك من حيث تحتسبين ان شاء الله تبقى ليك كافينول فتك بالعافية

Quote: وريني في ام اربعة واربعين التميزية وين ولا تعريشة العنب دي... عدوة المرأة الناجحة دي لقب جديد..

القابك وشتايمك كلها تميزية وعنصرية يا دكترة..
وهذا واضح للعيان ..
انت قايله أمخاخ الناس دى جواها( طين) ولا ( عجين )

لمن تقولى كلام ابقى قدرو..
ومافى داعى للتبريرات ومحاولة ذر الرماد فى العيون .

Quote: بوست شكل نســـوان ساى !!

تبلدينا ..البقى ما بلدينا
سلام

قلت لى شكل نسوان !! أامل شكلك انت ودكين داك كان شنو ؟!!

ولا حلال عليكم حرام علينا .

راجع بدايةالبوست تانى يمكن تفهم المرة دى.

Quote: عودا حميدا آمنة.

شكرا شقيق العشق الالهى..
عبد الحى على موسى .

Quote: وووووووووووب وووووووووووب ووووووووووووووب.. وروروووووووووووووووك وروروووووووووووووووووووووك ورورووووووووووووووك .. أححححححححححححححححي أححححححححححححححي أححححححححححححححححححي... ووووووووووووووب ووووووووووووووووب وووووووووووووووووووووب

!!!!!!!!!!!!!!!!!!!!!!!!!!

ماتجمد يا راجل !!
عيب كده

العزيزه امنه مختار
انا اختلف معك في هذا البوست
ليست هنالك اي اشكال في ان يكون هناك عراك فكري
او سياسي يصل لابعد المسافات
علي ان تبعدن عن شخصنة الصراع
اكره الشخصنة وابتعد عن بوستاتها
وهذا البوست غاية في الاهمية لانه يطرح موضوع هام
واتمني ان يكون الصراع بينك كصحفية قديرة
وبين دكتوره بيان كمثقفة ومسرحية قديره
شديدا ولكنه منحصر في الاطار الفكري مبتعدا عن الشخصنة
وهذا نقد لا اتزحزح عنه قيد انملة
لانني اكره الشخصنة للصراع وسيان عندي ان كان ذلك
بين المراة والمراة
آو بين الرجال
آو الرجل والمرآة
فما آسهل الجلوس خلف الكيبورد واطلاق الصواريخ العابرة للقارات
محبتي واحترامي لكل منكما
وذلك يزيد كثيرا ان ابتعدتما عن الشخصنة
فكل منكما تستطيع ان تعطينا الكثير من
خلال الصراع الفكري والسياسي مهما كان شديدا
وعند الشخصنة فان ذلك ينحدر الي السفح
اغفرا لي صراحتي

أستاذنا الموصلى ..
شكرا على رأيك الصريحالذى أقدره جدا .
وأتفق معك تماما فى ماجاء فى مداخلتك ..
ولكن صدقنى منذ أن جئت الى هذا المنبر
وجدت ان نوعية القضايا والمواضيع التى أطرحها
بتجيب الهوا ..وتعرض كاتبها الى السقوط فى فخ
الشتائم والشتائم المضادة حتى يجد نفسه
فى نهاية الأمر غارقا فى الشخصنة .