الى بكري ابوبكر من عثمان عجبين

الاخ بكري ابوبكر أخونا الرائع عثمان عجبين عضو المنبر (سودانييز اون لاين ) فقد الباسورد الخاص به للدخول الى هنا ويتمنى تذكيره به ..... هذا الشبل الناقد والموسيقي القادم من ثقب الشمس نتوقع منه الكثير ... يا بكري ...

فوق

كنا تلاتة مشينا الشيشة مفلسين ( لا ) واحدة بس عندوقروش المهم انا وعجبين ح نتقاسم الشيشة وسرحنا في الونسة عجبين نساني خالص . وشطّف الشيشة براهو ، فعادي كونو ينسي رقمو السري ، عثمان بعرفو كويس واضافة حقيقية في البورد له نكهة جميلة لا تخطئهاالانوف وان كنت مزكوم ، بتمني يا بكري تفرد مساحة لعجبين مساحة نحتاجها ويحتاجها البورد

النضيف والرفاعي
ياناس انتو وين؟؟
وعرفتو الزول ده كيفن ؟؟

تحياتي ليكم كبار كبار

سلام يا دي جيل سلام يا صاحبي مشتاقين للطيش


يابكري عثمان ده مسجل من زمن طويل ومتابع شديد
ومقل في المداخلات والكتابة لكن لما يكتب ويداخل
فبتكون حاجة محترمة ومسؤلة جداً وممكن تسال منو ناذر
الخليفة وتروتسكي

فالرجاء أن تبعت ليهو كلمة مرور

شكري وتقديري لكم.

Quote: والكتابة لكن لما يكتب ويداخل فبتكون حاجة محترمة ومسؤلة جداً وممكن تسال منو ناذر الخليفة وتروتسكي

عثمان عجبين..حتما ليس هو وحده الذي عرف كيف يختار ما يقدمه لناعلي خارطة الفن الشاسعة والممتدة..لكن شكلت تجربته بالنسبة لي -والتي إستمعت لها- صورة عميقة جدا لتجربة فنان شاب ، وبدت لي بهية و هي تحمل في عمقها وتكتظ بالكثير من الدلالات الإبداعية، مما يجعلني أجزم بان عثمان واحد من الشباب المبدعين الذين سستضح قوتهم الإبداعية اللا محدودة ،مواصلة لعطاء أجيال ممتدة في رصيد الأغنية السودانية التي نتطلع ونحلم بها.

وعموما فإن هذا راي مستمع , وأترككم قليلا مع عثمان..



ما بتستاهل!


ما بتستاهل حزني عليك
لا بتستـاهل وجعـي فيك
إنت ظنونك هي البتقودك
إنت هواجسك هي وعودك
والحنية الفيك صدودك


ما بتستهل حزني عليك
لا بتستاهل وجعي فيـك

كون في العالم زي ما تكون
أبقي الفرح امدن و شجون
صادر من جواي البسمة
أمسح كل بديع في الكون
خلي ظنونك تبقي عيونك
خلي هواجسك سيف مسنون


ما بتستاهل شوق ألحاني
ولا بتستاهل تبقي زماني
ما بتستاهل حلمي وشوقي
قلبي العاش يهديك أغاني
ما بتستاهل إنت اناني
ولا بتستاهل إنت اناني
ولا بتستاهل تبقي زماني

متى يستجيب بكري ابوبكر ...؟

حتماً يجيب ...

أخى بكرى أبوبكر

هذا (العثمان) يشهد الله من أجمل الشباب الذين إلتقيتهم فى جدة ، فنان وموسيقار وناقد وشاعر وأديب ، وعلى المستوى الشخصى فهو إنسان مرهف ومهذب بشكل لا يمكن تصوره ، لذلك نتشفع إليك بملح وملاح المنبر أن تعيد له كلمة سره وبذلك تكون قد اعدت للمنبر حلاوته وطلاوته ، ويا ليت كل العضوية مثل عجبين ، فهو نموذج للإنسان الراقى المتحضر المتعلم الفنان السودانى الأصيل

ونحن فى إنتظار تجاوبكم المعهود فى المحافظة على الجميلين داخل هذه الساحة

أخوك هشام ، وفى رواية (خالك)

ويا الرفاعى ، سأفتح بوستا خاصا بك عنوانه أين الوفاء بالعهد فالشيشة طلعت (بيشة)

صبرك على

اخونا الرائع هشام شيخ الدين لك التحية والتقدير

طبعآ محمد العمدة ذكرني متأخر جدآ إننا نغشاك وتاني حاجة نحن خايفين عليك ياأخي

شيشتك الخايف عليها

سلام يا ناس
لسع ياجماعة الزول ده ما وصل؟!!
ولسع مافي زول عايز يرابط في البوست ده؟

يابكرى شوف لينا القصة دي وخلي الزول يرجع عندنا
معاهو قصص وحكاوي مفيدة .
يا ناس المزيكا الزول زولكم تعالوا نادو معانا بكري

عثمان جاء خلاص..

شباب ازيكم

شكرا عزيزي خالد الطيب
شكرا لمجهودك المقدر

هااناذا بينكم