Post: #1
Title: ضبــــــ ح بــتـو؟
Author: سمندلاوى
Date: 11-27-2009, 03:07 PM
Parent: #0
بختتكم! نحنا لينا الله وعيشة
ذبح على الطريقة الاسلامية ولحم حلال..
واللحم زاااااتو من الفريزر ......
بالله دايرن لينا مرارة وصحن شية بالجمر على
شرط معمولة بالسيخة فوق كانون 
عيدكم مبارك عليكم
وعيدنا.... كيف؟
|
Post: #2
Title: Re: ضبــــــ ح بــتـو؟
Author: سلمى الشيخ سلامة
Date: 11-27-2009, 03:46 PM
Parent: #1
عيدك سعيديا ايها الولد الحبيب
ونتلاقى فى السودان
وحات الله نضبح ضبح نضيف
بث اختك بقت نباتية للاسف
لكين بعمل ليكم الحاجات كلها
كل سنة وانت طيب
|
Post: #3
Title: Re: ضبــــــ ح بــتـو؟
Author: مزمل خيرى
Date: 11-27-2009, 04:24 PM
Parent: #2
| Quote: ضبــــــ ح بــتـو؟ |
هو ضبح نُصاح .؟
عليك امان الله الناس دى وقعت فى الشيات والمرارات وقع شديد .!!
سمندلاوى ..
العيد برة البلد دى طعمو مسيييييييخ والله
وخاصة عيد الاضحية دا .. مابنفات كلو كلو .!
كل سنة وانت طيب والاضحية الجاية معانا وضارب الشيات والشربوت و .. الشامبيون ..!!
|
Post: #4
Title: Re: ضبــــــ ح بــتـو؟
Author: مريم عبد الله
Date: 11-27-2009, 04:36 PM
Parent: #3
كل عام وانتم بخير
تعود الايام بالصحه والسلامه
|
Post: #5
Title: Re: ضبــــــ ح بــتـو؟
Author: جعفر محي الدين
Date: 11-27-2009, 05:00 PM
Parent: #4
كل سنة وإنت طيب يا سمندلاوي
ياخي الغربة حرمتنا جمال العيد ولمة العيد وشية العيد
وعيد العيد
يعني ضبحنا ونتفرج في اللحمة ونتمنى يجي داخل علينا ضيف
السنة الجاية إن شاء الله تكون معيد في السودان وتضرب الشية والمرارة النية
قول آمييييييييييييييين
|
Post: #10
Title: Re: ضبــــــ ح بــتـو؟
Author: سمندلاوى
Date: 11-27-2009, 10:07 PM
Parent: #5
Quote: السنة الجاية إن شاء الله تكون معيد في السودان وتضرب الشية والمرارة النية
قول آمييييييييييييييين |
امييييييين ابوالجعافر والله دعوتك دى سمحة خلاس
والدعوة التانية مقبوووولة على العين والراس
ياخى انا لاقى؟
عيدك مبارك وكلو سنة وانت بالف خير
تحياتى
|
Post: #8
Title: Re: ضبــــــ ح بــتـو؟
Author: سمندلاوى
Date: 11-27-2009, 09:38 PM
Parent: #4
Quote: كل عام وانتم بخير
تعود الايام بالصحه والسلامه |
وانتى طيبة يامريم ويعود عليك بالفال
والسعد والفرح....
تسلمى
|
Post: #7
Title: Re: ضبــــــ ح بــتـو؟
Author: سمندلاوى
Date: 11-27-2009, 09:35 PM
Parent: #3
| Quote: كل سنة وانت طيب والاضحية الجاية معانا وضارب الشيات والشربوت و .. الشامبيون ..!! |
احححححح ... مااالك على يابلد عليك امان الله
انا هسى اقطع لى تزكرة واعمل خيانات فووو من
اوسلو لحدت رفاعة واجر لى كبش بج, واقشرو براى
واظبتو ليك وعقابو اسويهو ربيت مع الشربوت, تقول
لى قال....
تسلم مزمل وعيدك مبارك وخروفك طاعم شكلو كدا
الله فى
|
Post: #6
Title: Re: ضبــــــ ح بــتـو؟
Author: سمندلاوى
Date: 11-27-2009, 09:25 PM
Parent: #2
Quote: وحات الله نضبح ضبح نضيف
بث اختك بقت نباتية للاسف
لكين بعمل ليكم الحاجات كلها |
سلمى ياحنينة العيد مبارك عليك انتى وعزوزة
يختى المهم نتلاقى ونعيد مع بعض
نحنا هسى جينا داخلين لكن وحاتك
بس عشان الشفع مشو معاى صلاة العيد
لزوم تغيير كدا, لكن ياها اللحمة
المجمدة وكريها دى وخالية نكهة,غايتو
الله فى....
بالمناسبة فى لوحة رسمتيها عن يوم العيد
من ساعة تبدو النضافة والغسيل وصوت المركوب
البصرصر و .... عليك الله ماتجيبى الكلام دا تانى هنا
تحياتى ياغالية
|
Post: #9
Title: Re: ضبــــــ ح بــتـو؟
Author: Awadallah Bashir
Date: 11-27-2009, 09:51 PM
Parent: #6
عيدك مبارك يا حبيب انت واسرتك.....
يا بكري الحرسة الزي دي سعرها فعلاً تذكرة وتليبة مفاجئة وتلقى نفسك في-مبروك كبري رفاعة يا باشا- والشواشو والكمونيت الما خمج...
يا بكري عيدنا السنة دي في شبشة..هاجي هجيج رهيب...اليوم الاول خروفين..التاني واحد ..والتالت اتنين...يمين فضلة خيركم ...بس........
متعة...
لكين باقي لي حكايتك دي ما قصة خروف...انت رايحة ليك احضان كتيييرة طولت من مقالدتها..الله يلمك في الاهل ..مراح الخير يا بكري.
ويحفظم ليك ويحفظكليهم لحدت ما تبل شوقك يا الحنين..
يا بكري انا مشتاق لعشيري وين الزول دا .؟كان عندك خبرو وريني
فرش الله طريقك يا بكري اعياد وافراح..
التهاني موصولة لكل الاحباب هناك.
|
Post: #11
Title: Re: ضبــــــ ح بــتـو؟
Author: أسامة عبد الجليل
Date: 11-27-2009, 10:08 PM
Parent: #9
لسه يا بلديات
والله الراجل شارينا لي أسه، أطنه إتفق مع مسلمين البلد
كلهم الليلة. غايتو الشية إلا عشاء.
دي حتكون أول مرة نأكل المرارة بالليل.
كل سنة وإنت طيب وربنا يحقق ليك كل أمنياتك.
بالجنبة:
إزيك يا عوض الله بشير
كيف حالك ياراجل يافنان؟
ألف مرحب بيك في المنبر، والله تفاجأت بوجودك هنا
ولم أعلم به إلا الآن .
لمثلك يا عوض تذبح الذبائح وتقام المهرجانات.
ألف مرحب وكل عام وأنت بخير.
|
Post: #12
Title: Re: ضبــــــ ح بــتـو؟
Author: Awadallah Bashir
Date: 11-27-2009, 10:35 PM
اسامة عبد الحليل....
كل عام وانت ومن تحب بكل خير ونعيم..
شكرأ اخي لكلماتك الطيبات المرسلات من القلب بكل الصدق...
شكرا لترحيبك والذي وإن جاء متأخراً قليلاً - ولا عتب طبعاً - فقد جاء منساباً ودوداً شرفني واثلج صدري...
لك خالص المودة ..
|
Post: #15
Title: Re: ضبــــــ ح بــتـو؟
Author: سمندلاوى
Date: 11-28-2009, 00:02 AM
Quote: لسه يا بلديات
والله الراجل شارينا لي أسه، أطنه إتفق مع مسلمين البلد
كلهم الليلة. غايتو الشية إلا عشاء. |
ودعبدالجليل ازيك وكلو سنة وانتو طيبين
باللاى انتو برضو داخلين فى المعمعة دى؟
انا غايتو تبت من قصة فى زول ح يضبح لينا خرفان ويجيبا لينا
ياخ بتاع العيد الفات لى هسى راجنو....
اتمنى انو يلحقكم ليا, مايطلع اى كلام...
العيد مبارك عليكم وكلو سنة طيبين!
|
Post: #13
Title: Re: ضبــــــ ح بــتـو؟
Author: سمندلاوى
Date: 11-27-2009, 10:39 PM
Parent: #9
Quote: يا بكري عيدنا السنة دي في شبشة..هاجي هجيج رهيب...اليوم الاول خروفين..التاني واحد ..والتالت اتنين...يمين فضلة خيركم ...بس........
متعة...
لكين باقي لي حكايتك دي ما قصة خروف...انت رايحة ليك احضان كتيييرة طولت من مقالدتها..الله يلمك في الاهل ..مراح الخير يا بكري.
ويحفظم ليك ويحفظكليهم لحدت ما تبل شوقك يا الحنين..
يا بكري انا مشتاق لعشيري وين الزول دا .؟كان عندك خبرو وريني
فرش الله طريقك يا بكري اعياد وافراح..
التهاني موصولة لكل الاحباب هناك. |
هييييع ااودالشفيع والله بغرتنى عدييييل كدا, وانا من قبييل القول الدفعة دا مالو مصحصح كدا
يازول هنيالكم وربى يجعل اعيادكم كلها فرح وبهجة...
عرفتنى والله انا اصلا بدور امش البلد والاقى الحنان واتشحن بى طيبتم
عشان تبقى زادى فى بلد الصقيع والبرد .....
عشيرى افتكر موجود فى مدنى عليك بى امنة امين بتديك النجيدة بس سلم
لي عليها اول وقول ليها مشتاغون ...
اديك العافية ياغالى وتحياتى للعيال
عيدكم احلى وانضر
|
Post: #14
Title: Re: ضبــــــ ح بــتـو؟
Author: محمد عبد الماجد الصايم
Date: 11-27-2009, 11:37 PM
Parent: #13
يا عمكـ
كل سنة وإنت طيب وربنا يحقق الأماني
النجيضة ..
والله زي ما بقولو ضبح الســـرور!
أها وبقت علينا قصة ود البادية
تلاتة خرفان غدا .. تلاتة خرفان عشا..!
دا غير التسليكـ الصباحي فطور أبو تلاتة برضــو!
ياخ عيد متعة عديل!
متعة شنو ياخ!
دا إحساس أكبـر من المتعة زاتو!
والعجب الشطوط!
الليلة ووووووووووووب
|
Post: #16
Title: Re: ضبــــــ ح بــتـو؟
Author: سمندلاوى
Date: 11-28-2009, 01:24 AM
Parent: #14
Quote: والله زي ما بقولو ضبح الســـرور!
أها وبقت علينا قصة ود البادية
تلاتة خرفان غدا .. تلاتة خرفان عشا..!
دا غير التسليكـ الصباحي فطور أبو تلاتة برضــو! |
اهااااااا دا الكلام البجيب الحماقات ويخلى الواحد
اجى كدااارى
Quote: والعجب الشطوط!
الليلة ووووووووووووب |
واللاى خليتنى امطق سااااكت لمان المرا نططت عيونا
عيدك بهجة ومسرة
|
Post: #18
Title: Re: ضبــــــ ح بــتـو؟
Author: سمندلاوى
Date: 11-28-2009, 11:16 AM
Parent: #17
عاطف كل سنة وانت بالف خير
والقابلة زى ماعايز
Quote: تعرف ضربت علي ناس ( فنسنس ) حلفو قسم انو المراره قدامهم
خروف عديل كدا وضبحوهو بي يدهم
تصدق؟
|
بختهم لانو فى الريف الحاجة دى ممكن
وناس همر برضو ضبحوا...
غايتو ...
الحفلة بحاول احضرها
تحياتى
|
Post: #19
Title: Re: ضبــــــ ح بــتـو؟
Author: إبراهيم عبد الحليم
Date: 11-28-2009, 11:33 AM
Parent: #18
|
Post: #20
Title: Re: ضبــــــ ح بــتـو؟
Author: سمندلاوى
Date: 11-28-2009, 12:32 PM
Parent: #19
علينا وعليك يتبارك حبيبنا
وجارنا, اسال الله ان يعيده
علينا بكل خير....
القابلة ربنا يجمعنا فى البوم كااارب
مع بعض....
|
|