كنت انتبه الي الفوضي التي تعم حَينا دون مُقدمات .. التاج مصطفي جا.. كنت حينها في الثامنة من عمري كان التاج مصطفي ياتي الي اهله زائراَ في الاعياد فكان حَينا يتحول الي شعلة نشاط .. يرسل عمنا زين العابدين من هم في سِني لإخبار رجال الحي : نادي ابوعبيدة قول ليهو الغداء عندنا .. التاج معانا الليلة تغمرني سعادة باهظة و انا اسمع ذلكـ النداء .. سيكون عصرا جميلا لان ابي سيكون هناكـ و انا بدوري سالعب الكره وسأهمل واجباتي المدرسية زي الترتيب. في يوما ما .. بكري الثقيل شال كورتو و حرمنا من اللعب فعدت ادراجي ماراَ بجانب ديوان عمنا زين العابدين صِهر التاج تلصصت من النافذة ,, كانو جميعا هناكـ ابوي - اعمامي الثلاث - زين العابدين - عبدالجبار - نور الدائم - الشيخ - مصطفي - و اولادهم و احفادهم و نساء الحي في ملحق الديوان يستمعن بطرب لا تُخطئه العين .. و وصلتني الانغام
أتهنى بي رؤياك هل.. يا مُلهمة شعر الغزل هل من وصال.. يا روحي هل؟!
ما لعيني عشيت بالنظر أنكرت بعدك ضوء القمر
يا عازف الأوتار مالك على قلبي أشعلت فيه النار.. من جمرة الحبِّ
بالنسبة لي لطفك والرقة يا فتان ما كنت تظلم مَنْ قد أضحى بيك ولهان
السادة لونو خمري .. قلبي حباه
و كان التاج مصطفي هناكـ في صدر المجلس .. رجل ابيض الشعر باسماَ ممسكا بعود عازفا و الرجال حوله يتمايلون جلوساَ .. هؤلاء المتصوفة مُدهشون في كل شي .. يسكرون دون خمر و يطربون و يطلقون الورورووووكـ دون قيد او شرط طرباَ و منذ ذاكـ و انا في حِل من كرة بكري الثقيل .. اترقب العيد كل عام لارتوي من التاج مصطفي
اللهم ارحم التاج مصطفي
___ سادة لونو خمري كلمات إدريس عمر آداء طارق ابوعبيدة
في إجازتي الفاتت في السودان كنت قد سمعت عنك من قبل من صديقي جدو مهدي.... لمن كان معاكم بأنك فنان بحق و الآن و بعد إستماعي لهذا الأداء الروعة.... و من قبل سمعت ليك (يا طير يا ماشي لأهلنا) و برضو كان روعة في الأداء.... تجدني أحني هامتي لك إعجاباً بصوتك الحنين....
خــدر.....
سلِمت حنجرتك ويديك العافية..... و كتر لينا من زي دا....
والله يا مجدي جيت ريقي ناشف كمان اليوم طويل خلاص هنا التقول صايمين لسه
هيثم ع.عزيز يا سلام علي جدو ياخي عامل شنو الشاب الفنان ده !؟ انا ذاتي يا هيثم بحني هامتي ليكـ عشان كلامكـ الحلو ده ولانكـ من طرف جدو و صاحب جدو صاحبي يا سيدي شكرا ياخي
في ذمتكـ يا طارق كنت جاي تشاكلني في بكري ؟ بكري ده ما بنقدر علي شكرو ياخي لكن بنقدر علي شكلو لانو صاحبنا
فيما يخص السبلوقات .. انا بزكروني بي مجلات ميكي زمان لمن يرسمو صندوق البريد جاري و بطوط ساكيهو انا لسه ما جربتهن لكن فيما يبدو لو ضغطت علي الصندوق بترسل مسنجر لصاحب الصندوق طبعا حا تسألني بكري ابوبكر يرسلو ليهو رسالة كيف "؟ الاجابة تفتش DONE و تقشط فيها رسالتكـ
Post: #22 Title: Re: بكري الثقيل Author: محمد عبد الماجد الصايم Date: 10-15-2009, 11:00 PM Parent: #21
Post: #25 Title: Re: بكري الثقيل Author: احمد التجانى احمد Date: 10-15-2009, 11:39 PM Parent: #24
والله ياخدر بصراحة الليلة غيرت بعض انطباعاتى انا من زمن بسمع انك فنان لكن صورتك فى البروفايل دايما بتخلينى استبعد حكاية غناك دى لانها بتدى انطباع انك زول شفت كدة ومن البفرتقوا الحفلات مش البيحيوها وكمان مشاركاتك فى بوستات الغناء والفنانين قليلة او معدومة فلذلك سامحنا على هذا الظن الذى ادحضه ذلك الصوت الباذخ ولا تحرمنا يا اخى من الروائع دى
يا مجدي جبتو و جيت يا المبروكـ ؟ انتو يا اخونا قلبكم مقطوع مالكم !! انا سيد البوست ما خايف و كان قال بغم اصلي ماشي ليهو في بلدو و بيتو بقلع منو مفتاح الحوش ده و بجيكم راجع
Post: #28 Title: Re: بكري الثقيل Author: محمد عثمان Date: 10-16-2009, 00:14 AM Parent: #26
خدر يا فنان..
عنوان و مقدمه فى السلك..
شغل سمح بلحيل..
تسلم...
Post: #29 Title: Re: بكري الثقيل Author: احمد التجانى احمد Date: 10-16-2009, 01:13 AM Parent: #28
ياخدر نسيت حاجة لو اتجاوزنا صورة البروفايل صحبتك مع عصام جبر الله دى نحلها كيف؟
Post: #30 Title: Re: بكري الثقيل Author: Osman Musa Date: 10-16-2009, 01:31 AM Parent: #29
نان هو عجب . أنشاءالله وكت تجى ال U S نكون فى . سلامات
خالص التحايا العزيز خدر وشكر كتير للتطريب ... انا لى فترة ابحث عن اغنية لك لا اتذكر اسمها حاليا ساعود لك لاحقا ياريت لو ارفدتها لينا هنا..
ودعني مع العذر امرر خطوطي .. انا ماعارف بكرى ده في السودان ولا بره .. فلو مر هنا ووقرا الموضوع ده ياخ نفسي الاقي بكرى ده شخصيا عندي سؤال شخصي عايز اسالوا منو شخصيا .. فياريت ما يايبقى زي عنوان البوست ويخيب ظننا ولو مرة.. عشان بالجدانا عايز بكري في سؤال شخصي..
ننط الفقرة دي عشان نقدر نسمتع بالمادة.. وتشكر ياطارق..
خدر يا فنان سلام حقيقةالما بعرفك بجهلك، بوست لطيف وخفيف والأهم من ده إن نوع هذه البوستات المليئة بالفرح والطرب ما بدخلوها ناس ملاسي!!
Post: #35 Title: Re: بكري الثقيل Author: Abd Alla Elhabib Date: 10-16-2009, 05:56 PM Parent: #32
" color=purple>عارف يا خـدر في واحد صاحبي لما يشوف ليهو زولة حلوة وذات سـطوة ومستعصمة بالبعد عنه يقعد يقول ليها بي رقة وحنية : الله يأذآكـي !! هـسه إنت بي غناك الحـلو حنين ده ..الواحـد يقول ليك شنو غير: الله يزيدك في حلو تغريدك .. .................... طارق أنا داير شريط ليك أو CD وبالعدم تغني لي "شفتيني" علي قول حبوبتى..القاصد شفهيا !
Post: #51 Title: Re: بكري الثقيل Author: Magdi Ahmed Elsheikh Date: 12-24-2009, 02:03 AM Parent: #31
Quote: هيثم ع.عزيز يا سلام علي جدو ياخي عامل شنو الشاب الفنان ده !؟ انا ذاتي يا هيثم بحني هامتي ليكـ عشان كلامكـ الحلو ده ولانكـ من طرف جدو و صاحب جدو صاحبي يا سيدي شكرا ياخي
الشاب اللذيذ دا شغال في أمان الله في السودان و عندو دكان إسبيرات في نادي النيل....
تعرف يا خدر عندي إحساس قوي بإنك لو غنيت أغنية الراحل رمضان حسن (غرامي الأول)....
و أغنية الراحلة على ما أعتقد منى الخير (يا أول حبيب من دون الأحبة) ح يكونو مع ...
لونية صوتك دي رووووعـــة .... عشان كدة شد حيلك يا صاحب و أعمل بروفة و لمن تجهز....
تقووووم طوااالي تعملن زي بكري الثقيل....
ومنتظرك يا حبيبنا.......
Post: #37 Title: Re: بكري الثقيل Author: انعام عبد الحفيظ Date: 10-18-2009, 10:44 AM Parent: #34
البورد ده فيهو ناس جميليين ويدوك أحساس أنك قابلتهم قبل كده رغم أن هذا فى المحسوس والمادى لم يحدث فيااصديقنا العزيز دعنى اقول باننى لم ألتق بك من قبل نعم..ولكن دائماً ماتختارنا ألحانك وكلماتك فى زمان خاص وجميل فى هذا البورد وتشتبك معنا فى لحظة خاصة وحميمة..
_____________________
(..ولكن دائماً ماتختارنا ألحانك وكلماتك فى زمان خاص وجميل فى هذا البورد وتشتبك معنا فى لحظة خاصة وحميمة..)
Quote: يا مجدي جبتو و جيت يا المبروكـ ؟ انتو يا اخونا قلبكم مقطوع مالكم !! انا سيد البوست ما خايف و كان قال بغم اصلي ماشي ليهو في بلدو و بيتو بقلع منو مفتاح الحوش ده و بجيكم راجع
ارجع سريع...
ليك وحشة...!!
Post: #52 Title: Re: بكري الثقيل Author: Adil Isaac Date: 12-24-2009, 05:13 AM Parent: #50
ياطارق....كيفك؟
Post: #53 Title: Re: بكري الثقيل Author: محمد سنى دفع الله Date: 12-24-2009, 05:49 AM Parent: #52
خدوري متجدع في امريكا تغني في الغنا المدنكل عامك سعيد وليك وردة
Post: #54 Title: Re: بكري الثقيل Author: عادل نجيلة Date: 12-24-2009, 06:25 AM Parent: #53
الجميل طارق أبوعبيدة ..
وأذكره ذلك الفنان الصوفي النزعة بروحه الشفيفة الرقيقة حينما كان يأتينا في البنك فيتسابق الجميع لخدمته ليس تملقآ و لكن لعلو مكانته و فنه الراقي الذي يصيب الوجدان .. التاج مصطفى محطة فنية لا يمكن تجاوزها.. ولعل من أجمل تسجيلات البرنامج الإذاعي سهرة الأربعاء والذي كان يقدمه عمر الجزلي كانت تلك الحلقات التي سجلها مع التاج مصطفى بالعود. ولعشاق فنه الراقي أدخلوا لموقع الزول .. أضغط على كلمة (مزيكا) في أعلى البانر للموقع ثم أضغط على آيكون الأغاني القديمة ثم أختر التاج مصطفى وأستمتع بأربعين عملا فنيا له .. ومرحب بيك يا طارق في أريزونا .. و ياثقالتك يا بكري .
