Post: #1
Title: روح واعرض حالي - عاصم البنا - استراحة وجمال
Author: عبدالله وداعه الامين
Date: 11-11-2006, 06:24 PM
هدية الى كل عشاق الجمال بعيدا عن المشاكل
والى كل قلب متسامح
لكم احبة الفرح
|
Post: #2
Title: Re: روح واعرض حالي - عاصم البنا - استراحة وجمال
Author: تماضر الخنساء حمزه
Date: 11-11-2006, 06:37 PM
Parent: #1
أنا أشهد أنَّك أكثر من عرفتُ نقاءً ..
وأجمل الدواخل هى التى تمتلك..
تحياتى لك ..كن دائماً كما أنت .. لاأروع منك .
|
Post: #3
Title: Re: روح واعرض حالي - عاصم البنا - استراحة وجمال
Author: محمد المرتضى حامد
Date: 11-11-2006, 07:00 PM
Parent: #2
عبدالله يا ذوق
مشيت لي بوست أخونا د. أحمد القرشي واتناولت ليك النص ده:
بى هوى الخلخال
بى هوى الخلخال.......لي حبيب الروح
جيبلى طيب الحالي........يانسيم ....الليل
*******
قولو نام الخالي...............وهو يتخيل
رنة الخلخال
بالنظر اسخي لي.........هنئ بى رؤياك
الحياة الماسخالى
**********
النسيم هبى لي..........يا حسينت الذات
الجمر هبى لي
ياحبيب رحماك.............لا تزيد بلبالى
ولا تكون شكواي.....موية في غربالي
*******
قال لي فيق يا غالى..........إن تنل شكواك
لي لست أبالى
كلما أطراك...........العقل يابالى
يا حبيبي البى............حنن اليابالى
*********
كم وكم قبالى...........قلبو مشغول بيك
وانت ماك مبالي
آه كلما أطراك........لا اعى اقبالى
صرت من البى ........شخصي كاد يغبالى
********
لامني فيك الوالي......واللّ ما بيسوى
وكل من يأوى لي
لست اعبأ بى .........زخرف الأقوال
برضي في التبريح.....والبكى المتوالي
**********
ياعزول اجمالى......اهنأ بى رؤياك
خلنى واعمالى
لا حياة لي ......لولا ما الآمال
خلنى وبلواي.......انت مالك ومالي
*********
يا نسيم لي والى.........هب من المحبوب
في كلا الأحوال
ها أنا الراجيك ......... واقفا لنوالى
وقفة المرؤوس .........في رجاء الوالي
***********
هاك صافى مقالي.......يابديع الذات
انت نور امقالى
الجفا يانور.......العيون لي قالي
هذا لو يرضيك..........حبذا يا غالى
*********
عند تسجيل هذه الأغنية بواسطة الفنان عبدالله الماحي تم تغيرالشطرة الأولى من هوى الخلخال إلى روح واعرض حالي وأظن إن ذلك تم للضرورة اللحنية ..وكذلك عاصم البنا تغنى بها بنفس الكلمات التي تغنى بها عبدالله الماحي .
ياعبدالله ، الشاعر محمد ود الرضي بهذه الأغنية تخطى حاجز الصوت.
لك ودي
|
Post: #4
Title: Re: روح واعرض حالي - عاصم البنا - استراحة وجمال
Author: عبدالله وداعه الامين
Date: 11-11-2006, 07:05 PM
Parent: #3
Quote: أنا أشهد أنَّك أكثر من عرفتُ نقاءً ..
وأجمل الدواخل هى التى تمتلك..
تحياتى لك ..كن دائماً كما أنت .. لاأروع منك |
تماضر يا خنساء
الى الناء والجمال عنوان واحد هو انت
ودي لكي وتحياتي وشكرا لحضورك الانيق وروعة حرفك
شاعرتنا المبدعة
لكي السعد وكل الاماني الحلوة
دومي بخير وشكرا جميلا
عبدالله
|
Post: #5
Title: Re: روح واعرض حالي - عاصم البنا - استراحة وجمال
Author: عبدالله وداعه الامين
Date: 11-11-2006, 07:13 PM
Parent: #4
الاخ الجميل محمد المرتضى
شكرا لك عزيزي وانت تمتعنا بالنص كاملا
فروعة ذوقك انت هي التي اضافت جمال النغم
Quote: عبدالله يا ذوق
مشيت لي بوست أخونا د. أحمد القرشي واتناولت ليك النص |
تسلم حبيبنا محمد على احضار هذا النص الجميل
فالحان وكلمات الحقيبة لها طعم خاص ونكة خاصة ورحم الله ود الرضي العلامة البارزة
والرقم الصعب في تاريخ الشعر والشعر الغنائي السوداني
Quote:
ياعبدالله ، الشاعر محمد ود الرضي بهذه الأغنية تخطى حاجز الصوت.
لك ودي |
ود الرضي كان متفردا وجميلا في انتقاء كل حروفه وكان كروان النغم الاصيل
له الرحمة والمغفرة
ولك انت كل التحايا والاعزاز محمد
وتسلم من كل شر
شكرا جميلا يشبهك
وكامل الود والمحبة لك
|
|