Post: #1
Title: عقد اتفاق للتنقيب عن البترول بالولاية الشمالية فى الايام القادمة (عاوزين حقنا من هسع)
Author: nile1
Date: 04-22-2006, 03:53 AM
عقد اتفاق للتنقيب عن البترول بالولاية الشمالية فى الايام القادمة
دنقلا :الصحافة
كشف المهندس ميرغنى صالح والى الشمالية انه سيتم خلال الايام القليلة القادمة التوقيع على عقد اتفاق للتنقيب عن البترول بالولاية 0 واكد خلال مؤتمر صحفى عقد امس الاول بمطار دنقلا على شرف زيارة الوفد الاعلامى المشارك فى تغطية فعاليات مهرجان طبول السلام ان الولاية تعتبر رمزا للوحدة الوطنية والتعايش السلمى بالبلاد 00 واشار الى التحدى الذى تواجهه والمتمثل فى سعى الحكومة لجعل الولاية جاذبة وذلك بترقية كافة خدمات المنطقة ،مشيرا لحجم التنمية التى تنتظم الولاية فى مجالات الطرق والكهرباء والزراعة والتعليم والصحة معددا الثروات التى تزخر بها الولاية من معادن واثار ومؤكدا الجهود التى تبذل لاستغلال تلك الثروات لتحقيق الاستقرار والرخاء لاهل الولاية واشار الوالى لاهتمام الولاية بالشباب ودعم قضاياهم باعتبارهم دعامة اساسية لتنمية المنطقة 0 كما تحدث وزير الثقافة والاعلام بالولاية مشيرا الى خطة وزارته التى تهدف للاهنمام بانسان الولاية مبينا انها قد حققت معانى الوحدة الوطنية والسلام منذ امد بعيد ومؤكدا ان انطلاقة مهرجان طبول السلام بالولاية يعتبر رمزا لهذه الوحدة وتتويجا لها
جريدة الصحافة 22 أبريل
__________________________________
عاوزين نقعد نقسم الثروة والسلطه قبل ما يبتدوا يحفروا..و..اللي أوله شرط أخره نور..وللا أنا غلطان؟؟؟
|
Post: #2
Title: Re: عقد اتفاق للتنقيب عن البترول بالولاية الشمالية فى الايام القادمة (عاوزين حقنا من هسع)
Author: JAD
Date: 04-22-2006, 04:35 AM
Parent: #1
أخوي الزاكي ..
كيفنك ..
عاوزنو ني ولا منجض 
مبروك عليكم والله ..
عقبالنا ..
يا حليل ناس البطانة ..
تبر .. دنبلاب .. نال ..
ومسدار
|
Post: #3
Title: Re: عقد اتفاق للتنقيب عن البترول بالولاية الشمالية فى الايام القادمة (عاوزين حقنا من هسع)
Author: nile1
Date: 04-22-2006, 07:25 AM
Parent: #2
الأخ JAD
تحياتي
بس كان ما أدونا حقنا في الثروة والسلطة بي أخوي وأخوك نبقي إتمقلبنا..لأنه لو فكرنا نعمل جبهة تحرير حنروح شمار في مرقه...ماعندنا غابه..نقع وين؟؟؟ أنا زمان قلت لأهلنا ناس الشمالية يسيبوا حكاية التمر والقمح والفواكه ويزرعوا غابات تنفعنا في اليوم الأسود ماسمعوا كلامي..هسع كان نفعتنا..الزمن دا حقك يا تقلعوا رجاله ويا تفوتوا عديييل...غايتو ربنا يهون
|
Post: #4
Title: Re: عقد اتفاق للتنقيب عن البترول بالولاية الشمالية فى الايام القادمة (عاوزين حقنا من هسع)
Author: JAD
Date: 04-22-2006, 08:20 AM
Parent: #1
الزاكي أخوي ..
أحمدوا الكريم إنتو عندكم بحر ..
إنت ما شفت ناس البطانة ..
أرض بلقع ما فيها إلى كتر مجدع بين كل كترة وكترة 10 كيلو متر ..
في الصيف تشوف بعرة البعير سابحة في السراب تقول يا ربي ديك عربية ولا شنو ؟؟
لمن تصل تلقها بعرة ألبل ..
يعني ما في طريقة نعمل أي تمرد
الله كريم ..
|
Post: #5
Title: Re: عقد اتفاق للتنقيب عن البترول بالولاية الشمالية فى الايام القادمة (عاوزين حقنا من هسع)
Author: nile1
Date: 04-22-2006, 11:33 PM
Parent: #4
أخوي جاد
سلام
البحر بسوي شنو ونسوي بيهو شنو....والله إلا كان نشرب البحر ونسكت..عاوزين غاااااابه..غابه
|
|