حجــــــــوة أم ضـبيبيــنـة

شناة زمن المغايس طيور ركّت .... تفتش لي جناح وعدك... نتف ريش

الخيال واقع ... نكر حسك مرق مفجوع... ينادي عليك ... وكل ما تشيل

رياح الشوق جناك وتمشي بيه بعيد .....تصد خطواتوا راجعة الارض..

وقلبك يا زمن أسود...

حليلك يا عشم كان جد... دريب الضلمة فات الحد ... وكل ما تطل

نجمة نص الهم ...تفوت من وجعي خاتية الضو ...ممحّنة من قوة راس

الفرح يا ناس...موات شهقة غناوي زمان ...و حس الثكلي في الليل

البصارع الشمس..غلب جياتا بي الغيبات.. وبسرق من السما القمرات

حليب النوار.. معلّب في مجاهل الغيب.. فاقد لي طعم نجمة بعد ما

نامت القمرة... وكان في دربي صاحي النو..... وقلبك يا زمن أسود.

مزاق الحسرة في عيوناً ...بتحلم بي شروق خاطر... وشوق رمشاتها

لي نوماً بقت حتي المني تساهر....ووجعة يومي يا منية بكت زعلانة

من باكر... وصمت القول غلب حسي حروف منحولة من شاعر... ولسة

نقول ولسة كلامك لينا يا هاجر.... بداعب لي دواخل الروح بجم عينيا

و الخاطر...... وقلبك يا زمن أسود..

غيب وتعال... تلقانا نحن يانا..نحن.. ولسة في رجاك.. وغنيك ونغنيك

the END of dreams

ومع ذلك ومع ذلك
سنردد سوياً


شوق النيل الحضن الزهرة

وجرح الصبح الفيك شريانو

وشق وريدك نسمة وطل



أندفقت شمس الكون في وشك

شردت دمعة تبكي الناي

زيارة القمرة ديار مــولاي

بالمطرة سواد الليل يتبل

شفناه صباحاً جانا أطل



أيقـــاع خطــــواتك

نشّــــز هم ناساً فاقدة امل

لمن تعزفي وعدك جـــيّة

وريد الوردة بينزف صــندل عطــرو هطل

أبقي قضـــــــــية

أطلعي نجمة فل توهـــانة

أتـنــــاست سكة وجع الامسية قاصدة

مرقت من شايلة غني الفجـــــرية

أزاهـر تضحك ما حــزنـــــــانة

مواسم فرحـــة وصوت فنانة

بتعشق زولةً نبتت زهـــــــرة

يعــرق خـــدّك... يشرب ريقوا الفرح الكل

النســمة المرقت في العصـــرية

عـريانة وكاشفة تمد الضـــل

ما لبست ابداً توب صيف عـمرك

ساوياكي عقيدة كمان تحلف بك

حتي النسمة شديد بتحـــبك ؟

انا برضي بحبك برضي بحبك

يا بنت بفخر بك



الشوق البطعن حد الســيف

الكلمـــــة المرقت نسمة صيف

كيف طلعت كيف ؟



أتوازي مع الشين يا غــنية

أنتي الدنيـــــا

أنتي بصــيص أملاً أجــمــل

منطـــق عشقـــــك ما بتبدل

ما بقـــبل حـــــل

ما بقبل حـــــــل